https://4sorcheang.wordpress.com/

SOR CHEANG, Gwangju (2025)

08/01/2025

Rfa khmer

អតីតតំណាងរាស្ត្រគណបក្សសង្គ្រោះជាតិ លោក លិម គិមយ៉ា ដែលរិះគន់រដ្ឋាភិបាលត្រកូល ហ៊ុន ត្រូវឃាតកបាញ់សម្លាប់នៅប្រទេសថៃ
---

អតីតសមាជិកសភាគណបក្សសង្គ្រោះជាតិ ដែលតែងតែរិះគន់រដ្ឋាភិបាលត្រកូល ហ៊ុន គឺលោក លិម គិមយ៉ា ត្រូវបានឃាតកការបាញ់សម្លាប់ នៅប្រទេសថៃ ចំថ្ងៃបក្សកាន់អំណាចអបអរថ្ងៃ ៧មករា។ សកម្មជន និងបក្សប្រឆាំងជំរុញឱ្យមានការស៊ើបអង្កេតករណីនេះ ដើម្បីរកហេតុផល នៃការបាញ់សម្លាប់នេះ និងឃាតកពិត ឬអ្នកបញ្ជានៅពីក្រោយខ្នង។

នេះជាករណីថ្មីទី១ ដែលមានការបាញ់សម្លាប់មន្ត្រីបក្សប្រឆាំងខ្មែរ នៅលើទឹកដីថៃ ខណៈរដ្ឋាភិបាល និងបក្សកាន់អំណាច ជាទំនាក់ទំនងស្អិតល្មួតជាមួយរដ្ឋាភិបាលត្រកូល ហ៊ុន។ អតីតសមាជិកសភាគណបក្សសង្គ្រោះជាតិ លោក លិម គិមយ៉ា ត្រូវបានខ្មាន់កាំភ្លើងបាញ់ចំនួនបីគ្រាប់ បណ្ដាលឱ្យលោកស្លាប់នៅហ្នឹងកន្លែង ដែលស្ថិតនៅទីប្រជុំជនមួយកន្លែង ក្បែរវត្តបូវ័ន្តនិវិត្ត (Wat Bowonniwet Vihara) ក្នុងទីក្រុងបាងកក។ ទូរទស្សន៍ថៃ បានផ្សាយវីដេអូសុវត្ថិភាពដោយបង្ហាញថា ជនសង្ស័យបានជិះម៉ូតូមកចតនៅលើចិញ្ចើមផ្លូវ ជាង ១០នាទី ដែលនៅទីនោះ មានអ្នកលក់នំចំណី និងអ្នកធ្វើដំណើរដើរទៅមក។ ជនសង្ស័យបានដោះមួកសុវត្ថិភាព ទុកលើម៉ូតូ និងមិនបានបិទមុខទេ ហើយបានដើរចេញពីម៉ូតូឆ្លងផ្លូវទៅបាញ់សម្លាប់លោក លិម គិមយ៉ា រួចហើយក៏ប្រញាប់ដើរមកជិះម៉ូតូចាកចេញពីកន្លែងកើតហេតុ។ សាក្សីនៅកន្លែងកើតហេតុប្រាប់សារព័ត៌មានថៃថា ខ្មាន់កាំភ្លើងបានដកកាំភ្លើងបាញ់យ៉ាងព្រហើន និងហាក់គ្មានការភ័យខ្លាចឡើយ។

អតីតមន្ត្រីជាន់ខ្ពស់បក្សសង្គ្រោះជាតិ លោក ហ៊ីង សុខសាន្ត ប្រាប់ថា លោកធ្លាប់មានទំនាក់ទំនងជាមួយលោក លិម គិមយ៉ា តាមបណ្ដាញសង្គមមុនពេលលោកត្រូវគេបាញ់សម្លាប់។ លោកបន្តថា ជំហរនយោបាយចុងក្រោយរបស់លោក លិម គិមយ៉ា គឺចង់វិលទៅធ្វើនយោបាយនៅប្រទេសកម្ពុជាវិញ ជាមួយអតីតមន្ត្រីបក្សប្រឆាំងផ្សេងទៀត ដែលមានទំនោរគាំទ្រលោក កឹម សុខា។ ទាក់ទងការបាញ់សម្លាប់នេះវិញ លោក ហ៊ីង សុខសាន្ត រំពឹងថា សមត្ថកិច្ចថៃ ស៊ើបអង្កេតដោយយុត្តិធម៌ និងឯករាជ្យ ដែលអាចរកឃាតកឃើញ។
លោក ហ៊ីង សុខសាន្ត៖ «និយាយរួម គាត់ កឹម សុខា ១០០% ហ្មង និយាយឱ្យចំ។ ប៉ុន្តែ ១ខែចុងក្រោយនេះ គាត់មានបំណងទេ គាត់មិនទាន់ទៅចូលរួមទេ ចង់ទៅចូលរួមជាមួយហ្នឹងសម្ព័ន្ធឆ្ពោះទៅមុខ ជាមួយលោក យ៉ែម ប៉ុញ្ញាឫទ្ធិ ជាមួយ លោក អ៊ុំ ប៉ុល ហំម ជាមួយគណបក្សភ្លើងទៀន អ៊ីចឹងៗ ណា»។

