ສື່ມວນຊົນຊາວໜຸ່ມລາວ Lao Youth Mass Media

17/01/2025

ຄະນະຊາວໜຸ່ມ ປະຊາຊົນປະຕິວັດລາວ ກະຊວງແຜນການ ແລະ ການລົງທຶນ ໄດ້ດໍາເນີນກອງປະຊຸມໃຫຍ່ ຄັ້ງທີ V ຂອງຕົນຂຶ້ນຢ່າງເປັນທາງການໃນວັນທີ 17 ມັງກອນ 2024 ຢູ່ທີ່ສະໂມສອນ ກະຊວງແຜນການ ແລະການລົງທຶນ ໂດຍເປັນປະທານຂອງສະຫາຍ ອຸຕະແກ້ວ ແກ້ວດວງສິນ ເລຂາຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ກະຊວງແຜນການ ແລະການລົງທຶນ, ໃຫ້ກຽດເຂົ້າຮ່ວມໂດຍມີສະຫາຍ ປອ. ເພັດ ພົມພິພັກ ກໍາມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ ກະຊວງແຜນການ ແລະການລົງທຶນ, ສະຫາຍ ມອນໄຊ ລາວມົວຊົ່ງ ກໍາມະການສໍາຮອງສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ມີສະຫາຍ ຈາກອົງການຈັດຕັ້ງພາຄີ ສະຫະພັນແມ່ຍິງ, ສະຫະພັນກໍາມະບານ ກະຊວງແຜນການ ແລະການລົງທຶນ ພ້ອມດ້ວຍບັນດາຜູ້ແທນສົມບູນ ແລະ ແຂກຖືກເຊີນເຂົ້າຮ່ວມ.
ກອງປະຊຸມຍັງໄດ້ຮັບຟັງບົດລາຍງານການເມືອງ ທັງ 2 ພາກຈາກສະຫາຍ ພົມມະສອນ ສາຍນໍລາດ ເລຂາຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ຮາກຖານສານປະຊາຊົນ ນະຄອນຫຼວງວຽງຈັນ ໄດ້ລາຍງານໃຫ້ເຫັນຜົນງານໃນການເຄື່ອນໄຫວນຳພາຂອງໜ່ວຍຊາວໜຸ່ມ ໃນໄລຍະ 5 ປີ ທີ່ຜ່ານມາ ແລະແຜ່ນການທິດທາງໃນຕໍ່ໜ້າ, ຜ່ານບົດສໍາຫລວດການນໍາພາຂອງຄະນະບໍລິຫານງານຊາວໜຸ່ມ, ຮັບຟັງບົດປະກອບຄໍາເຫັນຈາກຕາງໜ້າອົງການຈັດຕັ້ງພາຄີ ແລະ ບົດປປະກອບຄໍາເຫັນຂອງຊາວໜຸ່ມຕົວແບບ. ຜູ້ແທນທີ່ເຂົ້າຮ່ວມກອງປະຊຸມຍັງໄດ້ໃຊ້ສິດປະຊາທິດປະໄຕຂອງຕົນປ່ອນບັດ ເລືອກເອົາຄະນະບໍລິຫານງານຊາວໜຸ່ມກະຊວງແຜນການ ແລະການລົງທຶນຊູດໃໝ່ ເຊິ່ງມີຜູລົງສະໝັກຈໍນວນ 19 ສະຫາຍ ເລືອກເອົາ 15, ຍິງ 03 ສະຫາຍ ເຂົ້າເປັນຄະນະຊຸດໃໝ່, ກອງປະຊຸມຄັ້ງປະຖົມມະລືກຂອງຄະນະຊຸດໃໝ່ ໄດ້ເລືອກເອົາຄະນະປະຈໍາ 05 ສະຫາຍ, ຍິງ 02 ສະຫາຍ. ໃນນັ້ນ, ເລືອກເອົາ ສະຫາຍ ປອ ວັນທະນາ ນໍລິນທາ ເປັນເລຂາຄະນະບໍລິຫານງານຊາວໜຸ່ມ ກະຊວງແຜນການ ແລະ ການລົງທຶນ, ສະຫາຍ ນາລັດ ບົວດອກທອງ ເປັນຮອງເລຂາ, ປະທານກວດກາ, ສະຫາຍ ພົງສະຫວັນ ລາດທິຈັກ ເປັນຮອງເລຂາຄະນະບໍລິຫານງານຊາວໜຸ່ມ ກະຊວງແຜນການ ແລະ ການລົງທຶນ, ສະຫາຍ ນ ສຸພາພອນ ໄຊຍະເລີດ ຄະນະປະຈໍາ, ສະຫາຍ ນ ສົມສະຫນຸກ ຊາວົງໄຊ ຄະນະປະຈໍາ, ຮອງປະທານກວດກາ. ຕອນທ້າຍກອງປະຊຸມຜູ້ເຂົ້າຮ່ວມຍັງໄດ້ຮັບຟັງການມີຄໍາເຫັນໂອ້ລົມຈາກຄະນະປະທານ ເພື່ອເປັນເຂັມຊີ້ທິດ ເຍືອງທາງໃຫ້ກັບຄະນະບໍລິຫານງານຊາວໜຸ່ມກະຊວງແຜນການ ແລະການລົງທຶນຊຸດໃໝ່ ໃນການນໍາພາຊີ້ນໍາວຽກງານຊາວໜຸ່ມໃນໜ້າ.

ໂດຍ: ສ.ສັນທະນາ

17/01/2025

ພິທີປະກາດຂໍ້ແຂ່ງຂັນ 3 ອົງການຈັດຕັ້ງມະຫາຊົນ ຂອງສະຫະພັນກຳມະບານ ແຂວງ ອັດຕະປື...

ໃນວັນທີ 17 ມັງກອນ 2025 ໜ່ວຍຮາກຖານຊາວໜຸ່ມ ສະຫະພັນກຳມະບານ ແຂວງ ອັດຕະປື ໄດ້ຈັດພິທີ; ປະກາດຮັບຮອງໃບຢັ້ງຢືນຂໍ້ແຂ່ງຂັນ ແມ່ຍິງ 3 ດີ, ຊາວໜຸ່ມ 4 ບຸກ ແລະ ກໍາມະບານ 5 ເປັນເຈົ້າ ຂຶ້ນຢູ່ທີ່ຫ້ອງປະຊຸມຂອງ ສະຫະພັນກຳບານແຂວງ ອັດຕະປື, ພາຍໃຕ້ການເຂົ້າຮ່ວມເປັນຄະນະປະທານຂອງ ສະຫາຍ ພູສຽງ ເຫລື່ອມມະໄລສີ ຮອງເລຂາໜ່ວຍພັກ ຮອງປະທານສະຫະພັນກຳມະບານແຂວງ, ມີສະຫາຍ ນ ພິມພອນ ກອງບົວຄຳ ຮອງເລຂາຄະນະບໍລິຫານງານຊາວໜຸ່ມແຂວງ ແລະ ສະຫາຍ ນ ສຸກວິໄລ ວຽງໄຊ ຮອງປະທານສະຫະພັນແມ່ຍິງແຂວງ, ມີຄະນະພັກ, ແຂກຖືກເຊີນ ຕະຫຼອດຮອດສະມາຊິກຂອງ 3 ອົງການຈັດຕັ້ງມະຫາຊົນຮາກຖານເຂົ້າຮ່ວມຈຳນວນ 29 ສະຫາຍ ເປັນຍິງ 19 ສະຫາຍ.
ໃນພີທີ; ສະຫາຍ ມີໄຊ ກອງບົວຄຳ ປະທານກຳມະບານຮາກຖານ ສະຫະພັນກຳມະບານແຂວງ, ກໍ່ໄດ້ຕາງໜ້າໃຫ້ 3 ອົງການຈັດຕັ້ງມະຫາຊົນຂື້ນຜ່ານບົດສະຫລຸບລາຍງານການຈັດຕັ້ງປະຕິບັດຂໍ້ແຂ່ງຂັນຂອງ ( ແມ່ຍິງ 3ດີ,ຊາວໜຸ່ມ 4ບຸກ ແລະ ກໍາມະບານ 5ເປັນເຈົ້າ ) ໃນໄລຍະ 1 ປີທີ່ຜ່ານມາ. ເຊິ່ງຜ່ານການຈັດຕັ້ງປະຕິບັດຕາມຂໍ້ແຂ່ງຂັນຕົວຈິງຂອງ 3 ອົງການຈັດຕັ້ງໃນໄລຍະ 01 ປີທີ່ຜ່ານມາ ແມ່ນສາມາດປະຕິບັດໄດ້ຄົບຕາມມາດຖານເງື່ອນໄຂຂໍ້ແຂ່ງຂັນຕົວຈິງ ສະນັ້ນ, ທາງສະຫະພັນແມ່ຍິງແຂວງ, ຄະນະຊາວ ປປລ ແຂວງ ແລະ ສະຫະພັນກໍາມະບານແຂວງ ຈິ່ງຕົກລົງມອບໃບຢັ້ງຢືນໃຫ້ 3 ອົງການຈັດຕັ້ງມະຫາຊົນຂອງ ໜ່ວຍຮາກຖານຊາວໜຸ່ມ ສະຫະພັນກຳມະບານແຂວງອັດຕະປື, ປະຈໍາປີ 2024. ພ້ອມມອບໃບຍ້ອງຍໍໃຫ້ແກ່ຜູ້ທີ່ມີຜົນງານດີເດັ່ນໃນຂະບວນການຂໍ້ແຂ່ງຂັນແມ່ຍິງ 3ດີ.
ໃນຕອນທ້າຍກອງປະຊຸມບັນດາສະຫາຍໃນຄະນະປະທານກໍ່ໄດ້ຜັດປ່ຽນກັນມີຄຳເຫັນໂອ້ລົມ ແລະ ຊົມເຊີຍຕໍ່ຜົນງານ ແລະ ຜົນສໍາເລັດ ຂອງ 3 ອົງການຈັດຕັ້ງມະຫາຊົນ ທີ່ຍາດມາໄດ້ໃນໄລຍະຜ່ານມາ, ເຊິ່ງໃນຕໍ່ໜ້າໄດ້ຊຸກຍູ້ໃຫ້ແຕ່ລະໜ່ວຍຕ້ອງພ້ອມພຽງກັນເອົາໃຈໃສ່ບຸກບືນ, ສູ້ຊົນ ເຮັດສໍາເລັດໜ້າທີ່ຕາມການມອບໝາຍ ເພື່ອສືບຕໍ່ແຜນໃນຕໍ່ໜ້າໃຫ້ບັນລຸຕາມຄາດໝາຍ, ສິ່ງສໍາຄັນແມ່ນຄວາມສາມັກຄີຮັກແພງທັງພາຍໃນ ແລະ ພາຍນອກ ໃຫ້ແໜ້ນແຟ້ນ, ເອົາໃຈໃສ່ໃນການຈັດຕັ້ງປະຕິບັດວຽກງານວິຊາສະເພາະຂອງຕົນດ້ວຍຄວາມຮັບຜິດຊອບສູງ ແລະ ມີຜົນສຳເລັດດີຂຶ້ນກວ່າເກົ່າ.
ພາບ/ຂ່າວ: ສີດາ ໄຊຍະວົງ

