គណបក្សប្រជាជនកម្ពុជា ស្រុកចំការលើ ខេត្តកំពង់ចាម

18/05/2024

អបអរសាទរពិធីបេីកយុទ្ធនាការឃោសនាបោះឆ្នោតក្រុមប្រឹក្សាខេត្ត​ ក្រុង​ ស្រុក​ អាណត្តិទី៤​

នៅព្រឹកថ្ងៃទី១៧ ខែឧសភា ឆ្នាំ២០២៤ លោកបណ្ឌិត សំ ពិសិដ្ឋ ប្រធានគណៈកម្មាធិការគណបក្សប្រជាជនកម្ពុជា ស្រុកចំការលើ និងសហការី បានអញ្ជើញចូលរួមក្នុងពិធីប្រកាសបើកយុទ្ធនាការឃោសនាបោះឆ្នោតជ្រើសរើសក្រុមប្រឹក្សា ខេត្ត ក្រុង ស្រុក អាណត្តិទី៤ ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់ ឯកឧត្តមសន្តិបណ្ឌិត នេត សាវឿន សមាជិកគណៈអចិន្ត្រៃយ៍ គណបក្សប្រជាជនកម្ពុជា ប្រធានក្រុមការងារគណបក្សចុះមូលដ្ឋានខេត្តកំពង់ចាម និងឯកឧត្តម អ៊ុច បូររិទ្ធ សមាជិកគណៈអចិន្ត្រៃយ៍គណបក្សប្រជាជនកម្ពុជា អនុប្រធានក្រុមការងារគណបក្សចុះមូលដ្ឋានខេត្តកំពង់ចាម នៅលើទីធ្លាសួនស្មៅខាងមុខសាលាខេត្តកំពង់ចាម ។

04/05/2024

នៅថ្ងៃទី ៤ ខែឧសភា ឆ្នាំ ២០២៤ លោក បណ្ឌិត សំ ពិសិដ្ឋ ប្រធានណៈកម្មាធិការគណបក្សស្រុកចំការលើ និងលោក កុយ សាវុធ អនុប្រធានគណៈកម្មាធិការគណបក្សស្រុក បានអញ្ជើញចូលរួមកិច្ចប្រជុំតាមដានវាយតម្លៃលើផែនការកំណត់ចំនួនអាសនៈក្រុមប្រឹក្សាខេត្ត ក្រុមប្រឹក្សាក្រុង-ស្រុក និងការជម្រុញចំនួនអាសនៈដែលកើន រួមនឹងការដាក់ចេញនូវផែនការមួយចំនួនសម្រាប់អនុវត្តបន្ត ក្រោមអធិបតីភាពឯកឧត្តម អ៊ុន ចាន់ដា ប្រធានគណៈកម្មាធិការគណបក្សខេត្តកំពង់ចាម នៅមន្ទីរគណបក្សខេត្តកំពង់ចាម ។

14/01/2024

ឃុំតាអុង, ១៣ មករា ២០២៤
អបអរសាទរ ខួបទី៤៥ឆ្នាំ នៃថ្ងៃជ័យជម្នះ៧ មករា (៧ មករា ១៩៧៩ - ២០២៤)

12/11/2023

ឃុំល្វាលើឯកឧត្ដម​ សុក​ ផេង​ បានអញ្ជេីញជាអធិបតីក្នុងកិច្ចប្រជុំបូកសរុបលទ្ធផលការងារគណបក្សឃុំ​ប្រចាំខែតុលា ឆ្នាំ២០២៣

