ຂ່າວເສດຖະກິດ-ສັງຄົມ

15/01/2025

ປີຜ່ານມາ ແຂວງເຊກອງ ເກັບລາຍຮັບໄດ້ 600 ຕື້ກວ່າກີບ
ໃນປີ 2024 ຜ່ານມາ, ແຂວງເຊກອງ ສາມາດຈັດເກັບລາຍຮັບເຂົ້າງົບປະມານໄດ້ທັງໝົດ 632.48 ຕື້ກີບ ທຽບໃສ່ແຜນປີເທົ່າກັບ 211.56%. ໃນນີ້, ລາຍຮັບພູດສູນກາງປະຕິບັດໄດ້ 127.03 ຕື້ກີບ ທຽບໃສ່ແຜນປີເທົ່າກັບ 164.83% ແລະລາຍຮັບພູດທ້ອງຖິ່ນ (ພູດຂອງແຂວງ) ປະຕິບັດໄດ້ 505.45 ຕື້ກີບ ທຽບໃສ່ແຜນປີເທົ່າກັບ 227.6%. ສ່ວນລາຍຈ່າຍປະຕິບັດໄດ້ 451.63 ຕື້ກີບ ທຽບໃສ່ແຜນປີເທົ່າກັບ 99.28% ...
#ອ່ານເພິ່ມເຕີມທີ່ລິງ: 👇🏻
http://www.sethakit-psx.la/detail13800.html
- ໜັງສືພິມເສດຖະກິດ-ສັງຄົມ
- ອ່ານຂ່າວອື່ນໆ ຫຼືຍ້ອນຫຼັງໄດ້ທີ່: www.sethakit-psx.la
- ພົວພັນນັກຂ່າວ : 021 316519, 021 316518, 020 55521126, 020 77802228, . ຫຼືສົ່ງຂໍ້ຄວາມທາງເພຈ: ຂ່າວເສດຖະກິດ-ສັງຄົມ

#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

15/01/2025

ແຂວງຜົ້ງສາລີ ເປີດສູນວາງສະແດງສິນຄ້າໂອດ໋ອບ ແຂວງຜົ້ງສາລີ
.
ພິທີເປີດສູນວາງສະແດງສິນຄ້າໂອດ໋ອບ ແຂວງຜົ້ງສາລີ ໄດ້ຈັດຂຶ້ນຢ່າງເປັນທາງການ ໃນຕອນບ່າຍຂອງວັນທີ 14 ມັງກອນ 2025 ທີ່ສູນດັ່ງກ່າວຕັ້ງຢູ່ບ້ານໂພນໂຮມ, ເມືອງບຸນເໜືອ ໂດຍການເປັນກຽດເຂົ້າຮ່ວມຂອງທ່ານ ຄຳຜອຍ ວັນນະສານ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຜົ້ງສາລີ, ມີບັນດາທ່ານການນຳພັກລັດຂັ້ນແຂວງ, ຂັ້ນເມືອງ, ຜູ້ປະກອບການ, ນັກທຸລະກິດ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ທະນູຄຳ ປິດຈະວົງ ຫົວໜ້າພະແນກອຸດສາຫະກຳ ແລະ ການຄ້າແຂວງຜົ້ງສາລີ ກ່າວວ່າ: ເພື່ອເປັນການຜັນຂະຫຍາຍແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX, ເປັນຕົ້ນ ວຽກງານການສົ່ງເສີມການຜະລິດເປັນສິນຄ້າ ຕິດພັນກັບນະໂຍບາຍການສົ່ງ ເສີມເຂົ້າເຖີງຕະຫຼາດ ດ້ວຍການຊຸກຍູ້ການຊົມໃຊ້ສິນຄ້າພາຍໃນ ໃຫ້ນັບມື້ນັບກວ້າງຂວາງ, ເປັນລະບົບ, ຕໍ່ເນື່ອງ ແລະ ຍືນຍົງ; ໃນປີ 2022 ທາງພະແນກອຸດສາຫະກຳ ແລະ ການຄ້າແຂວງ ໄດ້ຮັບທຶນຈາກ ກອງທຶນພີເສດແມ່ນໍ້າຂອງ-ແມ່ນໍ້າລ້ານຊ້າງ “ໂຄງການເສີມຂະຫຍາຍ ແລະ ສົ່ງເສີມຜະລິດຕະພັນທີ່ມີທ່າແຮງ ເພື່ອຜົນປະໂຫຍດ ຂອງບັນດາປະເທດລຸ່ມແມ່ນໍ້າຂອງ (ELMC)” ມູນຄ່າ 298,500 ໂດລາ ປະກອບມີ 8 ກິດຈະກໍາ; ເຊິ່ງໃນນັ້ນ ກິດຈະກໍາກໍ່ສ້າງສູນວາງສະແດງ ສິນ ຄ້າຂອງແຂວງຜົ້ງສາລີ ແມ່ນເປັນທຶນສົມທົບຂອງໂຄງການ (ELMC) ແລະ ງົບປະມານຂອງແຂວງ ຜົ້ງສາລີ. ຈຸດປະສົງ ເພື່ອສ້າງຕັ້ງເປັນສູນບໍລິການຂໍ້ມູນຂ່າວສານ, ໂຄສະນາ, ປະຊາສໍາພັນຜະລິດຕະພັນສິນຄ້າຂອງ ແຂວງຜົ້ງສາລີ ອອກສູ່ສັງຄົມ; ເພື່ອເປັນສະຖານທີ່ອຳນວຍຄວາມສະດວກ ໃຫ້ແກ່ຫົວໜ່ວຍທຸລະກິດ ນໍາເອົາສິນຄ້າ ແລະ ຜະລິດຕະພັນ ມາວາງສະແດງ ແລະ ຂາຍຢູ່ສູນດັ່ງກ່າວ; ເພື່ອເປັນສະຖານທີ່ຈັດກອງປະຊຸມສໍາມະນາ ແລກປ່ຽນບົດຮຽນທາງດ້ານການຕະຫຼາດ ລົງສູ່ການຜະລິດຢ່າງເປັນລະບົບ; ເພື່ອເປັນສະຖານທີ່ ທ່ອງທ່ຽວ, ຢ້ຽມຊົມ ຊື້-ຂາຍ ສິນຄ້າ ຂອງແຂກພາຍໃນ ແລະ ຕ່າງປະເທດ.