ជុំវិញរឿងនេះ វិទ្យុអាស៊ីសេរីបានព្យាយាមសុំការបំភ្លឺពីសមត្ថកិច្ចថៃ តែមិនទាន់ទទួលបានការបកស្រាយនៅឡើយទេ នៅថ្ងៃទី៧ ខែមករា។ វិទ្យុអាស៊ីសេរី ក៏កំពុងសុំការអត្ថាធិប្បាយពីស្ថានទូតបារាំងប្រចាំទីក្រុងបាងកក និងទីក្រុងភ្នំពេញ និងអ្នកនាំពាក្យអគ្គស្នងការនគរបាលជាតិ លោក ឆាយ គឹមខឿន ដែរ តែមិនអាចសុំការបកស្រាយបានទេ នៅថ្ងៃដដែលនេះ។

ទាក់ទងករណីនេះ អ្នកនាំពាក្យគណបក្សប្រជាជនកម្ពុជា លោក សុខ ឥសាន លើកឡើងថា ការស៊ើបអង្កេតបែបណា គឺជាសិទ្ធិរបស់សមត្ថកិច្ចថៃ ព្រោះរឿងនេះកើតឡើងនៅក្នុងទឹកដីថៃ។ ទោះជាយ៉ាងណាក្ដី លោកសោកស្ដាយ ដែលមានការសម្លាប់ពលរដ្ឋខ្មែរ នៅប្រទេសថៃពេលនេះ។
លោក សុខ ឥសាន៖ «ជីវិតមនុស្ស យើងមានការសោកស្ដាយហើយ ប៉ុន្តែ យើងធ្វើម៉េច បើខ្មាន់កាំភ្លើងបាញ់អ៊ីចឹង? បើអ៊ីចឹង បានឱ្យសួរប៉ូលិសថៃ កុំចោទតែពីសតែពាស ចេះតែម៉េច?»។

លោក លឹម គឹមយ៉ា មានអាយុ ៧៤ឆ្នាំ មានសញ្ជាតិបារាំង និងមានភរិយាជាជនជាតិបារាំង គឺជាអតីតតំណាងរាស្ត្រគណបក្សសង្គ្រោះជាតិ នៃមណ្ឌលកំពង់ធំ។ ក្រោយពីរដ្ឋាភិបាលត្រកូល ហ៊ុន រំលាយគណបក្សសង្គ្រោះជាតិ កាលពីឆ្នាំ២០២៧ មក អ្នកនយោបាយគាំទ្រលោក កឹម សុខា រូបនេះ តែងតែប្រើហ្វេសប៊ុក រិះគន់រដ្ឋាភិបាលត្រកូល ហ៊ុន ទាក់ទងរឿងសិទ្ធិមនុស្ស ប្រជាធិបតេយ្យ រិះគន់ថា រឿងកោះគជ់ ផងដែរ។ មុនការសម្លាប់នេះ ៤ថ្ងៃ លោក លិម គិមយ៉ា បានសរសេរលើហ្វេសប៊ុករបស់លោក កាលពីថ្ងៃទី៣ ខែមករា រឿងអគ្គិភ័យឆាបឆេះ ព្រះឆាយាល័ក្ខណ៍ព្រះមហាក្សត្រ ដែលព្រឹត្តិការនេះរៀបចំដោយកូនប្រុសពៅ លោក ហ៊ុន សែន គឺលោក ហ៊ុន ម៉ានី។ លោក លឹម គឹមយ៉ា លើកឡើងថា ព្រឹត្តិការ សាទរកម្ពុជា រហូតធ្វើឱ្យព្រះឆាយាល័ក្ខណ៍ព្រះមហាក្សត្រនេះ គ្មានប្រយោជន៍អ្វីដល់ប្រជាពលរដ្ឋឡើយ។ លោកថា ពលរដ្ឋខ្មែរជាបានអំពាវនាវដល់រដ្ឋាភិបាល ឱ្យគោរពសិទ្ធិមនុស្ស និងផ្ដល់យុត្តិធម៌ គឺគ្រប់គ្រាន់ហើយ និងមិនចាំបាច់ចំណាយថវិកាដូចព្រឹត្តិការណ៍លោក ហ៊ុន ម៉ានី រៀបចំឡើយ។ គ្រាន់តែប៉ុណ្ណឹងសោះ រដ្ឋាភិបាលធ្វើមិនបាន តើឱ្យប្រជាពលរដ្ឋសង្ឃឹមអ្វី។

អ្នកអត្ថាធិប្បាយនយោបាយ លោក គឹម សុខ យល់ថា ការបាញ់សម្លាប់លោក លឹម គឹមយ៉ា អាចជាប់ពាក់ព័ន្ធនឹងរឿងនយោបាយនៅកម្ពុជា ច្រើនជាងទំនាស់បុគ្គល។ លោកកត់សម្គាល់ថា លោក លិម គិមយ៉ា បានរិះគន់លោក ហ៊ុន សែន លោក ហ៊ុន ម៉ាណែត និងលោក ហ៊ុន ម៉ានី ដែលធ្វើឱ្យគ្រួសារត្រកូលមិនសប្បាយចិត្ត។ លោកបន្តថា ការបាញ់សម្លាប់លោក លិម គិមយ៉ា នៅកណ្ដាលក្រុងបាងកកនេះ ជាការបង្ហាញថា ឃាតកពិតជាមនុស្សមានអំណាច។
លោក គឹម សុខ៖ «ខ្ញុំថា ពាក់ព័ន្ធនឹងនយោបាយច្រើន ព្រោះថា លោក លិម គិមយ៉ា គាត់សកម្មដែរ នៅក្នុងឆាកនយោបាយ។ គាត់រិះគន់លោក ហ៊ុន សែន ចំៗ កាលពីឆ្នាំ២០១៧ គណបក្សសង្គ្រោះជាតិ ពេលនោះនៅមាននៅឡើយ ទាក់ទងទៅនឹងថវិកាជាតិ ហើយលោក បានគំរាមលោក លិម គិមយ៉ា រហូតទៅដល់ ប្រយ័ត្ននរកទៀត ហើយចុងក្រោយនេះ រិះគន់មិនបណ្ដាក់មាត់ដែរ លើ លោក ហ៊ុន ម៉ានី ដែលធ្វើឱ្យ ឆេះ ព្រះឆាយាល័ក្ខណ៍ព្រះមហាក្សត្រ»។

