Kaz informburo.kz

Қадір түні Астана тұрғындары бас мешітке жиналды😍 Еске салсақ, Қазақстанның бас мешіті былтыр тамызда ашылған. Мешіт орналасқан жер учаскесінің алаңы – 10 га. Оның жалпы алаңы – 68 062 шаршы метр. Үлкен күмбездің биіктігі – 83,2 метр, диаметрі – 62 метр. Мешіттің төрт мұнарасы бар. Оның биікті – 130 метр. Мешітте бір уақытта 230 мыңнан астам адам құлшылық жасай алады. видео: bydastann

Жаңаөзендегі жарылыс бойынша қылмыстық іс қозғалды Бұл туралы Маңғыстау облысының әкімі Нұрлан Ноғаев мәлімдеді. Ол Жаңаөзендегі жағдай бойынша ведомства аралық комиссия құрылғанын, қазір оқиғаның себеп-салдары анықталып жатқанын айтты. Әкімнің сөзінше, газ жарылысынан 17 адам зардап шеккен. Жаңаөзендегі газ жарылысынан авариялық-құтқару жұмыстары жалғасып жатыр. Сағат 11.45-тегі жағдай бойынша, үйінділердің астынан 4 адам құтқарылды, 4 адамның денесі шығарылды, деп хабарлады Төтенше жағдайлар министрлігі. Құтқарылғандарды және медициналық көмекке жүгінгендерді қосқанда барлығы 6 адам ауруханаға жатқызылды. Еске салайық, 17 сәуір күні сағат 05:04-те Жаңаөзен қаласында 12 пәтерлі 2 қабатты тұрғын үйдегі пәтерде жарылыс болды. Болжам бойынша газ қоспасы жарылып, 150 шаршы метр аумақта кіреберіс құлаған.

Алматыдағы «Шымбұлақ» тау шаңғы курорты Гиннес рекордтар кітабына кірді 🥳 Курорт «Әлемдегі ең биік түнгі тау шаңғы трассасы» номинациясына ие болды. Guinness World Records судьясы Шейда Субаши-Гемиджидің сөзінше, бұл әлемдегі жаңа рекорд. Жаңа рекорд нәтижесі мен ол туралы растайтын сертификат 3200 метр биіктікте орналасқан «Талғар асуында» табысталды. Еске салсақ, бұл түнгі трасса 2021 жылдың қарашасында ашылған еді. Тау шаңғы курортының баспасөз қызметінің хабарлауынша, 2021-2022 жылғы маусымда түнгі сеансқа 50 346 турист келген. Жалпы күніне 12 520 адам келсе, биылғы маусымда курортқа 1 миллионнан астам адам келген.

Қазақстанның бірінші ракеткасы Елена Рыбакина Индиан-Уэллс WTA 1000 турнирінің чемпионы атанды. Ол финалда әлемнің екінші ракеткасы, Беларусь теннисшісі Арина Соболенкодан үстем болды, деп хабарлады WTA. Финалдық бәсеке екі сетпен аяқталды. Екі сағат 4 минутқа созылған ақтық ойында Елена Рыбакина 7 эйс жасап, 10 брейк-пойнттың үшеуін пайдаланса, Арина Соболенко 4 эйс, 2 брейкпен (6 брейк-пойнт) шектелді. Айта кетейік, бұл Рыбакина мен Соболенконың төртінші кездесуі. Оның үшеуінде жеңіс Соболенконың қанжығасына байланған болатын. Бұл жеңіс Елена Рыбакинаға өз спорттық жолында алғаш рет әлемдік рейтингіде жетінші орынға көтерілуге мүмкіндік береді.

Қонаевта сайлау күніне орай ретрокөлік шеруі өтті Автошеруді "Тұлпар" ретрокөліктер салонының басшысы Мұрат Сіргебаев ұйымдастырған. "Бүгінгі шараға 10-ға жуық автокөлік қатысады. Біз барлық сайлау учаскелерін аралап шығамыз. Әз-Наурыз мерекесіне орай тағы да автошеру ұйымдастырмақ ниеттеміз. Жалпы біз ешқандай шарадан тыс қалмаймыз. Сонымен қатар бүгін азаматтық борышымызды өтеп, дауыс бердік", - деді Мұрат Сіргебаев. Қонаев қаласында 34 сайлау учаскесі жұмыс істейді. Оның бесеуі – жабық сайлау учаскелері.

