LNT ARMY News (2024)

28/02/2023

ກອງຮ້ອຍ 25 ທະຫານແຂວງຫຼວງນ້ຳທາ ເປີດຊຸດອົບຮົມໄລຍະທີ l,ໄລຍະທີ ll ປະຈຳ 2023
ໃນຕອນເຊົ້າຂອງວັນທີ 28 ກຸມພາ 2023 ນີ້ກອງຮ້ອຍ 25 ທະຫານແຂວງຫຼວງນ້ຳທາໄດ້ຈັດພິທີເປີດຊຸດອົບຮົມການເມືອງ, ການທະຫານ ພະລາທິການ - ເຕັກນິກ ເຫຼົາຮົບ ວິຊາສະເພາະສືບຂ່າວຍຸດທະວິທີ ຂຶ້ນຢ່າງເປັນທາງການຢູ່ທີ່ສະໂມສອນຂອງຕົນ ໂດຍການເປັນປະທານ ຂອງສະຫາຍ ພັນໂທ ບຸນຄຳ ຈັນວິວັນຕໍ ຮອງຫ້ອງເສນາທິການ ທະຫານແຂວງຫຼວງນໍ້າທາ. ມີພະແນກການທີ່ກ່ຽວຂ້ອງ ພ້ອມດ້ວຍຄະນະພັກ - ຄະນະບັນຊາ, ຄູຝຶກ ແລະ ນັກອົບຮົມ ຈຳນວນ 50 ກວ່າສະຫາຍເຂົ້າຮວມ.
ໃນພິທີ ສະຫາຍ ພັນໂທ ພອນສັກ ວົງແສງມູນ ຫົວໜ້າພະແນກສືບຂ່າວ ຫ້ອງເສນາທິການທະຫານແຂວງ ກໍ່ໄດ້ຂື້ນຜ່ານຂໍ້ຕົກລົງ ຂອງກອງບັນຊາການ ສະບັບເລກທີ 38 / ກບຊ ລົງວັນທີ 22 ກຸມພາ 2023 ວ່າດ້ວຍການອະນຸມັດໃຫ້ກອງຮ້ອຍ 25 ທະຫານແຂງຫຼວງນ້ຳທາ ເປີດຊຸດອົບຮົມ ຮຽນການເມືອງ - ການທະຫານ, ພະລາທິການ - ເຕັກນິກ ແລະ ເຫຼົ່າຮົບວິຊາສະເພາະສືບຂ່າວ ໄລຍະທີ l - ll ປະຈຳ 2023. ຈາກນັ້ນ ສະຫາຍ ຮ້ອຍເອກ ຄຳໝັ້ນ ພົມມີໄຊ ຮອງການທະຫານກອງຮ້ອຍກໍ່ໄດ້ຜ່ານແຜນການອົບຮົມ ເຊິ່ງນັກອົບຮົມຈະໄດ້ຮຽນຮູ້ກ່ວກັບ ພາກພື້ນຖານການເມືອງ ສິນລະປະຍຸດ, ຍຸດທະວິທີ, ການກວດກູ້ມິ່ນ , ການນຳໃຊ້ທາດລະເບີດ TNT, ກ້ອງຊ່ອງ, ແຜນທີ, ລະບຽບຮູບແຖວ, ເຄື່ອນທີພື້ນຖານ. ຊຸດອົບຮົມໄດ້ແບ່ງອອກເປັນສອງໄລຍະຄື: ໄລະທີ l ເລີ່ມແຕ່ເດືອນ 2-5 ,ໄລຍະທີ ll ແຕ່ເດືອນ 6 -10 / 2023 ລວມເວລາດຳເນີນທັງໝົດ 185 ວັນຈິງຈະອັດລົງ

ສໍພີມ

27/02/2023

ໂຮງຮຽນການທະຫານທ້ອງຖີນທະຫານແຂວງຫລວງນ້ຳທາໄດ້ຮັບເຄື່ອງຊ່ວຍເຫຼື່ອ

ວັນທີ 27 ກູມພາ 2023ນີ້ ທ່ານ ສົມປະສົງ ບໍລິສັດ ກໍ່ສ້າງເຄຫາສະຖານ ເມືອງໄຊ ແຂວງອຸດົມໄຊ ພ້ອມດ້ວຍທີມງານ ໄດ້ນຳເອົາເຄື່ອງອຸປະກອນກິລາຄື: ກະຕໍ້ຫວາຍ 1 ໜ່ວຍ, ບານບານສົ່ງ, 1 ໜ່ວຍ ແລະ ປື້ມຂຽນກາສັນຕິພາບ ຈໍານວນ 2 ຕັບ ລວມມູນຄ່າ 8,50,000 ມາມອບໃຫ້ໂຮງຮຽນການທະຫານທ້ອງຖີນ ທະຫານແຂວງຫລວງນໍ້າທາ ເຊີ່ງຕ່າງໜ້າກ່າວມອບໂດຍ ທ່ານ ບຸນພະມາ ໄຊຍະຈັກ ອໍານວຍການໂຮງຮຽນ ມສ ເທດສະບານແຂວງ ຫຼວງນໍ້າທາ ແລະ ກ່າວຮັບໂດຍ ສະຫາຍ ພັນໂທ ບຸນລຽນ ນິດສະວົງ ຫົວໜ້າການເມືອງ ພ້ອມດ້ວຍຄະນະ.
ໂອກາດດັ່ງກ່າວສະຫາຍ ຫົວໜ້າການເມືອງ ຕາງໜ້າຄະນະພັກ-ຄະນະບັນຊາ, ພະນັກງານ-ນັກຮົບ ໄດ້ກ່າວສະແດງຄວາມຂອບອົກ, ຂອບໃຈ ແລະ ຮູ້ບູນຄູນຢ່າງລົ້ນເຫຼືອມາຍັງ ທ່ານ ສົມປະສົງ ພ້ອມດ້ວຍທີມງານ ທີ່ໄດ້ນໍາເອົາເຄື່ອງອຸປະກອນກິລາມາມອບໃຫ້ໃນຄັ້ງນີ້ ແລະ ໃຫ້ຄໍາໜັ້ນສັນຍາວ່າ ຈະນໍາໄປໜູນໃຊ້ເຂົ້າໃນຂະບວນການກິລາຂອງກົມກອງໃຫ້ມີຂະບວນການຟົດຟື້ນ.

ບຸນມີ

27/02/2023

ເປີດຊຸດອົບຮົມເຮືອໄລຍະສັນ
__________________
ວັນທີ 23 ກຸມພາ 2023 ນີ້ ຢູ່ທີ່ສູນປະສານງານ ລາວ-ຈີນ ປະຈຳຊຽງກົກ ເມືອງລອງ ແຂວງຫຼວງນໍ້າທາ ໄດ້ຈັດພິທີເປີດຊຸດອົບຮົມເຮືອໄລຍະສັນຂື້ນ ໂດຍການເຂົ້າຮ່ວມເປັນປະທານ ຂອງ ສະຫາຍ ພັນໂທ ລີເຈເຊິນ ຮອງກອງບັນຊາການຕຳຫຼວດທາງນ້ຳ ແຂວງຢູນນານ ສປ ຈີນ ມີຄະນະພັກ-ຄະນະບັນຊາ ກອງຮ້ອຍທະຫານຊາຍແດນ 133, ພະນັກງານທີ່ກ່ຽວຂ້ອງ, ບັນດາຄູເຝິກ ແລະ ນັກສຳມະນາກອນ ທັງ 03 ຝ່າຍ ຄື: ລາວ, ຈີນ ແລະ ມຽນມ້າ ເຂົ້າຮ່ວມທັງໝົດ 30 ສະຫາຍ.
ໃນພິທີ ສະຫາຍ ຮ້ອຍເອກ ວູລາງ ຫົວໜ້າ ສູນປະສານງານຝ່າຍຈີນ ໄດ້ຂື້ນຜ່ານແຜນການ ອົບຮົມ ເຊີ່ງເນື້ອໃນລວມມີ: ຂັບເຮືອສູ້ຮົບ, ການກວດກາເຕັກນິກຂອງເຮືອທັງລະບົບເຄື່ອງຈັກ,ລະບົບໄຟຟ້າ, ການກວດຄົ້ນເຮືອຜູ້ຕ້ອງສົ່ງໃສ ແລະ ກວດຄົ້ນການລັກລອບເຂົ້າ-ອອກເມືອງ.
ຊຸດອົບຮົມໃນຄັ້ງນີ້ ໄດ້ດໍາເນີເປັນເລລາ 07 ວັນ ເຊີ່ງເລີ່ມແຕ່ ວັນທີ 23 ເດືອນ 02 ປີ 2023 ເຖີງ ວັນທີ 02 ເດືອນ 03 ປີ 2023 ແມ່ນໃຫ້ສຳເລັດ.
ບຸນປັນ

27/02/2023

ກອງບັນຊາການທະຫານແຂວງຫຼວງນໍ້າທາ ປິດຊຸດອົບຮົມ ວິຊາພະລະສືກສາ ປ້ອງກັນຊາດ

ວັນທີ 23 ກູມພາ 2023ນີ້ ກອງບັນຊາການທະຫານແຂວງຫຼວງນໍ້າທາ ໄດ້ຈັດພິທີປິດຊຸດອົບ ຮົມ ວິຊາພະລະສືກສາປ້ອງກັນຊາດ - ປ້ອງກັນຄວາມສະຫງົບ ຢູ່ທີ່ໂຮງຮຽນ ລຽ້ວກົ່ງ ໂດຍການເປັນປະທານຂອງ ສະຫາຍ ພັນໂທ ໂຊກສະຫວັນ ພົນຕະມອງ ຫົວໜ້າພະແນກການທະຫານທ້ອງຖີນ, ມີທ່ານ ອາຈານ ນາງ ບົວຄໍາ ໄຊຍະລັດ ຫົວໜ້າອໍານວຍການໂຮງຮຽນ ລຽ້ວກົ່ງ ມີຄູຝືກ, ຄູ - ອາຈານ ແລະ ນ້ອງນັກຮຽນເຂົ້າຮ່ວມຢ່າງພ້ອມພຽງ.
ໃນພິທີ ສະຫາຍ ພັນໂທ ຫຼ້າພອນ ມະນີວົງລັດ ຮອງພະແນກການທະຫານທ້ອງຖີນ ກໍ່ໄດ້ຜ່ານບົດສະຫຼຸບຕະຫຼອດໄລຍະເຝີກແອບຮໍ່າຮຽນ ໄລຍະ 3 ວັນ ເຊີ່ງໄດ້ຍົກໃຫ້ເຫັນດ້ານດີ - ດ້ານອ່ອນ ແລະ ຜົນງານບາງດ້ານ ເປັນຕົ້ນຄະນະຮັບຜິດຊອບ ແລະ ນ້ອງນັກຮຽນ ໄດ້ເປັນເຈົ້າການໃນຄວາມຮັບຜິດຊອບສູງຕໍ່ຊຸດອົບຮົມ ອັນໄດ້ເຮັດໃຫ້ຊຸດອົບຮົມສໍາເລັດຕາມຄາດໝາຍ ໃນນີ້ມີ 4 ພາກຄື່: ພາກການເມືອງ, ລະບຽບຮູບແຖວ, ພາກສີນລະປະຍຸດ ແລະ ພາກຍຸດທະວິທີ ລວມສະເລ່ຍໄດ້ 85%
ທັງນີ້ ກໍ່ເພື່ອເຮັດໃຫ້ນ້ອງນັກຮຽນ ໂຮງຮຽນລຽ້ວກົ່ງ ກໍາໄດ້ເຖີງແນວທາງປ້ອງກັນຊາດ, ເພື່ອເປັນພື້ນຖານໃນການຮຽນຮູ້ທາງດ້ານສີນລະປະຍຸດ ແລະ ຍຸດທະວິທີ ໃນການປະກອບສວ່ນຕໍ່ວຽກງານປ້ອງກັນຊາດ.

