Catholic Phnom Penh

Home
Cambodia
Phnom Penh
Catholic Phnom Penh

ការិយាល័យផ្សព្វផ្សាយព័ត៌មានព្រះសហគមន៍កាតូលិកភូមិភាគភ្នំពេញ Catholic Social Communication of P.P
(35)

05/01/2024

[English below...]
ក្នុងឆ្នាំ២០២៤នេះជាខួប៣០ឆ្នាំនៃព្រះសហគមន៍កាតូលិកព្រះកុមារយេស៊ូ បឹងទំពន់(១៩៩៤-២០២៤) ដូចនេះលោកបូជាចារ្យនឹងប្រកាសបេីកឆ្នាំ ខួបទី៣០ សូមបងប្អូនអធិដ្ឋានសម្រាប់ព្រះសហគមន៍យេីង ។ ឈ្លៀតក្នុងឱកាសនេះ ព្រះសហគមន៍នឹងទទួលស្វាគមន៍ចៅអធិកាថ្មីនៃព្រះសហគមន៍ គឺលោកបូជាចារ្យ ហ្រ្វង់ស័្វរ អេមេស្សដាល និងជាឱកាសអរគុណលោកបូជាចារ្យ វីសំណាង និងលោកបូជាចារ្យ អាប្រាហាំ ដែលមកជួយបម្រេីព្រះសហគមន៍កន្លងមក។

លោកទាំងពីរនឹងត្រឡប់ទៅបម្រេីតាមព្រះសហគមន៍ដែលលោកអភិបាលបានចាត់អោយទៅវិញ។

អភិបូជានឹងប្រារព្ធនៅ ថ្ងៃអាទិត្យ ទី៧ ខែមករា ឆ្នាំ២០២៥ ម៉ោង ៩:០០ ព្រឹក (ចំថ្ងៃអាទិត្យបុណ្យលេីកតម្កេីងព្រះអម្ចាស់សម្តែងព្រះអង្គ) ។

This year 2024 is also the 30th anniversary of the parish of Child Jesus of Boeung Tompun (1994-2024), as the priest will announce the opening of the 30th anniversary, please pray for our parish.

On this occasion, the church will welcome the new parish priest of our church, Fr. François and thank to fr. Vy Samnang and fr. Abraham. Mass will be held on Sunday, January 7 at 9 am and in the evening there is no Mass!

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

05/01/2024

កាលពីរសៀលថ្ងៃទី១៩ធ្នូ២០២៣ លោកអភិបាលអូលីវីយ៉េ បានអញ្ជើញជាអធិបតី ក្នុងកម្មវិធីបើកបរវេសនកាលឆ្នាំសិក្សាថ្មី នឹងចែកវិញ្ញាបនបត្រ បណ្ណសរសើរជូនដល់សិស្សានុសិស្សនៃសាលាបឋមសិក្សា និងវិទ្យាល័យចំណេះដឹងទូទៅ និងបណ្ដុះបណ្ដាលវិជ្ជាជីវៈសន្តហ្វ្រង់ស្វ័រ ដែលស្ថិតនៅភូមិចំការទៀង ឃុំគូស ស្រុកត្រាំកក់ ខេត្តតាកែវ។
ក្នុងកម្មវិធីនេះ លោកអភិបាល អូលីវីយ៉េ ជ្មីតហស្លេ នៃភូមិភាគភ្នំពេញបានមានប្រសាសន៍ថា ឆ្នាំថ្មីនេះ យើងទាំងអស់គ្នា មានគោលបំណង សុបិន្តដើម្បីរៀបចំអនាគតដ៏ភ្លឺស្វាង។ យើងដែលជាសមាគមសិក្សា ដែលមានលោកគ្រូអ្នកគ្រូដែលបង្រៀនដឹកនាំ សិស្សានុសិស្ស និងអាណាព្យាបាល យកចិត្តទុកដាក់ដើម្បីរៀបចំអនាគត នឹងបំពេញសុបិន្តផ្ទាល់ខ្លួនឱ្យក្លាយជាពិត។
លោកអភិបាលបញ្ជាក់ថា ទន្ទឹមនឹងការសិក្សា សិស្សត្រូវមានរបៀបរស់នៅក្នុងសង្គម និងក្នុងគ្រួសារ ដូច្នេះមាតាបិតាសំខាន់ណាស់។
លោកបន្តទៀតថា សាលានេះជាសាលារបស់ព្រះសហគមន៍កាតូលិក ហើយគោលការណ៍របស់យើងគឺចូលនៅក្នុងអត្តសញ្ញាណនៃព្រះសហគមន៍កាតូលិក ប៉ុន្តែមិនមែនណែនាំឱ្យសិស្សចូលសាសនានោះទេ ហើយក៏មិនមែនបង្កើតកម្មវិធីអប់រំជំនឿនៅក្នុងសាលានោះដែរ ប៉ុន្តែដើម្បីថែរក្សាទស្សនៈកាតូលិក។
តាមការបកស្រាយរបស់លោកអភិបាល ទស្សនកាតូលិក គឺយកចិត្តទុកដាក់ថែរក្សាសិស្សឱ្យរីកចម្រើនទាំងចំណេះដឹងទូទៅ និងការទួលខុសត្រូវ ជួយពួកគាត់ឲ្យចូលក្នុងសង្គម ដឹងពីរបៀបរស់នៅ របៀបយកចិត្តទុកដាក់ និងរបៀបដែលយើងរៀនឲ្យបានត្រឹមត្រូវ។
លោកអភិបាលបន្ថែមថា ការអប់រំគឺមិនត្រឹមតែចំណេះដឹងទូទៅ តែត្រូវកសាងសមត្ថភាពខួរក្បាល សាងចិត្តគំនិតឲ្យមានគំនិតច្នៃប្រឌិតថ្មីៗកើតឡើង។
លោកអភិបាលសង្កត់ធ្ងន់ថា «នេះសំខាន់ណាស់ជារបៀបដែលយើងរៀន ដើម្បីទទួលចំណេះដឹងថ្មីៗគ្រប់ពេលវេលា»។
ក្នុងកម្មវិធីនេះចូលរួមពីសំណាក់លោកនាយកសាលា នាយិការង លោកគ្រូអ្នកគ្រូ បុគ្គលិកសិក្សា និងមាតាបិតា អាណាព្យាបាលសិស្ស ចូលរួមប្រមាណជា៧០០នាក់។
សាលាបឋមសិក្សាចំណេះទូទៅ និងឯកទេសសិល្បៈសន្តហ្វ្រង់ស្វ័រ បង្កើតឡើងនៅថ្ងៃទី០១ ខែវិច្ឆិកា ឆ្នាំ២០១៧ ដែលមានថ្នាក់រៀនពីថ្នាក់ទី១ ដល់ទី៦ មានកម្មវិធីសិក្សាដូចជា កម្មវិធីសិក្សាអប់រំចំណេះទូទៅ និងកម្មវិធីអប់រំឯកទេសសិល្បៈ។
លោក ជិ នី ជានាយកសាលាបឋមសិក្សាចំណេះទូទៅ និងឯកទេសសិល្បៈសន្តហ្វ្រង់ស្វ័រ បានឲ្យដឹងថា ទិសដៅអនុវត្តសម្រាប់ឆ្នាំសិក្សាថ្មី២០២៣-២០២៤ សាលាបានកំណត់យកនូវវិធានការគន្លឹះ៤ និងដាក់ចេញនូវគោលការណ៍ជាអាទិភាព៧ចំណុច ដោយក្នុងនោះ វិធានការគន្លឹះ៤ មាន ការពង្រឹងអភិបាលកិច្ចសាលារៀន ការពិនិត្យ កែសម្រួល និងរៀបចំកម្មវិធីសិក្សា ការយកចិត្តទុកដាក់លើសុខភាពរបស់សិស្ស និងភាពជាដៃគូររដ្ឋ ឯកជន និងសហគមន៍ដើម្បីលើកកម្ពស់ការអប់រំ។
លោកបន្តទៀតថា សម្រាប់គោលការណ៍ជាអាទិភាព៧ចំណុចវិញមានដូចជា អប់រំឱ្យសិស្សានុសិស្សស្របតាមគោលការណ៍មនុស្សសកល យកចិត្តទុកដាក់លើការរីកចំរើនតាមទេពកោសល្យរបស់សិស្សម្នាក់ៗ អភិវឌ្ឍគុណវុឌ្ឍគ្រូបង្រៀន ពង្រឹងការបង្រៀន ការរៀនរបស់គ្រូនិងសិស្ស ពង្រឹងការអប់រំឱ្យស្របតាមចតុស្តម្ភទាំង៤នៃការអប់រំ ពង្រឹងការងារដឹកនាំនិងគ្រប់គ្រង និងពង្រឹងកិច្ចសហប្រតិបត្តិការជាមួយការិយាល័យអប់រំ មន្ទីរអប់រំយុវជន និងកីឡាខេត្ត និងស្ថាប័នពាក់ព័ន្ធ។
ជាមួយគ្នានេះ លោក ប៉ិច វិបុល នាយកសាលាវិទ្យាល័យចំណេះដឹងទូទៅ និងវិជ្ជាជីវៈបណ្ដុះបណ្ដាលសន្តហ្វ្រង់ស្វ័របានមានប្រសាសន៍ថា ក្នុងឆ្នាំសិក្សា២០២២-២០២៣កន្លងមកនេះ វិទ្យាល័យមានសិស្សសរុបចំនួន២៣៧នាក់ ស្រី១៤៣នាក់ ក្នុងនោះផ្នែកមធ្យមសិក្សាបឋមភូមិមានចំនួន១២១នាក់ ស្រី៧៥នាក់ និងផ្នែកមធ្យមសិក្សាទុតិយភូមិមានចំនួន១១៦នាក់ ស្រី៦៨នាក់ ហើយលទ្ធផលនៃការប្រឡងថ្នាក់ជាតិ សិស្សថ្នាក់ទី៩មាន៣៩នាក់ ប្រឡងជាប់សញ្ញាបត្រមធ្យមសិក្សាបឋមភូមិ១០០% និងសិស្សថ្នាក់ទី១២មានចំនួន៣៦នាក់បានប្រឡងជាប់សញ្ញាបត្រមធ្យមសិក្សាទុតិយភូមិ១០០%។
លោកបន្តថា នៅឆ្នាំសិក្សាថ្មី២០២៣-២០២៤នេះ វិទ្យាល័យមានបុគ្គលិកសរុប៣៤នាក់ ស្រី៥នាក់ មានសិស្សសរុបចំនួន២៤១នាក់ ស្រី១៥២នាក់ ហើយទិសដៅសំខាន់ៗដែលត្រូវអនុវត្តន៍ក្នុងឆ្នាំសិក្សាថ្មីនេះមាន រិះរកវិធីសាស្ត្រថ្មីៗបន្ថែមទៀតសម្រាប់ការបង្រៀននិងរៀន ពង្រីកការបង្រៀនតាមគោលវិធីសិស្សមជ្ឈមណ្ឌល បផុសគ្រូ សិស្ស ឱ្យផលិតសម្ភារបង្រៀននិងរៀនឱ្យបានច្រើន បំពាក់ឯកសារបន្ថែមក្នុងបណ្ណាល័យ និងជំរុញការសិក្សាស្រាវជ្រាវ ជំរុញការរៀនរបស់សិស្សតាមរយៈការដាក់កិច្ចការផ្ទះ បំប៉នសិស្សពូកែដែលត្រៀមលក្ខណៈចូលរួមប្រឡងសិស្សពូកែនានា បំប៉នសិស្សដែលរៀនយឺត អនុវត្តការប្រឡងប្រចាំខែ ប្រចាំឆមាសឱ្យបានទៀងទាត់ ថែទាំបរិស្ថានឱ្យបានល្អជាប្រចាំ ជំរុញការហ្វឹកហាត់កីឡារបស់សិស្សដើម្បីសុខភាព ពង្រីកកិច្ចសហការជាមួយមាតាបិតាសិស្ស និង អនុវត្តន៍តាមសារាចរណែនាំរបស់មន្ទីរនិងក្រសួងអប់រំយុវជន និងកីឡាឱ្យបានល្អប្រសើរ។
ក្នុងកម្មវិធីនេះដែរ នៅពេលរាត្រីមានការសម្ដែងរឿងព្រះយេស៊ូប្រសូត្រ ការសម្ដែងរបាំ ចម្រៀងកាយវិការដោយសិស្សានុសិស្សនៃសាលាទាំងពីរ ដើម្បីអបអរសាទរបុណ្យព្រះយេស៊ូប្រសូត្រដោយលោកអភិបាល អូលីវីយ៉េ បានចែកកាដូជាវត្ថុអនុស្សាវរីយ៍មួយចំនួនដល់សិស្សានុសិស្ស៕