17/01/2025

ໂຮງຮຽນແກ້ວປັນຍາໄດ້ຈັດງານແຂ່ງຂັນການເວົ້າພາສາອັງກິດສໍາລັບເດັກຄັ້ງທີ1
ໃນຕອນເຊົ້າວັນທີ 17 ມັງກອນ 2025 ນີ້ຄະນະບໍລິຫານງານຊາວໜຸ່ມແຂວງ ນໍາໂດຍ ສະຫາຍ ພົມມາ ຮຸ່ງນະ
ຄອນ ຮອງເລຂາຄະນະບໍລິຫານງານຊາວໜຸ່ມ ແຂວງພ້ອມດ້ວຍຄະນະໄດ້ເຂົ້້າຮ່ວມງານແຂ່ງຂັນການເວົ້າພາສາອັງກິດສໍາລັບເດັກມີຫ້ອງ ປໍ4,ປໍ5,ມ1,ມ2,ມ3ເຂົ້າຮ່ວມ ຢູ່ທີ່ຫ້ອງປະຊຸມໂຮງຮຽນແກ້ວປັນຍາ,ມີແຂກຖືກເຊີນ,ພໍ່ແມ່ຜູ້ປົກຄອງເຂົ້າຮ່ວມ ແລະ ນ້ອງນ້ອຍນັກຮຽນເຂົ້າຮ່ວມຢ່າງເປັນຂະບວນຟົດຟື້້ນ.
ຕອນທ້າຍພິທີຍັງໄດ້ມອບລາງວັນໃຫ້ຜູ້ທີ່ຊະນະເລີດໃນການແຂ່ງຂັນຄັ້ງນີ້ອີກດ້ວຍ.

17/01/2025

#ບໍລິສັດຍໍໂສມດີວຽງຈັນການຄ້າຂາເຂົ້າ-ຂາອອກຈຳກັດຜູ້ດຽວ ມອບນໍ້າດື່ມແຮ່ທຳມະຊາດປະກອບສ່ວນງານແຂ່ງຂັນກິລາເຕະບານມິດຕະພາບຊີງຂັນເລຂາຄະນະບໍລິຫານງານ ສຊປລ
..............................

ເພື່ອເປັນການຊຸກຍູ້ສະໜັບສະໜຸນຂະບວນການສ້າງຜົນງານຂໍ່ານັບຮັບຕ້ອນ 3 ວັນປະຫວັດສາດຂອງພັກ-ຂອງຊາດ ເວົ້າລວມເວົ້າສະເພາະວັນສ້າງຕັ້ງ ຄຊປປລ .ໃນຕອນບ່າຍຂອງວັນທີ 16 ມັງກອນ 2025 ນີ້ຢູ່ທີ່ ສຊປລ ທ່ານ ນາງ ສຸດນະພອນ ແສງຄຳຢອງ ປະທານບໍລິສັດຍໍໂສມດີວຽງຈັນການຄ້າຂາເຂົ້າ-ຂາອອກຈຳກັດຜູ້ດຽວ ເຈົ້າຂອງໂຮງງານບຸນນໍ້າແຮ່ ໄດ້ນໍາເອົານໍ້າດື່ມແຮ່ທໍາມະຊາດມາມອບໃຫ້ຄະນະຮັບຜິດຊອບຈັດການແຂ່ງຂັນກິລາເຕະບານມິດຕະພາບຊິງຂັນເລຂາຄະນະບໍລິຫານງານ ສຊປລລວມມູນຄ່າ 8 ລ້ານກີບ ເພື່ອເປັນການກະຕຸກຊຸກຍູ້ຂະບວນການຂອງ ຄຊປປລ ທັງເປັນການປະກອບສ່ວນເຂົ້າໃນງານສໍາຄັນຂອງພັກ-ຂອງຊາດ ອີກດ້ວຍ.

17/01/2025

#ສູນກາງຊາວໜຸ່ມປະຊາຊົນປະຕິວັດລາວ(ສຊປລ) ສຳເລັດການເຊືອມຊຶມເອກະສານຜົນສໍາເລັດຂອງກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກກອມມູນິດຈີນ ສະໄໝທີ XX

ໂດຍ:ຄຳສິງ ວິໄລຄຳ
..............................
ໃນວັນທີ 16 ມັງກອນ 2025 ນີ້ ຢູ່ທີ່ຫ້ອງປະຊຸມ ສຊປລ ໄດ້ສໍາເລັດການເຊືອມຊຶມເອກະສານໂຄສະນາຜົນສໍາເລັດຂອງກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກກອມມູນິດຈີນ ສະໄໝ ທີ XX ໂດຍການເປັນປະທານ ແລະ ເຜີຍແຜ່ເອກະສານສໍາຄັນດັ່ງກ່າວຂອງ ສະຫາຍ ມອນໄຊ ລາວມົວຊົ່ງ ກຳມະການສໍາຮອງສູນກາງພັກ ເລຂາຄະນະບໍລິຫານງານ ສຊປລ ມີບັນດາຮອງເລຂາ ບັນດາຫົວໜ້າກົມຕະຫຼອດສໍາມະຊິກພັກ-ພະນັກງານທົ່ວ ສຊປລ ເຂົ້າຮ່ວມ.
ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XX ຂອງພັກກອມມູນິດຈີນ ແມ່ນເຫດການການເມືອງທີ່ມີຄວາມໝາຍສໍາຄັນໃນຊີວິດການເມືອງຂອງພັກກອມມູນິດຈີນ, ເຊິ່ງໄຂຂຶ້ນໃນທ່າມກາງສະພາບການພາກພື້ນ ແລະ ສາກົນມີຄວາມສັບສົນ ແລະ ເປັນໄລຍະສໍາຄັນຂອງການກໍານົດຍຸດທະສາດ ແລະ ວາງແນວທາງນະໂຍບາຍໃໝ່ ເພື່ອສູ້ຊົນບັນລຸເປົ້າໝາຍການສ້າງສັງຄົມນິຍົມຕາມສີສັນພິເສດທີ່ທັນສະໄໝຮອບດ້ານ ຂອງ ສປ ຈີນ ໃນກາງສະຕະວັດທີ 21 ໃຫ້ປະກົດຜົນເປັນຈິງຢ່າງມີໄຊ.
ພາຍໃຕ້ການນໍາພາອັນສະຫຼາດສ່ອງໃສ ແລະ ປະດິດສ້າງໃໝ່ຂອງພັກກອມມູນິດຈີນໃນຕະຫຼອດກວ່າ 1 ສະຕະວັດທີ່ຜ່ານມາ, ປະຊາຊົນຈີນ ໄດ້ຜ່ານຜ່າການທົດສອບນາໆປະການ ແລະ ສາມາດຍາດໄດ້ຜົນສໍາເລັດອັນໃຫຍ່ຫຼວງ, ເປັນປະຫວັດການ ແລະ ມະຫັດສະຈັນໃນການສ້າງສັງຄົມນິຍົມທີ່ມີສີສັນພິເສດຂອງຈີນ, ສໍາເລັດການສ້າງສັງຄົມນິຍົມທີ່ອີ່ມໜໍາສໍາລານຮອບດ້ານໂດຍພື້ນຖານ, ຮັກສາໄດ້ສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບກົມກຽວປອງດອງ, ດ້ານປ້ອງກັນຊາດ-ປ້ອງກັນຄວາມສະຫງົບມີຄວາມເຂັ້ມແຂງທັນສະໄໝ ແລະ ເສດຖະກິດສືບຕໍ່ມີການພັດທະນາຢ່າງໝັ້ນທ່ຽງ.
ໃນກອງປະຊຸມສຸດທີ່ມີຄວາມໝາຍຄວາມສໍາຄັນນີ້, ຍັງຈັດພິທີປະກາດການຈັດຕັ້ງ ຍົກຍ້າຍ-ຊັບປ່ຽນພະນັກງານຂັ້ນວິຊາການ, ຂັ້ນກົມ ແລະ ພະນັກງານຂັ້ນສູງຂອງ ສຊປລ ໃນພິທີຕ່າງໜ້າຄະນະຈັດຕັ້ງສູນກາງພັກ ໄດ້ຂຶ້ນຜ່ານຂໍ້ຕົກລົງວ່າດ້ວຍການຍົກຍ້າຍພະນັກງານຂັ້ນສູງຂອງ ສຊປລ ເພື່ອໄປຮັບໜ້າທີ່ໃໝ່ ເຊິ່ງມີລາຍລະອຽດດັ່ງຕໍ່ໄປນີ້:
1. ຍົກຍ້າຍ ສະຫາຍ ນວນທອງ ສຸວັນວິໄຊ ຮອງເລຂາຄະນະບໍລິຫານງານ ສຊປລ ໄປຮັບໜ້າທີ່ໃໝ່ຢູ່ສະພາແຫ່ງຊາດ.
2. ຍົກຍ້າຍ ສະຫາຍ ທອງຈັນ ພູມີພັນ ຮອງເລຂາຄະນະບໍລິຫານງານ ສຊປລ ໄປຮັບໜ້າທີ່ໃໝ່ຢູ່ ສູນກາງສະຫະພັນກຳມະບານລາວ.
3.ຍົກຍ້າຍ ສະຫາຍ ບັນລິດ ປານທອງຈັນ ຮອງຫົວໜ້າກົມອົບຮົມຊາວໜຸ່ມ ເປັນຮອງຫົວໜ້າກົມພັດທະນາວິຊາຊີບຊາວໜຸ່ມ ແລະ ຍົກຍ້າຍ ສະຫາຍ ນາງ ແສງອ່ອນ ປວງມະນີ ຮອງຫົວໜ້າກົມພັດທະນາວິຊາຊີບຊາວໜຸ່ມ ເປັນຮອງຫົວໜ້າກົມກວດກາ ສຊປລ ຊຶ່ງທັງໝົດນັ້ນ ແມ່ນຄວາມຮຽກຮ້ອງຕ້ອງການໜ້າທີ່ການເມືອງ ທັງສະເພາະໜ້າ ແລະ ຍາວນານ, ເປັນການກໍ່ສ້າງພະນັກງານ ໄປຕາມທິດນໍາຂອງພັກ, ເປັນການສ້າງຄວາມເຂັ້ມແຂງດ້ານບຸກຄະລາກອນ ຢູ່ສູນກາງ ແລະ ທ້ອງຖິ່ນ ເພື່ອຮັບປະກັນໃນການປະຕິບັດພາລະບົດບາດ, ສິດ ແລະ ໜ້າທີ່ ຂອງ ສຊປລ.