ສຳລັບການກໍ່ສ້າງສູນດັ່ງກ່າວ ໄດ້ເລີ່ມຫ້າງຫາກະກຽມມາແຕ່ເດືອນ ກັນຍາ 2023 ໂດຍແມ່ນບໍລິສັດ SKC ກໍ່ສ້າງ ແລະ ສ້ອມແປງເຄຫະສະຖານ, ຂົວ-ທາງ ແລະ ຊົນລະປະທານຈໍາກັດຜູ້ດຽວ ເປັນຜູ້ຮັບເໜົາໃນການກໍ່ສ້າງ ກ່ອນຈະລົງມືກໍ່ສ້າງໂດຍອີງໃສ່ເງື່ອນໄຂດ້ານສະຖານທີ່ຕັ້ງ, ແບບແຕ້ມ, ບວກກັບການເພີ່ມຂື້ນຂອງເງິນເຟີ້ພາຍໃນປະເທດ ເຮັດໃຫ້ລາຄາວັດສະດຸ ແລະ ອຸປະກອບຕ່າງໆ ມີການເພີ່ມຂື້ນຫຼາຍ ຈື່ງເຮັດໃຫ້ງົບປະມານບໍ່ພຽງພໍກັບ ບັນດາໜ້າວຽກກໍ່ສ້າງຕົວຈິງ, ສະນັ້ນ; ທາງຄະນະຮັບຜິດຊອບໂຄງການຈື່ງໄດ້ສະເໜີຂໍງົບປະມານ ນໍາແຂວງ ເພື່ອມາສົມທົບຕື່ມ ຈໍານວນ 568 ລ້ານກ່ວາກີບ ໂດຍສະເພາະວຽກ: ເທເບຕົງກັນເປື້ອນ, ເທເບຕົງເສີມເຫຼັກຮາກຖານແພ່, ຖົມຊາຍຫຍາຍເດີ່ນຈອດລົດ, ພ້ອມທັງຫົດນໍ້າຕຳແໜ້ນ, ເທເບຕົງເສີມເຫຼັກເດີ່ນຈອດລົດ, ແຕ້ມເສັ້ນຂຶ້ນເດີ່ນຈອດລົດ; ແຕ່ຜ່ານການກໍ່ສ້າງອາຄານຕົວຈິງ ໄດ້ສໍາເລັດ 31% ເຮັດໃຫ້ອາຄານໄດ້ຮັບຜົນກະທົບຈາກຈາກໄພທໍາມະຊາດ (ຝົນຕົກໜັກ) ເຮັດໃຫ້ດິນຍຸບ-ດິນສະໄລ້ ເຮັດໃຫ້ອາຄານແຕກຫັກ, ຍຸບລົງ ຈຶ່ງໄດ້ມີການດັດແກ້ແບບ ເພີ່ມເຕີມໜ້າວຽກຕື່ມ ແລະ ເລີ່ມການກໍ່ສ້າງຄືນໃໝ່ 100%; ເຊິ່ງລວມມູນຄ່າການກໍ່ສ້າງທັງໝົດ 4,7 ຕື້ກ່ວາກີບ.

ໃນພິທີໄດ້ມອບປ້າຍກາໝາຍສິນຄ້າໂອດ໋ອບໜຶ່ງເມືອງໜຶ່ງຜະລິດຕະພັນແຫ່ງຊາດ ວິສາຫະກິດສ່ວນບຸກຄົນ ເຫຼົ້າແດງພື້ນເມືອງເຊີລິນວົງ ບໍລິການຜະລິດເຫຼົ້າແດງຈາກຜະລິດຕະພັນໝາກກ້ວຍຕື່ມອີກ.

ໂອກາດນີ້ທ່ານ ຄຳຜອຍ ວັນນະສານ ເຈົ້າແຂວງຜົ້ງສາລີ ໄດ້ມີຄຳເຫັນຮຽກ ຮ້ອງໃຫ້ພະແນກອຸດສາຫະກໍາ ແລະ ການຄ້າແຂວງ ຕ້ອງສືບຕໍ່ສົ່ງເສີມ ແລະ ໄດ້ປຸກລະດົມບັນດາຫົວ ໜ່ວຍທຸລະກິດ ສຸມໃສ່ຜະລິດສິນຄ້າໃຫ້ຫຼາກຫຼາຍ ເພື່ອວາງຂາຍຢູ່ສູນແຫ່ງນີ້ ໃຫ້ເປັນປົກກະຕິຕໍ່ເນື່ອງ ແລະ ເພີ່ມຂຶ້ນ. ພ້ອມກັນນັ້ນກໍ່ເອົາໃຈໃສ່ໂຄສະນາຜ່ານສືຕ່າງໆ ໃຫ້ກ້ວາງຂວາງ ເພື່ອໃຫ້ສັງຄົມໄດ້ຮັບຮູ້ຢ່າງກ້ວາງຂວາງ ແລະ ເຂົ້າມາຂາຍ, ມາຊື້ ໃຫ້ເປັນຂະບວນຝົດຟື້ນ, ຕໍ່ກັບພະແນກກະສິກໍາ ແລະ ປ່າໄມ້ແຂວງ ຕ້ອງເປັນເຈົ້າການຄົ້ນຄວ້າ ແລະ ຊຸກຍູ້ສົ່ງເສີມດ້ານເຕັກນິກໃນການປູກ, ການລ້ຽງ ແລະ ການເກັບຮັກສາຜົນຜະລິດ ເພື່ອເປັນແຫຼ່ງວັດຖຸດິບສະໜອງໃຫ້ພຽງພໍກັບຄວາມຕ້ອງການໃນການປຸງແຕ່ງເປັນຜະລິດຕະພັນເຄິ່ງສໍາເລັດຮູບ ແລະ ສໍາເລັດຮູບ ກໍ່ຄືການຜະລິດ ODOP ໃຫ້ຫຼາກຫຼາຍ ແລະ ເພີ່ມຂຶ້ນ, ຕໍ່ກັບບັນດາເມືອງກໍ່ຕ້ອງເປັນເຈົ້າການ ຊຸກຍູ້ປະຊາຊົນບັນດາເຜົ່າປູກ, ລ້ຽງ ໃຫ້ຫຼາຍ ແລະ ເປັນສິນຄ້າສົ່ງອອກຕິດພັນກັບການສົ່ງເສີມການປຸງແຕ່ງ ດ້ວຍພູມປັນຍາຂອງປະຊາຊົນ ແລະ ແຂ່ງຂັນກັນຜະລິດໜຶ່ງບ້ານໜຶ່ງຜະລິດຕະພັນ ຕິດພັນກັບການສົ່ງເສີມການຊົມໃຊ້ໃຫ້ເພີ່ມຂຶ້ນ ເພື່ອສ້າງວຽກເຮັດງານທໍາ, ສ້າງອາຊີບໃຫ້ປະຊາຊົນ ມີລາຍຮັບ, ມີລາຍໄດ້ ແລະ ຫຼຸດພົ້ນອອກຈາກຄວາມທຸກຍາກເທື່ອລະກ້າວ ພ້ອມກັນນີ້ທ່ານໄດ້ຮຽກໃຫ້ໃຫ້ທຸກພາກສ່ວນທັງພາກລັດ ແລະ ສັງຄົມ ຊ່ວຍໂຄສະນາ, ປຸກລະດົມທົ່ວສັງຄົມມາຊົມໃຊ້ສູນວາງສະແດງສິນຄ້າແຫ່ງນີ້ ໃຫ້ກ້ວາງຂວາງ ແລະ ສົ່ງເສີມການຊົມໃຊ້ຜະລິດຕະພັນຂອງແຂວງໃຫ້ກວ້າງຂວາງ ແລະ ກາຍເປັນວັດທະນະທໍາໜຶ່ງຂອງຄົນລາວ, ເວລາມີແຂກຕ່າງດ້າວ, ຊາວຕ່າງເມືອງ ແລະ ແຂກຕ່າງປະເທດມາ ກໍ່ພາມາຢ້ຽມຢາມ ແລະ ຊື້ເປັນຂອງຕ້ອນຂອງຝາກ ເພື່ອໂຄສະນາຜະລິດຕະພັນຂອງແຂວງເຮົາໃຫ້ກ້ວາງຂວາງ ແລະ ເຂົ້າເຖິງຕະຫຼາດ ຢູ່ພາຍໃນ ແລະ ຕ່າງປະເທດຢ່າງກ້ວາງ ແລະ ເພີ່ມຂຶ້ນຢ່າງບໍ່ຢຸດຢັ້ງ.
ພາບ-ຂ່າວ: ແສງຄຳ ສາລີວັນ
#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