នេះជាលើកទី១ ដែលមានការបាញ់សម្លាប់មន្ត្រីបក្សប្រឆាំងកម្ពុជា នៅលើទឹកដីថៃ ខណៈកន្លងមកត្រឹមតែមានករណីវាយបង្ករបួសលើសកម្មជនបក្សប្រឆាំង និងការចាប់បញ្ជូនជនភៀសខ្លួនខ្មែរពីប្រទេសថៃ យកទៅឃុំខ្លួននៅប្រទេសកម្ពុជាប៉ុណ្ណោះ។

សកម្មជនបក្សប្រឆាំង ដែលកំពុងភៀសខ្លួននៅប្រទេសថៃ លោក លឹម សុខា ឱ្យវិទ្យុអាស៊ីសេរីនៅយប់ទី៧ ខែមករា ថា លោកទើបតែដឹងដំណឹងតាមការផ្សាយរបស់សារព័ត៌មានថៃទេ។ ទោះជាយ៉ាងណាក្ដី លោកថា ក្រុមការងារលោកនឹងតាមដានករណីនេះ។ លោក យល់ថា នេះជាការគំរាមកំហែងថ្មីបន្ថែម លើសកម្មជនបក្សប្រឆាំង ដែលកំពុងភៀសខ្លួននៅប្រទេសថៃ ស្របពេលសមត្ថកិច្ចទើបចាប់ខ្លួនសកម្មជនបក្សប្រឆាំង ៦នាក់ ពីប្រទេសថៃ ទៅឃុំខ្លួននៅកម្ពុជា កាលពីចុងឆ្នាំ២០២៤។
លោក លឹម សុខា៖ «យើងត្រូវតែធ្វើកិច្ចពិភាក្សាជាមួយក្រុមការងារហ្នឹង ដើម្បីជំរុញទៅខាង UNHCR ហ្នឹង ដើម្បីឱ្យជួយជំរុញជនភៀសខ្លួនយើងនៅបាងកក ទាំងប៉ុន្មានហ្នឹង ឱ្យផុតៗ ទៅ ដោយសារនៅក្នុងប្រទេសថៃ នេះយើងមើលទៅស្ថានភាព ដូចជា អាក្រក់ខ្លាំង ហើយឥឡូវមកឃើញ ហេតុការណ៍នៅថ្ងៃទី៧ មករា ម៉ោងជិត ៧ល្ងាច ហ្នឹង មានការបាញ់សម្លាប់ រហូតអតីតតំណាងរាស្ត្រទៀត»។

សមត្ថកិច្ចថៃកំពុងចាត់ចែងក្រុមការងារតាមរកចាប់ឃាតក ដែលបានបាញ់សម្លាប់លោក លិម គិមយ៉ា។ ករណីបាញ់សម្លាប់នៅកណ្ដាលទីក្រុងបាងកកនេះ ស្រដៀងគ្នានឹងការបាញ់សម្លាប់អ្នកស្រាវជ្រាវ និងវិភាគនយោបាយ លោក បណ្ឌិត កែម ឡី នៅកណ្ដាលទីក្រុងភ្នំពេញ កាលពីឆ្នាំ២០១៦ ដែរ។

នាយកអ្នកតស៊ូមតិសិទ្ធិមនុស្ស និងការងារអាស៊ី (AHRLA) លោក Phil Robertson លើកឡើងនៅក្នុងសេចក្ដីថ្លែងការណ៍របស់លោកថា «ការបាញ់ប្រហារយ៉ាងសាហាវឃោរឃៅលើលោក លិម គិមយ៉ា ជាសញ្ញានៃការធ្វើឃាតនយោបាយ ហើយមើលទៅជាការកើនឡើងគួរឱ្យកត់សម្គាល់ក្នុងការប្រើប្រាស់ការគាបសង្កត់ឆ្លងដែន នៅក្នុងទីក្រុងបាងកក។ អ្នកការពារសិទ្ធិមនុស្សរូបនេះ ស្នើសមត្ថកិច្ចថៃ ឱ្យស៊ើបអង្កេតជាបន្ទាន់ ដោយហ្មត់ចត់ និងតម្លាភាព ដើម្បីចាប់ខ្លួនជនសង្ស័យ និងមេក្លោង ដែលអាចមាននៅពីក្រោយរឿងនេះ៕
អានអត្ថបទរឿងនេះលើគេហទំព័រ៖ https://www.rfa.org/khmer/news/politics/former-opposition-cnrp-parliamentarian-mr-lim-kimya-fatally-shot-in-bangkok-01072025200533.html
#វិទ្យុអាស៊ីសេរី #កម្ពុជា #ហ៊ុនសែន #ហ៊ុនម៉ាណែត #ហ៊ុនម៉ានី #គណបក្សប្រជាជនកម្ពុជា #គណបក្សសង្គ្រោះជាតិ #តំណាងរាស្ត្រ #លិមគិមយ៉ា #ឃាតកម្ម #ទីក្រុងបាងកក #ប្រទេសថៃ