17/01/2025

ກອງປະຊຸມປະເມີນຜົນການຈັດຕັ້ງປະຕິບັດຂະບວນການແຂ່ງຂັນ 4 ບຸກ ແລະ ທຸງໄຊນຳໜ້າ
ຂອງຄະນະຊາວໜຸ່ມປະຊາຊົນປະຕິວັດລາວ ຊາວໜຸ່ມຮາກຖານພະແນກສຶກສາ ແລະ ກິລາ ແຂວງບໍລິຄຳໄຊ

ຕອນບ່າຍວັນທີ 16 ມັງກອນ 2025 ຄະນະຊາວໜຸ່ມຮາກຖານພະແນກສຶກສາ ແລະ ກິລາ ແຂວງ ໄດ້ເປີດກອງປະຊຸມປະເມີນຜົນການຈັດຕັ້ງປະຕິບັດຂະບວນການແຂ່ງຂັນ 4 ບຸກ ແລະ ທຸງໄຊນຳໜ້າ ຂຶ້ນທີ່ຫ້ອງປະຊຸມຂອງຕົນ, ໂດຍພາຍໃຕ້ການເປັນຄະນະປະທານຮ່ວມຂອງ ສະຫາຍ ວັນນະສິນ ສອນວິໄລ ຮອງເລຂາຄະນະບໍລິຫານງານຊາວໜຸ່ມແຂວງ, ແລະ ສະຫາຍ ນາງ ວິໄລພອນ ໄຊຍະວົງສາ ຮອງເລຂາຊາວໜຸ່ມຮາກຖານພະແນກສຶກສາ ແລະ ກິລາ ແຂວງບໍລິຄຳໄຊ, ມີຄະນະຮັບຜິດຊອບວຽກງານ ກວດກາ 4 ບຸກຂັ້ນແຂວງ ພ້ອມດ້ວຍຄະນະຊາວໜຸ່ມ ແລະ ສະມາຊິກຊາວໜຸ່ມພາຍໃນ ເຂົ້າຮ່ວມ 11 ສະຫາຍ, ຍິງ 06 ສະຫາຍ.
ກອງປະຊຸມປະເມີນຜົນຄັ້ງນີ້ ກໍ່ເພື່ອເປັນການກວດກາ ແລະ ປະເມີນຜົນຄືນ ການນໍາພາ-ຊີ້ນໍາ ຂອງຄະນະຊາວໜຸ່ມຮາກຖານ ໃນການເຄື່ອນໄຫວຈັດຕັ້ງປະຕິບັດຂະບວນການແຂ່ງຂັນ 4 ບຸກ ໃນໄລຍະ 3 ປີຜ່ານມາ. ກອງປະຊຸມ ສະຫາຍ ນາງ ວິໄລພອນ ໄຊຍະວົງສາ ຮອງເລຂາຊາວໜ່ວຍຊາວໜຸ່ມຮາກຖານກໍໄດ້ຂຶ້ນຜ່ານບົດສະຫຼຸບການ ເຄື່ອນໄຫວຈັດຕັ້ງປະຕິບັດວຽກງານຂໍ້ແຂ່ງຂັນ 4 ບຸກ ປະຈໍາປີ 2022 - 2024 ແລະ ທິດທາງແຜນການ ປີ 2025; ຄະນະໜ່ວຍຊາວໜຸ່ມຮາກຖານ ມີສະມາຊິກຊາວໜຸ່ມທັງໝົດ 46 ສະຫາຍ, ຍິງ 26 ສະຫາຍ ໄລຍະຜ່ານມາໄດ້ເອົາໃຈໃສ່ເຄື່ອນໄຫວປະຕິບັດ ຕາມພາລະບົດບາດ, ສິດ ແລະ ໜ້າທີ່ ດ້ວຍຄວາມຮັບຜິດຊອບສູງ, ພາຍໃຕ້ການນຳພາ-ຊີ້ນໍາ ຂອງຄະນະພັກ, ຄະນະຊາວໜຸ່ມແຂວງ ເຄື່ອນໄຫວວຽກງານວິຊາສະເພາະເປັນປົກກະຕິ ໂດຍສະແດງອອກ: ບຸກດ້ານແນວຄິດ ປະຕິບັດໄດ້ 96%, ບຸກດ້ານການຝຶກຝົນຫຼໍ່ຫຼອມຮໍ່າຮຽນ ປະຕິບັດໄດ້ 94%, ບຸກດ້ານການຈັດຕັ້ງ ປະຕິບັດໄດ້ 93%, ບຸກດ້ານວິຊາຊີບ-ສ້າງວຽກເຮັດງານທໍາ ປະຕິບັດໄດ້ 98% ເຊິ່ງສາມາດບັນລຸໄດ້ ຕາມມາດຖານເງື່ອນໄຂ ຂອງຄະນະບໍລິຫານງານຊາວໜຸ່ມແຂວງວາງອອກ.ຈາກນັ້ນ ຄະນະຮັບຜິດຊອບວຽກງານກວດກາ 4 ບຸກຂັ້ນແຂວງ ກໍໄດ້ມີຄໍາຖາມເຈາະຈີ້ມ ແລະ ແລກປ່ຽນ ໃນການປະເມີນຄັ້ງນີ້ ເພື່ອໃຫ້ມີເນື້ອໃນຄົບຖ້ວນສົມບູນ ແລະ ຖືກຕ້ອງຕາມສະພາບຄວາມເປັນຈິງ ແນ່ໃສ່ຍົກສູງຄຸນນະພາບວຽກງານຂະບວນການແຂ່ງຂັນ 4 ບຸກ ໃຫ້ສູງຂຶ້ນ.
ຕອນທ້າຍກອງປະຊຸມ ສະຫາຍ ວັນນະສິນ ສອນວິໄລ ຮອງເລຂາຄະນະບໍລິຫານງານຊາວໜຸ່ມແຂວງ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ ພ້ອມທັງເໜັ້ນໜັກໃຫ້ສືບຕໍ່ຮັກສາມູນເຊື້ອທີ່ຜ່ານມາ, ເອົາໃຈໃສ່ໃນການເຜີຍແຜ່ເຊື່ອມຊຶມ ເນື້ອໃນຂໍ້ແຂ່ງຂັນ 4 ບຸກ ໃຫ້ສະມາຊິກຂອງຕົນ ຖືເອົາແຜນການທີ່ ວາງໄວ້ເປັນບ່ອນອີງໃນການຈັດຕັ້ງປະຕິບັດ ແລະ ສ້າງຂະບວນການຢ່າງຕໍ່ເນື່ອງ, ຍາດແຍ່ງເອົາການຊ່ວຍເຫຼືອຈາກຄະນະພັກຂອງຕົນ ເພື່ອເຮັດໃຫ້ວຽກງານສຳເລັດຕາມເປົ້າໝາຍທີ່ກຳນົດໄວ້ ແລະ ມີປະສິດຕິພາບສູງ.

