Chap Vanny

03/02/2025

រដ្ឋបាលខេត្តកណ្តាល ជូនដំណឹងស្តីពី វិធានការការពារ និងទប់ស្កាត់ភ្លើងឆេះព្រៃ ក្នុងភូមិសាស្ត្រខេត្តកណ្តាល

03/02/2025

ក្រសួងអប់រំ​ យុវជន និងកីឡា សម្រេចរៀបចំការប្រឡងសិស្សពូកែទូទាំងប្រទេសសម្រាប់ឆ្នាំសិក្សា ២០២៤-២០២៥

03/02/2025

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អនុញ្ញាតឱ្យលោក Eddy Pirard អគ្គនាយក និងជានាយកប្រតិបត្តិក្រុមហ៊ុន JTI ប្រចាំសកលលោក ចូលជួបសំដែងការគួរសម និងពិភាក្សាការងារ នៅវិមានព្រឹទ្ធសភា រាជធានីភ្នំពេញ នាព្រឹកថ្ងៃទី០៣ ខែកុម្ភ: ឆ្នាំ២០២៥។

03/02/2025

ឯកឧត្ដម គួច ចំរើន បន្តចុះពិនិត្យកាបូមទឹកសង្គ្រោះស្រូវ និងស្ថានភាពស្រូវប្រាំងរបស់ប្រជាកសិករក្នុងស្រុកស្អាងនៅថ្ងៃអាទិត្យនេះ..................

នៅព្រឹកថ្ងៃទី០២ ខែកុម្ភៈនេះ ឯកឧត្តម គួច ចំរើន អភិបាលនៃគណៈអភិបាលខេត្តកណ្ដាល និងជាប្រធានគណៈកម្មាធិការគ្រប់គ្រងគ្រោះមហន្តរាយខេត្ត បានដឹកនាំកងកម្លាំង មន្ទីរជំនាញពាក់ព័ន្ធ និងអាជ្ញាធរស្រុកស្អាង បន្តចុះពិនិត្យទីតាំងបូមទឹកជួយសង្គ្រោះស្រូវប្រាំងរបស់ប្រជាកសិករ និងពិនិត្យស្ថានភាពជាក់ស្តែងស្រូវប្រាំងដែលកន្លងមកប្រឈមក្នុងការខ្វះទឹកស្រោចស្រពស្ថិតក្នុងឃុំចំនួន៣ រួមមានឃុំព្រែកអំបិល ឃុំកោះខែល និងឃុំក្រាំងយ៉ូវ ស្រុកស្អាង ខេត្តកណ្ដាល។

ក្នុងដំណើរចុះដោះស្រាយបញ្ហាជូនពលរដ្ឋនេះឯកឧត្តម គួច ចំរើន បានពិនិត្យជាក់ស្តែងទីតាំងដាក់ម៉ាស៊ីនបូកទឹកស្ថិតនៅព្រែកប៉ាង ព្រមទាំងពិនិត្យការកាយស្ដារដើម្បីសម្រួលលំហូរទឹកចូលដល់ប្រឡាយ ស្ថិតនៅឃុំកោះខែល ព្រមទាំងបន្តពិនិត្យទីតាំងដាក់ម៉ាស៊ីនបូមទឹកចំនួន០២ គ្រឿងនៅព្រែកអ៊ុំ និងទីតាំងម៉ាស៊ីនបូមទឹកចំនួន០៣ គ្រឿងស្ថិតនៅស្ទឹងកូនជ្រែ ក្នុងឃុំព្រែកអំបិល និងពិនិត្យស្រូវប្រាំងក៏ដូចជាប្រព័ន្ធប្រឡាយនានាក្នុងឃុំទាំងបី រួមមានឃុំក្រាំងយ៉ូវ ឃុំកោះខែល និងឃុំព្រែកអំបិល ដែលកន្លងមកជួបការប្រឈមនឹងការខ្វះខាតទឹក។ ជាក់ស្ដែងបន្ទាប់ពីបានទទួលការអន្តរាគមន៍ដោយយកចិត្តទុកដាក់ពីរាជរដ្ឋាភិបាល រដ្ឋបាលខេត្តកណ្ដាល និងអាជ្ញាធរពាក់ព័ន្ធគ្រប់លំដាប់ថ្នាក់ ឃើញថានៅតាមប្រឡាយនានា ព្រមទាំងប្រឡាយអន្តរឃុំ មានទឹកសម្រាប់ឱ្យប្រជាកសិករបូមស្រោចស្រពស្រែប្រាំងរបស់ពួកគាត់ក្នុងរដូវប្រាំងនេះ។

