HEIN

HEIN ရိုးရှင်းတဲ့ " ဘဝ "

ဖြောင့်မတ်တဲ့ " စိတ်ဓာတ် " နဲ့

ပစ္စုပ္ပန် မှာ နေထိုင်ပါတယ်" 🌱

22/12/2024

အမှန် အဟုတ်😅

22/12/2024

အမှန် အဟုတ် 😅

18/12/2024

Personal Development စာအုပ်တွေဟာ စိတ်ခွန်အားတွေကို ပေးစွမ်းပြီး ကိုယ့်ကိုယ်ကို သတိထားဆင်ခြင်မိလာအောင် သုံးသပ်မိလာအောင် ကိုယ်ကိုယ်ကို ထိန်းချုပ်းနိုင်စွမ်းမြင့်လာအောင် ကူညီပေးနိုင်တာ စာဖတ်သူတို့ သိပါလိမ့်မယ်

စည်းစနစ်ကျပြီး ကိုယ်ကိုယ်ကို ပြောင်းလဲတဲ့သူ အများစုက Personal Development နဲ့ ဆိုင်တဲ့ စာအုပ်တွေနဲ့ စိမ်းမနေတတ်ပါဘူး

စိတ်ခွန်အား ခဏပေးတတ်တဲ့ motivation တွေဟာ ကောက်ရိုးမီးပမှာ အကျင့်ဖြစ်တဲ့ habits တွေကသာ ရေရှည်ကောင်းမွန်တဲ့ ရလာဒ် ပေးစွမ်းနိုင်တယ်ဆိုတာ တချို့သိထားကြပါလိမ့်မယ်

ဘယ်လိုဖြစ်ဖြစ် ကိုယ့်ကို Motivate စိတ်ခွန်အားပေးတဲ့ အရာဆိုတာဘာလဲ? ကိုယ့်စိတ်ကို ဘယ်လို သ်ိနိုင်လဲ? ဘယ်လိုအကြောင်းအရာ ဘယ်လို စကားလုံးတွေက ကိုယ့်ကို ခွန်အားဖြစ်စေနိုင်တာလဲ ဆိုတာမျိုးကို သိထားဖို့လည်း အရမ်းလိုအပ်ပါတယ်

လွယ်လွယ်နဲ့ စိတ်ဓာတ်ကျနေတတ်သူတွေဟာ မဖြစ်မနေ Motivation ပေးတဲ့ စာအုပ်တွေနဲ့ ထိတွေ့ဖို့ လိုပါတယ်

စိတ်ဓာတ်ကျ အားငယ်နေသူအများစုဟာ သူတို့ကို သူတို့ဘယ်လိုစိတ်ခွန်အားပြန်ပေးရမလဲ ရှာဖွေမရတာမျိုး

ပြန်လည်ရုန်းထဖို့ ကြာတာမျိုးတွေ ဖြစ်နေတတ်တယ်

ခုစာဖတ်တဲ့ သူက
လွယ်လွယ်နဲ့ စိတ်ဓာတ်ကျတတ်တယ်
ကိုယ့်ကိုယ်ကို လမ်းပျောက်တယ်လို့ ခံစားနေရတယ်
စိတ်အားငယ်တာမျိုး ခဏခဏဖြစ်တတ်တယ်
အထီးကျန်သလိုမျိုး ခံစားနေရတယ်

ဆိုရင် Motivation ဆိုတဲ့ အရသာကို တခါလောက် ခံစားကြည့်ကြည့်ပါ အလွန်ကွာခြားလာပါလိမ့်မယ်

‼️Delivery 🆓 in JAPAN 🇯🇵 ❗️

15/12/2024

#ဂျပန်နိင်ငံရောက်လူငယ်များအတွက်

For YOU!

🚩 တိုင်းတစ်ပါးမှာ ရှာဖွေစုဆောင်းရင်း အချိန်တွေ ကုန်နေပြီလား

အရွယ်တွေ ရလာပီး စုဆောင်းရရှိထားတဲ့ ပစ္စည်းဉစ္စာတွေကို

ဘယ်လိုထိန်းသိမ်းမလဲ?
ဘယ်လိုပွားလာအောင်လုပ်မလဲ?
ဘယ်လိုနည်းလမ်းတွေနဲ့လဲ?

ကိုယ်ပိုင်စီးပွားရေးလုပ်ငန်းလုပ်မှာလား? (လုံလောက်တဲ့ စီးပွားရေး ဗဟုသုတတွေရှိနေပြီလား)

ရင်းနှီးမြှုပ်နှံမှာလား? (ငွေကြေးဆိုင်ရာ ဗဟုသုတတွေ ကြွယ်ပြီလား?)
ဒါမှမဟုတ်

ဒီအတိုင်းလေးပဲ နေ့တဒူဝ အတွက် ထိုင်သုံးနေမှာလား? (ကိုယ့်ကိုယ်ကို မမြင့်တင်လည်း ရတယ်)

စတဲ့ မေးခွန်းတွေနဲ့ ကိုယ့်ကိုယ်ကို ပြန်မေးမိတဲ့သူတွေအတွက် သင့်တော်တဲ့စာအုပ်လေးတွေ ကို စုဆောင်းပေးထားပါတယ် ခင်ဗျာ..

အချိန်ကုန်တာချင်းအတူတူ ခြေတစ်လှမ်းသာနေစေဖို့ ... အသုံးမချတတ်ရင် နောက်ကျန်ခဲ့ပါလိမ့်မယ်.

Free ‼️ ပါ ခင်ဗျာ

❕Order ကြိုတင်ရပါမယ် ခင်ဗျာ

အသေးစိပ်ကို page messager မှာ လာရောက်််မေးမြန်းနိုင်ပါတယ်ခင်ဗျာ..

#ဂျပန်ရောက်မြန်မာလူမျိုးများ

05/11/2024

“Comparison is the thief of joy“

ကိုယ့်ကိုယ်ကို သူများနဲ့ နှိုင်းယှဉ်တာဟာ
ကိုယ့်ရဲ့ ပျော်ရွှင်မှုတွေကို ပျောက်ဆုံးစေပါတယ်

လူတိုင်းရဲ့ အခြေအနေတွေက တစ်ယောက်နဲ့ တစ်ယောက် မတူကြပါဘူး

ဒီတော့ တစ်ပဲလုပ်စရာရှိပါတယ်

“မနေ့က သင့်ထက် ပိုကောင်းတဲ့သူဖြစ်အောင်သာ လုပ်ပါ”

edit- ဆရာပြည်ခိုင်

28/10/2024

"ပြောင်းလဲမြန်တတ်တဲ့ စိတ်တွေကို ချိုးနှိမ်နိုင်တဲ့ သတိလေးလည်း လိုပါတယ်"

အရမ်းပင်ပန်းလာလို့ တစ်ခါတလေ လုပ်နေတဲ့ အလုပ်တွေကို ပစ်ထားချင်လောက်အောင် ဖြစ်တဲ့ အခါ ကိုယ်စွန့်လွတ်ချင်တဲ့ အလုပ်က တစ်ခြားသူတွေ လိုလိုလားလားရှာနေတဲ့ အရာလည်းဖြစ်နိုင်တယ်

