What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:00 - 17:00

Radio Osotua, St. Peter's Catholic Parish Majengo-Narok, Narok (2025)

20/12/2024

#𝐍𝐨𝐯𝐞𝐧𝐚𝐏𝐫𝐚𝐲𝐞𝐫
𝐍𝐎𝐕𝐄𝐍𝐀 𝐊𝐖𝐀 𝐀𝐉𝐈𝐋𝐈 𝐘𝐀 𝐌𝐀𝐓𝐀𝐘𝐀𝐑𝐈𝐒𝐇𝐎 𝐘𝐀 𝐍𝐎𝐄𝐋𝐈
SIKU YA TANO (20.12.2024)

KWA KUZALIWA KWAKE KRISTO KATI YETU KUMETULETEA UHAI NA KUTUFUNDISHA JINSI ITUPASAVYO KUISHI

Hebu tazameni jinsi wazazi wanavyoshughulika ili kujipatia riziki na kuwapa watoto wao hali njema ya maisha. Yesu Kristo angeweza kuwaokoa watu bila ya mateso na kufa msalabani.
Yeye alichagua njia hii ya mateso na kukubali kufa msalabani kutuhakikishia jinsi anavyotupenda alinuia mwenyewe maisha yenye shida. Nabii Isaya alimwita Bwana wa uzima “Mtu wa huzuni nyingi” maisha yake yote yalijaa mateso mengi na tena makali.
Mavutio ya mapendo yake kwetu yalioanza sio tu chache kabla ya kifo chake, lakini tangu kuzaliwa kwake hapa duniani. Alizaliwa katika mazingira ambapo kila kitu kilitumikia kumtesa muda mfupi baada ya kuzaliwa kwake, alilazimika kukimbilia Misri ambako alitumia miaka kadhaa ya utoto wake katika umaskini na taabu. Ujana wake na ubinadamu wa mwanzo ulitumika huko Nazareti kwa kufanya kazi ngumu katika uangalizi wa baba yake mlishi Yosefu. ”Mtoto akakua, akazidi kupata nguvu akajawa hekima na neema ya Mungu ilikuwa naye… Naye Yesu akaendelea kukua katika hekima na kimo, akazidi kupendwa na Mungu na watu” (Lk 2; 40, 52).
Dhambi zetu zilimtesa Bwana wa uzima. Tumwombe sasa wakati huu kwa namna ya pekee azitawale nyoyo zetu ili tupate kuishi kwa uaminifu na uadilifu mbele zake. Nia yake ni kutuona sisi tulio kundi na fungu Lake tunaishi vyema na kuteseka tu kwa ajili yake” msiwalipe watu ovu kwa ovu au tusi kwa tusi; bali watakieni Baraka, maana nyinyi mliitwa na Mungu mpate kupokea Baraka ... lakini hata k**a itawapasa kuteseka kwa sababu ya kutenda mema, basi mna heri. Msimwogope mtu yeyote wala msikubali kutiwa katika wasiwazi” (1 Pet 3; 9, 14). Yesu Kristo anatuambia hivi: “Heri wanaoteswa kwa sababu ya kufanya atakavyo Mungu, maana ufalme wa Mbinguni ni wao”(Mat 5:10).
1) Ee Yesu Kristo Bwana na mchungaji wetu mwema, tunayatubu makosa yetu kwako na kwa mateso yako tunajitoa kwako k**a dhabihu iliyo hai yenye kukupendeza. Tuwezeshe kukupenda kuliko chochote. Ee Bwana…
Wote: Twakuomba utusikie.
2) Ee Bwana, tunakuomba utufundishe kupitia Roho Mtakatifu kuukumbatia upendo wako maishani mwetu na kueneza popote pale ili wote wapate kukujua wewe uliye pekee Bwana na mkombozi wetu. Ee Bwana…
Wote; Twakuomba, utusikie.
3) Ee Bwana tunakuomba utufanye tuwe vyombo vyako, ili siku zote tuishi katika heshima ya watoto wa Mungu na wafuasi kweli wa mafundisho yako. Tufarijiwe katika pendo lako la milele. Ee Bwana...
Wote; Twakuomba, utusikie.

Tuombe
Ee Bwana Mungu wetu, wewe umezidi kutupenda mno ajabu twakuomba sisi viumbe na watu wako mapendo yako yawake daima, ndani ya mioyo yetu na kujibidiisha kufanana na mwanao katika yote. Roho wako daima atuongoze katika hali na kwa moyo wa kusameheana, tuwe watu na taifa linalokupendeza na linalozidi kubarikiwa nawe siku zote kwa nguvu yako tumshinde Yule muovu ibilisi na kuishi katika kweli yako daima. Ewe Maria Mtakatifu tusaidie kumpenda Mungu aliye nguvu na yote ya maisha yetu.

Tunaomba hayo kwa njia ya Kristu, Bwana wetu.
Wote: Amina.