សូមបញ្ជាក់អោយដឹងដែរថា នៅទូទាំងខេត្តកណ្ដាលមានផ្ទៃដីស្រូវប្រាំងរបស់ប្រជាកសិករប្រមាណជាង ៥ពាន់ហិកតា ដែលប្រឈមក្នុងការខ្វះខាតទឹកស្រោចស្រព ក្នុងនោះស្រុកស្អាងមានផ្ទៃដីស្រែប្រាំងប្រមាណជាង ២ពាន់ហិកតាដែលប្រឈមក្នុងការខ្វះការទឹកស្រោចស្រព។

02/02/2025

សេចក្តីជូនដំណឹងស្តីពីការពង្វាងចរាចរណ៍ នៅចំណុចស្ពានអាកាសសម្តេចមហាបវរធិបតី ហ៊ុន ម៉ាណែត ប្រសព្វរវាងមហាវិថីសម្តេចតេជោ ហ៊ុន សែន និងផ្លូវជាតិលេខ២ នៅថ្ងៃទី ៣-១៥ - ១៧ ខែកុម្ភៈ ឆ្នាំ២០២៥

01/02/2025

31/01/2025

ឯកឧត្តមរដ្ឋមន្ត្រីក្រសួងព័ត៌មាន៖ មន្ទីរព័ត៌មានមានតួនាទីសំខាន់ណាស់ក្នុងការធានាការទទួលបានព័ត៌មានត្រឹមត្រូវហើយគ្រប់ជ្រុងជ្រោយរបស់ប្រជាពលរដ្ឋ ដើម្បីបង្កើនប្រសិទ្ធភាពព័ត៌មាននិងសាធារណមតិក្នុងមូលដ្ឋាន.............