នៅព្រឹកថ្ងៃអាទិត្យ ទី១២ ខែវិច្ឆិកា ឆ្នាំ២០២៣ ឯកឧត្ដម​ សុក​ ផេង​ រដ្ឋលេខាធិការ​ទីស្តីការគណៈរដ្ឋមន្ត្រី​ និងជាប្រធានក្រុមការងារគណបក្សចុះមូលដ្ឋានឃុំល្វាលេី​ បានអញ្ជេីញដឹកនាំក្រុមការងារចុះធ្វេីសកម្មភាពរួមមាន៖
១-ឯកឧត្ដម​ប្រធាន​ បានអញ្ជេីញជាអធិបតីក្នុងកិច្ចប្រជុំបូកសរុបលទ្ធផលការងារគណបក្សឃុំ​ប្រចាំខែតុលា ឆ្នាំ២០២៣ និងលេីកទិសដៅអនុវត្តបន្ត​ នៅស្នាក់ការគណបក្សឃុំល្វាលេី​ ដោយមានការចូលរួម​ពីឯកឧត្ដម​ លោក​ លោកស្រី​ ក្រុមការងារ​គណបក្ស​ចុះមូលដ្ឋានឃុំ​ ទទួលបន្ទុកភូមិ​ ព្រមទាំងក្រុមការងារ​គណបក្ស​ថ្នាក់​ស្រុក​ ក្រុមការងារ​គណបក្ស​ឃុំ​ សាខាបក្សភូមិ​ និងយុវជន​ឃុំ​ សរុប​ ៣៩នាក់​ ស្រី​ ០៨នាក់​។

នាឱកាសនោះដែរឯកឧត្ដម​ និងក្រុមការងារ​ បានអញ្ជើញ​ចុះទៅចូលរួមរំលែកទុក្ខសពលោក​ ម៉ាន់​ អូក​ ភេទប្រុស​ អាយុ​ ៧៤ឆ្នាំ​ នៅភូមិ​បី​ ដែលបានស្លាប់នៅថ្ងៃទី០៨​ ខែវិច្ឆិកា​ ឆ្នាំ​២០២៣​ ត្រូវជាឪពុកបង្កេីតលោក​ ស្រ៊ុន​ វាសនា​ សមាជិកក្រុមការងារ​ចុះមូលដ្ឋានឃុំល្វាលេី​ ក្នុងនោះ​ ឯកឧត្ដម​បាននាំយកថវិកាមូលនិធិក្រុមការងារចំនួន​ ៥០០,០០០រៀល​ និងលិខិតចូលរួមរំលែកទុក្ខ០១ច្បាប់​ផងដែរ។

ឯកឧត្ដម សុក ផេង និងក្រុមការងារបានបន្តចុះសួរសុខទុក្ខ
លោក ស៊ឹម គៀន អតីត:យុទ្ធជនកំពុងមានជម្ងឺសម្រាកព្យាបាលនៅផ្ទះ ស្ថិតនៅភូមិក្រឡែងលិច ឃុំល្វាលើ និងបានឧបត្ថម្ភថវិកាចំនួន ២០០ ០០០រៀលផងដែរ៕

17/09/2023

ឯកឧត្តម សុក ផេង និងឯកឧត្តម ឯល វ៉ាន់សារ៉ាត់ អញ្ជើញបើកកិច្ចប្រជុំបូកសរុបលទ្ធផលរបាយការណ៍សកម្មភាពការងារប្រចាំខែសីហា ឆ្នាំ២០២៣

ព្រឹកថ្ងៃទី១៧ ខែកញ្ញា ឆ្នាំ២០២៣ នៅស្នាក់ការបក្សឃុំល្វាលើ បានបើកកិច្ចប្រជុំបូកសរុបលទ្ធផលរបាយការណ៍សកម្មភាពការងារប្រចាំខែសីហា ឆ្នាំ២០២៣ ក្រោមអធិបតីភាព ឯកឧត្តម សុក ផេង រដ្ឋលេខាធិការទីស្តីការគណៈរដ្ឋមន្ត្រី ជាប្រធានក្រុមការងារចុះជួយមូលដ្ឋានឃុំល្វាលើ និងឯកឧត្តម ឯល វ៉ាន់សារ៉ាត់ រដ្ឋលេខាធិការក្រសួងការពារជាតិ ជាអនុប្រធានក្រុមការងារគណបក្សចុះមូលដ្ឋានស្រុកចំការលើ និងជាប្រធានកិត្តិយស ចុះមូលដ្ឋានឃុំល្វាលើ។

