សំបូរ កាក់នីកា - Sambo Kaknika

06/01/2025

#បញ្ហាមួយមេរៀនមួយ

គ្រប់បញ្ហាដែលបានកើតឡើងក្នុងជីវិតនេះសុទ្ធតែជាមេរៀន បើយើងហ៊ានបើកចិត្តទទួលដោយមិនរត់គេច។ ក្លាហានក្នុងការប្រឈមមុខជាមួយបញ្ហា នោះអ្នកនឹងដឹងថាខ្លួនឯងពូកែប៉ុណ្ណា ខ្លួនឯងរឹងមាំខ្លាំងកម្រិតណា។

02/01/2025

ពេលដែលអ្នកស្លាប់ អ្នកគិតថាគេនឹងស្តាយមែនទេ?
ពេលអ្នកស្លាប់ អ្នកគិតថាគេនឹងយំស្រណោះអ្នកមែនទេ?
ពេលដែលអ្នកស្លាប់ អ្នកគិតថាគេនឹងមានវិប្បដិសារីមែនទេ?

បើអ្នកស្លាប់ដោយសារតែចង់ឱ្យគេមានអារម្មណ៍បែបហ្នឹង ខ្ញុំចង់ប្រាប់ថាអ្នកគិតខុសហើយ។ ពេលដែលអ្នកនៅរស់ គេដាច់ចិត្តទៅចោលអ្នកដោយគ្មានស្តាយស្រណោះផង ចុះទម្រាំអ្នកស្លាប់បាត់នោះ។

បើសិនគេនៅមានចិត្តសន្តោស គេប្រហែលជាអាចពិបាកចិត្តខ្លះ ដែលបាត់បង់មនុស្សដែលធ្លាប់ស្រលាញ់។ ប៉ុន្តែបើគេគ្មានចិត្ត គ្មានបេះដូង នោះគេនឹងកាន់តែមើលងាយអ្នកលើសដើម។

បើគេចង់ចាកចេញហើយ ក៏បណ្តោយឱ្យគេទៅចុះ កុំយកការស្លាប់មកហាមឃាត់គេអី។ គេបោះបង់អ្នកហើយ ចុះហេតុអី អ្នកចង់បោះបង់ខ្លួនឯងដែរ? រៀនស្រលាញ់ខ្លួនឯងឱ្យច្រើន រៀនផ្តល់តម្លៃខ្លួនឯងឱ្យច្រើន យូរឬឆាប់អ្នកច្បាស់ជាបានជួបមនុស្សដែលស្រលាញ់ និងបារម្ភពិតប្រាកដ។

31/12/2024

រស់ជាខ្លួនឯង ធ្វើអ្វីដែលជាខ្លួនឯង ដោយមិនចាំបាច់សម្តែង ទាមទារចំណាប់អារម្មណ៍ពីអ្នកផ្សេង ឱ្យមកស្រលាញ់ចូលចិត្តវាជារឿងល្អហើយ ប៉ុន្តែកុំភ្លេចថា យើងត្រូវរស់នៅក្នុងសង្គមជាមួយមនុស្សជាច្រើន មិនមែនរស់នៅតែម្នាក់ឯងទេ។

ពេលខ្លះ ក៏ត្រូវយកមតិរិះគន់ពីអ្នកផ្សេង ដើម្បីមកកែប្រែខ្លួនឯងឲ្យល្អដែរ។ ព្រោះមិនប្រាកដថាអ្វីដែលយើងបានធ្វើ សុទ្ធតែត្រូវទាំងអស់ អត់មានចន្លោះខ្វះខាតនោះទេ។

ត្រូវចេះបើកចិត្ត បើកបេះដូង ទទួលស្តាប់អ្នកផ្សេងខ្លះ ពាក្យណាដែលគេនិយាយក្នុងន័យឱ្យយើងបានល្អជាងមុនក៏ទទួលទុក ចំណែកពាក្យណាដែលយល់ថាមិនល្អក៏បំភ្លេចចោល។ ត្រូវចាំថាមនុស្សដែលនៅជុំវិញខ្លួនយើង ប្រៀបដូចជាកញ្ចក់អ៊ីចឹង។

30/12/2024

យើងគ្រាន់តែជាមនុស្សធម្មតា គ្មានសមត្ថភាពពិសេសឯណា ហាមអ្នកដទៃមិនឲ្យនិយាយអាក្រក់ ឬគិតអាក្រក់ពីយើងទេ។

ប៉ុន្តែយើងខ្លួនឯង គឺមានសមត្ថភាពគ្រប់គ្រាន់ក្នុងការគ្រប់គ្រងចិត្តកុំឱ្យនឹក កុំឱ្យគិតដល់សម្តីមិនល្អ ដែលអ្នកដទៃបាននិយាយមកកាន់យើងបាន។