ដោយចាន់ ម៉ានុត

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

05/01/2024

កាលពីថ្ងៃទី១៩ ខែធ្នូ លោកអភិបាលព្រះសហគមន៍កាតូលិកភូមិភាគភ្នំពេញ ជាអធិបតីក្នុងពិធីបើកបវេសនកាលឆ្នាំសិក្សាថ្មី ២០២៣-២០២៤ សម្រាប់សាលាមត្តេយ្យចំនួន២ នៅឃុំគូស ស្រុកត្រាំកក់ ខេត្តតាកែវ ដែលកម្មវិធីនេះ ធ្វើនៅព្រះសហគមន៍សន្តីម៉ារីញញឹមចំការទៀងនៃមណ្ឌលសកម្មភាពតាកែវ។
មានមតិសំណេះសំណាល ទៅកាន់អង្គពិធីដែលមានគ្រូ អ្នកគ្រូ និងអាណាព្យាបាលសិស្សប្រមាណជា២០០នាក់ លោកអភិបាលអូលីវីយ៉ ជ្មីតហស្លេមានប្រសាសន៍ថាលោកសូមអរគុណដល់លោកគ្រូអ្នកគ្រូដែលដឹកនាំសាលាមត្តេយ្យរបស់យើង រីកចម្រើនទៅមុខ ដោយមាន២០ទៅ៣០នាក់ក្នុងឆ្នាំ២០០២ ហើយពេលនេះមានកូនសិស្សឡើងដល់១៨០នាក់សម្រាប់សាលាទាំង២។
លោកអភិបាលក៏បានរំឮកដល់មាតាបិតា និងអាណាព្យាបាលសិស្សជួយតាមដានកូនៗរបស់ខ្លួនពេលត្រឡប់ទៅផ្ទះវិញ ត្រូវយកចិត្តទុកដាក់សួរនាំនិងរំឭកមេរៀន កុំបណ្ដោយកូនៗមើលទូរស័ព្ទខ្ជះខ្ជាយពេលវេលា ទុកឱ្យកូនៗរីកចម្រើនក្នុងការសិក្សា ក្នុងទំនាក់ទំនងនៅក្នុងជីវិតប្រចាំថ្ងៃ។ លោកអភិបាលបញ្ជាក់ថា នេះជាអ្វីសំខាន់ណាស់សម្រាប់ឪពុកម្ដាយ ដើម្បីឱ្យកូនៗមានអនាគតដ៏ភ្លឺស្វាង។
ជាមួយគ្នានេះដែរ អ្នកគ្រូតំណាងសាលាមត្តេយ្យទាំងពីរកន្លែងឡើងធ្វើរបាយការណ៍សង្ខេបសម្រាប់ឆ្នាំសិក្សាថ្មី២០២៣-២០២៤ នឹងមានការសម្ដែងរឿង របាំ នឹងចម្រៀងកាយវិការដោយកូនសិស្សមត្តេយ្យផងដែរ។
អ្នកគ្រូ រុន ចិន្ដា តំណាងសាលាមត្តេយ្យចំការទៀងបានឱ្យដឹងថា សម្រាប់ឆ្នាំសិក្សាថ្មី២០២៣-២០២៤នេះ សិស្សសរុបមានចំនួន៨៥នាក់ ស្រី៤៩នាក់ ដោយក្នុងនោះមានកុមារអាយុ៣ឆ្នាំមានចំនួន២០នាក់ស្រី១១នាក់ អាយុ៤ឆ្នាំមានចំនួន៣០នាក់ ស្រី១៦នាក់ អាយុឆ្នាំមានចំនួន៣៥នាក់ ស្រី២២នាក់ និងមានអ្នកគ្រូចំនួន៣នាក់។
អ្នកគ្រូបន្តថា សម្រាប់សាលាមត្តេយ្យទាំងពីរកន្លែងដែលមានសន្តីតេរេសានៃព្រះកុមារយេស៊ូ និងសាលាមេត្តេយ្យភូមិសុខសាន្ត បង្រៀនកូនសិស្សតាមកម្មវិធី ម៉ុងតេសូរី ដោយបែងចែកកុមារជា៣និងមធ្យមផ្ដោតសំខាន់ទៅលើការប្រើចលនាដៃ ការប្រើសម្ភារដោយប្រើវិញ្ញាណទាំង៥និងការងារប្រចាំថ្ងៃ និងក្នុងនោះកុមារនឹងចេះសំណេរ និងគណិតវិទ្យាដោយប្រើរូបភាព។
មុនបញ្ចប់កម្មវិធី លោកអភិបាល អូលីវីយ៉េ បានចែកអំណោយដល់កូនសិស្ស ដើម្បីអបអរសាទរបុណ្យព្រះយេស៊ូប្រសូត្រ៕

