ជុំ សោភ័ណ

22/06/2023

#ពាក្យថាអត់ធ្មត់មិនមែនទ្រាំតែ១មុខទេ

មិនដែលគិតសុីជម្រៅប៉ុន្មានទេ ហើយចេះតែជឿជាក់លើខ្លួនឯងដឹងថាខ្លួនឯង ធ្វើអ្វីក៏ច្រើនតែចេះអត់ធ្មត់គ្រប់ស្ថានភាព ហើយយល់ថាការអត់ធ្មត់ទេ ទើបអាចជួយយើងបាននៅពេលជួបរឿងលំបាកៗក៏ដោយ។

ថ្ងៃនេះខ្ញុំបានយកQuteរបស់លោកគ្រូ Khim Sok Heng មកអានហើយអានទៀតលោកគ្រូលើកឡើងថា «ពាក្យថាអត់ធ្មត់ មិនមែនទ្រាំតែ១មុខទេ តែត្រូវចេះទ្រំាដោយឥរិយាបទវិជ្ជមាន » ហើយចាប់ផ្ដើមយកឆ្លុះមើលខ្លួនឯង ទើបខ្ញុំកាន់តែច្បាស់១កម្រិតទៀត កន្លងមកខ្ញុំចេះអត់ធ្មត់ហើយ តែមិនទាន់មានឥរិយាវិជ្ជមានរហូតទេ អត់ធ្មត់ទ្រាំដោយការយល់ឃើញត្រូវវាជាកម្លាំងចិត្តយ៉ាងដែលជួយរុញឲ្យខ្ញុំធ្វើអ្វីមួយដោយសប្បាយចិត្ត លទ្ធផលក៏ទទួលបានល្អទៅតាមគិតវិជ្ជមានរបស់ខ្លួនឯងដែរ។

21/06/2023

#មានការបេ្តជ្ញាចិត្តខ្លាំងកុំភ្លេចធ្វើសកម្មភាពត្រូវ

ពីមុនខ្ញុំតែងតែងយល់បើចង់ធ្វើអ្វីមួយឲ្យតែមានការប្ដេជ្ញាចង់ធ្វើ ក៏អាចចាប់ផ្ដើមវាបាន មិនដែលគិតសុីជម្រៅទៅលើសកម្មភាពតូចៗដែលខ្លួនកំពុងធ្វើវានោះទេ តែសម្លឹងចង់បានផលនៅពេលអនាគត ។

ក្រោយពេលមួយដែលខ្ញុំបានឃើញពាក្យលើកទឹកចិត្តរបស់លោកគ្រូKhim Sok Heng បានលើកឡើងថា « មានការបេ្តជ្ញាចិត្តខ្លាំងជារឿងល្អ តែកុំភ្លេចបន្ថែមជាមួយសកម្មភាពត្រូវ »
ពាក្យមួយឃ្លាធ្វើឲ្យខ្ញុំយល់ហើយបានយកមកឆ្លុះមើលខ្លួនឯង ទើបយល់ថា បើខ្ញុំមានការប្ដេជ្ញាចិត្តហើយជារឿងល្អ តែក៏កុំភ្លេចពិនិត្យមើលនិងតាមដានសកម្មភាពការងារអនុវត្តន៍របស់ខ្លួនឯងជាប្រចាំ។
ជាលទ្ធផលធ្វើឲ្យខ្ញុំជាមនុស្សដែលចាប់ផ្ដើមឲ្យតម្លៃទៅលើរឿងតូចៗនិងលទ្ធផលតូចៗ ដែលវាអាចជួយជំរុញឲ្យលទ្ធផលល្អនៅពេលអនាគតរបស់ខ្ញុំ។