ຂ່າວ ແລະ ພາບ. ຫິງສະກະ ມູນສິງ 020 55459997

17/01/2025

ສໍາເລັດກອງປະຊຸມຄົບຄະນະບໍລິຫານງານ ສະຫຼຸບການເຄື່ອນໄຫວ​6​ເດືອນທ້າຍປີ 2024​ແລະ​ ແຜນຕໍ່ໜ້າປີ2025 ຂອງສະມາຄົມນັກທຸລະກິດໜຸ່ມແຫ່ງຊາດລາວ
****** ****** ******* ******
ກອງປະຊຸມຄົບຄະນະບໍລິຫານງານ ສະມາຄົມນັກທຸລະກິດໜຸ່ມແຫ່ງຊາດລາວ ໄດ້ໄຂຂື້ນຕອນບ່າຍຂອງວັນທີ 16ມັງກອນ2025ທີ່ຫ້ອງປະຊຸມໃຫ່ຍຂອງສູນກາງຊາວໜຸ່ມປະຊາຊົນປະຕິວັດລາວ​ ໂດຍການເປັນປະທານ​ຂອງສະຫາຍ​ ປອ​ ຄໍາເເສນ ສີສະວົງ ສະມາຊິກສະພາແຫ່ງຊາດເຂດທີ IX,​ ປະທານສະມາຄົມນັກທຸລະກິດໜຸ່ມແຫ່ງຊາດລາວ,​ ສະຫາຍ​ ນ ສຸວາລີ​ ຄໍາຜຸຍ ຜູ້ວ່າການແທນປະທານ ສທໜຊ​ ກອງປະຊຸມໄດ້ຮັບກຽດຈາກການເຂົ້າຮ່ວມເປັນທານ ກິດຕິມະສັກ​ຈາກ​ສະຫາຍ​ນວນທອງ ສຸວັນວິໄຊ​ຮອວເລຂາຄະນະບໍລິຫານ​ສູນກາງ​ຊາວໜຸ່ມປະຊາຊົນປະຕິວັດລາວ​ ພ້ອມນີ້ກອງປະຊຸມຍັງມີຕ່າງໜ້າປະທານ,​ຮອງປະທານຈາກແຂວງໃນຂອບເຂດທົ່ວປະເທດເຂົ້າຮ່ວມ ກອງປະຊຸມສະຫາຍ ນາງ​ ວາລິຄໍາຜຸຍ ຜູ້ວ່າການປະທານສະມາຄົມນັກທຸລະກິດໜຸ່ມແຫ່ງຊາດລາວ ໄດ້ຂື້ນສະເໜີຈຸດປະສົງ ແລະ​ພ້ອມທັງກ່າວໄຂກອງປະຊຸມຄັ້ງນີ້ຢ່າງເປັນທາງການ,​ ຈາກນັ້ນສະຫາຍນາງ ກໍລະກັນທຳມະວົງ ຮອງປະທານ​ຜູ້ປະຈໍາການ ສທໜຊ​ໄດ້ຂື້ນສະເໜີຜ່ານບົດລາຍງານໂດຍຫຍໍ້​ໃນການເຄື່ອນໄຫວ ຂອງ​ສທໜຊ​ ໃນໄລຍະ ທີ່ຜ່ານມາ​ແລະ​ຜ່ານແຜນການຕໍ່ໜ້າຂອງສທໜຊ​​ ພ້ອມນີ້ຕ່າງໜ້າຈາກປະທານ ແລະຮອງປະທານຈາກແຂວງແລະພາຍໃນນະຄອນຫຼວງວຽງຈັນກໍ່ໄດ້ພັດປ່ຽນກັນຂື້ນລາຍງານຜົນງານຂອງຕົນພ້ອມກັບຂໍ້ສະເໜີຫຼາຍຢ່າງເພື່ອໃຫ້ສະມາຄົມສທໜຊ ສຸມຈິດໃຈດຽວຊ່ວຍກັນເພື່ອເປັນເເຮງພັກດັນໃຫ້ແກ່ສະມາຄົມກໍ່ຄືສ້າງສາພັດທະນາປະເທດຊາດຜ່ານຜົ່ນທຸກທຸລະກິດທີ່ຜ່ານເຂົ້າມາ.​ ພ້ອມນີ້ກອງປະຊຸມຍັງໄດ້ຜ່ານມາດຖານເງື່ອນຂອງຜູ່ທີ້ຈະລົງສາມັກເປັນຄະນະບໍລິຫານງານ​ສະມາຄົມ​ສທໜຊ​ຊຸດທີVນໍາອີກດ້ວຍ.

16/01/2025

ກອງປະຊຸມໃຫຍ່ ຄະນະຊາວໜຸ່ມ
ປະຊາຊົນ ປະຕິວັດລາວ ໜ່ວຍຮາກຖານ ສະຫະພັນແມ່ຍິງແຂວງ ຄັ້ງທີ VI .
---------------------------------
ຄະນະຊາວໜຸ່ມໜ່ວຍຮາກຖານ ສະຫະພັນແມ່ຍິງແຂວງ ໄດ້ເປີດກອງປະຊຸມໃຫຍ່ ຄັ້ງທີ VI ຂອງຕົນຂຶ້້ນ ໃນຕອນເຊົ້າຂອງວັນທີ 16 ມັງກອນ 2025 ນີ້ ຢ່າງເປັນທາງການ ຢູ່ທີ່ຫ້ອງປະຊຸມຂອງຕົນ ໂດຍການເປັນປະທານຂອງ ສະຫາຍ ນາງ ຫັດສະດີ ອິນທິລາດ ເລຂາຊາວໜຸ່ມໜ່ວຍຮາກຖານສະຫະພັນແມ່ຍິງແຂວງ ໃຫ້ກຽດເຂົ້າຮ່ວມຂອງ ສະຫາຍ ທະນູວັນ ວົງມະນີ ຮອງເລຂາຄະນະບໍລິຫານງານຊາວໜຸ່ມແຂວງ, ສະຫາຍ ນາງ ປະກາຍທິບ ໄຊຍະວົງ ຄະນະພັກໜ່ວຍຮາກຖານສະຫະພັນແມ່ຍິງແຂວງ,​ ມີແຂກຖືກເຊີນ, ຊາວໜຸ່ມແຮກສ່ຽວ ແລະ ສະມາຊິກຊາວໜຸ່ມພາຍ ເຂົ້າຮ່ວມ 19 ສະຫາຍ, ຍິງ 16 ສະຫາຍ.
ກອງປະຊຸມ ສະຫາຍ ນາງ ໄມຢ່າ ຈັນເຢີ່ ຮອງເລຂາຊາວໜຸ່ມໜ່ວຍຮາກຖານໄດ້ຂຶ້ນຜ່ານບົດລາຍງານການປະຕິບັດວຽກງານຊາວໜຸ່ມໄລຍະຜ່ານມາ, ຕີລາຄາຄືນຈຸດອ່ອນ, ຂໍ້ຄົງຄ້າງ, ພ້ອມທັງວາງທິດທາງວຽກງານ ຊາວໜຸ່ມໃນຊຸມປີຕໍ່ໜ້າ, ກອງປະຊຸມໄດ້ເປັນເອກະພາບສູງຮັບຮອງເອົາບົດສະຫຼຸບ ແລະ ຄາດໝາຍສູ້ຊົນໃນ 5 ປີ ຕໍ່ໜ້າ. ປັດຈຸບັນຊາວໜຸ່ມໜ່ວຍຮາກຖານສະຫະພັນແມ່ຍິງແຂວງ ມີສະມາຊິກ ທັງໝົດ 08 ສະຫາຍ,​ຍິງ 07 ສະຫາຍ, ພ້ອມກັນນີ້ກໍ່ໄດ້ຮັບການຍ້ອງຍໍສະມາຊິກຊາວໜຸ່ມ ຜູ້ທີ່ມີຜົນງານດີເດັ່ນ ຈາກຄະນະບໍລິຫານງານສູນກາງຊາວໜຸ່ມ ແລະ ຄະນະບໍລິຫານງານຊາວໜຸ່ມແຂວງອີກດ້ວຍ. ພາຍຫຼັງຄະນະຊຸດເກົ່າໄດ້ຂຶ້ນຜ່ານບົດສຳຫຼວດນຳພາ ພ້ອມອຳລາໜ້າທີ່. ກອງປະຊຸມໄດ້ປ່ອນບັດຄັດເລືອກເອົາຄະນະຊາວໜຸ່ມຮາກຖານຊຸດໃໝ່ ໂດຍມີຜູ້ສະໝັກ 03 ສະຫາຍ, ຍິງ 02 ສະຫາຍ. ກອງປະຊຸມ ໄດ້ໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາຄະນະຊາວໜຸ່ມຊຸດໃໝ່ ເພື່ອນຳພາ-ຊີ້ນຳພາວຽກງານຊາວໜຸ່ມໃນຕໍ່ໜ້າ, ກອງປະຊຸມຄັ້ງປະຖົມມະລຶກເຫັນດີເລືອກເອົາ ສະຫາຍ ນາງ ນົງສະຫວັນ ຕຸນາລົມ ເປັນເລຂາ, ສະຫາຍ ນາງ ພອນໄຊ ໄຊຍະວົງ ເປັນຮອງເລຂາ ທັງເປັນຜູ້ກວດກາ.