ບັນຍາກາດການທຳບຸນໃສ່ບາດ ງານບຸນພຣະທາດ-ພະບາດໂພນສັນ
ໃນຕອນເຊົ້າຂອງວັນທີ 13 ມັງກອນ 2025 ຢູ່ທີ່ວັດພະບາດໂພນສັນໄດ້ມີພິທີໃສ່ບາດງານບຸນນະມັດສະການພະບາດໂພນສັນປະຈຳປີ ພສ 2568, ງານບຸນນະມັດສະການພະບາດໂພນສັນແມ່ນຖືກຈັດຂຶ້ນໃນເດືອນສອງເພັງ (ເດືອນລາວ) ຂອງທຸກໆປີ ຄື ຂຶ້ນ 12 ຄໍ່າຈົນຮອດມື້ຂຶ້ນ 15 ຄໍ່າ ເດືອນ 2 ລາວ, ສະເພາະໃນປີນີແມ່ນກົງກັບວັນທີ10 ມັງກອນ ຫາ 13 ມັງກອນ 2025.

ບັນຍາກາດການໃສ່ບາດໃນປີນີ້ເຫັນວ່າມີຄວາມຟົດຟື້ນຫຼາຍ, ຊາວພຸດທະສານິກະຊົນທັ່ງຫຼາຍ ພ້ອມໃຈກັນຕື່ນແຕ່ເຊົ້າ ເພື່ອກະກຽມເຄື່ອງໃສ່ບາດ, ນຸ່ງເຄື່ອງຕາມຮີດຄອງປະເພນີອັນດີງາມຂອງຊາດລາວ ໃນພິທີທາງສາສະໜາເລີ່ມດ້ວຍການໄຫ້ວພຣະຮັບສິນ, ໃສ່ບາດ, ຟັງເທດສະໜາ, ຢາດນໍ້າ ແລະຄາລະວະຮັບພອນ.
ທີ່ມາ : ສະຖານີວິທະຍຸ ເມືອງ ທ່າພະບາດ

#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

ມາຮູ້ຈັກກັບລົດໄຟໃຫມ່ຫຼ້າສຸດລຸ້ນ CR450 ທີ່ແລ່ນໄດ້ຄວາມໄວສູງສຸດເຖິງ 450 ກິໂລແມັດຕໍ່ຊົ່ວໂມງ ຂອງ ສປ ຈີນ
ໃນວັນທີ 29 ທັນວາ 2024 ທີ່ຜ່ານມາ, ສປ ຈີນ ໄດ້ເປີດໂຕລົດໄຟລຸ້ນ CR450 ໂດຍຈະມີ 2 ແບບຄື CR450 AF ແລະ CR450 BF, ເປັນລົດໄຟຄວາມໄວສູງລຸ້ນໃໝ່ ທີ່ສາມາດແລ່ນໄດ້ຄວາມໄວສູງສຸດເຖິງ 450 ກິໂລແມັດຕໍ່ຊົ່ວໂມງ, ເຮັດໃຫ້ກາຍເປັນລົດໄຟທີ່ແລ່ນໄວທີ່ສຸດໃນໂລກ.
ລົດໄຟລຸ້ນ CR450 ເປັນລົດໄຟທີ່ແລ່ນດ້ວຍຄວາມໄວສູງ, ໃນຊ່ວງໃຫ້ບໍລິການອາດຈະແລ່ນຢູ່ທີ່ 400 ກິໂລແມັດຕໍ່ຊົ່ວໂມງ, ນອກຈາກນັ້ນແລ້ວ ຍັງເປັນລົດໄຟທີ່ປະຢັດພະລັງງານ, ຫຼຸດຜ່ອນສຽງລົບກວນ, ມີໄລຍະການເບກທີ່ສັ້ນລົງ ແລະ ອັດສະລິຍະກວ່າເກົ່າ. ລົດໄຟລຸ້ນ CR450 ເປັນການກ້າວກະໂດດອັນສໍາຄັນທາງດ້ານວິທະຍາສາດການລົດໄຟຂອງ ສປ ຈີນ ເຊິ່ງຈະຍົກສູງລະດັບນະວັດຕະກຳວິທະຍາສາດເຕັກໂນໂລຊີທາງລົດໄຟຂອງຈີນ, ຄວາມເປັນເອກະລາດດ້ານວິທະຍາສາດ , ການເພິ່ງພາຕົນເອງ ແລະ ເປັນຜູ້ນໍາດ້ານວິທະຍາສາດການລົດໄຟ.
ຈຸດເດັ່ນຂອງລົດໄຟລຸ້ນ CR450 ແມ່ນສາມາດຫຼຸດແຮງຕ້ານລົມລົງ ດ້ວຍເຕັກນິກໃໝ່ ແລະ ວັດສະດຸໃໝ່ ເຊິ່ງຮູບຮ່າງຂອງຫົວລົດໄຟ ແລະ ຄວາມຍາວຂອງຫົວລົດໄຟຈະຍາວກວ່າເກົ່າ, ນຳໃຊ້ແຂນຮັບໄຟຟ້າແຮງສູງ(pantograph) ທີ່ມີແຮງຕ້ານຕ່ຳ, ມີລະບົບໂບກີ້(bogie)ທີ່ກວມຫຸ້ມເພື່ອຫຼຸດແຮງຕ້ານ,ມີຢາງປົກຫຸ້ມຈຸດເຊື່ອມຕູ້ລົດໄຟ(vestibule diaphragm)ຢ່າງແໜ້ນໜາ.
ການອອກແບບພາຍໃນຕົວລົດຈະມີການເພີ່ມຫ້ອງສ່ວນຕົວແບບອະເນກປະສົງຫຼາຍແບບຄື: ຫ້ອງສ່ວນຕົວແບບຄົນດຽວ, ຫ້ອງສ່ວນຕົວແບບ 4 ຄົນ ແລະ ຫ້ອງສ່ວນຕົວແບບອາເນກປະສົງ, ພາຍໃນຈະມີສິ່ງອຳນວຍຄວາມສະດວກຄົບ, ເຂົ້າອອກດ້ວຍລະຫັດຜ່ານ. ໃນລົດຍັງມີພື້ນທີ່ຈັດເກັບເຄື່ອງທີ່ຫຼາກຫຼາຍ ແລະ ການອອກແບບທີ່ທັນສະໄຫມ ຄວບຄຸມດ້ວຍລະບົບອັດສະລິຍະ.
ທີ່ມາ: CMG
#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

ຫາລືວຽກສຳຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດ
ກອງປະຊຸມຄະນະຊີ້ນຳລະດັບຊາດ ຄັ້ງທີ III ຂອງການສຳຫລວດພົນລະເມືອງ ແລະ ທີ່ຢູ່ອາໄສທົ່ວປະເທດ ຄັ້ງທີ V ປີ 2025 ຈັດຂຶ້ນໃນວັນທີ 14 ມັງກອນ 2025 ໂດຍການເປັນປະທານຂອງທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ, ຫົວໜ້າຊີ້ນຳລະດັບຊາດ ສຳລັບການສຳຫລວດພົນລະເມືອງ ແລະ ທີ່ຢູ່ອາໄສ ທົ່ວປະເທດ ຄັ້ງທີ V ປີ 2025 ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ ...
#ອ່ານເພິ່ມເຕີມທີ່ລິງ: 👇🏻
http://www.sethakit-psx.la/detail13799.html
- ໜັງສືພິມເສດຖະກິດ-ສັງຄົມ
- ອ່ານຂ່າວອື່ນໆ ຫຼືຍ້ອນຫຼັງໄດ້ທີ່: www.sethakit-psx.la
- ພົວພັນນັກຂ່າວ : 021 316519, 021 316518, 020 55521126, 020 77802228, . ຫຼືສົ່ງຂໍ້ຄວາມທາງເພຈ: ຂ່າວເສດຖະກິດ-ສັງຄົມ