20/06/2023

#កុំរំពឹងលឿនពេកហើយរំពឹងខុស

នៅពេលខ្ញុំចង់ធ្វើអ្វីមួយខ្ញុំតែងតែងដាក់ចិត្តធ្វើអស់ពីចិត្តចង់ទទួលបានលទ្ធផលលឿន តែជាក់ស្ដែង លទ្ធផលច្រើនមិនដូចការរំពឹងទុក ពេលខ្ញុំធ្វើមិនបានធ្វើឲ្យខ្ញុំអស់សង្ឃឹមនិងខកចិត្តខ្លាំង។

ក្រោយមកខ្ញុំទទួលបាន Quote របស់លោកគ្រូKhim Sok Hengដែលបានសរសេរថា #ផលដែលបានពីការរំពឹងខុសគឺមានតែការខកចិត្ត លោកគ្រូក៏បានបកស្រាយបន្ថែមថា រាល់ការរំពឹកខុសលទ្ធផលនាំឱ្យមានការខកចិត្ត តែក្នុងនោះត្រូវរស់ក្នុងក្តីសង្ឃឹម ព្រោះគ្មានជីវិតណារស់នៅសមប្រកបរហូតទេ ត្រូវចាប់ផ្ដើមពីខ្លួនឯងមុនដំបូងគេ។
ខ្ញុំបានផ្លាស់ប្ដូរការគិត ឈប់មានការខកចិត្តខ្លាំង ទោះលទ្ធផលមិនដូចការរំពឹងទុក ហើយនៅតែមានសង្ឃឹមបន្តការងារទៅមុខជានិច្ច។

17/06/2023

- កម្រងរូបភាពនៃការចូលរួមរបស់លោកគ្រូ Khim Sok Heng ក្នុងទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៦ ឆ្នាំ២០២៣ #ក្រោមប្រធានបទ “ TVET ផ្ដល់ជំនាញ និងការងារសមរម្យ”
📍 #ខ្លឹមសារនៃកម្មវិធី “ សារៈសំខាន់នៃជំនាញទន់នៅកន្លែងការងារ “
📍ទស្សនាការ Live : https://fb.watch/ldbrKQWzJp/

16/06/2023

#បៀបធៀបដើម្បីជាកម្លាំងចិត្តចិត្ត

ពីមុនខ្ញុំចូលចិត្តការប្រៀបធៀប ធ្លាប់សំឡឹងឃើញអ្នកដទៃហើយគិតថាហេតុអីបានជីវិតគេល្អម្លេះ មានសំណាង មានអ្វីដែលយើងមិនមាន ចង់បានអ្វីគឺបាននិង ហើយងាកមកតូចតិចនិងជីវិតខ្លួនឯង។ការប្រៀបធៀបបែបនេះវាបានត្រឹមតែខកចិត្ត ខូចចិត្តតែប៉ុណ្ណឹងទេ ហើយរំពឹងខុសទៀត។

ក្រោយបានស្ដាប់វីឌីអូលោកគ្រូ Khim Sok Heng លោកគ្រូមានប្រសាសន៍ថា"កុំយកជីវិតយើងទៅប្រៀបធៀបជាមួយអ្នកដទៃត្បិតអីមានអ្នកពិបាកជាងយើង និងស្រួលជាងយើង" ខ្ញុំបែបទម្លាប់ការគិតរបស់ខ្ញុំ ធ្វើឲ្យខ្ញុំមានអារម្មណ៍ធូរចិត្តព្រោះយើងគិតថាយើងពិបាក ក៏ប៉ុន្ដែនៅមានអ្នកដទៃផ្សេងទៀតពិបាកជាងយើងឆ្ងាយណាស់។ ហើយប្រឹងរៀន យើងសម្លឹងទៅមើលគោលដៅដែលយើងចង់ដើម្បីជាកម្លាំងចិត្ត ត្រូវទទួលស្គាល់អ្វីជាខ្លួនឯងរៀនរីករាយនូវអ្វីដែលយើងមាន ប្រឹងប្រែងខិតខំនូវអ្វីដែលអ្វីដែលយើងចង់បាន។