ដោយមានការចូលរួមពីក្រុមការងារថ្នាក់កណ្តាល,លោក លោកស្រី ក្រុមការងារថ្នាក់ស្រុក, លោក លោកស្រីសាខាបក្សឃុំ,លោក លោកស្រីសាខាបក្សភូមិទាំង៧ភូមិ,យុវជនឃុំ,លោក លោកស្រីមណ្ឌលសុខភាពឃុំ, លោក លោកស្រី នាយក នាយិកាសាលាទាំង៤៕

19/08/2023

ឯកឧត្តម សុក ផេង និងក្រុមការងារ បានអញ្ជើញចូលរួមក្នុងពិធីជួបសំណេះសំណាល ពិសាអាហារសាមគ្គី ថ្លែងអំណរគុណចំពោះជាម្ចាស់ឆ្នោតនៅភូមក្បាលហុងថ្មី
================

ថ្ងៃសៅរ៍៣កើត ខែស្រាព ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៩ ខែសីហាឆ្នាំ ២០២៣ ឯកឧត្តម សុក ផេង រដ្ឋលេខាធិការទីស្ដីការគណៈរដ្ឋមន្ត្រី ជាប្រធានក្រុមការងារគណបក្សចុះមូលដ្ឋានឃុំល្វាលើ អមដំណើរដោយ ឯកឧត្តម មៀច សំអ៊ាន់ អនុប្រធានក្រុមការងារគណបក្សចុះមូលដ្ឋានឃុំល្វាលើ ជាប្រធានក្រុមការងារគណបក្សចុះជួយភូមិក្បាលហុងថ្មី លោកកេត កែវអមតៈ អនុប្រធានក្រុមការងារគណបក្សចុះជួយភូមិបានហុងថ្មី លោក នូ វិរៈ អនុប្រធានក្រុមការងារគណបក្សស្រុកចុះជួយភូមិក្បាលហុងថ្មី រួមនឹង គណៈកម្មាធិការគណបក្សឃុំសាខាបក្សភូមិ បានអញ្ជើញចូលរួមក្នុងពិធីជួបសំណេះ
សំណាល និងពិសាអាហារសាមគ្គី ដើម្បីថ្លែងអំណរគុណចំពោះ សមាជិក សមាជិកាគណបក្សប្រជាជនកម្ពុជា ជាម្ចាស់ឆ្នោត ដែលបានចូលរួមបោះឆ្នោត ជ្រើសតាំងតំណាងរាស្ត្រនីតិកាលទី៧ នាថ្ងៃទី ២៣ ខែកក្កដា ឆ្នាំ២០២៣ កន្លងមកនេះនៅភូមិក្បាលហុងថ្មី ឃុំល្វាលើ ស្រុកចំការលើ ខេត្តកំពង់ចាម ក្នុងកម្មវីធីនេះមានបងប្អូនប្រជាពលរដ្ឋក្នុងភូមិចូលរួម សរុបចំនួន៣៧៨ នាក់ស្រី២២៥នាក់។

កម្មវិធីនេះមានការពិសាអាហារសាមគ្គីក្រោមការឧបត្ថម្ភថវិកា មូលនិធិឯកឧត្តម ហ៊ុន ម៉ានិត ប្រធានក្រុមការងារគណបក្សចុះមូលដ្ឋានស្រុកចំការលើ ចំនួន២,០០០,០០០រៀល លោក នូ វីរ: ថវិកាចំនួន១០០,០០០រៀលគណបក្សឃុំស្រាបៀរកម្ពុជាចំនួន៣កេស៕