#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

ປີກາຍ ແຂວງເຊກອງ ລະດົມທຶນພັດທະນາໄດ້ 1,500 ຕື້ກວ່າກີບ
ຕາມການລາຍງານຂອງທ່ານ ສາກົນ ພອນປະເສີດ ຫົວໜ້າພະແນກແຜນການ ແລະການລົງທຶນໃນກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງເຊກອງ ຊຸດທີ II ໃຫ້ຮູ້ວ່າ: ໃນປີ 2024 ຜ່ານມາ, ແຂວງເຊກອງ ສາມາດລະດົມແຫລ່ງທຶນ ເຂົ້າໃນການພັດທະນາພື້ນຖານໂຄງລ່າງໄດ້ທັງໝົດ 1,548,3 ຕື້ກີບ ປະຕິບັດໄດ້ລື່ນແຜນ 26,59%. ໃນນີ້, ການລົງທຶນຂອງລັດ 96.30 ຕື້ກີບ ປະຕິບັດໄດ້ລື່ນແຜນ 31.23%, ທືຶນຊ່ວຍເຫລືອລ້າ-ກູ້ຢືມ 4 ລ້ານໂດລາ ຫລື ເທົ່າກັບ 88 ຕື້ກີບ ປະຕິບັດໄດ້ 59.55% ແລະການລົງທຶນຂອງເອກະຊົນພາຍໃນ ແລະຕ່າງປະເທດ 62 ລ້ານໂດລາ ຫລື ເທົ່າກັບ 1,364 ຕື້ກີບ ປະຕິບັດໄດ້ລື່ນແຜນ 35,99%.

ພ້ອມກັນນີ້, ການຈັດຕັ້ງປະຕິບັດບັນດາຄາດໝາຍຂະແໜງການເສດຖະກິດໂດຍສະເພາະແມ່ນການຜະລິດເຂົ້າເປືອກໄດ້ທັງໝົດ 46,414 ໂຕນ ທຽບໃສ່ແຜນເທົ່າກັບ 97.9%, ພືດສະບຽງອາຫານ 57,343 ໂຕນ ເທົ່າກັບ 152.62% ແລະ ການຜະລິດເປັນສິນຄ້າ 334,425 ໂຕນ ທຽບໃສ່ເທົ່າກັບ 123.68%; ການສົ່ງອອກຢາງພາລາກ້ອນ ປະຕິບັດໄດ້ 828,880 ໂຕນ, ກາເຟ 831.66 ໂຕນ, ມັນຕົ້ນແຫ້ງ 36,344 ໂຕນ. ນອກນັ້ນ, ຍັງໄດ້ສົ່ງອອກຜັກຊູ, ຜັກກາດ, ຖ່ານຫີນ,ມັນດ້າງ,ດອກອັນຊັນແຫ້ງ,ຜະລິດຕະພັນໄມ້ແປຮູບ, ແຮ່ບົກຊິດ ແລະຖ່ານຂາວຈໍານວນໜຶ່ງ; ມີບ້ານໄດ້ຊົມໄຊ້ໄຟ້ຟ້າຖາວອນ (ໄຟຟ້າໃນລະບົບ) ທັງໝົດ 164 ບ້ານ 20,393 ຫລັງຄາເຮືອນ ກວມເອົາ 90,85% ຂອງຈໍານວນຄາເຮືອນທັງໝົດທົ່ວແຂວງ; ການຈໍລະຈອນສິນຄ້າກະສິກຳ, ສິນຄ້າທົ່ວໄປ, ການຂາຍຍົກ-ຂາຍຍ່ອຍ ແລະ ບໍລິການ ປະຕິ ບັດໄດ້ 474,73 ຕື້ກີບ ທຽບໃສ່ແຜນລື່ນແຜນ 64%; ມີນັກທ່ອງທ່ຽວເຂົ້າມາທ່ຽວຊົມແຂວງເຊກອງທັງໝົດ 106.641 ເທື່ອຄົນ ທຽບໃສ່ປີ 2023 ເພີ່ມຂື້ນ 67,498 ເທື່ອຄົນ ສາມາດສ້າງລາຍຮັບໄດ້ 6,66 ລ້ານໂດລາ ປະຕິບັດລື່ນແຜນ 77,73%.

ທ່ານ ສາກົນ ພອນປະເສີດ ໃຫ້ຮູ້ຕື່ມວ່າ: ປີ 2025 ແຂວງເຊກອງວາງຄາດໝາຍສູ້ຊົນເຮັດໃຫ້ເສດຖະກິດຂະຫຍາຍຕົວເພີ່ມຂື້ນໃນລະດັບ 6,2% ຂຶ້ນໄປ, ລວມຍອດຜະລິດຕະພັນພາຍໃນ (GDP) ໃຫ້ບັນລຸ 3,376 ຕື້ກີບ ແລະ ມູນຄ່າ (GDP) ສະເລ່ຍໃສ່ປະຊາກອນປະມານ 24.25 ລ້ານກີບ ຫລືເທົ່າກັບ 1,123 ໂດລາສະຫະລັດ. ສະນັ້ນ, ມີຄວາມຕ້ອງການທຶນເຂົ້າໃນການພັດທະນາທັງໝົດປະມານ 1,308 ຕື້ກີບ ກວມເອົາ 36% ຂອງ GDP. ໃນນີ້, ການລົງທຶນຈາກງົບປະມານລັດ 91 ຕື້ກີບ ກວມເອົາ 7%, ທຶນຊ່ວຍເຫລືອລ້າ-ກູ້ຢືມ 170 ຕື້ກີບ ກວມເອົາ 13% ແລະການທຶນຂອງເອກະຊົນພາຍໃນ ແລະຕ່າງປະເທດ 1,047 ຕື້ກີບກວມເອົາ 80% ຂອງຄວາມຕ້ອງການທຶນທັງໝົດ.
ຂ່າວ: ສັນຍາ, ພາບ: ອັດສະວິນ
- ໜັງສືພິມເສດຖະກິດ-ສັງຄົມ
- ອ່ານຂ່າວອື່ນໆ ຫຼືຍ້ອນຫຼັງໄດ້ທີ່: www.sethakit-psx.la
- ພົວພັນນັກຂ່າວ : 021 316519, 021 316518, 020 55521126, 020 77802228, . ຫຼືສົ່ງຂໍ້ຄວາມທາງເພຈ: ຂ່າວເສດຖະກິດ-ສັງຄົມ