ບຸນມີ

24/02/2023

ກອງປະຊຸມສະຫຼຸບວຽກງານປ້ອງກັນຊາດ-ປ້ອງກັນຄວາມສະຫງົບ 04 ແຂວງພາກເຫນືອ, 1 ກອງພົນ ປະຈໍາປີ 2022 ແລະ ທິດທາງແຜນການ ປີ 2023

ກອງປະຊຸມສະຫຼຸບວຽກງານປ້ອງກັນຊາດ-ປ້ອງກັນຄວາມສະຫງົບ 4 ແຂວງພາກເຫນືອ, 1 ກອງພົນ (ແຂວງຫຼວງນໍ້າທາ, ຜົ້ງສາລີ, ອຸດົມໄຊ, ບໍ່ແກ້ວ ແລະ ກອງພົນທີ 3) ປະຈໍາ ປີ 2022 ແລະ ທິດທາງ ແຜນການວຽກງານຈຸດສຸມ ປີ 2023 ທີ່ແຂວງຫຼວງນໍ້າທາ ເປັນເຈົ້າພາບ ໄດ້ຈັດຂຶ້ນໃນວັນທີ 23 ກຸມພາ 2023 ນີ້, ທີ່ຫ້ອງປະຊຸມສະໂມສອນ ແຂວງຫຼວງນໍ້າທາ, ພາຍໃຕ້ການເປັນປະທານຂອງ ສະຫາຍ ພົນໂທ ຄໍາລຽງ ອຸທະໄກສອນ ກໍາມະການສູນກາງພັກ, ຄະນະກໍາມະການປ້ອງກັນຊາດ-ປ້ອງກັນ ຄວາມສະຫງົບສູນກາງ, ຮອງລັດຖະມົນຕີກະຊວງປ້ອງກັນປະເທດ, ຫົວຫນ້າກົມໃຫຍ່ ເສນາທິການກອງທັບ ມີຜູ້ຕາງຫນ້າຈາກຫ້ອງວ່າການສູນກາງພັກ, ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ, ກໍາມະທິການ ປກຊ-ປກສ ສະພາແຫ່ງຊາດ, ຫ້ອງການຄະນະກໍາມະການ ປກຊ-ປກສ ສູນກາງ, ປະທານ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ 4 ແຂວງ, ເລຂາພັກແຂວງ, ຄະນະພັກ-ຄະນະບັນຊາກອງພົນທີ 3, ກອງບັນຊາການທະຫານແຂວງ, ກອງບັນຊາການ ປກສ ແຂວງ, ບັນດາ ເຈົ້າເມືອງ, ພະແນກການອ້ອງຂ້າງແຂວງ ແລະ ພາກສ່ວນທີ່ກ່ຽວຂ້ອງພາຍໃນແຂວງເຂົ້າຮ່ວມ.
ໃນພິທີ ສະຫາຍ ພົນຈັດຕະວາ ອີນສົມ ທໍາລະສີນ ຫົວໜ້າກອງບັນຊາການປ້ອງກັນຄວາມສະຫົງບແຂວງຫຼວງນໍ້າທາ ໄດ້ຜ່ານບົດສະຫຼຸບ ຕີລາຄາສະພາບການເຄື່ອນໄຫວ ວຽກງານປ້ອງກັນຊາດ-ປ້ອງກັນຄວາມສະຫງົບ ໃນໄລຍະຜ່ານມາ ໂດຍພາຍໃຕ້ການຊີ້ນໍາ-ນໍາພາຂອງພັກ, ລັດຖະບານກໍ່ຄື ຄະນະກໍາມະການ ປ້ອງກັນຊາດ- ປ້ອງກັນຄວາມສະຫງົບ ແຕ່ລະຂັ້ນ, ຄະນະພັກ-ຄະນະບັນຊາ ກໍາລັງປະກອບອາວຸດ, ກໍາລັງຫຼວງ ແລະ ກໍາລັງທ້ອງຖິ່ນໄດ້ພ້ອມກັນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຂອງສູນກາງພັກ, ມະຕິກອງປະຊຸມໃຫຍ່ຂອງອົງຄະນະພັກກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ, ມະຕິກອງປະຊຸມໃຫຍ່ຂອງຄະນະບໍລິຫານງານພັກ 04 ແຂວງ ແລະ ມະຕິກອງປະຊຸມວຽກງານປ້ອງກັນຊາດ-ປ້ອງກັນຄວາມສະຫງົບ 04 ແຂວງພາກເຫນືອ, 1 ກອງພົນ ປະຈໍາປີ 2022 ຜ່ານມາ, ເຊິ່ງສາມາດຍາດໄດ້ຜົນງານຫຼາຍດ້ານເປັນຕົ້ນ ແມ່ນພວກເຮົາສາມາດຮັກສາໄດ້ສະຖຽນລະພາບ, ຄວາມສະຫງົບທາງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ລະບົບການຈັດຕັ້ງນັບແຕ່ຂັ້ນຮາກຖານ, ເມືອງ ແລະ ແຂວງໄດ້ມີການປັບປຸງ, ຊີວິດການເປັນຢູ່ຂອງພະນັກງານ-ນັກຮົບ ກໍາລັງ ປກຊ-ປກສ ແລະ ປະຊາຊົນບັນດາເຜົ່ານັບມື້ດີຂຶ້ນ, ກໍາລັງປກຊ-ປກສ ໄດ້ມີການເຕີບໃຫຍ່ເຂັ້ມແຂງ ແລະ ນັບມື້ທັນສະໄຫມຂຶ້ນເປັນກ້າວໆ. ພ້ອມກັນນີ້, ຄະນະພັກ- ຄະນະບັນຊາແຕ່ສູນກາງຮອດທ້ອງຖິ່ນຍັງໄດ້ສຸມໃສ່ຊີ້ນໍາຢ່າງໃກ້ຊິດ ຕໍ່ວຽກງານດັ່ງກ່າວຢູ່ 4 ແຂວງ ຢ່າງ ແຂງແຮງ, ເປັນຂະບວນຟົດຟື້ນ, ກວ້າງຂວາງ ແລະ ຕໍ່ເນື່ອງ. ສັງລວມແລ້ວ ການເຄື່ອນໄຫວປະຕິບັດຫນ້າທີ່ ການເມືອງຂອງກໍາລັງ ປກຊ-ປກສ ສາມາດປະຕິບັດຫນ້າທີ່ອັນມີກຽດຂອງຕົນທີ່ພັກ-ລັດ ແລະ ປະຊາຊົນມອບຫມາຍໃຫ້ມີຜົນສໍາເລັດ.

23/02/2023

ຫົວໜ້າຫ້ອງເສນາທິການທະຫານແຂວງ ພົບປະໂອ້ລົມ ພະນັກງານ-ນັກຮົບ ກອງຮ້ອຍທະຫານຊາຍແດນ 133
_______________________
ໃນຕອນເຊົ້າ ຂອງວັນທີ 22 ກຸມພາ 2023 ນີ້ ສະຫາຍ ພັນເອກ ບຸນມີ ໄຊປະເສີດ ຄະນະພັກກອງບັນຊາການ ຫົວໜ້າຫ້ອງເສນາທິການ ທະຫານແຂວງ ລົງພົບປະໂອ້ຄະນະພັກ-ຄະນະບັນຊາ ພ້ອມດ້ວຍ ພະນັກງານ-ນັກຮົບ ກອງຮ້ອຍທະຫານຊາຍແດນ 133 ຢູ່ທີ່ສະໂມສອນກົມກອງດັ່ງກ່າວ ມີຄະນະພັກ-ຄະນະບັນຊາ ພະນັກງານ-ນັກຮົບ ເຂົ້າຮ່ວມຮັບຟັງຢ່າງພ້ອມພຽງ.
ໂອກາດພົບປະໂອ້ລົມ ສະຫາຍຫົວໜ້າຫ້ອງເສນາທິການທະຫານແຂວງ ໄດ້ຮັບຟັງການລາຍງານສະພາບ ແລະ ການຈັດຕັ້ງປະຕິບັດໜ້າທີ່ວຽກງານໂດຍຫຍໍ້ ຈາກສະຫາຍຮ້ອຍເອກ ຈອນສະຫວັນ ບຸດສາຍໂຈ ຫົວໜ້າການທະຫານກອງຮ້ອຍ ທະຫານຊາຍແດນ 133. ຈາກນັ້ນ, ສະຫາຍ ກໍ່ໄດ້ໃຫ້ກຽດໂອ້ລົມ ເຊີ່ງກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ກົມກອງຍາດມາໄດ້ໃນໄລຍະຜ່ານມາ ພ້ອມທັງຍົກໃຫ້ເຫັນສະພາບການຂອງໂລກ, ພາກພື້ນທີ່ຍັງມີຄວາມສັບສົນ, ນອກນັ້ນ, ຍັງຍົກໃຫ້ເຫັນສະພາບການພາຍໃນປະເທດກໍຄືແຂວງຫຼວງນໍ້າທາ, ທີ່ຍັງມີກຸ່ມຄົນບໍ່ດີຫວັງມ້າງເພທຳລາຍຢູ່ຕະຫຼອດເວລາ, ພ້ອມນັ້ນ, ຈຶ່ງຮຽກຮ້ອງມາຍັງຄະນະພັກ-ຄະນະບັນຊາຕະຫຼອດຮອດ ພະນັກງານ-ນັກຮົບ ຈົ່ງມີສະຕິລະວັງຕົວບໍ່ຕົກເຂົ້າໃນເລ່ລ່ຽມກົນອຸບາຍຂອງພວກກຸ່ມຄົນບໍ່ດີ; ຢາກເຮັດໄດ້ຄືແນວນັ້ນຕ້ອງຖືເອົາວຽກງານສຶກສາອົບຮົມ ການເມືອງ-ນຳພາແນວຄິດໃຫ້ເປັນວຽກທີ່ສຳຄັນ ແລະ ໃຫ້ເປັນປົກກະຕິ, ຖືເອົາວຽກງານລົງກໍ່ສ້າງຮາກຖານການເມືອງໃກ້ຊິດຕິດແທດກັບອຳນາດການປົກຄອງແຕ່ລະຂັ້ນ ໂດຍສະເພາະກັບພໍ່ແມ່ປະຊົນບັນດາເຜົ່າໃຫ້ດີ, ເອົາໃຈໃສ່ປັບປຸງກໍ່ສ້າງກຳລັງໂດຍຖືເອົາແບບແຜນວິທີນຳພາຂອງພັກເປັນຕົ້ນຕໍ ເຮັດວຽກແບບລວມສູນປະຊາທິປະໄຕ ເປັນໝູ່ຄະນະ, ແບ່ງຄວາມຮັບຜິດຊອບໃຫ້ບຸກຄົນ, ສິ່ງສຳຄັນຕ້ອງເຕົ້າໂຮມຄວາມສາມັກຄີພາຍໃນ-ພາຍນອກ ໃຫ້ແໜ້ນແຟ້ນ, ພ້ອມດຽວກັນນັ້ນ ກໍຕ້ອງເອົາໃຈໃສ່ສ້າງສາເສດຖະກິດພາຍໃນກົມກອງໃຫ້ມີການຂະຫຍາຍຕົວ, ເພື່ອຍົກສູງຊີວິດການເປັນຢູ່ຂອງພະນັກງານ-ນັກຮົບໃນກົມກອງໃຫ້ດີຂຶ້ນ, ແນໃສ່ສ້າງກອງທັບກາຍເປັນກອງທັບມີແບບແຜນ ແລະ ທັນສະໄໝຂຶ້ນເລື້ອຍໆ.
ບຸນປັນ