12/08/2023

ឯកឧត្តម សុក ផេង បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារគណបក្សប្រចាំខែកក្កដា និងចូលរួមពិសារអាហារសាមគ្គី អរគុណម្ចាស់ឆ្នោត

នៅព្រឹកថ្ងៃទី១២ ខែសីហា ឆ្នាំ២០២៣ ឯកឧត្តម សុក ផេង រដ្ឋលេខាធិការទីស្តីការគណៈរដ្ឋមន្ត្រី និងជាប្រធានក្រុមការងារគណបក្សចុះមូលដ្ឋានឃុំល្វាលើ បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារគណបក្សប្រចាំខែកក្កដា ឆ្នាំ២០២៣ សមាសភាពចូលរួម៖ ឯកឧត្តម លោក លោកស្រីក្រុមការងារងារគណបក្សចុះមូលដ្ឋានឃុំ លោក លោកស្រី ក្រុមការងារថ្នាក់ស្រុកចុះមូលដ្ឋានឃុំ ក្រុមការងារគណបក្សឃុំ និងសាខាបក្សភូមិសរុប ២៦នាក់ ស្រី ០៦នាក់ នៅស្នាក់ការគណបក្សឃុំល្វាលើ។

ក្នុងនោះដែរឯកឧត្តម សុក ផេង បានប្រគល់ជូននូវថវិការង្វាន់លើកទឹកចិត្តដល់គណបក្សឃុំចំនួន ១,២៥០ដុល្លារ សាខាបក្សភូមិទាំង៧ ក្នុងមួយភូមិទទួលបាន ៥០០ដុល្លារ សរុប ៤,៧៥០ដុល្លារ ជាថវិកាមូលនិធិក្រុមការងារឯកឧត្តម
ហ៊ុន ម៉ានិត ប្រធានក្រុមការងារគណបក្សចុះមូលដ្ឋានស្រុកចំការលើ-ស្ទឹងត្រង់ ដើម្បីយកទៅរៀបចំពិធីជប់លៀងជូនសមាជិក សមាជិកា ដែលបានអញ្ជើញទៅបោះឆ្នោតជ្រើសរើសតំណាង រាស្ត្រនីតិកាលទី៧ ឆ្នាំ២០២៣ កាលពីថ្ងៃទី២៣ ខែកក្កដា ឆ្នាំ២០២៣ កន្លងមក៕

31/07/2023

ឯកឧត្ដម សុក ផេង និងលោកជំទាវ ព្រាប ដាវី សុកផេង បានដឹកនាំក្រុមការងារនាំយកទៀនព្រះវស្សា ទេយ្យទាន និងបច្ច័យប្រគេនព្រះសង្ឃ គង់នៅវត្តចតុពោធិវណ្ណារាមល្វាលើ
=================

នៅព្រឹកថ្ងៃចន្ទ ខែទុតិយាសាឍ ឆ្នាំថោះ ព.ស ២៥៦៧ ត្រូវនឹងថ្ងៃទី៣១ ខែកក្ដដា ឆ្នាំ២០២៣ ឯកឧត្ដម សុក ផេង រដ្ឋលេខាធិការទីស្ដីការគណ:រដ្ឋមន្រ្តី ជាប្រធានក្រុមការងាររាជរដ្ឋាភិបាលចុះជួយឃុំល្វាលើនិងលោកជំទាវ ព្រាប ដាវី សុក ផេង អមដំណើរ ដោយលោកប៊ី វីរៈសុគន្ធ លោក កេត កែវអមត: លោក ណុប វណ្ណៈ រួមនឹងថ្នាក់ដឹកនាំមូលដ្ឋានពុទ្ធបរិស័ទចំណុះជើងវត្តចតុពោធិវណ្ណារាមល្វាលើ បាននាំយកនៅទៀនព្រះវស្សា គ្រឿងឧបភោគ បរិភោគ និងបច្ច័យមកប្រគេនព្រះសង្ឃដែលគង់ចាំព្រះវស្សា នៅវត្តចតុពោធិវណ្ណារាមល្វាលើ ស្រុកចំការលើ ខេត្តកំពង់ចាម។