#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

ລັດຖະບານ ຈະສຸມໃສ່ແກ້ໄຂຄວາມຫຍຸ້ງຍາກ ດ້ານເສດຖະກິດ-ການເງິນ ໃຫ້ເປັນຮູບປະທຳ
ໃນປີ 2025 ນີ້, ລັດຖະບານຈະສຸມໃສ່ແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ໃຫ້ເປັນຮູບປະທຳເທື່ອລະກ້າວໂດຍສະເພາະຈະສືບຕໍ່ສຸມໃສ່ ແກ້ໄຂບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ ແລະ ການແກ້ໄຂໜີ້ສິນ. ພ້ອມກັນນັ້ນ, ຈະສືບຕໍ່ສຸມໃສ່ປະຕິບັດສອງວາລະແຫ່ງຊາດໃນທ້າຍສະໄໝຕິດພັນກັບການແກ້ໄຂຜົນກະທົບ ຈາກໄພທຳມະຊາດ ໃນປີ 2024 ດ້ວຍຄວາມບຸກບືນສູ້ຊົນ ໃຫ້ໄດ້ເປັນກ້າວໆ ແລະຢ່າງມີຈຸດສຸມ ...
#ອ່ານເພິ່ມເຕີມທີ່ລິງ: 👇🏻
http://www.sethakit-psx.la/detail13797.html
- ໜັງສືພິມເສດຖະກິດ-ສັງຄົມ
- ອ່ານຂ່າວອື່ນໆ ຫຼືຍ້ອນຫຼັງໄດ້ທີ່: www.sethakit-psx.la
- ພົວພັນນັກຂ່າວ : 021 316519, 021 316518, 020 55521126, 020 77802228, . ຫຼືສົ່ງຂໍ້ຄວາມທາງເພຈ: ຂ່າວເສດຖະກິດ-ສັງຄົມ

#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

ຮອງລັດຖະມົນຕີ ລົງຊີ້ນຳໂຄງການເຂື່ອນໄຟຟ້ານໍ້າຕົກ ນໍ້າທາ 3 ໃຫ້ກັບມານຳໃຊ້ເປັນປົກກະຕິໂດຍໄວ ແລະຮັບປະກັນການສະໜອງນໍ້າໃຫ້ຊົນລະປະທານ
ໃນວັນທີ 14 ມັງກອນ 2025 ຂອງທ່ານ ຈັນທະບູນ ສຸກອາລຸນ ຮອງລັດຖະມົນຕີກະຊວງພະລັງງານ ແລະບໍ່ແຮ່ ພ້ອມດ້ວຍຄະນະສະເພາະກິດ 118 ເຊິ່ງປະກອບມີຜູ້ຕາງໜ້າຈາກຫ້ອງວ່າການສຳນັກງານນາຍົກລັດຖະມົນຕີ, ກະຊວງການເງິນ, ກະຊວງແຜນການ ແລະການລົງທຶນ, ກະຊວງໂຍທາທິການ ແລະ ຂົນສົ່ງ, ບັນດາກົມກອງອ້ອມຂ້າງກະຊວງພະລັງງານ ແລະບໍ່ແຮ່ ພ້ອມດ້ວຍລັດວິສາຫະກິດໄຟຟ້າລາວ ...
#ອ່ານເພິ່ມເຕີມທີ່ລິງ: 👇🏻
http://www.sethakit-psx.la/detail13796.html
- ໜັງສືພິມເສດຖະກິດ-ສັງຄົມ
- ອ່ານຂ່າວອື່ນໆ ຫຼືຍ້ອນຫຼັງໄດ້ທີ່: www.sethakit-psx.la
- ພົວພັນນັກຂ່າວ : 021 316519, 021 316518, 020 55521126, 020 77802228, . ຫຼືສົ່ງຂໍ້ຄວາມທາງເພຈ: ຂ່າວເສດຖະກິດ-ສັງຄົມ

#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

ສພຂ ເຊກອງ ໄຂກອງປະຊຸມສະໄໝສາມັນ ເທື່ອທີ 8
ກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນ ແຂວງເຊກອງ (ສພຂ) ຊຸດທີ II ໄຂຂຶ້ນໃນວັນທີ 14 ມັງກອນ 2025 ໂດຍເປັນປະທານຂອງທ່ານ ດົງເພັດ ພະຍົນ ຮອງເລຂາພັກແຂວງປະທານສະພາປະຊາຊົນແຂວງ, ໃຫ້ກຽດເຂົ້າຮ່ວມມີ ທ່ານ ເຫລັກໄຫລ ສີວິໄລ ກໍາມະການສູນກາງພັກເລຂາພັກແຂວງເຈົ້າແຂວງເຊກອງ, ທ່ານຮອງເຈົ້າແຂວງ, ການນໍາພັກ-ລັດຂັ້ນແຂວງ, ສະມາຊິກສະພາແຫ່ງຊາດ (ສສຊ) ແລະ ສະມາຊິກສະພາປະຊາຊົນແຂວງ (ສສຂ) ເຂົ້າຮ່ວມ ...
#ອ່ານເພິ່ມເຕີມທີ່ລິງ: 👇🏻
http://www.sethakit-psx.la/detail13795.html
- ໜັງສືພິມເສດຖະກິດ-ສັງຄົມ
- ອ່ານຂ່າວອື່ນໆ ຫຼືຍ້ອນຫຼັງໄດ້ທີ່: www.sethakit-psx.la
- ພົວພັນນັກຂ່າວ : 021 316519, 021 316518, 020 55521126, 020 77802228, . ຫຼືສົ່ງຂໍ້ຄວາມທາງເພຈ: ຂ່າວເສດຖະກິດ-ສັງຄົມ

#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

ຜະລິດຕະພັນຝ້າຍພື້ນບ້ານ “ບ້ານນາແກ່ນຄໍາ” ສາຍໃຍແຫ່ງຊີວິດຈາກຮຸ່ນສູ່ຮຸ່ນ
ປະເພນີຂອງ ຊົນເຜົ່າລື້ ແຕ່ບູຮານ ແມ່ຍິງລາວໃນບ້ານ ຕ້ອງຮຽນຮູ້ການຕໍ່າຫູກ ຖ່າຍທອດມາເປັນມໍລະດົກທາງວັດທະນະທໍາຈາກຮຸ່ນສູ່ຮຸ່ນ, ຊົນເຜົ່າລື້ນິຍົມປູກຝ້າຍໄວ້ຕໍ່າເອງການຮຽນຮູ້ຕໍ່າຫູກຂອງແມ່ຍິງ ຊົນເຜົ່າລື້ ຈຶ່ງບໍ່ໄດ້ເປັນພຽງແຕ່ທັກສະຕິດຕົວ ຫຼື ຄຸນສົມບັດໃນການສ້າງຄອບຄົວໃໝ່ແຕ່ຍັງໝາຍເຖິງການສົ່ງຕໍ່ຄວາມຮັກ ແລະຄວາມອົບອຸ່ນສູ່ສະມາຊິກທຸກຄົນໃນຄອບຄົວ.

