មន្ទីរសារការី វ៉ាយ អ៊េម វី YMV Notary Public

24/06/2024

[English below]:

សេវាកម្មសំខាន់ៗរបស់មន្ទីរសារការីរួមមាន៖
- សេវាបញ្ជាក់៖ បញ្ជាក់ហត្ថលេខា បញ្ជាក់ការថតចម្លងត្រឹមត្រូវតាមច្បាប់ដើម និងបញ្ជាក់ភាពត្រឹមត្រូវនៃការបកប្រែឯកសារ
- ការស្រាវជ្រាវ និងផ្ទៀងផ្ទាត់បញ្ជាក់ពត៌មានអចលនវត្ថុ និងភាពស្របច្បាប់នៃអចលនវត្ថុ
- ការរៀបចំតាក់តែង និងផ្តល់យថាភូតភាពលើកិច្ចសន្យាលក់ទិញអចលនវត្ថុ ប្រទានកម្ម (អំណោយ) កិច្ចសន្យាជួល កិច្ចសន្យាហ៊ីបប៉ូតែក កិច្ចសន្យាបញ្ចាំ កិច្ចសន្យាESCROW និងកិច្ចសន្យាផ្សេងៗទៀត
- រៀបចំបណ្តាំមរតក តម្កល់បណ្តាំមរតក ចុះបញ្ជី និងប្រតិបត្តិបណ្តាំមរតក
- ការរៀបចំលក្ខន្តិកៈក្រុមហ៊ុន និងឯកសារផ្សេងៗទៀតសម្រាប់ការចុះបញ្ជីក្រុមហ៊ុន ការស្នើសុំកែប្រែលក្ខន្តិកៈក្រុមហ៊ុន ការបង្កើន/បន្ថយដើមទុន កាផ្លាស់ប្តូររចនាសម្ព័ន្ធភាគហ៊ុនិក/ក្រុមប្រឹក្សាភិបាល ការប្តូរទីតាំងអាជីវកម្ម និងការស្នើសុំអាជ្ញាបណ្ណអាជីវកម្ម
- ការចុះបញ្ជីតម្កល់លិខិតជូនដំណឹងនៃសិទ្ធិប្រាតិភោគលើចលនវត្ថុ (ការចុះបញ្ជី SETFO);
- និងការផ្តល់ប្រឹក្សាយោបល់ផ្នែកច្បាប់ផ្សេងៗទៀត។

The Services of Notary Public include:
- Notarization & Certification: Certify Signature, Certify True Copy, Certify Translation;
- Legal Due Diligence on Titling;
- Sale & Purchase Agreement and Registration of Ownership Transfer;
- Donation Agreement, Commercial Lease, Perpetual Lease, Hypothec Agreement, Pledge Agreement, Escrow Agreement;
- Prepare, Maintain, Register, and Execute the testament;
- Company Registration, Registration of Corporate change, Businesses licensing,
- Secured Transaction Registry (SETFO);
- and legal consultant, etc.

14/06/2024

តើអភិបាលបណ្តោះអាសន្នក្នុងសំណុំរឿងក្ស័យធនជានរណា?

នៅក្នុងសំណុំរឿងក្ស័យធន អភិបាលបណ្តោះអាសន្ន មានតួនាទីសំខាន់ៗជាអាទិ៍៖
- ជួយសម្របសម្រួលជាមួយភាគីម្ចាស់បំណុលទាំងអស់ ដើម្បីអនុញ្ញាតឱ្យកូនបំណុលដែលអលទ្ធភាពក្នុងការសងបំណុល អាចមាន​ឱកាសក្នុងការស្តារអាជីវកម្មរបស់ខ្លួនឡើងវិញ តាមរយៈ​ការបង្កើតឱ្យមានផែនការសម្របសម្រួលរវាងភាគីម្ចាស់បំណុល និងកូនបំណុល។
- គ្រប់គ្រង និងធ្វើការចាត់ចែងទ្រព្យសម្បត្តិរបស់កូនបំណុល ដើម្បីធ្វើការទូទាត់សងបំណុលជាសមូហភាពដល់ម្ចាស់បំណុលទាំងអស់តាមលំដាប់អាទិភាព ក្នុងករណីដែលអាជីវកម្មរបស់កូនបំណុលមិនអាចត្រូវបានស្តារនីតសម្បទាឡើងវិញដោយជោគជ័យ។

07/05/2024

20/10/2023

✅តើត្រូវអនុវត្តហ៊ីប៉ូតែក ឬ ត្រូវលក់ដោយស្ម័គ្រចិត្ត?