ဟင်းမကောင်းလို့ ကိုယ်မစားချင်တဲ့ ထမင်းက တခြားသူတွေအတွက် အရသာခံဖို့ထက် အသက်ဆက်ဖို့ ဗိုက်ပြည့်ဖို့ဦးစားပေး စားသုံးနေရတဲ့ ထမင်းလည်း ဖြစ်နိုင်တယ်

၄/၅စုံနဲ့ ဝတ်စရာမရှိလို့ ညည်းနေတတ်တဲ့ ကိုယ့်အတွက် နေပူဒဏ် မိုးရွာဒဏ် အအေးဒဏ်ကို မလုံ့တလုံ အံကြိိတ်ရင်ဆိုင်နေရတဲ့ သူအတွက် လိုချင်တဲ့ အရာတွေလည်းဖြစ်နိုတယ်

ဓနိ ထရံ ဝါးခြမ်း ကြမ်းပြင်ပေါ် လှဲလှောင်းအိပ်စက်နေရတဲ့ ကိုယ့်အတွက် လမ်းဘေးအခြေတကျမရှိတဲ့ သူအတွက် နေချင်စရာဗိမာန်ကြီးလည်းဖြစ်နိုင်တယ်

တစ်ခါ တလေ ကိုယ့်မှာ ရှိတဲ့အရာတွေနဲ့ ရောင့်ရဲတင်းတိမ်တတ်တဲ့ သတိလေးလည်း လိုပါတယ်

ရောင့်ရဲ့ တင်းတိမ်လွန်းရင် လည်း အရာရာ ကိုယ်နဲ့ မထိုက်တန်တော့တဲ့အတွေးမျိုးတွေလည်း ဖြစ်လာနိုင်တယ်

ခုလို ကိုယ့်ကိုကို သတိပေးခြင်းတွေဟာ အရမ်းနွမ်းပြပြီး လိုချင်တက်မက်မှုတွေ အတိုင်းအဆ မရှိတော့တဲ့ အခြေအနေတွေအတွက် ခဏတဖြုတ် စိတ်ကို အနားပေးစေတဲ့သဘောနဲ့ ပြောခြင်းသာဖြစ်ပါတယ်

လောဘဆိုတဲ့ အရာတွေလည်း ငယ်ငယ်ရွယ်ရွယ်မှာ မရှိရင် လည်းမဖြစ်ပြန်ပါဘူး အစွန်းမရောက်ဖို့တော့လိုပါတယ်။

အသက်အရွယ်အချိန်အခါ အခွင့်အရေးနဲ့လိုက်ပြီး သင့်တင့်တဲ့ လိုလားမှု လောဘနဲ့ ကြိုးစားအားထုတ်မှုတွေလုပ်မှ လိုချင်တဲ့ ဘဝနေထိုင်မှုကို ရနိုင်မှာပါ

အစွန်းရောက်တဲ့ လိုချင်တတ်မတ်မှုမျိုးတွေက ဘယ်သူတစ်ဦးတစ်ယောက်အတွက်မှ မကောင်းနိုင်ပါဘူး

ငယ်ရွယ်တဲ့ အချိန်မှာ အရမ်းရောင့်ရဲ တင်းတိမ်တာမျိုးတော့ မဖြစ်ပါနဲ့
လိုချင်တဲ့အရာတွေကို မှန်ကန်တဲ့ နည်းလမ်းတွေနဲ့ ဘယ်လိုရအောင် ရှာဖွေရမလဲ ဆိုတဲ့အရာအပေါ် အာရုံစိုက်တာ အကောင်းဆုံးပါ....

ကိုယ်အခုဖြစ်နေတဲ့အခြေနေတွေဟာ ပင်ပန်းနေတယ်ဆိုရင်တောင် ရပ်တန့်လို့ မရပါဘူး အသက်ရှင်နေသရွေ့ ရှေ့ဆက်သွားရမည်သာဖြစ်မယ် ဒီတော့ အရမ်းပင်ပန်းလာတဲ့အခါ ခဏတစ်ဖြုတ်တော့ အနားယူးတတ်ပါ..

21/10/2024

ကျနော့်ရဲ့ စိတ်ချမ်းသာအောင်နေနည်း -

ကိုယ့်အကြောင်း ကိုယ်သိ

သူတစ်ပါးအကြောင်းမပြောနဲ့

ကိုယ့်စိတ်ကို သန်မာအောင်တည်ဆောက်

ရည်မှန်းချက်တွေထား

တိုးတက်အောင်လုပ်

မကောင်းတဲ့ ဘေးစကားတွေ လျစ်လျူရှူ

ပညာရှိတွေ ထောက်ပြရင် ဆင်ခြင်

နေ့တိုင်း ကိုယ့်ကိုယ်ကို ကျေနပ်စေတဲ့ အရာတွေလုပ်

ကိုယ့်ကိုယ်ကို တာဝန်ယူစိတ်ထား

မှန်ရင်ထောက်ပြ မှားရင်လက်ခံ

ဘာမဟုတ်တဲ့ အရာလေးတွေနဲ့ ကိုယ်မှန်ကြောင်း အငြင်းမသန်နဲ့

ကိုယ့်ကို မကောင်းစေတဲ့ အရာတွေအကုန် စွန့်လွတ်

ယုံကြည်ရတဲ့သူဖြစ်အောင်လုပ်

ကိုယ့်ကို ယုံကြည်တဲ့ သူတွေကို တန်ဖိုးထား

စိတ်တူကိုယ်တူတွေနဲ့ ပေါင်း

အရာအားလုံး စိတ်ခံစားချက်ကို အလေးမထားနဲ့

အစွန်းနှစ်ဖက်ရှိတဲ့ အရာတွေကို မျှတတဲ့အတွေးခေါ်နဲ့ သုံးသပ်

ရှိသေးတယ် .. 😅
🌱💪

ကိုယ့်ကြောင့်တစ်ပါးသူ မထိခိုက်စေနဲ့

30/08/2024

လောကကြီးမှာ လက်မခံလို့ မရတဲ့အရာတွေရှိတယ်

ကိုယ်ရောက်နေတဲ့အခြေအနေအပေါ်မူတည်ပြီး တဖက်လူရဲ့ အလေးထားမှု အရေးစိုက်မှုတွေကွာတယ်

ကိုယ့်ထက် level မြင့်တဲ့ သူတယောက်ကို စကားသွားပြော စာသွားပို့ရင် သူတို့ ပြန်ပြောချင်ပြောမယ် သူတို့ ပြန်ပို့ရင် ပို့မယ် မပို့နိုင်တဲ့ အကြောင်းရင်းများစွာရှိနေနိုင်သလို က်ိုယ် ကိုယ်တိုင်က အရေးပါတယ် အရေးကြီးတဲ့ သူမဟုတ်လို့လည်း ဖြစ်တယ်

နာမည်ကျော် တဲ့ သူ စီးပွါးရေးမှာ အောင်မြင်တဲ့သူ နဲ့ လူမသိသူမသိတဲ့ သူနဲ့ စကားပြော ဆက်ဆံပုံချင်းကွာတယ် အလေးထားအရေးစိုက်ပုံချင်းလည်းကွာတယ်

