01/12/2024
ពូឮក្មួយៗច្រើននិយាយថា និយាយនេះគ្មានអារម្មណ៍ទេ ពាក្យដែលត្រូវ គឺនិយាយនេះគ្មានអារម្មណ៍យល់ទេ។ ទោះបីជាអារម្មណ៍ចង់ ពេលដែលយើងបានយល់ធម៌ មានអារម្មណ៍ពាល់ត្រូវអរិយសច្ចៈទីមួយផ្លូវអារម្មណ៍ត្រូវហើយ អារម្មណ៍ចង់ គឺនៅតែអាចពន្យល់ហេតុផលបានជាដរាប ព្រោះជាអារម្មណ៍ដែលគ្រប់គ្រងដោយអារម្មណ៍យល់ ទ្វារមនោនៅពីមុខអារម្មណ៍ចង់ នោះមិនមែនតណ្ហាទេ។ អីចឹងទោះបីអារម្មណ៍ចង់ក៏យើងនៅតែអាចហៅថាអារម្មណ៍យល់ដែរ ដូចនេះពាក្យត្រូវ ក្មួយត្រូវនិយាយថានិយាយនេះ គឺគ្មានអារម្មណ៍យល់ទេ។ ពាក្យខ្លះជាពាក្យដែលអត់អារម្មណ៍គឺអារម្មណ៍ចង់ក៏មិនមែន អារម្មណ៍យល់ក៏មិនមែន គឺអត់អារម្មណ៍តែម្តង។ ពាក្យរបស់មនុស្សខ្លះ សុទ្ធតែពាក្យនៃអារម្មណ៍ប៉ុន្តែសុទ្ធតែពាក្យនៃអារម្មណ៍ចង់តែម្តង ព្រោះអារម្មណ៍នៅនឹងខ្លួនឯនេះ ជាពិសេសគឺពួកចេញមកពីអង្គុយធ្មេចដែលគេហៅខ្លួនគេថាវិបស្សនាស្អីគេហ្នុង។ គេនិយាយថាគេបង្ហូរចេញមកសុទ្ធតែអារម្មណ៍ គ្មានអារម្មណ៍គេមិនចេះនិយាយទេ ប៉ុន្តែយើងស្តាប់ទៅ ភ្នែកមនោយើងឃើញតែអារម្មណ៍ចង់តែទាំងអស់ គ្មានហេតុផលពន្យល់សំដីបង្ហូរចេញគុកគាក់ៗដូចទឹកបាក់ទំនប់ហ្នុងសោះ។ គេច្រឡំខ្លួនគេថា គេនិយាយសុទ្ធតែភាសាអារម្មណ៍ហើយ យើងគិតទៅមែនសុទ្ធតែភាសាអារម្មណ៍មែន ប៉ុន្តែសុទ្ធតែអារម្មណ៍ចង់តែទាំងអស់ ព្រោះគ្មានយល់ដំណើរធម៌ ពាល់ត្រូវអរិយសច្ចៈទីមួយផង គឺមនុស្សតាប៉ែបំផុត ដែលអង្គុយធ្មេចពាល់ត្រូវវេទនាលើទ្វារកាយដែលជាទ្វារពាល់ត្រូវមហាភូតរូបហ្នុងហើយ៕