ក្នុងករណីដែលកូនបំណុលមិនអនុវត្តកាតព្វកិច្ចសង ម្ចាស់បំណុលហ៊ីប៉ូតែកមានសិទ្ធិប្តឹងដើម្បីអនុវត្តហ៊ីប៉ូតែក ក៏ប៉ុន្តែម្ចាស់បំណុលហ៊ីប៉ូតែក ក៏អាចព្រមព្រៀងជាមួយកូនបំណុលក្នុងការលក់អចលនវត្ថុនោះដោយស្មគ្រ័ចិត្តបានផងដែរដើម្បីយកថ្លៃដែលលក់បាននោះមកទូទាត់សងបំណុល។ ការលក់ដោយស្ម័គ្រចិត្តអាចមានប្រយោជន៍ជាអាទិ៍៖ អាចលក់បានថ្លៃជាង លឿនជាង មិនសូវមាននីតិវិធីស្មុគស្មាញ និងមិនសូវមានការចំណាយច្រើនដូចការលក់ដោយបង្ខំតាមផ្លូវតុលាការ ។

✅ខាងក្រោមនេះគឺជាលំហូរនីតិវិធីនៃការអនុវត្តហ៊ីប៉ូតែក៖

27/09/2023

ក្នុងករណីដែលម្ចាស់អាជីវកម្មកំពុងផុងខ្លួនចូលក្នុុងវិបត្តិបំណុល និងមិនអាចដោះស្រាយវិបត្តិបំណុលនោះបានដោយខ្លួនឯង ការប្តឹងសុំបើកសំណុំរឿងក្ស័យធន អាចជាជម្រើសដ៏ល្អមួយសម្រាប់ម្ចាស់អាជីវកម្ម ព្រោះតាមរយៈយន្តការនៃច្បាប់ស្តីពីក្ស័យធន បានអនុញ្ញាតឲ្យម្ចាស់អាជីវកម្មអាចធ្ធើការសម្របសម្រួលជាមួយគ្រប់ភាគីម្ចាស់បំណុលដើម្បីស្វែងរកដំណោះស្រាយ និងទុកលទ្ធភាពឲ្យម្ចាស់អាជីវកម្មមានពេលវេលាគ្រប់គ្រាន់ក្នងការស្តារអាជីវកម្មរបស់ខ្លួនបានឡើងវិញ ក្រោមការជួយជ្រោមជ្រែងរបស់អភិបាលបណ្តោះអាសន្ន និងការត្រួតពិនិត្យរបស់តុលាការ។

ទោះជាយ៉ាងណាក៏ដោយ ម្ចាស់អាជីវកម្ម ពុំគួររង់ចាំរហូតដល់ទុកឲ្យស្ថានភាពនៃបំណុល ឬស្ថានភាពនៃអាជីវកម្មរបស់ខ្លួន ធ្លាក់ដល់កម្រិតដែលស្តារលែងបាន ទើបប្តឹងបើកសំណុំរឿងក្ស័យធននោះទេ ព្រោះវានឹងពិបាកក្នុងការស្វែងរកកិច្ចគាំទ្រពីម្ចាស់បំណុល៕

25/09/2023

មតកសាសន៍​ក្នុងទម្រង់នៃលិខិតសម្ងាត់
# # វិធីសាស្ត្រ # # គុណសម្បត្តិ និងគុណវិបត្តិ # # នៃការធ្វើមតកសាសន៍​ក្នុងទម្រង់នៃលិខិតសម្ងាត់

02/03/2023

🗯 មតកសាសន៍ដោយលិខិតឯកជន ៖ គុណសម្បត្តិ និង គុណវិបត្តិ

27/02/2023

❤️❤️❤️គុណសម្បត្តិ និងគុណវិបត្តិនៃការធ្វើបណ្តាំមរតកក្នុងទម្រង់នៃលិខិតយថាភូតដែលរៀបចំឡើងដោយសារការី ៖

👍👍គុណសម្បត្តិ៖

👉🏻មិនតម្រូវឱ្យឆ្លងកាត់នីតិវិធីពិនិត្យបញ្ជាក់ដោយតុលាការ៖ ខុសពីបណ្តាំមរតកក្នុងទម្រង់ផ្សេងៗទៀត បណ្តាំមរតកដែលធ្វើឡើងក្នុងទម្រង់នៃលិខិតយថាភូត មិនតម្រូវឱ្យឆ្លងកាត់នីតិវិធីពិនិត្យបញ្ជាក់របស់តុលាការនោះទេ ។
👉🏻ធានាបានជាអតិបរមានៃការអនុវត្តឆន្ទៈចុងក្រោយរបស់ម្ចាស់បណ្តាំ ៖ សារការីជាអ្នករៀបចំ និងពិនិត្យដោយផ្ទាល់លើលិខិតបណ្តាំ ដូច្នេះជាលិខិតដែលអាចធានាបាននូវអនុលោមភាពតាមច្បាប់ទាំងទៅលើទម្រង់ និងខ្លឹមសារនៃលិខិតបណ្តំា ដូច្នេះអាចកាត់បន្ថយបានស្ទើរទាំងស្រុងនូវហានិភ័យនៃការប្តឹងសុំមោឃភាព ឬការប្តឹងទាមទារផ្សេងៗ។
👉🏻ការពារពីការក្លែងបន្លំលិខិតបណ្តាំ៖ សារការីជាអ្នករក្សាទុកលិខិតបណ្តាំ ដូច្នេះនឹងមិនមានការបាត់បង់ ឬការក្លែងបន្លំលិខិតបណ្តាំនោះទេ។
👉🏻ជនដែលមិនចេះអក្សរក៏អាចធ្វើលិខិតបណ្តាំនេះបានដែរ៖ ម្ចាស់បណ្តាំគ្រាន់តែពន្យល់អំពីខ្លឹមសារនៃបណ្តាំនោះដោយផ្ទាល់មាត់ជូនសារការី រីឯកិច្ចដំណើរការផ្សេងទៀតនៃការរៀបចំលិខិតបណ្តាំប្រភេទនេះជាតួនាទីរបស់សារការី។