ចំណងជើងរូបថត៖ លោក លិម គិមយ៉ា អតីតសមាជិកសភាគណបក្សសង្គ្រោះជាតិ ពេលចុះជួបសមាជិកគណបក្ស កាលពីថ្ងៃទី១២ ខែវិច្ឆិកា ឆ្នាំ២០១៧។ រូបឯកសារពីហ្វេសប៊ុក Kim-Ya Lim

29/12/2024

29.12.2025 Sunday
សូមចូលរួមសោកស្តាយនិងរំលេកមហាទុក្ខសោកដល់ក្រុមគ្រួសារនៃសពដែលបានរងគ្រោះបាត់ជីវិតដោយកាផ្ទះយន្តហោះមុនពេលចុះចតនៅព្រលានយន្តហោះអន្តរជាតិមូអាន់무안국제공항 ស្រុកមូអាន់ ខេត្តឆន់ឡាណាំដូប្រទេសកូរ៉េកាលពីព្រឹកម៉ោង៩ជាង ថ្ងៃអាទិត្យ ទី២៩ខែធ្នូ ឆ្នាំ២០២៤។
ប្រភព : https://www.facebook.com/share/v/1BV1tgMWFK/?mibextid=wwXIfr

22/12/2024

មកទស្សនាទឹកសមុទ្រ

08/12/2024

អ្នកសារព័ត៌មាននៅខេត្តសៀមរាបម្នាក់ស្លាប់ ក្រោយខ្មាន់កាំភ្លើងបាញ់
---

អ្នកសារព័ត៌មាននៅខេត្តសៀមរាប គឺលោក ឈឿង ឈឹង ដែលត្រូវជនដៃដល់ប្រើកាំភ្លើងច្នៃលបបាញ់ប្រហារបណ្ដាលឱ្យរបួសធ្ងន់ កាលពីថ្ងៃទី៤ ធ្នូនោះ បានស្លាប់បាត់បង់ជីវិតហើយ នៅថ្ងៃទី៧ ខែធ្នូ។ មន្ត្រីសង្គមស៊ីវិលសោកស្ដាយ និងស្នើអាជ្ញាធរឱ្យចាត់វិធានការម៉ឺងម៉ាត់ ចំពោះជនប្រព្រឹត្ត ព្រមទាំងអំពាវនាវដល់រដ្ឋាភិបាលឱ្យធានាថា សិទ្ធិ សេរីភាព និងសុវត្ថិភាពរបស់អ្នកសារព័ត៌មានអាចរាយការណ៍បទល្មើសនានា ដោយគ្មានការគំរាមកំហែង ឬធ្វើបាបក្រោមរូបភាពណាមួយ។
អ្នកសារព័ត៌មានឱ្យគេហទំព័រកម្ពុជាអភិវឌ្ឍន៍ នៅខេត្តសៀមរាបម្នាក់ គឺលោក ឈឿង ឈឹង វ័យ ៦៣ឆ្នាំ បានស្លាប់បាត់បង់ជីវិត នៅក្នុងមន្ទីរពេទ្យខេត្តសៀមរាប ក្រោយរងការបាញ់ប្រហារ ពេលលោកទៅស៊ើបអង្កេតបទល្មើសកាប់ទន្ទ្រានដីព្រៃអភិរក្សមួយកន្លែង។
ប្រពន្ធជនរងគ្រោះ លោកស្រី ជៀវ ចាប ប្រាប់វិទ្យុអាស៊ីសេរីថា ប្ដីរបស់បានស្លាប់នៅម៉ោង ២ទៀបភ្លឺ នៅថ្ងៃទី៧ ខែធ្នូ នៅមន្ទីរពេទ្យបង្អែកខេត្តសៀមរាប ដោយសារគ្រាប់កាំភ្លើង ដែលជនដៃដល់បាញ់នោះ ត្រូវចំរំពែងធ្លាយដល់ក្រពះ ពោះវៀនបណ្ដាលឱ្យហូរឈាមឥតឈប់ បើទោះបីជាគ្រូពេទ្យបានវះកាត់យកគ្រាប់កាំភ្លើងចេញ និងជួយសង្គ្រោះយ៉ាងណាក្តី។ លោកស្រីនិយាយទាំងអួរដើមស្រណោះប្ដី កាលនៅមានជីវិតគាត់ គឺជាមនុស្សល្អទទួលបានការគោរពស្រឡាញ់ពីអ្នកភូមិ តែចុងក្រោយជនដៃដល់មានចិត្តឃោរឃៅលួចបាញ់គាត់បណ្ដាលឱ្យស្លាប់ចោលគ្រួសារទៅវិញ។ លោកស្រីស្នើដល់អាជ្ញាធរឱ្យមានសមត្ថកិច្ចដាក់ទោសទណ្ឌឱ្យធ្ងន់ ចំពោះជនប្រព្រឹត្តល្មើស ដើម្បីផ្តល់យុត្តិធម៌ដល់ប្ដីលោកស្រី។
លោកស្រី ជៀវ ចាប៖ «រឿងបាញ់ប្ដីខ្ញុំឱ្យស្លាប់នេះ ធ្វើម៉េចឱ្យខ្ញុំទទួលយកបានទៅ ខ្ញុំឃើញគាត់ដើររាល់ថ្ងៃ ដល់ពេលខ្ញុំអត់ឃើញគាត់អ៊ីចឹង វាពិបាកណាស់។ វាអយុត្តិធម៌មែន តែខ្ញុំមិនដឹងធ្វើម៉េចបាន ខ្ញុំតាមតែសមត្ថកិច្ចធ្វើទៅ»។

