Казакстанда Бакудан Грозныйга бараткан жүргүнчү учагы кулап түштү. Ичинде 60тан ашык киши болгон
UPD: Жарыяланган тизмеде аман калган 28 кишинин аты-жөнү жазылган. Арасында эки кыргызстандык бар.
25-декабрда Казакстандын Актау шаарына жакын жерде Azerbaijan Airlines (AZAL) авиакомпаниясынын Бакудан Грозныйга бараткан жүргүнчү учагы кулап түштү. Ичинде 62 жүргүнчү жана беш экипаж мүчөсү болгон. Казакстан ӨКМинин ыкчам штабы 25 киши аман калганын билдирүүдө.
Болжолдуу маалыматтарга ылайык, учакта Азербайжандын, Орусиянын, Казакстандын, Кыргызстандын жана Тажикстандын жарандары болгон.
Казаэронавигация мекемеси экипаж канаттуулар менен кагылышып, башкарууну жоготуп койгондуктан улам авариялык конууга аракет кылган.
Ош: Селден жабыркаган тургундар кайрадан кооптонууда
Үстүбүздөгү жылдын 14-июль күнү Кара-Суу районуна караштуу Мады айыл өкмөтүндөгү Кыргыз-Чек айылында 150 турак үйгө сел кирип, зыян келтирген. Өзгөчө кырдаалдар министрлиги аталган айылдагы 24 үйдү “жашоого жараксыз”деген корутунду чыгарган. Кийин бийлик авариялык абалга кептелген үй ээлеринин ар бирине 1 млн сом акча бөлгөн эле.
Жаңы турак жай курган тургундар үйлөрүн толук бүтүрө алыштыбы? Алар эмнеден кооптонушууда? “Клооп” тургундардын үнүн укту.
#сел #ош #карасуу
Имамидин Ташовдун иши боюнча сот отуруму 14-январга жылдырылды
24-декабрда Бишкектин Биринчи май райондук сотунун судьясы Чыңгызбек Бердимуратов KG Group курулуш компаниясынын ээси Имамидин Ташовдун иши боюнча сот отурумун 14-январга жылдырды. Буга чейин мындай өтүнүч менен сотко ишкердин адвокаттары кайрылган.
Отурумдун жүрүшүндө адвокат Нурсултан Жаныбеков прокурорго ишенбөөчүлүк көрсөттү. Анын пикиринде, мамлекеттик айыптоочунун бул иште жеке кызыкчылыгы бар.
Өз кезегинде прокурор адвокаттын өтүнүчү негизсиз экенин жана ал эч кандай далил келтирбегенин билдирди. Жыйынтыгында сот өтүнүчтү канааттандыруудан баш тартты.
Отурум аяктап, судья залдан чыгып кеткенден кийин Ташов журналисттердин суроолоруна жооп бере баштаган. Бирок күзөт кызматкерлери ЖМК өкүлдөрүнө видеого тартууга тоскоолдук кылышты.
Кийинки сот отуруму 14-январга белгиленди.
видео: Клооп
📌Биздин телеграм-каналга катталыңыз: https://t.me/kloopkyrgyz
Сокулукта күбөлөр күйүп жаткан унаадагы адамды куткарып калышты
Чүй облусунун Сокулук айылында жеңил унаа өрттөнүп кетти.
Күбөлөрдүн айтымында, окуя 23-декабрь күнү эртең менен болгон.
Басылмалардын маалыматына ылайык, күбөлөр күйүп жаткан унаадагы адамды куткарып калууга жетишкен.
#сокулук #кырсык #өрт #унаа #жаңылыктар #кыргызстан
Кыргыз тилиндеги электрондук китептерди кайдан акысыз окуса болот?
Кыргыз тилиндеги чыгармаларды кайсы сайттардан акысыз окуса болот? Бул видеодо балдарга, мектеп окуучуларына арналган китептерди, адабий жана дүйнөлүк белгилүү чыгармалардын кыргызча котормолору менен аудио үлгүсүн камтыган электрондук китепканалардын тизмесин чогулттук.
«Балам, мен сени эч качан таштаган эмесмин». Журналисттердин шаардык соттогу акыркы сөзү
18-декабрда Бишкек шаардык соту Temirov Live жана «Айт айт десе» долбоорлорунун мурдагы жана азыркы төрт журналистинин апелляциялык арызын канааттандыруудан баш тартты.
Кеп буга чейин райондук сот жапырт башаламандыктарга чакырык жасоо беренеси боюнча күнөөлүү деп тапкан Махабат Тажибек кызы, Азамат Ишенбеков, Айке Бейшекеева жана Актилек Капаров жөнүндө болууда.
Отурумда Азамат Ишенбеков ага чыккан сот өкүмү жөнүндө бүгүнкү күнгө чейин кабары жок чоң энесине жазган ырын окуп берди. Журналисттин адвокаттары менен жакындарынын айтымында, кайгыдан улам чоң энесинин саламаттыгы начарлап, көзү көрбөй калган.