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានមានប្រសាសន៍លើកទឹកចិត្តដល់មន្ត្រីនៃមន្ទីរព័ត៌មានខេត្តបន្ទាយមានជ័យត្រូវបន្តយកចិត្តទុកដាក់ផ្សព្វផ្សាយឱ្យបានជាប់ជាប្រចាំទាំងតាមប្រព័ន្ធផ្សព្វផ្សាយប្រពៃណីនិងទំនើប ដើម្បីផ្តល់ព័ត៌មាន និងចំណេះដឹងគ្រប់បែបយ៉ាងស្របតាមសេចក្តីត្រូវការរបស់ពលរដ្ឋក្នុងមូលដ្ឋាន ហើយបន្តផ្សព្វផ្សាយអំពីសក្តានុពលរបស់ខេត្តឱ្យបានច្រើនបន្ថែមទៀត ដើម្បីចូលរួមចំណែកក្នុងការអភិវឌ្ឍក្នុងខេត្តទាំងមូល។
ការថ្លែងរបស់ឯកឧត្តមរដ្ឋមន្ត្រី នេត្រ ភក្ត្រា នេះបានធ្វើឡើងនៅក្នុងឱកាសជួបសំណេះសំណាលសួរសុខទុក្ខ និងបំពាក់មេដាយការងារ និងផ្តល់បណ្ណសរសើរដល់ថ្នាក់ដឹកនាំ និងមន្ត្រីនៃមន្ទីរព័ត៌មានខេត្តបន្ទាយមានជ័យដែលមានស្នាដៃល្អក្នុងការងាររបស់ខ្លួន នាព្រឹកថ្ងៃទី៣១ ខែមករា ឆ្នាំ២០២៥។ ឯកឧត្តមរដ្ឋមន្ត្រី ក៏បានមានប្រសាសន៍ណែនាំ ដោយសង្កត់ធ្ងន់អំពីសារៈសំខាន់ដែលមន្ទីរព័ត៌មានត្រូវបំពេញតួនាទីធ្វើជាសេនាធិការល្អរបស់រដ្ឋបាលខេត្តលើការងារព័ត៌មាននិងសាធារណមតិ។
នៅក្នុងបរិបទសង្គមឌីជីថលបច្ចុប្បន្នដែលពលរដ្ឋទទួលព័ត៌មានតាមបណ្តាញទំនាក់ទំនងសង្គម ឯកឧត្តមរដ្ឋមន្ត្រី នេត្រ ភក្ត្រា បានលើកទឹកចិត្តក្រុមការងារព័ត៌មាននិងសាធារណមតិរបស់មន្ទីរព័ត៌មានខេត្តបន្ទាយមានជ័យ ពិនិត្យរាល់ព័ត៌មានមិនពិត ឬការបំពុលព័ត៌មានផ្សេងៗ ដើម្បីគ្រប់គ្រងនិងទប់ស្កាត់ការរីកសាយភាយនៃព័ត៌មានក្លែងក្លាយ ហើយត្រូវឆ្លើយតបឱ្យបានទាន់ពេលវេលារាល់ព័ត៌មានទាំងអស់ដែលបានផ្សព្វផ្សាយតាមបណ្ដាញសង្គម ដែលធ្វើឱ្យប៉ះពាល់ស្ថិរភាព សណ្ដាប់ធ្នាប់ បង្កអសន្តិសុខក្នុងខេត្ត ក៏ដូចជានៅទូទាំងប្រទេស។
ឯកឧត្តម រដ្ឋមន្ត្រី ក៏បានមានប្រសាសន៍បញ្ជាក់ផងដែរអំពីភាពចាំបាច់ក្នុងការផ្សព្វផ្សាយព័ត៌មានជូនដល់ពលរដ្ឋនៅក្នុងមូលដ្ឋានឱ្យបានកាន់តែច្រើន ដើម្បីពង្រីការទទួលព័ត៌មានពិតត្រឹមត្រូវ និងគ្រប់ជ្រុងជ្រោយរបស់សាធារណជន ដើម្បីផ្តល់ប្រភពព័ត៌មានច្បាស់លាស់សម្រាប់ការពិចារណា និងការសម្រេចចិត្តត្រឹមត្រូវជាប្រយោជន៍ដល់ការបង្កើនជីវភាពរស់នៅប្រចាំថ្ងៃរបស់ប្រជាពលរដ្ឋ ការអភិវឌ្ឍក្នុងមូលដ្ឋាន ព្រមទាំងចូលរួមប្រឆាំងព័ត៌មានក្លែងក្លាយ។
ឯកឧត្តម នេត្រ ភក្ត្រា បានវាយតម្លៃខ្ពស់ចំពោះមន្ទីរព័ត៌មានខេត្តបន្ទាយមានជ័យ ដែលបានសម្រេចបានកិច្ចការងារយ៉ាងច្រើនក្នុងឆ្នាំ២០២៤ កន្លងទៅនេះក្នុងការគ្រប់គ្រងព័ត៌មាន និងសោតទស្សន៍ក្នុងខេត្ត រួមទាំងការចូលរួមរៀបចំសណ្តាប់ធ្នាប់វិស័យសារព័ត៌មាន ពង្រឹងការអនុវត្តក្រមសីលធម៌វិជ្ជាជីវៈសារព័ត៌មាន។
ទន្ទឹមនេះដែរ ឯកឧត្តមរដ្ឋមន្ត្រី ក៏បានថ្លែងកោតសរសើរដល់មន្ត្រីទាំងអស់នៃមន្ទីរព័ត៌មានខេត្តបន្ទាយមានជ័យ ចំពោះការបានចូលរួមយ៉ាងសកម្មក្នុងការផលិត និងផ្សព្វផ្សាយព័ត៌មាន ចូលរួមបំភ្លឺសាធារណមតិអំពីបញ្ហាផ្សេងៗដែលបានកើតឡើង។
ឆ្លៀតក្នុងឱកាសនោះដែរ ឯកឧត្តមរដ្ឋមន្ត្រីបានណែនាំឱ្យថ្នាក់ដឹកនាំ និងមន្ត្រីនៃមន្ទីរព័ត៌មានខេត្តបន្ទាយមានជ័យ ឱ្យបន្តស្រាវជ្រាវស្រូបយកចំណេះដឹងនិងបច្ចេកវិទ្យាថ្មីៗដើម្បីពង្រឹងសមត្ថភាពបន្ថែមទៀតស្របតាមការវិវត្តក្នុងសង្គម ហើយត្រូវប្រកាន់ខ្ជាប់នូវអភិក្រមបុរេសកម្ម សកម្ម និងអន្តរសកម្ម ក្នុងការបំពេញតួនាទីរបស់ខ្លួន ជាពិសេសដើម្បីពង្រឹងការផ្សព្វផ្សាយ គ្រប់គ្រង និងឆ្លើយតបព័ត៌មានប្រកបដោយប្រសិទ្ធភាព ជាសេនាធិការរបស់រដ្ឋបាលខេត្តក្នុងការងារព័ត៌មាន និងសាធារណមតិ។ ( ក្រសួងព័ត៌មាន)

30/01/2025

សេចក្តីប្រកាសព័ត៌មាន
ជុំវិញការឃាត់ខ្លួនជនសង្ស័យឈ្មោះ ផាន់ សារ៉ាត់ អនុប្រធានស្តីទីគណបក្សកម្លាំងជាតិ ខេត្តតាកែវ របស់ស្នងការដ្ឋាននគរបាលរាជធានីភ្នំពេញ!

30/01/2025

របៀបចុះឈ្មោះពិគ្រោះជំងឺ និង​សេវាកម្មនៅក្នុងមន្ទីរពេទ្យបង្អែកពញាឮ

30/01/2025

រដ្ឋមន្ត្រីក្រសួងព័ត៌មាន ជំរុញនិងលើកទឹកចិត្តមន្ត្រីនៃមន្ទីរព័ត៌មានខេត្តសៀមរាប បន្តផលិតនិងផ្សព្វផ្សាយព័ត៌មានពីសក្តានុពលខេត្តឱ្យបានច្រើន...............