ទន្ទឹមនឹងនេះ លោកស្រី ជៀវ ចាប ឱ្យដឹងថា ពិធីបុណ្យសពប្ដីលោកស្រីប្រព្រឹត្តទៅនៅភូមិអញ្ចាញ ឃុំនគរធំ ក្រុងសៀមរាប ដោយរៀបចំបូជាតាមបែបសាសនា នៅល្ងាចថ្ងៃទី៧ ខែធ្នូ។

កាលពីល្ងាចថ្ងៃទី៤ ធ្នូ ជនដៃដល់បានប្រើកាំភ្លើងច្នៃលបបាញ់ប្រហារអ្នកសារព័ត៌មានឱ្យគេហទំព័រកម្ពុជាអភិវឌ្ឍន៍ គឺលោក ឈឿង ឈឹង បណ្ដាលឱ្យរងរបួសធ្ងន់ ធ្លាយពោះខាងឆ្វេង ក្នុងពេលលោកកំពុងជិះម៉ូតូតាមផ្លូវ ដើម្បីយកព័ត៌មានពាក់ព័ន្ធការកាប់ទន្ទ្រានដីព្រៃអភិរក្ស ស្ថិតក្នុងភូមិត្រពាំងភ្លោះ ឃុំពង្រលើ ស្រុកជីក្រែង។
ក្រោយហេតុការណ៍បាញ់អ្នកសារព័ត៌មានរូបនោះ កម្លាំងសមត្ថកិច្ចនៃស្នងការដ្ឋាននគរបាលខេត្តសៀមរាប នៅថ្ងៃទី៥ ខែធ្នូ បានចុះទៅឃាត់ខ្លួនបុរសម្នាក់ ឈ្មោះ ស៊ី លឿយ ដើម្បីសាកសួរតាមនីតិវិធី។
អ្នកនាំពាក្យសាលាដំបូងខេត្តសៀមរាប លោក យិន ស្រាង ប្រាប់វិទ្យុអាស៊ីសេរីថា ចៅក្រមស៊ើបសួរបានសម្រេចចោទប្រកាន់ជនសង្ស័យឈ្មោះ ស៊ី លឿយ ពីបទ «ប៉ុនប៉ងឃាតកម្ម» ដោយបញ្ជូនជននោះទៅឃុំខ្លួនបណ្ដោះអាសន្ន នៅពន្ធនាគារខេត្តនេះរួចហើយ កាលពីថ្ងៃទី៦ ខែវិច្ឆិកា។ លោក យិន ស្រាង បញ្ជាក់ថា សំណុំរឿងនេះ ពុំមានអ្នកពាក់ព័ន្ធផ្សេងទៀតទេ។
លោក យិន ស្រាង៖ «តុលាការសម្រេចឃុំខ្លួនជនសង្ស័យរួចហើយ ពាក់ព័ន្ធបទ ប៉ុនប៉ងឃាតកម្ម តាមមាត្រា២៧ និងមាត្រា១៩៩ នៃក្រមព្រហ្មទណ្ឌ»។

