Orda.kz - ақпараттық-талдамалық порталы

Мұхтар Жәкішевтің бостандығы. Кәрім Мәсімов мәселесі. Апталық шолу youtube арнаға жүктелді. Қолдаңыздар, жазылыңыздар! https://youtu.be/pdDHwlmphaQ

Моңғолия астанасы Ұлан-Батырда наразылықтар басталды. Дереккөздердің ақпаратына сәйкес халық бағаның аспандауы мен жемқорлыққа қарсы бейбіт жиынға шыққан. Жиын үкімет үйін басып алуға дейін жетті. Наразылыққа шыққан халық қазір бағасын қымбаттауына себеп болған елдегі байлардың атын атауды талап етіп отыр. Сонымен бірге, 2013 жылдан бері Қытайға ұрлықпен сатылған көмірдің құпиясы халық арасында жария болуы наразылыққа себеп болып отыр. Моңғолиядай айтарлықтай жоғары көлемде Қытайға аттанған көмір, екінші мемлекетке жартысы көлемде жетеді. Қытай осы ақпаратты ашық айтып, өздерінің тарапынан жемқорлыққа жол бергендерді атып тастағаны туралы да ақпар тарады.

Ұзынағаштағы атыс: екі адам жарақат алып, біреуі қайтыс болды Алматы облысы полицейлерінің хабарлауынша, 4 тамыз күні кешкі сағат 16:20 шамасында оқтан жарақат алған үш жергілікті тұрғын Ұзынағаш ауылындағы ауруханаға жеткізілген. Кейін олардың бірі жансақтау бөлімінде қайтыс болды. Қақтығысқа қатысушылардың қалған бөлігі анықталды, «Перехват» жоспары жарияланды. Алдын ала мәлімет бойынша, атыс жергілікті тұрғындар арасында болған.

Алматы облысында ер адам тірі жылқыны көлікпен басқан Алматы облысы, Іле ауданының тұрғыны өзінің жол талғамайтын көлігімен көршісінің жылқысын басып кетті. Тірі жануардың үстіне көлікпен шықпақ болған азаматтың видеосы желіде тарады. Алматы облысының полиция департаменті оқиғаның 16 шілде күні Іле ауданында болғанын хабарлады. «Жол талғамайтын көліктегі ер адамның жануарды аяусыз басып бара жатқан бейнежазбасы 16 шілдеде Іле ауданында болғанын хабарлаймыз. Шынында да, Междуречинск ауылының 38 жастағы тұрғыны ауылдастарымен болған жанжал кезінде «Тойота Ленд Крузер» автокөлігімен оның жылқысын қағып кетті. Құқық бұзушы ұсталып, аудандық полицияға жеткізілді. Ол өзінің куәлігінде 20-ға жуық жайылымдық жылқыларды бақшасынан шығаруға тырысқанын түсіндірді», – делінген облыстық ДП хабарламасында. ЕСКЕРТУ: Жүйке жүйесі әлсіздерге видеоны көрмеуге кеңес беріледі Ведомствоның баспасөз қызметінің хабарлауынша, көлік астында қалған жануар аман қалған, бірақ иелері жануарды бауыздау туралы шешім қабылдады, өйткені жарақат оның қозғалуына мүмкіндік бермеген.

Түркістан облысында мемлекеттік мекеме қызметкері өртеніп жатқан ғимараттың төбесіндегі туды өрттен сақтап қалды. Жұмыспен қамту орталығының өртеніп жатқан ғимаратынан мемлекеттік туды құтқару сәтін түсірген видео әлеуметтік желі қолданушыларын тәнті етті. Ер адам өртеніп жатқан ғимараттың төбесіне шықты. Өз денсаулығына қауіп төндірген ол мемлекет рәмізін ту тұғырынан асығыс алып, жерге лақтырып, оқиға орнынан кетіп қалады. Түркістан облысының Төтенше жағдайлар департаменті хабарлағандай, видеодағы кейіпкер жұмыспен қамту орталығының қызметкері. Оқиға 17 шілде күні Сайрам ауданы Ақсукент ауылында болған. Өрттен ешкім зардап шеккен жоқ. Өртті сөндіруге 29 өрт сөндіруші мен сегіз полиция қызметкері шықты. «Жұмыспен қамту орталық ғимаратының бірінші қабатты мен «Светофор» дүкенінің шатыры 413 шаршы метр аумақта өрт шықты. Сағат 14.31-де өрт оқшауланып, 16.15-те жойылды. Құрбандар мен зардап шеккендер жоқ» делінген хабарламада.