16/01/2025

https://www.facebook.com/share/v/1BBHjSrTir/

16/01/2025

ກອງປະຊຸມປະເມີນຜົນການຈັດຕັ້ງປະຕິບັດຂະບວນການແຂ່ງຂັນ 4 ບຸກ ປະຈຳປີ 2024
ຂອງຄະນະຊາວໜຸ່ມປະຊາຊົນປະຕິວັດລາວ ໜ່ວຍຮາກຖານບໍລິສັດລາວໂທລະຄົມສາຂາແຂວງບໍລິຄຳໄຊ
ຕອນເຊົ້າຂອງວັນທີ 16 ມັງກອນ 2025 ຄະນະຊາວໜຸ່ມໜ່ວຍຮາກຖານບໍລິສັດລາວໂທລະຄົມ ໄດ້ເປີດກອງປະຊຸມປະເມີນຜົນການຈັດຕັ້ງປະຕິບັດຂະບວນການແຂ່ງຂັນ 4 ບຸກ ປະຈຳປີ 2024 ຂຶ້ນ ທີ່ຫ້ອງປະຊຸມຂອງຕົນ, ໂດຍພາຍໃຕ້ການເປັນຄະນະປະທານຮ່ວມຂອງ ສະຫາຍ ວັນນະສິນ ສອນວິໄລ ຮອງເລຂາຄະນະບໍລິຫານງານຊາວໜຸ່ມແຂວງ, ສະຫາຍ ຈັນທະສອນ ບູລົມ ເລຂາຄະນະໜ່ວຍພັກ ບໍລິສັດລາວໂທລະຄົມ ສາຂາແຂວງບໍລິຄຳໄຊ ແລະ ສະຫາຍ ໂອທອງ ຫັດສະດີ ເລຂາຊາວໜຸ່ມໜ່ວຍຮາກຖານບໍລິສັດລາວໂທລະຄົມສາຂາແຂວງບໍລິຄຳໄຊ, ມີຄະນະຮັບຜິດຊອບວຽກງານ ກວດກາ 4 ບຸກຂັ້ນແຂວງ ພ້ອມດ້ວຍຄະນະຊາວໜຸ່ມ ແລະ ສະມາຊິກຊາວໜຸ່ມພາຍໃນ ເຂົ້າຮ່ວມ 13 ສະຫາຍ, ຍິງ 03 ສະຫາຍ.
ກອງປະຊຸມປະເມີນຜົນຄັ້ງນີ້ ກໍ່ເພື່ອເປັນການກວດກາ ແລະ ປະເມີນຜົນຄືນ ການນໍາພາ-ຊີ້ນໍາ ຂອງຄະນະຊາວໜຸ່ມໜ່ວຍຮາກຖານ ໃນການເຄື່ອນໄຫວຈັດຕັ້ງປະຕິບັດຂະບວນການແຂ່ງຂັນ 4 ບຸກ ໃນໄລຍະ 1 ປີຜ່ານມາ. ກອງປະຊຸມ ສະຫາຍ ໂອທອງ ຫັດສະດີ ເລຂາຊາວໜ່ວຍຊາວໜຸ່ມໜ່ວຍຮາກຖານກໍໄດ້ຂຶ້ນຜ່ານບົດສະຫຼຸບການ ເຄື່ອນໄຫວຈັດຕັ້ງປະຕິບັດວຽກງານຂໍ້ແຂ່ງຂັນ 4 ບຸກ ປະຈໍາປີ 2024 ແລະ ທິດທາງແຜນການ ປີ 2025; ຄະນະໜ່ວຍຊາວໜຸ່ມຮາກຖານ ມີສະມາຊິກຊາວໜຸ່ມທັງໝົດ 45 ສະຫາຍ, ຍິງ 18 ສະຫາຍ ໄລຍະຜ່ານມາໄດ້ເອົາໃຈໃສ່ເຄື່ອນໄຫວປະຕິບັດ ຕາມພາລະບົດບາດ, ສິດ ແລະ ໜ້າທີ່ ດ້ວຍຄວາມຮັບຜິດຊອບສູງ, ພາຍໃຕ້ການນຳພາ-ຊີ້ນໍາ ຂອງຄະນະພັກ, ຄະນະຊາວໜຸ່ມແຂວງ ເຄື່ອນໄຫວວຽກງານວິຊາສະເພາະເປັນປົກກະຕິ ໂດຍສະແດງອອກ: ບຸກດ້ານແນວຄິດ ປະຕິບັດໄດ້ 92%, ບຸກດ້ານການຝຶກຝົນຫຼໍ່ຫຼອມຮໍ່າຮຽນ ປະຕິບັດໄດ້ 92%, ບຸກດ້ານການຈັດຕັ້ງ ປະຕິບັດໄດ້ 92%, ບຸກດ້ານວິຊາຊີບ-ສ້າງວຽກເຮັດງານທໍາ ປະຕິບັດໄດ້ 92% ເຊິ່ງສາມາດບັນລຸໄດ້ ຕາມມາດຖານເງື່ອນໄຂ ຂອງຄະນະບໍລິຫານງານຊາວໜຸ່ມແຂວງວາງອອກ.ຈາກນັ້ນ ຄະນະຮັບຜິດຊອບວຽກງານກວດກາ 4 ບຸກຂັ້ນແຂວງ ກໍໄດ້ມີຄໍາຖາມເຈາະຈີ້ມ ແລະ ແລກປ່ຽນ ໃນການປະເມີນຄັ້ງນີ້ ເພື່ອໃຫ້ມີເນື້ອໃນຄົບຖ້ວນສົມບູນ ແລະ ຖືກຕ້ອງຕາມສະພາບຄວາມເປັນຈິງ ແນ່ໃສ່ຍົກສູງຄຸນນະພາບວຽກງານຂະບວນການແຂ່ງຂັນ 4 ບຸກ ໃຫ້ສູງຂຶ້ນ.
ຕອນທ້າຍກອງປະຊຸມ ສະຫາຍ ວັນນະສິນ ສອນວິໄລ ຮອງເລຂາຄະນະບໍລິຫານງານຊາວໜຸ່ມແຂວງ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ ພ້ອມທັງເໜັ້ນໜັກໃຫ້ສືບຕໍ່ຮັກສາມູນເຊື້ອທີ່ຜ່ານມາ, ເອົາໃຈໃສ່ໃນການເຜີຍແຜ່ເຊື່ອມຊຶມ ເນື້ອໃນຂໍ້ແຂ່ງຂັນ 4 ບຸກ ໃຫ້ສະມາຊິກຂອງຕົນ ຖືເອົາແຜນການທີ່ ວາງໄວ້ເປັນບ່ອນອີງໃນການຈັດຕັ້ງປະຕິບັດ ແລະ ສ້າງຂະບວນການຢ່າງຕໍ່ເນື່ອງ, ຍາດແຍ່ງເອົາການຊ່ວຍເຫຼືອຈາກຄະນະພັກຂອງຕົນ ເພື່ອເຮັດໃຫ້ວຽກງານສຳເລັດຕາມເປົ້າໝາຍທີ່ກຳນົດໄວ້ ແລະ ມີປະສິດຕິພາບສູງ.