ជុំវិញរឿងនេះ ក្រុមប្រឹក្សាខេត្តសៀមរាប មកពីគណបក្សកម្លាំងជាតិ លោក សោម សូរិយា ថ្លែងថា ជារឿងសោកស្ដាយ ចំពោះការបាត់ជីវិតអ្នកសារព័ត៌មានរូបនេះ តែអ្នកប្រព្រឹត្តត្រូវទទួលខុសត្រូវ ដោយមិនត្រូវលើកលែងណាមួយឡើយ។ លោកបញ្ជាក់ថា សង្គមប្រជាធិបតេយ្យចាត់ទុកអ្នកសារព័ត៌មានទាំងអស់ដើរតួនាទីសំខាន់ក្នុងការរាយការណ៍ព័ត៌មានជូនមជ្ឈដ្ឋានទូទៅ ដូច្នេះ អាជ្ញាធរត្រូវចាត់វិធានការហ្មត់ចត់ជាងមុន ដើម្បីធានាសុវត្ថិភាពដល់អ្នកសារព័ត៌មាន ជាពិសេស នៅតំបន់សំបូរបទល្មើសព្រៃឈើ។
លោក សោម សូរិយា៖ «ខ្ញុំមានការព្រួយបារម្ភខ្លះដែរ ចំពោះសុវត្ថិភាពរបស់អ្នកសារព័ត៌មាន ពីព្រោះបើអ្នកសារព័ត៌មានមិនស្វែងរកការពិត អាហ្នឹង គាត់មិនជួបគ្រោះអ៊ីចឹង នេះគឺគាត់ឃើញភាពខ្វះចន្លោះប្រហោងមួយរបស់អាជ្ញាធរ ដែលធ្វើឱ្យអ្នកទន្ទ្រានព្រៃឈើហ្នឹង ចេះតែកាប់ពីមួយកន្លែងទៅមួយកន្លែងទៀត ពេលគាត់ឃើញក៏ចុះទៅទីតាំង ហាមឃាត់អ៊ីចឹង រហូតដល់ជនដៃដល់មិនសប្បាយចិត្ត»។
ចំណែកអ្នកគ្រប់គ្រងប្រចាំការិយាល័យអង្គការលីកាដូ (LICADHO) នៅខេត្តបន្ទាយមានជ័យ លោក អ៊ិន គង់ជិត សោកស្ដាយ ចំពោះការបាត់បង់ជីវិតរបស់លោក ឈឿង ឈឹង នៅពេលចុះរាយការណ៍អំពីបទល្មើសព្រៃឈើ និងផ្សព្វផ្សាយជំរុញឱ្យអាជ្ញាធរអនុវត្តច្បាប់។ លោកស្នើដល់តុលាការខេត្តសៀមរាបឱ្យផ្ដន្ទាទោស អ្នកដែលបាញ់សម្លាប់ជនរងគ្រោះ នៅក្នុងកម្រិតទោសធ្ងន់ ព្រមទាំងបើកការស៊ើបអង្កេតវែកមុខអ្នកនៅពីក្រោយអំពើមនុស្សឃាតនេះដែរ។ លោក អ៊ិន គង់ជិត ចាត់ទុកករណីស្លាប់របស់អ្នកកាសែតរូបនេះថា ជាសារមួយគំរាមកំហែងដល់អ្នកសារព័ត៌មានផ្សេងទៀត ចំពេលលោកមើលឃើញអ្នកយកព័ត៌មានមួយចំនួន នៅខេត្តសៀមរាប បានប្រឈមនឹងបញ្ហាសុវត្ថិភាពពេលបំពេញការងាររបស់ខ្លួនជាបន្តបន្ទាប់។
លោក អ៊ិន គង់ជិត៖ «ករណីបាញ់សម្លាប់អ្នកសារព័ត៌មាននេះ វាជាអំពើគំរាមកំហែងដោយចេញមុខ ទៅលើអ្នកសារព័ត៌មាន ហើយបង្ហាញថា អ្នកសារព័ត៌មានទាំងអស់ ប្រឈមនឹងហានិភ័យ ពេលចុះធ្វើការយកព័ត៌មានជាក់ស្ដែង ទាន់ហេតុការណ៍ផ្សេងៗ យើងស្នើសុំដល់សមត្ថកិច្ចជួយការពារសុវត្ថិភាពរបស់អ្នកសារព័ត៌មានទាំងអស់»។

ចំណែកនាយកប្រតិបត្តិសមាគមសម្ព័ន្ធអ្នកសារព័ត៌មានកម្ពុជាហៅកាត់ថា ខេមបូចា (Camboja) លោក ណុប វី ចូលរំលែកទុកជាមួយគ្រួសារសព ចំពោះការបាត់បង់ជីវិតរបស់លោក ឈឿង ឈឹង ដោយសារគាត់ចុះរាយការណ៍ព័ត៌មានអំពីបញ្ហាបទល្មើសព្រៃឈើ។ លោកសង្កេតឃើញថា អ្នកសារព័ត៌មាននៅកម្ពុជា ដែលហ៊ានរាយការណ៍ព័ត៌មានធ្វើឱ្យជនល្មើសកាប់ទន្ទ្រានព្រៃឈើមិនសប្បាយចិត្ត ចងគំនុំជាបន្តបន្ទាប់ ខណៈការស៊ើបអង្កេតពាក់ព័ន្ធករណីសម្លាប់អ្នកសារព័ត៌មានហាក់អូសបន្លាយពេលយូរ។
លោក ណុប វី៖ «យើងឃើញថា អ្នកសារព័ត៌មាន ដែលបានបាត់បង់ជីវិតនាពេលកន្លងមកនេះ គាត់ថា ករណីស៊ើបអង្កេត ហាក់បីដូចជានៅបន្តអូសបន្លាយយូរ ដោយសារអ៊ីចឹងហើយ ធ្វើឱ្យជនល្មើសចេះតែបំពានច្បាប់ មិនញញើត មិនកោតក្រែងនឹងការអនុវត្តច្បាប់»។

វិទ្យុអាស៊ីសេរីមិនទាន់អាចទាក់ទងអ្នកនាំពាក្យក្រសួងព័ត៌មាន លោក ទេព អស្នារិទ្ធ ដើម្បីសាកសួរជុំវិញនេះបាននៅឡើយទេ នៅថ្ងៃទី៧ ខែធ្នូ។

