18/12/2024
សន្និសីទអេពីដេមីសាស្រ្តប្រចាំឆ្នាំ និងពិធីប្រគល់វិញ្ញាបនបត្របញ្ចប់ការសិក្សាដល់សិក្ខាកាមវគ្គបណ្តុះបណ្តាលអេពីដេមីសាស្រ្តអនុវត្តកម្រិតមធ្យមជំនាន់ទី២
=============
ខេត្តសៀមរាប៖ នៅថ្ងៃអង្គារ ២រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៧ ខែធ្នូ ឆ្នាំ២០២៤ ដោយទទួលបាននូវការអនុញ្ញាតដ៏ខ្ពង់ខ្ពស់ពី ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល បានអញ្ជើញជាអធិបតីក្នុងពិធីបើក “សន្និសីទអេពីដេមីសាស្រ្តប្រចាំឆ្នាំ និងពិធីប្រគល់វិញ្ញាបនបត្របញ្ចប់ការសិក្សាដល់សិក្ខាកាមវគ្គបណ្តុះបណ្តាលអេពីដេមីសាស្រ្តអនុវត្តកម្រិតមធ្យមជំនាន់ទី២ (វគ្គ៩ខែ)” ដែលរៀបចំដោយនាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាល។
សន្និសីទអេពីដេមីសាស្រ្តប្រចាំឆ្នាំ ផ្តោតទៅលើគោលបំណងសំខាន់ៗ៖
-ចែករំលែកនូវបទពិសោធន៍ លទ្ធផលបានមកការអង្កេតស្រាវជ្រាវ និងឆ្លើយតបព្រឹត្តការណ៍សុខភាពសាធារណៈ ការ (outbreak investigation and response) សិក្សាបែបវិទ្យាសាស្រ្ត (Case Study ) ការវិភាគទិន្នន័យប្រព័ន្ធតាមដាន(surveillance data analysis) និងការវាយតម្លៃលើប្រព័ន្ធតាមដាន (surveillance evaluation)
-ពិនិត្យមើលឡើងវិញសកម្មភាព នៃផែនការយុទ្ធសាស្រ្តជាតិអេពីដេមីសាស្រ្តអនុវត្តន៍ ២០២៣-២០៣០ (National Strategic Plan on Field Epidemiology Training Program)
-ពិនិត្យឡើងវិញនូវតួនាទី ភារកិច្ចនៃក្រុមប្រឹក្សាភិបាលកម្មវិធីបណ្តុះបណ្តាលអេពីដេមីសាស្រ្តអនុវត្តបច្ចុប្បន្ន
-ប្រគល់វិញ្ញាបនបត្រដល់សិក្ខាកាមជំនាន់ទី២ និងប្រគល់ប័ណ្ណសរសើរជូនដល់គណៈគ្រប់គ្រងវគ្គ និងលោកគ្រូ អ្នកគ្រូ។
សន្និសីទអេពីដេមីសាស្រ្តប្រចាំឆ្នាំនេះ មានការអញ្ជើញចូលរួមពីសំណាក់ ឯកឧត្តមវរជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លង ឯកឧត្តមប្រធានមន្ទីរសុខាភិបាល និងលោក លោកស្រី នាងកញ្ញា តំណាងនាយកដ្ឋានប្រយុទ្ធនឹងជំងឺឆ្លង នាយកដ្ឋានចំណុះក្រសួងសុខាភិបាល មជ្ឍមណ្ឌលជាតិ វិទ្យាស្ថានជាតិសុខភាពសាធារណៈ សកលវិទ្យាល័យភូមិន្ទកសិកម្ម តំណាងមន្ទីរសុខាភិបាលរាជធានី-ខេត្តទាំង២៥ និងអង្គការដៃគូអភិវឌ្ឍន៍ចំនួន ៣រួមមាន៖ WHO, US-CDC, SAFETYNET ដែលមានចំនួនសរុបច ១១៩នាក់។