ຂ່າວ ແລະ ພາບ. ຫິງສະກະ ມູນສິງ 020 55459997

16/01/2025

ຄະນະຊາວໜຸ່ມ ປະຊາຊົນປະຕິວັດລາວ ຮາກຖານສານປະຊາຊົນ ນະຄອນຫຼວງວຽງຈັນ ໄດ້ດໍາເນີນກອງປະຊຸມໃຫຍ່ ຄັ້ງທີ III ຂອງຕົນຂຶ້ນຢ່າງເປັນທາງການໃນຕອນເຊົ້າຂອງວັນທີ 15 ມັງກອນ 2024 ຢູ່ທີ່ຫ້ອງປະຊຸມສານປະຊາຊົນ ນະຄອນຫຼວງວຽງຈັນ ໂດຍເປັນປະທານຂອງສະຫາຍ ພົມມະສອນ ສາຍນໍລາດ ເລຂາຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ຮາກຖານ ສານປະຊາຊົນ ນະຄອນຫຼວງວຽງຈັນ ໂດຍມີສະຫາຍ ຫຸມແພງ ສີສົມບັດ ເລຂາຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ນະຄອນຫຼວງວຽງຈັນ ສະຫາຍ ຈິດຕະວັນ ວົງໄຊ ຄະນະພັກຮາກຖານ ສານປະຊາຊົນ ນະຄອນຫຼວງວຽງຈັນ ພ້ອມດ້ວຍບັນດາຜູ້ແທນສົມບູນ ແລະ ແຂກຖຶກເຊີນເຂົ້າຮ່ວມ.
ກອງປະຊຸມຍັງໄດ້ຮັບຟັງບົດລາຍງານການເມືອງ ທັງ 2 ພາກຈາກສະຫາຍ ພົມມະສອນ ສາຍນໍລາດ ເລຂາຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ຮາກຖານສານປະຊາຊົນ ນະຄອນຫຼວງວຽງຈັນ ໄດ້ລາຍງານໃຫ້ເຫັນຜົນງານໃນການເຄື່ອນໄຫວນຳພາຂອງໜ່ວຍຊາວໜຸ່ມ ໃນໄລຍະ 5 ປີ ທີ່ຜ່ານມາ ອົງການຈັດຕັ້ງຊາວໜຸ່ມພວກເຮົາໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ຊຶ່ງຍາມໃດກໍຖືເອົາການສຶກສາອົບຮົມການເມືອງ-ແນວຄິດ ເປັນວຽກງານສໍາຄັນ ຊຶ່ງໄດ້ນໍາພາສະມາຊິກຊາວໜຸ່ມເຂົ້້າຮ່ວມເຊື່ອມຊືມບັນດາມະຕິຄໍາສັ່ງ, ມະຕິກອງປະຊຸມໃຫ່ຍຄັ້ງທີ XI ຂອງພັກ ມະຕິກອງປະຊຸມໃຫຍ່ຄັ້ງທີ VII ຂອງອົງຄະນະພັກນະຄອນຫຼວງວຽງຈັນ ມະຕິກອງປະຊຸມບຄັ້ງທີ່ VIII ຂອງຜູ້ແທນຊາວໜຸ່ມທົ່ວນະຄອນຫຼວງວຽງຈັນ ແລະ ລະບຽບກົດໝາຍ ຮໍ່າຮຽນເອົາແບບຢ່າງຄຸນສົມສິນທໍາປະຕິວັດຂອງທ່ານຜູ້ນໍາ ມູນເຊື້ອວັດທະນະທໍາຮີດຄອງປະເພນີອັນດີງາມຂອງຊາດ, ເຂົ້້າຮ່ວມຮັບຟັງປາຖະກາຖາເນື່ອງໃນວັນສໍາຄັນຕ່າງໆຂອງພັກ ຂອງຊາດ ວັນສ້າງຕັ້ງກອງທັບ ວັນຢຶດອໍານາດ ວັນສ້າງຕັ້ງຄະນະບໍລິຫານງານຊາວໜຸ່ມ ປະຊາຊົນປະຕິວັດລາວວິລະກໍາແຫກຄຸກຂອງບັນດາທ່ານຜູ້ນໍາ ວິລະກໍາກອງພັນທີ 2 ຮັບປະກັນໃຫ້ແກ່ສະມາຊິກຊາວໜຸ່ມຂອງສານປະຊາຊົນນະຄອນຫຼວງວຽງຈັນ ໄດ້ເຊື່ອມຊືມ ແລະ ກໍາແໜ້ນແນວທາງນະໂຍບາຍຂອງພັກ ແຜນພັດທະນາເສດຖະກິດສັງຄົມຄັ້ງທີ VIII ຂອງລັດ ແລະ ອື່ນໆ ໄດ້ຈຳນວນ 38 ຄັ້ງ ມີຜູ້ເຂົ້າຮ່ວມ 1,196 ເທື່ອສະຫາຍ, ຍິງ 514 ເທື່ອສະຫາຍ.
ພ້ອມນັ້ນ ຄະນະບໍລິຫານງານຊາວໜຸ່ມໄດ້ເອົາໃຈໃສ່ເປັນເສນາທິການຊ່ວຍຄະນະພັກຄະນະນໍາ ກໍຄືຄະນະພັກຮາກຖານສານປະຊາຊົນ ນະຄອນຫຼວງວຽງຈັນ ທາງດ້ານການເຄື່ອນໄຫວວຽກງານຂະບວນການວິຊາສະເພາະຕາມສິດ ແລະ ໜ້າທີ່ຢູ່ໃນແຕ່ລະຂະແໜງການເຊັ່ນ: ວຽກງານການຄົ້ນຄ້ວາພິຈາລະນາຕັດສິນຄະດີຢູ່ແຕ່ລະຄະນະສານ ວຽກງານຫ້ອງການ ການເງິນ ແລະ ຈັດຕັ້ງ ຖືວ່າເປັນວຽກງານສໍາຄັນຕົ້ນຕໍ ແລະ ຖືເປັນວຽກງານດ້ານຕິດຕາມກວດກາ ບັນດາສະມາ ຊິກຊາວໜຸ່ມ ຊື່ງໃນໄລຍະທີ່ຜ່ານມາສະມາຊິກຊາວໜຸ່ມໄດ້ປະກອບສ່ວນວຽກງານຄົ້ນຄ້ວາຄະດີອາຍາໄດ້ ຈໍານວນ 6,140 ເລື່ອງ ຄະດີແພ່ງໄດ້ ຈໍານວນ 985 ເລື່ອງ ຄະດີການຄ້າໄດ້ ຈໍານວນ 1,300 ເລື່ອງ ຄະດີແຮງງານໄດ້ ຈໍານວນ 58 ເລື່ອງຄະດີເດັກໄດ້ ຈໍານວນ 322 ເລື່ອງ ຄະດີຄອບຄົວໄດ້ ຈໍານວນ 110 ເລື່ອງ ຄະດີປົກຄອງໄດ້ 02 ເລື່ອງ ວຽກງານຫ້ອງການ-ຈັດຕັ້ງ ສາມາດເຮັດວຽກບໍລິຫານປິ່ນອ້ອມ ປະຕິບັດຕາມພາລະບົດບາດໃນການເປັນເສນາທິການໃຫ້ແກ່ຄະນະພັກເຊັ່ນ: ໄດ້ຮັບເອກະສານຂາເຂົ້າ ຈໍານວນ 25,061 ສະບັບ ສົ່ງເອກະສານອອກ 30,580 ສະບັບ ສະເໜີອອກບັດສະມາຊິກພັກສົມບູນໃຫ້ສະມາຊິກພັກສົມບູນຈໍານວນ 02 ຄັ້ງ ສະເໜີເລື່ອນສະມາຊິກພັກສໍາຮອງຂຶ້ນເປັນສົມບູນຈໍານວນ 23 ສະຫາຍ ສະເໜີອະນຸມັດມະຫາຊົນກ້າວໜ້າເຂົ້້າພັກ 23 ສະຫາຍ ສະເໜີອະນຸມັດໃຫ້ມະຫາຊົນກ້າວໜ້າຮຽນກົດລະບຽບພັກ 26 ສະຫາຍ ຮຽນສະໜັບສະໜູນ 27 ສະຫາຍ ແລະ ອື່ນໆ ຈາກຜົນງານການປະກອບສ່ວນດັ່ງກ່າວສະມາຊິກຊາວໜຸ່ມ ຈິ່ງໄດ້ຮັບການປະຕິບັດຍ້ອງຍໍດັ່ງນີ້: ໄດ້ຮັບໃບຍ້ອງຍໍຈາກປະທານສານປະຊາຊົນສູງສຸດ ຈໍານວນ 03 ຄັ້ງ ມີສະມາຊິກໄດ້ຮັບຈໍານວນ 180 ສະຫາຍ ຍິງ 87 ສະຫາຍ ໄດ້ຮັບໃບຢັ້ງຢືນ 4 ບຸກ ຈໍານວນ 02 ຄັ້ງ ມີສະມາຊິກໄດ້ຮັບຈໍານວນ 131 ສະຫາຍ ຍິງ 63 ສະຫາຍ ໄດ້ຮັບໃບຍ້ອງຍໍຈາກເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ ຈໍານວນ 67 ສະຫາຍ ຍິງ 31 ສະຫາຍ ໄດ້ຮັບການຍ້ອງຍໍຈາກປະທານສະຫະພັນກໍາມະບານນະຄອນຫຼວງວຽງຈັນ 65 ສະຫາຍ ຍິງ 29 ສະຫາຍ ໄດ້ຮັບການຍ້ອງຍໍຈາກປະທານສະຫະພັນແມ່ຍິງນະຄອນຫຼວງວຽງຈັນ ຈໍານວນ 29 ສະຫາຍ.
ກອງປະຊຸມຍັງໄດ້ມີການປະກອບຄໍາເຫັນ ແລະ ໄດ້ໃຊ້ສິດປ່ອນບັດຄັດເລືອກ ເອົາຄະນະບໍລິຫານງານຊາວໜຸ່ມ ປປລ ຊຸດໃໝ່ ສະໃໝທີ III ບົນພື້ນຖານລວມສູນປະຊາທິປະໄຕຢ່າງຖຶກຕ້ອງ ແລະ ສອດຄ່ອງກັບມາດຖານເງື່ອນໄຂທີ່ກຳນົດ ເຊິ່ງມີຜູ້ລົງສະໜັກທັງໝົດ 7 ສະຫາຍ ໄດ້ເລືອກເອົາ 5 ສະຫາຍ ໂດຍໄດ້ເລືອກເອົາສະຫາຍ ພົມມະສອນ ສາຍນໍລາດ ເປັນເລຂາ ສະຫາຍ ພອນປະເສີດ ສີຫານາດ ເປັນຮອງ ເລຂາທັງເປັນປະທານກວດກາ ສະຫາຍ ວາດສະໜາ ດວງມາລາ ເປັນຮອງເລຂາ ສະຫາຍ ພອນທິດາ ເພັງສະຫວັດ ແລະ ສະຫາຍ ນາງ ມາລີນ້າ ນິດສະຫວັນ ເປັນຄະນະ.

16/01/2025

ກອງປະຊຸມໃຫຍ່ ຄະນະຊາວໜຸ່ມ
ປະຊາຊົນ ປະຕິວັດລາວ ໜ່ວຍຮາກຖານພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວແຂວງ ຄັ້ງທີ X.
---------------------------------
ຄະນະຊາວໜຸ່ມໜ່ວຍຮາກຖານພະແນກຖະແຫຼງຂ່າວ, ວັດທະນະທໍາແລະທ່ອງທ່ຽວແຂວງ ໄດ້ເປີດກອງປະຊຸມໃຫຍ່ ຄັ້ງທີ X ຂອງຕົນຂຶ້້ນ ໃນຕອນບ່າຍຂອງວັນທີ 14 ມັງກອນ 2025 ນີ້ ຢ່າງເປັນທາງການ ຢູ່ທີ່ຫ້ອງປະຊຸມຂອງຕົນ ໂດຍການເປັນປະທານຂອງ ສະຫາຍ ແສງອາລຸນ ຈິດຕະວົງ ເລຂາຊາວໜຸ່ມຮາກຖານພະແນກຖະແຫຼງຂ່າວ, ວັດທະນະທໍາແລະທ່ອງທ່ຽວແຂວງ ໃຫ້ກຽດເຂົ້າຮ່ວມຂອງ ສະຫາຍ ທະນູວັນ ວົງມະນີ ຮອງເລຂາຄະນະບໍລິຫານງານຊາວໜຸ່ມແຂວງ, ສະຫາຍ ສົນທອງ ວີບຸນກວ້າງ ຫົວໜ້າພະແນກຖະແຫຼງຂ່າວ,ວັດທະນະທໍາແລະທ່ອງທ່ຽວແຂວງ,ມີແຂກຖືກເຊີນ, ຊາວໜຸ່ມແຮກສ່ຽວ ແລະ ສະມາຊິກຊາວໜຸ່ມພາຍ ເຂົ້າຮ່ວມ 44 ສະຫາຍ, ຍິງ 24 ສະຫາຍ.
ກອງປະຊຸມ ສະຫາຍ ວຽງສາລີ ອຸມາລີ ຮອງເລຂາຊາວໜຸ່ມຮາກຖານໄດ້ຂຶ້ນຜ່ານບົດລາຍງານການປະຕິບັດວຽກງານຊາວໜຸ່ມໄລຍະຜ່ານມາ, ຕີລາຄາຄືນຈຸດອ່ອນ, ຂໍ້ຄົງຄ້າງ, ພ້ອມທັງວາງທິດທາງວຽກງານ ຊາວໜຸ່ມໃນຊຸມປີຕໍ່ໜ້າ, ກອງປະຊຸມໄດ້ເປັນເອກະພາບສູງຮັບຮອງເອົາບົດສະຫຼຸບ ແລະ ຄາດໝາຍສູ້ຊົນໃນ 5 ປີ ຕໍ່ໜ້າ. ປັດຈຸບັນຊາວໜຸ່ມໜ່ວຍຮາກຖານພະແນກຖະແຫຼງຂ່າວ, ວັດທະນະທໍາແລະທ່ອງທ່ຽວແຂວງ ມີສະມາຊິກ ທັງໝົດ 33 ສະຫາຍ,ຍິງ 17 ສະຫາຍ, ພ້ອມກັນນີ້ກໍ່ໄດ້ຮັບການຍ້ອງຍໍສະມາຊິກຊາວໜຸ່ມ ຜູ້ທີ່ມີຜົນງານດີເດັ່ນ ຈາກຄະນະບໍລິຫານງານສູນກາງຊາວໜຸ່ມອີກດ້ວຍ. ພາຍຫຼັງຄະນະຊຸດເກົ່າໄດ້ຂຶ້ນຜ່ານບົດສຳຫຼວດນຳພາ ພ້ອມອຳລາໜ້າທີ່. ກອງປະຊຸມໄດ້ປ່ອນບັດຄັດເລືອກເອົາຄະນະຊາວໜຸ່ມຮາກຖານຊຸດໃໝ່ ໂດຍມີຜູ້ສະໝັກ 07 ສະຫາຍ, ຍິງ 02 ສະຫາຍ. ກອງປະຊຸມ ໄດ້ໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາຄະນະຊາວໜຸ່ມຊຸດໃໝ່ ເພື່ອນຳພາ-ຊີ້ນຳພາວຽກງານຊາວໜຸ່ມໃນຕໍ່ໜ້າ, ກອງປະຊຸມຄັ້ງປະຖົມມະລຶກເຫັນດີເລືອກເອົາ ສະຫາຍ ວຽງສາລີ ອຸມາລີ ເປັນເລຂາ, ສະຫາຍ ສຸພາລັກ ຫຼວງລາດບັນດິດ ເປັນຮອງເລຂາ ທັງເປັນຜູ້ກວດກາ, ສະຫາຍ ນາງ ຂັນທະລີ ແກ້ວວົງວິຈິດ ເປັນຄະນະ, ສະຫາຍ ສອນວິໄຊ ສີຫາລາດ ເປັນຄະນະ, ສະຫາຍ ສຸກທະວີ ຈັນທະວິໄຊ ເປັນຄະນະ.

