15/12/2022
#ភ្នំពេញ. ព័ត៌មានទាន់ហេតុការណ៍
គ្រាប់បែកដែលជនមិនស្គាល់មុខបានយកមកបង្កៃនៅមុខណាហ្គារវើលត្រូវបានអាជ្ញាធ័រសុីម៉ាក់កំទេចនៅមុននេះបន្តិច៕
គ្រាប់បែកបង្កៃ ១គ្រាប់ ត្រូវបានអ្នកថែសួនប្រទះឃើញដាក់ជាប់ជាមួយនំខេក នៅលើផ្លូវរដ្ឋសភា មុខក្រុមហ៊ុនណាហ្គាវើល២ ស្ថិតក្នុងភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ បង្កការភ្ញាក់ផ្អើលនៅវេលាម៉ោងជាង ៦ព្រឹក ថ្ងៃទី ១៥ ខែ ធ្នូ ឆ្នាំ ២០២២ នេះ ។
បើតាមសម្ដីបុរសម្នាក់ឈ្មោះ ហេង ស៊ីលាភ មុខរបររត់តាក់ស៊ី បានប្រាប់ឱ្យដឹងថា៖ នៅម៉ោងប្រហែល ៦:១០នាទី មាននារីកម្មករអនាម័យថែសួនម្នាក់ បានមកប្រាប់គាត់ថា៖ ពូ ! ជួយទៅមើលបន្តិចមើល ! មានដែកស្អីមូលៗជាប់នំខេក នៅលើផ្លូវ ឥឡូវខ្ញុំយកទៅដាក់លើលើសួនច្បារហើយ ។ ពេលខ្ញុំទៅដល់ស្គាល់ច្បាស់ថាគ្រាប់បែក។ ខ្ញុំក៏បានរាយការណ៍ជូនសន្តិសុខណាហ្គាវើល រួចរាយការណ៍មកសមត្ថកិច្ច ។
តាមសម្ដីនារីម្នាក់ (មិនស្គាល់) បាននិយាយថា៖ នៅម៉ោងប្រហែលជាង ២រំលងអធ្រាត្រ មានយុវជន ២នាក់ ជិះម៉ូតូមកក្បែរសួនច្បារមុខរដ្ឋសភា និងសួរគ្នាថា៖ យកដាក់កន្លែងណា ? ម្នាក់ទៀតឆ្លើយថា៖ យកដាក់ចំពីមុខតែម្ដងទៅមួយសន្ទុះ ពួកគាត់ជិះម៉ូតូចេញទៅវិញ (គាត់មិនចាប់អារម្មណ៍) ៕