20/12/2024

Masomo ya Misa 20/12/2024

Somo la Kwanza
Isa 7:10-14
Siku zile, Bwana akasema na Ahazi akinena, Jitakie ishara ya Bwana, Mungu wako; itake katika mahali palipo chini sana, au katika mahali palipo juu sana. Lakini Ahazi akasema, Sitaitaka, wala sitamjaribu Bwana.
13 Naye akasema, Sikilizeni sasa, enyi nyumba ya Daudi; Je! Ni neno dogo kwenu kuwachosha wanadamu, hata mkataka kumchosha Mungu wangu pia? Kwa hiyo Bwana mwenyewe atawapa ishara. Tazama, bikira atachukua mimba, atazaa mtoto mwanamume, naye atamwita jina lake Imanueli.

Wimbo wa Katikati
Zab 24:1-6
Nchi na vyote viijazavyo ni mali ya Bwana,
Dunia na wote wakaao ndani yake.
Maana ameiweka misingi yake juu ya bahari,
Na juu ya mito ya maji aliithibitisha.
(K) Mfalme wa utukufu apate kuingia.

Ni nani atakayepanda katika mlima wa Bwana?
Ni nani atakayesimama katika patakatifu pake?
Mtu aliye na mikono safi na moyo mweupe.
Asiyeiinua nafsi yake kwa ubatili.
(K) Mfalme wa utukufu apate kuingia.

Atapokea Baraka kwa Bwana,
Na haki kwa Mungu wa wokovu wake.
Hiki ndicho kizazi cha wamtafutao,
Wakutafutao uso wako, Ee Mungu wa Yakobo.
(K) Mfalme wa utukufu apate kuingia.

Somo la Injili
Lk 1:26–38
Malaika Gabrieli alitumwa na Mungu kwenda mpka mji wa Galilaya, jina lake Nazareti, kwa mwanamwali bikira aliyekuwa ameposwa na mtu, jina lake Yusufu, wa mbari ya Daudi; na jina lake bikira huyo ni Mariamu. Akaingia nyumbani kwake akasema, Salamu, uliyepewa neema. Bwana yu pamoja nawe. Naye akafadhaika sana kwa ajili ya maneno yake, akawaza moyoni, Salamu hii ni ya namna gani? Malaika akamwambia, Usiogope, Mariamu, kwa maana umepta neem akwa Mungu. Tazama, utachukua mimba na kuzaa mtoto mwanamume; na jina lake utamwita Yesu. Huyo atakuwa mkuu, ataitwa Mwana wa Aliye juu, na Bwana Mungu atampa kiti cha enzi cha Daudi, baba yake. Ataimiliki nyumba ya Yakobo hata milele, na ufalme wake utakuwa hauna mwisho. Mariamu akamwambia malaika, Litakuwaje neno hili, maana sijui mume? Malaika akajibu akamwambia, Roho Mtakatifu atakujilia juu yako, na nguvu zake Aliye juu zitakufunika k**a kivuli; kwa sababu hiyo hicho kitakachozaliwa kitaitwa kitakatifu, Mwana wa Mungu. Tena, tazama, jamaa yako Elisabeti naye amechukua mimba ya mtoto mwanamume katika uzee wake; na mwezi huu ni wa sita kwake yeye aliyeitwa tasa; kwa kuwa hakuna neno lisilowezekana kwa Mungu. Mariamu akasema, Tazama, mimi ni mjakazi wa Bwana; na iwe kwangu k**a ulivyosema. Kisha malaika akaondoka akaenda zake.

19/12/2024

UMEWAI KWENDA KINYOSI NA STIMA IKAPOTEA....?
SEMA NMI KUPITIA ,
0797577229/0734005267

19/12/2024

#𝐍𝐨𝐯𝐞𝐧𝐚𝐏𝐫𝐚𝐲𝐞𝐫
𝐍𝐎𝐕𝐄𝐍𝐀 𝐊𝐖𝐀 𝐀𝐉𝐈𝐋𝐈 𝐘𝐀 𝐌𝐀𝐓𝐀𝐘𝐀𝐑𝐈𝐒𝐇𝐎 𝐘𝐀 𝐍𝐎𝐄𝐋𝐈
SIKU YA NNE(19.12.2024)