ឯកឧត្ត នេត្រ ភក្ត្រា រដ្ឋមន្ត្រីក្រសួងព័ត៌មាន ជំរុញនិងលើកទឹកចិត្តមន្ត្រីនៃមន្ទីរព័ត៌មានខេត្តសៀមរាប បន្តផលិតនិងផ្សព្វផ្សាយព័ត៌មានពីសក្តានុពលខេត្តឱ្យបានច្រើនដើម្បីផ្តល់ព័ត៌មានសម្បូណ៌បែបជូនដល់សាធារណជន និងចូលរួមទប់ស្កាត់ព័ត៌មានក្លែងក្លាយ។
ថ្លែងក្នុងឱកាសជួបសំណេះសំណាលសួរសុខទុក្ខ និងបំពាក់មេដាយការងារ និងផ្តល់បណ្ណសរសើរដល់ថ្នាក់ដឹកនាំនិងមន្ត្រីនៃមន្ទីរព័ត៌មានខេត្តសៀមរាបដែលមានស្នាដៃល្អក្នុងការងាររបស់ខ្លួន នាព្រឹកថ្ងៃទី៣០ ខែមករា ឆ្នាំ២០២៥នេះ ឯកឧត្តមរដ្ឋមន្ត្រី នេត្រ ភក្ត្រា បានគូសរំលេចថា ក្នុងនាមជាមន្ត្រីព័ត៌មាន សូមយកចិត្តទុកដាក់និងខិតខំប្រឹងប្រែងបង្កើនការផលិតពីព័ត៌មានវិជ្ជមាននានាទាក់ទងនឹងសមិទ្ធផលសម្រេចបាន និងកិច្ចខិតខំប្រឹងប្រែងរបស់រដ្ឋបាលខេត្ត មន្ទីរជំនាញក្នុងការបម្រើប្រជាពលរដ្ឋលើគ្រប់វិស័យ។
ពីពិធីខាងលើ ឯកឧត្តម នេត្រ ភក្ត្រា បានវាយតម្លៃខ្ពស់ចំពោះមន្ទីរព័ត៌មានខេត្តសៀមរាប ដែលបានសម្រេចបានកិច្ចការងារយ៉ាងច្រើនក្នុងឆ្នាំ២០២៤ កន្លងទៅនេះ ក្នុងការគ្រប់គ្រងព័ត៌មាន និងសោតទស្សន៍ក្នុងខេត្ត រួមទាំងការចូលរួមរៀបចំសណ្តាប់ធ្នាប់វិស័យសារព័ត៌មាន ពង្រឹងការអនុវត្តក្រមសីលធម៌វិជ្ជាជីវៈសារព័ត៌មាន។
ឯកឧត្តមរដ្ឋមន្ត្រីបានថ្លែងកោតសរសើរមន្ទីរព័ត៌មានខេត្តសៀមរាបបានចូលរួមយ៉ាងសកម្មក្នុងការផលិតនិងផ្សព្វផ្សាយព័ត៌មាន ចូលរួមបំភ្លឺសាធារណមតិអំពីបញ្ហាផ្សេងៗដែលបានកើតឡើងទាក់ទងនឹងខេត្តសៀមរាប។ ឯកឧត្តមរដ្ឋមន្ត្រីបានឱ្យថ្នាក់ដឹកនាំនិងមន្ត្រីនៃមន្ទីរព័ត៌មានខេត្តសៀមរាបប្រកាន់អភិក្រមបុរេសកម្ម សកម្ម និងអន្តរសកម្មក្នុងការគ្រប់គ្រងព័ត៌មាននិងសាធារណមតិរបស់ខ្លួន និងជាសេនាធិការប្រកបដោយប្រសិទ្ធភាពរបស់រដ្ឋបាលខេត្តក្នុងការងារព័ត៌មាននិងសាធារណមតិ៕ (ក្រសួងព័ត៌មាន)

30/01/2025

«ក្រសួងយុត្តិធម៌ និង ឧត្តមក្រុមប្រឹក្សាសេដ្ឋកិច្ចជាតិ» បានបញ្ចប់ការប្រកាសទ្រព្យសម្បត្តិ និងបំណុល ខណៈនៅសល់តែ២ ថ្ងៃទៀតប៉ុណ្ណោះ ការទទួលឯកសារប្រកាសនឹងត្រូវបញ្ចប់
-------------------------------