16/01/2025

https://www.facebook.com/share/v/1F1Z1HRNmY/

16/01/2025

#ພິທີເປີດງານແຂ່ງຂັນກິລາເຕະບານມິດຕະພາບ ຊີງຂັນເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ(ສຊປລ) ປະຈຳປີ 2024 ໄດ້ໄຂຂຶ້ນຢ່າງເປັນທາງການ
ໂດຍ: ຄຳສິງ ວິໄລຄຳ
...............................
ພິທີເປີດງານແຂ່ງຂັນກິລາມິດຕະພາບຊີງຂັນເລຂາຄະນະບໍລິຫານງານ ສຊປລ ໄດ້ ໄຂຂື້ນຢ່າງເປັນທາງການ ໃນທ່າມກາງບັນຍາກາດທີ່ທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ ກໍ່ຄື ຊາວຫນຸ່ມ-ເຍົາວະຊົນລາວບັນດາເຜົ່າ ພ້ອມກັນ ອອກແຮງແຂ່ງຂັນສ້າງຜົນງານຂໍ່ານັບຮັບຕ້ອນ ການ ສະເຫຼີມສະຫຼອງ 3 ວັນປະຫວັດສາດທີ່ສໍາຄັນຂອງຊາດຂອງພັກ ຄື: ວັນສ້າງຕັ້ງພັກປະຊາຊົນ ປະຕິວັດ ລາວ ຄົບຮອບ 70 ປີ; ວັນຊາດທີ 2 ທັນວາ ຄົບ ຮອບ 50 ປີ ວັນຄ້າຍວັນເກີດ ປະທານໄກສອນ ພົມວິຫານ ຄົບຮອບ 105 ປີ ແລະ ວັນສ້າງຕັ້ງ ຊປປ ລາວ ຄົບຮອບ 70 ປີ, ພ້ອມທັງຂໍ່ານັບຮັບຕ້ອນກອງ ປະຊຸມໃຫຍ່ ຄັ້ງທີ XII ຂອງພັກ ແລະ ກອງປະຊຸມໃຫຍ່ຜູ້ແທນຊາວຫນຸ່ມທົ່ວປະເທດ ຄັ້ງທີ IX ດ້ວຍ ຄວາມເບີກບານມ່ວນຊື່ນ ແລະ ກຽມຈິດ ກຽມໃຈ ເຂົ້າສູ່ການຈັດຕັ້ງປະຕິບັດແຜນພັດທະນາເສດຖະກິດ- ສັງຄົມແຫ່ງຊາດຄັ້ງທີ X.
ກິດຈະກໍາແຂ່ງຂັນກິລາບານເຕະມິດຕະພາບໃນຄັ້ງນີ້ ເປັນການຮ່ວມມືຈາກຫຼາຍພາກສ່ວນ ເຊີ່ງຈັດ ຂຶ້ນໂດຍ ສູນກາງຊາວຫນຸ່ມປະຊາຊົນປະຕິວັດລາວ, ກະຊວງສຶກສາ ແລະ ກິລາ, ບໍລິສັດຮຸ່ງອາລຸນການຄ້າ ເອເລັກໂຕນິກ, ສູນກິລາຄົບວົງຈອນລ້ານຊ້າງ ແລະ ບໍລິສັດຜະລິດຊຸດກິລາ ອີໂວ ແລະ ໄດ້ເຊື້ອເຊີນເອົາ ຄະນະຊາວຫນຸ່ມຈາກບັນດາກະຊວງ, ອົງການ, ແຂວງ, ນະຄອນຫຼວງ, ສະມາຄົມນັກທຸລະກິດຫນຸ່ມແຫ່ງ ຊາດ, ບັນດາຫ້າງຮ້ານ, ບໍລິສັດ ພາກສ່ວນອຸປະຖໍາທີ່ໃຫ້ການສະຫນັບສະຫນູນງານ ເຂົ້າຮ່ວມຫຼາຍກວ່າ 50 ພາກສ່ວນ, ມີຈໍານວນຄົນເຂົ້າຮ່ວມທັງໝົດ 2.000 ກວ່າຄົນ. ໃນນີ້ມີທີມນັກກິລາທີ່ຈະລົງແຂ່ງຂັນທັງ ຫມົດ 23 ທີມ ເຊິ່ງຈະດໍາເນີນການແຂ່ງຂັນເລີ່ມເດືອນ ມັງກອນ ຫາ ເດືອນກຸມພາ ປີ 2025.
ງານກິດຈະກໍາແຂ່ງຂັນກິລາບານເຕະ 11 ຄົນຊີງຂັນເລຂາຄະນະບໍລິຫານງານ ສຊປລ ປະຈໍາປີ 2024 ໃນເທື່ອນີ້ແມ່ນເປັນການສ້າງຂະບວນການທີ່ມີຄວາມ ຫມາຍຄວາມສໍາຄັນເພື່ອສ້າງເງື່ອນໄຂໃຫ້ຄະນະຊາວຫນຸ່ມ, ສະມາຊິກຊາວຫນຸ່ມ ແຕ່ລະພາກສ່ວນ ໄດ້ຮັດແໜ້ນຄວາມສາມັກຄີມິດຕະພາບ, ມີໂອກາດໄດ້ສະແດງຄວາມສາມາດຂອງຕົນທາງດ້ານກິລາເຕະບານແລະ ທັງເປັນການອອກກໍາລັງກາຍເພື່ອຮັກສາສຸຂະພາບ ເຮັດໃຫ້ມີຮ່າງກາຍແຂງແຮງ ແລະ ຈິດໃຈທີ່ເຂັ້ມແຂງ ເພື່ອກຽມພ້ອມເຂົ້າໃນການປະຕິບັດໜ້າທີ່ປົກປັກຮັກສາ ແລະ ສ້າງສາພັດທະນາປະເທດຊາດອັນແສນຮັກ ຂອງພວກເຮົາ. ການແຂ່ງຂັນກິລາໃນຄັ້ງນີ້ບໍ່ພຽງແຕ່ເປັນການສະແດງຄວາມສາມາດດ້ານກິລາເທົ່ານັ້ນ, ແຕ່ ຍັງເປັນການສະແດງເຖິງຄວາມມຸ່ງຫມັ້ນ, ຄວາມອົດທົນ, ແລະ ຈິດໃຈແຫ່ງການແຂ່ງຂັນຂອງຊາວຫນຸ່ມຂອງ ພວກເຮົາ, ກິລາເຕະບານບໍ່ພຽງແຕ່ເປັນເກມເທົ່ານັ້ນ, ແຕ່ມັນເປັນເຄື່ອງມືອັນຊົງພະລັງໃນການສ້າງ ມິດຕະພາບ, ພັດທະນາທັກສະການເຮັດວຽກເປັນທີມ, ແລະ ສົ່ງເສີມຄວາມສາມັກຄີ.
ພິທີດັ່ງກ່າວໄດ້ຈັດຂຶ້ນໃນວັນທີ 15 ມັງກອນ 2025 ຢູ່ທີ່ເດີ່ນເຕະບານລ້ານຊ້າງ ນະຄອນຫຼວງວຽງຈັນ.

15/01/2025

ກອງປະຊຸມຝຶກອົບຮົມອາສາສະໝັກສິນໄຊຊ່ວຍເຫດສຸກເສີນທີ່ ແຂວງ ຫຼວງນໍ້າທາ...

ໃນວັນທີ 13 ມັງກອນ 2025 ສູນກາງຊາວໜຸ່ມປະຊາຊົນປະຕິວັດລາວ ແລະ ອົງການຢູນີເຊັບ ປະຈຳ ສປປ ລາວ ໄດ້ເປີດຊຸດຝຶກອົບຮົມອາສາສະໝັກສິນໄຊຊ່ວຍເຫດສຸກເສີນ ເຊິ່ງໄດ້ຈັດຂື້ນໃນວັນທີ 13-16 ມັງກອນ 2025 ທີ່ ແຂວງ ຫຼວງນໍ້າທາ ແລະ ໃຫ້ກຽດເຂົ້າຮ່ວມເປັນປະທານ ແລະ ກ່າວເປີດພິທີໂດຍ ທ່ານ ນວນທອງ ສຸວັນວິໄຊ ຮອງເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ, ທ່ານ ໄຊມອນ ນາເຊີ ຫົວໜ້າພະແນກສື່ສານ ອົງການອຸຍນີເຊບ ແລະ ທ່ານ ນາງ ປານີ ຈິດດາລາ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ແຂວງ ຫຼວງນໍ້າທາ ມີຜູ້ເຂົ້າຮ່ວມຈາກອາສາສະໝັກຊາວໜຸ່ມ 5 ເມືອງຄື: ເມືອງ ຫຼວງນໍ້າທາ, ເມືອງ ນາແລ, ເມືອງ ລອງ, ເມືອງ ສິງ ແລະ ເມືອງ ວຽງພູຄາ ພ້ອມດ້ວຍອາສາສະໝັກຈາກບັນດາຂະແໜງການໃນເທດສະບານແຂວງ ເຊິ່ງມີວິທະຍາກອນທີ່ມາໃຫ້ຄວາມຮູ້ແກ່ນັກຝຶກອົບຮົມຈາກກົມຄຸ້ມຄອງການປ່ຽນແປງດິນຟ້າອາກາດ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ, ຜູ້ຕາງໜ້າຈາກຄະນະສຶກສາສາດ ມະຫາວິທະຍາໄລແຫ່ງຊາດລາວ ຈຸດປະສົງແມ່ນເພື່ອເປັນການສ້າງຄວາມເຂັ້ມແຂງໃຫ້ແກ່ອາສາສະໝັກຊ່ວຍເຫດສຸກເສີນ ໃຫ້ມີທັກສະໃນການໂຄສະນາໃຫ້ຄວາມຮູ້ເພື່ອແຈ້ງເຕືອນເຫດສຸກເສີນ, ຜົນກະທົບຂອງການປ່ຽນແປງດິນຟ້າອາກາດ, ການຮັບມືກັບໄພພິບັດ, ຂັ້ນຕອນ ແລະ ຄວາມຮູ້ພື້ນຖານດ້ານການປະຖົມພະຍາບານ ແລະ ວິທີການຟື້ນຟູສະພາບຈິດໃຈໃຫ້ແກ່ຜູ້ທີ່ຖືກຜົນກະທົບຈາກໄພພິບັດ.