🎶 Алматыда 700-ге жуық адам бір мезетте домбырада ойнады Домбыра-challenge мақсаты – жас ұрпақты патриоттық сезімге тәрбиелеу, ұлттың мәдени мұрасын сақтау және тарату, ойындарды ұлттық аспапта насихаттау, деп хабарлады қала әкімдігі. Олар Құрманғазының «Балбырауын», «Адай», «Сарыарқа» күйін орындады. «Күй күмбірі» атты республикалық челленджге 600 оқушы, 70 педагог және 20 ата-ана қатысқан.

Қытай қазақтары Джеки Чанға тұлпар мінгізді Қытайдың Шынжаң-Ұйғыр автономия өлкесі Іле Қазақ автономиялы облысының Моңғолкүре ауданын мекендейтін қандастарымыз Оскар сыйлығының иегері, әлемге танымал қытайлық актер Джеки Чанға тақия кигізіп, тұлпар мінгізді, деп хабарлады ҚазАқпарат агенттігі. Weibo әлеуметтік желісінде тараған видеолардан танымал актердің Шыңжаңға сапары кезінде жергілікті тұрғындардың ыстық ықыласына бөленгенін, сондай-ақ қазақ салт-дәстүрі бойынша құрметті қонақ ретінде тұлпар сыйға алғанын көруге болады. Кадрларда басына қазақы тақия киіп, қолына қамшы ұстаған Джеки Чан өз рахметін айтып жатты және елмен бірге ән салды. Айта кетейік, Джеки Чан Шыңжаңға осы жолғы сапарында 2005 жылы жарық көрген "Миф" киносының жалғасын түсірген.

Көктемнің алғашқы күнінде Алматыда бәйшешек гүлдеді 🌸 Мұны қыстың аяқталғанымен байланыстыруға болады, деп хабарлады Орман шаруашылығы және жануарлар дүниесі комитеті. Галантус немесе бәйшешек гүлдерін Алматыдағы ботаника бағынан тамашалауға болады. Бәйшешек Қазақстанда Қызыл кітапқа енгізілген. Сондықтан оларды жұлуға, таптауға болмайды. Бұл үшін айыппұл салу не үш жылға дейін бас бостандығынан айыру жазасы қарастырылған. видео: botsadkz

Соңғы қоңырау 1 маусымда соғылады Мектептерде соңғы қоңырау салтанаты 1 маусым Халықаралық балаларды қорғау күнінде соғылады. Бұл туралы оқу-ағарту министрлігінің орта білім комитетінің төрағасы Гүлмира Кәрімова хабарлады. Бұған дейін депутаттар соңғы қоңыраудың 31 мамырға белгіленгенін сынға алған болатын. Мәжіліс отырысында депутат Аманжол Әлтай "соңғы қоңырау" шарасын 30 мамыр не 1 маусымға ауыстыруды ұсынған еді.

1000-ға жуық оқушы қатысқан домбыра сабағы Гиннесс рекордтар кітабына енгізілді Ең ауқымды домбыра сабағы былтыр Назарбаев зияткерлік мектебінде өткен. Онлайн рекордты тіркеу туралы ақпарат Гиннесс рекордтар кітабының ресми сайтында жарияланды, деп хабарлады НЗМ баспасөз қызметі. Былтыр мыңға жуық оқушы бір мезетте «Сарыарқа», «Балбырауын», «Еркем-ай», «Кеңес», «Жастар биі» күйін орындаған еді.

Әнші Төреғали Төреәлі ұсталды Алматы облыстық полиция департаменті бұған дейін желіде тараған оқиғаның мән-жайын анықтап жатыр. «Қазір аталған фактіге қатысты тексеру жүргізіліп жатыр. Алматы облысы полициясының тапсырмасымен бұл іспен Кеген ауданының полициясы айналысуда. Іс облыстық полицияның бақылауына алынды», – делінген ведомство хабарламасында.