👎👎គុណវិបត្តិ៖

👉🏻ចាំបាច់ត្រូវមានអន្តរាគមន៍ពីសារការី ដូច្នេះត្រូវមានការចំណាយទៅលើថ្លៃសេវាសារការី។
👉🏻សាក្សីដែលជាអ្នកចូលរួមក្នុងដំណើរការនៃការរៀបចំលិខិតបណ្តាំ ដឹងអំពីខ្លឹមសារនៃលិខិតបណ្តាំ។

❤️❤️❤️ ប្រធានបទបន្ទាប់៖ គុណសម្បត្តិ និងគុណវិបត្តិនៃការធ្វើបណ្តាំមរតកក្នុងទម្រង់នៃលិខិតឯកជន។

22/02/2023

🗯ដំណើរការនៃការរៀបចំលិខិតមតកសាសន៍(បណ្តាំមរតក) ក្នុងទម្រង់នៃលិខិតយថាភូត (មាត្រា ១១៧៣ នៃក្រមរដ្ឋប្បវេណី)៖
👉🏻ត្រូវធ្វើឡើងដោយម្ចាស់បណ្តាំនៅចំពោះមុខសារការី
👉🏻ត្រូវមានវត្តមានរបស់សាក្សីយ៉ាងតិច ២ នាក់
👉🏻ម្ចាស់បណ្តាំត្រូវប្រាប់ដោយផ្ទាល់មាត់នូវខ្លឹមសារនៃមតកសាសន៍ចំពោះសារការី
👉🏻សារការីត្រូវសរសេរអត្ថន័យនៃមតកសាសន៍របស់ម្ចាស់បណ្តាំជាលាយលក្ខណ៍អក្សរ ហើយត្រូវសូត្រឱ្យម្ចាស់បណ្តាំ និងសាក្សីស្តាប់
👉🏻ដើម្បីបញ្ជាក់អំពីភាពត្រឹមត្រូវចំពោះខ្លឹមសារនៃមតកសាសន៍ ម្ចាស់បណ្តាំ និងសាក្សី ត្រូវចុះហត្ថលេខា ហើយត្រូវបញ្ជាក់អំពីឈ្មោះ អាយុ និងលំនៅឋាន ប៉ុន្តែបើម្ចាស់បណ្តាំមិនចេះសរសេរអក្សរ ឬមិនអាចចុះហត្ថលេខាបាន សារការីអាចធ្វើជំនួស ដោយបញ្ជាក់អំពីហេតុនោះ
👉🏻សារការី ត្រូវចុះកាលបរិច្ឆេទ និងចុះហត្ថលេខា។

🗯ប្រធានបទបន្ទាប់៖ គុណសម្បត្តិ និង គុណវិបត្តិនៃការរៀបចំបណ្តាំមរតកក្នុងទម្រង់នៃលិខិតយថាភូត។

17/01/2023

នីតិវិធីអនុវត្ត៖ ករណីកូនបំណុលមិនអនុវត្តកាតព្វកិច្ចសងចំពោះម្ចាស់បំណុលហ៊ីប៉ូតែក

02/12/2022

02/12/2022

សិក្ខាសាលាផ្សព្វផ្សាយអំពីកាតព្វកិច្ចរបស់សារការីដែលជាបុគ្គលរាយការណ៌មួយរូប ពាក់ព័ន្ធនឹងការអនុវត្តសេចក្តីសម្រេចរបស់តុលាការក្នុងការបង្កកទ្រព្យសម្បត្តិរបស់បុគ្គលដែលមានឈ្មោះក្នុងបញ្ជីបង្កកទ្រព្យសម្បត្តិ និងកាតព្វកិច្ចរាយការណ៍របស់សារការីដែលមានកំណត់ក្នុង «ច្បាប់ស្តីពីការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ»៕