របាយការណ៍របស់សម្ព័ន្ធអ្នកសារព័ត៌មានខេមបូចា ឃ្លាំមើលប្រចាំត្រីមាសស្ដីពីស្ថានភាពអ្នកសារព័ត៌មាននៅកម្ពុជា ចាប់ពីខែមេសា ដល់ខែមិថុនា ឆ្នាំ២០២៤ ឱ្យដឹងថា ការយាយីលើអ្នកសារព័ត៌មាន មានចំនួន ៧ករណី ប៉ះពាល់ដល់អ្នកសារព័ត៌មាន ១១នាក់។ រីឯការយាយីតាមប្រព័ន្ធតុលាការ មាន ៦ករណី ដោយមានអ្នកសារព័ត៌មាន ១០នាក់ ត្រូវបានកោះហៅទៅសាកសួរ ឃុំខ្លួន និងផ្ដន្ទាទោស ដែលធ្វើឡើងដោយនគរបាល កងរាជអាវុធហត្ថ និងអាជ្ញាធរមូលដ្ឋាន។
ចំណែកឯអង្គការសារព័ត៌មានគ្មានព្រំដែន (Reporters Without Borders) បានដាក់កម្ពុជាជាប់ក្នុងចំណាត់ថ្នាក់ទី១៥១ ដែលជាចំណាត់ថ្នាក់អន់លើសន្ទស្សន៍សេរីភាពសារព័ត៌មានរបស់ពិភពលោក ក្នុងឆ្នាំ២០២៤ នេះ៕
អានអត្ថបទរឿងនេះលើគេហទំព័រ៖ https://www.rfa.org/khmer/news/law/journalist-in-siem-reap-died-by-gun-shot-wound-12072024114803.html
#វិទ្យុអាស៊ីសេរី #កម្ពុជា #ហ៊ុនម៉ាណែត #ហ៊ុនសែន #សិទ្ធិមនុស្ស #សេរីភាពសារព័ត៌មាន #ការសម្លាប់អ្នកកាសែត #បទល្មើសកាប់ទន្ទ្រានដីព្រៃ #គេហទំព័រកម្ពុជាអភិវឌ្ឍន៍ #ឈឿងឈឹង #សៀមរាប

ចំណងជើងរូបថត៖ លោក ឈឿង ឈឹង អ្នកសារព័ត៌មានឱ្យគេហទំព័រកម្ពុជាអភិវឌ្ឍន៍ បាត់បង់ជីវិត នៅថ្ងៃទី៧ ខែធ្នូ ឆ្នាំ២០២៤ ដោយសារការលបបាញ់ប្រហារឱ្យរបួសធ្ងន់ បន្ទាប់ពីលោកទៅស៊ើបអង្កេតបទល្មើសកាប់ទន្ទ្រានដីព្រៃអភរិក្ស នៅភូមិត្រពាំងភ្លោះ ឃុំពង្រលើ ស្រុកជីក្រែង នៅខេត្តសៀមរាប កាលពីល្ងាចថ្ងៃទី៤ ធ្នូ។ រូបពីហ្វេសប៊ុកគេហទំព័រ កម្ពុជាអភិវឌ្ឍ

03/12/2024

BREAKING: ប្រធានាធិបតីកូរ៉េខាងត្បូង ប្រកាសច្បាប់អាជ្ញាសឹកជាបន្ទាន់ ដោយនិយាយថា វិធានការចាំបាច់ ដើម្បីការពារប្រទេសពី "កងកម្លាំងកុម្មុយនិស្ត" របស់កូរ៉េខាងជើង។ | តាមរយៈទីភ្នាក់ងារសារព័ត៌មានបារាំង

អានបន្ថែម៖ inqnews.net/SouthKoreaMartialLaw

BREAKING: South Korea president declares emergency martial law, says measure necessary to protect country from North's "communist forces." | via Agence France-Presse

READ MORE: inqnews.net/SouthKoreaMartialLaw

01/11/2024

ឈឺមិនហ៊ាននិយាយ ហត់ក៏មិនហ៊ានត្អូញត្អែរ ព្រោះខ្ញុំដឹងច្បាស់ថា ខ្ញុំនូវមាន បន្ទុកច្រើនណាស់ ដែលត្រូវ រ៉ាប់រង ចាំដល់ថ្ងៃណាថ្ងៃនឹង 💪

30/10/2024

ដំបូងគេនឹងសើចចំអកឲ្យអ្នកហើយក្រោយមកគេនឹងសុំយោបល់ពីអ្នក ប្រសិនបើអ្នកស្ថិតនៅលើផ្លូវត្រូវ។

16/10/2024

◇សូមគោរពនិងជំរាបជូន ដល់បងប្អូនខ្មែរយើងទាំងអស់ជាទីស្រលាញ់និងរាប់អាន♡
សូមស្នើបងប្អូនខ្មែរយើងដែលមាន ទឹកចិត្ត សុបុរសធម៌ សូមជួយថវីការ តាម សន្ធា ដល់ប្អូនស្រីខ្មែរម្នាក់ ដែលគាត់កំពុងមានជំងឺមហារីកធ្ងន់ខ្លាំង សព្វថ្ងៃនេះគាត់គ្មានប្រាក់សូម្បីតែ1វុនក្នុងខ្លួនឡើយដោយមូលហេតុ ចំណាយអស់ទៅលើថ្លៃមន្ទីពេទ្យទាំងអស់ ឥឡូវនេះមន្ទីពេទ្យតំរូវអោយគាត់វះជាបន្ទាន់ ចំពោះ តំម្លៃមន្ទីពេទ្យវិញ គឺអស់ទៅដល់1អុកឯណោះ ដូច្នេះសូមបងប្អូន ជួយដល់គាត់តាម ទឹកចិត្តសុបុរសធម៌ដ៏ល្អ របស់បងប្អូន ដោយក្តីអាណិត។
បងប្អូនអាចទំនាក់ទំនងគាត់ផ្ទាល់ តាម លេខ 010-3063-1734 និងលេខកុងរបស់គាត់ផ្ទាល់នៅខាងក្រោម
*សង្ឃឹមថាប្អូនស្រីជាសះស្បើយដូចក្តីប្រាថ្នា។
ខ្ញំសូមអគុណ***
ប្រភពពី : https://www.facebook.com/share/p/49h8tnkTtPLEEQ5K/?mibextid=WC7FNe