Қазақстанның ғылым және жоғары білім министрі Саясат Нұрбек Мәжіліс отырысында Мұхтар Шахановтың өлеңін оқыды. Ол министр болып тағайындалғанға дейін Мәжіліс депутаты болған еді.

Serjan bratan сериалы Stareable Fest LA фестивалінде бірден Best Drama және Best in Directing номинациясын алды. Stareable Fest - АҚШ-тағы тәуелсіз теле және веб-сериалдардың жыл сайын өтетін ең беделді фестивальдерінің бірі. Сериал идеясының авторы, сценарий авторларының бірі, режиссері және продюсері – Әлішер Өтеев.

Украина президенті Владимир Зеленский ресей халқына үндеу жасады

Әлеуметтік желіде Бақытжан Сағынтаевтың көлігіне террористердің шабуыл жасаған сәтінің видеосы жарияланды. Видеоның шабуыл кезінде түсірілгенін оқиға орнында болған адам растады. ❗️Видеода бейәдеп сөздер бар Атысты көліктің артқы орындығында отырған куәгерлер телефонына түсіріп алған. 6 қаңтар күні Бақытжан Сағынтаев жедел штабтан әкімдікке қарай бет алғанда оған шабуыл жасалған болатын. "Қосымша күш пен арнайы жасақ келіп әкімдік пен алаңды тазартқан кезде әріптестерімізбен бірге әкімдік пен алаңға қарай бет алдық. Онда жан-жақтан оқ атып жатты. Соңымыздан қуып, оқ атты. Бізді күтіп тұрды. Олар біздің маршрутымызды білген", – деген еді Сағынтаев бұған дейін. Қала басшысының жүргізушісі жарақат алды. Атыс кезінде әкімнің соңынан келе жатқан көлікте отырған "Алматы" телеарнасының жүргізушісі көз жұмды. Сондай-ақ, спорт басқармасының жетекшісі Рустам Байсейітов пен дін істері басқармасының жетекшісі Нұрлан Кикімов жарақаттанды. Оларға ота жасалды.

Елбасы Нұрсұлтан Назарбаев Қазақстан халқына үндеу жасады

Алматыда ұсталғандардың бірі өзінің Қырғызстаннан ұшып келгенін айтты. Біреулер оған митингіге шығу үшін 200 доллар ұсынған. Ұшақ билетін төлеп, орналастырған. Онымен бірге Өзбекстан мен Тәжікстаннан адамдар болған. Видео: Qazaqstan арнасы

Президент Қасым-Жомарт Тоқаев халыққа үндеу жасады “Құрметті отандастар, қадірлі ағайын! Баршаңызға тағы айтарым: іштен және сырттан болған сан түрлі жалған ақпараттарға сеніп, ереуілге салынған топтың қитұрқы әрекеттері мен тәртіпсіздікке ермей, парасатпен және ақылмен ғана шешім қабылдауға ғана шақырамын. Азаматтық және әскери мақсаттағы қызметтік ғимараттарға шабуыл жасауға үндейтін ұрандар мүлдем заңға қайшы келеді. Бұл — өрескел қылмыстық әрекет. Билік құламайды, бірақ бізге өзара сенім және өзара диалог керек. Ал жастарға айтарым: жарқын болашақтарыңызға балта шаппаңыздар, жақындарыңыз бен туған-туысқандарыңыздың жағдайын ойлаңыздар. Жалпы барлық заң аясындағы өтініштер мен талаптар ескеріледі, тиісті шешімдер қабылданады. Ертең осы мәселелер бойынша арнайы жиналыс өтеді. Мен баршаңыздың парасаттылығыңызға сенемін, сіздердің амандықтарыңыз бен тұтас еліміздің қазіргі әлемдегі жағдайы осыған байланысты”,- деді президент.

Мәжіліс төрағасы Нұрлан Нығматуллин БЖЗҚ басшысын сынға алды.

Цифрлық даму вице-министрі депутаттың қазақша сауалының біріне жауапты қағаздан оқып беріп, екіншісін тіпті де түсінбей қалды. «Екінші сауалдың жауабы қағазда жоқ па?» деп қағытты оны Мәжіліс төрағасы. Шенеунік Ресейден келген қандас екенін айтып ақталған болды.