KWA KUZALIWA KWAKE YESU KUNAWAPA UZIMA WALIOVUNJIKA MOYO

Kwa kuzaliwa kwa Yesu kunatupa matumaini na uzima kamili.”……………….. akanituma niwaletee wanaokandamizwa Habari njema, niwatibu waliovunjika moyo, niwatangazie mateka kwamba watapata uhuru, na wafungwa kwamba watafunguliwa“( Isaya 61:1b). Ishara ambayo Malaika aliwapa wachungaji ili kuwasaidia kumpata mwokozi aliyezaliwa, ni ya upole wake. Hii itakuwa ishara kwenu.” Na hiki kitakuwa kitambulisho kwenu; mtakuta mtoto mchanga amevikwa nguo za kitoto, amelazwa horini” ( Lk 2:12).
Hakuna mtoto mwingine aliyezaliwa ambaye alivikwa nguo za kitoto na kulazwa horini mahali pa kulishia wanyama na katika nyumba ya mfugaji mkulima isipokuwa Yesu Kristu. Hivyo, kwa ajili yetu Mfalme wa Mbinguni, Mwana wa Mungu, alichagua kuzaliwa namna hii, ili kuharibu kiburi chetu ambacho kinasababisha mateso kwa mwanadamu.
Manabii walikuwa wametabiri ya kwamba mwokozi atapata mateso mengi, kudharauliwa na kuvikwa taji la miiba na kutukanwa. Lakini Kristo aliyavumilia hayo yote kwa ajili ya upendo wake kwetu sisi. Yesu hakuwa na dharau kwa yeyote yule; aliwahurumia wakosefu na kuwarudisha kwa njia ya uzima aliwaponya wote waliovunja moyo na kuzifunga jereha zao. Aliwaweka huru waliokuwa wamefungwa na kutangaza mwaka wa neema ya Bwana.
1) Ee Bwana Yesu, tujalie tuweze kukuona wewe uliyedharauliwa na kufanyiwa dhihaka, unastahili kupendwa na kila mmoja wetu. Kwa majereha yako tuponywe kutokana na maovu ya ulimwengu huu. Ee Bwana…
Wote: Twakuomba utusikie.
2) Ee Bwana, Mkombozi wa ulimwengu, tunakuomba uijaze mioyo yetu na Neno lako la uzima ili mawazo na maneno yetu yakupendeze siku zote. Tuondolee kiburi na majivuno yanayotuletea hofu nyingi maishani mwetu. Ee Bwana…
Wote: Twakuomba utusikie.
3) Ee Bwana Yesu tunakuletea wote waliovunjika moyo na kujeruhiwa kwa makosa ya kibindamu, upate kuwaponya na kuwajaza furaha yako ili waishi katika amani na matumaini. Ee Bwana…
Wote: Twakuomba utusikie.
Tuombe
Ee Mungu Mwenyezi wa milele, mwanao alipata mateso mengi ili kuturudisha katika njia yako ya uzima na pia tupate kuishi katika heshima ya watoto wateule wako. Tunakuomba utuwezeshe kuibeba misalaba yetu na kuvumilia yote katika kukupenda na kukupendeza wewe siku zote za maisha yetu. Zijalie familia na jamii zote kuutambua upendo na uwepo wako maishani. Ewe Maria, tuwezeshe kupendeka kwa mwanao, unapozidi kutuombea siku zote.

Tunaomba hayo kwa njia ya Kristu, Bwana wetu.
Wote: Amina.

19/12/2024

Masomo ya Misa 19/12/2024

Somo la Kwanza
Amu 13:2–7, 24–25
Siku zile, palikuwa na mtu mmoja wa Sora, wa jamaa ya Wadani; jina lake akiitwa Manoa; na mkewe alikuwa tasa, hakuzaa watoto. Malaika wa Bwana akamtokea yule mwanamke, akamwambia, Tazama, wewe sasa u tasa, huzai; lakini utachukua mimba, nawe utamzaa mtoto mwanamume. Basi sasa, jihadhari, nakuomba, usinywe divai wala kileo, wala usile kitu kilicho najisi; kwani tazama, utachukua mimba, nawe utamzaa mtoto mwanamume; na wembe usipite juu ya kichwa chake; maana mtoto huyo atakuwa Mnadhiri wa Mungu tangu tumboni; naye ataanza kuwaokoa Israeli na mikono ya Wafilisti. Ndipo yule mwanamke akaenda akamwambia mume wake, akisema, Mtu wa Mungu alinijia, na uso wake ulikuwa k**a uso wa malaika wa Mungu, wa kutisha sana; nami sikumwuliza, Umetoka wapi? Wala hakuniambia jina lake; lakini aliniambia, Tazama, utachukua mimba, nawe utamzaa mtoto mwanamume; basi sasa, usinywe divai wala kileo, wala usile kitu kilicho najisi. Maana mtoto huyo atakuwa Mnadhiri wa Mungu tangu tumboni, hata siku ya kufa kwake. Basi yule mwanamke akamzaa mtoto mwanamume akamwita jina lake Samsoni, mtoto huyu akakua, Bwana akambarikia. Roho ya Bwana ikaanza kumtaharakisha katika Mahanedani, katikati ya Sora na Eshtaoli.

Wimbo wa Katikati
Zab 71:3–6, 16–17
Uwe kwangu mwamba wa makazi yangu,
Uniamuru niokolewe,
Ndiwe genge langu na ngome yangu.
Ee Mungu wangu, uniopoe mkononi mwa mkorofi.
(K) Kinywa changu kitajazwa sifa zako, na heshima yako mchana kutwa.

Maana ndiwe taraja langu, Ee Bwana Mungu,
Tumaini langu tokea ujana wangu.
Nimekutegemea Wewe tangu kuzaliwa,
Ndiwe uliyenitoa tumboni mwa mama yangu.
(K) Kinywa changu kitajazwa sifa zako, na heshima yako mchana kutwa.