15/06/2023

#សាងអំពើល្អ
ខ្ញុំគិតថាពេលធ្វើល្អខ្ញុំនិងបានជួបមនុស្សល្អៗ ហើយពេលជួយអ្វីមួយដល់អ្នកដទៃខ្ញុំគិតថាគេនិងដឹងគុណ ប៉ុន្តែជាក់ស្ដែងការរំពឹងរបស់ខ្ញុំមិនបានដូចអ្វីដែលខ្ញុំគិតនោះទេ ពេលនោះខ្ញុំខកចិត្តហើយក៏ចង់បញ្ឈប់ធ្វើទង្វើល្អអ្វីទាំងអស់ ហើយគិតថាគេបែបណាមកកាន់ខ្ញុំ ខ្ញុំនិងបែបនោះវិញ ។
ប៉ុន្តែតាមរយះដែលខ្ញុំមានឱកាសមកហ្វឹកហាត់ខ្លួនឯងបន្ថែមនៅKSHនិងបាននៅក្បែរលោកគ្រូKhim Sok Hengលោកគ្រូតែងតែណែនាំនិងបង្ហាត់ខ្ញុំ ធ្វើអោយខ្ញុំយល់ថា បើយើងធ្វើល្អដើម្បីអោយគេមើលឃើញនោះ យើងមិនទាន់ជាមនុស្សល្អគ្រប់គ្រាន់នោះទេ ការធ្វើល្អទៅកាន់អ្នកដទៃគឺធ្វើដោយស្ម័គ្រចិត្តហើយសប្បាយនិងធ្វើទង្វើបែបនេះ ព្រោះយើងធ្វើល្អដើម្បីសេចក្ដីសុខផ្លូវចិត្ត និងគុណតម្លៃនៃការរស់នៅរបស់ខ្លួនឯង
ពីពេលនោះមកការគិតរបស់ខ្ញុំចាប់ផ្ដើមផ្លាស់ប្តូរ ហើយខ្ញុំបន្តធ្វើល្អដើម្បីក្ដីសុខខ្លួនឯង រស់នៅដោយមានគុណតម្លៃនៃជីវិតរបស់ខ្ញុំ ពេលនោះរឿងខកចិត្ត រឿងក្ដៅក្រហាយក៏មិនអាចមកនៅក្នុងចិត្តរបស់ខ្ញុំបានដែល សាកបើកចិត្តឲ្យស្រឡះយើងនឹងបានឃើញភាពស្រស់ស្អាតនៃពិភពលោក។

13/06/2023

#វិន័យគឺជាស្ពាន

ពីមុនខ្ញុំតែងយល់ថា ការមានវិន័យគឺសំដៅលើតែពេលវេលាមួយទេ ហើយឲ្យតែទៅរៀនឲ្យទាន់ពេលគឺយើងមានវិន័យល្អហើយ ។
តែក្រោយពេលខ្ញុំធ្វើការនៅ KSH Team នៅក្បែរលោកគ្រូ Khim Sok Hengខ្ញុំបានឃើញពាក្យរបស់លោកគ្រូលើកឡើងថា «វិន័យគឺជាស្ពានតភ្ជាប់រវាងក្ដីស្រមៃគោលដៅនិងអ្វីដែលយើងកំពុងមានបច្ចុប្បន្ន » ពាក្យនេះបានផ្សារភ្ជាប់ជាមួយនិងការបង្ហាញសកម្មភាពរបស់លោកគ្រូ ទើបខ្ញុំកាន់តែច្បាស់ យើងមានវិន័យគឺមិនមែនសំដៅលើតែពេលវេលាទេ គឺវិន័យក្នុងការគិត វិន័យមើលថែសុខភាព វិន័យក្នុងការរស់នៅស្អាត និងទម្លាប់ឥវិយាបទផ្សេងៗទៀត គឺសុទ្ធតែវិន័យដែលអាចជួយឲ្យសម្រាប់ក្ដីស្រមៃគោលដៅយើង និងជួយកិច្ចការងារបានល្អនៅពេលបច្ចុប្បន្ន។
ពិតជាអរគុណលោកគ្រូ ដែលជួយឲ្យខ្ញុំយល់ការកាន់តែច្បាស់ហើយខ្ញុំកំពុងបន្តអនុវត្តពាក្យនេះជាប្រចាំ។

