Grand News - ព័ត៌មានគ្មានព្រំដែន

Home
Cambodia
Chbar Ampeou
Grand News - ព័ត៌មានគ្មានព្រំដែន

GRAND NEWS ASIA - ព័ត៌មានគ្មានព្រំដែន

នាំជូននូវព័ត៌មាន ទស្សនៈ ទស្សនៈវិភាគ ព្រឹត្តិការណ៍សង្គម បច្ចុប្បន្នភាព កម្ពុជា មាននៅគ្រប់ទីកន្លែង...

1 - Website: https://grandnewsasia.com/
2- Facebook: https://www.facebook.com/GrandNewsAsiaOfficial/
3- Youtube-1: http://www.youtube.com/c/GrandNewsAsia
4- Youtube-2: https://www.youtube.com/c/GNGrandNewsAsia
5- Telegram: https://t.me/grandnewsasia

27/12/2024

គោលនយោបាយឈ្នះ-ឈ្នះ របស់សម្តេចតេជោ ហ៊ុន សែន គឺជាអត្ថន័យដ៏ធំធេងនៃទិវាសន្តិភាពនៅកម្ពុជា!

27/12/2024

ការដ្ឋានស្ពានខ្ពស់ជាងគេនៅព្រះរាជាណាចក្រកម្ពុជាដែលមានកម្ពស់ ៩០ ម៉ែត្រលើបណ្តោយផ្លូវជាតិលេខ ១០ តភ្ជាប់បាត់ដំបង-ពោធិ៍សាត់-កោះកុងបានសម្រេចការសាងសង់ប្រមាណ ៩០ភាគរយហើយ គ្រោងនឹងដាក់ឲ្យដំណើរការសាកល្បងជាចុងខែមីនា ឆ្នាំ២០២៥។

27/12/2024

ក្រសួងមហាផ្ទៃ ចេញសេចក្តីណែនាំ ១១ចំណុច ស្តីពីការផ្សព្វផ្សាយព័ត៌មានសន្តិសុខសណ្តាប់ធ្នាប់សង្គម សម្រាប់មន្ត្រីមានសមត្ថកិច្ចក្របខ័ណ្ឌក្រសួងមហាផ្ទៃ!

27/12/2024

ការចូលជួបសម្តែងការគួរសមរបស់ ឯកឧត្តមឯកអគ្គរដ្ឋទូតសហព័ន្ធរុស្ស៊ី ជាមួយឯកឧត្តម ឧបនាយករដ្ឋមន្ត្រី

27/12/2024

(Video-APLF)៖ សូមរីករាយទស្សនាវីដេអូកម្មវិធីឥស្សរជនឆ្នើមថ្នាក់ជាតិ លើកទី៦០ ប្រចាំខែធ្នូ ឆ្នាំ២០២៤ ស្តីពី «សមិទ្ធផលឆ្នាំ២០២៤ និងទិសដៅការងារឆ្នាំ២០២៥ របស់ក្រុមការងារឥស្សរជនឆ្នើមថ្នាក់ជាតិ»។
វាគ្មិនកិត្តិយសគឺ លោកជំទាវ ម៉ែន នារីសោភ័គ អគ្គលេខាធិការរងទី១កាកបាទក្រហមកម្ពុជា និងជាអនុប្រធានអចិន្ត្រៃយ៍ក្រុមការងារឥស្សរជនឆ្នើមថ្នាក់ជាតិ។

27/12/2024

លិខិតមិត្តអ្នកអាន៖ «ទិវាសន្តិភាពនៅកម្ពុជា» គឺជាសច្ចភាពនៃប្រវត្តិសាស្ត្រ ដែលកម្ពុជាទទួលបានសន្តិភាពពេញលេញក្រោមនយោបាយឈ្នះ-ឈ្នះ

https://grandnewsasia.com/archives/26181

បើគិតមកដល់ឆ្នាំ២០២៤នេះ គឺជាខួបលើកទី២៦ឆ្នាំ (២៩ ធ្នូ ១៩៩៨-២៩ ធ្នូ ២០២៤) នៃនយោបាយឈ្នះ-ឈ្នះ ដែលប្រជាជនកម្ពុជានៅទូទាំងប្រទេសបានរស់នៅប្រកបដោយភាពសុខសាន្ដក្រោមដំបូលនៃសុខសន្ដិភាព ហើយតាមរយៈការទទួលបាននូវសុខសន្ដិភាពនេះ គឺដោយសារតែការលះបង់របស់សម្ដេចតេជោ ហ៊ុន សែន ដែលជាអគ្គស្ថាបនិកនៃនយោបាយឈ្នះ ឈ្នះ និងជាបិតានៃសន្ដិភាពនៅកម្ពុជា។