Nitakuja na mambo ya ajabu ya Bwana Mungu,
Nitawakumbusha watu haki yakow ewe peke yako.
Ee Mungu umenifundisha tokea ujana wangu;
Nimekuwa nikitangaza miujiza yako hata leo.
(K) Kinywa changu kitajazwa sifa zako, na heshima yako mchana kutwa.

Shangilio
Shangilio
Aleluya, aleluya,
Ee chipukizi la Yese, unayesimama k**a ishara ya mataifa, usikawie kuja kutuokoa.
Aleluya.

Somo la Injili
Lk 1:5–25
Zamani za Herode, mfalme wa Uyahudi, palikuwa na kuhani mmoja, jina lake Zakaria, wa zamu ya Abiya, na mkewe alikuwa mmojawapo wa uzao wa Haruni, jina lake Elisabeti. Na wote wawili walikuwa wenye haki mbele za Mungu, wakiendelea katika amri zote za Bwana na maagizo yake bila lawama. Nao walikuwa hawana mtoto, maana Elisabeti alikuwa tasa, na wote wawili ni wazee sana.
Basi ikawa, alipokuwa akifanya kazi ya ukuhani katika taratibu ya zamu yake mbele za Mungu, k**a ilivyokuwa desturi ya ukuhani, kura ilimwangukia kuingia katika hekalu la Bwana ili kufukiza uvumba. Na makutano yote ya watu walikuwa wakisali nje saa ya kufukiza uvumba. Akatokewa na malaika wa Bwana, amesimama upande wa kuume wa madhabahu ya kufukizia. Zakaria alipomwona alifadhaika, hofu ikamwingia.
Lakini yule malaika akamwambia, Usiogope, Zakaria, maana dua yako imesikiwa, na mkeo Elisabeti atakuzalia mtoto mwanamume, na jina lake utamwita Yohane. Nawe utakuwa na furaha na shangwe, na watu wengi watakufurahia kuzaliwa kwake. Kwa sababu atakuwa mkuu mbele za Bwana; hatakunywa divai wala kileo; naye atajazwa roho Mtakatifu hata tangu tumboni mwa mamaye. Na wengi katika Waisraeli atawarejeza kwa Bwana Mungu wao. Naye atatangulia mbele zake katika roho ya Eliya, na nguvu zake, ili kuigeuza mioyo ya baba iwaelekee watoto, na kuwatilia waasi akili za wenye haki, na kumwekea Bwana tayari watu waliotengenezwa. Zakaria akamwambia malaika, Nitajuaje neno hilo? Maana mimi ni mzee, na mke wangu ni mkongwe wa siku nyingi. Malaika akamjibu akamwambia, Mimi ni Gabrieli, nisimamaye mbele za Mungu; nami nimetumwa niseme nawe, na kukupasha habari hizi njema. Na tazama! Utakuwa bubu, usiweze kusema, mpaka siku ile yatakapotukia hayo, kwa sababu hukuyasadiki maneno yangu; nayo yatatimizwa kwa wakati wake.
Na wale watu walikuwa wakimngojea Zakaria, wakastaajabia kukawia kwake mle hekaluni. Alipotoka hali hawezi kusema nao, walitambua ya kuwa ameona maono ndani ya hekalu, naye aliendelea kuwashiria akakaa bubu.
Ikawa siku za huduma yake zilipokuwa zimetimia akaenda nyumbani kwake. Hata baada ya siku zile mkewe Elisabeti alichukua mimba akatawa miezi mitano, akisema, Hivi ndivyo alivyonitendea Bwana katika siku zile alizoniangalia ili kuniondolea aibu yangu mbele ya watu.

19/12/2024

Habari ya Asubuhi.
Captain Kevin Wekesa
Hotline:0797 577 229
www.radioosotua.co.ke

18/12/2024

#𝐍𝐨𝐯𝐞𝐧𝐚𝐏𝐫𝐚𝐲𝐞𝐫
𝐍𝐎𝐕𝐄𝐍𝐀 𝐊𝐖𝐀 𝐀𝐉𝐈𝐋𝐈 𝐘𝐀 𝐌𝐀𝐓𝐀𝐘𝐀𝐑𝐈𝐒𝐇𝐎 𝐘𝐀 𝐍𝐎𝐄𝐋𝐈
SIKU YA TATU (18.12.2024)

