08/02/2024
#သူဌေးစာရင်းထဲသင်ဝင်လား
ပိုက်ဆံတွေချမ်းသာပေမယ့်၊
အလုပ်တစ်ရက်မပိတ်နိုင်လို့
ပိတ်ရက်မရှိ၊ နာဖျားခွင့်မရှိတဲ့
သူဌေးတွေ ရှိတယ်။
သိန်းဆယ်ချီရာချီလှူနိုင်ပေမယ့်၊
ဒီတစ်သက်မကြေနိုင်တော့တဲ့
အကြွေးတွေပတ်လည်ဝိုင်းပြီး၊
မသေခင်အချိန်ထိ
သူဌေးလုပ်နေသူတွေလဲ ရှိတယ်။
လက်အောက်လူတွေကို
ပျော်အောင်ဖန်တီးပေးနိုင်ပေမယ့်၊
ကိုယ်တိုင်မိသားစု
ပြဿနာတွေကြောင့်
မပျော်နိုင်တဲ့၊သူဌေးတွေလဲ ရှိတယ်.။
တန်ဖိုးကြီးအသုံးအဆောင်တွေ
၀တ်ပြပြီး၊
ကိုယ်အကြွေးပေးရမယ့်သူတွေကို
ရှောင်နေရတဲ့၊မျက်နှာပြောင်
သူဌေးတွေလဲ ရှိတယ်။
ဘယ်အစားအစာကိုမဆို
စျေးမမေးဘဲ ၀ယ်စားနိုင်ပေမယ့်၊
ရောဂါနဲ့ကျန်းမာရေးကြောင့်
အစားစုံရှောင်စားနေရတဲ့၊
ပြိတ္တာတစ်ပိုင်း သူဌေးတွေလဲ ရှိတယ်..။
ငယ်တုန်းအချိန်မှာ ပိုက်ဆံကုန်းရှာပြီး၊
အသက်ကြီးလာတဲ့အချိန် အိမ်မှာမြေးထိန်းအိမ်စောင့်နေရတဲ့၊
ဆန်ရေမသိတဲ့
သူဌေးတွေလဲ ရှိတယ်..။
ကိုယ့်ရှိတာလေးကို ခြစ်ခြုပ်သုံးပြီး၊
နာမည်လေးတစ်လုံးကို
ဟန်ဆောင်ထိန်းထားရတဲ့၊
အယောင်ဆောင်
သူဌေးတွေလဲ ရှိတယ်..။
သူဌေးနာမည်တပ်ခံရပြီး
မပျော်ရွှင်တဲ့ သူဌေးတွေမှ
အများကြီး.တွေ့နေရသော
လောကကြီးထဲမှ
တကယ်သူဌေးစစ်စစ်
ဆိုတာ...
ဘဝဆိုတာ
အချိန်လေးတစ်ခုမှာ.
အေးချမ်းတဲ့ဘဝကို
ရှာနိုင်သူ.
ကိုယ်ရှိတာ ကိုယ်သိ
လူတွေရှေ့ထွက်မပြသူ
ကိုယ်ဘဝအတွက်
သီးသန့်
အချိန်များပိုင်းခြား
ပေးနိုင်သူ
ကျေးဇူးရှိသူကို
ကျေးဇူးပြန်ဆပ်နိုင်သူ
ကိုယ်ရှိတဲ့ငွေနဲ့လုပ်ငန်း
တိုးချဲ့
အကြွေးမရှိသူ
မိသားစုအတွက်planချ
ရိုးသား ကြိုးစားသူ
ကိုယ်ဝါသနာပါရာ
ကောင်းသောအလုပ်ကို
ကြိုးစားနိုင်ခွင့်ရှိသူ..
အဲ့လိုအချက်တွေနဲ့
ပြည်စုံအေးချမ်းသူသာ
သူဌေးလို့ပြောရမှာ...။