21/02/2023

ກອງບັນຊາການ ທະຫານແຂວງຫຼວງນໍ້າທາ ຮັບຟັງການເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ IX ແລະສະພາປະຊາຊົນແຂວງຊຸດທີ II
________________________
ຕອນເຊົ້າຂອງໃນວັນທີ 21 ກຸມພາ 2023ນີ້ ສະຫາຍ ພົນຕີ ປ.ອ ວົງສັກ ພັນທະວົງ ຄະນະປະຈໍາສະພາແຫ່ງຊາດ ປະທານກໍາມະທິການ ປກຊ-ປກສ ສະພາແຫ່ງຊາດ ສະມາຊິກສະພາແຫ່ງຊາດເຂດເລືອກຕັ້ງທີ 3 ແຂວງຫຼວງນໍ້າທາ ແລະ ທ່ານ ຄໍາຟອງ ອິນມະນີ ຮອງເລຂາພັກແຂວງ ສະມາຊິກສະພາແຫ່ງຊາດ ເຂດເລືອກຕັ້ງທີ 3 ປະທານສະພາປະຊາຊົນແຂວງຫຼວງນໍ້າທາ ພ້ອມດ້ວຍທີມງານ ໄດ້ລົງເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ IX ແລະສະພາປະຊາຊົນແຂວງຊຸດທີ II ຢູ່ກອງບັນຊາການທະຫານແຂວງຫຼວງນໍ້າທາ ເປັນກຽດເຂົ້າຮ່ວມຮັບຟັງຂອງສະຫາຍພັນເອກ ຄໍາເປິ່ງ ໄຊທະວີ ຄະນະພັກກອງບັນຊາການ ຫົວໜ້າຫ້ອງພະລາທິການທະຫານແຂວງ ມີບັນດາສະຫາຍຄະນະພັກກອງບັນຊາການ, ຄະນະພັກ-ຄະນະບັນ ຊາພະນັກງານຫຼັກແຫຼ່ງ 5 ຫ້ອງກົມກອງອ້ອມຂ້າງເຂົ້າຮ່ວມຢ່າງທົ່ງເຖີງ.
ໂອກາດດັ່ງກ່າວທ່ານ ຄໍາຟອງ ອິນມະນີ ຮອງເລຂາພັກແຂວງ ສະມາຊິກສະພາແຫ່ງຊາດ ເຂດເລືອກຕັ້ງທີ 3 ປະທານສະພາປະຊາຊົນແຂວງຫຼວງນໍ້າທາ ກໍ່ໄດ້ເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 4 ສະພາປະຊາຊົນແຂວງຊຸດທີ II ເຊິ່ງກອງປະຊຸມໄດ້ພິຈາລະນາ, ຮັບຮອງເອົາບົດລາຍງານຂອງອົງການປົກຄອງແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍາປີ 2022, ພິຈາລະນາ, ຮັບຮອງເອົາບົດລາຍງານກ່ຽວກັບການຈັດຕັ້ງປະຕິບັດແຜນງົບປະມານ ປະຈໍາປີ 2022, ພິຈາລະນາ, ຮັບຮອງເອົາບົດລາຍງານການເຄື່ອນໄຫວວຽກງານອົງການກວດສອບ ປະຈໍາພາກເໜືອ ປີ 2022 ແລະ ທິດທາງແຜນການ ປີ 2023, ພິຈາລະນາ, ຮັບຮອງເອົາບົດລາຍງານການເຄື່ອນໄຫວວຽກງານປະຈໍາປີ 2022 ຂອງອົງການໄອຍະການປະຊາຊົນແຂວງ ແລະ ສານປະຊາຊົນແຂວງ, ພິຈາລະນາ, ຮັບຮອງເອົາບົດລາຍງານການຈັດຕັ້ງປະຕິບັດແຜນການເຄື່ອນໄຫວວຽກງານ ປະຈໍາປີ 2022 ຂອງສະພາປະຊາຊົນແຂວງ ຊຸດທີ II ແລະ ພິຈາລະນາ, ຮັບຮອງເອົາຂໍ້ຕົກລົງຂອງທ່ານເຈົ້າແຂວງ ວ່າດ້ວຍການສົ່ງເສີມຈູນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ແຂວງຫຼວງນໍ້າທາ, ການພັດທະນາເຂດອຸດສາຫະກໍາ, ນິຄົມອຸດສາຫະກໍາ ແລະ ການຄຸ້ມຄອງວຽກງານໄປສະນີພາຍໃນແຂວງຫຼວງນໍ້າທາ.
ຈາກນັ້ນ, ສະຫາຍ ພົນຕີ ປ.ອ ວົງສັກ ພັນທະວົງ ຄະນະປະຈໍາສະພາແຫ່ງຊາດ ປະທານກໍາມະທິການ ປກຊ-ປກສ ສະພາແຫ່ງຊາດ ສະມາຊິກສະພາແຫ່ງຊາດເຂດເລືອກຕັ້ງທີ 3 ແຂວງຫຼວງນໍ້າທາ ກໍ່ໄດ້ເຜີຍແຜ່ຜົນສໍາເລັດຂອງກອງປະຊຸມສະໄໝສາມັນເທືອທີ 4 ຂອງສະພາແຫ່ງຊາດຊຸດທີ IX ເຊິ່ງກອງປະຊຸມໄດ້ ພິຈາລະນາ, ຮັບ
ຮອງເອົາບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດປະຈຳປີ 2022, ພິຈາລະນາ, ຮັບຮອງເອົາບົດລາຍງານ ຂອງລັດຖະບານ ກ່ຽວກັບການສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2021, ຄາດຄະເນການຈັດຕັ້ງປະຕິບັດ ແຜນງົບປະມານແຫ່ງລັດ ແລະ ແຜນເງິນຕາ ປະຈຳປີ 2022, ພິຈາລະນາ, ຮັບຮອງເອົາບົດສະຫຼຸບການເຄື່ອນໄຫວວຽກງານ ປະຈຳປີ 2022, ພິຈາລະນາ, ຮັບຮອງເອົາບົດລາຍງານການຈັດຕັ້ງປະຕິບັດແຜນການເຄື່ອນໄຫວວຽກງານ ປະຈຳປີ 2022, ພິຈາລະນາ, ຮັບຮອງເອົາບົດລາຍງານ ຂອງອົງການໄອຍະການປະຊາຊົນສູງສຸດ ກ່ຽວກັບການເຄື່ອນໄຫວວຽກງານ ປະຈຳປີ 2022, ພິຈາລະນາ, ຮັບຮອງເອົາບົດລາຍງານ ຂອງສານປະຊາຊົນສູງສຸດ ກ່ຽວກັບການເຄື່ອນໄຫວວຽກງານ ປະຈຳປີ 2022, ພິຈາລະນາ, ຮັບຮອງເອົາບົດລາຍງານການຈັດຕັ້ງປະຕິບັດແຜນການເຄື່ອນໄຫວວຽກງານຂອງສະພາແຫ່ງຊາດ ປະຈຳປີ 2022 ແລະ ພິຈາລະນາ, ຮັບຮອງເອົາການສ້າງ ແລະ ປັບປຸງກົດໝາຍ ຈໍານວນ 12 ສະບັບ ຕື່ມອີກ.
ແສງທອນ

21/02/2023

ຄະນະຜູ້ແທນອາດິດທະຫານອາສາສະໝັກ ແລະ ຊ່ຽວຊານການທະຫານ ນະຄອນຮາຍຟອງ ສສ ຫວຽດນາມ ຢ້ຽມຢາມ ແລະ ພົບປະສະຫະພັນນັກຮົບເກົ່າແຂວງຫຼວງນໍ້າທາ