មិនមែនរាល់ពាក្យដែលអ្នកដទៃនិយាយសុទ្ធតែល្អ អាចយកទុកក្នុងចិត្តបានទាំងអស់ទេ។ ពាក្យខ្លះឮហើយធ្វើឱ្យសប្បាយចិត្ត ឯពាក្យខ្លះឮហើយអាចធ្វើឲ្យយើងបាក់ទឹកចិត្តក៏មាន។

27/12/2024

កាត់បន្ថយការរំពឹងទុកបានច្រើនប៉ុណ្ណា អ្នកក៏រីករាយបានច្រើនប៉ុណ្ណឹងដូចគ្នា។ ព្រោះគ្រប់គ្នាសុទ្ធតែដឹង ការគិត និងការពិតដែលកើតឡើងចំពោះមុខ មិនដែលបានល្អដូចដែលយើងចង់បានទេ។

ត្បិតថាយើងមិនអាចហាមឃាត់ មិនឱ្យបញ្ហាកើតឡើងបានមែន ប៉ុន្តែយើងអាចគ្រប់គ្រងចិត្ត គ្រប់គ្រងការរំពឹងទុករបស់ខ្លួនឯងបាន។ ហេតុនេះរៀនកាត់បន្ថយការរំពឹងទុក ហើយទទួលស្គាល់ការពិត នោះជីវិតនឹងមានក្តីសុខច្រើនជាងមុន។

26/12/2024

នៅលើលោកនេះ គឺគ្មានពេលវេលាដ៏ល្អឥតខ្ចោះនោះទេ បើសិនជាចង់រង់ចាំឱ្យគ្រប់យ៉ាងល្អឥតខ្ចោះ ទើបចាប់ផ្តើម នោះប្រហែលជាមិនបានធ្វើអ្វីថ្មីសម្រាប់ខ្លួនឯងឡើយ ហើយក៏ប្រហែលជាអាចបាត់បង់ឱកាសល្អៗជាច្រើនទៀតផង។

រាល់ចំណុចចាប់ផ្តើមទាំងប៉ុន្មាន គ្មានឡើយពាក្យថាល្អឥតខ្ចោះ វាតែងតែមានកំហុស តែងតែមានបញ្ហា និងមានឧបសគ្គជាច្រើនមករារាំងផ្លូវជានិច្ច។ ប៉ុន្តែសូមកុំឱ្យបញ្ហាទាំងនោះបង្អាក់ដំណើរបានឱ្យសោះ។

ហេតុនេះ គួរសាកល្បងចាប់ផ្តើមធ្វើរឿងថ្មីៗពីតូចៗទៅ ឈានដើរម្តងមួយជំហានៗ កុំខ្លាចក្នុងការបង្កើតកំហុស បើគ្មានខុស ក៏រកត្រូវមិនឃើញដែរ។ កុំរង់ចាំដល់មានឱកាសល្អ ព្រោះពេលវេលាមិនរង់ចាំមនុស្សទេ។

19/12/2024

នែ៎! អ្នកណាស្ត្រេសតោង មកអានរឿងនេះមក អានចប់ជ្រុះស្ត្រេសអស់ហ្មង ☺️🩷

អ្នកកក់សៀវភៅ “កូនពៅឆ្នាសប៉ះបងធំកំពូលឌឺ” អាចមកយកឈុតកក់នៅស្ដង់ B98-99 បាន 😘

អ្នកនិពន្ធនៅស្រាប់ ចុះហត្ថលេខាឱ្យភ្លាមៗ 🤩
មានថែមប្រតិទិនឆ្នាំ២០២៥ និងបង់បិតដំបៅ (ក្រែងសើចខ្លាំងពេក ដាច់មាត់ 😝)