17/09/2024

ការងារសម្រាប់ថ្ងៃឈប់សម្រាក / Work for the holidays

17/09/2024

ក្រាហ្វិកចលនា / animation graphic

03/09/2024

មកទស្សនាទីក្រុងក្វាងជូរផ្នូរប្រជាធិបតេយ្យ / Excursion to Gwangju to visit the Tomb of Democracy

03/09/2024

កម្រមានរូបភាពខ្លួនឯងណាស់ thank Cameran 01.09.2924
By : Tith Chhayleang

13/08/2024

មនុស្សមិនចាញ់ពីឆ្នាំ ២០១៩ ទេ .

13/08/2024

ក្នុងនាមជាពុកអ្វីដែលខ្ញុំអាចធ្វើឱ្យកូនប្រុសជាទីស្រលាញ់របស់ខ្ញុំអាចដឹងពីអ្វីខុសអ្វីត្រូវនៅក្នុងទឹកដីប្រទេសប្រជាធិបតេយ្យគាត់អាចមានសិទ្ធិសំដែងមតិប៉ុន្តែនៅក្នុងសង្គមផ្ដាច់ការគ្មានទេគេបិទទាំងស្រុង ធំឡើងមកលើកទង់ជាមួយប៉ាៗ

07/08/2024

ខ្ញុំនិងក្រុមគ្រួសារសូមថ្លែងអំណរគុណដល់បងប្អូនដែលបានអញ្ជើញមកចូលរួមកម្មវិធីកូនប្រុសរបស់ខ្ញុំនៅថ្ងៃទី 03 ខែសីហា ឆ្នាំ 2024 សូមជូនពរបងប្អូននៅជួបតែ ពុទ្ធពរ ទាំង 4 ប្រការ អាយុ វណ្ណៈ សុខៈពលៈ កុំបីឃ្លាង ភ្លៀតឡើយ ហើយក៏សូមអធ្យាស្រ័យចំពោះបងប្អូនដែលមិនបានហៅមកចូលរួមផងដែរ ❤️សូមអគុណ .
SOR CHEANG Cheang Sovandara

📌ខ្ញុំសូមអភ័យទោសទុក្ខជាមុនចំពោះរូបភាពដែលមានភ្ជាប់ជាមួយគ្រឿងស្រវឹង 🙏
Photo Link Below Part 7 :

1 : https://www.facebook.com/share/p/LqXGh8i5VEChQTcH/?mibextid=WC7FNe
2 : https://www.facebook.com/share/p/Z6yoQv73iXHRLpWf/?mibextid=WC7FNe
3 : https://www.facebook.com/share/p/uBNyXDvSwwAcVgvn/?mibextid=WC7FNe
4 : https://www.facebook.com/share/p/m88d2tnj6MNPbBpy/?mibextid=WC7FNe
5 : https://www.facebook.com/share/p/LXDTyeMNPHdKnp5y/?mibextid=WC7FNe
6 : https://www.facebook.com/share/p/kNZkUaxUzZ1Yjym1/?mibextid=WC7FNe

07/08/2024

Happy Birthday my little Boy 11.08.2024
Cheang Sovandara thank you Cameraman Khut Saravirak❤️

06/08/2024

ខ្ញុំនិងក្រុមគ្រួសារសូមថ្លែងអំណរគុណដល់បងប្អូនដែលបានអញ្ជើញមកចូលរួមកម្មវិធីកូនប្រុសរបស់ខ្ញុំនៅថ្ងៃទី 03 ខែសីហា ឆ្នាំ 2024 សូមជូនពរបងប្អូននៅជួបតែ ពុទ្ធពរ ទាំង 4 ប្រការ អាយុ វណ្ណៈ សុខៈពលៈ កុំបីឃ្លាង ភ្លៀតឡើយ ហើយក៏សូមអធ្យាស្រ័យចំពោះបងប្អូនដែលមិនបានហៅមកចូលរួមផងដែរ ❤️សូមអគុណ .
SOR CHEANG Cheang Sovandara
Photo Link Below Part 6 :

1 : https://www.facebook.com/share/p/LqXGh8i5VEChQTcH/?mibextid=WC7FNe
2 : https://www.facebook.com/share/p/Z6yoQv73iXHRLpWf/?mibextid=WC7FNe
3 : https://www.facebook.com/share/p/uBNyXDvSwwAcVgvn/?mibextid=WC7FNe
4 : https://www.facebook.com/share/p/m88d2tnj6MNPbBpy/?mibextid=WC7FNe
5 : https://www.facebook.com/share/p/LXDTyeMNPHdKnp5y/?mibextid=WC7FNe
6 : https://www.facebook.com/share/p/kNZkUaxUzZ1Yjym1/?mibextid=WC7FNe

SOR CHEANG

08/01/2025

08/01/2025

29/12/2024

22/12/2024

08/12/2024

03/12/2024

01/11/2024

30/10/2024

16/10/2024

17/09/2024

17/09/2024

03/09/2024

03/09/2024

13/08/2024

13/08/2024

07/08/2024

07/08/2024

06/08/2024

Address

Telephone

Website

Alerts

Contact The Business

Shortcuts

Share

Category

SOR CHEANG