ដើម្បីជាការឆ្លើយតប ទៅនឹងបំណងប្រាថ្នាដ៏ពិសិដ្ឋរបស់ប្រជាជនកម្ពុជា គឺការស្រឡាញ់សន្តិភាព និងការស្អប់ខ្ពើមសង្រ្គាម និងដើម្បីរំលឹកដល់គុណូបការៈដ៏ធំធេងរបស់ សម្តេចតេជោ ហ៊ុន សែន ដែលបានដាក់ចេញនូវនយោបាយឈ្នះ-ឈ្នះប្រកបដោយជោគជ័យ នាំមកនូវសុខសន្តិភាពពេញលេញនិងការបញ្ចប់សង្រ្គាមទាំងស្រុងនៅកម្ពុជា រាជរដ្ឋាភិបាល បានកំណត់យកថ្ងៃទី២៩ ខែធ្នូ ជារៀងរាល់ឆ្នាំ ជា «ទិវាសន្តិភាពនៅកម្ពុជា» ជាថ្ងៃបុណ្យជាតិផ្លូវការមួយនៅក្នុងព្រះរាជាណាចក្រកម្ពុជា ។

ការរៀបចំទិវាសន្តិភាពនៅកម្ពុជា គឺជាការដាស់តឿនក្រើនរំលឹកដល់ប្រជាជនកម្ពុជាគ្រប់ជំនាន់ ឱ្យចងចាំជានិច្ចអំពីមហាវិនាសកម្មរបស់ជាតិ និងទុក្ខសោកលំបាកវេទនារបស់ប្រជាជនកម្ពុជា ព្រមទាំងផលវិបាកនានាដែលបង្កឡើងដោយសង្រ្គាម និងការបែកបាក់ជាតិ ព្រមទាំងការបំផុសស្មារតីនេះដល់ប្រជាជនកម្ពុជាគ្រប់ជំនាន់ឱ្យស្អប់ខ្ពើមសង្រ្គាម យល់ដឹងកាន់តែច្បាស់អំពីគុណតម្លៃនៃសុខសន្តិភាព រួមគ្នាលើកកម្ពស់វប្បធម៌សន្តិភាពនៅកម្ពុជា ជាពិសេសការចូលរួមការពារឱ្យបានដាច់ខាតនូវសុខសន្តិភាពដែលជាអាយុជីវិតរបស់ជាតិ និងជាគ្រឹះដ៏មានតម្លៃបំផុតសម្រាប់ការអភិវឌ្ឍប្រទេសជាតិ និងភាពសុខសាន្តរបស់ប្រជាជនកម្ពុជាប្រកបដោយចីរភាព។

ការទទួលបាននូវសុខសន្ដិភាព និងមានការអភិវឌ្ឍរីកចម្រើនលើគ្រប់វិស័យរបស់ប្រទេសជាតិរហូតដល់ពេលនេះ ក៏បានធ្វើឱ្យប្រជាពលរដ្ឋខ្មែរទាំងអស់គ្នាដែលកំពុងទទួលបានផលប្រយោជន៍ពីសុខសន្តិភាព អរគុណសន្ដិភាព អរគុណមគ្គុទេ្ទសក៏ឯកនៃសន្ដិភាព និងអរគុណប្រតិបត្តិករនៃនយោបាយឈ្នះ-ឈ្នះប្រៀបដូចពាក្យចាស់បុរាណមួយបានពោលថា «ផឹកទឹក ត្រូវនឹកដល់ប្រភព» ដូច្នោះដែរ។ ប្រជាពលរដ្ឋខ្មែរទាំងអស់ ពិតជាមានសេចក្តីត្រេកអរសប្បាយរីករាយឥតឧបមា និងចូលរួមអបអរសាទរចំពោះសមិទ្ធផលជាច្រើនអនេករបស់កម្ពុជា ដែលប្រៀបដូចជាផ្កាកំពុងរីកស្គុះស្គាយនៅក្រោមពន្លឺនិងសន្សើមនៃសន្តិភាព។

«ទិវាសន្តិភាពនៅកម្ពុជា» ក៏ជាសារសម្រាប់បង្ហាញទៅកាន់ពិភពលោក ក៏ដូចជាបង្ហាញប្រជាពលរដ្ឋខ្មែរថា សន្តិភាពពិតជាមានសារៈសំខាន់ណាស់សម្រាប់មនុស្សគ្រប់រូប ដូច្នេះត្រូវចងចាំជានិច្ច និងមិនត្រូវបំភ្លេចនោះឡើយ ព្រោះថាសន្តិភាពនេះហើយ ដែលបាននិងកំពុងធ្វើឱ្យប្រទេសកម្ពុជាមានការអភិវឌ្ឍគ្រប់វិស័យដូចបច្ចុប្បន្ននេះ។

រាជរដ្ឋាភិបាល ដែលបានដឹកនាំកសាងជាតិដោយ សម្តេចតេជោ ហ៊ុន សែន អតីតនាយករដ្ឋមន្រ្ដី និងរាជរដ្ឋាភិបាលថ្មី នីតិកាលទី៧ នៃរដ្ឋសភា ដឹកនាំបន្តដោយ សម្តេចធិបតី ហ៊ុន ម៉ាណែត នៅតែបន្តចាត់ទុក «សន្តិភាព» គឺជាកត្តាចាំបាច់បំផុតមិនអាចខ្វះបានប្រៀបបីដូចជា ខ្យល់អុកស៊ីហ្សែន ដែលយើងត្រូវការដកដង្ហើមជារៀងរាល់ថ្ងៃ ព្រោះថា ប្រសិនបើកម្ពុជាបាត់សន្តិភាព ក៏មិនមានឱកាសកសាងនូវសមិទ្ធផលនានាបានដែរ ហើយលើសពីនេះទៀត វានឹងត្រូវធ្លាក់ចុះអន្តរាយខ្ទេចខ្ទីហិនហោច«ថែមទៀតផង។