ခင်လို့မင်လို့ ဖော်ရွေတယ် ဆိူရင်တောင် အဲ့လူ ဘယ်နေရာသာလဲ အဲ့လူတော့ဘယ်နေရာမှာ အားကိုးရလဲအပေါ်မူတည်ပြီး အဆက်ဆံခံရတာ ကွာမယ်

နောက်ဆုံး သိသင့်တဲ့ အရာ တစ်ခုပဲ ရှိတယ်

ကိုယ်ကိုယ်ကို သူများနဲ့ မနှိုင်းပဲ

ကိုယ့်အခြေအနေအဖြစ်အပျက်ကနေ ဘယ်လို ရုန်းထွက်မှာလဲ? ကိုယ်ကိုယ်ကို ဘယ်လိုမြငိ့တင်မှာလဲ? ဆိူတာပဲ

သေချာတယ် မင်း/ကိုယ် အဆင့်ကို ကိုယ်ဘယ်လောက် အောင်မြင်အောင် ဖြစ်ထွန်းအောင် တိူးတက်အောင် လုပ်နိုင်လဲဆိူတဲ့အပေါ်မူတည်ပြီး

လူတွေရဲ့ အဆင့်ခွဲမှုတွေကို ခံရမှာပဲ

တနေ့ မင်း/ကိုယ့်ကို စကားပြောဖို့ အချိန်မရှိတဲ့ သူတွေ စကားပြောလာတဲ့ အထိ ရုန်းထွက် ကြိုးစားပြစ်လိုက်သင့်တယ်

လောကကြီးက ကျနော်တို့ရဲ့ ဘဝကို ကိုယ်လိုချင်တဲ့ ပုံစံ ဖြစ်လာအောင် အကြိမ်ကြိမ်စမ်းသပ်ခွင့် ပေးထားတာကို မမေ့နဲ့ ဘယ်လောက်သတ္တိရှိတယ် ဘယ်လောက် ရင်ဆိုင်ရဲတယ်ဆိူတဲ့ အပေါ်မူတည်ပြီး ကွဲပြားသွားတဲ့ သူတွေပဲ ရှိတယ်

တခုခုရဖို့ တခုခုကိုတော့ စမ်းသပ်လုပ်ဆောင်ရမှာမြဲဖြစ်တယ်

အပျော်သဘောနဲ့တော့ မလုပ်မိစေနဲ့
ဘဝဆုံးသွားတာပဲ အဖတ်တင်လိမ့်မယ်

#ဒေါသစိတ်လေးနည်းနည်းပါသွားသည်🥶

14/08/2024

ငွေကြေးဖောင်းပွမှု (inflation)ကနေ ဘာတွေကို အကျိုးသက်ရောက်စေလဲ?
ငွေကြေးတန်ဖိုး , ပိုင်ဆိုင်မှုတန်ဖိုးကို ဘယ်လို ယုတ်လျော့သွားစေနိုင်လဲ?
လူတွေရဲ့ နေထိုင်မှုဘဝနဲ့ ဘယ်လို ဆက်စပ်မှုရှိလ?

#ရင်းနှီးမြှုပ်နှံမှုဖြင့်ချမ်းသာကြွယ်ဝမှုဖန်တီးခြင်း
#ငွေကြေးနှင့်ရင်းနှီးမြှုပ်နှံမှုလက်စွဲ
#ဦးနှောက်တွင်ရင်းနှီးမြှုပ်နှံပါ

10/08/2024

မိတ်ဆွေတို့အတွက် ငွေကြေးဗဟုသုတ 💵

ငွေကြေးဖောင်းပွမှု(Inflation)ဆိုတာ ဘာလဲ?
ငွေကြေးဖောင်းပွမှု (Inflation)က ကိုယ့်နိုင်ငံမှာပဲ ရှိတာလား?
ငွေကြေးဖောင်းပွမှုနှုန်း(Inflation rate) ကို ဘယ်လို တွက်ချက်ရလ?
ငွေကြေးဖောင်းပွမှု(Inflation) က ဘာကြောင့် ဖြစ်လာရတာလ?
ငွေကြေးဖောင်းပွမှု(Inflation) ကို ဘယ်လိုထိန်းချုပ်လေ့ရှိသလ?

#ရင်းနှီးမြှုပ်နှံမှုဖြင့်ချမ်းသာကြွယ်ဝမှုဖန်တီးခြင်း
#ငွေကြေးနှင့်ရင်းနှီးမြှုပ်နှံမှုလက်စွဲ
#ဦးနှောက်တွင်ရင်းနှီးမြှုပ်နှံပါ🧠

05/07/2024

စီးတဲ့ရေကို ဆန်တက်ဖို့ ကြိုးစားနေကြရတယ်

အဆက်မပြတ်စီးဆင်းနေသော စမ်းချောင်းတစ်ခု အတွင်းမှာ ကျွန်တော်တို့ တစ်တွေ မသိမသာ မျောပါသွားနေကြရတယ်

တစ်ချို့သူတွေက လွယ်ကူချော်မွေ့စွာ ဆန်တက်နိုင်ကြပြီး လိုရာခရီးကို ပျော်ပျော်ရွှင်ရွှင် ဆက်သွားနိုင်ကြတယ်။

တစ်ချို့တွေကျ မနိုင့်တစ်နိုင် စီးရေ နဲ့အတူ မျောပါ မသွားအောင် ရုန်းကန်နေကြရတယ်။

တစ်ချို့တွေကျ ရုန်းရင်းကန်ရင်းနဲ့ပဲ ရေစီးနဲ့အတူ မသိမသာမျောပါသွားကြတယ်။

ဘာကို ဆိုလိုချင်တာလဲ?

စုန်ဆင်းနေတဲ့ရေ ဆိုတာ Inflation လို့ဆိုကြတဲ့ ငွေကြေးဖောင်းပွမှုကို ပြောတာပါ။

ဆယ်တန်းတုန်းက မုန့်ဟင်းခါးတစ်ပွဲ ၂၀၀ ကျပ်နဲ့ စားလို့ရခဲ့တယ်၊ ကြက်ဉ တစ်လုံး ၈၀ကျပ်/၁၀၀ကျပ်နဲ့ ဝယ်နိုင်ခဲ့တယ်။ လက်ရှိမှာ ၃/၄ဆ စျေးနဲ့ ဝယ်နေကြရတယ်။ ငွေကြေးဖောင်းပွမှုကြောင့် ဖြစ်တာကို သိနေကြတဲ့သူတွေရှိသလို သတိမထားမိကြသူတွေလည်းရှိတယ်။

လွန်ခဲ့တဲ့ ဆယ်နှစ်က မိမိလက်ထဲမှာ ၁၀သိန်းရှိတဲ့သူက လက်ရှိအချိန်မှာ ၁၀သိန်း ရှိနေသေးတယ်ဆိုရင် ငွေကြေးပမာဏအားဖြင့် လျော့မသွားပဲ တန်ဖိုးအားဖြင့် ဆုတ်ယုတ်သွားတာကို သတိထားနိုင်ဖို့ လိုပါတယ်။ ဒါဟာ မသိမသာ အငွေ့ပျံသွားတဲ့ ရေနဲ့ တူပါတယ် အချိန်ကြာလေ လျော့သွားလေ ပုံစံမျိုးဖြစ်တယ်။

ဘာမှ မရှိတာကို ကြိုးစားရှာဖွေတာထက် ရှိပြီးသားကို မပျောက်ပျက်အောင် ထိန်းသိမ်းဖို့က ပိုခက်တယ်ဆိုပြီးကြားဖူးတယ်။ ခုလည်းဒီအတိုင်းပါပဲ.