15/01/2025

15/01/2025

ພິທີໃບຢັ້ງຢືນ 4 ບຸກ; ທຸງໄຊນໍາໜ້າຂະບວນກຳນແຂ່ງຂັນ 4 ບຸກ
ມອບຫຼຽນຊາວໜຸ່ມຕະລຸມບອນ ແລະ ຫຼຽນກາລະນຶກ 65 ປີ

ໃນວັນທີ 15 ມັງກອນ 2025 ນີ້ ທີ່ກະຊວງແຜນການ ແລະ ການລົງທຶນ ໄດ້ພິທີມອບທຸງໄຊນຳໜ້າຂະບວນການແຂ່ງຂັນ 4 ບຸກ ຄັ້ງທີ II, ພິທີປະດັບ ແລະມອບຫຼຽນຊາວໜຸ່ມຕະລຸມບອນ ແລະຫຼຽນກາລະນຶກ ວັນສ້າງຕັ້ງຄະນະຊາວໜຸ່ມ ປະຊາຊົນປະຕິວັດລາວຄົບຮອບ 65 ປີ ໃຫ້ແກ່ບຸກຄົນ ໃນກະຊວງ ແຜນການ ແລະການລົງທຶນ ທີ່ມີຜົນງານດີເດັ່ນ ໃນການປະກອບສ່ວນເຂົ້າໃນວຽກງານ ຂອງຊາວໜຸ່ມ ຂອງ ກະຊວງ ແຜນການ ແລະການລົງທຶນ ໄດ້ຈັດຂຶ້ນໃນວັນທີ 15 ມັງກອນ 2025 ພາຍໃຕ້ການເປັນປະທານ ຂອງທ່ານ ປອ ເພັດ ພົມພິພັກ ກຳມະການສູນການພັກ, ເລຂາຄະນະບໍລິຫານງານພັກ,ລັດຖະມົນຕີກະຊວງແຜນການ ແລະການລົງທຶນ ແລະ ທ່ານ ນວນທອງ ສຸວັນວິໄຊ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ຄະນະບໍລິຫານງານຊາວໜຸ່ມຂອງກະຊວງ ແລະ ສະມາຊິກຊາວໜຸ່ມຂອງກະຊວງແຜນການ ແລະ ການລົງທຶນ ເຂົ້າຮ່ວມ.
ພິທີດັ່ງກ່າວໄດ້ຮັບຟັງບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ, ຮັບຟັງການປະກອບຄຳຄິດເຫັນຕໍ່ບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ, ຂໍ້ຕົກລົງ ຂອງຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ວ່າດ້ວຍການຮັບຮອງ ຄະນະຊາວໜຸ່ມ ປະຊາຊົນປະຕິວັດລາວ ກະຊວງ ແຜນການ ແລະ ການລົງທຶນ ເປັນ ຄະນະຊາວໜຸ່ມ ປະຊາຊົນປະຕິວັດລາວ 4 ບຸກ, ຂໍ້ຕົກລົງວ່າ ດ້ວຍການມອບທຸງໄຊນຳໜ້າຂະບວນການແຂ່ງຂັນ 4 ບຸກ,ຂໍ້ຕົກລົງ ຂອງຄະນະບ ລິຫານງານ ສູນກາງຊາວໜຸ່ມປະຊາຊົນປະຕິວັດລາວ ວ່າດ້ວຍການມອບຫຼຽນຊາວ ໜຸ່ມຕະລຸມບອນ. ນອກນີ້ ພິທີດັ່ງກ່າວໄດ້ມອບຮັບໃບຢັ້ງຢືນ 4 ບຸກ, ມອບທຸງໄຊນຳໜ້າ 4 ບຸກ, ມອບຫຼຽນຊາວໜຸ່ມຕະລຸມບອນ ໃຫ້ຄະນະນໍາກະຊວງແລະ ຄະນະບ ລິຫານງານຊາວໜຸ່ມກະຊວງ ແຜນການ ແລະ ການລົງທຶນ, ມອບຫຼຽນກາລະນຶກ 65 ປີວັນສ້າງຕັ້ງຄະນະຊາວໜຸ່ມ ປະຊາຊົນປະຕິວັດລາວ.
ໃນຕອນທ້າຍຂອງພິທີ ທ່ານ ປອ ເພັດ ພົມພິພັກ ກຳມະການສູນການພັກ, ເລຂາຄະນະບໍລິຫານງານພັກ,ລັດຖະມົນຕີກະຊວງແຜນການ ແລະການລົງທຶນ ຍັງໄດ້ໃຫ້ກຽດໂອ້ລົມ ແລະ ຍ້ອງຍໍຊົມເຊີຍຕໍ່ຜົນສໍາເລັດໃນການເຄື່ອນ​ໄຫວນໍາພາ-ຊີ້ນໍາວຽກ​ງານຕະຫຼອດ​ໄລຍະທີ່ຜ່ານມາ ຂອງ ຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງ ແຜນການ ແລະ ການລົງທຶນ ແລະ ພ້ອມນີ້ຍັງມີຄໍາເຫັນຕໍ່ ບັນດາສະຫາຍໃນຄະນະບໍລິຫານງານຊາວໜຸ່ມ ພ້ອມດ້ວຍສະມາຊິກຊາວໜຸ່ມ ຈົ່ງພ້ອມກັນຄວາມ​ຮັບຜິດຊອບສູງຕໍ່ກັບໜ້າທີ່ວຽກງານການເມືອງທີ່ໄດ້ຮັບມອບໝາຍຢ່າງຕັ້ງໜ້າ ໂດຍສະເພາະແມ່ນການເປັນເສນາທິການຊ່ວຍຄະນະພັກ-ຄະນໍາກະຊວງ ແຜນການ ແລະ ການລົງທຶນ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ວຽກງານການຄົ້ນຄ້ວາ, ວິເຄາະ-ວິໄຈສະພາບເສດຖະກິດ, ວຽກງານປະເມີນຜົນ, ວຽກງານສະຖິຕິ, ວຽກງານການສົ່ງເສີມ ແລະ ດຶງດູດການລົງທຶນທັງພາຍໃນ-ຕ່າງປະເທດ, ວຽກງານດຶງດູດການຊ່ວຍເຫຼືອເພື່ອການພັດທະນາ, ລວມທັງການເປັນໃຈກາງໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ທ່ານໄດ້ໃຫ້ກຽດຕັດແຖບຜ້າ ແລະການລັ່ນຄ້ອງ 9 ບາດ.

15/01/2025

ໃນຕອນບ່າຍຂອງວັນທີ 14 ມັງກອນ 2025 ນີ້ ຄະນະບໍລິຫານງານຊາວໜຸ່ມແຂວງບໍລິຄໍາໄຊ ໄດ້ລົງພົບປະຢ້ຽມຢາມ ແລະ ຊຸກຍູ້ວຽກງານຊາວໜຸ່ມກອງບັນຊາການທະຫານແຂວງ ເພື່ອເປັນສ້າງຂະບວນການຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ, ສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ຜູ້ແທນຊາວໜຸ່ມແຂວງ ຄັ້ງທີ VII ທີ່ໃກ້ຈະມາເຖິງນີ້; ເຊິ່ງໄດ້ນໍາຄອມພິວເຕີ ແລະ ມອບເງິນ ສົມທົບສ້າງປ້າຍໂຮງຮຽນການທະຫານທ້ອງຖີ່ນທົ່ງປ່າຄາ, ມອບປີ່ນເຕີ ໃຫ້ພະແນກຊາວໜຸ່ມກອງບັນຊາການທະຫານແຂວງ ມູນຄ່າ: 15.000.000 ກີບ ເປັນກຽດກ່າວມອບໂດຍ ສະຫາຍ ທອງມະນີ ໂຄດປັນຍາ ກໍາມະການພັກແຂວງ, ກໍາມະການຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມແຂວງ ກ່າວຮັບໂດຍ ສະຫາຍ ພັອ ຈັນນີ ສີສຸກ ຄະນະປະຈໍາພັກກອງບັນຊາການ, ຫົວໜ້າຫ້ອງການເມືອງ ມີຫົວໜ້າພະແນກຊາວໜຸ່ມກອງບັນຊາການທະຫານແຂວງ ພ້ອມດ້ວຍຄະນະ, ຄະນະປະຈໍາຊາວໜຸ່ມແຂວງ, ຄະນະບໍລິຫານງານຊາວໜຸ່ມແຂວງ ແລະ ພະນັກງານ ເຂົ້າຮ່ວມ. ຫຼັງຈາກນັ້ນກໍ່ໄດ້ສ້າງຂະບວນການກິລາມິດຕະພາບຮ່ວມກັນ ຢູ່ທີ່ເດີ່ນກອງບັນຊາການທະຫານແຂວງ. ຂ່າວ: ຊາວໜຸ່ມບໍລິຄໍາໄຊ