សរុបមកវិញ «ទិវាសន្តិភាពនៅកម្ពុជា» ពិតជាមានអត្ថន័យសំខាន់ខ្លាំងណាស់សម្រាប់ប្រជាជាតិខ្មែរយើង ដែលយើងត្រូវនាំគ្នាចូលរួមថែរក្សាការពារសន្តិភាពឱ្យបានទោះក្នុងតម្លៃណាក៏ដោយ ព្រោះភាពជាក់ស្តែង បានបង្ហាញហើយថា «មានសន្តិភាព ទើបមានការអភិវឌ្ឍ» ហើយមានការអភិវឌ្ឍទើបមានការរីកចម្រើនលើគ្រប់វិស័យ៕

ដោយ៖ មាន មេត្តា

27/12/2024

ឯកឧត្ដម វង្សី វិស្សុត ឧបនាយករដ្ឋមន្ត្រីប្រចាំការ អញ្ជើញជាអធិបតីប្រកាសដាក់ឱ្យអនុវត្តឯកសារយុទ្ធសាស្ត្រសំខាន់ពីរ និងបំពាក់គ្រឿងឥស្សរិយយសជូនថ្នាក់ដឹកនាំទីស្តីការគណៈរដ្ឋមន្ត្រី

https://grandnewsasia.com/archives/26169

(ភ្នំពេញ)៖ ឯកឧត្ដម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី នៅព្រឹកថ្ងៃទី២៧ ខែធ្នូ ឆ្នាំ២០២៤ បានអញ្ជើញជាអធិបតីក្នុងពិធីប្រកាសផ្សព្វផ្សាយនិងដាក់ឱ្យអនុវត្តឯកសារសំខាន់ពីរគឺ «ផែនការយុទ្ធសាស្រ្តទីស្តីការគណៈរដ្ឋមន្ត្រី ឆ្នាំ២០២៤-២០២៨» ដែលដឹកនាំរៀបចំដោយឯកឧត្តមបណ្ឌិតសភាចារ្យ ហ៊ីង ថូរ៉ាក់ស៊ី រដ្ឋលេខាធិការប្រចាំការទីស្តីការគណៈរដ្ឋមន្ត្រី និង «ផែនទីបង្ហាញផ្លូវស្តីពីការជំរុញបរិវត្តកម្មឌីជីថលនៃទីស្តីការគណៈរដ្ឋមន្ត្រី ២០២៤-២០២៨» ដែលដឹកនាំរៀបចំដោយ ឯកឧត្តម ហ៊ុយ វណ្ណៈ រដ្ឋលេខាធិការនៃទីស្តីការគណៈរដ្ឋមន្ត្រី។

ឯកឧត្ដម វង្សី វិស្សុត ឧបនាយករដ្ឋមន្ត្រីប្រចាំការបានថ្លែងកោតសរសើរចំពោះការខិតខំរបស់ក្រុមការងាររៀបចំ និងបានវាយតម្លៃចំពោះឯកសារដ៏មានសារសំខាន់ទាំងពីរថា ជាសមិទ្ធផលថ្មីរបស់ទីស្តីការគណៈរដ្ឋមន្ត្រី ហើយនឹងក្លាយទៅជាមគ្គុទេសក៍សម្រាប់តម្រង់ទិសដល់ការដឹកនាំ ការគ្រប់គ្រង និងការអនុវត្តការងាររបស់ ថ្នាក់ដឹកនាំ និងមន្ត្រីនៃទីស្តីការគណៈរដ្ឋមន្រ្តី ដើម្បីលើកកម្ពស់ប្រសិទ្ធភាពនិងគុណភាពការងារក្នុងនាមជាសេនាធិការនាយករដ្ឋមន្ត្រី និងគណៈរដ្ឋមន្ត្រី។

ក្នុងឱកាសនោះដែរ ឯកឧត្ដម វង្សី វិស្សុត ឧបនាយករដ្ឋមន្ត្រីប្រចាំការ បានអញ្ជើញបំពាក់គ្រឿងឥស្សរិយយសតាមលំដាប់ថ្នាក់ជូនដល់ថ្នាក់ដឹកនាំ ជារដ្ឋលេខាធិការ និងអនុរដ្ឋលេខាធិការ នៃទីស្តីការគណៈរដ្ឋមន្ត្រីផងដែរ៕

27/12/2024

សម្ដេចបវរធិបតី៖ រាជរដ្ឋាភិបាលខិតខំពង្រឹងធនធានមនុស្សជាប្រចាំ ដែលជាការពង្រឹងភាពម្ចាស់ការរបស់កម្ពុជា ក្នុងការធានាឯករាជ្យ អធិបតេយ្យ និងស្វ័យកំណត់ជោគវាសនាប្រទេសជាតិ (ថ្ងៃទី២៦ ខែធ្នូ ឆ្នាំ២០២៤)។

Samdech Borvor Thipadei: The Royal Government continually strives to develop human resources, enhancing Cambodia's self-reliance in safeguarding the nation’s independence, sovereignty, and self-determination of its destiny (26 December 2024).