(អ.ប.ព. ២៩/០១-២០២៥) ៖ នៅសល់តែ ២ថ្ងៃទៀតប៉ុណ្ណោះ ការប្រកាសទ្រព្យសម្បត្តិ និងបំណុល តាមរបប ២ឆ្នាំ ឆ្នាំ២០២៥ នឹងត្រូវបញ្ចប់។ ក្រុមការងារនាយកដ្ឋានប្រកាសទ្រព្យសម្បត្តិ និងបំណុល បានឱ្យដឹងថា កាលពីម្សិលមិញ និងនៅព្រឹកថ្ងៃទី២៩ នេះ «ក្រសួងយុត្តិធម៌ និង ឧត្តមក្រុមប្រឹក្សាសេដ្ឋកិច្ចជាតិ» បានបញ្ចប់ការប្រកាសទាំងស្រុង ១០០%។

គិតត្រឹមម៉ោង ១២ ថ្ងៃត្រង់ ថ្ងៃទី២៩ ខែមករា ឆ្នាំ២០២៥ វឌ្ឍនភាពការងារ នៃការមកប្រកាសទ្រព្យសម្បត្តិ និងបំណុល នៅទូទាំងប្រទេស បានចំនួន ២២,៥១៧ រូប ស្មើនឹង ៩៨.៨៦ % នៃចំនួនត្រូវប្រកាសសរុប ២២,៧៧៦ រូប។

ក្រុមការងារនាយកដ្ឋានប្រកាសទ្រព្យសម្បត្តិ និងបំណុល នៅបន្តរង់ចាំទទួលឯកសារប្រកាស ០៧ ថ្ងៃក្នុងមួយសប្តាហ៍ រហូតដល់ថ្ងៃទី៣១ ខែមករា ឆ្នាំ២០២៥ ដោយមិនឈប់សម្រាកថ្ងៃសៅរ៍ ថ្ងៃអាទិត្យ និងថ្ងៃបុណ្យឡើយ។

សម្រាប់ទម្រង់ឯកសារប្រកាសទ្រព្យសម្បត្តិ និងបំណុល អាចទាញយកចេញពី គេហទំព័ររបស់អង្គភាពប្រឆាំងអំពើពុករលួយ ៖ www.acu.gov.kh ឬអាចអញ្ជើញមកយកផ្ទាល់នៅអង្គភាពប្រឆាំងអំពើពុករលួយ៕

29/01/2025

គិតត្រឹមថ្ងៃទី២៦ ខែមករា ឆ្នាំ២០២៥ គម្រោងអភិវឌ្ឍន៍ទំនប់ដូនទ្រី ស្ថិតក្នុងស្រុករុក្ខគិរី ចម្ងាយប្រមាណ ៩០គីឡូម៉ែត្រ ភាគពាយ័ព្យពីក្រុងបាត់ដំបង ក្រោមហិរញ្ញប្បទានសម្បទានពីសាធារណរដ្ឋកូរ៉េ រហូតមកដល់បច្ចុប្បន្នសម្រេចបានលទ្ធផល ៩២% ហើយ ដោយគ្រោងនឹងសាងសង់រួចរាល់នៅខែតុលា ឆ្នាំ២០២៥ ។

ការងារសំខាន់ៗនៅក្នុងគម្រោងនេះ រួមមាន៖ ទំនប់មេ សំណង់បង្ហៀរ រូងទូនេលពង្វាងទឹក សំណង់គ្រប់គ្រងទឹក ទំនប់បណ្តោះអាសន្នផ្នែកខាងលើ និងផ្នែកខាងក្រោម ព្រមទាំងផ្លូវក្រាលថ្មភ្នំ។

