17/01/2025
🎬 Recap | ក្រយាស្នេហ៍ EP.1
ផ្តើមចេញពីការប្រកួតធ្វើម្ហូបក្នុងគ្រួសាររបស់ ជំទាវចិន្តា ដែលសម្រាប់អ្នកឈ្នះនឹងត្រូវបានជ្រើសរើស ឲ្យទៅជួយធ្វើក្រយាថ្វាយព្រះអង្គនៅក្នុងរាជវាំង។ បុផ្ផា និង វរនាថ ជាបងប្អូនថ្លៃស្រី ក៏ជាគូប្រកួតធ្វើម្ហូបក្នុងការជ្រើសរើសនេះ ដែលមាន ជំទាវចិន្តា ជាអ្នកកាត់សេចក្តី។ បើតាមថ្វីដៃធ្វើម្ហូប វរនាថ មិនអាចឈ្នះ បុផ្ផា បានទេ ទើបធ្វើឲ្យ នាងយ៉ែម ដែលជាក្លើរបស់ វរនាថ បានព្យាយាមលួចទៅបំផ្លាញទឹកអប់ផ្កាកុលាប ដែលបុផ្ផាត្រៀមទុកសម្រាប់ការប្រកួតមុនមួយយប់។ មិនត្រឹមប៉ុណ្ណឹង ក្នុងថ្ងៃប្រកួត នាងយ៉ែម បានលួចជះខ្លាញ់ធ្វើឲ្យបុផ្ផាដើររអិលដួល រហូតរលូតកូនក្នុងផ្ទៃថែមទៀតផង។ មើលទៅ វរនាថ មិនបានគាំទ្រឲ្យ នាងយ៉ែម ធ្វើដល់ថ្នាក់ហ្នឹងទេ តែក្លើដែលត្រូវជាអ្នកបម្រើផងម្នាក់នេះ ក្លាហានចាត់ចែងឆ្ការបន្លាដែលនៅទើសផ្លូវឲ្យចៅហ្វាយនាយយ៉ាងមិនញញើតដៃ។ បុផ្ផា ជាស្រ្តីស្លូតបូត បានត្រឹមដេកឈឺចិត្តដែលកូនក្នុងផ្ទៃត្រូវបាត់បង់ ចំណែកឯ នាងឆយ ជាបងស្រីរបស់ បុផ្ផា ក៏កំពុងឡើងអង្សារសឹងហុយផ្សែងទៅហើយ ដែលភ្លេចខ្លួនបណ្តោយឲ្យគេធ្វើបាបប្អូនស្រីខ្លួនរហូតបាត់បង់កូនបែបនេះ។ នាងប្រាកដក្នុងចិត្តយ៉ាងច្បាស់ថា រឿងហេតុដែលបានកើតឡើងនេះគឺមិនមែនជារឿងចៃដន្យឡើយ មួយរយភាគរយគឺមានមនុស្សអាក្រក់នៅពីក្រោយ ដែលគ្មានអ្នកណាក្រៅពី វរនាថ និង នាងយ៉ែម នោះឡើយ។
🔔 តាមដានរឿង រៀងរាល់ថ្ងៃ ចន្ទ-ពុធ ម៉ោង 7-8 យប់
📺 ទស្សនាការផ្សាយផ្ទាល់នៅលើកញ្ចក់ទូរទស្សន៍ Hang Meas HDTV
📍 ទស្សនាគ្រប់ភាគឡើងវិញនៅលើយូធូប https://bit.ly/3DPWdCa
#ក្រយាស្នេហ៍ #រឿងភាគខ្មែរ
#គាំទ្រភាពយន្តភាគខ្មែរទស្សនាប៉ុស្តិ៍ទូរទស្សន៍ហង្សមាស