27/12/2024

សារលិខិតជូនពរ សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏មហានក្ខត្តឫក្សឧត្តុង្គឧត្តម នៃពិធីបុណ្យចូលឆ្នាំសកល ឆ្នាំ២០២៥

27/12/2024

ការអប់រំមានឥទ្ធិពលវិជ្ជមានលើកំណើនសេដ្ឋកិច្ច តាមរយៈយន្តការចំនួនបី គឺ៖
១) ការអប់រំបង្កើនមូលធនមនុស្សនៅក្នុងកម្លាំងពលកម្មសរុបរបស់ជាតិ ដែលជាកត្តាចាំបាច់សម្រាប់បង្កើនផលិតភាពពលកម្ម និងជំរុញកំណើនឆ្ពោះដល់កម្រិតថ្មីមួយកម្រិតទៀត
២) ការអប់រំបង្កើនសមត្ថភាពក្នុង ការធ្វើនវានុវត្តន៍ ក្នុងសេដ្ឋកិច្ច ព្រមទាំងបង្កើនចំណេះដឹងសម្រាប់ចាប់យកបច្ចេកវិទ្យាថ្មីៗ និងអភិវឌ្ឍផលិតផលថ្មី ដែលការណ៍នេះលើកកម្ពស់កំណើនសេដ្ឋកិច្ច
៣) ការអប់រំជួយសម្រួលដល់ការផ្ទេរបច្ចេកវិទ្យា និង ចំណេះដឹងថ្មីៗដទៃទៀត ដែលកត្តាទាំងនេះជួយបង្កើនផលិតភាព និងជំរុញកំណើនសេដ្ឋកិច្ច។

សម្តេចបវរធិបតី (ថ្ងៃទី២៦ ខែធ្នូ ឆ្នាំ២០២៤)

Education positively impacts economic growth through three key mechanisms:
1. Education increases the overall human capital within the national labor force, which is essential for boosting labor productivity and elevating economic growth to new heights.
2. Education enhances the economy's capacity for innovation and increases individuals' knowledge to adopt new technologies and develop new products, thereby promoting economic growth.
3. Education facilitates the transfer of technology and other forms of new knowledge, thereby increasing productivity and further accelerating economic growth.

Samdech Borvor Thipadei (26 December 2024)

https://grandnewsasia.com/archives/26165

27/12/2024

អនុសាសន៍របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ថ្លែងក្នុង “ពិធីប្រគល់វិញ្ញាបនបត្រ និងសញ្ញាបត្រជូនដល់សិក្ខាកាម និងនិស្សិតសាកលវិទ្យាល័យធនធានមនុស្ស”

រាជធានីភ្នំពេញ ថ្ងៃទី២៦ ខែធ្នូ ឆ្នាំ២០២៤

https://grandnewsasia.com/archives/26155

Recommendations of Samdech Moha Borvor Thipadei HUN Manet, Prime Minister of the Kingdom of Cambodia, at "The Graduation
and Certificate Presentation Ceremony for Trainees and Students
of Human Resource University"

Phnom Penh, 26 December 2024

27/12/2024

គិតត្រឹមថ្ងៃទី២៧ ខែធ្នូ តើការងារកសាងហេដ្ឋារចនាសម្ព័ន្ធតាមព្រំដែន ផ្ដោតលើការកសាងផ្លូវក្រវ៉ាត់ព្រំដែន សម្រេចបានសមិទ្ធផលអ្វីខ្លះ?

https://grandnewsasia.com/archives/26151

គិតត្រឹមថ្ងៃទី២៧ ខែធ្នូ ឆ្នាំ២០២៤ ក្រោមការយកចិត្ដទុកដាក់ដ៏ខ្ពង់ខ្ពស់បំផុតរបស់សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ការងារកសាងហេដ្ឋារចនាសម្ព័ន្ធតាមព្រំដែន ផ្ដោតលើការកសាងផ្លូវក្រវ៉ាត់ព្រំដែន សម្រេចបានសមិទ្ធផលជាច្រើនគួរឱ្យកត់សម្គាល់។

យោងតាមសេចក្ដីប្រកាសព័ត៌មាន វឌ្ឍនភាពការងារសាងសង់ផ្លូវក្រវាត់ព្រំដែន ដោយប្រើប្រាស់ មូលនិធិកសាងហេដ្ឋារចនាសម្ព័ន្ធតាមព្រំដែនដោយផ្តោតលើការកសាងផ្លូវក្រវាត់ព្រំដែន សម្រេចបានសមិទ្ធជាច្រើនរួមមាន៖
១, លទ្ធផលការងារគ្រប់គ្រងមូលនិធិ

