Radio Mabingwa

29/11/2024

Taifa Stars ya Tanzania, ambayo imeshatinga kwenye Michuano ijayo ya Kombe la Mataifa ya Afrika AFCON 2025 itakayoandaliwa Morocco, imepanda kwa nafasi sita kutoka nafasi ya 112 hadi nafasi ya 106 duniani kwenye viwango vya Ubora wa soka vinavyotolewa kila mwezi na Shirikisho la Soka Duniani (FIFA).
Nao majirani zao Uganda Cranes na Harambee Stars ya Kenya ziliishuka viwango huku Uganda, ambayo pia imeshatinga kwenye Michuano ya AFCON, imeshuka kwa nafasi moja kutoka nafasi ya 87 mpaka 88 nayo Kenya, ambayo hapo awali ilikuwa katika nafasi ya 106 mwezi Oktoba sasa imeshuka kwa nafasi mbili mpaka nafasi ya 108.
Kutokana na ushindi wa mechi mbili dhidi ya Sudan na Guinea ndio iliyochangia kwa Tanzania kupanda kwenye viwango hivyo vya ubora wa FIFA. Taifa Stars iliizaba Sudan bao 1-0 katika mechi ya kufuzu Kombe la CHAN 2025 kabla ya kuichapa Guinea bao 1-0 kwenye mchezo wa kufuzu katika Kombe la AFCON 2025 Uwanjani Benjamini Mkapa.
Kwa upande wa Uganda ilishuka viwango baada ya kupoteza mechi yake moja kati ya mbili za mwisho dhidi ya Congo Brazzavile na Afrika Kusini.
Na kushuka kwa viwango vya Kenya ilichangiwa na matokeo ya sare ilizopata katika mechi zake mbili za mwisho dhidi ya Namibia na Zimbabwe, yaliyowanyima tiketi ya kwenda kucheza kwenye Michuano ya Kombe la AFCON 2025 itakayoandaliwa nchini Morocco.
Kwa mujibu wa viwango hivyo vya mwezi Novemba 2024, Uganda ni ya 19 barani Afrika wakati Tanzania inashikilia nafasi ya 24 huku Kenya ikiwa katika nafasi ya 25.
Morocco ndio inayoongoza barani Afrika (duniani 14) ikifuatiwa na Senagal kwenye nafasi ya pili (duniani 17) huku Misri ni ya tatu (duniani 33). Algeria iko kwenye nafasi ya nne (duniani 37), Nigeria inashikilia nafasi ya tano (duniani 44). Kwenye viwango hivyo bado Argentina inaendelea kushikilia namba moja duniani ikifuatiwa na Ufaransa wakati Uhispania ikikamata nafasi ya tatu, nayo England ni ya nne.
Mabingwa mara tano wa Kombe la Dunia la FIFA Brazil wamekaa kwenye nafasi ya tano.

24/11/2024

Rais wa Shirikisho la Soka Afrika (CAF), Dkt. Patrice Motsepe atafanya ziara Afrika Mashariki atakapotembelea Kenya, Tanzania na Uganda mwezi Desemba, mwaka huu 2024.
Katika ziara hiyo Motsepe atathmini maendeleo na utayari wa viwanja na miundombinu mingine na vifaa kwa ajili ya kuandaa Michuano ya Wachezaji wanaocheza ligi za soka barani Afrika yaani Kombe la CHAN.
Kenya, Tanzania na Uganda watakuwa wenyeji wa michuano hiyo ya Kombe la CHAN, itakayoandaliwa kuanzia Jumamosi ya Februari Mosi hadi Ijumaa ya Februari 28, 2025. Pia itakuwa ni mara ya kwanza kwa michuano ya Kombe la CHAN kuandaliwa na nchi tatu kwa pamoja.
Kombe la CHAN, ambayo ilikuwa ifanyike mwaka huu 2024, inaandaliwa kwa mara ya pili katika Jumuiya ya Afrika Mashariki na mara ya kwanza Rwanda ilikuwa mwenyeji kwenye michuano ya mwaka 2016.
Mabingwa watetezi wa Kombe la CHAN ni Senegal ambayo ilitwaa taji hilo baada ya kuwashinda Algeria mabao 5-4 kupitia mikwaju ya penalti kufuatia timu hizo kutoka suluhu baada ya dakika 120 katika fainali.

24/11/2024

Check out Anthony Aroshee’s video.

24/11/2024

RONALDO NAZARIO ALIVYOCHEZA AKIWA AMEVAA 'PAMPERS' UWANJANI

Check out Anthony Aroshee’s video.