ដោយចាន់ ម៉ានុត

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

05/01/2024

ព្រះសហគមន៍ត្រពាំងរុន បានរៀបចំកម្មវិធីអភិបូជាលើកដំបូងរបស់ខ្លួន កាលពីថ្ងៃទី១៦ខែធ្នូ កន្លងទៅ ក្រោមអធិបតីភាពរបស់លោកបូជាចារ្យ ជីអូវ៉ាន់នី ទូលីណូ រួមនិងលោកបូជាចារ្យ អន់តូនី ថៃ រតនៈ និងលោកបូជាចារ្យ តាវ៉ូឡា យ៉ាំង លូកា រួមជាមួយគ្រីស្តបរិស័ទជិតឆ្ងាយក្នុងមណ្ឌលសកម្មភាពកំពត-កែបប្រមាណជា៨០នាក់។
លោក ឯម សារ៉េត ជាគ្រូអប់រំជំនឿនៅព្រះសហគមន៍ត្រពាំងរុន បានឱ្យដឹងថា ព្រះសហគមន៍ត្រពាំងរុនកកើតឡើងនៅឆ្នាំ២០១៨ ដោយចាប់ផ្ដើមមានសាលាមត្តេយ្យតាមតម្រូវការបងប្អូននៅក្នុងភូមិ។
លោកបន្តថា បងប្អូនដែលបានឈ្វេងយល់អប់រំជំនឿគឺពួកគាត់តស៊ូ ដើម្បីស្គាល់ពីព្រះជាម្ចាស់ ស្គាល់ពីជីវិតរបស់ព្រះយេស៊ូគ្រីស្ត ទោះបីជាលំបាក ពួកគាត់មិនចេះអក្សរ ប៉ុន្តែពួកគាត់អាចថាតាមនឹងមើលរូបភាពបាន ហើយពោរពេញដោយជំនឿ មានភាពក្លាហាននិងភាពស្វាហាប់។ ព្រះសហគមន៍នឹងអនុញ្ញាតឱ្យពួកគាត់ធ្វើជំហានទីមួយនៅឆ្នាំក្រោយ។
ក្នុងពិធីអប់រំជំនឿរបស់ព្រះសហគមន៍កាតូលិកនៅក្នុងប្រទេសកម្ពុជា ការរៀនអប់រំជំនឿ ត្រូវការរយៈពេលមួយឆ្នាំ ឬពីរឆ្នាំ អាស្រ័យលើអ្នកឈ្វេងយល់។
តាមការឲ្យដឹងរបស់លោក សារ៉េត បច្ចុប្បន្នមានអ្នកឈ្វេងយល់ជំនឿចំនួន៣០នាក់ ហើយព្រះសហគមន៍នេះ មានគ្រីស្តបរិស័ទតែម្នាក់ប៉ុណ្ណោះ។
ថ្លែងនៅក្នុងធម្មទេសនាក្នុងឱកាសនោះ លោកបូជាចារ្យ ជីអូវ៉ាន់នី មានប្រសាសន៍ថា ថ្ងៃនេះជាថ្ងៃមួយដែលមានអំណរសប្បាយសម្រាប់ព្រះសហគមន៍ត្រពាំងរុន ដែលបានថ្វាយអភិបូជា លើកដំបូង ហើយនឹងមានបងប្អូនគ្រីស្តបរិស័ទមកពីព្រះសហគមន៍នានាមកចូលរួមយ៉ាងច្រើនកុះករ ទាំងនេះបញ្ជាក់ឱ្យឃើញថាទោះបីជាព្រះសហគមន៍ត្រពាំងរុនទើបតែមានគ្រីស្តបរិស័ទចាប់ផ្ដើមតែម្នាក់ក៏ពិតមែន ប៉ុន្តែយើងត្រូវធ្វើដំណើររួមជាមួយគ្នាទៅមុខ ពោរពេញដោយជំនឿ សេចក្ដីស្រលាញ់ ក្នុងនាមព្រះយេស៊ូគ្រីស្ត។
លោកបន្តថា ព្រះសហគមន៍ត្រពាំងរុន ជាព្រះសហគមន៍ក្មេងខ្ចី ត្រូវការថែទាំពីព្រះសហគមន៍បង ដែលមានតួនាទីផ្ដល់សក្ខីភាពនៃជំនឿ បង្ហាញសេចក្ដីស្រលាញ់ ធ្វើជាគំរូ ដើម្បីឱ្យព្រះសហគមន៍ដែលជាប្អូនរកឃើញវត្តមានព្រះយេស៊ូគ្រីស្តក្នុងដួងចិត្តនិងជីវិតរស់នៅប្រចាំថ្ងៃរបស់ពួកគេ។
លោកបូជាចារ្យ សំណូមពរដល់អ្នកឈ្វេងយល់ជំនឿនៅព្រះសហគមន៍ត្រពាំងរុន បន្តខិតខំថែរក្សាជំនឿដោយអធិដ្ឋានរៀងរាល់ថ្ងៃ ដោយនឹកឃើញដល់វត្តមានរបស់ព្រះយេស៊ូដែលសោយទិវង្គតនៅលើឈើឆ្កាង សូមព្រះវិញ្ញាណដ៏វិសុទ្ធមកគង់សណ្ឋិតក្នុងដួងចិត្តនិងជួយបំភ្លឺព្រះអំណោយទានដែលព្រះជាម្ចាស់ប្រោសប្រទាន ពោរពេញដោយជំនឿ និងសេចក្ដីស្រលាញ់របស់ព្រះអង្គ។
«ក្នុងនាមខ្ញុំជាគ្រីស្តដំបូងនៅទីនេះ ខ្ញុំប្ដេជ្ញាចិត្តថានឹងបន្តជំនឿដល់បងប្អូនឯទៀតៗ ដោយសកម្មភាពរស់នៅប្រចាំថ្ងៃជាគ្រីស្តបរិស័ទ ការបង្ហាញសេចក្ដីស្រលាញ់ មេត្តាករុណាដែលទទួលបានពីព្រះជាម្ចាស់» នេះជាសម្ដីរបស់លោក វ៉ាង ណារ៉ា គ្រីស្តបរិស័ទដំបូងនៅព្រះសហគមន៍ត្រពាំងរុន ដែលទទួលពិធីជ្រមុជទឹកក្នុងឆ្នាំ២០២៣នេះ។
លោកបន្តថា ទោះបីជាមិនទាន់មានព្រះវិហារ មិនទាន់មានគ្រីស្តបរិស័ទច្រើនក៏ពិតមែនក៏លោកនៅតែមានជំនឿយ៉ាងមុតមាំថាព្រះសហគមន៍ត្រពាំងរុននៅថ្ងៃខាងមុខ នឹងរីកចម្រើនឡើង ដោយសង្ឃឹមថាព្រះជាម្ចាស់នឹងបង្ហាញផ្លូវ ធ្វើពន្លឺដើម្បីបំភ្លឺដល់អស់បងប្អូនដែលកំពុងតែឈ្វេងយល់នៅតំបន់នេះ។
ក្នុងឱកាសនោះ ក៏មានប្រសិទ្ធពរលើរូបសំណាកព្រះនាងម៉ារីជាមាតានៃព្រះសហគមន៍ តាមសំណូមពររបស់ចាស់ៗក្នុងភូមិដែលកំពុងឈ្វេងយល់អប់រំជំនឿ។
ព្រះសហគមន៍ត្រពាំងរុន ស្ថិតនៅភូមិខ្ពប ឃុំតាកែន ស្រុកឈូក ខេត្តកំពត មានសាលាមត្តេយ្យមួយកំពុងដំណើរការដែលមានកូនសិស្សចំនួន៦០នាក់៕