ក្រោយពេលសាងសង់រួចគម្រោងនេះ នឹងផ្តល់ផលអត្ថប្រយោជន៍ជាច្រើនដូចជា ៖
-បរិមាណទឹកស្តុកសរុប ១៦៣.១លានម៉ែត្រគូប (ប្រសិទ្ធភាព ១៣៣.២លានម៉ែត្រគូប Inactive ១៤.៣លានម៉ែត្រគូប និងដោះទឹកជំនន់១៥.៦លានម៉ែត្រគូប)។
-ផ្គត់ផ្គង់ទឹកស្រោចស្រព សម្រាប់បង្កើនផលិតផលកសិកម្មបានទំហំ ប្រមាណ ៣៣ ០០០ ហិកតា នៅរដូវវស្សា និង ៤ ៥០០ ហិកតា នៅរដូវប្រាំង និងមានប្រជាពលរដ្ឋទទួលផលចំនួន ៨ ៥០០គ្រួសារ។ បរិមាណធារទឹកអតិបរមាចេញពីទំនប់គឺ ៤៦.៥ម៉ែត្រគូបក្នុង១វិនាទី ដែលនឹងត្រូវបង្ហូរតាមស្ទឹងដូនទ្រី និងនាំទៅតំបន់ស្រោចស្រពតាមប្រឡាយព្រែកជីក។ លទ្ធភាពស្រោចស្រពនៅរដូវវស្សាប្រមាណ ៣៣ ០០០ហិកតា ស្ថិតនៅស្រុកមោងឫស្សី (ឃុំរបស់មង្គល ឃុំមោង ឃុំគារ ឃុំព្រៃស្វាយ និងឃុំឫស្សីក្រាំង) ស្រុករុក្ខគិរី (ឃុំព្រែកជីក ឃុំព្រៃត្រឡាច ឃុំស្តុកប្រវឹក និងឃុំមុខរាជ) និងស្រុកបាកាន(ឃុំស្វាយដូនកែវ) ខេត្តពោធិ៍សាត់។ លទ្ធភាពស្រោចស្រពនៅរដូវប្រាំងប្រមាណ ៤ ៥០០ហិកតាស្ថិតនៅស្រុកមោងឫស្សី (ឃុំគារ) និងស្រុករុក្ខគិរី (ឃុំព្រែកជីក ឃុំព្រៃត្រឡាច ឃុំស្តុកប្រវឹក និងឃុំមុខរាជ)។
-រួមចំណែកដល់ការផ្គត់ផ្គង់ទឹកស្អាត និងកាត់បន្ថយទឹកជំនន់តាមតំបន់មួយចំនួននៅផ្នែកខាងក្រោម។

#ហ៊ុនម៉ាណែត #កម្ពុជា #សន្តិភាពនៅកម្ពុជា

29/01/2025

ឆ្នាំនេះ រាជរដ្ឋាភិបាលសម្ដេចធិបតី រកបានកូនចៅអ្នកភូមិ ប្រមាណ ៧០០នាក់ ឱ្យត្រៀមទៅបំពេញការងារប៉ុស្តិ៍នគរបាល នៅស្រុកកំណើត!
………………
ផលិតដោយក្រុមមន្រ្តីព័ត៌មាននៃក្រុមអ្នកនាំពាក្យក្រសួងមហាផ្ទៃ

#សសុខា #កម្ពុជា

28/01/2025

សេចក្តីជូនដំណឹង របស់រដ្ឋបាលខេត្តកណ្ដាលស្ដីពី ការផ្ទៀងផ្ទាត់លើដីឡូតិ៍របស់ប្រជាពលរដ្ឋ ចំនួន ២១៥ឡូតិ៍ ដែលទិញពីក្រុមហ៊ុន 7NG ស្ថិតនៅឃុំវិហារសួគ៌ ស្រុកខ្សាច់កណ្ដាល

28/01/2025

សេចក្តីជូនដំណឹងស្តីពីកិច្ចប្រជុំលើកទី៤៣ អាណត្តិទី៣ នៃក្រុមប្រឹក្សាជាតិប្រឆាំងអំពើពុករលួយ

27/01/2025

ឯកឧត្តម នេត្រ ភក្រ្តា៖ អក្សរសិល្ប៍មានតួនាទីយ៉ាងសំខាន់ដែលផ្តល់ឱ្យអ្នកអាន អ្នកសិក្សានូវចំណេះដឹងស្តីពីជីវិត និងបញ្ហាសង្គមមនុស្សទាក់ទងនឹងទំនៀមទម្លាប់ ប្រពៃណី ភូមិសាស្ត្រ ននិងប្រវត្តិសាស្រ្ត................

ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន និងជាទីប្រឹក្សាកិត្តិយសសមាគមអ្នកនិពន្ធខ្មែរបានថ្លែងថា អក្សរសិល្ប៍មានតួនាទីយ៉ាងសំខាន់ដែលបានផ្តល់ឱ្យអ្នកអាន អ្នកសិក្សានូវចំណេះដឹងស្តីពីជីវិត និងបញ្ហាសង្គមមនុស្សដែលទាក់ទងនឹងទំនៀមទម្លាប់ ប្រពៃណី ភូមិសាស្ត្រ និងប្រវត្តិសាស្រ្តជាដើម ហើយអក្សរសិល្ប៍គឺជាសិល្បៈ​ដើម្បីផ្លាស់ប្តូរបរិយាកាស ធ្វើឱ្យអ្នកអានបានជ្រួតជ្រាប ទទួលអារម្មណ៍រីករាយ សោកសង្រេងទៅតាមដំណើររឿងដែលអ្នកនិពន្ធបង្ហាញនូវភស្តុតាងជាក់ស្តែងក្នុងបរិយាកាសសង្គមនីមួយៗ។ ការថ្លែងរបស់ឯកឧត្ដមរដ្ឋមន្រ្ដីបែបនេះ ក្នុងឱកាសអញ្ជើញជាអធិបតីពិធីប្រគល់វិញ្ញាបនបត្របញ្ជាក់ការសិក្សាជូនសិក្ខាកាមវគ្គបណ្តុះបណ្តាលសមាគមអ្នកនិពន្ធខ្មែរ វគ្គ ៣៤ ៣៥ និង៣៦ នៅព្រឹកថ្ងៃទី២៧ ខែមករា ឆ្នាំ២០២៥ នៅសាលចុម្មុខមង្គល ទីស្តីការក្រសួងព័ត៌មាន ដោយមានការអញ្ជើញចូលរួមពី ឯកឧត្តម ជ័យ ចាប ប្រធានក្រុមប្រឹក្សាភិបាលសមាគមអ្នកនិពន្ធខ្មែរ និងជាទីប្រឹក្សាក្រសួងព្រះបរមរាជវាំង ។
ឯកឧត្តម នេត្រ ភក្ត្រា បានគូសបញ្ជាក់ថា អក្សរសិល្ប៍ គឺជាកំណត់ហេតុ ជាកញ្ចក់ឆ្លុះបញ្ចាំងសង្គមមនុស្ស និងជាអតីតកាលរបស់សង្គមដែលមានភាពជាក់លាក់ រីឯកវីនិពន្ធ អ្នកនិពន្ធដែលជាអ្នកកាន់ប៉ាកកាកត់ត្រាស្នាដៃអក្សរសិល្ប៍ គឺជាសាក្សីរបស់សង្គមជានិច្ច។ ឯកឧត្ដមរដ្ឋមន្រ្ដីលើកឡើងថា សង្គមមួយរីកចម្រើន ឬអន់ថយក៏អាស្រ័យលើអក្សរសិល្ប៍ដែរ។ ឯកឧត្ដមរដ្ឋមន្រ្ដីបន្ដថា អក្សរសិល្ប៍ដែលជាវណ្ណកម្មប្រវត្តិសាស្ត្របានបន្សល់ទុកមកដល់សព្វថ្ងៃ សុទ្ធតែបានផ្ទុកនូវចំណេះដឹងដ៏ជ្រាលជ្រៅស្តីពីបាតុភូតជាក់ស្តែងនៃជីវិត ហើយថែមទាំងឆ្លុះបញ្ចាំងនូវបាតុភូតទាំងឡាយដែលមាននៅក្នុងសង្គម ពិសេសទៅតាមក្រឹត្យក្រមនៃការរីកចម្រើនជាក់ស្ដែងរបស់សង្គមជាតិនីមួយៗ។ ឯកឧត្តមបានថ្លែងបញ្ជាក់ដែរថា អក្សរសាស្ត្រ អក្សរសិល្ប៍មានតួនាទីដ៏សំខាន់ក្នុងការអប់រំបញ្ជ្រាប និងបំផុសស្មារតីយុវជន មហាជន តាមរយៈស្នាដៃតែងនិពន្ធ ប្រលោមលោក និងកំណាព្យ ដែលបានបង្កប់នូវគំនិត និងទស្សនៈល្អៗ មានគុណប្រយោជន៍ក្នុងការលើកកម្ពស់ការអប់រំសីលធម៌ គុណធម៌ និងបណ្តុះគំនិត ក៏ដូចជាការកែប្រែឥរិយាបថមនុស្សជាតិ សំដៅចូលរួមចំណែកដល់ការអភិវឌ្ឍសង្គមទៀតផង។ «ដូច្នេះយើងត្រូវការអ្នកនិពន្ធដែលមាន ចំណេះដឹង ជាមួយនឹងគំនិតច្នៃប្រឌិត ការបង្កើតថ្មីដើម្បីលើកស្ទួយគុណភាព និងប្រសិទ្ធភាព នៃស្នាដៃរបស់ខ្លួនក្នុងការបម្រើអារម្មណ៍អ្នកអានប្រកប ដោយភាពថ្លៃថ្នូរ។ សំខាន់ជាងនេះទៅទៀតអ្នកនិពន្ធ កវីនិពន្ធ ត្រូវឈ្វេងយល់ឱ្យបានស៊ីជម្រៅចំពោះអត្តសញ្ញាណជាតិ ដួងព្រលឹង ពណ៌សម្បុរដ៏ល្អផូរផង់របស់ជាតិ ដែលជាចំណេះដឹងគ្រប់វិស័យ មិនអាចខ្វះបានចំពោះអ្នកនិពន្ធ សៀវភៅល្អដែលអ្នកបានអាន គឺដោយសារអ្នកនិពន្ធពូកែ»។ នេះគឺជាការថ្លែងបញ្ជាក់បន្ថែមរបស់ឯកឧត្ដម នេត្រ ភក្រ្ដា រដ្ឋមន្រ្ដីក្រសួងព័ត៌មាន និងជាទីប្រឹក្សាកិត្តិយសសមាគមអ្នកនិពន្ធខ្មែរ។