ພິທີພົບປະລະຫວ່າງຄະນະຜູ້ແທນສະຫະພັນນັກຮົບເກົ່າແຂວງຫຼວງນໍ້າທາ ແລະ ຄະນະຜູ້ແທນອາດິດທະຫານອາສາສະໝັກ ແລະ ຊ່ຽວຊານການທະຫານ ນະຄອນຮ່າຍຟອງ ສສ ຫວຽດນາມ ໄດ້ຈັດຂື້ນຢູ່ທີສະໂມສອນ ກອງບັນຊາການທະຫານແຂວງຫຼວງນໍ້າທາ ໃນຕອນເຊົ້າຂອງວັນທີ 17 ກຸມພາ ຜ່ານມານີ້ ໂດຍການເປັນປະທານ ຂອງສະຫາຍ ພັນໂທ ແສງວັນດີ ວາໄຊຍີ ຄະນະບໍລິຫານງານສະຫະພັນນັກຮົບເກົ່າແຫ່ງຊາດລາວ ປະທານ ສະຫະພັນນັກຮົບເກົ່າແຂວງຫຼວງນໍ້າທາ ແລະ ສະຫາຍ ດວນວັນບ່າວ ຫົວໜ້າຄະນະຜູ້ແທນສະມະຄົມນັກຮົບເກົ່າ ອາດິດທະຫານອາສາສະໝັກ ອາດິດຊ່ຽວຊານການທະຫານ ນະຄອນຮ່າຍຟອງ ສສ ຫວຽດນາມ ມີຄະນະຜູ້ແທນສະຫະພັນນັກຮົບເກົ່າແຂວງຫຼວງນໍ້າທາ ແລະ ຄະນະຜູແທນອາດິດທະຫານອາສາສະໝັກ ແລະ ຊ່ຽວຊານການທະຫານ ນະຄອນຮ່າຍຟອງ ສສ ຫວຽດນາມ ທີ່ເຄີຍເຂົ້າຮ່ວມຂະບວນການຕໍ່ສູ້ຢູ່ບັ້ນຮົບປົດປ່ອຍແຂວງຫຼວງນໍ້າທາເຂົ້າຮ່ວມ.
ໃນພິທີທັງສອງຝ່າຍໄດ້ລາຍງານສະພາບລວມໂດຍຫຍໍ້ໃນການຈັດຕັ້ງປະຕິບັດໜ້າທີ່ວຽກງານຂອງຕົນໃນໄລຍະຜ່ານມາ,ພ້ອມທັງເລົ່າມຸນເຊື້ອຄວາມເປັນມາໃນການເຂົ້າຮ່ວມຂະບວນການຕໍ່ສູ້ຢູ່ບັ້ນຮົບປົດປ່ອຍແຂວງຫຼວງນໍ້າທາໃນໄລຍະແຕ່ປີ 1951-1962 ພິທີພົບປະໃນຄັ້ງນີ້ ຈັດຂຶ້ນຢ່າງມີຄວາມໝາຍສໍາຄັນເລີກເຊີ່ງ ດ້ວຍສາຍພົວພັນ ຮ່ວມມື ລາວ-ຫວຽດນາມ, ຫວຽດນາມ-ລາວ ເຊິ່ງເປັນປະເທດອ້າຍນ້ອງ, ແມ່ນປະເທດບ້ານໃກ້ເຮືອນຄຽງ ທີ່ມີມູນເຊື້ອຄວາມຮັກແພງສາມັກຄີຊ່ວຍເຫຼືອເຊິ່ງກັນ ແລະ ກັນ, ເມື່ອປະສົບກັບຄວາມຫຍຸ້ງຍາກ, ໄພພິບັດທຳມະຊາດ ຫຼື ສັດຕູ. ປະຊາຊົນລາວ ແລະ ຫວຽດນາມ ຍາມໃດກໍຮັກຫອມສັນຕິພາບ, ດຸໝັ່ນ, ມີຫົວຄິດປະດິດສ້າງ, ກ້າຫານ ແລະ ເດັດດ່ຽວຕໍ່ສູ້ພິລະອາດຫານ. ຄວາມໃກ້ຊິດທາງພູມສາດ, ຄວາມຄ້າຍຄືກັນດ້ານຮີດຄອງປະເພນີ, ວັດທະນະທຳ ແລະ ຮ່ວມສາຍສຳພັນທາງປະຫວັດສາດ ໄດ້ກາຍເປັນຄວາມຜູກພັນຂອງສອງຊົນຊາດລາວ ແລະ ຫວຽດນາມ ກາຍເປັນກົດເກນພາວະວິໄສ. ຫວຽດນາມ ແລະ ລາວ ໄດ້ສ້າງຕັ້ງສາຍພົວພັນການທູດຢ່າງເປັນທາງການໃນວັນທີ 5 ກັນຍາ ປີ1962, ແຕ່ຄວາມເປັນຈິງປະຫວັດສາດຂອງການພົວພັນ ລະຫວ່າງ ສອງປະເທດ, ໂດຍສະເພາະກອງທັບປະຊາຊົນສອງປະເທດແມ່ນໄດ້ຮັບການສ້າງຕັ້ງ ແລະ ຜັນຂະຫຍາຍມາກ່ອນແລ້ວ, ບົນພື້ນຖານພັນທະມິດ ລະຫວ່າງ ຫວຽດນາມ-ລາວ ກັບການຕໍ່ສູ້ຕ້ານສັດຕູຕົວດຽວກັນ. ຕະຫຼອດຊຸມປີແຫ່ງການຕໍ່ສູ້ຕ້ານຈັກກະພັດລ່າເມືອງຂຶ້ນ, ກອງທະຫານຫວຽດນາມ-ລາວ ໄດ້ຮ່ວມຂຸມຄອງດຽວກັນເພີ່ມທະວີກຳລັງແຮງຄວາມສາມັກຄີຕໍ່ສູ້, ເປີດກວ້າງບັ້ນຮົບ ແລະ ຕໍ່ສູ້ຍາດເອົາໄຊຊະນະແຕ່ພາກເໜືອຫາພາກກາງ ຕະຫຼອດຈົນຮອດພາກໃຕ້ຂອງລາວ. ເພື່ອປົດປ່ອຍບັນດາແຂວງ, ໂດຍສະເພາະແມ່ນໄຊຊະນະບັ້ນຮົບ ປົດປ່ອຍແຂວງຫຼວງນໍ້າທາ, ໃນວັນທີ 6/5/1962 ໄຊຊະນະບັ້ນຮົບດັ່ງກ່າວ ເຊີ່ງມັນໄດ້ສະແດງເຖິງຄວາມສາມັກຄີ ແລະ ການຮ່ວມສຳພັນສູ້ຮົບໃນສົງຄາມຕໍ່ຕ້ານພວກລ່າເມືອງຂຶ້ນ, ພວກເຮົາ 2 ປະເທດຈະສືບຕໍ່ຮ່ວມມືຢ່າງແໜ້ນແຟ້ນ ແລະ ມີປະສິດທິຜົນ, ໃຫ້ສົມກັບເປັນທີ່ໝັ້ນສຳຄັນໃນການພົວພັນລະຫວ່າງສອງພັກ, ສອງປະເທດ ຫວຽດນາມ-ລາວ, ລາວ-ຫວຽດນາມ ຕອບແທນຄວາມໄວ້ເນື້ອເຊື່ອໃຈຂອງປະຊາຊົນສອງຊາດ, ສືບຕໍ່ປະຕິບັດພາລະກິດທາງປະຫວັດສາດທີ່ພັກ, ລັດ ແລະ ປະຊາຊົນໄດ້ມອບໝາຍໃຫ້ສຳເລັດຜົນຢ່າງຈົບງາມ. ໃນບັນຍາກາດແຫ່ງຄວາມສາມັກຄີ, ມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ-ລາວ, ລາວ-ຫວຽດນາມ, ເວົ້າສະເພາະກໍ່ຄື ສະຫະພັນນັກຮົບເກົ່າແຂວງຫຼວງນໍ້າທາ ສປປ ລາວ ກັບ ຄະນະຜູແທນອາດິດທະຫານອາສາສະໝັກ ແລະ ຊ່ຽວຊານການທະຫານ ນະຄອນຮ່າຍຟອງ ສສ ຫວຽດນາມ ໃຫ້ໝັ້ນຄົງທະນົງແກ່ນ ແລະ ຂຽວສົດງົດງາມຕະຫຼອດໄປ. ສົມສະນຸກ

20/02/2023

ອະດີດທະຫານອາສາສະໝັກ ແລະ ຊ່ຽວຊານການທະຫານ ນະຄອນຮ່າຍຟອງ ສສ ຫວຽດນາມ ເຄື່ອນໄຫວເຮັດວຽກ ແລະ ຢ້ຽມຢາມແຂວງຫຼວງນໍ້າທາ.

ໃນວັນທີ 17 ກຸມພາ 2023ນີ້ ຄະນະຜູ້ແທນອະດີດທະຫານອາສາສະໝັກ ແລະ ຊ່ຽວຊານການທະຫານ ນະຄອນຮາຍຟອງ ສສຫວຽດນາມ ພ້ອມດ້ວຍຄະນະໄດ້ມາຢ້ຽມຢາມ ແລະ ເຮັດວຽກຢູ່ ແຂວງຫຼວງນໍ້າທາ ເຊີ່ງນໍາໂດຍ ສະຫາຍ ດວນວັນບ່າວ ໄດ້ເຂົ້າຢ້ຽມຄໍານັບ ທ່ານ ວຽງສະຫວັດ ສີພັນດອນ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງໆຫຼວງນໍ້າທາ ພ້ອມທັງໄດ້ກ່າວສະແດງຄວາມ ຍິນດີຕ້ອນຮັບ ແລະ ສະແດງຄວາມຮູ້ບຸນຄຸນ ແລະ ຈາລຶກຄຸນງາມຄວາມດີອັນໃຫຍ່ຫຼວງ ໃນການເສຍສະຫຼະຊີວິດ ຂອງບັນດາທະຫານອາສາສະໝັກ, ນັກຊ່ຽວຊານຫວຽດນາມ ໃນປາງສົງຄາມເພື່ອຍາດເອົາ ເອກະລາດມາໃຫ້ປະເທດຊາດ, ກໍຄືພາລະກິດສ້າງສາ ແລະ ພັດທະນາປະເທດຊາດໃນປັດຈຸບັນ, ເວົ້າສະເພາະກໍ່ຄືທ້ອງຖີນແຂວງຫຼວງນໍ້າທາຂອງພວກເຮົາ, ຕະຫຼອດໄລຍະຜ່ານມາຍາມໃດ ລາວ-ຫວຽດນາມ ກໍໄດ້ມີຄວາມສາມັກຄີແບບພິເສດອັນແໜ້ນແຟ້ນ ແລະ ຊ່ວຍເຫຼືອເຊິ່ງກັນ ແລະ ກັນຢູ່ສະເໝີ ບໍ່ວ່າໃນປາງສົງຄາມ ກໍຄືປັດຈຸບັນ.
ໂອກາດດັ່ງກ່າວ, ສະຫາຍ ດວນວັນບ່າວ ກໍ່ໄດ້ກ່າວສະແດງຄວາມຂອບໃຈ ທີ່ຄະນະນໍາຂອງແຂວງ ທີ່ໃຫ້ການຕ້ອນຮັບອັນອົບອຸ່ນ ພ້ອມທັງສະແດງຄວາມຊົມເຊີຍເຖິງສາຍພົວພັນມິດຕະພາບ, ການຮ່ວມມືທີ່ດີລະຫວ່າງສອງປະເທດ ລາວ-ຫວຽດນາມ ໃນຕະຫຼອດໄລຍະຜ່ານມາ, ເຊິ່ງເປັນການຮ່ວມມືຮອບດ້ານແບບພິເສດລະຫວ່າງສອງຊາດ, ສອງກອງທັບ ແລະ ປະຊາຊົນສອງປະເທດ ລາວ-ຫວຽດນາມ ເຊິ່ງຍາມໃດກໍໄດ້ໃຫ້ການຊ່ວຍເຫຼືອເຊິ່ງກັນ ແລະ ກັນໃນດ້ານວຽກງານຕ່າງໆໃນແຕ່ລະໄລຍະ ເຊິ່ງທັງໝົດລ້ວນແຕ່ແມ່ນການປະກອນສ່ວນເຮັດໃຫ້ການພົວພັນ, ການຮ່ວມມືຂອງສອງປະເທດໃຫ້ມີຄວາມແໜ້ນແຟ້ນຂະຫຍາຍຕົວຂຶ້ນຫຼາຍກວ່າເກົ່າ. ສົມສະນຸກ

20/02/2023

ກອງພັນນ້ອຍທະຫານຮາບ 419 ໄດ້ຮັບການຊ່ວຍເຫຼືອ
______________________
ໃນຕອນແລງຂອງວັນທີ 19 ກຸມພາ 2023 ນີ້ ທ່ານ ບຸນຈັນ ສຸດທິປັນຍາ ກໍາມະການພັກແຂວງ ເລຂາພັກເມືອງ ເຈົ້າເມືອງໆລອງ ພ້ອມດ້ວຍຄອບຄົວ ໄດ້ນໍາເອົາຄອມພິວເຕີຕັ້ງໂຕະ ຈໍານວນ 1 ຊຸດ ມູນຄ່າ 13.700.000 ກີບ ມາມອບໃຫ້ກອງພັນນ້ອຍທະຫານຮາບ 419 ທະຫານແຂວງຫຼວງນໍ້າທາ ເຊິ່ງກ່າວຮັບໂດຍ ສະຫາຍ ພັນໂທ ຄໍາເກີດ ແກ້ວມະນີ ຫົວໜ້າການທະຫານ ພ້ອມດ້ວຍຄະນະ.
ໂອກາດດັ່ງກ່າວ ສະຫາຍ ພັນໂທ ຄໍາເກີດ ແກ້ວມະນີ ຕາງໜ້າຄະນະພັກ-ຄະນະບັນຊາ ໄດ້ກ່າວສະແດງຄວາມຂອບອົກຂອບໃຈ ແລະ ຮູ້ບຸນຄຸນອັນລົ້ນເຫຼືອມາຍັງທ່ານ ບຸນຈັນ ສຸດທິປັນຍາ ພ້ອມດ້ວຍຄອບຄົວ ທີ່ໄດ້ໃຫ້ການຊ່ວຍເຫຼືອໃນຄັ່ງນີ້ ພ້ອມທັງໃຫ້ຄໍາໝັ້ນສັນຍາວ່າ: ຈະນຳໃຊ້ອຸປະກອນເຂົ້າໃນວຽກງານຫ້ອງການໃຫ້ມີປະສິດທິຜົນສູງ. ອວຍພອນທ່ານພ້ອມດ້ວຍຄອບຄົວ ຈົ່ງມີສຸຂະພາບແຂງແຮງ ພະລານະໄມທີ່ສົມບູນ ແລະ ຫວັງຢ່າງຍິງວ່າໂອກາດໜ້າຄົງຈະໄດ້ຮັບການຊ່ວຍເຫຼື່ອຈາກທ່ານພ້ອມດ້ວຍຄອບຄົວຕື່ມອີກ.
ບຸນມີ