ដោយចាន់ម៉ានុត

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

05/01/2024

លោកអភិបាល អូលីវីយ៉េ លើកទឹកចិត្តដល់មាតាបិតាកុមារអូទីសឹមកុំអស់សង្ឃឹម

សំណេះសំណាលមួយនៅសាលាអប់រំពិសេសនៃការលូតលាស់ (GSES) លោកអូលីវីយ៉េ ជ្មីតហស្លេ អភិបាលព្រះសហគមន៍កាតូលិកភូមិភាគភ្នំពេញ បានលើកទឹកចិត្ត មាតាបិតា និងអាណាព្យាបាលសិស្សដែលកំពុងមានអូទីសឹម ត្រូវបន្តដើរទៅមុខជាមួយក្ដីសុបិន្ត ដោយជឿជាក់ថា កូនៗអាចធ្វើបាន ហើយត្រូវតស៊ូជាមួយពួកគេដើម្បីសម្រេចឲ្យបានក្ដីសុបិន្តក្នុងចិត្ត។
កម្មវិធីសំណេះសំណាលនេះបានធ្វើឡើងនៅព្រះវិហារព្រះកុមារយេស៊ូបឹងទំពុន ក្នុងសង្កាត់បឹងទំពុន ខណ្ឌមានជ័យ នារាជធានីភ្នំពេញ កាលពីថ្ងៃទី២០ ខែធ្នូកន្លងទៅ ហើយក្នុងនោះក៏មានវត្តមានលោកជំទាវ ឃុន រចនា អនុរដ្ឋលេខាធិការក្រសួងអប់រំ យុវជន និងកីឡា អាជ្ញាធរមូលដ្ឋាន និងអាណាព្យាបាលព្រមទាំងសិស្សជាច្រើនរយនាក់ចូលរួម។
លោកអភិបាល អូលីវីយ៉េបានឲ្យដឹងទៀតថា សាលានេះមានសិស្សច្រើនដោយសារសាលារបស់យើងមានគុណភាព មានសេវាកម្មដ៏ល្អប្រសើរដើម្បីជួយឱ្យកូនៗរីកចម្រើន។
សាលាGSES ជាសាលាមួយរបស់ព្រះសហគមន៍កាតូលិក ដែលទទួលអប់រំនិងថែទាំកុមារមានអូទីសឹម។ បច្ចុប្បន្ននេះ មានសិស្សចំនួន៣០០នាក់ កំពុងសិក្សានិងមាន៥នាក់ផ្សេងទៀតស្ថិតក្នុងបញ្ជីរង់ចាំ។
លោកអភិបាលបន្តថា សាលាយើងនិងឪពុកម្តាយមានសុបិនរួមគ្នា គឺចង់ឱ្យកូនៗមានទំនាក់ទំនងនៅក្នុងសង្គម មានសកម្មភាពជាមួយជីវិតរស់នៅប្រចាំថ្ងៃ ដូច្នេះយើងត្រូវជួយគ្នា ដើម្បីឱ្យកូនៗរបស់យើងរីកចម្រើនតាមសមត្ថភាពបន្តិចម្ដងៗ ដោយជឿថានៅក្នុងគ្រួសាររបស់យើងនឹងមានសេចក្ដីសុខសាន្តពេលដែលឃើញកូនៗរីកចម្រើន។
បើតាមប្រសាសន៍របស់អ្នកស្រី ភោគ ម៉ានី នាយិការសាលាអប់រំពិសេស បានឱ្យដឹងថា
កិច្ចសំណេះសំណាលនេះ នឹងជួយលើកទឹកចិត្តដល់ឪពុកម្តាយកុមារ បន្តជួយកូនរបស់គាត់ និងបន្តរស់នៅជាមួយនឹងក្ដីសង្ឃឹម។ អ្នកស្រីសង្កត់ធ្ងន់ថា អ្វីសំខាន់គឺពាក្យស៊ូៗដែលយើងត្រូវទៅមុខជាមួយគ្នា។
អ្នកស្រីបន្តថា បច្ចុប្បន្នចំនួនសិស្សអូទីសឹមកើនឡើងរហូតដល់៣០០នាក់ហើយចំនួនបុគ្គលិកកើនដល់៩០នាក់ ដោយប្រើប្រាស់ផ្ទះ៣ល្វែង ប៉ុន្តែទោះជាយ៉ាងណាក៏នៅមានកុមារ៥០នាក់ទៀតកំពុងស្ថិតក្នុងបញ្ជីរង់ចាំនៅឡើយ។
អ្នកស្រីបន្ថែមថា សាលាក៏មិនដឹងថាទៅរកកន្លែងណាដើម្បីជួយពួកគាត់ ប៉ុន្តែយើងព្យាយាមអធិដ្ឋានដើម្បីបន្តសុបិន និងក្ដីសង្ឃឹមរបស់យើង។
ជាមួយគ្នានេះ លោកជំទាវ ឃុន រចនា រដ្ឋលេខាធិការក្រសួងអប់រំ យុវជន និងកីឡា មានប្រសាសន៍ថា លោកស្រីសូមកោតសរសើរនិងវាយតម្លៃខ្ពស់ ចំពោះនាយិកាសាលា និងលោកគ្រូអ្នកគ្រូដែលអត់ធ្មត់ តស៊ូខ្ពស់ ដើម្បីថែទាំកូនៗឱ្យរីកចម្រើនពីមួយថ្ងៃទៅមួយថ្ងៃ។
លោកស្រីក៏សូមអរគុណដល់ លោកអភិបាល អូលីវីយ៉េ ដែលអាចចាត់ទុកថាជាព្រះរស់មួយសម្រាប់កូនខ្មែរទាំងអស់ ពីព្រោះលោកបានបណ្ដុះនូវធនធានមនុស្សដ៏អស្ចារ្យបំផុត ហើយជាកត្តាមួយដែលជំរុញទឹកចិត្តឱ្យ មាតាបិតា អាណាព្យាបាលសិស្សមានជំនឿយ៉ាងជឿជាក់ ហើយយកកូនៗមកផ្ញើនៅសាលាអប់រំពិសេសនៃការលូតលាស់នេះ។
ឆ្លៀតក្នុងឱកាសនេះដែរ សាលាអប់រំពិសេសនៃការលូតលាស់ក៏បានប្រារព្ធពិធីបុណ្យព្រះយេស៊ូប្រសូត្ររួមជាមួយលោកអភិបាលអធិបតីនិងអ្នកចូលរួមទាំងអស់ ដោយមានការចែកកាដូ ការបង្ហោះប៉េងប៉ោង និងពិសារអាហារសាមគ្គីរួមគ្នា៕

ដោយចាន់ ម៉ានុត

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

05/01/2024

កម្មវិធីប្រកួតខ្លែងឯក ប្រណាំងសេះ ប្រណាំងក្របី លើកទី១៣នៅព្រះសហគមន៍សន្តីម៉ារីញញឹមចំការទៀង ក្រោមការណែនាំរបស់លោកអភិបាល អូលីវីយ៉េ អភិបាលព្រះសហគមន៍កាតូលិកភូមិភាគភ្នំពេញ ថ្ងៃទី០១ ខែមករា ឆ្នាំ២០២៤។