21/07/2023

នាថ្ងៃសុក្រ ៤កើត ខែទុតិយាសាឍ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២១ ខែកក្កដា ឆ្នាំ២០២៣ ឯកឧត្តម ប៊ូ ថារិន អនុប្រធានក្រុមការងារគណបក្សចុះមូលដ្ឋានស្រុកចំការលើ និងជាប្រធានក្រុមការងារចុះមូលដ្ឋានឃុំចំការអណ្ដូង ស្រុកចំការលើ ខេត្តកំពង់ចាម បានដឹកនាំការហែរក្បួនបិទយុទ្ធនាការឃោសនាបោះឆ្នោតជ្រើសតាំងតំណាងរាស្រ្ដនីកាលទី៧ ឆ្នាំ២០២៣ ដែលមានការចូលរួមដោយ អនុប្រធានក្រុមការងារចុះមូលដ្ឋានស្រុកចំការលើ ឯកឧត្តម លោក លោកស្រី អនុប្រធាន និងសមាជិកក្រុមការងារចុះមូលដ្ឋានឃុំចំការអណ្ដូង ក្រុមប្រឹក្សាស្រុក ក្រុមប្រឹក្សាឃុំ និងសាខាបក្សភូមិទាំងអស់ និងមានសមាសភាពចូលរួមសរុប ១៣៥២នាក់/ ស្រី៩៣៤នាក់។ ក្នុងការៀបចំក្បួនហែរ រួមមាន ឡានក្បួនធំ១គ្រឿង ,គោយន្ដ២២ គ្រឿង ឡាន Pick up ១២គ្រឿង ឡានតូច ២២គ្រឿង, ម៉ូតូ១១០គ្រឿង។

21/07/2023

#ឃុំល្វាលើ នៅព្រឹកថ្ងៃទី២១ ខែកក្កដា ឆ្នាំ២០២៣នេះ ឯកឧត្តម សុក ផេង រដ្ឋលេខាធិការទីស្ដីការគណៈរដ្ឋមន្រ្តី និងជាប្រធានក្រុមការងារចុះមូលដ្ឋានឃុំល្វាលើ បានចូលរួមដឹកនាំក្រុមការងារឃុំល្វាលើចូលរួមក្នុងពិធីបិទយុទ្ធ នាការឃោសនាបោះឆ្នោតជ្រើសរើសតំណាង រាស្ត្រ នីតិកាលទី៧ នៅក្នុងឃុំល្វាលើ ស្រុកចំកាលើ ខេត្តកំពង់ចាម ក្រោមអធិបតីភាព ឯកឧត្តម ហ៊ុន មានិត សមាជិកគណៈកម្មាធិការកណ្តាល អនុប្រធានទី១ ក្រុមការងារចុះមូលដ្ឋានខេត្តកំពង់ចាម ប្រធានក្រុមការងារគណបក្សចុះមូលដ្ឋានស្រុកចំការលើ ។

ក្នុងឱកាសនោះដែរឯកឧត្តម សុក ផេង បានបន្តដឹកនាំក្រុមការ ងារឃុំល្វាលើដង្ហែក្បួនយុទ្ធនាការឃោសនាបោះឆ្នោតជ្រើសរើសតំណាងរាស្ត្រ នីតិកាលទី៧ នៅក្នុងឃុំល្វាលើប្រកបដោយបរិយាកាសសប្បាយរីករាយ និងមានការគ្រាំទ្រទទួលស្វាគមន៍ពីបងប្អូនប្រជាពលរដ្ឋយ៉ាងច្រើនកុះករតាមដងផ្លូវនៃក្បួនដង្ហែ ។
ក្រោយយុទ្ធនាការឃោសនាបោះឆ្នោតបិទបញ្ចប់ប្រកបដោយជោគជ័យ៕