20/02/2023

ໂຮງຮຽນການທະຫານທ້ອງຖິ່ນ ເປີດຊຸດອົບຮົມໃຫ້ທະຫານໃຫມ່ ຊຸດທີ 19
__________________________
ໂດຍປະຕິບັດຕາມແຜນການລະດົມພົນ ປະຈໍາປີ 2023 ຂອງກົມໃຫຍ່ເສນາທິການກອງທັບ, ຂໍ້ຕົກລົງຂອງ ກອງບັນຊາການທະຫານແຂວງຫຼວງນໍ້າທາ, ສະບັບເລກທີ 35/ກຊຫຂ, ຫຼວງນໍ້າທາ ລົງວັນທີ 16 ກຸມພາ 2023 ວ່າດ້ວຍ ການອະນຸມັດ ເປີດບັ້ນອົບຮົມຫັດແອບການເມືອງ - ການທະຫານ, ພະລາທິການເຕັກນິກ ໃຫ້ອ້າຍນ້ອງທະຫານໃຫມ່.
ມາໃນຕອນເຊົ້າຂອງວັນທີ 17 ກຸມພາ 2023 ນີ້ໂຮງຮຽນການທະຫານທ້ອງຖິ່ນ ແຂວງຫຼວງນໍ້າທາ ໄດ້ເປີດບັ້ນອົບຮົມຫັດແອບການເມືອງ - ການທະຫານ, ພະລາທິການ-ເຕັກນິກໃຫ້ອ້າຍນ້ອງທະຫານໃຫມ່ ຊຸດທີ 19 ປະຈໍາປີ 2023 ໂດຍການເປັນປະທານຂອງສະຫາຍ ພັນເອກ ບຸນມີ ໄຊປະເສີດ ຄະນະພັກກອງບັນຊາການ ຫົວຫນ້າຫ້ອງເສນາທິການທະຫານແຂວງ, ມີຄະນະພັກກອງບັນຊາການ, ອົງການ 5 ຫ້ອງ, ພະແນກການທີ່ກ່ຽວຂ້ອງ, ຄະນະພັກ - ຄະນະບັນຊາໂຮງຮຽນການທະຫານທ້ອງຖິ່ນ, ຕະຫຼອດຮອດຄູ - ອາຈານ, ອ້າຍນ້ອງທະຫານໃຫມ່ 30 ສະຫາຍ.
ໃນພິທີສະຫາຍ ພັນໂທ ນິນຄໍາ ຄໍາແຂງສີ ຮອງຫົວໜ້າການທະຫານ ໂຮງຮຽນການທະຫານທ້ອງຖິ່ນກໍ່ໄດ້ຂຶ້ນຜ່ານແຜນການອົບຮົມ ເຊິ່ງນັກຝຶກອົບຮົມຈະໄດ້ຮຽນຮູ້ກ່ຽວກັບພາກທິດສະດີ, ຫຼັກການ, ຈັ່ງຫວະພື້ນຖານທາງດ້ານສິນລະປະຍຸດ - ຍຸດທະວິທີທະຫານຮາບ ແລະ ວິຊາສະເພາະພະລາທິການ-ເຕັກນິກ ຊຸດອົບຮົມຄັ້ງນີ້ຈະໄດ້ດໍາເນີນເປັນເວລາ 90 ວັນຈຶ່ງຈະສໍາເລັດ.
ໂອກາດດັ່ງກ່າວປະທານພິທີກໍ່ໄດ້ເນັ້ນຫນັກໃຫ້ຄະນະຮັບຜິດຊອບ, ຄູ - ອາຈານ ແລະ ອ້າຍນ້ອງທະຫານໃຫມ່ແຕ່ລະສະຫາຍຈະຕ້ອງໄດ້ອົດທົນຜ່ານຜ່າຄວາມຫຍຸ້ງຍາກທຸກປະການ ຕໍ່ບັ້ນອົບຮົມໃນຄັ້ງນີ້ ພ້ອມທັງຍົກສູງຄວາມ ສາມັກຄີພາຍໃນໃຫ້ຫນັກແຫນ້ນ ແລະ ຊ່ວຍເຫຼືອເຊິ່ງກັນ ແລະ ກັນ ເອົາໃຈໃສ່ປະຕິບັດຂໍ້ກໍານົດກົດລະບຽບຕ່າງໆທີ່ໄດ້ກໍານົດໄວ້ ໂດຍສະເພາະ 7 ລະບອບ 18 ວຽກ, 4 ແຜນງານ 26 ໂຄງການຂອງກະຊວງປ້ອງກັນປະເທດວາງອອກໃຫ້ ເຂັ້ມງວດ ເພື່ອຮັບປະກັນໃຫ້ແກ່ການອົບຮົມໃນຄັ້ງນີ້ໄດ້ສໍາເລັດຕາມແຜນການທີ່ໄດ້ກໍານົດໄວ້.
ລຽນທອງ

16/02/2023

ທາບທາມຮ່າງກົດໝາຍວ່າດ້ວຍສານທະຫານ ( ສະບັບປັບປຸງ )
_____________________
ກອງປະຊຸມທາບທາມປະກອບຄໍາເຫັນໃສ່ຮ່າງກົດໝາຍວ່າດ້ວຍສານທະຫານ ( ສະບັບປັບປຸງ ) ຢູ່ກອງບັນຊາການທະຫານແຂວງຫລວງນໍ້າທາໄດ້ຈັດຂື້ນໃນວັນທີ 15 ກຸມພາ 2022ນີ້ ໂດຍການເປັນປະທານຂອງສະຫາຍ ພັນເອກ ສາຍສະໜອນ ກິລືໄຊ ຮອງປະທານສານທະຫານຂັ້ນສູງ ເປັນກຽດເຂົ້າຮ່ວມຂອງສະຫາຍ ພັນເອກ ບຸນທັນ ສຸກສຸລິຮັກ ຄະນະພັກກອງບັນຊາການ ຫົວໜ້າຫ້ອງເຕັກນິກ ມີຄະນະພັກກອງບັນຊາການທະຫານແຂວງ, ປກສ ສານປະຊາຊົນແຂວງພະແນກການກ່ຽວຂ້ອງເຂົ້າຮ່ວມ.
ສະຫາຍ ພັນເອກ ສາຍສະໜອນ ກິລືໄຊ ໄດ້ຍົກໃຫ້ເຫັນຮ່າງກົດໝາຍວ່າດ້ວຍສານທະຫານ ( ສະບັບປັບປຸງ ) ລວມມີ 10 ພາກ 71 ມາດຕາ, ສານທະຫານ ແມ່ນອົງການພິພາກສາໝຶ່ງ ໃນລະບົບສານປະຊາຊົນ ແຫ່ງ ສປປ ລາວ ທີ່ສ້າງຕັ້ງຂື້ນໃນກອງທັບປະຊາຊົນລາວ ມີພາລະບົດບາດໃນການພິຈາລະນາຕັດສິນ ແລະ ພິພາກສາຄະດີອາຍາ, ຄະດີຄອບຄົວ ຕາມທີ່ໄດ້ກຳນົດໄວ້ໃນມາດຕາ 3 ຂອງກົດໝາຍສະບັບນີ້ ເພື່ອຮັບປະກັນຄວາມຍຸຕິທຳກຳຈັດ ແລະ ສະກັດກັ້ນການລະເມີດກົດໝາຍ, ແນໃສ່ປົກປັກຮັກສາລະບອບການເມືອງ, ເສດຖະກິດ, ວັດທະນາທຳ-ສັງຄົມ, ປ້ອງກັນຊາດ-ປ້ອງກັນຄວາມສະຫງົບ, ມູນເຊື້ອ, ລະບຽບວິໄນ ແລະກຳລັງແຮງສູ້ຮົບຂອງກອງທັບ, ປົກປັກຮັກສາສິດ ແລະຜົນປະໂຫຍດອັນຊອບທຳ ຂອງນາຍ ແລະ ພົນທະຫານ, ກຳມະກອນ, ພາລະກອນປ້ອງກັນຊາດ, ກຳລັງສຳຮອງ, ກຳລັງປ້ອງກັນຕົວ, ກອງຫຼອນ ແລະ ພົນລະເມືອງ, ກົດໝາຍສະບັບນີ້ ກຳນົດຫຼັກການ, ລະບຽບການ ແລະ ມາດຕະການກ່ຽວກັບການຈັດຕັ້ງ, ການເຄື່ອນໄຫວວຽກງານ, ການຄຸ້ມຄອງ, ການຕິດຕາມ, ກວດກາ ຂອງສານທະຫານ ເພື່ອຮັບປະກັນການປະຕິບັດໝ້າທີ່ວຽກງານໃຫ້ມີຄູນນະພາບ, ປະສິດທິພາບ,ປະສິດທິຜົນ ແລະ ເຮັດໃຫ້ການດຳເນີນຄະດີເປັນຕົ້ນແມ່ນການພິດຈາລະນາຕັດສິນ, ພິພາກສາຄະດີອາຍາ ແລະ ຄະດີຄອບຄົວ ໃຫ້ມີຄວາມວ່ອງໄວ,ໂປ່ງໃສ, ຖືກຕ້ອງ ແລະ ຍຸດຕິທຳ ແນໃສ່ປົກປ້ອງຜົນປະໂຫຍດຂອງກອງທັບ, ສິດ ແລະ ຜົນປະໂຫຍດອັນຊອບທຳ ຂອງນາຍ ແລະ ພົນທະຫານ ກຳມະກອນປ້ອງກັນຊາດ, ພາລະກອນປ້ອງກັນຊາດ, ຮັບປະກັນໃຫ້ກອງ
ທັບມີຄວາມສະຫງົບ, ຄວາມເປັນລະບຽບຮຽບຮ້ອຍ, ມີແບບແຜນທັນສະໄໝ, ເພີ່ມທະວີນິຕິທຳ ໃຫ້ມີຄວາມໝັກແໝ້ນ, ເຂັ້ມແຂງ, ເອົາການຄຸ້ມຄອງກອງທັບດ້ວຍກົດໝາຍປະກອບສວນເຂົ້າໃນການປົກປັກຮັກສາ ແລະພັດທະນາປະເທດຊາດ, ຈາກນັ້ນ, ຜູ້ເຂົ້າຮ່ວມກອງປະຊຸມກໍ່ໄດ້ຜັດປ່ຽນກັນຂື້ນປະກອບຄໍາເຫັນໃສ່ຮ່າງກົດໜາຍດັ່ງກ່າວດ້ວຍຄວາມຮັບຜິດຊອບສູງ.
ສົມສະນຸກ