- បានបិទដំណើរការទាំងស្រុងនូវគណនីធនាគារផ្សេងៗដែលទទួលថវិកាមូលនិធិ និងរៀបចំរក្សាទុកកញ្ចប់ ថវិកាមូលនិធិក្នុងគណនីធនាគារប្រកបដោយសុវត្ថិភាព និងមានគណនេយ្យភាពត្រឹមត្រូវ។

- បានបង្កើតនូវរបៀបរបបការងារប្រតិបត្តិ សម្រាប់កិច្ចការហិរញ្ញវត្ថុក្នុងដំណើរការគ្រប់គ្រងមូលនិធិ សំដៅ ធានាដល់ការគ្រប់គ្រងថវិកាមូលនិធិឱ្យបានត្រឹមត្រូវ មានការទទួលខុសត្រូវខ្ពស់ ប្រសិទ្ធភាព តម្លាភាព និង សន្សំសំចៃ ដែលជាការឆ្លើយតបនឹងសេចក្តីទុកចិត្តដ៏ខ្ពង់ខ្ពស់ពីរាជរដ្ឋាភិបាល និងសមានចិត្តប្រជាពលរដ្ឋ ដែលបានចូលរួមបរិច្ចាគនៅក្នុងមូលនិធិ។

- បានចាត់តាំងក្រុមការងារទំនាក់ទំនងសាធារណៈនៃក្រុមការងារចំពោះកិច្ច ក.គ.ម ឱ្យចុះសហការជាក់ស្តែង នៅការដ្ឋានសាងសង់ និងមូលដ្ឋានពាក់ព័ន្ធ ដើម្បីធានាទទួលបានព័ត៌មានស្តីពីលទ្ធផល និងរូបភាព រួចធ្វើ ការផ្សព្វផ្សាយជូនសាធារណជនឱ្យបានជ្រាបជាប់ជាប្រចាំ។

២. ការងារកសាងហេដ្ឋារចនាសម្ព័ន្ធ

- ការងារបោសសម្អាតមីន-យុទ្ធភណ្ឌមិនទាន់ផ្ទះ សម្រេចបានលើផ្ទៃដីទំហំ ១.៤៦២.៥០០ម៉ែត្រការ៉េ ដោយ ក្នុងនោះ នៅក្នុងភូមិសាស្ត្រខេត្តមណ្ឌលគិរី សម្រេចបានផ្ទៃដីទំហំ ១.២២៥.០០០ម៉ែត្រការ៉េ និងនៅក្នុង ភូមិសាស្ត្រខេត្តរតនគិរី សម្រេចបានផ្ទៃដីទំហំ ២៣៧.៥០០ម៉ែត្រការ៉េ ដែលជាលទ្ធផលក្នុងការរាវរក គឺ បានរកឃើញគ្រាប់គ្រប់ប្រភេទ ចំនួន ២៣គ្រាប់ ក្នុងនោះមានគ្រាប់ប្រភេទប៊ុមប៊ី ឬគ្រាប់បែកចង្កោម ចំនួន ៦គ្រាប់។ ចំពោះមុខកម្លាំងជំនាញនៃបញ្ជាការដ្ឋានវិស្វកម្ម អគ្គបញ្ជាការដ្ឋាននៃកងយោធពលខេមរភូមិន្ទ បាននិងកំពុងបន្តរាវរកគ្រាប់មីន-យុទ្ធភណ្ឌមិនទាន់ផ្ទុះតាមគោលដៅការដ្ឋានរបស់ខ្លួនជាបន្តបន្ទាប់។

- ការងារឈូសឆាយ ៖ ការឈូសឆាយបើកមុខទទឹង ៥ម៉ែត្រ សម្រាប់រកផ្លូវខ្សែដំបូង សម្រេចបានប្រវែង ៥៨,៥គីឡូម៉ែត្រ (ខេត្តមណ្ឌលគិរី សម្រេចបានប្រវែង ៤៩គីឡូម៉ែត្រ, ខេត្តរតនគិរី សម្រេចបានប្រវែង ៩,៥គីឡូ ម៉ែត្រ)។ ឈូសផ្លូវទទឹង ២០ម៉ែត្រ សម្រាប់រកអ័ក្សផ្លូវ លុបជ្រលងអូរ បន្ទាបចំណោទភ្នំ សម្រេចបានប្រវែង ៣៦,៦០គីឡូម៉ែត្រ (ខេត្តមណ្ឌលគិរី សម្រេចបានប្រវែង ២៧,៩០គីឡូម៉ែត្រ, ខេត្តរតនគិរី សម្រេចបានប្រវែង ៨,៧គីឡូម៉ែត្រ)។ ធ្វើប្រឡាយ សម្រេចបានប្រវែង ៣០,២០គីឡូម៉ែត្រ(ខេត្តមណ្ឌលគិរី សម្រេចបានប្រវែង ២២,៦០ គីឡូមែត្រ, ខេត្តរតនគិរី សម្រេចបានប្រវែង ៧,៦០គីឡូមែត្រ)។

