АПТА бейтарап маалымат дареги

Home
Kyrgyzstan
Frunze
АПТА бейтарап маалымат дареги

АПТА бейтарап маалымат дареги СМИ

18/02/2025

Гүлсүнкан Жунушалиева Жогорку Кеңештин депутаты болду

Жогорку Кеңештин депутаты Гулшаркан Култаеванын ордуна “Ата-Журт Кыргызстан” саясий партиясынын тизмесинде турган Гүлсүнкан Жунушалиева депутат болду.
Бүгүн, 18-февралда Борбордук шайлоо комиссиясынын жыйынында Гүлсүнкан Жунушалиевага күбөлүк жана төш белги берилди.

Белгилей кетсек, бүгүн БШК Жогорку Кеңештин депутаты Гүлшаркан Култаеванын ыйгарым укуктарын мөөнөтүнөн мурда арызынын негизинде токтоткон болчу.

18/02/2025

19-февралга карата аба ырайы

Эртең, 19-февралда түнкүсүн Ош, Баткен облустарынын тоолуу райондорунда кар жаайт. Калган аймактарда күндүз да жаан-чачын жаабайт. Тоо этектеринде жана тоолордо жолдор тоңголок жана тайгак болот. Түштүк-чыгыштан соккон шамалдын ылдамдыгы секундасына 3-8 метрге жетет.
Абанын температурасы:
Чүй өрөөнүндө түнкүсүн 0…-5, күндүз 7…12;
Талас өрөөнүндө түнкүсүн-1…-6, күндүз 6…11;
Баткен, Ош, Жалал-Абад облустарында түнкүсүн -3…+2, күндуз 8…13;
Ысык-Көл облусунда түнкүсүн -4…-9, күндүз 1…6;
Нарын облусунда түнкүсүн -11…-16, күндүз -1…+4.
Бишкек шаарында күн ачык болот. Түштүк-чыгыштан соккон шамалдын ылдамдыгы секундасына 3-8 метрге жетет.
Абанын температурасы түнкүсүн -2…-4° суук, күндүз 10…12° жылуу болот.

18/02/2025

БШКнын жаңы мүчөсү эртең шайланат

Мандатын тапшырган "Ата Журт Кыргызстан" фракциясынын депутаты Гүлшаркан Култаева БШКнын мүчөлүгүнө аттанат. Ал Нуржан Шайлдабековадан бошогон оорунду ээлейт.
Гүлшаркан Култаева 1972-жылы Жалал Абад облусуна караштуу Аксы районунда туулган.

18/02/2025

Жогорку Кеңештин депутаты Гүлшаркан Култаева мандатын тапшырды

Борбордук шайлоо комиссиясы анын депутаттык мандатын мөөнөтүнөн мурда токтотуу маселесин бүгүн, 18-февралда жыйында карашат.
Ошондой эле анын бош калган мандатын башкага өткөрүп берүү маселеси да каралышы күтүлүүдө.

18/02/2025

Кыргызстандын бардык ооруканаларда күчөтүлгөн текшерүү башталды

Өзгөчө кырдаалдар министрлиги өлкөдөгү Саламаттык сактоо министрлигине караштуу мекемелерди өрт коопсуздугу боюнча пландан тышкары күчөтүлгөн текшерүү баштады.
Ведомстводон билдиришкендей, текшерүүнүн натыйжасында жазма буйруктар берилүүдө.
Анын аткарылышына 3 күндөн 30 күнгө чейин убакыт берилет. Талап аткарылбаган учурда 23 миң сом айып пул салынат.