ကိုယ့်မှာ ရှိပြီးသား ငွေကြေးတန်ဖိုးကို ယုတ်လျော့မသွားအောင် ဘယ််လို လုပ်ရမလဲံ လုပ်နိုင်မလဲ ဘယ်လိုနည်းဖြင့် သိနိုင်မလဲဆိုတာကို နားလည်ထားဖို့ လိုအပ်တယ်လို့ မြင်တယ်။

ရှေ့မှာ ပြောခဲ့တဲ့ လွန်ခဲ့တဲ့နှစ်က မိမိလက်ထဲရှိငွေ ၁၀ သိန်းဟာ ခု ဇယားပါ Inflation rate ကို ကြည့်ခြင်းဖြင့် ၂၀၂၃ ခုနှစ် အတွင်း မိမိလက်ထဲရှိ ၁၀ သိန်းဟာ ငွေကြေးဖောင်းပွမှုနှုန်း ၂၇% ဖြစ်တဲ့ အတွက် ၂၀၂၃ နှစ်အတွင်း ၁,၂၇၀,၀၀၀ (၁၀၀,၀၀၀ * ၂၇%) ကျပ် အထိ တိုးလာမှ သင့်လက်ထဲရှိတဲ့ ၁၀သိန်း တန်းဖိုးဟာ တန်ဖိုးယုတ်လျော့သွားခြင်းမရှိအောင် ကာကွယ်ထားနိုင်ရုံပဲရှိပါတယ်။

Inflation rate ဟာ နှစ်စဉ်အပြောင်းအလဲရှိပါတယ်, သို့တိုင် မိမိလက်ထဲ၌ရှိသောငွေကြေးကို ဘယ်လိုနည်းလမ်းဖြင့် ယုတ်လျော့မသွားအောင် ကာကွယ်နိုင်ဖို့ က အဓိက ကျပါတယ်။

လက်ထဲရှိ ၁၀သိန်းကို ဘဏ်မှာ ၈% အတိုးနှုန်းဖြင့် အပ်ထားမယ် ဆိုလျှင် ကာကယ်နိုင်ခြင်းမရှိသေးပဲ ၂၀၂၃ ခုနှစ် အတွက် ဆို ၁၉% အရှုံးဖက် ပြနေဦးမှာ ဖြစ်ပါတယ်။

မိမိပတ်ဝန်းကျင်တွင် မြင်တွေ့နေရသော တစ်ချို့ကို ပြောပြရလျှင် အခေါက်ရွှေဝယ်ယူစုဆောင်းခြင်း ( အခေါက်ရွှေတွေဟာ အလျှော့တွက် မရှိလို့ ပေါက်စျေးအတိုင်းပြန်ရနိုင်ခြင်း ငွေးကြေးဖောင်းပွမှု အတက်အကျ အပေါ်လိုက်ပါ ပြောင်းလဲနိုင်ခြင်းကြောင့် Safe Haven Asset လို့လည်း ဆိုကြတယ်) ငွေတိုးချေးစားခြင်း, အိမ်ခြံမြေ လုပ်ငန်းတစ်ခုခု၌ ရှင်းနှီးမြှုပ်နှံခြင်းစသဖြင့် နည်းလမ်းအမျိုးမျိုးဖြင့် ငွေကို အိပ်ကပ်ထဲ၌ မအိပ်စေပဲ ငွေကို လည်လည်ဝယ်ဝယ် အသုံးချ နေတာမျိုးလည်း တွေ့ရတတ်တယ်။တစ်ချို့ ဆိုလျှင် တွက်ချက်မှု အရ လုပ်ခြင်းမျိုး မဟုတ်ပဲ စီးပွားရေး အနေနဲ့ သမားရိုးကျ လုပ်ဆောင်းကြတာမျိုးလည်း တွေ့ရတတ်ပါတယ်။

၂၀၂၃ နှစ် အတွက်မိမိလက်တွင်ရှိသော ၁၀ သိန်းကို ၅% အတိုးနှုန်းနဲ့ အချိန်ကာလ ၅လ ဖြင့် ငွေတိုးချနိုင်မှ မိမိလက်ထဲရှိသောငွေ၏တန်းဖိုးကို ကာကွယ်နိုင်ရုံပဲ ရှိနေပါမယ်။ အချိန်ကာလ ၆ လ ဖြစ်လာမှ တစ်လစာ အတိုးနှုန်း ၅%(50,000) ကို အမြတ်အနေနဲ့ ဆိုလို့ရနိုင်မှာ ဖြစ်ပါတယ်။

နှစ်စဉ် ငွေကြေးဖောင်းပွမှုနှုန်းပေါ်မူတည်ပြီး တွက်ချက်ရမှာ ဖြစ်ပါတယ်

မိမိလက်ထဲရှိသော အသပြာကို တန်ဖိုးယုတ်လျော့မသွားအောင်ဘယ်လိုနည်းဖြင့် ကာကွယ်နေကြပါသလဲ?

"စီးတဲ့ရေကို ဆန်တက်ဖို့ ကြိုးစားနေကြရတယ်

အဆက်မပြတ်စီးဆင်းနေသော စမ်းချောင်းတစ်ခု အတွင်းမှာ ကျွန်တော်တို့ တစ်တွေ မသိမသာ မျောပါသွားနေကြရတယ်

တစ်ချို့သူတွေက လွယ်ကူချော်မွေ့စွာ ဆန်တက်နိုင်ကြပြီး လိုရာခရီးကို ပျော်ပျော်ရွှင်ရွှင် ဆက်သွားနိုင်ကြတယ်။

တစ်ချို့တွေကျ မနိုင့်တစ်နိုင် စီးရေ နဲ့အတူ မျောပါ မသွားအောင် ရုန်းကန်နေကြရတယ်။

တစ်ချို့တွေကျ ရုန်းရင်းကန်ရင်းနဲ့ပဲ ရေစီးနဲ့အတူ မသိမသာမျောပါသွားကြတယ်။"

မိတ်ဆွေတို့ ကျွန်တော်တို့ရော မျှောပါနေကြပြီလား?