ຊົນເຜົ່າລື້ ບ້ານນາແກ່ນຄໍາ ເມືອງຫົງສາ ແຂວງໄຊຍະບູລີ ແມ່ນຊຸມຊົນ ຊົນເຜົ່າລື້ ທີ່ຂະຫຍາຍມາຈາກພື້ນທີ່ເກົ່າຈາກຈຸດຕັ້ງໂຄງການໂຮງໄຟຟ້າພະລັງງານຄວາມຮ້ອນຫົງສາ. ສໍາລັບຜະລິດຕະພັນຝ້າຍພື້ນບ້ານ “ບ້ານນາແກ່ນຄໍາ” ແມ່ນຖ່າຍທອດງານສີມືອັນເປັນເອກກະລັກຂອງຊົນເຜົ່າດັ່ງກ່າວດ້ວຍວິທີໃນການເຮັດທີ່ໄດ້ມາຈາກທໍາມະຊາດຕັ້ງແຕ່ການປູກຝ້າຍແບບທຳມະຊາດ ແລະການເຂັນຝ້າຍເປັນເສັ້ນ ການຍ້ອມດ້ວຍສີທໍາມະຊາດຈາກພືດພັນໃນທ້ອງຖິ່ນເຊັ່ນ: ສີຟ້າເຂັ້ມ ໄດ້ຈາກໃບຫ້ອມ ຫຼືໃບຄາມ, ສີຂຽວຈາກໃບຫ້ອມສົດ ແລະສີແດງໄດ້ຈາກເປືອກຕົ້ນໄມ້ດູ່, ຊຶ່ງໄດ້ຫຍິບແສ່ວອອກມາເປັນຜືນຜ້າທີ່ມີລວດລາຍບອກເລົ່າເຖິງວິຖີຊີວິດ ແລະ ຄວາມເຊື່ອຂອງພີ່ນ້ອງ ຊົນເຜົ່າລື້. ໂດຍຜືນຜ້າທີ່ຫຍິບແສ່ວສໍາເລັດ ຈຶ່ງປຽບເໝືອນຂອງຂວັນອັນພິເສດ ທີ່ລວມເອົາຄຸນຄ່າຈາກທໍາມະຊາດ ແລະ ເອກກະລັກຂອງຊຸມຊົນຜູ້ຜະລິດເຂົ້າໄວ້ດ້ວຍກັນ.

ບໍລິສັດ ໄຟຟ້າ ຫົງສາ ຈຳກັດ ມີຄວາມພູມໃຈທີ່ໄດ້ເປັນສ່ວນໜຶ່ງໃນການສະນັບສະໜູນການສືບສານມໍລະດົກທາງວັດທະນະທຳອັນເປັນເອກກະລັກນີ້ດ້ວຍການສະໜັບສະໜູນດ້ານວິຊາການ ເພື່ອພັດທະນາຄຸນນະພາບຂອງຜ້າຝ້າຍຕໍ່າດ້ວຍມື “ບ້ານນາແກ່ນຄໍາ” ຈົນກ້າວຂຶ້ນມາເປັນທີ່ຮູ້ຈັກຢ່າງຫຼວງຫຼາຍສາມາດສ້າງລາຍຮັບໄດ້ໃຫ້ກັບຊຸມຊົນຢ່າງຕໍ່ເນື່ອງ ແລະຍັງເປັນສ່ວນໜຶ່ງໃນການສືບທອດສິລະປະວັດທະນະທຳທີ່ມີຄຸນຄ່າໃຫ້ຢູ່ກັບປະຊາຊົນລາວ ແລະປະເທດລາວສືບຕໍ່ໄປ.
#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

ປີ 2024 ຈີດີພີ ແຂວງເຊກອງ ບັນລຸເກືອບ 3 ພັນຕື້ກີບ
ໃນປີ 2024 ຜ່ານມາ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງແຂວງເຊກອງມີຜົນສໍາເລັດພົ້ນເດັ່ນຫລາຍດ້ານເຮັດໃຫ້ເສດຖະກິດຂະຫຍາຍຕົວຢ່າງຕໍ່ເນື່ອງ ໃນລະດັບ 6% ລວມຍອດຜະລິດຕະພັນພາຍໃນ (GDP) ບັນລຸໄດ້ 2.984 ຕື້ກີບ. ໃນນີ້, ຂະແໜງກະສີກໍາເພີ່ມຂຶ້ນ 4,32% ກວມເອົາ 62,81%, ຂະແໜງອຸດສະຫະກໍາ ເພີ່ມຂຶ້ນ 7,10% ກວມເອົາ 22,51% ແລະຂະແໜງບໍລິການ ເພີ່ມຂຶ້ນ 6,84% ກວມເອົາ 14,68%, ສະເລ່ຍຕໍ່ຫົວຄົນບັນລຸໄດ້ 21,43 ລ້ານກີບຕໍ່ຄົນຕໍ່ປີ ...
#ອ່ານເພິ່ມເຕີມທີ່ລິງ: 👇🏻
http://www.sethakit-psx.la/detail13790.html
- ໜັງສືພິມເສດຖະກິດ-ສັງຄົມ
- ອ່ານຂ່າວອື່ນໆ ຫຼືຍ້ອນຫຼັງໄດ້ທີ່: www.sethakit-psx.la
- ພົວພັນນັກຂ່າວ : 021 316519, 021 316518, 020 55521126, 020 77802228, . ຫຼືສົ່ງຂໍ້ຄວາມທາງເພຈ: ຂ່າວເສດຖະກິດ-ສັງຄົມ

#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

ຄອບຄົວມີຊີວິດດີຂຶ້ນຍ້ອນລ້ຽງໄກ່ ແລະ ລ້ຽງປາ
ຄອບຄົວລຸງບຸນອ່ອນ ສໍເມືອງຊໍາ ອາຍຸ 72 ປີພະນັກງານບໍານານຢູ່ບ້ານນາຊີງ ເມືອງພຽງແຂວງ ໄຊຍະບູລີ ແມ່ນໜຶ່ງໃນຄອບຄົວຕົວແບບໃນການສ້າງເສດຖະກິດ ...
#ອ່ານເພິ່ມເຕີມທີ່ລິງ: 👇🏻
http://www.sethakit-psx.la/detail13789.html
- ໜັງສືພິມເສດຖະກິດ-ສັງຄົມ
- ອ່ານຂ່າວອື່ນໆ ຫຼືຍ້ອນຫຼັງໄດ້ທີ່: www.sethakit-psx.la
- ພົວພັນນັກຂ່າວ : 021 316519, 021 316518, 020 55521126, 020 77802228, . ຫຼືສົ່ງຂໍ້ຄວາມທາງເພຈ: ຂ່າວເສດຖະກິດ-ສັງຄົມ