18/02/2025

Россия-АКШ: Эр-Риядда сүйлөшүүлөр башталды

Россия менен АКШнын өкүлдөрүнүн сүйлөшүүлөрү Сауд Арабиясынын борбору Эр-Рияд шаарында башталды.
Сүйлөшүүлөр Сауд Арабиясынын падышалык үй-бүлөсүнө таандык Альбасатин комплексиндеги Дирия сарайында өтүп жатат.
Россия тараптан сүйлөшүүлөргө Тышкы иштер министри Сергей Лавров, мамлекет башчысынын жардамчысы Юрий Ушаков жана Россиянын Түз инвестициялар фондусунун (РФПИ) жетекчиси Кирилл Дмитриев катышууда.
АКШ тараптан жолугушууга Мамлекеттик катчы Марко Рубио, АКШ президентинин улуттук коопсуздук боюнча кеңешчиси Майк Уолц жана АКШ президентинин Жакынкы Чыгыш боюнча атайын өкүлү Стив Уиткофф катышып жатат.
Россия жана АКШ Эр-Рияддагы сүйлөшүүлөрдө орус-украин кагылышын токтотууга байланыштуу мүмкүнчүлүктөрдү талкуулашмакчы.
АКШ бийлиги биргелешкен сүйлөшүүлөрдүн алдында Россия жана Украина менен өзүнчө жолугушууларды өткөрүүнү пландаштырууда.
Украина президенти Владимир Зеленский Киев Эр-Рияддагы Россия менен АКШнын сүйлөшүүлөрүнүн жыйынтыгын тааныбай турганын билдирди.

18/02/2025

УТРКнын айрым кызматкерлери коррупцияга шектелип жатышабы?

УТРКнын кызматкерлерине кылмыш иш козголгону белгилүү болду. Алар миллион долларлык каражатты уурдоого шектелип жатышканын ММКлар жазып чыгышты. Бирок, кылмыш иши козголгондордун аты жөнү айтылган жок.
Бизге жеткен маалыматтар боюнча, аларга Париждеги Олимпиада оюндарын жана Евро-2024 оюндарын көрсөтүү учурундагы жарнамадан, ошондой эле башка өлкөлөрдөн келген гранттардан түшкөн 200 млн сом жөнүндө айып тагылышы мүмкүн. "Ири турнирлер аяктагандан кийин айрым жооптуу жетекчилер ар кандай мүлктөрдү, атап айтканда, автоунааларды сатып ала башташкан",- деп айтылууда.

18/02/2025

Бишкектеги Ленин райондук сотунун судьясы кармалды

Бишкек шаарынын Ленин райондук сотунун судьясы пара алууга шектелип кармалды. Бул тууралуу УКМКдан билдиришти.
Атайын кызмат сот органдарындагы коррупцияга каршы күрөшүүнүн жүрүшүндө Ленин райондук сотунун судьясы А.М.А. тарабынан пара алуу фактысын аныктап, ал ортомчу болгон М.С.А. аттуу адвокат аркылуу каралып жаткан жарандык иш боюнча оң чечим кабыл алгандыгы үчүн пара түрүндө 22 миң доллар суммасында акча каражатын алган.
Сот менен жактоочуга Кылмыш-жаза кодексинин 337-беренесинин 4-бөлүгү (кызмат абалынан кыянаттык менен пайдалануу) жана 342-берененин 3-бөлүгүнун 1,2-пункту (жооптуу кызмат адамы тарабынан ири өлчөмдө пара алуу») менен кылмыш иши козголгон. УКМК алар күнөөсүн мойнуна алганын билдирди.
Сот Мирзат Авазовдун бөгөт чарасы Биринчи май райондук сотунда каралып, ал УКМКнын тергөө абагына камакка алынган.
Учурда Авазовдун жана башка адамдардын ушул сыяктуу иштерге катыштыгы текшерилүүдө.

18/02/2025

Агартуучу айым “YAKA” бренди козгогон чыр боюнча пикирин билдирди

Белгилүү ишкер айым, агартуучу Элнура Осмоналиева “YAKA” бренди боюнча пикирин билдирип, кыргыз коомчулугуна көйгөйлүү 3 суроо узаткан. Анда мынтип айтылат:

1. Мен өзүм кыргыздын оймолорун, кол өнөрчүлүгүн сактоо жана коргоо үчүн эмне кылдым?

2. Апалар менен тайэнелер сайган саймасын, туштугун, шырыган шырдагын үйүмө илдимби, сактадымбы жана барктадымбы?

3. Кыргыздын салттуу кийимин деги эле качан кийип баштадым?