အသိလေးတစ်ခုခု ရသွားလျှင် 😊😇

12/05/2024

အပြောအဆိုနှင့် ပေါင်းသင်းဆက်ဆံရေး

နှုတ်ချို လျှိူတစ်ပါး
နှုတ်ကြောင့် သေ လက်ကြောင့် ကြေ

ပေါင်းသင်းဆက်ဆံရေး မှာ နှုတ််မှထွက်တဲ့ စကားလုံးအသုံးအနှုန်းလေသံတွေကလည်း အရမ်းကို အရေးပါပါတယ်။
ကိုယ့်နီးနားဝန်းကျင်မှာ တွေရလေ့ရှိတဲ့ လူတစ်မျိုးက ဒီလူက အပြောသာ ဆိုးတာ စိတ်ကောင်းတော့ရှိပါတယ်ဆိုပြီးပြောကြလေ့ရှိတယ်။ ဒါ တကယ်တော့ စိတ်ထားလေး ကောင်းတယ်ဆိုတဲ့ အချက်ကြောင့် သူ့နီးနားက သူတွေလောက်ပဲ ဒါတွေကို သိပြီး စိတ်ထဲ နားလည်လက်ခံပေးနိုင်ပါတယ်။

တကယ်တမ်း အပြောမကောင်း မတတ်တဲ့ သူတွေ ဆို အပေါင်းသင်း လုပ်ချင်တဲ့သူ အခွင့်အရေး ပေးချင်တဲ့သူတွေ ရှိနေရင် တောင်မှ ဒီအပြောလေး တစ်ချက်နဲ့ မလိုလားတဲ့ ဆုံးရှုံးမှုတွေ ရှိနေနိုင်ပါတယ်။ စည်းကမ်းရှိတယ် နေထိုင်တတ်တယ် တိကျသေချာတယ် ဆိုပေမယ့်လည်း အပြောအဆို မတတ်ရင် အပြင်လူ တစ်ခြား သူစိမ်းတွေနဲ့ ဆက်ဆံတဲ့အခါ အထစ်အငေါ့လေးတွေ ရှိနိုင်ပါတယ်။

အပြော်အဆိုတတ်တယ် ကောင်းတယ် ဆိုတာဟာ တစ်ဖက်လူအပေါ် မဟုတ်မမှန် လိမ်လည် ပြောဆိုခြင်းကို ဆိုလိုတာ မဟုတ်ပါ။ မဟုတ်တာကို အဟုတ်လုပ်ပြောခြင်းမဟုတ်ပါ, ပုံကြီးချဲ့ပြောဆိုခြင်းလည်း မဟုတ်ပါ။ တစ်ဖက်လူ၏ စိတ်ခံစားမှု အခြေအနေနဲ့ တစ်ဖက်လူ၏ သူကိုယ်သူ ခံယူထားတဲ့အရာတွေကို နားလည်ခြင်း လက်ခံခြင်း ဖော်ပြပေးခြင်းဖြစ်ပါတယ်။ "လူတွေဟာ ချီးမြှောက်ခြင်း,ချီးကြူးခြင်းကို ခံချင်ကြတယ်။. မဟုတ်မမှန် မြှောက်ပင့်ခြင်းကို ရွံမုန်းကြတယ်။"

ပေါင်းသင်းဆက်ဆံရေး ကောင်းမွန်ချင်လား
အိမ်ထောင်ရေး သာယာချင်လား
မိသားစု တစ်စု ချမ်းမြေ့ချင်လား
အဖွဲ့အစည်းတစ်ခု အောင်မြင်ချင်လား
တစ်ယောက်နဲ့တစ်ယောက်လေးစားမှုလိုပါတယ် .နားလည်လက်ခံမှု. နာခံမှုလိုပါတယ်. ဝန်ခံရဲဖို့လိုတယ်

လေးစားမှု မရှိတဲ့ဝန်းကျင်မျာ လူကောင်းတွေအကြာကြီး မနေနိုင်ပါဘူး
သူ့နေရာ ကိုယ့်နေရာချင်း လဲကြည့်မပေးနိုင်တဲ့ နေရာတွေရဲ့ ဆွေးနွေးမှုတွမှာလည်း အငြင်းအခုံတွေပဲ တွေ့ရလိမ့်မယ်။ ကိုယ်မှားကြောင်း ကိုယ်မတတ်ကြောင်းကို ဝန်မခံရဲတဲ့ အတ္တဆန်တဲ့ နေရာတွေမှာလည်း စည်းလုံးမှုဆိုတာလည်း မရှိနိုင်ပါဘူး.။ တတ်သိနားလည်တဲ့ အသိုင်းအဝိုင်း ဝန်းကျင်ရဲ့ လမ်းပြထောက်ပြမှုတွေကို နာခံမှု မရှိပဲနဲ့လည်း တိုးတက်မှု ရှိမလာနိုင်ပါဘူး.

တိုင်ပင်ဆွေးနွေးမှုတွေဟာ မလိုလားအပ်တဲ့ ပြသနာတွေကို ကြိုမြင်နိုင်ပါတယ်. သွားမယ့်လမ်းခရီးရဲ့ ဖြတ်လမ်းတွေကိုလည်း ကြိုသ်ိနိုင်ပါတယ် အချိန်ကြန့်ကြာမှုတွေကိုလည်း သက်သာစေနိုင်ပါတယ်. ကောင်းမွန်တဲ့ ဆွေးနွေးမှုတစ်ခုဖြစ်မြှောက်ဖို့ ပြောဆိုဆက်ဆံမှု အရမ်းအရေးကြီးတယ်လို့မြင်မိပါတယ်။

ပေါင်းသင်းဆက်ဆံရေးဟာ နေ့တိုင်းဖြတ်သန်းရတဲ့ နေ့ရက်တွေအတွက်သာ မက ကြီးပွားရေး လုပ်ငန်းတွေမှာလည်း အခက္ခရာကျတဲ့ အရေးကြီးတဲ့ တတ်မြှောက်ထားသင့်မှုတစ်ခု ဖြစ်ပါတယ်။

"နှုတ်ကြောင့် သေ"ဆိုတဲ့ စကားအတိုင်း ကိုယ့်အပြောအဆိုလေး တစ်ချက်ကြောင့် ကိုယ့်အတွက် အခွင့်အရေးတွေ မဆုံးရှုံးကြရအောင် ဂရုစိုက်ကြစို့ဗျာ...

09/05/2024

#ကိုယ်ပိုင်အချိန်တွေမှာအကျိုးရှိရှိဘယ်လိုအသုံးချမလဲ?
#ဂျပန်နိုင်ငံတွင်းပို့ခFREE

စာအုပ်တွေအားလုံးကို တစ်နေရာတည်း စုပေးထားပါတယ် ခင်ဗျာ.

အချိန် ၃နှစ်, ၅နှစ်, ၁၀နှစ် ဆိုတာဟာ တကယ့်ခဏပါပဲ.