មកលឿនៗមក ខ្លាចគេយកអស់ 🥹

11/12/2024

មេរៀនជីវិតដែលខ្ញុំទទួលបានក្នុងឆ្នាំ ២០២៤

☘️ បើអាចត្រូវកាត់ផ្តាច់ ឬនៅឱ្យឆ្ងាយពីមនុស្សដែលមិនឱ្យតម្លៃយើង
☘️ លុយសំខាន់ ប៉ុន្តែសុខភាពក៏សំខាន់ដែរ ហេតុនេះត្រូវផ្តល់ពេលឱ្យខ្លួនឯងបានសម្រាកខ្លះ
☘️ ទោះរវល់យ៉ាងណាក៏ដោយ ប៉ុន្តែកុំភ្លេចផ្តល់ពេលវេលាឱ្យគ្រួសារឱ្យបានច្រើនតាមដែលអាចធ្វើបាន
☘️ ថែរក្សាមនុស្សល្អដែលនៅចំពោះមុខ ព្រោះយើងមិនអាចមានសំណាងបានជួបមនុស្សល្អរហូតទេ
☘️ ត្រូវស្មោះត្រង់ កុំកុហកបោកប្រាស កុំកេងប្រវ័ញ្ច ព្រោះកម្មពារមានពិត ហើយនៅជិតៗយើងហ្នឹងឯង
☘️ ត្រូវចេះមើលថែ និងស្រលាញ់ខ្លួនឯងឱ្យបានច្រើន ព្រោះមានតែក្តីស្រលាញ់ដែលយើងមានឱ្យខ្លួនឯងទេទើបស្ថិតស្ថេរ
☘️ កុំលោភលន់ពេក ត្រូវចេះស្កប់ស្កល់ ព្រោះនៅថ្ងៃចុងក្រោយនៃជីវិតយើង សូម្បីតែឆ្អឹងខ្លួនឯងក៏យើងមិនអាចយកទៅបានដែរ
☘️ ពេលវេលាមិនចាំមនុស្សទេ ហេតុនេះមានរឿងអ្វីចង់ធ្វើ មានអ្វីចង់ចាប់ផ្តើម ក៏ធ្វើភ្លាមៗទៅ ខុសឬត្រូវចាំគិតតាមក្រោយទៀត
☘️ រៀនទទួលស្គាល់ការពិតថា ដំណើរជីវិតនេះមានមនុស្សចេញចូលច្រើនណាស់ គ្មានអ្នកណាអាចនៅជាមួយយើងរហូតទេ ហេតុនេះត្រូវចេះដោះលែង

𝗛𝗲𝗿𝗲 𝗶𝘀 𝘄𝗵𝗮𝘁 𝗜'𝘃𝗲 𝗹𝗲𝗮𝗿𝗻𝗲𝗱 𝗳𝗿𝗼𝗺 𝘁𝗵𝗶𝘀 𝘆𝗲𝗮𝗿 𝗮𝗻𝗱 𝗶𝘁'𝘀 𝘆𝗼𝘂𝗿 𝘁𝘂𝗿𝗻 𝗻𝗼𝘄 🥰

10/12/2024

ដំណើរជីវិតតែងមានឡើងមានចុះ ដូចនេះត្រូវចេះទទួលយក និងចេះដោះលែង☘️

05/12/2024

ធ្វើជាមនុស្សកុំចិត្តល្អពេក ហើយក៏កុំចិត្តអាក្រក់ពេក....

អ្វីដែលចែកបាន អ្វីដែលអាចរំលែកបាន ក៏រំលែកទៅកុំចង់រស់តែម្នាក់ឯង អ្នកផ្សេងក៏គេត្រូវការរស់ដូចគ្នា ព្រោះនៅពេលដែលស្លាប់ទៅវិញ សូម្បីតែឆ្អឹងខ្លួនឯងក៏យើងមិនអាចយកទៅតាមបានដែរ។

28/10/2024

ស្នេហាមិនមែនជាជម្រើសទី១ ហើយស្នេហាក៏មិនមែនជារឿងដែលសំខាន់បំផុតក្នុងជីវិតដែរ ប៉ុន្តែអ្វីដែលសំខាន់ជាងគេ គឺចំណេះដឹង។ មិនថាជាមនុស្សប្រុស ឬជាមនុស្សស្រីទេ ដាច់ខាតត្រូវតែចំណេះនៅក្នុងខ្លួន ទោះតិចឬច្រើនក៏ដោយ។

គ្រាន់តែថា បើយើងមានចំណេះច្រើន នោះគំនិតរបស់យើង ក៏ដុះកើនទៅតាមហ្នឹងដូចគ្នា ហើយយើងក៏អាចនឹងមានឱកាស មានលទ្ធភាពធ្វើរឿងជាច្រើនសម្រាប់ខ្លួនឯង និងមនុស្សជុំវិញខ្លួន។

ការពិតទៅ ស្នេហាយើងអាចដាក់វានៅជម្រើសទី២ ឬជម្រើសទី៣ទៅតាមស្ថានភាពជីវិតរបស់យើងម្នាក់ៗជាក់ស្តែង ព្រោះគ្រប់គ្នាច្បាស់ណាស់ថានឹងត្រូវមានស្នេហា និងត្រូវមានគ្រួសារ។

27/10/2024

អ្នកនឹងមានក្តីសុខជាងមុននៅពេលដែល...