07/11/2024

Taasisi ya Wakaguzi wa Mizani na Vipimo yaani Masoroveya nchini Kenya(ISK) imetangaza kwamba itawashughulikia vilivyo matapeli wanaojifanya kuwa ni masoroveya kwa kuwalaghai Wakenya huku wakiathiri pakubwa sekta ya ardhi nchini humo.
Rais wa Taasisi hiyo ya Masoroveya nchini Kenya(ISK) Eric Nyadimo alisema kwamba taasisi ya ISK inashirikiana na wadau mbalimbali katika jitihada za kutokomeza kabisa shughuli za masoroveya bandia nchini humo.
Rais Nyadimo alitoa kauli hiyo wakati wa ufunguzi wa Kongamano la Tisa la Kimataifa linalokutanisha Wakaguzi wa Mizani na Vipimo yaani Masoroveya kutoka mataifa mbalimbali barani Afrika, lililoanza siku ya Alhamisi ya Novemba 7, 2024.
Kongamano hilo limeandaliwa kwa dhamira ya kuja na mbinu za kisasa na endelevu za kuboresha utumizi wa ardhi, kuhifadhi mazingira na kukabilina na mabadiliko ya tabianchi.
“Tunafanya kazi pamoja na wadau wote wa Bodi za usajili kuhakikisha kuwa tumewakabili vilivyo matapeli. Tunahimiza umma kutoa taarifa za ulaghai kwa taasisi zetu za ISK, kwa Idara ya Upepelelezi na Makosa ya Jinai(DCI) ama tume ya madili na kupambana na ufisadi nchini Kenya(EACC) kuhusu visa vya wanakandarasi kukosa kutoa huduma halali kwa mujibu wa mkataba wa maafikiano ili hatua za haraka za kisheria zichukuliwe kukabili na kutatua masuala hayo.” Nyadimo alikariri.
Kongamano hilo la siku mbili linakamilika rasmi Ijumaa ya Novemba 8, 2024.

01/11/2024

HII NDIO SABABU YA VINICIUS JR. WA REAL MADRID KUKOSA TUZO YA BALLON D'OR YA 2024.

21/10/2024

21/10/2024

Cyrus Barmasai na Grace Mwangi waliibuka washindi wa mbio za kilomita 21 za Marathon za Standard Chartered Mombasa Satellite Run zilizofanyika mapema asubuhi ya Jumatatu ya Oktoba 21, 2024 Jijini Mombasa nchini Kenya.
Barmasai alitangazwa mshindi upande wa wanaume baada ya kutimka mbio hizo kwa muda wa saa moja, dakika 16 na Sekunde 52 akiwazidi Bonface Kiprotich na Eric Shikuku waliomaliza wa pili na wa tatu mtawalia.
Na upande wa wanawake Grace Mwangi alitumia muda wa saa mbili, dakika 24 na sekunde tatu na kutwaa ubingwa huo akiwatambia Tamnai Miriam aliyekamata nafasi ya pili huku Molly Yanda akiishia katika nafasi ya tatu bora.
Na kwenye mbio za kilomita 10 upande wa wanaume Michael Bett ndiye aliyekuwa bingwa akimshinda Abiud Barasa aliyekuwa wa pili huku Michael Ambole akiwa wa tatu.
Naye Martha Akendo alishinda katika kitengo cha wanawake akimzidi Joan Audrey aliyemaliza wa pili mbele ya Janet Mutimbia aliyekuwa wa tatu.
Pia kulikuwa na kitengo cha mbio za kilomita tano iliyowashirikisha wanafamilia ambapo Joseph Kilito alishinda mbele ya Eliud Ngari aliyemaliza wa pili huku Kennedy Mbogo akiridhika katika nafasi ya tatu.
Naye Sheilla Shem alifanikiwa kutwaa ubingwa upande wa wanawake baada ya kuwashinda Stella Machuka na Marion Zaitun waliomaliza kwenye nafasi ya pili na ya tatu, mtawalia.
Wakimbiaji hao walianzia mbio hizo kwenye eneo la Treasury Square katikati mwa Jiji la Mombasa na wakamalizia katika eneo hilo huku wanariadha zaidi ya 650 wakivutiwa katika mbio hizo. Standard Chartered Mombasa marathon Satellite Run ni msururu wa mbio kuu za Standard Chartered Nairobi Marathon zitakazofanyika kwenye bustan la Uhuru Jumapili ya Oktoba 27, 2024 Jijini Nairobi ambayo yatakuwa ni mashindano ya Makala ya 21.
Mbio hizo za Mombasa ndio msururu wa mwisho na wa tatu baada ya kukamilika kwa mbio za misururu iliyoandaliwa Kisumu na Kakamega.