20/07/2023

#ឃុំល្វាលើ ឯកឧត្តម សុក ផេង និង​ក្រុមការងារបន្តចុះជួបសំណេះសំណាលជាមួយសមាជិកបក្សតាមខ្នងផ្ទះ និងណែនាំពីរបៀបគូសសន្លឹក ឆ្នោត ដើម្បីគាំទ្រគណបក្សប្រជាជន
__________________

នៅព្រឹកថ្ងៃទី២០ ខែកក្កដា ឆ្នាំ២០២៣ ឯកឧត្តម សុក ផេង រដ្ឋលេខាធិការទីស្ដីការគណៈរដ្ឋមន្រ្តី ប្រធានក្រុមការងារថ្នាក់កណ្ដាលចុះមូលដ្ឋានឃុំល្វាលើ និងក្រុមការងារបានបន្តដឹកនាំសមាជិក សមាជិកាគណបក្សចុះជួបសំណេះសំណាលជាមួយសមាជិកបក្សតាមខ្នងផ្ទះក្នុងភូមិក្បាលហុងថ្មី ឃុំល្វាលើ ក្នុងនេះដែរឯកឧត្ដមបានផ្សព្វផ្សាយកម្មវិធីនយោបាយ និងណែនាំប្រជាពលរដ្ឋពីការគូសសន្លឹកឆ្នោតឲ្យចំប្រអប់ដែលមានលេខ រៀងទី១៨ ឲ្យបានត្រឹមត្រូវ។

សកម្មភាពនេះប្រព្រឹត្តទៅដោយមានការចូលរួមពី ឯកឧត្តម មៀច សំអ៊ាន់ ប្រធានក្រុមការងារចុះជួយភូមិក្បាលហុងថ្មី
ឯកឧត្តម កែត ឃី លោក កេត កែវអមតៈ អនុប្រធានក្រុមការងារលោកញឹម សុភាព រួមនឹងលោក លោកស្រីសមាជិកក្រុមការងារគណបក្សគណបក្សឃុំ សាខាបក្សភូមិ ៕

18/07/2023

#ឃុំល្វាលើ ឯកឧត្តម សុក ផេង និង​ឯកឧត្តម លន់ លឹមថៃ អញ្ជើញដឹកនាំសកម្មភាព​យុទ្ធនាការថ្ងៃទី១៨ នៅឃុំល្វាលើ ស្រុកចំការលើ ខេត្តកំពង់ចាម

នាព្រឹកថ្ងៃអង្គារ ១ កើត ខែទុតិយាសាឍ ឆ្នាំថោះ បញ្ចស័ក ពុទ្ធសក រាជ២៥៦៧ ត្រូវនឹងថ្ងៃទី១៨ ខែកក្កដា ឆ្នាំ២០២៣ ឯកឧត្ដម​ សុក​ ផេង​ រដ្ឋលេខាធិការ​ទីស្ដីការ​គណៈរដ្ឋមន្ត្រី​ ជាប្រធានក្រុមការងារគណបក្សចុះមូលដ្ឋានឃុំល្វាលេី និងឯកឧត្ដម​ លន់​ លឹម​ថៃ​ តំណាងរាស្ត្រ​មណ្ឌល​កំពង់ចាម​ លោកណុប វណ្ណ: អនុប្រធានក្រុមការងារចុះជួយឃុំល្វាលើ រួមទាំងក្រុមការងារគណបក្ស​ថ្នាក់កណ្តាល ថ្នាក់​ស្រុក​ គណបក្ស​ឃុំ​ និងសាខាបក្សភូមិ បានបន្តចុះជួបសំណេះ សំណាលជាមួយសមាជិកសមាជិកាគណបក្ស និងផ្សព្វផ្សាយគោលនយោបាយគណបក្ស បង្រៀនពីរបៀបគូសសន្លឹកឆ្នោតឱ្យបានត្រឹមត្រូវដល់សមាជិក សមាជិកាគណបក្សនៅឃុំល្វាលើ ស្រុកចំការលើ ខេត្តកំពង់ចាម។