တိုင်းတစ်ပါးမှာ ကိုယ်မလုပ်ချင်တဲ့ အလုပ်တွေနဲ့ ရှာဖွေစုဆောင်းရင်း အချိန်ကို အလုပ်နဲ့အိမ် အိမ်နဲ့အလုပ် ဒီအတိုင်းလေးပဲ ကျော်ဖြတ်မိတဲ့အခါ အရွယ်ရလာ စုဆောင်းမိလာရုံနဲ့ ဘဝရှေ့ရေးအတွက် အာမခံရှိတဲ့ ကိုယ်ပိုင်အစွမ်းအစနဲ့ ရှာဖွေနိုင်မှု မရှိသရွေ့တော့ စိတ်အေးလို့ မရနိုင်သေးပါဘူး❗️

စုဆောင်းထားတဲ့ငွေကြေးအပြင် ကိုယ့်အတွက် ပညာဖြစ်တာ တစ်ခုခု ယူသွားမှာလား ယူသွားနိုင်လား. ဒါမှမဟုတ်

ငွေကြေးကို အသုံးချနိုင်တဲ့နည်းတွေ ကြိုတင်လေ့လာထားမှာလား ဒါမှမဟုတ်

ကိုယ်လုပ်ချင်တဲ့ အလုပ်နဲ့ ဆိုင်တဲ့ စီမံခန့်ခွဲမှုတွေ စျေးကွက်အကြောင်းအရာတွေကို ကြိုတင်လေ့လာထားမှာလား

အားလုံးဖြစ်န်ိုင်ပါတယ်။

အပေါ်က အချက်တွေနဲ့ ကိုယ့်ကိုယ်ကို မေးခွန်းတွေမေးမိကြသူတွေ အတွက် အောက်က စာအုပ်လေးတွေက အကျိုးပြုနိုင်ပါတယ်။

Finance
Managment
Sale & Marketing
leadership

❗️Japan တစ်နိုင်ငံလုံးအနှံပို့ပေးပါတယ် ခင်ဗျာ ❗️📭

#ဂျပန်နိုင်ငံရောက်မြန်မာလူငယ်များ
#ဦးနှောက်တွင်ရင်းနှီးမြှုပ်နှံပါ

04/05/2024

Sold out in Golden Week
Thanks for your support My bro..
“Ko Kyaw”

21/04/2024

ကျွန်တော် သောက်စားတတ်ပါတယ်....

"အရက်" လို့ ကြားတာနဲ့ အမြင်မတူတဲ့ လူတန်းစားအမျိုးမျိုးရှိတယ်။
သီလ ၅ပါးထဲမှာလည်း တားမြစ်ထားတဲ့ အချက်တစ်ချက် က မူးယစ်သေစာ ဖြစ်တယ်။

အမြင်မတူရတဲ့ အကြောင်းက သင်ခန်းစာယူခဲ့ရတဲ့ ပတ်ဝန်းကျင်နဲ့ တိုက်ရိုက်ဆိုင်တယ်။

"အရက်" လို့ ကြားလိုက်ရင် ကျွန်တော့်စိတ်ကို အရမ်းခံစားရစေတယ်။ မူးယစ်သောက်စား ပျော်ပါးပြီး "အရက်"ကို မြင်ပုံချင်းမတူကြ "အရက်"ကို မနိုင်ကြတဲ့ ပတ်ဝန်းကျင်မှာ ကြီးပြင်းလာတော့ အရက်ကြောင့် ကြင်သူ အမျိုးသမီး, သားငယ်, သမီးငယ် မျက်နှာငယ်လေး ကိုယ်စီ အရှက်တရားကိုယ်စီ နဲ့ ပတ်ဝန်းကျင်ကို ရင်ဆိုင်နေကြရတယ်၊။ "အရက်" ကြောင့် ငိုကြွေးကြရတယ်။ "အရက်" ကြောင့် ရှည်မှန်းချက်တွေ ရည်ရွယ်ချက်တွေ ပျက်စီးသွားကြရတဲ့ မိသားစုတွေ "အရက်"ကြောင့် စားဝတ်နေရေး မပြေလည်တာတွေ "အရက်ကြောင့် သား/သမီးရဲ့ ပညာရေး လစ်ဟာသွားရတဲ့ ပတ်ဝန်းကျင် လူငယ်လေးတွေ
"အရက်"ကြောင့် စိတ်ဓာတ်ကျနေရတဲ့ မိဘတွေ,သား/သမီးတွေ အများကြိီးတွေ့ရတဲ့အခါ အရက်ကို ကျွန်တော် အရမ်းမုန်းတယ်။

အရက်သောက်ရတာ အရမ်းခက်ပါတယ် ..
ပျော်လို့ သောက်တာ. ဝန်းနည်းလို့ သောက်တာ. စိတ်ညစ်လို့သောက်တာ. ပျော်ချင်လို့သောက်တာ. အထီးကျန်လို့သောက်တာ. ပျင်းလို့သောက်တာ လူစုံလို့သောက်တာ. လမ်းပျောက်လို့သောက်တာ. အလုပ်ပင်ပန်းလို့သောက်တာ. အရမ်းကြာပြီဖြစ်တဲ့သူနဲ့ ဆုံလို့သောက်တာ .လွမ်းလို့သောက်တာ .ချစ်လို့သောက်တာ .အရာအားလုံးကို မေ့ပျောက်ချင်လို့သောက်တာ စတာတွေကို နားထောင်ပြီး သောက်ရခက် မခက်ကို သိနိုင်ပါတယ်။......အများကြီး ပြောလို့တောင် မကုန်နိုင်ပါဘူး. . နောက်ဆုံး ဆုံမှတ်က အရက်ကို ကြိုက်လို့ သောက်တာ သောက်ချင်လို့ သောက်တယ်ဆိုတာပါ..

ဒီလိုပြောလို့ လူမုန်းများလည်းခံယူပါမယ်.
အရက်ကြောင့် မိသားစုတစ်ခု မပျော်ရွှင်ကြရတဲ့ အဖြစ်မျိုး
အရက်ကြောင့် သား/သမီးမျက်နှာငယ်ရ အရှက်ရ ရတဲ့ အဖြစ်မျိုး
အရက်ကြောင့် ကိုယ်နဲ့ ပတ်သတ်တဲ့သူတွေရဲ့ ဂုဏ်သိက္ခာ, ပျော်ရွှင်ချမ်းမြေ့ခြင်း, အကျိုးစီးပွား မထိခိုက်အောင်လို့ ဒီစာလေးက သတိလေးတစ်ချက်ပေးနိုင်ရင် ကျေနပ်ပါပြီ...