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

05/01/2024

ថ្ងៃសុក្រ ទី៥ ខែមករា ឆ្នាំ២០២៤
កម្មវិធី «អរគុណដល់លោកឪពុក Giovanni Tulino»
លោកឪពុកបាននៅជាមួយ FLCC School រយៈពេលជាងមួយឆ្នាំ ក្នុងនាមជាគណៈគ្រប់គ្រងរបស់សាលា។ លោកត្រូវបានតែងតាំងអោយបំពេញបេសកកម្មថ្មីនៅប្រទេសអ៊ីតាលី។
«វត្តមានរបស់លោក ជាអំណររបស់យើងខ្ញុំ»
យើងខ្ញុំទាំងអស់សូមថ្លែងអំណរគុណយ៉ាងជ្រាលជ្រៅបំផុត ចំពោះលោកឪពុក ចំពោះគ្រប់កិច្ចការដែលលោកបានធ្វើដើម្បីសាលាយ៉ាងអស់ពីកម្លាំងកាយចិត្ត ។
យើងទាំងអស់គ្នាសូមគោរពជូនពរលោកឪពុក អោយជួបប្រទះតែសេចក្ដីសុខ សូមព្រះជាម្ចាស់តាមថែរក្សា ការពារ និងប្រទានពរដល់លោកគ្រប់ពេលវេលា។
#គោរពស្រឡាញ់

ប្រភព FLCC School

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

05/01/2024

ថ្ងៃព្រហស្បតិ៍ ទី៤ ខែមករា ឆ្នាំ២០២៤

សូមអរព្រះគុណព្រះជាម្ចាស់សម្រាប់ការទទួលស្វាគមន៍យុវជន ចំនួន ៧នាក់ ក្នុងថ្នាក់ត្រៀមចូលឆ្នាំទី១ ដេីម្បីរិះគិតជីវិតការត្រាស់ហៅជាបូជាចារ្យ និងនិស្សិតទេវវិទ្យាល័យ ៣នាក់ ចូលរៀនទេវវិទ្យាឆ្នាំទី១។ 🙏

សូមព្រះជាម្ចាស់ប្រទានពរដល់លោកនាយក នាយករង ទេវវិទ្យាល័យ ដល់លោកឪពុក ដែលទទួលខុសត្រូវថ្នាក់ត្រៀម និងដល់ប្អូនៗទាំងអស់ដែលកំពុរៀបចំខ្លួនថ្វាយជីវិតទៅលេីព្រះជាម្ចាស់។ 🙏

សូមព្រះជាម្ចាស់ប្រទានពរដល់លោកឪពុកទាំងអស់ក្នុងឱកាសឆ្នាំថ្មី ២០២៤ នេះ។ ❤️🇰🇭

+លោកអភិបាល អូលីវីយ៉េ

Blessings for our Church in 2024 to welcome 7 candidates in Propepeudic year 1 and 3 seminarians in Theology Year 1 ! 🙏🙏

THANKS BE TO GOD 🙏

God bless you for 2024 !

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

04/01/2024

កម្មវិធីបើកឆ្នាំសិក្សា អនុទេវវិទ្យាល័យ និងទេវវិទ្យាល័យ នៅព្រះសហគមន៍សន្តសិលា និងសន្តប៉ូល ភ្នំពេញថ្មី ក្រោមអធិបតីភាពលោកអភិបាល អូលីវីយ៉េ អភិបាលព្រះសហគមន៍កាតូលិកភូមិភាគភ្នំពេញ ថ្ងៃទី០៥ មករា ២០២៤។ ក្នុងកម្មវិធីនេះក៏មានការអញ្ជើញចូលរួមពីសំណាក់អាណាព្យាបាលសិស្សនិសិត្សផងដែរ។

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

04/01/2024

នៅថ្ងៃសុក្រ ២រោច ខែមិគសិរ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី២៩ ខែធ្នូ ឆ្នាំ២០២៣ គណៈគ្រប់គ្រងក៏ដូចជាលោកគ្រូអ្នកគ្រូទាំងអស់នៃវិទ្យាល័យបច្ចេកទេសឯកជនសន្តហ្វ្រង់ស្វ័រ មានសេចក្តីសប្បាយរីករាយក្រៃលែងដែលបានក្រសួងបរិស្ថានចេញបណ្ណសរសើរមេត្រីបរិស្ថាន ជូនចំពោះវិទ្យាល័យចំណេះទូទៅនិងបច្ចេកទេសឯកជនសន្តហ្រ្វង់ស្វ័រ ក្នុងកិច្ចគាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវៈចម្រុះ ការរស់នៅប្រកបដោយភាពស្អាត ភាពបៃតង និងចីរភាព។

ប្រភព៖ វិ.បច្ចេកទេស សន្តហ្រ្វង់ស្វ័រ

#រួមគ្នាកាត់បន្ថយប្រើប្រាស់ប្លាស្ទិច
#នាំគ្នាការពារការប្រើប្រាស់ថង់ប្លាស្ទិចនៅកម្ពុជា
#លាហើយថង់ប្លាស្ទិក

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

04/01/2024

ថ្ងៃទី ០៣ ខែ មករា ឆ្នាំ ២០២៤ វិទ្យាស្ថានសន្តប៉ូលស្វាគមន៍ក្រុមការងារមកពីសហគ្រាសផលិតឱសថ ប៉េប៉េអឹម(PPM) និងខនហ្វីរេល(Confirel) ដើម្បីផ្សព្វផ្សាយអំពី កម្មវិធីប្រកួតប្រជែងពានរង្វាន់ត្នោតមាស "Thnot d’Or" ឆ្នាំ២០២៣-២០២៤ ក្រោមប្រធានបទ “ការច្នៃប្រឌិតបង្កើនគុណតម្លៃផលិតផលរុក្ខជាតិមានប្រយោជន៍ដល់សុខភាពសម្រាប់ទីផ្សារក្នុងស្រុក និងទីផ្សារអន្តរជាតិ”។
គួររម្លឹកផងដែរថា និស្សិតនៅវិទ្យាស្ថានសន្តប៉ូលធ្លាប់ចូលរួមប្រកួតក្នុងកម្មវិធីនេះរៀងរាល់ឆ្នាំ និងធ្លាប់ទទួលបានជ័យលាភីលេខ១ កាលពីឆ្នាំ ២០១៨។
, , ,
---------------------------------------------
ទំនាក់ទំនងមកវិទ្យាស្ថាន៖
លេខទូរសព្ទៈ078 556 552, 096 53 86 889
តេលេក្រាមៈ t.me/saintpaulinstitute
ហ្វេសប៊ុកៈ Saint Paul Institute
អុីម៉ែលៈ [email protected]
វ៉ើបសាយៈ www.spi.edu.kh
អាសយដ្ឋានៈ ភូមិអង្គគគីរ ឃុំតាភេម ស្រុកត្រាំកក់ ខេត្តតាកែវ ខាងជើងផ្សារអង្គតាសោម ៣គីឡូម៉ែត។

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

02/01/2024

កម្មវិធីបោះជំរំសម្រាប់ក្មេងៗ ដែលរៀបចំឡើងដោយក្រុមបងស្រីសាលេស៊ានដុនបូស្កូ ទឹកថ្លា និងក្រុមយុវជនព្រះសហគមន៍សន្តីម៉ារី តួតាំង កាល់ពីថ្ងៃទី៣១ ខែធ្នូ ឆ្នាំ២០២៣ នៅព្រះសហគមន៍សន្តីម៉ារី តួតាំង មណ្ឌលសកម្មភាពទន្លេមេគង្គ ដោយមានលេងល្បែង រាំ ច្រៀងកំសាន្ត ដើម្បីអបអរសាទរឆ្នាំថ្មី ឆ្នាំ២០២៤។

ប្រភព៖ Peter Ra (អ្នករាយការណ៍ព័ត៌មានព្រះសហគមន៍កាតូលិកភូមិភាគភ្នំពេញ ប្រចាំមណ្ឌលសកម្មភាពទន្លេមេគង្គ)

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

កម្មវិធីប្រកួតខ្លែងឯក ប្រណាំងសេះ ប្រណាំងក្របី លើកទី១៣នៅព្រះសហគមន៍សន្តីម៉ារីញញឹមចំការទៀង ក្រោមការណែនាំរបស់លោកអភិបាល អូលីវ...