បន្ថែមពីនោះ កសាងតួផ្លូវ និងចិតជញ្ជាំងភ្នំ សម្រេចបានប្រវែង ២៥គីឡូម៉ែត្រ(ខេត្តមណ្ឌលគិរី សម្រេច បានប្រវែង ២២គីឡូម៉ែត្រ, ខេត្តរតនគិរី សម្រេចបានប្រវែង ៣គីឡូម៉ែត្រ)។ ក្រាលល្បាយកំទេចថ្មស្ថាពរ សម្រេចបានប្រវែង ១០,២០គីឡូម៉ែត្រ (ខេត្តមណ្ឌលគិរី)។

ជាមួយនឹងសមិទ្ធផលនេះ ក្រុមការងារចំពោះកិច្ច និងកងវិស្វកម្ម នៅតាមការដ្ឋានស្ថាបនាផ្លូវក្រវាត់ព្រំដែន ប្តេជ្ញាខិតខំបំពេញការងារ ដោយការទទួលខុសត្រូវខ្ពស់ ដើម្បីសម្រេចឱ្យបានតាមផែនការកសាងផ្លូវក្រវាត់ព្រំដែនជាប្រវត្តិសាស្ត្រនេះ៕

27/12/2024

សារលិខិតជូនពរ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏មហានក្ខត្តឫក្សឧត្តុង្គឧត្តម នៃពិធីបុណ្យចូលឆ្នាំសកល ឆ្នាំ២០២៥

27/12/2024

តើការកាត់ទោសធ្ងន់ធ្ងរចំពោះករណីអតីតឧកញ៉ា ស្រី ស៊ីណា ឆ្លុះបញ្ចាំងពីអ្វី?

https://grandnewsasia.com/archives/26144

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ក្រសួងយុត្តិធម៌បានធ្វើសន្និសីទកាសែតកាលពីពេកន្លងទៅ ដែលបានផ្តោតលើប្រធាន ការកាត់ទោសអតីតឧកញ៉ា ស្រី ស៊ីណា ហើយដែលកន្លងទៅនីតិវិធីតុលាការមិនអាចចេញមកផ្សព្វផ្សាយតាមហ្វេសប៊ុកបាននោះទេ ដែលធ្វើឱ្យបងប្អូនមួយចំនួនយល់ច្រឡំថា ប្រហែលដោះលែងអ្នកទោសបាត់ហើយ ដោយសារគេជាឧកញ៉ា ករណីនេះមិនអាចទទួលយុត្តិធម៌នោះទេ។ សម្តេច បានបន្តថា ការមិនបានផ្សព្វផ្សាយករណីនេះ មិនមែនបានន័យថា ស្ថាប័នតុលាការមិនធ្វើការនោះទេ ពីព្រោះតាមនីតិវិធីតុលាការ មិនអាចធ្វើការផ្សព្វផ្សាយជាសាធារណៈបាននោះទេ។

សម្តេចធិបតី ហ៊ុន ម៉ាណែត បានគូសបញ្ជាក់ថា តុលាការ បានចេញសេចក្តីសម្រេចលើកនេះឱ្យអតីតឧកញ៉ារូបនោះ ជាប់ទោស៣១ឆ្នាំ និងត្រូវសំណង២លានកន្លះ ដែលនេះជាលើកទី១ហើយ ដែលត្រូវសងសំណងច្រើនបែបនេះសម្រាប់ជនរងគ្រោះ ប៉ុន្តែអ្វីដែលសំខាន់នោះ គឺកាត់ក្តីនេះ ចង់បង្ហាញអំពីការទទួលខុសត្រូវ និងការអនុវត្តច្បាប់ដោយម៉ឺងម៉ាត់។

ជាមួយគ្នានោះ សម្តេចធិបតី ហ៊ុន ម៉ាណែត ក៏បានបង្ហាញសេចក្តីសង្ឃឹមថា ការកាត់ទោសមួយនេះ គឺជាសារសំខាន់សម្រាប់មនុស្សទាំងអស់ កុំឱ្យប្រព្រឹត្តអំពើឃោរឃៅទាំងអស់នេះ បន្តទៅទៀត ហើយសង្ឃឹមថា កុំឱ្យមានអ្នកបាត់បង់អាយុជីវិតបន្តទៅទៀត ហើយអ្វីសំខាន់ គឺត្រូវធ្វើឱ្យប្រព័ន្ធយុត្តិធម៌ ត្រូវផ្តល់យុត្តិធម៌សម្រាប់ជូនជនរគ្រោះឱ្យទាល់តែបាន។

សម្តេចធិបតី បានថ្លែងដូចនេះ នៅថ្ងៃទី២៦ ខែធ្នូ ឆ្នាំ២០២៤ ក្នុងឱកាសអញ្ជើញជាអធិបតីភាពក្នុងពិធីប្រគល់វិញ្ញាបនបត្រ និងសញ្ញាបត្រ ជូនដល់សិក្ខាកាម និងនិស្សិត សាកលវិទ្យាល័យធនធានមនុស្ស នៅរាជធានីភ្នំពេញ៕