22/09/2024

Serikali ya Kenya inafanya utafiti zaidi kuhusu madai kwamba dawa 262 za kuuwa wadudu mashambani zilizopo nchini humo, kuwa dawa hizo zinachangia maradhi ya saratani kwa binadamu.
Wizara ya Kilimo na Ustawi wa Mifugo iliyoandamana na Bodi ya Kitaifa ya Kudhibiti Dawa za Wadudu nchini humo kwenye kikao na Kamati ya Bunge la Kitaifa kuhusu ya kilimo, Waziri wa kilimo Dkt. Andrew Karanja alifafanua kwa kuiambia kikao hicho kwamba, baada ya utafiti huo kukamilika, serikali itatoa mwelekeo kikamilifu kuhusu suala hilo.
“Tunajua kuna dawa gushi kuna dawa nyingine watu wanatumia ambayo hazitakikani kwa hivyo huo utafiti unaendelea na madhumuni yake ni kufanya mwananchi asidhulumiwe na kitu kibaya na kulinda haki ya mwananchi ili apate dawa sahihi ya kuuwa wadudu.” Alisema waziri Karanja.
Dira ya kikao hicho ilikuwa ni kutekeleza mapendekezo ya uwezekano wa kutolewa kwa dawa za kuuwa wadudu zenye madhara kutoka nchini Kenya.
Kikao hicho kilifanyika Ijumaa ya Septemba 20, 2024 katika Kaunti ya Mombasa na kililenga kuhakikisha afya na usalama wa wananchi zinalindwa wakati wa ukuzaji wa kilimo endelevu nchini Kenya. Kamati ya bunge la kitaifa kuhusu kilimo imeitaka wizara ya kilimo pamoja na serikali za Kaunti kuwahamasisha wakulima kuhusu matumizi mwafaka ya dawa na madhara yake.

18/09/2024

Rais wa Shirikisho la Soka Afrika(CAF) Dkt. Patrice Motsepe amezihakikishia Kenya, Uganda na Tanzania kuwa watakuwa wenyeji wa michuano ya Kombe la CHAN ya mwakani 2025 na ile ya Kombe la Mataifa ya Afrika AFCON ya mwaka 2027.
Kombe la CHAN, ambayo inawashirikisha wachezaji wanaocheza ligi za soka barani Afrika, itaandaliwa kuanzia Jumamosi ya Februari Mosi hadi Ijumaa ya Februari 28, 2025 wakati mechi za raundi ya kwanza ya kuwania kufuzu AFCON zitapigwa kuanzia Oktoba 25 hadi 27 mwaka huu 2024.
Kombe la CHAN, ambayo ilikuwa ifanyike mwaka huu 2024, inaandaliwa kwa mara ya pili katika Jumuiya ya Afrika Mashariki na mara ya kwanza Rwanda ilikuwa mwenyeji mwaka 2016.
Mabingwa watetezi wa Kombe la CHAN ni Senegal ambayo ilitwaa taji baada ya kuwafunga Algeria mabao 5-4 kupitia mikwaju ya penalti kufuatia timu hizo kutoka suluhu baada ya dakika 120 katika fainali.
Rais Motsepe alikuwa Jijini Nairobi, Kenya kwa kikao cha Kamati ya Utendaji cha CAF.

17/09/2024

17/09/2024

Tazama bao la Majestic Sports Arena FC(waliovaa jezi nyeupe) lakataliwa baada ya waamuzi kuzembea wakati wa mechi dhidi ya Black Dragon FC(waliovaa jezi ya njano) ya Ligi ya Kaunti ya Mombasa ya FKF iliyochezwa kwenye Uwanja wa Kanisa Katoliki Mikindani siku ya Jumamosi ya Septemba 7, 2024. Majestic Sports Arena FC, ambao walikuwa nyumbani, walishinda mchezo huo mabao 5-0.

17/09/2024

Mwanariadha nyota Beatrice Chebet, mwenye umri wa miaka 24, ameshinda Tuzo ya LG/SJAK SPOM ya Mwanamichezo Bora wa mwezi Agosti 2024 nchini Kenya, ikiwa ni mara yake ya tano kushinda Tuzo hiyo.
Mkiambiaji huyo, ambaye ni bingwa mara mbili wa Mbio za Nyika za Dunia, alishinda Tuzo hiyo baada ya kutia fora wakati wa Michezo ya Olimpiki ya Majira ya Kiangazi ya Jijini Paris, Ufaransa 2024 kwa kuishindia Kenya medali mbili za dhahabu katika mbio za mita 5,000 na mita 10,000 upande wa wanawake.
Aliweka historia ya kuwa mwanariadha wa k**e wa kwanza kabisa kutoka Kenya kushinda medali mbili za dhahabu katika Mchezo mmoja wa Olimpiki akiwa anashiriki kwa mara ya kwanza katika Michezo hiyo.
Katika mbio za mita 5,000 Chebet alikuwa mwanariadha wa pili wa k**e kutoka Kenya kushinda mbio hizo baada ya Vivian Cheruiyot kuweka rekodi ya kuwa mwanariadha wa kwanza kuishindia Kenya medali ya dhahabu katika mbio hizo, upande wa wanawake, kwenye Michezo ya Olimpiki ya Rio 2016 nchini Brazil Games.