"Өз салтыбызды, маданиятыбызды сыйлап, барктамайынча эч ким сыйлабайт. Апалардын кол өнөрчүлүгү атканаларда чирип жатып калбаганына бираз эле болду окшойт. Көрүнгөнгө 3 тыйынга сатылбай калганына канча ай болду деги? Күбө жеп, 30 жылдап жарык көрбөгөн нечен буюмдар өгөй болуп кетти",- деп жазды ишкер айым өздүк баракчасына.
YAKA тырмактай бир дүкөн. Анын маселеси чечилет. Бирок, өзүбүз бабаларыбыздын мурасына болгон мамилебизди чыңдасак, бекемдесек. Жүрөгүбүзгө учурдун ыңгайына башын ийбеген катуу сезим катары баксак, балдарыбыздын аң сезимине жугузсак. Мен бул сөздөрдү "Акыркы Көч" тасмасынын продюсери катары жазып жатам. Бул тасма дал ушул көйгөйлүү маселе жөнүндө чаң жутуп, пырга айланган маданият, улуттук өнөр, нукура салт, дүйнө таануунун жана рухтун жоготуулусу жөнүндө тартылган",- деп жазды.

18/02/2025

Азия Кубогу -2025: Бүгүн Кыргызстандын футбол боюнча жаштар курамасы Катар менен беттешет

Футбол боюнча Кыргызстандын жаштар курамасы (U-20) бүгүн, 18-февралда 2025-жылкы Азия Кубогунун алкагында Катар курамасы менен беттешет. Бул тууралуу Кыргызстандын футбол биримдигинен билдирди.
Маалыматка ылайык, күйөрмандар үчүн AsiaMall соода борборунун 3-кабатында фан зонасы уюштурулуп, анда оюн түз эфирде көрө көрсөтүлөт.
Беттеш Бишкек убактысы боюнча 17:30да башталат.
Белгилей кетсек, Азия биринчилигинин финалдык баскычында жалпысынан 16 команда төрт тайпага бөлүнгөн. Кыргызстандын жаштар курамасы «А» тайпасында Кытай, Австралия жана Катар курамалары менен беттешет.

18/02/2025

Кызылчанын негизги пайдасы эмнеде?

Дарыгер жана диетолог Айдай Сурманова кызылчанын пайдасы тууралуу айтып берди. Анын айтымында, бул продукт кан басымын түшүрүп, рактын өнүгүшүн басаңдатууга жардам берет.

«Кызылчанын курамындагы бетацианин пигменти залалдуу шишиктердин өсүшүн жайлатуучу күчтүү антиоксидант болуп саналат. Кызылча ошондой эле кан басымды төмөндөтүүгө, кан тамырлардын дубалдарын бекемдөөгө, боордун иштешин жакшыртууга жана организмден ашыкча суюктукту чыгарууга жардам берет. Аялдар үчүн кызылчаны этек кир учурунда колдонуу абдан пайдалуу, анткени жашылча организмдеги кан жоготууларды калыбына келтирет. Тамыр жашылча жылуулук менен иштетилгенден кийин өзүнүн пайдалуу касиеттерин сактап калат», — деди.
Ошол эле учурда дарыгер кайнатылган кызылча кальцийдин толук сиңишине тоскоол болоорун, ошондуктан остеопорозго жакын адамдар аны жегенден алыс болушу керектигин белгиледи.

18/02/2025

Европа мамлекеттери Украинага 30 миңдей аскер жиберүүнү караштырууда

Европа өлкөлөрү Украинага 25-30 миң аскерден турган тынчтык орнотуу миссиясын жөнөтүү мүмкүнчүлүгүн карап жатышат. Болжолдуу маалыматтарга ылайык, тынчтык орнотуучулар фронттун сызыгы боюнча жайгаштырылбайт. Бирок, эгерде согуштук аракеттер кайра жанданса, күч көрсөтүүгө даяр болушат.
Европалык аткаминерлердин айтымында, бул багытта эң так иштелип чыккан стратегияны Франция даярдаган. Ал тынчтык орнотуу миссиясынын алкагында 10 миң аскер жөнөтө аларын эсептеп чыккан. Бул демилгени ишке ашыруу үчүн АКШнын колдоосу чечүүчү ролду ойнойт.