Алматы қаласында қару ұстаған ер азаматтың тұрғын үйлер арасында жүрген видеосы тарады Оқиға Алматы қаласы Алатау ауданы Дарабоз шағынауданында 10 шілде күні кешкі сағат 22:00 шамасында орын алды. Қолына қару ұстаған ер азамат белгісіз себептермен белгісіз бағытта оқ атқан. 23:30 шамасында полиция мен арнайы жасақ оны құрықтады. Куәгерлердің айтуынша, оқиға отбасылық жанжалдан бастау алған. Ер азамат ұсталды, полиция ресми мәлімдеме жасап ешкімнің зардап шекпегенін айтты.

Өзбекстанда жаппай наразылық басталды Алдын ала ақпара бойынша, халық Қарақалпақстанның тәуелсіздігіне қарсы келетін заңдағы түзетулерге наразылық танытуға шыққан. Наразылықтың Қарақалпақстан астанасы Нүкіс қаласында басталғаны айтылды. КСРО ыдырағаннан кейін Қарақалпақстан Республикасы Өзбекстанның құрамына кірді, бірақ барлық уақытта референдум арқылы шешім бойынша құрамнан шығу құқығы бар дербес ел болып саналды. Жақын арада Өзбекстан Конституциясына енгізілген түзетулерге сәйкес Қарақалпақстанның мәртебесі өзгертіліп, республика тәуелсіздікке үміткер бола алмайды.

Мұрынбоқ болып келген – Шиелідегі мектеп директоры мұғалімдерге тіл тигізді Қызылорда облысы Шиелі ауданындағы мектептердің бірінде директор мен мұғалімдер арасында жанжал шықты. Видеодан мектеп директорының мұғалімдерді сынға алып, оларға тіл тигізген. Видеоны желі белсендісі Ардақ Қазақбайқызы өз парақшасына жариялады. Оқиғаға қатысты Шиелі аудандық білім бөлімі пікір білдірді. «Аудандық білім бөлімі облыстық білім басқармасымен бірге мәселені қарастырып жатыр. Тиісті зерделеу жүргізіліп, мәселе анықталған соң басшы мен тиісті қызметкерлер іс-әрекетіне құқықтық тұрғыдан баға берілетін болады» деді бөлімде. Видео авторы сондай-ақ бұл директордың 10 жылдан аса уақыт бір жерде қызмет етіп келе жатқанын жазды. «Бұл сұмдық тиран директорға 10 жылдан бері төзіп келе жатқан мұғалімдерге медаль тағу керек шығар» деді ол. Видео: Ардақ Қазақбайқызы

⚡️Оқушы қыз кешірім сұрады Дағыстаннның Избербаш қаласындағы мектептердің бірінде өтіп жатқан соңғы қоңырау кезінде Ресей агрессиясын айыптаған оқушы кешірім сұрады. Оқушы «Соғысқа жол жоқ! Украинаға азаттық! Путин – сүмелек!» деп ұрандатқан. Оқушыға қолдау білдіріп, шапалақ ұрғандар болды. Кейін оқушы мен оның анасы кешірім сұраған. Оқушының анасы қызының ойсыз әрекетіне өкінетінін, Путиннің саясатын, Украинадағы арнаулы операциясын толық қолдайтынын мәлімдеген.