Махабат Тажибек кызы учурда таенесинин колунда тарбияланып жаткан уулуна кайрылды. «Балам, мен сени эч качан таштаган эмесмин. Сени жакшы көрөм. Болгону менин максатым – сени өнүккөн элде, өскөн жерде жашасын деген», — деди ал.
Жапаров Кыргызстанда митингдердин «жоктугун» өзүнүн жетишкендиги катары көрсөттү. Бирок алардын саны 170тен ашкан
Президент Садыр Жапаров акыркы үч жылдын ичинде Кыргызстанда митингдер болбогонун билдирди — бирок бул караандай калп.
Кыргызстандыктар бул аралыкта казинонун ачылышына, ККМге, согуштарга жана жапырт камоолорго каршы, ошондой эле коңшу өлкөлөр менен чек араны тактоо сыяктуу бир катар маселелерге байланыштуу нааразылык акцияларына чыккан. Мунун баары митингдерге тыюу салынганына жана адамдар элди тынч акцияларга чыгаруу ниети үчүн да жазага тартылып жатканына карабастан болду.
Президенттин жеңеси кандайча Бишкектин экс-мэринин бизнесине өнөктөш болду?
Садыр Жапаровдун жеңеси жана анын мурдагы кеңешчисинин уулу Бишкектин экс-мэри Азиз Суракматовдун компаниясынан үлүштөрду алган. Үч жыл мурда УКМК аны шаардагы жер тилкелерин курулуш үчүн мыйзамсыз сатуу айыбы менен кармаган, бирок кийин ал акча төлөп эркиндикке чыккан. Буга чейин «Клооп» менен Temirov Live кармалган ишкерлер «Мадина» базарынын айланасындагы жер тилкелерин кантип Жапаровдун жакындарына өткөрүп бергени жөнүндө айтып беришкен.
Боорсок кантип жасалат?
Бул видеодо сиздерге боорсок бышыруунун эң жеңил жолун көрсөтүп беребиз. Аны үйдө даярдап, досторуңуз менен бөлүшүңүз! 🎥👇
Материал @okutool колдонмосундагы акысыз мобилография курсунун стажеру менен даярдалган.
#нан #боорсок #салт #ашкана #камыр #тамак
2024-жылы октябрдын аягында коомдук транспорттун каттамдары өзгөрүп, Сокулуктун жана Бишкекке жакын жайгашкан шаарлардын тургундары олуттуу көйгөйгө кабылышты. Калаа бийлиги эми Чүй облусунун жашоочулары Бишкекке шаардын сыртындагы жаңы автобекет аркылуу катташы керек деген чечим кабыл алган. Ал жаңы бекет Бишкектен Сокулукка чейинки каттамдын узактыгын болжол менен 1,5 саатка узартты.
Бул ыңгайсыз жана узак — абалды дайымкы унаа тыгындары жана адамдарга толгон автобустар оорлотууда.
Биз бул каттам эми кандай болуп калганын көрсөтүү үчүн «час пик» убагында Бишкектен Сокулукка барып келүүнү чечтик. Бул видеодо бийликтин чечими элдин жашоосуна кандай таасир этип, аларды жаңы, анчалык ыңгайлуу эмес шарттарга көнүүгө мажбур кылып жатканы жөнүндө айтылат.
Садыр Жапаровдун тушунда Кыргызстанда ким, эмне үчүн репрессияга кабылды?
2020-жылы октябрда Садыр Жапаров менен Камчыбек Ташиевдин бийликке келиши менен Кыргызстандын саясий айдыңында көп нерсе өзгөрдү. Активисттер менен журналисттерге каршы кылмыш иштерин козгоо кадыресе көрүнүшкө айланды, бирок репрессиялардын толкунуна катардагы жарандар да кабылууда: куруучулар, желимдөө жайынын жумушчусу, пенсионер.
«Клооптун» дата-бөлүмү 2020-жылдан 2024-жылга чейин козголгон кылмыш иштерин изилдеп чыгып, Кыргызстандагы саясий репрессиялардын масштабын аныктады.
БИШКЕК СИТИНИН СЫРЛАРЫ. «Ак-Кула» ат майданы менен «Ай-Пери» бизнес-борборун чынында ким сатып алды?
«Клооп» менен Temirov Live бийлик курулуш үчүн деп Бишкектеги эски «Ак-Кула» ат майданынын 50 гектар жерин берген жаңы түзүлгөн «РЦА Ливинг» жана шаардын борбордук бөлүгүндөгү «Ай-Пери» бизнес-борборун сатып жаткан «РЦА Бишкек» компаниясы кыйыр түрдө Камчы Көлбаевдин мурдагы өнөктөшүнө байланышы бар экенин аныктап чыкты. Алар ат майданды 33% арзан, бизнес-борборду жер тилкеси менен кошо бааланган наркынын дээрлик жарымына алышты.
Материалды толугу менен ушул шилтеме аркылуу өтүп, окуй аласыз:: https://bit.ly/3Be3YAG