နောက်ထပ် ပတ်ဝန်းကျင်တစ်ခုကို လည်းပြောပြချင်ပါတယ်။
အပြင်လောကထဲ ရောက် နေရာအနှံ့ ရောက်သွားတော့ အများသူရဲ့ပတ်ဝန်းကျင် ပြုမူပုံ အလေ့အကျင့် စရိုက် စတာတွေကို သတိထားတယ် နည်းနာမှတ်သားတယ် မသိတာရှိရင် မေးတယ် စူးစမ်းတယ် ကောင်းတာ ယူတယ် မကောင်းတာ ပယ်တယ် လူ့ကျင့်ဝတ်နဲ့ ပတ်သက်တဲ့ ကိုယ်မသိသေးတဲ့ အရာတွေ အများကြီးမှ အများကြီးရှိနေပါတယ်။

သောက်စားမှုနဲ့ ပတ်သက်တဲ့ ခံယူပုံတွေကို သဘောကျတယ် .ဒီလိုပြောလို့ ထောက်ခံတာမျိုးမဟုတ်ပါဘူး အမြင်မတူတဲ့ ပုံတွေ စည်းကမ်းတွေကို ပြောချင်တာပါ။ တစ်ချို့လူတွေက ပတ်ဝန်းကျင်ကို စိတ်အနှောက်ယှက်မထိခိုက်စေဘူး. သားငယ် သမီငယ်ကို စိတ်ဒဏ်ရာနဲ့ အရှက်တကွဲဖြစ်စေတဲ့ အဖြစ်မျိုး ဖြစ်မလာအောင် ဆင်ခြင်တယ်။ တစ်ချို့လူတွေက စီးပွားချင်းဖလှယ်ဖို့ စကားစမြည်ပြောကြဖို့ အသုံးချတယ်။ တစ်ချို့က ကျန်းမာရေးအရလိုက်စားတယ်။ စတာတွေ တွေ့ရတာပါ။ ကောင်းပါတယ်လို့ ပြောတာ မဟုတ်ပေမယ့် ကိုယ့်ကြောင့် ကိုယ်နဲ့ပတ်သက်တဲ့သူရော ကိုယ်နဲ့ မပတ်သက်တဲ့ သူတွေရော စိတ်ဆင်းရဲ စေတာမျိုး အနှောက်ယှက်မဖြစ်စေတာမျိုးကို ဆိုလိုတာပါ။

ဂျပန်စကားပုံ တစ်ခုပါ
酒は飲んでも飲まれるな
sakeha non demo nomareruna

"အရက်ကို သောက်တော့သောက်ပါ. အရောက်က ပြန်သောက်မျိုးတော့ မဖြစ်စေပါနဲ့" တဲ့
"အရက်" က ပြန်နိုင်တာ မျိုး အရက် ကို မူးယစ်စွဲလမ်းသွားတဲ့အထိမျိုး မဖြစ်ပါစေနဲ့ လို့ ဆိုလိုခြင်းပါ။

သောက်သုံးတဲ့ အခါ အစပိုင်းလောက်က ဘာမှ မသိသာပျော်ရင်းပျော်ရင်း မူးယစ်လာတော့မှ အသိတွေ ပျောက်ပြိီး မမှားသင့် မပြောသင့် မလုပ်သင့်တာတွေ ကိုယ့်ကြောင့် တစ်ပါးသူ ထိခိုက်စေတာမျိုးတွေ ကို သတိမထားမိတော့တာမျိုးတွေ ဖြစ်လာပါတယ်။ မမှတ်မိစေတာမျိုးတွေ ဖြစ်တတ်ပါတယ်. ကိုယ်သိ ကိုယ်တတ် ကိုယ်စွမ်း ကိုယ်ရဲ စသဖြင့် ကြောက်စိတ် ရှက်စိတ်တွေလည်း မရှိကြတတ်တော့ပါဘူး တစ်ခြားသူတွေအတွက်ဆိုတာလည်း မစဉ်းစားမဆင်ခြင်နိုင်တော့ပါဘူး ။ သတိလေး နဲ့ သောက်ပါ..ကိုယ့်ကြောင့်ပျော်ရွှင်ရတဲ့ စိတ်ချမ်းသာရတဲ့ ဝန်းကျင်ပဲ ဖန်တီးကြစို့ဗျာ.

ဂျပန် စရှိမိအရက်ဆိုင်မှာ ၁နှစ်နီးပါး လုပ်တာ သဘောကျတဲ့ အရာတွေများတွေ့ခဲ့ရတယ်။ သောက်စားရင် တယောက်နဲ့ တစ်ံယောက် အသောက်မလွန်အောင် သတ်ိပေးတာတွေ . အရမ်းမူးလာရင် အပြင်ခေါ်ထုတ်ပြီး အဖွဲ့ထဲက ဖြစ်စေ ဆိုင်ထဲက အသက်ကြီးသူ တစ်ယောက်ယောက်ဖြစ်စေ ' ဒီလိုမျိုး မဖြစ်သင့်ကြောင်း. မသောက်သင့်ကြောင်း.သတိထားရမှာဖြစ်ကြောင်း. တခြားစားသောက်နေတဲ့သူတွေကို အနှောက်ယှက်မဖြစ်ရအောင် ဆင်ခြင်သင့်တဲ့အကြောင်း"တွေကို ပြောဆိုတယ် ဆုံးမတယ်. တဖက်ကလည်း လေးစားမှုနဲ့ အတူ ဦးညွှန့်ပြီး လေးစားလိုက်နာတယ်. ဆိုင်ထဲရောက် ဆိုင်ထဲ ရှိသူတွေကို တောင်းပန်တာ တွေ လုပ်တယ်။ ဒါမျိုးတွေကို ကြည့်ပြီး သဘောကျတယ်. လေးစားမှုနဲ့ လူမှုပတ်ဝန်းကျင်ကို တန်ဖိုးထားတဲ့ အသိုင်းအဝိုင်း စည်းလုံးမှုရဲ့ အရင်းခံပါပဲ။.

အရက်၏ ကောင်းခြင်း ဆိုးခြင်း ကျွန်တော်အကုန်မသိနိုင်ပါ
"အရက်"ကြောင့် ကိုယ့်အဖေအမေ၊ ကိုယ့်ညီအစ်ကို မောင်နှမ၊ ကိုယ့်ကြင်သူ ဇနီးမယား၊ ကိုယ့်သား/သမီး၊ ကိုယ့်အပေါင်းသင်းသူငယ်ချင်း၊ ကိုယ့်ပတ်ဝန်းကျင်အတွက် မထိခိုက်မနစ်နာစေပဲ စာနာစိတ်လေးနဲ သတိလေးကပ်ပြီး ပျော်ရွှင်စရာမိသားစု တစ်ခု ဝနိးကျင်တစ်ခု အတွက် ကျိုးစားကြစို့လားဗျာ...

"အရက်" ကြောင့် သားငယ်၊ သမီးငယ် များ မျက်နှာငယ် အရှက်ရစေတဲ့ သိမ်ငယ်စေတဲ့ အဖြစ်မျိုး ကင်းဝေးကြပါစေ....