14/02/2023

ຮອງຫົວໜ້າກົມສື່ສານລົງຢ້ຽມຢາມ ແລະ ເຮັດວຽກຢູ່ກອງຮ້ອຍ 237 ທະຫານແຂວງຫຼວງນໍ້າທາ
_____________________
ໃນຕອນເຊົ້າຂອງ ວັນທີ 13 ກຸມພາ 2023 ນີ້ສະຫາຍ ພັນໂທ ແສງສຸລິວົງ ທຳມະວົງ ຮອງຫົວໜ້າກົມສື່ສານກົມໃຫຍ່ເສນາທິການກອງທັບພ້ອມດ້ວຍທີມງານລົງຢ້ຽມຢາມ ແລະ ເຮັດວຽກຢູ່ກອງຮ້ອຍ 237 ທະຫານແຂວງຫຼວງນໍ້າທາ ເຊິ່ງໃຫ້ກຽດຕ້ອນຮັບໂດຍ ສະຫາຍ ພັນໂທ ຕຸ້ຍ ຄິດທະໄຊ ຫົວໜ້າພະແນກສື່ສານທະຫານແຂວງ ພ້ອມດ້ວຍຄະນະພັກ-ຄະນະບັນຊາ, ພະນັກງານ-ນັກຮົບກອງຮ້ອຍ 237 ດ້ວຍຄວາມອົບອຸ່ນ.
ໂອກາດທີ່ລົງຢ້ຽມຢາມເຮັດວຽກໃນຄັ້ງນີ້ ກ່ອນອື່ນສະຫາຍພັນໂທ ແສງສຸລິວົງ ທຳມະວົງ ຮອງຫົວໜ້າກົມສື່ສານກົມໃຫຍ່ເສນາທິການກອງທັບ ກໍ່ໄດ້ຮັບຟັງການລາຍງານສະພາບ, ຈຸດທີ່ຕັ້ງ, ຈຸດພິເສດ ແລະ ການຊີ້ນຳນຳພາຂອງກົມກອງ ໂດຍຫຍໍ້ຈາກສະຫາຍ ພັນໂທ ໄຊສະຫ່ວາງ ດາລາງາແກ້ວ ຫົວໜ້າການເມືອງກອງຮ້ອຍ 237.
ຈາກນັ້ນ, ສະຫາຍຮອງກົມສື່ສານ ກໍ່ໄດ້ໂອ້ລົມກ່ອນອື່ນສະຫາຍໄດ້ສະແດງຄວາມຄວາມຍ້ອງຍໍຊົມເຊີຍຜົນງານ ແລະ ໄຊຊະນະທີ່ກົມກອງດັ່ງກ່າວຍາດມາໄດ້ ພ້ອມທັງຮຽກຮ້ອງໃຫ້ຄະນະພັກ-ຄະນະບັນຊາ ຈົ່ງສືບຕໍ່ສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບ ໃຫ້ມີແນວຄິດອຸ່ນອ່ຽນທຸ່ນທ່ຽງ, ພ້ອມກັນຍົກສູງຄວາມຮັບຜິດຊອບຕໍ່ໜ້າທີ່ການເມືອງ ມີສະຕິຕໍ່ການຈັດຕັ້ງ ແລະ ປະຕິບັດຕໍ່ຂໍ້ກຳນົດກົດລະບຽບຂອງກອງທັບໃຫ້ເຂັ້ມງວດ, ເພີ່ມທະວີຄວາມສາມັກຄີຢ່າງເປັນປຶກແຜ່ນ, ມີລະບຽບແບບແຜນທີ່ທັນສະໄໝ, ດຸໝັ່ນຊອກຮູ້ຮຳ່ຮຽນ ແລະ ເຮັດສຳເລັດວຽກງານທີ່ພັກລັດມອບໝາຍໃຫ້, ພ້ອມກັນສ້າງ ແລະ ປັບປຸງກົມກອງໃຫ້ເຕີບໃຫຍ່ເຂັ້ມແຂງຢ່າງບໍຢຸດຢັ້ງ. ພ້ອມນັ້ນ, ສະຫາຍຍັງໄດ້ມອບປຶ້ມ "ມູນເຊື້ອເຫຼົ່າລົບສື່ສານກອງທັບ (1954-2020) ເຫຼັ້ມທີ || ". ຈຳນວນ 06 ຫົວ ໃຫ້ພະແນກສື່ສານ ແລະ ກອງຮ້ອຍ 237 ຕື່ມອີກ.
ໂຊນ

13/02/2023

ກອງບັນຊາການທະຫານແຂວງຫຼວງນໍ້າທາເປີດຊຸດອົບຮົມກໍ່ສ້າງນາຍສິບທະຫານຮາບຊຸດທີ 4
_____________________
ພິທີເປີດຊຸດອົບຮົມກໍ່ສ້າງນາຍສິບທະຫານຮາບຊຸດທີ 1 ຂອງກອງບັນຊາການທະຫານແຂວງຫຼວງນໍ້າທາ, ໄດ້ໄຂຂື້ນໃນວັນທີ 13 ກູມພາ 20203ນີ້, ຢູ່ທີ່ສະໂມສອນໂຮງຮຽນການທະຫານທ້ອງຖີ່ນທະຫານແຂວງຫຼວງນໍ້າທາ ໂດຍການເປັນປະທານຂອງທ່ານ ຈັນທອງ ແກ້ວປະເສີດ ຮອງເລຂາພັກແຂວງ ຜູ້ຊີ້ນໍາຂົງເຂດວຽກງານພັກ-ພະນັກງານ ມີສະຫາຍພັນເອກ ບຸນມີ ໄຊປະເສີດ ຄະນະພັກກອງບັນຊາການ ຫົວໜ້າຫ້ອງເສນາທິການທະຫານແຂວງ ຕະຫຼອດຮອດບັນດາສະຫາຍຄະນະພັກກອງບັນຊາການ, ອໍານວຍການໂຮງຮຽນ, ພະແນການທີ່ກ່ຽວຂ້ອງ, ພະນັກງານຄູອາຈານ ແລະ ນັກຝືກອົບຮົມ ຈໍານວນ 80 ສະຫາຍເຂົ້າຮ່ວມ.
ໃນພິທີສະຫາຍພັນໂທ ບຸນທອງ ໄຊຍະລີນ ຫົວໜ້າການທະຫານໂຮງຮຽນການທະຫານທ້ອງຖີນ, ກໍ່ໄດ້ຜ່ານຂໍ້ຕົກລົງຂອງກົມໃຫຍ່ເສນາທິການກອງທັບເລກທີ 53/ກສນ ລົງວັນທີ 6/1/2023 ແລະ ຂໍ້ຕົກລົງຂອງເຈົ້າແຂວງເລກທີ 25/ຄ, ປກຊ-ປກສ ລົງວັນທີ 13/10/2022 ວ່າດ້ວຍການອະນຸມັດໃຫ້ກອງບັນຊາການທະຫານແຂວງຫຼວງນໍ້າທາເປິດຊຸດອົບຮົມກໍ່ສ້າງນາຍສີບທະຫານຮາບຊຸດທີ 4, ລະບົບ 1 ປີ ສົກຮຽນ 2022-2023 ຈາກນັ້ນສະຫາຍພັນໂທ ນິນຄໍາ ຄໍາແຂງສີ ຮອງການທະຫານ ກໍ່ໄດ້ຜ່ານແຜນການອົບຮົມເຊີງນັກຝືກອົບຮົມຈະໄດ້ຮຽນຮູ້ກ່ຽວກັບ ພາກພື້ນຖານທິດສະດີການເມືອງ, ວິຊາຍຸດທະວິທີ, ສີນລະປະຍຸດ, ກໍາລັງໄຟແບກຫາບ, ລະບຽບກິລາ, ເສນາແຜນທີ່, ສ້າງແສງ, ເຄມີ, ລົດຕັງ, ພາສາອັງກິດ, ພະລາທິການ, ຄອມພິວເຕີ ແລະ 5 ເຕັກນິກການແພດ, ຊຸດອົບຮົມໃນຄັ້ງນີ້ ຈະໄດ້ດໍາເນີນເປັນເວລາ 1 ປີຈີ່ງຈະໄດ້ອັດລົງ.
ບຸນມີ

13/02/2023

ຫ້ອງພະລາທິການທະຫານແຂວງຫຼວງນໍ້າທາສະຫຼຸບວຽກງານຮອບດ້ານປະຈໍາປີ
_________________________
ໃນຕອນເຊົ້າຂອງວັນທີ 9 ກູມພາ 2023ນີ້ ຫ້ອງພາລາທິການທະຫານແຂວງຫຼວງນໍ້າທາ ໄດ້ເປີດກອງປະຊູມສະຫຼູບວຽກຮອບດ້ານ ປະຈໍາປີ 2022 ແລະ ວາງທິດທາງແຜນການ 2023 ຂື້ນຢູ່ທີສະໂມສອນກອງບັນຊາການທະຫານແຂວງ ໂດຍການເປັນປະທານຂອງສະຫາຍ ພັນເອກ ຄໍາເປີ່ງ ໄຊທະວີ ຄະນະພັກກອງບັນຊາການ ຫົວໜ້າຫ້ອງພາລາທິການ, ມີຄະນະພັກ - ຄະນະບັນຊາ, ພະນັກງານຫຼັກແຫຼ່ງພາຍໃນຫ້ອງເຂົ້າຮ່ວມ.
ໃນກອງປະຊູມສະຫາຍ ພັນໂທ ສົມແພງ ເລືອນິລາດ ຫົວໜ້າພະແນກບບໍລິຫານ ກໍ່ໄດ້ຂື້ນຜ່ານບົດສະຫຼຸບການເຄື່ອນໄຫວວຽກງານພາລາ ປະຈຳປີ 2022 ແລະ ທິດທາງແຜນການ 2023 ເຊີ່ງໄດ້ຍົກໃຫ້ເຫັນຫຼາຍບັນຫາທີ່ພົ້ນເດັ່ນ ເປັນຕົ້ນຄະນະພັກ - ຄະນະບັນຊາແຕ່ລະຂັ້ນມີຄວາມເປັນເອກະພາບ ແລະ ສາມັກຄີພາຍໃນໜັກແໜ້ນດີ, ເອົາໃຈໃສ່ຊີ້ນໍາໆພາຕາມເນື້ອໃນ 4 ໜ້າທີ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ຕິດພັນກັບວຽກງານ 4 ປູກ 4 ລ້ຽງຕາມເງື່ອນໄຂຕົວຈິງ ເຫັນກົມກອງສາມາດເພີ່ງຕົນເອງ, ກຸ້ມຕົວເອງ ແລະ ສ້າງຄວາມເຂັ້ມແຂງດ້ວຍຕົນເອງເປັນຢ່າງດີ ແລະ ສາມາດຮັບປະກັນໄດ້ໃນແຕ່ລະດ້ານກວມ 100%, ໃນນີ້ມີຕົ້ນຢາງພາລາ 1,076ຕົ້ນ, ງົວ 3 ໂຕ, ລຽ້ງໝູ 11 ໂຕ, ສັດປີກ 267 ໂຕ, ເກັບກູ້ຜົນຜະລິດຜັກກີນຊະນິດຕ່າງໄດ້ 520 ກິໂລ. ນອກນັ້ນຍັງສາມາດສ້າງລາຍຮັບຈາກການປູກຝັງ - ລ້ຽງສັດ ແລະ ການບໍລິການຕ່າງໆໄດ້: 1 ຮ້ອຍລ້ານກ່າວກີບ, ສໍາລັບທິດທາງແຜ່ນການ ແມ່ນຈະສືບຕໍ່ປັບປຸງກໍ່ສ້າງກົມກອງໃຫ້ມີຄວາມແໜ້ນໜາຖາວອນກາຍເປັນກົມກອງວັດທະນະທຳ, ມີຄວາມເປັນລະບຽບຮຽບຮ້ອຍ, ສູ້ຊົນຈັດຕັ້ງປະຕິບັດທິດນຳກຸ້ມຕົນເອງ, ເພິງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງໃຫ້ປະກົດຜົນເປັນຈິງ, ພ້ອມກັນນີ້ຜູ້ເຂົ້າຮ່ວມກອງປະຊຸມໄດ້ພັດປ່ຽນກັນຂື້ນປະກອບຄຳຄິດ ຄຳເຫັນຕໍ່ບົດສະຫຼູບ ແລະ ທິດທາງແຜນການ ແນໃສ່ເສີມຂະຫຍາຍດ້ານຕັ້ງໜ້າ ແກ້ໄຂຂໍ້ຄົງຄ້າງ ເພື່ອສູ້ຊົນເຮັດໃຫ້ການປະຕິບັດວຽກງານດັ່ງກ່າວ ໃນສົກປີຕໍ່ໜ້າບັນລຸຜົນດີກວ່າກົ່າ.
ໂອກາດດັ່ງກ່າວ ສະຫາຍ ຫົວໜ້າຫ້ອງພະລາ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ ແລະໃຫ້ກຽດໂອ້ລົມຫຼາຍບັນຫາສຳຄັນ ພ້ອມທັງຮຽກຮ້ອງມາຍັງຄະນະພັກ - ຄະນະບັນຊາທຸກຂັ້ນພະນັກງານເຫຼົ່າລົບພະລາທຸກຄົນ ຈົ່ງເປັນເຈົ້າການປະຕິບັດ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກດ້ວຍຄວາມຮັບພິດຊອບສູງ, ຮັບປະກັນໃຫ້ໄດ້ດ້ານຊີວິດການເປັນຢູ່ຂອງກົມກອງກໍ່ຄືພະນັກງານ - ນັກຮົບ, ຖືເອົາວຽກງານ 4 ປູກ 4 ລ້ຽງໝູນໃຊ້ເຂົ້າໃນເງື່ອນໄຂຕົວຈິງ ເພື່ອສູ້ຊົນປະຕິບັດໃຫ້ບັນລຸຕາມທິດນຳ ເພີ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເຮັດໃຫ້ກົມກອງມີການພັດທະນາຢ່າງຕັ້ງໜ້າໃນຫຼາຍດ້ານ.
ຕອນທ້າຍຍັງໄດ້ມອບໃບຍ້ອງຍໍໃຫ້ບຸກຄົນທີ່ມີຜົນງານໃນການປົກປັກຮັກສາ ແລະ ສ້າງສາປະເທດຊາດ 1 ປີຜ່ານມາ ຈໍານວນ 40 ສະຫາຍຕື່ມອີກ.
ບຸນມີ