នាឱកាសជួបសំណេះនោះឯកឧត្ដម សុក ផេង បានណែនាំដល់សមាជិកគណបក្សគ្រប់រូបឱ្យត្រៀមអត្តសញ្ញាណបណ្ណសម្រាប់ការបោះឆ្នោតនៅថ្ងៃទី២៣ ខែកក្កដា ឆ្នាំ២០២៣ខាងមុខ និងបានអំពាវនាវឲ្យប្រជាពលរដ្ឋត្រូវនាំគ្នាទៅបោះឆ្នោតជូនគណ បក្សប្រជាជនកម្ពុជា ដែលមានសម្តេចអគ្គមហាសេនាបតីតេជោហ៊ុន សែន ជាប្រធាន និង​ឯកឧត្ដម ហ៊ុន ម៉ាណែត ជាបេក្ខភាពបន្តវេន ឲ្យបានគ្រប់ៗគ្នាដើម្បីរក្សាបាន សុខសន្តិភាព នាំមកនូវការអភិវឌ្ឍ រីកចម្រើនលើកគ្រប់វិស័យ៕

16/07/2023

15/07/2023

15/07/2023

15/07/2023

ទិដ្ឋភាព យុទ្ធនាការឃោសនាបោះឆ្នោតជ្រេីសតាំងតំណាងរាស្ត្រ នីតិកាលទី៧ (លើកទី៣) និង សកម្មភាពចុះជួបសំណេះសំណាលជាមួយសមាជិកបក្សតាមខ្នងផ្ទះ និងណែនាំពីរបៀបគូសសន្លឹកឆ្នោតឱ្យបានត្រឹមត្រូវ ដើម្បីបោះឆ្នោតជូនគណបក្សប្រជាជនកម្ពុជា នៅឃុំចំការអណ្ដូង ស្រុកចំការលើ ខេត្តកំពង់ចាម ដែលដឹកនាំដោយ ឯកឧត្តម ប៊ូ ថារិន អនុប្រធានក្រុមការងារគណបក្សចុះមូលដ្ឋានស្រុកចំការលើ និងជាប្រធានក្រុមការងារគណបក្សចុះមូលដ្ឋានឃុំចំការអណ្ដូង និងមានការអញ្ចើញចូលរួមពីឯកឧត្តម ហួត ហាក់ ប្រធានក្រុមយុវជនបង្គោលទទួលបន្ទុកការងារយុវជនប្រចាំស្រុកចំការលើ និងឯកឧត្ដម លោក លោកស្រី អនុប្រធានក្រុមការងារ និងសមាជិកសមាជិកាក្រុមការងារ និងអាជ្ញាធរមូលដ្ឋាន។

ថ្ងៃសៅរ៍ ១៣រោច ខែបឋមាសាឍ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី១៥ ខែកក្កដា ឆ្នាំ២០២៣

ជយោគណបក្សប្រជាជនកម្ពុជា!

បោះឆ្នោតជូនគណបក្សប្រជាជនកម្ពុជា គឺបោះឆ្នោតឱ្យខ្លួនឯង!

គណបក្សប្រជាជនកម្ពុជា នៅលេខរៀងទី១៨!