18/02/2025

Депутаттар боюнча мыйзам долбоору коомдук талкууга чыкты

Жогорку Кеңештин депутаттарын шайлоо боюнча жаңы мыйзам долбоору коомдукка талкууга чыкты.
Ага ылайык, Жогорку Кеңештин 90 депутаты можаритардык тутум боюнча көп мандаттуу аймактык шайлоо окруктарынан шайланып келишет. Ал эми өлкө боюнча 30 көп мандаттуу аймактык шайлоо округу түзүлүп, алардын ар биринен үчтөн депутат шайлана алат. Талапкер өзүн өзү көрсөтүү менен шайлоого аттана алат. Шайлоо округунан көп добуш алган үч талапкер жеңүүчү катары тааныла алышат.
Талапкерлер бирдей добуш алган учурда документтердин толук топтомун датасы жана убактысы боюнча эрте берген талапкер жеңди деп эсептелет.
Мыйзам долбоорунда белгиленгендей, аялдарга 30 мандат бөлүнүп, тийешелүү аймакта эң көп добуш алган аял талапкер депутаттык мандатка ээ болуусу каралган. Ал эми добуштары бирдей болуп калган учурда каттоо үчүн документтердин толук топтомун кимиси эрте берсе, ошол талапкер жеңүүчү болоору айтылган.
Ал эми депутат мандатын тапшырган учурда кайра шайлоо өткөрүлбөйт. Ошол округдан көп добуш алган кийинки талапкерге мандат берилет.

18/02/2025

Ректорлор кызматтан кетишеби?

"Сиз 5 жыл отуруп, тамырлап, коррупцияга батып бүттүңүз. Сизди кетириш керек",- деп какты Ош шаарынын мэри Ош мамлекеттик Университетинин ректору Кудайберди Кожобековго. Мэр шаарды өзү тазалап, өзү иретке келтирип жатканын айтып, "сиз Ош шаары үчүн эмне кылып койдуңуз",- деп сурады.
Кечээ калаа жетекчилиги Студенттер шаарчасына барып, ал жердеги унаа тыгындары, кызыл сызыкка курулуп калган курулуштар боюнча жеринде жыйын курду. Жыйынтыгында, мэр Жеңишбек Токторбаев ректорлордун маселесин кароо керектигин, айрымдары көп жылдан бери башкарып отурушканын, мындай көрүнүштөн кетүү керектигин баса белгиледи.

18/02/2025

Бишкекте жол эрежесин одоно бузган 20 автобус айдоочулары иштен алынды

Жол эрежесин одоно бузган муниципалдык автобустун 20 айдоочусу иштен алынды. Бул тууралуу мэриянын Транспорт жана жол-транспорттук инфратүзүмдү өнүктүрүү департаментинин директору Улан Бейшенбаев муниципалдык коомдук транспорт маселеси боюнча өткөргөн жыйында белгилүү болду.
“Бейшенбаев айдоочуларга жол кыймылынын эрежелерин так сактоо, ылдамдыкты жогорулатууга жол бербөө, жүргүнчүлөрдүн коопсуздугун камсыздоо жана транспорт каражаттарынын техникалык абалын көзөмөлдөө зарылдыгын эскертти.Мындай жыйындар үзгүлтүксүз өткөрүлүп турат”, — деп айтылат маалыматта.
Жыйындын соңунда айдоочулар тарабынан жол эрежесин сактоону күчөтүү, коомдук транспорттогу тейлөө сапатын жакшыртуу боюнча тапшырма берилди.

