12/04/2023
"ҒҰМАР ҚАРАШ" үш томдық жинақ.
Көрнекті ақын, ағартушы, философ, қазақ баспасөзін қалыптастырушы тұлға, дін қайраткері Ғұмар Қараштың (1875-1921) шығармалар жинағының І томына ақынның көзі тірісінде шыққан "Қарлығаш", "Аға тұлпар", "Тұрымтай" жинақтарына шыққан өлеңдері, жарияланбаған "Қырғи" жинағындағы өлеңдер, ақынның "Қазақстан", "Айқап", "Қазақ", "Ұран", "Дұрыстық жолы", "Мұғалім", "Шора" т.б мерзімді басылымдарда жарық көрген шығармалары топтастырылды. Сондай-ақ Ғ. Қараштың жинақтауымен басылған "Шайыр яки қазақ ақындарының басты жырлары" (Орынбор) және "Көксілдер яки бұрынғы мырза ұлы hәмноғайлы батырлары уа гейри (және әр түрлі) мағыналы жырлар" (Орынбор) атты жинақтар да осы жерде толық түрінде берілді. Бұған қоса Ғұмар Қараштың ел аузынан жиналған, шәкірті Ахмади Есқалиев, зерттеушілер Мұстафа Ысмағұлов пен Гүлжау Сұлтанғалиева, немересі Надежда Қарашева жинақтаған бірқатар шығармасы да осы жинаққа топтастырылды. ІІ томына "Томан байдың баласы Әділ мырза, я болмаса Байғазы байдың қызы ару Шандоз" әңгімесі, көзі тірісінде кітап болып шыққан "Ойға келген пікірлерім", "Өрнек", "Бәдел қажы" еңбектері, ақынның "Қазақстан", "Айқап", "Қазақ", "Ұран", "Хабар -Известия", "Дұрыстық жолы", "Мұғалім", "Шора" т.б. мерзімді басылымдарда жарық көрген мақалалары топтастырылды. Жинаққа 1994 жылы "Ғылым" баспасынан жарық көрген "Замана " кітабында жарияланған ғалым Қ. Сыдиықовтың кіріспе мақаласы және М. Әуезов атындағы Әдебиет және өнер институты дайындаған "Қазақ әдебиетінің тарихы" онтомдық жинағының, 6-томындағы Ғұмар Қараш туралы сараптама мақаласы да енгізілді. Үшінші томына ақынның талайлы тағдырын тұңғыш рет жүйелі зерттеуші Мұстафа Ысмағұловтың еңбегін, ақынның немересі, Мәскеу қаласында тұрған Надежда Карашеваның Ғұмар Қараштың өмірі мен шығармашылығы туралы орыс тілінде жазылған шолу мақаласын, Ғұмарды көрген - білген адамдардың естеліктерін және Ғұмар Қарашқа арналған жыр-жоқтаударды беріп отырмыз. Бұған қоса, ақынның өмір жолы шығармашылығына қатысты тың дерек береді деген кейбір еңбектер де топтастырылды.
Бағасы: 15 000₸
Мекенжайымыз: Орал қаласы, Жеңіс шағын ауданы, 33/1
Тел:8-708-434-24-63
#ҒұмарҚараш #Данаорталығы #кітапдүкеніорал #қазақшакітаптар