27/12/2024

ហេតុអ្វីបានជារាជរដ្ឋាភិបាល នីតិកាលទី៧ នៃរដ្ឋសភា បន្តផ្តល់អាទិភាពទៅលើការអភិវឌ្ឍ «ធនធានមនុស្ស»?

https://grandnewsasia.com/archives/26136

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា រាជរដ្ឋាភិបាល ជានិច្ចជាកាល តែងតែយកចិត្តទុកដាក់ ឱ្យតម្លៃខ្ពស់ និងផ្ដល់អាទិភាពដល់វិស័យអប់រំ ដែលដើរតួនាទីស្នូល ក្នុងការអភិវឌ្ឍធនធានមនុស្សដ៏មានតម្លៃខ្ពស់ មានគុណភាព ផ្តល់ចំណេះដឹង សមត្ថភាព ជំនាញវិជ្ជាជីវៈ គំនិតនវានុវត្តន៍ និងការអប់រំអត្តចរិត ឱ្យក្លាយជាពលរដ្ឋល្អ ដែលជាមូលដ្ឋានគ្រឹះនៃការអភិវឌ្ឍជាតិលើគ្រប់វិស័យ ព្រមទាំងលើកកម្ពស់វប្បធម៌ អរិយធម៌ កិត្តិយស កិត្យានុភាព និងមោទនភាពជាតិ។

នាឱកាសនោះ សម្តេចធិបតី ហ៊ុន ម៉ាណែត បានថ្លែងថា ដើម្បីកសាងមូលដ្ឋានគ្រឹះឆ្ពោះទៅសម្រេចចក្ខុវិស័យអប់រំ រាជរដ្ឋាភិបាល បានបន្តអនុវត្តយុទ្ធសាស្រ្តកសាង និងអភិវឌ្ឍប្រទេសជាតិ តាមរយៈការដាក់ចេញនូវយុទ្ធសាស្រ្តបញ្ចកោណ-ដំណាក់កាលទី១ ដោយកំណត់យកបញ្ចកោណទី១ ការអភិវឌ្ឍធនធានមនុស្ស ជាយុទ្ធសាស្រ្តអាទិភាព ជាពិសេស ការពង្រឹងគុណភាពវិស័យអប់រំ កីឡា វិទ្យាសាស្រ្ត បច្ចេកវិទ្យា និងការបណ្តុះបណ្តាលជំនាញបច្ចេកទេស ប្រកបដោយសីលធម៌ និងសមធម៌ នៅតាមគ្រឹះស្ថានសិក្សាគ្រប់កម្រិត ទាំងរដ្ឋ និងឯកជន ដោយផ្ដោតលើចំណេះដឹង បទពិសោធន៍ ជំនាញបច្ចេកទេស ជំនាញវិជ្ជាជីវៈ សមត្ថភាពសហគ្រិនភាព ការច្នៃប្រឌិត គុណធម៌ សីលធម៌មនសិការស្នេហាជាតិ និងស្មារតីទទួលខុសត្រូវ ដើម្បីតម្រង់ទិសឱ្យឆ្លើយតបទៅនឹងតម្រូវការទីផ្សារការងារក្នុងពេលបច្ចុប្បន្ន និងអនាគត។

សម្តេចធិបតី ហ៊ុន ម៉ាណែត បានថ្លែងដូចនេះនៅថ្ងៃទី២៦ ខែធ្នូ ឆ្នាំ២០២៤ ក្នុងឱកាសអញ្ជើញជាអធិបតីភាពក្នុងពិធីប្រគល់វិញ្ញាបនបត្រ និងសញ្ញាបត្រ ជូនដល់សិក្ខាកាម និងនិស្សិត សាកលវិទ្យាល័យធនធានមនុស្ស នៅរាជធានីភ្នំពេញ៕

27/12/2024

សារលិខិតជូនពរ សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏មហានក្ខត្តឫក្សឧត្តុង្គឧត្តម នៃពិធីបុណ្យចូលឆ្នាំសកល ឆ្នាំ២០២៥

27/12/2024

សារលិខិតជូនពរ សម្តេចវិបុលសេនាភក្តី សាយ ឈុំ ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏មហានក្ខត្តឫក្សឧត្តុង្គឧត្តម នៃពិធីបុណ្យចូលឆ្នាំសកល ឆ្នាំ២០២៥

Address

Chbar Ampov 2
Chbar Ampeou
121202

Telephone

+855123456789

Website

https://t.me/GrandNewsAsiaOfficial, https://grandnewsasia.com/, https://facebook.com/GrandNewsAsiaOfficial

Alerts

Be the first to know and let us send you an email when Grand News - ព័ត៌មានគ្មានព្រំដែន posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Grand News - ព័ត៌មានគ្មានព្រំដែន:

