ស្ងប់ស្ងាត់ជាមិត្ត សច្ចៈជាបងប្អូន ខន្តីជាភរិយា កតញ្ញូជាពុក សុចរិតជាម្ដាយ ស្នេហា & គ្រួសារ✍️
18/02/2025
វិធីកាត់ចិត្តពីមនុស្សម្នាក់..
ជាការពិតទៅ ការដែលយើងបានជួបមនុស្សម្នាក់ សុទ្ធតែជានិស្ស័យ ទោះជានិស្ស័យល្អខ្លះ ឬមិនល្អខ្លះ តែសុទ្ធតែជាកម្មពៀរ ដែលធ្លាប់ជួបគ្នាពីមុនមក ទើបមកជួបគ្នាក្នុងពេលនេះទៀត។ ប៉ុន្តែការជួបលើកនេះគ្រាន់តែជាការជួបមួយ ដែលមិនស្ថិតស្ថេរ និងមិនបានយូរឡើយ តែចិត្តស្រឡាញ់នៅតែជាប់ជំពាក់នឹងមនុស្សម្នាក់នោះរហូត។ ដេកគិត ដើរគិត កាន់តែព្យាយាមបំភ្លេច កាន់តែចងចាំ កាន់តែព្យាយាមកាត់ចិត្តពីគេ ចិត្តកាន់តែមានគេ។
ខ្ញុំចង់ឱ្យអ្នកបានដឹងថា មិនមានវិធីកាត់ចិត្តពីមនុស្សម្នាក់ទេ ក៏មិនមានវិធីបំភ្លេចការចងចាំ និងអនុស្សាវរីយ៍បានឡើយ បើយើងមិនអាចកាត់ចិត្តបាន មិនអាចបំភ្លេចបាន ហេតុអ្វីយើងមិនរៀនចងចាំវិញ? ទន្ទេញពាក្យថា មិនទៀង មិនមែនជារបស់អញ គ្រប់គ្នាដែលចូលមក គង់នឹងមានថ្ងៃមួយ គេនឹងចាកចេញ ព្រោះមានតែការប្រែប្រួលប៉ុណ្ណោះ ដែលទៀងទាត់។ កុំព្យាយាមដាក់សញ្ញាសួរឱ្យខ្លួនឯងច្រើនពេក មានរឿងខ្លះវាកើតឡើងមានហេតុផលរបស់វា ហើយវាបាត់បង់ទៅវិញក៏តាមពេលវេលា និងសុពលភាពរបស់វា។
នៅតែដដែល បើមិនអាចបំភ្លេចគេបាន រៀនចងចាំគេវិញ ចងចាំទុកចិត្ត ហើយរស់ជាខ្លួនឯងធម្មតាវិញ។
នៅតែដដែល បើមិនអាចកាត់ចិត្តពីគេបាន រៀនទុកគេនៅក្នុងចិត្តវិញ ហើយរស់ជាខ្លួនឯងដូចធម្មតា។
គេមក គេចាកចេញ មាន ឬមិនមាន ជីវិតរបស់យើងនៅតែទៅមុខជានិច្ច៕
រាត្រីសួស្ដីពីចម្ងាយ!💕
ស្នេហា & គ្រួសារ ✍