ក្នុងឱកាសនេះដែរ ឯកឧត្តម នេត្រ ភក្ត្រា បានថ្លែងនូវការកោតសរសើរ និងថ្លែងអំណរគុណយ៉ាងជ្រាលជ្រៅចំពោះកិច្ចខិតខំប្រឹងប្រែងរបស់សមាគមអ្នកនិពន្ធខ្មែរ អ្នកនិពន្ធ កវីនិពន្ធ រៀមច្បងទាំងអស់ដែលបានលះបង់កម្លាំងកាយ ចិត្ត ប្រាជ្ញាស្មារតី ចូលរួមបង្ហាត់បង្ហាញ ចែករំលែកនូវចំណេះដឹង និងបទពិសោធន៍ផ្ទាល់ខ្លួន ជូនសិក្ខាកាមគ្រប់វគ្គសិក្សាកន្លងមកដោយមិនខ្លាចការនឿយហត់។ ឯកឧត្តមរដ្ឋមន្ត្រីក៏បានសំណូមពរដល់អ្នក និពន្ធ កវីនិពន្ធរៀមច្បងទាំងអស់ សូមបន្តនូវវប្បធម៌ចែករំលែកចំណេះដឹង បទពិសោធន៍ល្អៗ ជូនដល់អ្នកនិពន្ធ ជំនាន់ក្រោយទៀត ក្នុងនាមជាអ្នកថែរក្សា កេរដំណែល មរតក វប្បធម៌ សម្រាប់មនុស្សជំនាន់ក្រោយ។
ជាមួយគ្នានេះ ឯកឧត្តម ព្រឿង ប្រណីត ប្រធានសមាគមអ្នកនិពន្ធខ្មែរ បានជម្រាបជូនពីបេសកកម្មការងាររបស់សមាគមគឺ និពន្ធ ស្រាវជ្រាវ ចងក្រង ចែករំលែកស្នាដៃនិពន្ធ ចែករំលែកស្នាដៃនិពន្ធ បណ្តុះបណ្តាល ក៏ដូចជាការជំរុញវប្បធម៌តែងនិពន្ធជាន់ខ្ពស់ សម្រាប់អ្នកនិពន្ធជំនាន់ក្រោយប្រកបដោយគុណវុឌ្ឍិ ។ ឯកឧត្ដមបន្ដថា សមាគមលើកទឹកចិត្តចំពោះស្នាដៃនិពន្ធដែលមាន នវានុវត្តន៍ គុណតម្លៃ គុណភាព ដើម្បីរួមចំណែកដល់ការអប់រំ ការលើកកម្ពស់សុខដុមភាព វប្បធម៌ សាសនា និងការយល់ដឹងពីអក្សរសាស្រ្ត និងអក្សរសីល សិល្បៈ ប្រវត្តិសាស្ត្រ និងវិទ្យាសាស្ត្រ នៃវឌ្ឍនភាពរបស់សង្គម ប្រកបទៅដោយឆន្ទៈ មនសិការ និងកិត្យានុភាព នៃសុខដុមនីយកម្ម សន្តិភាពរបស់ប្រជាជាតិកម្ពុជា ។
សូមជម្រាបជូនថា សម្រាប់ការងារបណ្តុះបណ្តាល សមាគមអ្នកនិពន្ធខ្មែរ រហូតមកដល់ពេលនេះ មានសិក្ខាកាមចូលរួមបណ្ដុះបណ្ដាលបានចំនួនប្រមាណជាង ២ ៥០០ អង្គ/នាក់ ហើយសម្រាប់សិក្ខាកាមទាំង ៣ វគ្គ ដោយវគ្គ៣៤, ៣៥ និង៣៦ មានចំនួនប្រមាណ ១៦០ អង្គ/នាក់ ត្រូវទទួលបានវិញ្ញាបនបត្របញ្ជាក់ការសិក្សានាឱកាសនេះ ៕ AKP

27/01/2025

ឯកឧត្តម ខុន សិរីរដ្ឋា ចុះពិនិត្យស្ថានភាព ម៉ាសុីនបូមទឹកចំនួន២ទីតាំង សំរាប់បូមទឹកសង្រ្គោះផ្ទៃដីស្រូវប្រាំង ចំនួន ៤៨០ ហិកតា របស់ប្រជាកសិករ នៅស្រុកមុខកំពូល

27/01/2025

សេចក្តីជូនដំណឹង របស់ក្រសួងព័ត៌មាន ស្ដីពីការនាំចូល ចែកចាយ លក់ ឧបករណ៍ទទួលស៊ីញ៉ាល់ទូរទស្សន៍ឌីជីថល និងថាសទូរទស្សន៍ផ្កាយរណបតាមប្រព័ន្ធអ៊ីនធើណិត