#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

ລັດຖະບານ ໄດ້ຮັບການຊ່ວຍເຫຼືອລົດໄຟຟ້າ ຈຳນວນ 5 ຄັນ
ໃນຕອນແລງ ວັນທີ 13 ມັງກອນ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ (ຫສນຍ) ໄດ້ມີພິທີມອບ-ຮັບລົດເກັງໄຟຟ້າ ທີ່ໄດ້ຮັບການຊ່ວຍເຫຼືອລ້າ ຈາກບໍລິສັດ ພີແອວຊີ ໂອໂຕຄາ ຈຳກັດ ໃຫ້ແກ່ລັດຖະບານ; ຊຶ່ງຕາງໜ້າລັດຖະບານກ່າວຮັບໂດຍທ່ານ ບົວຄົງ ນາມມະວົງ, ລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີ ແລະ ກ່າວມອບໂດຍທ່ານ ວູ ຊິນ ລີ, ຄະນະບໍລິຫານບໍລິສັດ ພີແອວຊີ ໂອໂຕຄາ ຈໍາກັດ; ມີທ່ານ ຮອງລັດຖະມົນຕີ, ຮອງຫົວໜ້າຫ້ອງວ່າການສໍານັກງານນາຍົກລັດຖະມົນຕີ, ຜູ້ຕາງໜ້າຈາກກະຊວງການຕ່າງປະເທດ ແລະ ກະຊວງໂຍທາທິການ ແລະ ຂົນສົ່ງ, ທ່ານ ເສີນ ອ່າງ, ຕົວແທນດ້ານກົດໝາຍບໍລິສັດ ພີແອວຊີ ໂອໂຕຄາ ຈໍາກັດ ປະຈຳລາວ, ທ່ານ ນາງ ສຸລິນ ຊະນະໄຊ, ຮອງປະທານບໍລິສັດ ພີແອວຊີ ໂອໂຕຄາ ຈໍາກັດ ແລະ ພະນັກງານທີ່ກ່ຽວຂ້ອງ ເຂົ້າຮ່ວມ.
ລົດເກັງໄຟຟ້າ ທີ່ໄດ້ຮັບການຊ່ວຍເຫຼືອລ້າ ຈາກບໍລິສັດ ພີແອວຊີ ໂອໂຕຄາ ຈຳກັດ ໃນຄັ້ງນີ້ ແມ່ນຍີ່ຫໍ້ Hongqi, ລຸ້ນ EQM5 ຈໍານວນ 5 ຄັນ ລວມມູນຄ່າທັງໝົດ 2,2 ຕື້ກີບ ເພື່ອມອບໃຫ້ແກ່ລັດຖະບານ ນຳໃຊ້ເຂົ້າໃນການເຄື່ອນໄຫວວຽກງານລວມ, ທັງ ເປັນການປະກອບສ່ວນຜັນຂະຫຍາຍນະໂຍບາຍປະຢັດມັດທະ ຍັດ, ຫຼຸດຜ່ອນການນຳເຂົ້ານໍ້າມັນເຊື້ອໄຟ, ສົ່ງເສີມການນຳໃຊ້ພະ ລັງງານສະອາດ, ເປັນມິດກັບສິ່ງແວດລ້ອມ ຕາມທິດສີຂຽວ ແລະ ຍືນຍົງ.
ໃນໂອກາດນີ້, ທ່ານ ລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີ ຕາງໜ້າໃຫ້ແກ່ລັດຖະບານ ໄດ້ກ່າວສະ ແດງຄວາມຂອບໃຈ ແລະ ຕີລາຄາສູງ ຕໍ່ການສະໜັບສະໜູນຊ່ວຍເຫຼືອຂອງບໍລິສັດດັ່ງກ່າວ ໃນຄັ້ງນີ້ ເຊິ່ງສະແດງເຖິງການໃຫ້ຄວາມສຳຄັນຕໍ່ວຽກງານລວມ ແລະ ປະກອບສ່ວນເຂົ້າໃນການພັດທະນາ ສປປ ລາວ; ໄດ້ໃຫ້ຄຳໝັ້ນສັນຍາວ່າ ຈະປົກປັກຮັກສາ ແລະ ນຳໃຊ້ລົດ ທີ່ໄດ້ຮັບການຊ່ວຍເຫຼືອໃນຄັ້ງນີ້ ໃຫ້ນຳໃຊ້ໄດ້ຍາວນານ, ເກີດປະໂຫຍດສູງສຸດ ແລະ ເປັນໄປຕາມຈຸດປະສົງທີ່ນຳມາມອບໃຫ້ແກ່ລັດຖະບານ ຢ່າງແທ້ຈິງ.
ຂ່າວ: ກົມປະຊາສຳພັນ ຫສນຍ.
#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

14/01/2025

ນ້ຳໝອກກ້າມ ມື້ທີ 2
ທີ່: ໂຮງຮຽນການທະຫານທ້ອງຖິ່ນ ແຂວງຫົວພັນ ບ້ານສະເຫຼີ້ຍ, ເມືອງຊຳເໜືອ, ແຂວງຫົວພັນ.
(14/1/2025)
ຂໍ້ມູນ: ໂພສີ ແກ້ວທະສອນ

14/01/2025

ເຊກອງ ກຽມສໍາຫຼວດພົນລະເມືອງ ແລະທີ່ຢູ່ອາໄສ ຄັ້ງທີ V
ແຂວງເຊກອງ ຈັດກອງປະຊຸມຄະນະຊີ້ນໍາຂັ້ນແຂວງ ຄັ້ງທີ I ເພື່ອກຽມຄວາມພ້ອມໃຫ້ແກ່ການສໍາຫລວດພົນລະເມືອງ ແລະ ທີ່ຢູ່ອາໄສ ທົ່ວປະເທດ ຄັ້ງທີ V ໃນວັນທີ 13 ມັງກອນ 2025 ໂດຍການເປັນປະທານຂອງທ່ານ ເຫລັກໄຫລ ສີວິໄລ ເຈົ້າແຂວງເຊກອງ, ຫົວໜ້າຄະນະຊີ້ນໍາການສໍາຫລວດພົນລະເມືອງ ແລະ ທີ່ຢູ່ອາໄສ ທົ່ວປະເທດ ຄັ້ງທີ V ຂັ້ນແຂວງ, ມີຂະແໜງການກ່ຽວຂ້ອງອ້ອມຂ້າງແຂວງ ແລະ ເມືອງ 4 ຕົວເມືອງ ເຂົ້າຮ່ວມ.
ໃນກອງປະຊຸມ, ໄດ້ຮັບຟັງການລາຍງານກ່ຽວກັບ ຄວາມຄືບຫນ້າໃນການກະກຽມການຈັດຕັ້ງປະຕິບັດການສໍາຫລວດ, ແຜນດໍາເນີນງານການສໍາຫລວດ ແລະ ການແບ່ງຄວາມຮັບຜິດຊອບຂອງຄະນະຊີ້ນໍາຂັ້ນແຂວງ ແລະ ຂັ້ນເມືອງ; ແຜນຈັດຕັ້ງປະຕິບັດການສໍາຫລວດ, ເນື້ອໃນແບບສອບຖາມ ຂອງການສາຫລວດ; ແຜນການສໍາຫລວດ ແລະ ແຜນໂຄສະນາເຜີຍແຜ່ ກ່ຽວກັບການສໍາຫລວດພົນລະເມືອງ ແລະ ທີ່ຢູ່ອາໄສທົ່ວປະເທດ ຄັ້ງທີ V ປີ 2025 ຈາກຄະນະຊີ້ນໍາຂັ້ນແຂວງ. ຈາກນັ້ນ, ກໍໄດ້ຮັບຟັງການປະກອບຄໍາເຫັນ ແລະ ແລກປ່ຽນບົດຮຽນໃນບາງບັນຫາທີ່ເຫັນວ່າ ຍັງບໍ່ທັນຈະແຈ້ງ, ຍັງບໍ່ທັນລະອຽດ ເພື່ອເຮັດໃຫ້ການຈັດຕັ້ງປະຕິບັດການສໍາຫລວດຄັ້ງນີ້ ໄດ້ຮັບຜົນສໍາເລັດ ແລະ ມີຄຸນນະພາບ.
ທ່ານ ເຫຼັກໄຫຼ ສີວິໄລ ທ່ານ ເຫລັກໄຫລ ສີວິໄລ ໄດ້ກ່າວວ່າ: ກອງປະຊຸມຄັ້ງນີ້ ແມ່ນເປັນການກະກຽມຄວາມພ້ອມຮອບດ້ານໃຫ້ແກ່ການສໍາຫລວດພົນລະເມືອງ ແລະ ທີ່ຢູ່ອາໄສທົ່ວປະເທດ ຄັ້ງທີ V ປີ 2025 ຂອງແຂວງເຊກອງ ໃຫ້ສາມາດດໍາເນີນໄປຕາມແຜນການ ແລະ ໄດ້ຮັບໝາກຜົນສູງສຸດ. ສະນັ້ນ, ຄະນະຊີ້ນໍາຂັ້ນແຂວງ, ຂັ້ນເມືອງ ແລະ ຂະແໜງການກ່ຽວຂ້ອງ ຕ້ອງຖືສໍາຄັນວຽກງານສໍາຫຼວດພົນລະເມືອງ ແລະທີ່ຢູ່ອາໄສ ເປັນວຽກບູລິມະສິດ, ເປັນພັນທະໜ້າທີ່ ແລະ ຕິດຕາມຊຸກຍູ້ວຽກງານດັ່ງກ່າວເປັນປະຈໍາ ເພື່ອເຮັດໃຫ້ການສໍາຫລວດໄດ້ຮັບຂໍ້ມູນທີ່ມີຄຸນນະພາບ ຮັບໃຊ້ເຂົ້າໃນວຽກງານຕ່າງໆ, ໃຫ້ແຕ່ລະພາກສ່ວນກະກຽມຄວາມພ້ອມ ຮັບປະກັນການດໍາເນີນການສໍາຫລວດໃຫ້ໄດ້ຈັດຕັ້ງປະຕິບັດຕາມແຜນການ; ຄະນະຊີ້ນໍາຂັ້ນແຂວງ-ເມືອງ ຕ້ອງໄດ້ເອົາໃຈໃສ່ໃກ້ຊິດຕິດແທດ ແລະ ປະຈໍາການປົກກະຕິ ເພື່ອລາຍງານຜົນການສໍາຫລວດແຕ່ລະໄລຍະ, ກະກຽມງົບປະມານຮັບໃຊ້, ອຸປະກອນຮັບໃຊ້ທີ່ຈໍາເປັນໃນການເດີນສໍາຫລວດ; ສ່ວນຄະນະຮັບຜິດຊອບຂັ້ນບ້ານ ຕ້ອງມີສ່ວນຮ່ວມໃນການສະໜອງຂໍ້ມູນໃຫ້ລະອຽດຊັດເຈນ ແລະ ອັນສໍາຄັນ ຂະແໜງການກ່ຽວຂ້ອງຂັ້ນແຂວງ, ຂັ້ນເມືອງ ຕ້ອງໄດ້ສຸມໃສ່ວຽກງານໂຄສະນາເຜີຍແຜ່, ປຸກລະດົມທົ່ວປວງຊົນເຂົ້າຮ່ວມການສໍາຫລວດ ເພື່ອຮັບປະກັນໃຫ້ການຈັດຕັ້ງປະຕິບັດການສໍາຫລວດພົນລະເມືອງ ແລະ ທີ່ຢູ່ອາໄສ ທົ່ວປະເທດຄັງທີ V ປີ 2025 ໂດຍສະເພາະຢູ່ແຂວງເຊກອງ ໃຫ້ບັນລຸຕາມຄາດໝາຍທີ່ວາງໄວ້.
ຂ່າວ:ພຸດທະສອນ
#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ

14/01/2025

ບໍລິສັດ ລາວ ໂຄຄາ-ໂຄລາ ບອ໊ຕຕລິງ ຈຳກັດ ອອກແຈ້ງການເພີ່ມທຶນຈົດທະບຽນ
#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ #ບໍລິສັດລາວໂຄຄາໂຄລາບອ໊ຕຕລິງຈຳກັດ

14/01/2025

ລັດວິສາຫະກິດໄຟຟ້າລາວ ຊື້ພະລັງງານແສງຕາເວັນ 100 ເມກາວັດ
ວັນທີ 9 ມັງກອນ 2025 , ຢູ່ສໍານັກງານໃຫຍ່ ລັດວິສາຫະກິດໄຟຟ້າລາວ (ຟຟລ) ນະຄອນຫລວງວຽງຈັນ ໄດ້ພິທີເຊັນສັນຍາຊື້-ຂາຍໄຟຟ້າ (PPA) ໂດຍການຮ່ວມລົງນາມຂອງ ທ່ານ ເຄນຄໍາ ສີລາຊາ ປະທານກຸ່ມບໍລິສັດ ຄຸນໄຊ ພັດທະນາ ກໍ່ສ້າງຈຳກັດຜູ້ ດຽວ ແລະ ທ່ານ ປອ ບຸນແທນ ຈັນສະໄໝ ຮອງຜູ້ອໍານວຍ ການ ໃຫຍ່ ຟຟລ. ໃຫ້ກຽດເຂົ້າຮ່ວມເປັນສັກຂີພະຍານຂອງ ທ່ານ ຈັນທະບູນ ສຸກອາລຸນ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ ອາດົມເດດ ວົງໄຊ ຜູ້ອໍານວຍການໃຫຍ່ ຟຟລ, ມີຫົວໜ້າຫ້ອງການ ກະຊວງພະລັງງານ ແລະ ບໍ່ແຮ່, ຜູ້ບໍລິຫານ 2 ຝ່າຍ ແລະ ແຂກຖືກເຊີນເຂົ້າຮ່ວມ.
ໂຄງການພະລັງງານໄຟຟ້າແສງຕາເວັນ ແມ່ນຕັ້ງຢູ່ນະຄອນໄກ ສອນ ພົມວິຫານ ແຂວງສະຫວັນນະເຂດ ມີກໍາລັງຕິດຕັ້ງທັງ ໝົດ 100 ເມກາວັດ ເຊິ່ງເປັນໂຄງການລົງທຶນຂອງເອກະຊົນ. ພະ ລັງງານທີ່ຜະລິດໄດ້ທັງໝົດແມ່ນຈະຂາຍໃຫ້ ຟຟລ ແລະ ຈະເຊື່ອມຕໍ່ເຂົ້າລະບົບໄຟຟ້າຂອງ ສະຖານີໄຟຟ້າ ປາກບໍ່ ແຂວງສະ ຫວັນນະເຂດ
ຈຸດປະສົງເພື່ອຊ່ວຍສະໜອງໄຟຟ້າພາຍໃນປະເທດ ເວົ້າລວມ ໂດຍສະເພາະ ແຂວງສະຫວັນນະເຂດ ລວມທັງແຂວງໃກ້ ຄຽງ ໃຫ້ມີພະລັງງານໄຟຟ້າໃຊ້ຢ່າງພຽງພໍ ກັບຄວາມຕ້ອງການ ມີຄວາມສະຖຽນລະພາບດ້ານພະລັງງານເພີ່ມຂຶ້ນ, ຄຽງຄູ່ກັບການຂະຫຍາຍຕົວຂອງ ເສດຖະກິດ-ສັງຄົມ ໃນແຕ່ລະໄລຍະ ໃນຂະນະ ດຽວກັນ ແມ່ນຈະຊ່ວຍຫຼຸດຜ່ອນການນໍາເຂົ້າ ພະລັງ ງານໄຟຟ້າຈາກຕ່າງປະເທດທີ່ມີລາຄາແພງ.
ໂຄງການດັ່ງກ່າວຄາດວ່າຈະໃຊ້ເວລາການກໍ່ສ້າງໃຫ້ສໍາເລັດ ແລະ ສາມາດສົ່ງໄຟເຂົ້າລະບົບ ຂອງ ຟຟລ ພາຍໃນຕົ້ນປີ 2026.
ທີ່ມາ: ລັດວິສາຫະກິດໄຟຟ້າລາວ
#ຂ່າວເສດຖະກິດສັງຄົມ #ໜັງສືພິມເສດຖະກິດສັງຄົມ #ລັດວິສາຫະກິດໄຟຟ້າລາວ