09/02/2023

ຫ້ອງການເມືອງສ້າງຂະບວນການກິລາ
____________________
ຕອນເຊົ້າຂອງວັນທີ 9 ກຸມພາ 2023 ນີ້ ຫ້ອງການເມືອງ ກອງບັນຊາການທະຫານແຂວງ ຫຼວງນໍ້າທາ ໄດ້ສ້າງຂະບວນການກິລາບານເຕະຂື້ນ ຢູ່ທີ່ເດີນກິລາບານເຕະນິດສຸດາ ເຊິ່ງນໍາໂດຍສະຫາຍພັນໂທ ຈໍາກາ ປັນຍາສິມ ຮອງຫົວໜ້າຫ້ອງການເມືອງ ມີພະນັກງານ-ນັກຮົບ ເຂົ້າຮ່ວມຢ່າງພ້ອມພຽງ ແລະ ເປັນຂະບວນຟົດຟື້ນ.
ທັງນີ້ ກໍ່ເພື່ອເປັນການ ເສີມຂະຫຍາຍ ກິລາກາຍະກໍາ ເຂົ້າໃນການຈັດຕັ້ງປະຕິບັດ ໜ້າທີ່ວຽກງານຂອງພັກ, ຂອງກອງທັບ ຢ່າງປະດິດສ້າງ ແລະ ສ້າງໃຫ້ກົມກອງທະຫານມີບັນຍາກາດເບີກບານມ່ວນຊື່ນຢູ່ສະເໝີ; ພ້ອມນັ້ນ, ຍັງເປັນການປຸກລະດົມກໍາລັງໃຈ ໃຫ້ແກ່ພະນັກງານ-ນັກຮົບ ໃຫ້ມີຄວາມຫ້າວຫັນເຂົ້າໃນການເຄື່ອນໄຫວໜ້າທີ່ການເມືອງ ກໍ່ຄືວິຊາສະເພາະຂອງຕົນໃຫ້ສໍາເລັດຜົນດີ ແລະ ມີຈິດໃຈບໍລິສຸດພຸດຜ່ອງ.
ແສງທອນ

09/02/2023

ກອງບັນຊາການທະຫານເມືອງວຽງພູຄາ ໄດ້ຮັບການຊ່ວຍເຫຼືອ
______________________
ໃນຕອນເຊົ້າຂອງວັນທີ 9 ກຸມພາ 2023 ນີ້ ທ່ານ ຕູ້ຍ ຈັນທະພອນ ພ້ອມດ້ວຍຄອບຄົວ ເຈົ້າຂອງອູ່ສ້ອມແປງລົດໃຫຍ່ ແຂວງຫລວງນ້ຳທາ ແລະ ພະແນກສ້ອມໂຮງຮຽນເຕັກນິກວິຊາຊິບແບບປະສົມ ແຂວງຫຼວງນໍ້າທາ ໄດ້ນໍາເອົາກະແຈສ້ອມແປງພາຫະນະເຕັກນິກ ຈໍານວນ 2 ຊຸດ ມູນຄ່າ 1.250.000 ກີບ ມາມອບໃຫ້ກອງບັນຊາການທະຫານເມືອງວຽງພູຄາ ເພື່ອປະກອບເຂົ້າໃນວຽກງານສ້ອມພາຫະນະເຕັກພາຍໃນກົມກອງ ເຊິ່ງກ່າວຮັບໂດຍ ສະຫາຍພັນໂທ ທອງພັນ ຄູນສະໝອນ ຫົວໜ້າການເມືອງ ກອງບັນຊາການທະຫານເມືອງວຽງພູຄາ ພ້ອມດ້ວຍຄະນະ.
ໂອກາດດັ່ງກ່າວ ສະຫາຍ ພັນໂທ ທອງພັນ ຄູນສະໝອນ ຕາງໜ້າຄະນະ ໄດ້ກ່າວສະແດງຄວາມຂອບອົກຂອບໃຈ ແລະ ຮູ້ບຸນຄຸນອັນລົນເຫຼືອມາຍັງທ່ານ ຕູ້ຍ ຈັນທະພອນ ພ້ອມດ້ວຍຄອບຄົວ ເຈົ້າຂອງອູ່ສ້ອມແປງລົດໃຫຍ່ ແຂວງຫລວງນ້ຳທາ ແລະ ພະແນກສ້ອມໂຮງຮຽນເຕັກນິກວິຊາຊິບແບບປະສົມ ແຂວງຫຼວງນໍ້າທາ ທີ່ໄດ້ໃຫ້ການຊ່ວຍເຫຼືອໃນຄັ່ງນີ້ ພ້ອມທັງໃຫ້ຄໍາໝັ້ນສັນຍາວ່າ: ຈະນຳໃຊ້ອຸປະກອນດັ່ງກ່າວໃຫ້ຖືກທາງ ແລະ ເກີດຜົນປະໂຫຍດສູງສຸດ.
ພ້ອມນັ້ນ, ກອງບັນຊາການທະຫານເມືອງວຽງພູຄາ ກໍ່ໄດ້ມອບໃບສົມມະນາບຸນຄຸນໃຫ້ ເພື່ອຕອບແທນຄຸນງາມຄວາມດີດັ່ງກ່າວ.
ຂໍ້ມູນຈາກ: ພອນແກ້ວ ( ທະຫານເມືອງວຽງພູຄາ )

09/02/2023

ຄະນະກອງບັນຊາການ ປກສ ແຂວງ ເຂົ້າອວຍພອນຄະນະກອງບັນຊາການທະຫານແຂວງ
_______________________
ຕອນແລງຂອງວັນທີ 8 ກຸມພາ 2023 ນີ້ ຄະນະກອງບັນຊາການ ປກສ ແຂວງຫຼວງນໍ້າທາ ເຊິ່ງນໍາໂດຍ ສະຫາຍພົນຈັດຕະວາ ອິນສົມ ທໍາລະສິນ ເລຂາຄະນະພັກ ຫົວໜ້າກອງບັນຊາການ ປກສ ແຂວງ ພ້ອມດ້ວຍຄະນະ ໄດ້ນໍາເອົາກະຕ່າຂອງຂວັນ ພ້ອມດ້ວຍຄວາມຢື້ຢາມຖາມຂ່າວ ທີ່ເຕັມໄປດ້ວຍໄມຕີຈິດ, ມິດຕະພາບອັນສະນິດສະໜົມ ເຂົ້າມາອວຍພອນ ຄະນະພັກ-ຄະນະບັນຊາ ກອງບັນ
ຊາການທະຫານແຂວງ ເນື່ອງໃນໂອກາດ ວັນສ້າງຕັ້ງກອງທັບ ປະຊາຊົນລາວ ຄົບຮອບ 74 ປີ. ໃຫ້ກຽດຕ້ອນຮັບຄະນະດັ່ງກ່າວໂດຍ ສະຫາຍພັນເອກ ຫຸມພັນ ແກ້ວວັງລາດ ຮອງເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ ພ້ອມດ້ວຍຄະນະດ້ວຍຄວາມອົບອຸ່ນ.
ໂອກາດດັ່ງກ່າວສະຫາຍພັນເອກ ຫຸມພັນ ແກ້ວວັງລາດ ຕາງໜ້າຄະນະພັກ-ຄະນະບັນຊາ ກອງບັນຊາການທະຫານແຂວງຫຼວງນໍ້າທາ ກໍ່ໄດ້ຕີລາຄາສູງ ຕໍ່ການເຂົ້າຢ້ຽມຢາມ ແລະ ອວຍພອນຂອງ ຄະນະກອງບັນຊາການ ປກສ ແຂວງ ເຊິ່ງຍາມໃດກໍ່ມີຄວາມເປັນຫ່ວງເປັນໄຍ ແລະ ໃຫ້ການສະໜັບສະໜູນ ຄະນະພັກ-ຄະນະບັນຊາ ກໍ່ຄືພະນັກງານ-ນັກຮົບ ທະຫານແຂວງ ໂດຍດີຕະຫຼອດມາ. ພວກເຮົາຄະນະພັກ-ຄະນະບັນຊາ ກອງບັນຊາການທະຫານແຂວງ ຂໍໃຫ້ຄໍາໜັ້ນສັນຍາວ່າ: ຈະສືບຕໍ່ປະສານສົມທົບກັບ ຄະນະພັກ-ຄະນະບັນຊາ ປກສ ແຂວງຢ່າງກົມກຽວ, ເພີ່ມທະວີການພົວພັນຮ່ວມມືຢ່າງສະນິດແໜ້ນ ເຮັດໃຫ້ສອງກໍາລັງ ກາຍເປັນກໍາລັງທີ່ແຫຼມຄົມຂອງພັກ, ຂອງຊາດ ເວົ້າລວມເວົ້າສະເພາະ ກໍ່ຄືສອງກອງບັນຊາການ ປກຊ-ປກສ ແຂວງ ພ້ອມກັນເຮັດໜ້າທີ່ ປ້ອງກັນຊາດ-ປ້ອງກັນຄວາມສະຫງົບ ເຮັດໃຫ້ທ້ອງຖິ່ນແຂວງຫຼວງນໍ້າທາ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ປະຊາຊົນໄປມາຄ້າຂາຍດ້ວຍຄວາມປອດໄພ.
ພ້ອມດຽວກັນນີ້ ຄະນະພັກ-ຄະນະບັນຊາ ຫ້ອງການກອງບັນຊາການ ປກສ ແຂວງ ເຊິ່ງນໍາໂດຍ ສະຫາຍບພັນໂທ ບຸນຮັກ ເຢີມມະລີ ຄະນະພັກກອງບັນຊາການ ພ້ອມດ້ວຍຄະນະ ກໍ່ໄດ້ນໍາເອົາກະຕ່າຂອງຂວັນ ເຂົ້າອວຍພອນ ຄະນະພັກ-ຄະນະບັນຊາ ຫ້ອງການກອງບັນຊາການທະຫານແຂວງ ເຊິ່ງ ໃຫ້ກຽດຕ້ອນຮັບໂດຍ ສະຫາຍພັນເອກ ພອນເອື້ອຍ ຄໍາມີພົນ ຄະນະພັກກອງບັນຊາການ ຫົວໜ້າຫ້ອງການກອງບັນຊາການທະຫານແຂວງ ພ້ອມດ້ວຍຄະນະ ດ້ວຍຄວາມອົບອຸ່ນ.
ແສງທອນ

