25/12/2024
BREAKING NEWS៖ ធ្លាក់យន្តហោះពីអាស៊ែបៃហ្សង់ទៅរុស្ស៊ីដឹកមនុស្ស៦៧នាក់
រុស្ស៊ី៖ យន្តហោះដឹកអ្នកដំណើរ Embraer ដែលហោះហើរពី ស៊ែបៃហ្សង់ ទៅកាន់ប្រទេសរុស្ស៊ី បានធ្លាក់នៅជិតទីក្រុង Aktau ក្នុងប្រទេសកាហ្សាក់ស្ថាននៅរសៀលថ្ងៃពុធនេះដោយមានអ្នកដំណើរ ៦៧ នាក់ និងនាវិក ៥ នាក់នៅលើយន្តហោះ អាជ្ញាធរកាហ្សាក់ស្ថានបានប្រកាសថា មនុស្ស ១២ នាក់បានរួចជីវិត។
តាមរយៈវីដេអូដែលថតបានដោយពលរដ្ឋនៅតំបន់ធ្លាក់បានបង្ហាញយន្តហោះកំពុងតែដាំក្បាលចុះមកក្រោម និងផ្ទះលាន់រំពងសម្លេងនៅជិតទីក្រុង Aktau ក្នុងប្រទេសកាហ្សាក់ស្ថានក្រោយមកមានផ្សែងខ្មៅអួលអាប់ពាសពេញអាកាស។ ភ្លាមៗអាជ្ញាធរក្នុងតំបន់បានបញ្ជូនអ្នកពន្លត់អគ្គិភ័យ និងពេទ្យទៅកាន់កន្លែងកើតហេតុដើម្បីធ្វើការសង្រ្គោះបន្ទាន់។
ក្រុមហ៊ុនអាកាសចរណ៍ អាស៊ែបៃហ្សង់ឲ្យដឹងថា យន្តហោះ Embraer 190 ដែលមានជើងហោះហើរលេខ J2-8243 បានកំពុងហោះហើរពីតំបន់ Baku នៃប្រទេសអាស៊ែបៃហ្សង់ទៅកាន់ Grozny រដ្ឋធានីនៃ Chechnya របស់រុស្ស៊ី ប៉ុន្តែត្រូវបានបង្ខំឱ្យចុះចតជាបន្ទាន់ក្រោយពីមានបញ្ហាវាយប្រហារដោយបក្សី ក៏ប៉ុន្តែមិនអាចចតទាន់ពេលវេលាក៏ដាំក្បាលចុះមកក្រោមផ្ទុះដាច់ជាពីរកំណាត់។ មន្រ្តីជំនាញសន្និដ្ឋានថាមនុស្សក្នុងយន្តហោះដែលបានធ្លាក់អាចនឹងស្លាប់បាត់បង់ជីវិតដោយបច្ចុប្បន្ននេះមាន១២នាក់ត្រូវបានជួយសង្រ្គោះ៕ REUTERS