MAISHA YA UMASKINI AMBAYO YESU ALIJITOKEZA NAYO KWA KUZALIWA KWAKE

Siku hii ya tatu, hata sisi tujiangalie jinsi tulivyozaliwa, pia katika umaskini, baridi na hofu tukitegemea wazazi wetu hasa mama. Mungu aliwagiza kwamba, wakati ambapo mwanawe angezaliwa hapa duniani, mfalme wa kirumi alitoa amri na kuagiza kila mtu kwenda mahali pa asili yake apate kusajiliwa katika sensa. Kwa hiyo, ikawa kwamba, kwa kuitii amri hii, Yosefu ilimbidi aende Bethlehemu pamoja na mchumba wake Bikira Maria ambaye alikuwa mja mzito wakati huo.
“Walipokuwa huko siku yake ya kujifungua ikawadia” (Lk 2:6). Ikawabidi kutafuta mahali popote katika nyumba ya wageni lakini hawakupata nafasi hata katika nyumba nyingine za mji.
Mama maskini mmoja alipowaona jinsi wanavyotaabika aliwapa nafasi katika pango linalotumiwa kuwalishia wanyama. Hapa ndipo Bikira Maria alimzaa Mfalme wa mbinguni k**a Biblia inavyotuambia: “Akajifungua mtoto wake wa kwanza wa kiume, akamvika nguo za kitoto, akamlaza horini kwa sababu hawakupata nafasi katika nyumba ya wageni” (Lk 2:7). Ikiwa Yesu alikuwa amezaliwa Nazareti, yeye pia, kweli amezaliwa katika umaskini, angeweza kuzaliwa katika nyumba ya kifahari, chumba kizuri kilichoandaliwa, moto mdogo wa kupasha joto, nguo nzuri zenye joto na kuishi maisha bora wakati wa utoto wake. Aliachilia haya yote akachagua yeye mwenyewe kuzaliwa katika pango, mahali pa kulishia wanyama penye baridi, palipo na majivu kwa mkulima/mfugaji maskini kwa utoto wake, majani makavu k**a godoro ili aweze kuteseka kwa ajili yetu.
Hebu kila mmoja wetu tuingie ndani ya pango hili kule Bethlehemu tuingie humu kwa moyo na roho ya imani yenye uhai. Ikiwa tunaingia huko bila imani, hatutaona chochote ila tu mtoto mchanga, mtoto mwenye kupendeza na kulia juu ya kitanda chake cha majani, na kutufanya kuona huruma tu. Lakini ikiwa tunaingia kwa imani na kupata kutambua kwamba mtoto huyu ni Mwana wa pekee, Mungu ambaye kwa upendo amekuja duniani katika hali ya shida sana ili kutulipia adhabu ya dhambi zetu sasa tujiulize tufanyeje kuutambua upendo huu na huruma yake kuu kwetu? Jukumu letu sasa ni kumsaidia kumshukuru na kumpenda hadi atakaporudi tena.
1) Ee Bwana Yesu, unatuita wapendwa wako tujalie neema na nguvu ya kutuwezesha kukushukuru na kuepukana na dhambi na kutambua jinsi ulivyoteseka kwa ajili yetu. Tunakuomba utuwezeshe tuyaone machozi uliyomwaga, umaskini ulioupitia ili kutushirikisha upendo wako.
Ee Bwana…
Wote: Twakuomba utusikie.
2) Ee Bwana Yesu, tujaze na moyo wa matumaini na msamaha. Tusamehe pia makosa yote tuliyofanya dhidi yako ili upate kukaa mioyoni mwetu nasi ndani yako siku zote za maisha yetu. Ee Bwana…
Wote: Twakuomba utusikie.
3) Ee Bwana Yesu, tupe hekima ya kuzidi kukupenda wewe na kukutambua wewe katika ndugu na dada na haswa wale wanaohitaji zaidi msaada na upendo, maskini, wagonjwa na wakongwe katika jamii. Tujalie moyo wa ukarimu na wa kujitolea kwa ajili ya wale wenye mahitaji mbalimbali. Ee Bwana…
Wote: Twakuomba utusikie.
Tuombe
Ee Mungu Baba yetu mwema, tunakuomba utujalie siku zote neema yako ili tuzidi kukupenda wewe na kudhihirisha haya katika kupendana sisi kwa sisi. Upendo wako ee Mungu, ndio hazina tosha kwa maisha yetu. Tunakuomba uzidi kuzibariki familia zetu, waongoze daima wawe imara katika mwanao aliye mwalimu na mchungaji wao mwema. Ewe Bikira Maria, mama yetu uzidi kutuombea neema ya kumpenda Mwanao Yesu ili ulimwengu mzima uweze kupendwa naye.

Tunaomba haya kwa njia ya Kristu, Bwana wetu.
Wote: Amina.