10/06/2023

#ចិត្តទូលាយមិនងាយទើស

ពីមុនខ្ញុំជាមនុស្សម្នាក់ ងាយខឹង ឆាប់អន់ចិត្ត ប្រកាន់ច្រើន ហើយលួចតូចចិត្តតែម្នាក់ឯង ឥរិយាបថបែបនេះមិនបានធ្វើអោយខ្ញុំរីកចម្រើនទេ មានតែធ្វើអោយខ្ញុំបាត់បង់មិត្តភាពនិងឱកាសជាច្រើនទៀត។

ក្រោយពីបានស្គាល់លោកគ្រូ Khim Sok Heng មកធ្វើឲ្យខ្ញុំយល់កាន់តែច្បាស់ និងចេះរៀនសង្កេតនិងបានរៀនសូត្រពីភាពជាគំរូរបស់លោកគ្រូ។
ហើយខ្ញុំចាប់ផ្តើមផ្លាស់ប្តូរទម្លាប់មិនល្អនេះចេញ ដោយប្រែជាមនុស្សម្នាក់ដែលមានចិត្តទូលាយ មិនយកកំហឹងដាក់មុខ ឈប់យករឿងតិចតួចមកជាឧបសគ្គក្នុងដំណើរទៅមុនរបស់ខ្ញុំ ហើយព្យាយាមរៀនសូត្រពីមនុស្សជុំវិញខ្លួន។

08/06/2023

#មានខ្លួនឯងជាទីពឹង
កាលពីមុនខ្ញុំធ្លាប់តូចចិត្ត ប្រៀបធៀបហេតុអ្វីខ្លួនពិបាកម្លេះ ហើយតែងរំពឹងចង់បានម្លាំងចិត្តពីអ្នកដទៃ ធ្វើអ្វីមិនប្រឹងខ្លួនឯងទេ រំពឹងមានអ្នកជួយរហូត។

ថ្ងៃមួយខ្ញុំបានលឺពាក្យ «ធ្វើខ្លួនជាផ្កាឈូកដែលប្រឹងលូតចេញពីភក់ឱ្យផុតមក ដល់ពេលមួយអ្នកនឹងរីកឡើងជះភាពស្រស់ស្អាតរបស់អ្នកទៅកាន់ពិភពលោកនេះ» ឃ្លាលើកទឹកចិត្តនេះ ខ្ញុំបានលឺចេញវីដេអូមួយរបស់លោកគ្រូ Khim Sok Hengស្ដាប់ហើយធ្វើឲ្យខ្ញុំកាន់តែមានកម្លាំងចិត្ត មានក្ដីសង្ឃឹម អាចញញឹមក្នុងដំណើរតស៊ូក្នុងជីវិតបាន ហើយគិតថាខ្ញុំតែម្នាក់គត់ដែលជាម្ចាស់លើជីវិតមួយនេះ ដើរដួលទាល់តែខ្ញុំខ្លួនឯងត្រូវព្រម ប្រឹងក្រោកដោយទើបអាចដើរបន្តទៅមុខទៀតបានមិនអាចអង្គុយខកចិត្តព្រោះរំពឹងខុសរង់ចាំអោយគេមកជួយលើក ហើយអ្នកដទៃមិនមែនគេចិត្តអាក្រក់ទេ តែគេក៏មានកាតព្វកិច្ចដឹកនាំគ្រប់គ្រងជីវិតគេដូចគ្នា ។