07/02/2023

ທະຫານເມືອງວຽງພູຄາໄດ້ຮັບການອຸປະຖໍາ
_________________________
ໃນຕອນເຊົ້າຂອງວັນທີ 07 ມັງກອນ 2023 ນີ້ທ່ານ ໄພຫວັນ ຕາງໜ້າບໍລິສັດບົວໄລມັງກອນທອງຂຸດຄົ້ນຖ່ານຫີນຈຳກັດຜູ້ດຽວໄດ້ນຳເງິນສົດຈຳນວນ 6,500,000 ກີບ ( ຫົກລ້ານ ຫ້າແສນ ) ມາມອບໃຫ້ ກອງບັນຊາການທະຫານເມືອງວຽງພູຄາ ເພື່ອປະກອບສ່ວນເຂົ້າໃນການ ກໍ່ສ້າງປະຕູໂຂງໃໝ່ ຂອງການບັນຊາການທະຫານເມືອງວຽງພູຄາ ເຊິ່ງກ່າວຮັບໂດຍສະຫາຍ ພັນໂທ ແກ້ວຄຳ ວຽງອຳຄາ ຫົວໜ້າການທະຫານ ພ້ອມດ້ວຍຄະນະ.
ໂອກາດກ່າວຮັບ ສະຫາຍ ພັນໂທ ແກ້ວຄຳ ວຽງອຳຄາ ກໍ່ໄດ້ກ່າວສະແດງຄວາມຂອບອົກຂອບໃຈ ອັນລົ້ນເຫຼືອມາຍັງທ່ານ ໄພຫວັນ ຕາງບໍລີສັດບົວໄລມັງກອນທອງຂຸດຄົ້ນຖ່ານຫີນຈຳກັດຜູ້ດຽວ ທີ່ໄດ້ນຳເງິນສົດຈຳນວນດັ່ງກ່າວ ມາອຸປະຖຳຊ່ວຍເຫຼືອເຂົ້າໃນການປັບປຸງ, ບູລະນະ, ກໍ່ສ້າງກົມກອງ ເວົ້າສະເພາະກໍ່ຄືປະຕູໂຂງເຂົ້າຄ້າຍ ຂອງກອງກອງບັນຊາການທະຫານເມືອງວຽງພູຄາ ໃນຄັ້ງນີ້ ພ້ອມທັງໃຫ້ຄໍາໝັ້ນສັນຍາຈະນຳໃຊ້ເງິນຈຳນວນດັງກ່າວໃຫ້ເກີດປະໂຫຍດສູງສຸດ ແລະ ຫັວງວ່າໂອກາດຄົງຈະໄດ້ຮັບການອຸປະຖໍາ ແລະ ຊ່ວຍເຫຼືອຕື່ມອີກ.
ພອນແກ້ວ

07/02/2023

ໂຮງຮຽນການທະຫານທ້ອງຖີນ ທະຫານແຂວງຫຼວງນໍ້າທາສະຫຼຸບວຽກງານຮອບດ້ານປະຈໍາປີ 2022 ແລະ ວາງທິດທາງແຜນການ ປະຈໍາປີ 2023
_______________________
ໃນວັນທີ 1 ກູມພາ 2023ນີ້ ໂຮງຮຽນການທະຫານທ້ອງຖີນ ທະຫານແຂວງຫຼວງນ້ຳທາໄດ້ເປີດກອງປະຊູມສະຫຼຸບວຽກງານ ປະຈຳປີ 2022 ແລະ ວາງທິດທາງແຜນການ ປະຈໍາປີ 2023 ຂື້ນຢູ່ທີ່ສະໂມສອນຂອງຕົນ ໂດຍການເປັນປະທານ ຂອງສະຫາຍ ພັນໂທ ບຸນລຽນ ນິດສະວົງ ຫົວໜ້າການເມືອງ, ມີບັນດາສະຫາຍ ຄະນະພັກ-ຄະນະບັນຊາ, ພະນັກງານຫຼັກແຫຼ່ງ ພາຍໃນກົມກອງເຂົ້າຮ່ວມ.
ສະຫາຍ ພັນຕີ ພອນສັກ ວັນນະສຸກ ຫົວໜ້າຂະແໜງບໍລິຫານ ໂຮງຮຽນການທະຫານທ້ອງຖີນທະຫານແຂວງຫຼວງນໍ້າທາກໍ່ໄດ້ຂື້ນຜ່ານບົດສະຫຼຸບ ໃນການຈັດຕັ້ງປະຕິບັດໜ້າທີວຽກງານປ້ອງກັນຊາດຕະຫຼອດໄລຍະ 1 ປີຜ່ານມາ ໂດຍປີ້ນອ້ອມການຈັດຕັ້ງປະຕິບັດ 4 ທີ່ໃຫ່ຍ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ເພື່ອຄວາມເປັນເອກະພາບໃນການປັບປຸງກໍ່ສ້າງກົມກອງໃຫ້ມີການຫັນປ່ຽນຢ່າງຕັ້ງໜ້າ ເປັນຕົ້ນແມ່ນການຈັ້ດຕັ້ງປະຕິບັດແນວທາງແຜນນະໂຍບາຍຂອງພັກ ແລະ ວຽກງານຈຸດສຸມຂອງກົມກອງໃນໄລຍະຜ່ານມາ ສັງລວມແລ້ວເຫັນວ່າສາມາດຍາດໄດ້ຜົນສໍາເລັດທີໜ້າເພີ່ງພໍໃຈຫຼາຍດ້ານ ໃນນີ້ອັນພົ່ນເດັ່ນກ່ວາໝູ່ ແມ່ນການຮັບປະກັນຄວາມສະຫງົບ ແລະ ຄວາມປອດໄພໃຫ້ແກ່ທ້ອງຖີ່ນແຂວງຫຼວງນໍ້າທາໄດ້ 100% ຄຽງຄູ່ກັນນັ້ນກົມກອງ ຍັງໄດ້ເອົາໃຈໃສ່ໃນວຽກງານປູກຝັງລ້ຽງສັດເພື່ອແກ້ໄຂຊີວິດການເປັນຢູ່ຂອງກົມກອງຄື: ປູກເຫັດໄດ້ 123 ກິໂລ, ມີຕົ້ນຢາງພະລາ 1,280 ຕົ້ນ, ເຮັດນາປີໄດ້ 1,8 ເຮັກຕາ ຜົນໄດ້ຮັບ 4,015 ກິໂລ ປູກພືດລົ້ມລຸກຕາມລະດູການເກັບກູ້ໄດ 3,116 ກິໂລ, ລ້ຽງງົວ 7 ໂຕ, ແບ້ 16 ໂຕ, ສັດປີກ 141 ໂຕ, ລຽ້ງກົບ 500 ໂຕ, ລຽ້ງປາ 420 ໂຕ ແລະ ລຽ້ງໝູ 11 ໂຕ. ໃນ 1 ປີຜ່ານມາສາມາດສ້າງລາຍຮັບຈາກການບໍລິການຕ່າງໆຈໍານວນ 123,021,000 ກີບ. ມີເງີນກອງທືນຊ່ວຍເຫຼື່ອເຊີ່ງກັນ ແລະ ກັນ 66,572,000 ກີບ. ພ້ອມນີ້ຜູ້ເຂົ້າຮ່ວມກອງປະຊຸມຍັງໄດ້ປະກອບຄຳຄິດຄຳເຫັນຢ່າງກົງໄປກົງມາຕໍ່ບົດສະຫຼູບ ແລະ ທິດທາງແຜນການເພືອຮັບປະກັນໃຫ້ແກ່ການກໍານົດທິດທາງວຽກງານຈຸດສຸມໃນຕໍ່ໜ້າໃຫ້ແທດເໜາະກັບສະພາບແວດລ້ວມຕົວຈີງ ແລະ ແທດເໜາະກັບຄວາມເປັນຈີງຂອງກົມກອງ.
ໂອກາດທີເຂົ້າຮ່ວມກອງປະຊຸມສະຫາຍ ຫົວໜ້າການເມືອງ ກໍ່ໄດ້ໃຫ້ກຽດໂອ້ລົມເຊີງກ່ອນອື່ນສະຫາຍໄດ້ແດງຄວາມຍ້ອງຍໍຊົມເຊີຍຕໍ່ຜົນງານທີກົມກອງຍາດມາໄດ້ໃນໄລຍະ 1 ປີຜ່ານມາ ພ້ອມທັງຍົກໃຫ້ເຫັນສະພາບການຂອງໂລກ ແລະ ພາກພື້ນທີ່ພວກເຮົາຈະຕ້ອງໄດ້ພ້ອມກັນເພີ່ມທະວີຄວາມສາມັກຄີໃຫ້ແໜ້ນແຟ້ນເພື່ອເຮັດສໍາເລັດໜ້າທີການເມືອງທີພັກ - ລັດຂັ້ນເທີງມອບໜາຍໃຫ້ປະກົດຜົນເປັນຈີງ, ເວົ້າລວມເວົ້າສະເພາະກໍ່ແມ່ນ ການປົກປັກຮັກສາທ້ອງຖີ່ນແຂວງຫຼວງນໍ້າທາຂອງພວກເຮົາໃຫ້ມີຄວາມສະຫງົບ ແລະ ປອດໄພໂດຍຟື້ນຖານ.
ບຸນມີ

LNT ARMY News

28/02/2023

27/02/2023

27/02/2023

27/02/2023

24/02/2023

23/02/2023

21/02/2023

21/02/2023

20/02/2023

20/02/2023

20/02/2023

16/02/2023

14/02/2023

13/02/2023

13/02/2023

09/02/2023

09/02/2023

09/02/2023

07/02/2023

07/02/2023

Address

Telephone

Website

Alerts

Contact The Business

Videos

Shortcuts

Share