18/02/2025

Кыргызстанда илим кызматкерлеринин эмгек акысы 70-100%га чейин көтөрүлөт

Министрлер кабинети илимий жана илимий-техникалык уюмдардын кызматкерлерине эмгек акы төлөө шарттары жана штаттык саны жөнүндө токтом кабыл алды. Бул тууралуу министрлер кабинетинин басма сөз кызматы билдирди
Бул токтом илимий жана илимий-техникалык уюмдардын кызматкерлерине эмгек акы төлөө системасын өркүндөтүү жана ишинин натыйжалуулугун жогорулатуу максатында, КР президентинин 2024-жылдын 18-декабрындагы «КР Улуттук илимдер академиясынын кызматкерлерине жана «Илим» бөлүмү боюнча каржыланган илим жана илимий тейлөө кызматкерлерине эмгек акы төлөө шарттарын өркүндөтүү жөнүндө» жарлыгын аткаруу максатында иштелип чыккан.
Токтомдо илим кызматкерлеринин турмуш деӊгээлине терс таасирин тийгизип жаткан инфляциянын азыркы темптери, ошондой эле алардын социалдык жактан корголуусун жогорулатуу жана эмгек шарттарын жакшыртуу зарылчылыгы эске алынды. Эмгек акыны азыркы деӊгээлинен 70 пайыздан 100 пайызга чейин жогорулатуу илим кызматкерлеринин материалдык абалын бир кыйла жакшыртууга багытталган, бул алардын профессионалдык жактан ɵнүгүүсүнɵ жана мотивациясынын жогорулашына шарт түзɵт.

18/02/2025

Зеленский: Украина Сауд Аравиясындагы сүйлөшүүлөргө катышпайт жана тааныбайт

Украина бийлиги Сауд Аравиясында өтө турган сүйлөшүүлөр тууралуу эч нерсе билбейт. Аларга катышпай турганын жана тааныбай турганын билдирди. Бул тууралуу Украина президенти Владимир Зеленский Эр-Риядда Россия менен АКШ өкүлдөрүнүн жолугушуусу боюнча комментарийинде билдирди.
«Украина катышпайт. Украина бул тууралуу эч нерсе билген эмес. Украина өзү катышпаган сүйлөшүүлөрдү натыйжасыз деп эсептейт. Биз өзүбүз катышпаган келишимдерди тааныбайбыз»,-деди Зеленский.
Учурда Зеленский расмий сапар менен Бириккен Араб Эмираттарында жүрөт. Анын айтымында, Эр-Риядга сапары АКШ менен Россия өкүлдөрүнүн Сауд Аравиясындагы жолугушуусуна эч кандай байланышы жок.
18-февралда Эр-Риядда АКШ менен Россия өкүлдөрүнүн жолугушуусу пландалган.

18/02/2025

Макрон Трамп жана Зеленский менен сүйлөштү

Франциянын президенти Эммануэль Макрон АКШнын президенти Дональд Трамп жана Украина президенти Владимир Зеленский менен сүйлөшкөнүн билдирди.
«Бир катар европалык лидерлер менен жолугушуудан кийин эле президент Трамп, андан соң Зеленский менен сүйлөштүм»,-деп жазды Макрон өзүнүн Х социалдык тармагында.
Ал европалыктар, америкалыктар жана украиндер узак мөөнөттүү тынчтык үчүн биргелешип иштешерин айтты. Бул максатта Европанын суверенитет, коопсуздук жана атаандаштык боюнча өз саясатын тезирээк ишке ашырууну каалап жатканын кошумчалады.
Дүйшөмбү күнү Парижде Макрондун демилгеси менен бир катар европалык лидерлердин бейрасмий саммити өттү. Анда Украина жана Европанын коопсуздугу Россия менен АКШ президенттеринин сүйлөшүүлөрү талкууланды.
Саммитке Германия, Улуу Британия, Италия, Польша, Испания, Нидерланд жана Даниянын лидерлери катышты. Жыйынга Еврокомиссиянын башчысы Урсула фон дер Ляйен, НАТОнун баш катчысы Марк Рютте келди.

Address

Frunze

Website

http://www.apta.kg/

Alerts

Be the first to know and let us send you an email when АПТА бейтарап маалымат дареги posts news and promotions. Your email address will not be used for any other purpose, and you can unsubscribe at any time.