អ្នកចេះផ្តល់តម្លៃ និងផ្តល់ក្តីស្រឡាញ់ឱ្យខ្លួនឯង។
អ្នកលែងទាមទារ និងលែងរង់ចាំក្តីស្រលាញ់ពីអ្នកផ្សេង។
អ្នកនឹងកាន់តែមានក្តីសុខខ្លាំងជាងហ្នឹងទៅទៀត នៅពេលដែលអ្នកលែងយកខ្លួនឯងទៅប្រៀបធៀបជាមួយអ្នកដទៃ។

ការពិតទៅ គ្មានអ្នកណាល្អជាងអ្នកណាទេ ប៉ុន្តែមកពីយើងខ្លួនឯងប៉ុណ្ណោះ ដែលតែងតែឲ្យតម្លៃអ្នកដទៃច្រើនជាងឲ្យតម្លៃខ្លួនឯង។

17/10/2024

Born to be an introvert តែធ្វើការកាន់សុទ្ធតែ Sale & Marketing
😌😌

11/10/2024

𝐈𝐭'𝐬 𝐨𝐤𝐚𝐲 𝐭𝐨 𝐬𝐭𝐚𝐧𝐝 𝐚𝐥𝐨𝐧𝐞

វាមិនមានបញ្ហាអ្វីនោះទេ ក្នុងការដែលរស់នៅម្នាក់ឯង ព្រោះពេលយើងកើតមកពីពោះម្តាយ ក៏យើងកើតមកតែម្នាក់ឯងដូចគ្នា។ គ្រប់គ្នាសុទ្ធតែអាចប្រែប្រួល គ្រាន់តែយូរឬឆាប់ប៉ុណ្ណោះ។

ដូចនេះសូមកុំរំពឹងថា គ្រប់គ្នានឹងស្រឡាញ់អ្នក នៅក្បែរអ្នក ចាំជួយអ្នកបានគ្រប់ពេល។ ត្រូវរៀនសម្របខ្លួនរស់នៅជាមួយខ្លួនឯងឱ្យបានល្អ នោះអ្នកដឹងថា ខ្លួនឯងរឹងមាំកម្រិតណា។ ព្រោះគង់មានថ្ងៃពួកគេនឹងដើរចេញពីអ្នកម្តងមួយៗ ហើយចុងក្រោយនឹងមានតែអ្នកទេដែលនៅជាមួយខ្លួនឯង។

21/08/2024

បើគេពូកែជាង

បើគេល្អជាង បើគេពូកែជាង មិនមែនត្រូវទៅខឹង ស្អប់គេនោះទេ ព្រោះអ្វីដែលគេមាន គឺជាសមិទ្ធផលនៃការខិតខំប្រឹងប្រែង ការលះបង់ទាំងកម្លាំង និងពេលវេលាទាំងអស់ មិនមែនសុខៗគេមានអ្វីគ្រប់យ៉ាងដោយគ្មានការខំប្រឹងឡើយ។

ជាជាងខឹង ឬច្រណែនគេ គួរណាស់យកពេលមកអភិវឌ្ឍសមត្ថភាពខ្លួនឯងឱ្យខ្លាំងជាងមុន។ លទ្ធផលដែលអ្នកទទួលបាន គឺស្តែងចេញពីការខំប្រឹងរបស់អ្នកទាំងអស់។

01/08/2024

នៅកន្លែងដែលមនុស្សម្នាក់កំពុងឈរ គឺមានតែគេម្នាក់គត់ដែលដឹងច្បាស់ពីភាពហត់នឿយ ការលំបាកដែលត្រូវជួប និងបញ្ហាដែលត្រូវប្រឈម។ បើយើងមិនបានឈរនៅកន្លែងដែលគេឈរទេ គប្បីកុំវិនិច្ឆ័យ វាយតម្លៃ ឬកាត់ក្តីក្នុងន័យមើលស្រាលគេធ្វើអ្វី។
គប្បីស្តាប់គ្នាដោយបើកចិត្ត ហើយព្រមទទួលស្គាល់ថាកិច្ចការនីមួយៗមានភាពពិបាករៀងៗខ្លួន។

គ្រប់គ្នាសុទ្ធតែហត់នឿយដូចគ្នា ទោះបីជាការងារនោះប្រើខួរក្បាលឬប្រើកម្លាំងក៏ដោយ។ ទោះយើងឈរនៅកន្លែងផ្សេងគ្នា ឆ្លងកាត់បញ្ហាខុសគ្នា មានបទពិសោធន៍ផ្សេងគ្នា តែយើងអាចយល់ពីគ្នា ផ្តល់កម្លាំងចិត្តឱ្យគ្នា បើយើងឈប់ប្រៀបធៀបហើយឱ្យតម្លៃកិច្ចការនីមួយៗស្មើៗគ្នា៕

📍ដកស្រង់ចេញពីសៀវភៅ ធ្វើជាមនុស្សធំម្នាក់
🌱ស្នាដៃរបស់បងប្រុស កែវ សេងរដ្ឋា