15/07/2023

ឯកឧត្តម សុក ផេង ឯកឧត្តម ឯល វ៉ាន់សារ៉ាត់ និង​ក្រុមការងារបន្តដង្ហែក្បួនឃោសនារកសន្លឹកឆ្នោត ចុះជួបសំណេះសំណាលជាមួយសមាជិកបក្សតាមខ្នងផ្ទះ និងណែនាំពីរបៀបគូសសន្លឹក ឆ្នោតឱ្យត្រឹមត្រូវ ដើម្បីគាំទ្រគណបក្សប្រជាជន
__________________

នៅព្រឹកថ្ងៃទី១៥ ខែកក្កដា ឆ្នាំ២០២៣ ឯកឧត្តម សុក ផេង រដ្ឋលេខាធិការទីស្ដីការគណៈរដ្ឋមន្រ្តី ជាប្រធានក្រុមការងារថ្នាក់កណ្ដាលចុះមូលដ្ឋានឃុំល្វាលើ និង ឯកឧត្តម ឯល វ៉ាន់សារ៉ាត់ រដ្ឋ​លេខាធិការក្រសួងការពារជាតិ ជាអនុប្រធានក្រុមការងារចុះជួយស្រុកចំការលើ រួមដំណើរដោយ ឯកឧត្តម មៀច សំអន់ ឯកឧត្តម ជុំ អង្គរឧត្តម ឯកឧត្តម កែត ឃី លោក អ៊ុយ ជីង លោក កេត កែវអមតៈ លោក ស៊ី រតនៈ លោក សេង សុផល លោក ប៊ី វិរៈសុគន្ធ ប លោក សួន សុភា លោក ស៊ុ ផនរង្ស៊ី លោកស្រីនួន សាមឿន និងក្រុមការងារបានបន្តដឹកនាំសមាជិក សមាជិកាគណបក្ស ដង្ហែក្បួនឃោសនារកសន្លឹកជ្រើសតាំងតំណាងរាស្រ្តនីតិកាលទ៧ ជូនគណបក្សប្រជាជនកម្ពុជា និងចុះជួបសំណេះសំណាលជាមួយសមាជិកបក្សតាមខ្នងផ្ទះក្នុងភូមិក្បាលហុងថ្មី ឃុំល្វាលើ ក្នុងនេះដែរឯកឧត្ដមបានផ្សព្វផ្សាយកម្មវិធីនយោបាយ និងណែនាំប្រជា ពលរដ្ឋពីការគូសសន្លឹកឆ្នោតឲ្យចំប្រអប់ដែលមានលេខរៀងទី១៨ ឲ្យបានត្រឹមត្រូវ។

នាឱកាសនោះដែរឯកឧត្តម សុក ផេង បានសម្តែងនូវការលើក ទឹកចិត្ត និងថ្លែងអំណរគុណដល់កិច្ចខិតខំប្រឹងប្រែងរបស់មន្ត្រីគណបក្សគ្រប់លំដាប់ថ្នាក់ក្នុងស្រុក ឃុំ ភូមិ ដែលសម្រេចបានលទ្ធផលគួរជាទីមោទនក្នុងការបោះឆ្នោតជ្រើសរើសក្រុម ប្រឹក្សាឃុំកន្លងមក និងអរគុណប្រជាពលរដ្ឋដែលជឿជាក់លើសម្តេចតេជោ ហ៊ុន សែន និងបោះឆ្នោតគាំទ្រគណបក្សប្រជាជនកម្ពុជាដើម្បីរក្សាបានសុខសន្តិភាព និងការអភិវឌ្ឍ។ ឯកឧត្តមបានជម្រុញឲ្យពង្រឹងសាមគ្គីភាព ឯកភាពផ្ទៃក្នុងបន្ថែមទៀត ដើម្បីបង្កើនភាពឈ្នះក្នុងឱកាសបោះឆ្នោតជ្រើសតាំងតំណាង រាស្ត្រនីតិកាលទី៧ នៃរដ្ឋសភា ឆ្នាំ២០២៣ ខាងមុខនេះ ៕

===========================

✅ ប្តេជ្ញាឥតងាករេគាំទ្រសម្តេចតេជោ ហ៊ុន សែន ជានាយករដ្ឋមន្រ្តី និងគាំទ្របេក្ខភាព ឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តីនាពេលអនាគត