18/12/2024

JE, NI LAZIMA MTU KUVAA NGUO MPYA KRISMASI ...?
NA David Ole Ntayia
0797577229/0734005267

18/12/2024

Mwanamke ni kujituma,sikiza story ya mwanadada huyu,anavyokimu maisha yake licha ya kuwa mlemavu.
11am-12pm

Lady Tabzz
0797 577229/0734005267
www.radioosotua.co.ke

18/12/2024

Countdown 7day to Christmas je umejiandaa vipi sema nami ndani ya

6am-10am
Hotline 0797577229/0734005267

18/12/2024

Masomo ya Misa 18/12/2024

Somo la Kwanza
Yer 23:5-8
Tazama siku zinakuja, asema Bwana, nitakapomchipushia Daudi Chipukizi la haki; naye atamiliki mfalme, atatenda kwa hekima, naye atafanya hukumu na haki katik anchi. Katika siku zake Yuda ataokolewa, na Israeli atakaa salama; na jina lake atakaloitwa ni hili, Bwana ni haki yetu. Kwa hiyo, angalia, siku zinakuja, asema Bwana, ambapo hawatasema tena, Aishivyo Bwana, aliyewatoa wana wa Israeli katika nchi ya Misri; lakini, Aishivyo Bwana, aliyewapandisha na kuwaongoza wazao wa nyumba ya Israeli kutoka nchi ya kaskazini, na kutoka nchi zote nilikowafukuza; nao watakaa katika nchi yao wenyewe.

Wimbo wa Katikati
Zab 72:1-2, 12-13, 18-19
Ee Mungu, mpe mfalme hukumu zako,
Na mwana wa mfalme haki yako.
Atawaamua watu wako kwa haki,
Na watu wako walioonewa kwa hukumu.
(K) Siku zake yeye, mtu mwenye haki atasitawi, na wingi wa amani milele.

Kwa maana atamwokoa mhitaji aliapo,
Na mtu aliyeonewa iwapo hana msaidizi.
Atamhurumia aliye dhaifu na masikini,
Na nafasi za wahitaji ataziokoa.
(K) Siku zake yeye, mtu mwenye haki atasitawi, na wingi wa amani milele.

Na ahimidiwe Bwana, Mungu, Mungu wa Israeli,
Atendaye miujiza yeye peke yake;
Jina lake tukufu na lihimidiwe milele;
Dunia yote na ijae utukufu wake.
Amina na amina.
(K) Siku zake yeye, mtu mwenye haki atasitawi, na wingi wa amani milele.

Shangilio
Shangilio
Aleluya, aleluya,
Ee kiongozi wa nyumba wa Israeli, uliyempa Musa amri zako juu yam lima Sinai, uje kutuokoa kwa mkono wako
Aleluya.

Somo la Injili
Mt 1:18:24
Kuzaliwa kwake Yesu Kristo kulikuwa hivi. Mariamu mama yake alipokuwa ameposwa na Yusufu, kabla hawajakaribiana, alionekana ana mimba kwa uweza wa Roho Mtakatifu. Naye Yusufu, mumewe, kwa vile alivyokuwa mtu wa haki asitake kumwaibisha, aliazimu kumwacha kwa siri. Basi alipokuwa akifikiri hayo, tazama, malaika wa Bwana alimtokea katika ndoto, akisema, Yusufu, mwana wa Daudi, usihofu kumchukua Mariamu mkeo, maana mimba yake ni kwa uweza wa Roho Mtakatifu. Naye atazaa mwana, nawe utamwita jina lake Yesu, maana, yeye ndiye atakayewaokoa watu wake na dhambi zao. Hayo yote yamekuwa, ili litimie neno lililonenwa na Bwana kwa ujumbe wa nabii akisema, Tazama, bikira atachukua mimba, Naye atazaa mwana; Nao watamwita jina lake Imanueli; Yaani, Mungu pamoja nasi. Naye Yusufu alipoamka katika usingizi, alifanya k**a malaika wa Bwana alivyomwagiza; akamchukua mkewe.

17/12/2024

JE, UNAPASWA KULA CHAKULA KWAKO UKIJIPANGA KWENDA SHEREHE ...?

2:00PM >6:00PM
ROUND 1 , SALA YAKO ...?
ROUND 2, REQUEST YA NGOMA ..?
ROUND 3 , GUMZO ...
David Ole Ntayia , 0797577229/0734005267

17/12/2024

#𝐍𝐨𝐯𝐞𝐧𝐚𝐏𝐫𝐚𝐲𝐞𝐫
𝐍𝐎𝐕𝐄𝐍𝐀 𝐊𝐖𝐀 𝐀𝐉𝐈𝐋𝐈 𝐘𝐀 𝐌𝐀𝐓𝐀𝐘𝐀𝐑𝐈𝐒𝐇𝐎 𝐘𝐀 𝐍𝐎𝐄𝐋𝐈
𝐒𝐈𝐊𝐔 𝐘𝐀 𝐏𝐈𝐋𝐈 (17.12.2024)