Videos

(Video-APLF)៖ សូមរីករាយទស្សនាវីដេអូកម្មវិធីឥស្សរជនឆ្នើមថ្នាក់ជាតិ លើកទី៦០ ប្រចាំខែធ្នូ ឆ្នាំ២០២៤ ស្តីពី «សមិទ្ធផលឆ្នាំ២០២៤ និងទិសដៅការងារឆ្នាំ២០២៥ របស់ក្រុមការងារឥស្សរជនឆ្នើមថ្នាក់ជាតិ»។ វាគ្មិនកិត្តិយសគឺ លោកជំទាវ ម៉ែន នារីសោភ័គ អគ្គលេខាធិការរងទី១កាកបាទក្រហមកម្ពុជា និងជាអនុប្រធានអចិន្ត្រៃយ៍ក្រុមការងារឥស្សរជនឆ្នើមថ្នាក់ជាតិ។

អបអរសាទរ ទិវាសន្តិភាព នៅកម្ពុជា។ សូមអញ្ជើញទស្សនា បទ ៖ អរគុណម្លប់សន្តិភាព - ផ្តួចផ្តើមផលិត ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន - លំនាំបទប្រពៃណី ៖ ផាត់ពពក - ច្រៀងដោយ ៖ លោក គង់ រដ្ឋា

អបអរសាទរ ទិវាសន្តិភាព នៅកម្ពុជា។ សូមអញ្ជើញទស្សនា បទ ៖ សន្តិភាព នៅកម្ពុជា - ផ្តួចផ្តើមផលិត ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន - និពន្ធបទភ្លេង ៖ ឯកឧត្តម អ៊ុក សំអាត - ច្រៀងដោយ ៖ កញ្ញា ផន ស្រីឃួច

អបអរសាទរ ទិវាសន្តិភាព នៅកម្ពុជា។ សូមអញ្ជើញទស្សនា បទ៖ ទិវាសន្តិភាពនៅកម្ពុជា ២៩ ធ្នូ - ផ្តួចផ្តើមផលិត ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន - និពន្ធទំនុកតាមលំនាំដើម ៖ លោក កែវ សុវិជ្ជា - លំនាំបទ ៖ សុំកាន់មុនការ - ច្រៀងដោយ ៖ លោក ប៉ាន់ ខែមម៉ានូ និង អ្នកនាង ជា ស្រីលីស

អបអរសាទរ ទិវាសន្តិភាព នៅកម្ពុជា។ សូមអញ្ជើញទស្សនា បទ ៖ ២៩ ធ្នូ ទិវាសន្តិភាពនៅកម្ពុជា - ផ្តួចផ្តើមផលិត ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន - លំនាំបទ ៖ ទំនួញទ្រខ្មែរ - ច្រៀងដោយ ៖ អ្នកនាង ទៀងមុំ សុធាវី

អបអរសាទរ ទិវាសន្តិភាព នៅកម្ពុជា។ សូមអញ្ជើញទស្សនា បទ ៖ ដើមទុនសន្តិភាព - ផ្តួចផ្តើមផលិត ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន - លំនាំបទ ៖ ឱ! ដួងចន្ទ ឬ ផាត់ពពក - ច្រៀងដោយ ៖ អ្នកនាង ពេជ្រ ថារី

អបអរសាទរ ទិវាសន្តិភាព នៅកម្ពុជា។ សូមអញ្ជើញទស្សនា បទ ៖ យុទ្ធសាស្ត្រផ្ការីក និងសន្តិភាព - ផ្តួចផ្តើមផលិត ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន - និពន្ធទំនុកតាមលំនាំដើម និងដឹកនាំផលិត ៖ បណ្ឌិត អេង កេងឈុន - សម្រួលបទភ្លេង ៖ លោក រិន ធីរ៉ា - លំនាំបទ ៖ មាន់រងាវទឹកជោរ - ច្រៀងដោយ ៖ លោក សៀប សៀម និង អ្នកនាង ពេជ្រ ថារី - កាត់តវីដេអូ ៖ លោក សាន សុធា - ផ្នែកអក្ខរាវិរុទ្ធ ៖ លោក ស៊ុ សំអាត - ផលិតដោយ ៖ នាយកដ្ឋានផលិតកម្មវិធីវិទ្យុ អគ្គនាយកដ្ឋានវិទ្យុជាតិកម្ពុជា នៃក្រសួងព័ត៌មាន

អបអរសាទរ ទិវាសន្តិភាព នៅកម្ពុជា។ សូមអញ្ជើញទស្សនា បទ ៖ ផ្ការីក ការពារសន្តិភាព និងការអភិវឌ្ឍ - ផ្តួចផ្តើមផលិត ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន - និពន្ធទំនុកតាមលំនាំដើម និងដឹកនាំផលិត ៖ បណ្ឌិត អេង កេងឈុន - សម្រួលបទភ្លេង ៖ លោក ស៊ីវ សុខខឿន - លំនាំបទ ៖ រាំវង់អន្លង់រមៀត - ច្រៀងដោយ ៖ អ្នកនាង សុន ចាន់ថន - កាត់តវីដេអូ ៖ លោក ណុង វណ្ណនេត - ផ្នែកអក្ខរាវិរុទ្ធ ៖ លោក ស៊ុ សំអាត - ផលិតដោយ ៖ នាយកដ្ឋានផលិតកម្មវិធីវិទ្យុ អគ្គនាយកដ្ឋានវិទ្យុជាតិកម្ពុជា នៃក្រសួងព័ត៌មាន