01/01/2024

31/12/2023

សូមគោរពជូនពរឆ្នាំថ្មីលោកអភិបាល អូលីវីយ៉េ ជាទីគោរព សូមសិរីសួស្តី និងព្រះពរគ្រប់យ៉ាងពីព្រះជាម្ចាស់ កើតមានដល់លោក អភិបាល។

31/12/2023

អបអរសាទរដល់ប្អូនៗសិស្សានុសិស្សនៃវិទ្យាល័យទាំង២ វិទ្យាល័យចំណេះទូទៅ និងវិទ្យាល័យបច្ចេកទេស សន្ដហ្វ្រង់ស្វ័រ ដែលបានប្រឡងជាប់សញ្ញាបត្រមធ្យមសិក្សាទុតិយភូមិ និងសញ្ញាបត្រវិជ្ជាជីវៈកម្រិត៣។

Congratulations 👍🙏Saint François General and Technical High School for successful baccalaureate 100%🇰🇭😍

30/12/2023

សូមព្រះជាម្ចាស់ទទួលវិញ្ញាណក្ខន្ធរបស់ តេរេសា ជាសម្រេច🙏

Let us pray for Theresa Somrach 🙏 and her family 🙏

27/12/2023

ថ្ងៃទី២៦ ធ្នូ ២០២៣ អបអរសារទរ ព្រះយេស៊ូប្រសូត្រ ព្រះសហគមន៍សន្តប៉ូលកោះស្លា បានថ្វាយអភិបូជាយ៉ាងឱឡារិកក្រោមអធិបតីលោកបូជាចារ្យ ជីអូវ៉ាន់នី ទូលីណូ និងលោកបូជាចារ្យ អន់តូនី ថៃ រតនៈ រួមជាមួយគ្រីស្តបរិស័ទមកពីព្រះសហគមន៍នានាក្នុងមណ្ឌលសកម្មភាពកំពត-កែបចូលរួមយ៉ាងច្រើនកុះករ ហើយនៅពេលរាត្រីក៍មានការសម្ដែងរឿងព្រះយេស៊ូប្រសូត្រ ការរាំរបាំ សម្ដែងចម្រៀងកាយវិការនឹងមានការចាប់រង្វាន់ជាវត្ថុអនុស្សាវរីយ៍ជាច្រើនដោយមានអំណរសប្បាយរួមជាមួយគ្នាផងដែរ៕

27/12/2023

ថ្ងៃទី២៦ ខែធ្នូ ឆ្នាំ២០២៣ ព្រះសហគមន៍សន្តប៉ូលកោះស្លានៃមណ្ឌលសកម្មភាពកំពត-កែបបានសម្ដែងធម៌មេត្តាករុណាជាមួយគ្រួសារក្រីក្រចំនួន៣៥គ្រួសារ ក្រោមអធិបតីលោកបូជាចារ្យ ជីអូវ៉ាន់នី ទូលីណូ និងលោកបូជាចារ្យ អន់តូនី ថៃ រតនៈ រួមជាមួយគ្រីស្តបរិស័ទចូលរួមយ៉ាងច្រើនកុះករ ដើម្បីអបអរសាទរក្នុងឱកាស ព្រះយេស៊ូតដោយបង្ហាញសេចក្ដីស្រលាញ់ ការសួរសុខទុក្ខ នឹងមានការហូបអាហារសាមគ្គីរួមជាមួយគ្នាផងដែរ៕

27/12/2023

ល្ងាចថ្ងៃទី២៤ ខែធ្នូ ឆ្នាំ២០២៣ លោកឪពុក ដាមីញាំង បានថ្វាយអភិបូជាអបអរសាទរព្រះយេស៊ូប្រសូត នៅព្រះសហគមន៏សន្តីម៉ារី តួតាំង ក្រោយមកក៏មានការសម្តែងរឿងព្រះយេស៊ូប្រសូតដោយក្រុមយុវជនព្រះសហគមន៍ផងដែរ។

ប្រភព៖ Peter Ra (អ្នករាយការណ៍ព័ត៌មានព្រះសហគមន៍កាតូលិកភូមិភាគភ្នំពេញ ប្រចាំមណ្ឌលសកម្មភាពទន្លេមេគង្គ)

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

26/12/2023

សារជូនពររបស់លោកអភិបាល អូលីវីយ៉េ ដើម្បីអបអរសាទរព្រះយេស៊ូប្រសូត ឆ្នាំ២០២៣។
Merry Christmas 2023

https://youtu.be/8-EfO06DyPc

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

26/12/2023

23-12-2023 ធម្មទេសនារបស់លោកអភិបាល អូលីវីយ៉េ ក្នុងអភិបូជាអបអរសាទរព្រះយេស៊ូប្រសូត នៅព្រះសហគមន៏សន្តីម៉ារីញញឹម ចំការទៀង។

https://youtu.be/noJat_gWolc

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

26/12/2023

25-12-2023 ធម្មទេសនារបស់លោកអភិបាល អូលីវីយ៉េ ក្នុងអភិបូជាអបអរសាទរព្រះយេស៊ូប្រសូត នៅព្រះសហគមន៏សន្តហ្វ្រង់ស្វ័រសាវីយ៉េ ចំប៉ា។

https://youtu.be/Xj0DaFiTyDY

🔊Note: Follow us on social media:
👉 Website: https://catholicphnompenh.org/
👉 Facebook: https://www.facebook.com/CatholicPhnomPenh/
👉 YouTube: www.youtube.com/catholicphnompenh
👉 Twitter: https://twitter.com/Catholic_PP
👉 TikTok: https://www.tiktok.com/?lang=en
👉 Telegram: https://t.me/catholicphnompenh

26/12/2023

អភិបូជាអបអសាទរ ព្រះអម្ចាស់យេស៊ូប្រសូត នៅព្រះវិហារព្រះនាងម៉ារីមិនជំពាក់បាប សំរោងធំ - ២៤.១២.២០២៣ ណែនាំដោយលោកបូជាចារ្យ ដានីអែល។

ប្រភព Daniel Yoon

26/12/2023

អភិបូជាអបអរសាទរ ព្រះអម្ចាស់យេស៊ូប្រសូត នៅព្រះវិហារសន្តអន់ទាន់ ព្រែកដាច់ - ២៤.១២.២០២៣ ណែនាំដោយលោកបូជាចារ្យ ដានីអែល។

ប្រភប Daniel Yoon

26/12/2023

🎊 «កុំខ្លាចអ្វីឡើយ ខ្ញុំនាំដំណឹង‌ល្អមួយមកប្រាប់អ្នករាល់គ្នា។ ដំណឹងនេះនឹងធ្វើឲ្យប្រជា‌រាស្ដ្រទាំងមូលមានអំណរដ៏លើស‌លប់។ យប់នេះ នៅក្នុងភូមិកំណើតរបស់ព្រះ‌បាទដាវីឌ ព្រះ‌សង្គ្រោះរបស់អ្នករាល់គ្នាប្រសូតហើយ គឺព្រះ‌គ្រីស្ដជាអម្ចាស់។ (លក ២,១០-១១)😇
🙏សូមឲ្យឆ្នាំចាស់ជាមេរៀន ឈានទៅឆ្នាំថ្មីរួមជាមួយព្រះអម្ចាស់យេស៊ូដោយក្តីសង្ឃឹម និងអំណរសប្បាយជានិច្ច✌️
💒ព្រះសហគមន៍ យើងខ្ញុំសុំធ្វើជាស្ពាននៃព្រះពរ ពីព្រះយេស៊ូកុមារ ដែលកើតជាមនុស្សយ៉ាងកំសត់ ដល់បងប្អូន។ ឲ្យនាំកម្លាំងកាយចិត្ត។ យើងខ្ញុំសូមអធិស្ឋានឱ្យបងប្អូនគ្រប់ជាតិសាសន៍ទាំងអស់។🙏
🥳Merry Christmas & Happy New Year 2024🎉

ប្រភព CatholicChurch PhsarTauch Phnom Penh

26/12/2023

រីករាយព្រះយេស៊ូប្រសូត នៅព្រះសហគមន៍សន្តីម៉ារី ម៉ាដាឡា ស្វាយប៉ាក🎄💒 25-12-2023

ប្រភព St.Mary Magdalena Svay Pak សន្តីម៉ារី ម៉ាដាឡា

26/12/2023

អភិបូជា បុណ្យព្រះយេស៊ូប្រសូត ដោយលោកឪពុក Tavola Gianluca នៅព្រះវិហារ សន្ដ: យូសែប ក្ដីកណ្ដាល ថ្ងៃទី២៥ ខែធ្នូ ឆ្នាំ២០២៣🙏❤️