Videos

Аккан арыктан суу агат: Лучано Павароттинин 11 жаштагы небереси чоң атасынан кем эмес ырдайт(видео) Kaynak Linki = https://www.apta.kg/haber/akkan-aryktan-suu-agat-luchano-pavarottinin-11-zhashtagy-neberesi-cho-atasynan-kem-emes-yrdaytvideo-6833

“Канаттуулар бийи”: Куштардын бири - бирлерин жакшы көрүү жана угуусу Kaynak Linki = https://www.apta.kg/haber/kanattuular-biyi-kushtardyn-biri-birlerin-zhakshy-kr-zhana-uguusuvideo-6649

АКШ менен Россия Түркияда туткундарды ийгиликтүү алмаштырды. Арадан жылдар өткөндөн кийин россиялык учкуч Константин Ярошенко жана Техас штатынын мурдагы деңиз аскери Тревор Рид мекендерине кайтты. Константин Ярошенко Либерияда 2010-жылы май айында АКШнын Баңгизат менен күрөшүү боюнча башкармалыгынын жашыруун агенттери тарабынан кармалган. Ярошенкону алар кокаиндин ири партиясын ташыган деп айыптаган. 2011-жылы 7-сентябрда ал 20 жылга кесилген. Kaynak Linki = https://www.apta.kg/haber/aksh-zhana-rossiya-tutkundardy-iygilikt-almashty-video-5923

Түштүктү суу каптаса, батышы суу тилеп түлөө өткөрдү (видео) Kaynak Linki = https://www.apta.kg/haber/tshtkt-suu-kaptasa-batyshy-suu-tilep-tl-tkrd-video-5867

Президент бул ирет өз атынан жаңылды (видео) Kaynak Linki = https://www.apta.kg/haber/prezident-bul-iret-z-atynan-zhayldy-video-5809

Ири жол кырсыгы: 50дөн ашык унаа кагылышты (видео) Kaynak Linki = https://www.apta.kg/haber/iri-zhol-kyrsygy-50dn-ashyk-unaa-kagylyshty-video-5116

Кыргыз Республикасында өлкөнүн тарыхында биринчи жолу хоккей боюнча Дүйнө чемпионаты IV дивизион өтүп жатат. Иш-чараны Кыргыз Республикас

Кыргыз Республикасында өлкөнүн тарыхында биринчи жолу хоккей боюнча Дүйнө чемпионаты IV дивизион өтүп жатат. Иш-чараны Кыргыз Республикасынын Президенти Садыр Жапаров жана Эл аралык хоккей федерациясынын президенти Люк Тардиф ачышты. Впервые в истории страны Кыргызская Республика принимает Чемпионат мира по хоккею с шайбой, IV Дивизион. Открыли мероприятие Президент Кыргызской Республики Садыр Жапаров и Президент Международной федерации хоккея Люк Тардиф International Ice Hockey Federation (IIHF)

Киев телемунарасынын жанындагы жарылуунун видеосу тарады Kaynak Linki = https://www.apta.kg/haber/kiev-telemunarasynyn-zhanyndagy-zharyluunun-videosu-tarady-4477

Дикий Армандын апасынын кыргыз элинен кечирим сураган видеосу тарады Kaynak Linki = https://www.apta.kg/haber/dikiy-armandyn-apasynyn-kyrgyz-elinen-kechirim-suragan-videosu-tarady-4262

Салмагы 289 граммдык кулпунай Гиннес китебине кирди (видео) Kaynak Linki = https://www.apta.kg/haber/salmagy-289-grammdyk-kulpunay-ginnes-kitebine-kirdi-video-4260

Элмирбек Иманалиевдин обондуу ырлар сынагына Германиялык Джонатанда ырдаган видеосун жиберген (видео) Kaynak Linki = https://www.apta.kg/haber/elmirbek-imanalievdin-obonduu-yrlar-synagyna-germaniyalyk-dzhonatanda-yrdagan-videosun-zhibergen-video-4214

АПТА бейтарап маалымат дареги

18/02/2025

18/02/2025

18/02/2025

18/02/2025

18/02/2025

18/02/2025

18/02/2025

18/02/2025

18/02/2025

18/02/2025

18/02/2025

18/02/2025

18/02/2025

18/02/2025

18/02/2025

18/02/2025

18/02/2025

18/02/2025

Address

Website

Alerts

Videos

Кыргыз Республикасында өлкөнүн тарыхында биринчи жолу хоккей боюнча Дүйнө чемпионаты IV дивизион өтүп жатат. Иш-чараны Кыргыз Республикас

Shortcuts

Share

Category