07/06/2023

#លទ្ធផលបង្ហាញពីគំនិត

ពីមុនខ្ញុំពិតជាពិបាកក្នុងសម្រេចបាននូវលទ្ធផលកិច្ចអ្វីមួយបានល្អណាស់ ព្រោះមិនដឹងពីរបៀបចាប់ផ្ដើមធ្វើសកម្មភាពឲ្យត្រូវ ។ ទទួលស្គាល់ថានៅយើងមិនទាន់ចេះ អ្វីៗគឺមិនងាយស្រួលទេ មានតែយើងស្គាល់បុគ្គលដែលអាចជួយយើងបាន ទៅនាំយើងទទួលបានលទ្ធផលល្អ។

ក្រោយពេលដែរខ្ញុំបានមកធ្វើការជា KSH Team ជាមួយលោកគ្រូ Khim Sok Heng បានឃើញQuoteរបស់លោកគ្រូលោកលើកថា « លទ្ធផលបង្ហាញពីគំនិត គិតត្រូវ អនុត្តត្រូវ លទ្ធផលល្អ»
ពាក្យបានជួយបង្ហាញផ្លូវនៅពេលដែរខ្ញុំពិបាកចឹង ខ្ញុំក៏បានឆ្លុះមកខ្លួនថា តើខ្ញុំគិតត្រូវលើកិច្ចការដែលខ្ញុំកំពុងរឺនៅ ? ពេលនោះខ្ញុំក៏ផ្លាស់ប្ដូរទម្លាប់មិនល្អមួយចំនួនចេញដោយយកពាក្យលោកគ្រូមកប្រើ នៅពេលខ្ញុំចង់បានលទ្ធផលល្អអ្វីមួយ ខ្ញុំឆ្លុះលើការគិតត្រូវ និងការអនុវត្តត្រូវ ។ ទោះបីមកដល់ពេលនេះ មិនទទួលបានលទ្ធផលអស្ចារ្យក៏ខ្ញុំព្យាយាមយកពាក្យលោកគ្រូ មកអនុវត្តជាប្រចាំ។

06/06/2023

#ជីវិតសាមញ្ញ

ជីវិតជាការជ្រើសរើស យើងអាចរើសតាមរបៀបជាយើង រស់នៅសាមញ្ញ រៀនទម្លាប់ខ្លួនឱ្យមានចរិតល្អគិតរឿងល្អៗ ទម្លាក់ចោលមានៈ ទទួលស្គាល់ភាពខ្វះខាត ហើយកែលម្អខ្លួនជាប្រចាំ ។
រាល់ការលំបាកតស៊ូ ភាពហត់នឿយក្នុងពេលកំពុងហ្វឹកហាត់ នឹងក្លាយជា មេរៀន បទពិសោធន៍ ដ៏មានន័យនៅពេលដែលយើងឆ្លងផុតវិញ្ញាសារនេះ ។ នេះជាកម្លាំងចិត្តក្នុងការបន្តដំណើរជីវិត ដែលអាចរីករាយក្នុងពេលកំពុងប្រឹងប្រែង។

អរគុណលោកគ្រូKhim Sok Hengអរគុណបងៗ KSH Team ដែលបានជំរុញនិងគាំទ្រអោយខ្ញុំរៀនសូត្រ ឆ្លុះបញ្ចាំង និងកែលម្អខ្លួនឯង ទាំងរបៀបគិត របៀបនិយាយ របៀបអនុវត្ត ។