Текеліде сел салдарынан 5 жасар қыз жоғалып кетті Бүгін түскі он екілер шамасында Текеліде сел салдарынан лай көшкіні жүрді. Бірнеше үй су астында қалды. Белгілі болғандай, олардың бірінде 5 жасар қыз жоғалып кеткен. «Сағат 12:00-де Қонаев көшесінің бойындағы 350, 348 үйлер ауданында топырақтың батпақтануы салдарынан тұрғын үйлерге лай көшкіні жүріп өткені туралы хабарлама түсті. Үй иелерінің айтуынша, 5 жасар қыз жоғалып кеткен. Жергілікті атқарушы органдар лай көшкіні салдарын жою үшін штаб құрды. Зардап шеккен отбасылар қауіпсіз жерге көшіріледі» деп нақтылады облыстық Төтенше жағдайлар департаментінің баспасөз қызметі.

Алматыда наразылық білдірушілер зейнетақы шегін 58 жасқа дейін төмендетуді талап етті Алматы қаласындағы Махатма Ганди саябағында рұқсат етілген митингіге оннан астам әйел жиналды. Рұқсат етілген митинг Махатма Ганди саябағында өтуде. Онда әйелдер жиналып, зейнетақының белгіленген 63 жас шегін қайта қарап, 58 жасқа дейін төмендетуді талап етті. Әйелдер бұл жерге «Бұрынғы зейнет жасын қайтаруды талап етеміз!» деген плакаттармен келді. Олар саябақта өздерінің 58 жасында зейнетке шыққысы келетінін бейнелейтін композициялық қозғалыстағы әнұранын шырқады. Митингке кемінде 50 адам қатысады деп күтілуде. Үкімет рұқсат еткен митингі өтетін жерден алыс емес жерде төрт полиция қызметкері процесті бақылап тұрды. Алматыда наразылық білдірушілер зейнетақы шегін 58 жасқа дейін төмендетуді талап етті Осы уақыт аралығында әйелдер микрофон алдында зейнеткерлік жасына жеткенге дейінгі қиын өмірлері туралы баяндап берді. — Ауруханаға баруға, ота жасауға уақытым жоқ. Өйткені жұмыс істеуім керек. Егер сіз еңбек демалысын алсаңыз, қарт әрі науқас адам ешқайда қажет емес. Одан гөрі д

Алматы лицейінде жыныстық сипаттағы буллинг орын алған ❗Видеода бейәдеп сөздер бар Құқыққорғаушы Dina Tansari өз парақшасында балалар арасындағы буллингтің видеосын жариялады. Бірнеше бала сыныптастарының тарапынан буллингке ұшыраған. Халықаралық Қазақстан-Түркия лицейінде оқыған видео авторының баласы да қысым көрген. Соның салдарынан бала психолог емін қабылдап жүр. Құқық қорғаушының айтуынша, қазір бала басқа мектепке ауысып, жүйке жүйесін қалпына келтіріп жүр. Десе де, ол мектепте әлі де буллингке ұшырап жүрген балалар бар. Сонымен қатар осы мектептің оқушылары сабақ үстінде "анайы видеоларды" емін-еркін көріп отырады, ал мұғалімдер естімеген, көрмегендей болып сабақты жалғастыра береді. Ата-аналар мектеп басшылығына осы видеоны көрсеткен кезде олар "бұл өте қиын балалар" деп ешқандай шара қабылдамаған. Алматы полиция департаменті бұл факті Алмалы аудандық полиция басқармасында тіркелгенін мәлімдеді. Алмалы ауданы әкімдігі жанындағы кәмелетке толмағандардың істері жөніндегі ведомствоаралық комиссия одан әрі тексеру үшін лицейге барады.

Жамбыл облысында жантүршілгерлік жол апаты орын алды. Екі қаланың ортасында қатынайтын автобуспен болған жол апатынан екі адам қаза тапты, тағы 33 адам зардап шекті. Облыстық полиция департаментінің хабарлауынша, сағат 15:50-де Батыс Еуропа-Батыс Қытай автожолының 571 шақырымында автобус трактор тіркемесімен соқтығысқан. Ауа-райының қолайсыздығынан жүргізуші көлікті басқара алмай қалған боулы мүмкін. Жүргізушінің көмекшісі мен бір жолаушы қаза тапты. Тағы 33 адам түрлі жарақаттармен ауруханаға түсті, үшеуі реанимацияда. Сотқа дейінгі тергеу басталды.