ប្រភព ព្រះសហគមន៍កាតូលិក ពោធិ៍ធំក្ដីកណ្ដាល Catholic Church Po Thom Kdey Kandal

25/12/2023

ល្ងាចថ្ងៃទី២៤ ខែធ្នូ ឆ្នាំ២០២៣ ព្រះសហគមន៍សន្តសិលា និងសន្តប៉ូល ភ្នំពេញថ្មី បានរៀបចំកម្មវិធីអបអរសាទរព្រះយេស៊ូប្រសូត ចាប់ផ្តើមកម្មវិធីដោយថ្វាយអភិបូជាអរព្រះគុណព្រះជាម្ចាស់ ការសម្តែងរឿងព្រះយេស៊ូប្រសូត កម្មវិធីសិល្បះចម្រុះ ក្រោមការណែនាំពីលោកបូជាចារ្យ អ៊ុន សុន។

25/12/2023

ព្រឹកថ្ងៃទី២៥ ខែធ្នូ ឆ្នាំ២០២៣ ព្រះសហគមន៍សន្តហ្វ្រង់ស្វ័ សាវីយ៉េ ចំប៉ា បានរៀបចំកម្មវិធីអបអរសាទរព្រះយេស៊ូប្រសូត និងមានកុមារា កុមារី ចំនួនជាង៣០នាក់ ទទួលព្រះកាយព្រះលោហិតព្រះគ្រីស្តជាលើកដំបូង ក្រោមអធិបតីភាពលោកអភិបាល អូលីវីយ៉េ។

25/12/2023

សកម្មភាពបោះជំរំកុមារ ក្នុងឱកាសអបអរសាទរ ព្រះយេស៊ូប្រសូតនៅ Queen of Peace Church Areyksat ព្រះសហគមន៍កាតូលិក អរិយក្សត្រ ដោយមានការចូលរួមពីលោកពុក Tavola Gianluca បងស្រី យុវជន និងកុមារ កុមារី ក្នុងព្រះសហគមន៍ប្រមាណ 120 នាក់។ កម្មវិធីប្រព្រឹត្តទៅនៅថ្ងៃទី24 ខែធ្នូ ឆ្នាំ2023។

ប្រភព Catholic Youth Areyksatr

25/12/2023

ល្ងាចថ្ងៃទី២៣ ខែធ្នូ ឆ្នាំ២០២៣ ព្រះសហគមន៍សន្តីម៉ារីញញឹម ចំការទៀង បានរៀបចំកម្មវិធីអបអរសាទរព្រះយេស៊ូប្រសូត ចាប់ផ្តើមកម្មវិធីដោយថ្វាយអភិបូជាអរព្រះគុណព្រះជាម្ចាស់ ការសម្តែងរឿងព្រះយេស៊ូប្រសូត កម្មវិធីសិល្បះចម្រុះ ក្រោមអធិបតីភាពលោកអភិបាល អូលីវីយ៉េ។

25/12/2023

ព្រឹកថ្ងៃទី២៤ ខែធ្នូ ឆ្នាំ២០២៣ ព្រះសហគមន៍សន្តីម៉ារីញញឹម ចំការទៀង បានរៀបចំកម្មវិធីអបអរសាទរព្រះយេស៊ូប្រសូត ជាមួយកុមារា កុមារីម្រមាណជាង២០០០នាក់ ដោយមានការសម្តែងរឿងព្រះយេស៊ូប្រសូត និងការចែកការដូរ ក្រោមអធិបតីលោកអភិបាល អូលីវីយ៉េ។

25/12/2023

អំណរសប្បាយ ថ្ងៃបុណ្យព្រះយេស៊ូប្រសូត ព្រះសហគមន៍ព្រះជាម្ចាស់ជាអ្នកគង្វាលដ៏សប្បុរស រោងចក្រ ថ្ងៃទី២៥ ធ្នូ ២០២៣។

ប្រភព kim អ្នករាយការណ៍ព័ត៌មានព្រសហគមន៍ការតូលិកភូមិភាគភ្នំពេញ

25/12/2023

២៥/១២/២០២៣ 🥰លោកបូជាចារ្យ ប៉ូល រឿង ឆ័ត្រសិរី ចៅអធិការព្រះវិហារកាតូលិកផ្សាតូច ព្រមទាំង បងស្រីបងប្រុស មីងគណៈកម្មការ ជាដំណាងគ្រីស្តបរិស័ទទៅសួរសុខទុក្ខ សំណេះសំណាល ដល់ចៅអធិការវត្តឧត្តរាវត្តី ឬ វត្ត ឫស្សីកែវ វត្តជិតខាង 🎄នាំអំណរសប្បាយថ្ងៃបុណ្យព្រះយេស៊ូប្រសូត🕊️
🎉ការបើកចិត្តរាប់អាន នាំឲ្យយើងមានសេចក្តីសុខសាន្ត ដែលជាគោលដៅ នៃការបង្កើតរបស់អម្ចាស់យេស៊ូគ្រីស្តនៃយើង។

ប្រភព CatholicChurch PhsarTauch Phnom Penh 🕊️

25/12/2023

ល្ងាចថ្ងៃទី២៤ ខែធ្នូ ឆ្នាំ២០២៣ ព្រះសហគមន៍ព្រះកុមារយេស៊ូ បឹងទំពន់ បានរៀបចំកម្មវិធីអបអរសាទរព្រះយេស៊ូប្រសូត ចាប់ផ្តើមកម្មវិធីដោយថ្វាយអភិបូជាអរព្រះគុណព្រះជាម្ចាស់ ការសម្តែងរឿងព្រះយេស៊ូប្រសូត កម្មវិធីសិល្បះចម្រុះ ក្រោអធិបតីលោកអភិបាល អូលីវីយ៉េ។

25/12/2023

រីករាយ ព្រះយេស៊ូប្រសូត ព្រះសហគមន៍កាតូលិកក្រុងព្រះសីហនុ (ព្រះវិហារសន្តមីកាអែល) នៅក្នុងមណ្ឌលសកម្មភាពកំពុងសោម
ណែនាំដោយលោកបូជាចារ្យ ហ្គូស្តាវូ រាត្រីថ្ងៃទី ២៤ ខែធ្នូ ឆ្នាំ ២០២៣ ។
ដោយ លេងហុង អ្នកយកព័ត៌មាន របស់ការិយាល័យផ្សព្វផ្សាយព័ត៌មានព្រះសហគមន៍កាតូលិក។

25/12/2023

អភិបូជា បុណ្យព្រះយេស៊ូប្រសូត យប់ថ្ងៃទី២៤ ធ្នូ ២០២៣ នៅព្រះសហគមន៍ពោធិ៍ក្ដីកណ្ដាល ណែនាំដោយលោកឪពុក Tavola Gianluca ❤️🙏💐

ប្រភព ព្រះសហគមន៍កាតូលិក ពោធិ៍ធំក្ដីកណ្ដាល Catholic Church Po Thom Kdey Kandal

24/12/2023

#សូមជូនពរបងប្អូននៅក្នុងឱកាសបុណ្យព្រះយេស៊ូប្រសូត។

ប្រភព F.r Chatsirey Roeung

24/12/2023

រីករាយ ព្រះយេស៊ូប្រសូត ព្រះសហគមន៍កាតូលិកត្រែងត្រយឹង (ព្រះវិហារសន្តម៉ាទីន)
នៃអនុតំបន់សកម្មភាពភ្នំពេញថ្មី រាត្រីថ្ងៃទី ២៤ ខែធ្នូ ឆ្នាំ២០២៣ ក្រោមអធិបតីលោកបូជាចារ្យ កាលេណានីឆាល។
ដោយលេងហុង អ្នកយកព័ត៌មាន របស់ការិយាល័យផ្សព្វផ្សាយព័ត៌មានព្រះសហគមន៍កាតូលិក។