02/06/2023

21/05/2023

#មនុស្សស្អាតបំផុតនៅពេលដែលអ្នកឱបក្រសោបនូវអ្វីដែលជារបស់ខ្លួនឯងពិតប្រាកដ

កាលពីខ្ញុំមិនយល់ថាភាពស្អាតគឺសំដៅលើអ្វីខ្លះទេ ដឹងតែម៉្យាងគឺសំដៅលើតែរូបរាងខាងក្រៅតែប៉ុណឹង មិនបានគិតដល់អ្វីផ្សេងពីនិងឡើយ ។ ប្រាកដណាស់នៅពេលដែលខ្ញុំមិនទាន់មានការគិតមួយដែលត្រឹមត្រូវ ចិត្តនិងនាំកាយទៅធ្វើសកម្មភាពដែលមិនត្រូវ។

បន្ទាប់ពីខ្ញុំបានស្គាល់លោកគ្រូ Khim Sok Heng ហើយបានស្ដាប់នូវខ្លឹមសារវីដេអូជាច្រើន ដែលចែករំលែកក្នុង Mobile App របស់លោកគ្រូមក ធ្វើឲ្យខ្ញុំមានការយល់ឃើញត្រូវ ភាពស្អាតមិនមែនដោយសារសំបកខាងក្រៅនោះទេ គឺស្តែងចេញពី ទឹកចិត្តល្អ ដាំភាពស្មោះត្រង់ មានចំណេះដឹង រស់នៅគ្មានការលាក់លៀម និងមានទំនួលខុសត្រូវក្នុងជីវិត ដែលតែងតែបង្ហាញចេញមក ។
ជាលទ្ធផលធ្វើឲ្យខ្ញុំមានការគិតមួយដែលត្រឹមត្រូវ ហើយក៏សប្បាយចិត្ត ស្រឡាញ់ខ្លួនឯង និងប្រឹងបន្តអភិវឌ្ឍខ្លួនជាប្រចាំ ។

08/05/2023

តាមរយៈគំរូជីវិតរបស់លោកគ្រូ Khim Sok Hengបង្រៀនអោយខ្ញុំដឹងថា ក្នុងជីវភាពរស់នៅ ការងារ ត្រូវការស្មោះត្រង់ ការតស៊ូ ព្យាយាម អំណត់ អត់ធ្មត់ គ្រប់កាលៈទេសៈ។

ខ្ញុំតែងតែចងចាំ និងអនុវត្តក្នុងការរស់នៅ និងការងារប្រចាំថ្ងៃ ហើយផលជាវិជ្ជមានក៏ទទួលបានជាបន្តបន្ទាប់។

#អរគុណលោកគ្រូ_ឃីម_សុខហេង ❤️❤️🙏

🥰

07/05/2023

#ការគោរពឲ្យតម្លៃមនុស្សជុំវិញខ្លួនពិតជាសំខាន់សម្រាប់ខ្ញុំ

លោកគ្រូ Khim Sok Hengតែងតែផ្ដល់ការអប់រំដល់ខ្ញុំជីវិតរស់នៅប្រចាំថ្ញៃមានចំណេះដឹងជារឿងសំខាន់ តែក៏ត្រូវរស់នៅជាមួយគុណធម៌ ភាពទៀងត្រង់ និងការគោរពដល់អ្នកដទៃ។
អរគុណលោកគ្រូ🙏

06/05/2023

#នៅក្បែរលោកគ្រូធ្វើឲ្យខ្ញុំចេះស្រឡាញ់ខ្លួនឯង មិនទុកខ្លួនឯងចោល ចេះប្រឹងអភិវឌ្ឍសមត្ថភាព ចេះមើលថែសុខភាពខ្លួនឯង ប្រឹងរកចំណេះជំនាញឲ្យខ្លួនឯងជាប្រចាំ។

05/05/2023

#កម្ពុជាអស្ចារ្យ​
Amazing Cambodia❤️

02/05/2023

ធ្វើជាប្រភពនៃមនុស្សជុំវិញខ្លួន ពេលអ្នកញញឹមដាក់គេ គេនឹងញញឹមដាក់អ្នកវិញ ពិភពលោកនេះក៏ញញឹមជាមួយអ្នកដែរ🥰❤️