UPENDO WA MUNGU HUFUNULIWA KWA KUZALIWA KWA MTOTO YESU

Kweli, Baba yetu mwema uliipenda hivi dunia hata nyakati zilipotimia, ukamtuma kwetu mwanao wa pekee, aliyezaliwa na Bikira Maria. Wakati Mwana wa Mungu alipojifanya mwanadamu kwa ajili yetu, angeweza kuja duniani katika hali ya mtu mzima kutoka hapo kwanza katika hali ya kibinadamu, k**a vile Adamu alivyofanya wakati alipoumbwa. Tangu asilia kuonekana kwa watoto wadogo kunavutia na mvuto wa kipekee wa upendo. Yesu alichagua kujidhihirisha kwetu hapa duniani k**a mtoto mchanga “Basi wakaenda mbio, wakamkuta Maria na Yosefu na Yule mtoto mchanga amelazwa horini“ (Lk 2:16). Mt. Petro Chrisologus anatuambia kwamba Yesu alizaliwa k**a mchanga na mwenye huruma, ili (yeye) Mungu atufundishe kumpenda na sio kumwogopa. Nabii Isaya alitueleza hapo awali kwamba, Mwana wa Mungu atazaliwa kwetu k**a mtoto mchanga na hivyo kujitolea kwetu kwa sababu ya upendo aliokuwa nao kwetu tangu kuumbwa kwa ulimwengu. “Mtoto amezaliwa, tumepewa mtoto wanamume….”
Ee Yesu, Mungu Mkuu na wa kweli, ni nini kilichokuvutia kutoka mbinguni ili kuzaliwa katika mazingira yetu duni ikiwa sio upendo ulio nao kwa watu wako? Ni nini kilichokuchochea kutoka kifuani mwa Baba yako na kukuweka katika magumu ya magumu? Ni nini kilichokuleta kutoka kiti chako cha enzi juu ya nyota kukuweka chini kwenye majani madogo? Ni nini kilichokuongoza kutoka katikati ya vyumba tisa vya malaika na kukuweka katika hori la kulishia wanyama? Wewe, ambaye huwasha moto wa serafi kwa moto mtakatifu, sasa unajishusha na kuihisi baridi katika ulimwengu huu! Wewe ambaye huzipatia nyota za angani mwendo, huwezi sasa kusonga isipokuwa wengine wanakubeba wewe mikononi mwao! Wewe ambaye huwapa wanadamu na wanyama chakula chao, unahitaji sasa maziwa kidogo ili uendelee kuishi! Wewe ni furaha ya mbinguni, sasa unapiga kelele na kulia kwa mateso! Niambie, ni nani aliyekupunguzia wewe huzuni k**a hiyo? “Upendo umefanya hivyo” atuambia Mt. Bernado; upendo ambao umetupatia sisi watu wako umeleta haya yote juu yako.
1) Ee Bwana, unatuita sisi rafiki zako na kuwa unatupenda sana, ndiyo maana uliamua kuzaliwa kati yetu, ukakubali mateso na hadi kufa msalabani ili kutukomboa kutoka kuzimu na kutujalia uzima wa milele. Ulikuja kututafuta sisi kondoo wako waliopotea ili tutulie katika malisho yako mazuri. Tushike kwa mikono yako ya upendo na kutuongoza katika imani yako. Ee Bwana…
Wote: Twakuomba utusikie.
2) Ee Bwana Yesu, umetufundisha kuweka hazina ya maisha kwako mbinguni, tunakuomba utuzidishie upendo wako mioyoni mwetu, ili tupate kukupenda wewe siku zote na tunapokupenda wewe kikamilifu tupendane sisi kwa sisi na kuwa kweli rafiki zako daima. Ee Bwana…
Wote: Twakuomba utusikie.
3) Ee Mungu Baba yetu, kwa kututumia mwanao Yesu Kristu sisi tumepata kwako tumaini na faraja ya kweli.Tujalie kukuheshimu kwa kuzishika amri zako na kuishi maisha ya kusameheana na kila mmoja kumdhamini mwenzake aliye mfano na sura yako. Ee Bwana…
Wote: Twakuomba utusikie.
Tuombe
Ee Bwana Mungu, wewe husamehe wote wanaokugeukia na kushika njia yako takatifu. Tunakuomba utujalie neema zako ili daima kukupenda wewe kuliko yote na wote. Tunajitoa kwako k**a dhabihu hai yenye kukupendeza. Pokea sala na nia zetu njema na wala usiyakatae maombi yetu na ya watu wako wenye kukutafuta kwa moyo mnyofu. Ewe Bikira Maria tunakuomba ili kwa maombi yako, mwanao Yesu Kristu atujalie yote tumwombayo kwa jina lake. Tunaomba hayo kwa njia ya Kristu, Bwana wetu.

Wote : Amina.

17/12/2024

Part II
THIS TUESDAY | What do you want to know about pig Farming? 🐖
Tune in at 7 and 9 am this Tuesday and learn some tricks about Pig Farming. Kuja tuelimishane.

Radio Osotua 89.0 FM
Stream Live on www.radioosotua.co.ke

17/12/2024

Round 1rausha wawili ndani ya ukiwa nami the princess of the radio Mercy Retoe Pareyio
Hotline 0797577229/0734005267
www.radioosotua.co.ke

17/12/2024

Masomo ya Misa 17/12/2024

Somo la Kwanza
Mwa 49:2, 8-10
Yakobo akawaita wanawe akawaambia; Kusanyikeni, msikie, enyi wana wa Yakobo, Msikilizeni Israeli, baba yenu. Yuda, ndugu zako watakusifu, Mkono wako utakuwa shingoni mwa adui zako. Wana wa baba yako watakuinamia. Yuda ni mwana-simba, Kutoka katika mawindo, mwanangu, umepanda; Aliinama akajilaza k**a simba, Na k**a simba mke; ni nani atakaye mwamsha? Fimbo ya enzi haitaondoka katika Yuda, Wala mfanya sheria kati ya miguu yake, Hata atakapokuja Yeye, mwenye milki, Ambaye mataifa watamtii.