24/12/2023

រីករាយ ព្រះយេស៊ូប្រសូត ពីព្រះសហគមន៍កាតូលិកសន្តយ៉ូសែបកំពង់ស្ពឺ រាត្រីថ្ងៃទី២៤ ខែធ្នូ ឆ្នាំ២០២៣ បានប្រារព្ធកម្មវិធីបុណ្យព្រះយេស៊ូប្រសូត និងអភិបូជាលេីកដំបូងរបស់លោកបូជាចារ្យ សុខ សាន្ត ក្រោមអធិបតីលោកបូជាចារ្យ កាលេណានីឆាល។
ដោយលេងហុង អ្នកយកព័ត៌មាន របស់ការិយាល័យផ្សព្វផ្សាយព័ត៌មានព្រះសហគមន៍កាតូលិក។

Address

Beoung Prolit
Phnom Penh
12000

Telephone

+85517726060

Website

http://www.catholicphnompenh.org/

Alerts

Be the first to know and let us send you an email when Catholic Phnom Penh posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Catholic Phnom Penh:

Videos

កុំនាំគេប្រព្រឹត្តអំពើបាប (ម៉ាថាយ ១៨, ៦-៧,២១-២២ ម៉ាកុស ៩, ៤២) ១ព្រះយេស៊ូមានព្រះបន្ទូល ទៅកាន់ពួកសាវ័កថា៖ «មានមូលហេតុជាច្រើន ដែលតែងតែបណ្តាលឲ្យមនុស្សប្រព្រឹត្តអំពើបាប។ ប៉ុន្តែអ្នកណានាំគេឲ្យប្រព្រឹត្តអំពើបាប អ្នកនោះត្រូវវេទនាហើយ។ ២ចំពោះអ្នកនោះប្រសិនបើគេយកត្បាល់ថ្មយ៉ាងធំ មកចងកទម្លាក់ទៅក្នុងសមុទ្រប្រសើរជាង ទុកឲ្យគាត់នៅរស់ ‌ហើយនាំមនុស្សតូចតាចណាម្នាក់ប្រព្រឹត្តអំពើបាប។‌ ៣ដូច្នេះអ្នករាល់គ្នាត្រូវប្រយ័ត្នខ្លួន! ‌ប្រសិនបើបងប្អូនណាធ្វើអ្វីខុសចំពោះអ្នក ចូរស្តីប្រដៅគាត់ផង តែបើគាត់កែប្រែចិត្តគំនិត‌ចូរអត់ទោសឲ្យគាត់ទៅ។‌ ៤ប្រសិនបើគាត់ធ្វើអ្វីខុសចំពោះអ្នក ប្រាំពីរដងក្នុងមួយថ្ងៃ ហ

ប្រស្នាអំពីអ្នកបម្រើប៉ិនបោកបញ្ឆោត ១ព្រះយេស៊ូមានព្រះបន្ទូល ទៅកាន់សាវ័កថា៖ «មានសេដ្ឋីមួយរូបបានប្រគល់មុខងារឲ្យអ្នកបម្រើម្នាក់ មើលខុសត្រូវលើទ្រព្យសម្បត្តិរបស់លោក។‌មានគេមកជម្រាបលោកថា អ្នកនោះបានចាយវាយទ្រព្យសម្បត្តិលោកយ៉ាងខ្ជះខ្ជាយ។ ‌២សេដ្ឋីក៏ហៅអ្នកមើលខុសត្រូវមកប្រាប់ថា “ចូរគិតបញ្ជីយកមកឲ្យខ្ញុំ អ្នកមិនអាចមើលខុសត្រូវលើទ្រព្យសម្បត្តិខ្ញុំតទៅទៀតបានឡើយ ព្រោះសេចក្តីដែលខ្ញុំបានឮគេនិយាយអំពីអ្នក មិនល្អសោះ”។ ៣អ្នកបម្រើនោះរិះគិតក្នុងចិត្តថា ‌”ចៅហ្វាយលែងឲ្យអញទទួលខុសត្រូវ លើទ្រព្យសម្បត្តិលោកទៀតហើយ។‌តើអញគិតទៅធ្វើការអ្វីវិញហ្ន៎? អញគ្មានកម្លាំងនឹងកាប់គាស់ដីទេ ‌បើដើរសុំទាន

សន្តម៉ាតាំងដេប៉ូរេស ជាបព្វជិត ថ្ងៃទី ៣ ខែវិច្ឆិកា

30-10-2022 ធម្មទេសនារបស់លោកអភិបាល អូលីវីយ៉េ ក្នុងអភិបូជានៅព្រះសហគមន៍ព្រះកុមារយេស៊ូ បឹងទំពន់៕ ត្រៀមខ្លួនក្លាយជាមនុស្សថ្មីហើយឬនៅ? Ready to be a new human?🌏🕊️ Have a blessed day 🙏😇💕 https://youtu.be/bcTi27sjZFs

បុណ្យគោរពសន្តសន្តីឡាងឡាយ (បុណ្យឱឡារិក) #យើងរួមគ្នាទូលអង្វរព្រះជាម្ចាស់តាមរយៈសន្តសន្តីទាំងឡាយ បពិត្រព្រះជាម្ចាស់ប្រកបដោយសិរីរុងរឿង និងជាអំណរសប្បាយនៃសន្តបុគ្គលទាំងឡាយ ព្រះអង្គបានប្រោស បងប្អូនឲ្យមានភាពរឹងមាំ តាមរយៈពាក្យទូលអង្វររបស់ សន្តបុគ្គល។ សូមព្រះអង្គប្រទានពរ គឺជាព្រះពរ អស់កល្បជានិច្ចដល់បងប្អូន ។ អាម៉ែន! តាមរយៈពាក្យទូលអង្វររបស់សន្តបុគ្គលទាំងឡាយ សូមឲ្យ បងប្អូនរួចផុតពីគ្រប់ការលំបាកនាពេលសព្វថ្ងៃ និងសូមឲ្យ បងប្អូនរស់នៅតាមគំរូនៃរបៀបរស់នៅដ៏វិសុទ្ធរបស់សន្តបុគ្គល។ សូមប្រោសឲ្យបងប្អូនជាប់ចិត្តនឹងព្រះជាម្ចាស់ ដោយបម្រើ ព្រះអង្គ និងអ្នកដទៃ។ អាម៉ែន! រួមជាមួយសន្តបុគ្គលទាំងឡាយ សូមឲ្យបងប្អូនទទួល អំណរសប្បាយនៅក្នុងមាតុភូមិ ជាកន្លែងដែលព្រះសហគមន៍ មានអំណរសប្បាយ ដោយដឹងថា អស់អ្នកជឿបានចូលរួមក្នុង សេចក្តីស

បុណ្យគោរពសន្តបុគ្គលទាំងឡាយ ថ្ងៃទី ១ ខែវិច្ឆិកា

សុភមង្គលដ៏ពិតប្រាកដ (លូកា ៦:២០-២៦) ១ ព្រះយេស៊ូទតឃើញមហាជនទាំងនេះ ព្រះអង្គយាងឡើងទៅលើភ្នំ រួចព្រះអង្គគង់នៅទីនោះ។ សាវ័កនាំគ្នាចូលមកគាល់ព្រះអង្គ ២ ព្រះអង្គក៏មានព្រះបន្ទូលបង្រៀនគេថា៖ ៣ «អ្នកណាដាក់ចិត្តជាអ្នកក្រខ្សត់ឍ អ្នកនោះមានសុភមង្គលហើយ ដ្បិតពួកគេបានទទួលព្រះរាជ្យ នៃស្ថានបរមសុខ ! ៤ អ្នកណាសោកសៅ អ្នកនោះមានសុភមង្គលហើយ ដ្បិតព្រះជាម្ចាស់នឹងសំរាលទុក្ខពួកគេ ! ៥ អ្នកណាមានចិត្តស្លូតបូត អ្នកនោះមានសុភមង្គលហើយ ដ្បិតពួកគេនឹងទទួលផែនដីទុកជាមត៌ក ! ៦ អ្នកណាស្រេកឃ្លានសេចក្ដីសុចរិតណ អ្នកនោះមានសុភមង្គលហើយ ដ្បិតព្រះជាម្ចាស់នឹងប្រទានអោយ ពួកគេបានឆ្អែត ! ៧ អ្នកណាមានចិត្តមេត្តាករុណា អ្នកនោះមានសុភមង្គលហើយ ដ្បិតព្រះជាម្