Wimbo wa Katikati
Zab 72:1-4, 7-8, 17
Ee Mungu, mpe mfalme hukumu zako,
Na mwana wa mfalme haki yako.
Atawaamua watu wako kwa haki,
Na watu wako walioonewa kwa hukumu.
(K) Siku zake yeye, mtu mwenye haki atasitawi, na wingi wa amani hata mwezi utakapokoma.

Milima itawazalia watu amani,
Na vilima navyo kwa haki.
Atawahukumu walioonewa wa watu,
Atawaokoa wahitaji,
(K) Siku zake yeye, mtu mwenye haki atasitawi, na wingi wa amani hata mwezi utakapokoma.

Siku zake yeye, mtu mwenye haki atasitawi,
Na wingi wa amani hata mwezi utakapokoma.
Na awe na enzi toka bahari hata bahari,
Toka Mto hata miisho ya dunia.
(K) Siku zake yeye, mtu mwenye haki atasitawi, na wingi wa amani hata mwezi utakapokoma.

Jina lake na lidumu milele,
Pindi ling'aapo jua jina lake liwe na wazao;
Mataifa yote na wajibariki katika yeye, Na kumwita heri.
(K) Siku zake yeye, mtu mwenye haki atasitawi, na wingi wa amani hata mwezi utakapokoma.

Shangilio
Shangilio
Aleluya, aleluya,
Ee Hekima ya Aliye juu, unayepanga yote kwa nguvu zako na utaratibu mwema, uje kutufunza njia ya busara.
Aleluya.

Somo la Injili
Mt 1:1-17
Kitabu cha ukoo wa Yesu Kristo, mwana wa Daudi, mwana wa Ibrahimu. Ibrahimu alimzaa Isaka; Isaka akamzaa Yakobo; Yakobo akamzaa Yuda na ndugu zake; Yuda akamzaa Peresi na Zera kwa Tamari; Peresi akamzaa Esromu; Esromu akamzaa Aramu; Aramu akamzaa Aminadabu; Aminadabu akamzaa Nashoni; Nashoni akamzaa Salmoni; Salmoni akamzaa Boazi kwa Rahabu; Boazi akamzaa Obedi kwa Ruthu; Obedi akamzaa Yese; Yese akamzaa mfalme Daudi. Sulemani akamzaa Rehoboamu; Rehoboamu akamzaa Abiya; Abiya akamzaa Asa; Asa akamzaa Yehoshafati; Yehoshafati akamzaa Yoramu; Yoramu akamzaa Uzia; Uzia akamzaa Yothamu; Yothamu akamzaa Ahazi; Ahazi akamzaa Hezekia; Hezekia akamzaa Manase; Manase akamzaa Amoni; Amoni akamzaa Yosia; Yosia akamzaa Yekonia na ndugu zake, wakati wa ule uhamisho wa Babeli. Na baada ya ule uhamisho wa Babeli, Yekonia akamzaa Shealtieli; Shealtieli akamzaa Zerubabeli; Zerubabeli akamzaa Abihudi; Abihudi akamzaa Eliakimu; Eliakimu akamzaa Azori; Azori akamzaa Sadoki; Sadoki akamzaa Akimu; Akimu akamzaa Eliudi; Eliudi akamzaa Eleazari; Eleazari akamzaa Matani; Matani akamzaa Yakobo; Yakobo akamzaa Yusufu mumewe Mariamu aliyemzaa YESU aitwaye Kristo. Basi vizazi vyote tangu Ibrahimu hata Daudi ni vizazi kumi na vinne; na tangu Daudi hata ule uhamisho wa Babeli ni vizazi kumi na vinne; na tangu ule uhamisho wa Babeli hata Kristo ni vizazi kumi na vinne.

16/12/2024

MONDAY 16TH/12/2024 , JE WEWE UME BUDGET PESA YA CHRISMAS....?
ROUND 1> WAKATI WA SALA
ROUND 2> REGGAE MUSIC
ROUND 3> TUPIGE GUMZO .

0797577229/0734005267

Radio Osotua

20/12/2024

20/12/2024

19/12/2024

19/12/2024

19/12/2024

19/12/2024

18/12/2024

18/12/2024

18/12/2024

18/12/2024

18/12/2024

17/12/2024

17/12/2024

17/12/2024

17/12/2024

17/12/2024

16/12/2024

Address

Opening Hours

Telephone

Website

Alerts

Contact The Business

Shortcuts

Share

Category

OCR 89.O FM

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:00 - 17:00