16/04/2024

Napoleon Hill ရေးခဲ့တဲ့ Think and Grow Rich(အကြံဉာဏ်ဖြင့်ကြီးပွားရေး) နှင့်
David J.Schwartz,Ph.D ရေးခဲ့တဲ့ The Magic of Thinking Big(ကြီးကြီးတွေး မြင့်မြင့်ကြံ)

စာအုပ်တွေဟာ အုပ်ရေသန်းချီရောင်းခဲ့ ရတဲ့ ကမ္ဘာကျော်စာအုပ်တွေ ဖြစ်ပါတယ်။ ဒီစာအုပ်တွေကို မြန်မာပြန်ဆိုထားကြသည့် ပုဂ္ဂိုလ်မှာ ဆရာကြီးရွှေဉဒေါင်းနဲ့ ဆရာဗန်းမော်သိန်းဖေ တို့ ဖြစ်ပါသည်။ ဆရာကြီး ရွှေဉဒေါင်း၏ ထိမိလှသည့် အသုံးအနှုန်း ဆရာ ဗန်းမော်သိန်းဖေ၏ သေသပ်တဲ့ အစီအရီ တွေကြောင့် ဒီစာအုပ်တွေဟာ မြန်မာနိုင်ငံမှာလည်း လက်ရှိ ရောင်းအားကောင်းမြဲ ဖြစ်ကြပါတယ်။ အောင်မြင်လိုသော စာဖတ်သူတွေကြား ရေပန်းစားနေတဲ့ နာမည်ကြီးနေတဲ့ စာအုပ်တွေဖြစ်ကြပါတယ်။

ဒီစာအုပ်တွေကို လူငယ်တိုင်း ဖတ်ရှုသင့်တဲ့ စာအုပ်တွေ ဖြစ်ပါတယ်။ မိမိကိုယ်ကိုယ် လမ်းပျောက်နေသလို ခံစားနေရသူ၊ ကိုယ့်ကိုယ်ကို ယုံကြည်မှုမရှိသူ၊ အရာရာကို ဆင်ခြင်ပေးတတ်တဲ့သူ၊ တခုခုစလုပ်ရမှာ ကြောက်နေသူတွေ ကိုယ့်ကိုယ်ကို အားမရသူတွေ အနေနဲ့ ဒီစာအုပ်တွေဟာ စိတ်ခွန်းအားပေးမယ့် စာအုပ်ဖြစ်တဲ့ အပြင် ယုံကြည်မှုတည်ဆောက်မှု နည်းနာတွေ ကိုယ့်ကိုယ်ကို ပြုပြင်တဲ့ နည်းလမ်းတွေ ပတ်ဝန်းကျင်နဲ့ လိုက်လျောညီထွေဖြစ်အောင် နေထိုင်နိုင်မယ့် နည်းလမ်းတွေ စိတ်ကိုပြုပြင်ပေးတဲ့ အတွေးအခေါ်တွေ များစွာ ပါဝင်တဲ့ စာအုပ်တွေဖြစ်ပါတယ်။

တကယ်လို့ သင်ဟာ ယခုပြောတဲ့ အချက်တွေ ရှိတဲ့သူဆိုရင် ဒီစာအုပ်တွေဟာ သင့်လက်ပေါ် မချချင်လောက်အောင် သင့်ကို စိတ်ခွန်အားတွေပေးမယ့်စာအုပ်တွေ ဖြစ်မှာ ဧကန်မလွဲပါ။

"ကြီးကြီးတွေးမြင့်မြင့်ကြံ" မှ စာပိုဒ်တချို့ကို ဖော်ပြလိုက်ပါတယ်။

' သင်ကြောက်နေတာကို ချက်ချင်း လုပ်ဆောင်ပစ်လိုက်ပါ။ လုပ်ဆောင်မှုဟာ ကြောက်စိတ်ကို ကုပေးနိုင်ပါတယ်။ ကြောက်စိတ်ကြောင့် ဘာမှမလုပ်ရဲရင် သင့်ရဲ့ ကြောက်စိတ်ဟာ ပိုမိုကြီးလာပါလိမ့်မယ်။'

'မှန်တာကို လုပ်ရင်း ယုံကြည်မှုကို တည်ဆောက်ပါ။ ဒါဆိုရင် ကြောက်စိတ်လည်း လျော့သွားလိမ့်မယ်။'

'သင့်ကိုယ်သင် လေးစားပါ။ ဒါမှလည်း တခြားသူတွေ လေးစားကြလိမ့်မယ်။'

---------------------------
"သင့်ရဲ့ ယခုအခြေအနေတွေဟာ တစ်ချိန်က သင်ရွေးချယ်ဆုံးဖြတ်လိုက်တဲ့ အရာတွေရဲ့ ရလာဒ်တွေဖြစ်တယ်"

❗️ဂျပန်နိုင်ငံတွင်း ပို့ခ အခမဲ့ဖြင့် တစ်နိုင်ငံလုံးအရောက် ပို့ပေးပါသည်။📭🇯🇵🇯🇵🇯🇵

#ဂျပန်နိုင်ငံရောက်မြန်မာလူငယ်များ
#ဦးနှောက်တွင်ရင်းနှီးမြှုပ်နှံပါ

15/04/2024

親しき中にも礼儀あり
sh*tashiki nakanimo reigiari

"အလွန်ရင်းနှီးကျွမ်းဝင်သော သူများဖြစ်နှင့်သည့်တိုင် လေးစားမှု ဆိုသော အရာ ရှိရမည်"

လေးစားမှုဆိုသောအရာသည် ဆင်းရဲသည်, ချမ်းသာသည်, အသက်ကြီးသည်, ငယ်သည်နှင့် မဆိုင်ပါ တစ်ဖက်လူရဲ့ အခြေအနေကို နားလည်လက်ခံနိုင်ခြင်း ကိုယ်ချင်းစာနာထောက်ထားနိုင်ခြင်း ပတ်ဝန်းကျင်မှာ ပုံရိပ်မကျအောင် လုပ်ဆောင်ပေးခြင်း စတဲ့ အချက်ဖြစ်ပါတယ်။ တစ်ခါတလေ ကျွန်တော်တို့ ကိုယ်တိုင်မသိတဲ့ အတ္တ တွေကြောင့် တဖက်လူအား မရည်ရွယ်ပဲ ထိခိုက်နစ်နာစေမိတာမျိုးလည်း ဖြစ်နိုင်ပါတယ်။ တစ်ဦးတစ်ယောက်နဲ့ ပြောဆိုဆက်ဆံခြင်းမပြုမှီ အထိ ကိုယ့်ကိုယ်ကို သတိထားရမှာက လွတ်ခနဲထွက်တတ်တဲ့ အပြောအဆိုစကားလုံးတွေပဲဖြစ်ပါတယ်။

အချို့သောအခြေအနေတွေဆို တဖက်လူရဲ့ အားနည်းချက်လို့ တစ်ထစ်ချ ထင်မြင်လိုက်ပေမယ့် တကယ်တမ်းကျ ကိုယ်စိတ်တိုင်းမကျတဲ့ အချက်ကြောင့်သာ ဖြစ်လာရတာပါ။ ဒီလိုအချိန်တွေဆို ချက်ချင်းတုံ့ပြန်တာမျိုး မလုပ်ပဲ နေရာချင်းလဲ ခံစားကြည့်နိုင်ဖို့လိုပါတယ်။ အဲ့လိုမှမဟုတ်ရင် မလိုအပ်ပဲတဲ့ အခြေအနေတွေ ဖြစ်လာနိုင်ပါတယ်။ နေရာချင်းလဲ ခံစားကြည့်ပြီးမှ ကိုယ်ပြောချင်တဲ့အကြောင်းအရာကို စကားလုံးတွေ ရွေးချယ်ပြီး နားလည်မှုတွေနဲ့ ညှိနိုင်းဖြေရှင်းသင့်တယ် လို့မြင်ပါတယ်။

သူငယ်ချင်းကြားမှာဖြစ်စေ,ညီအစ်ကိုမောင်နှမကြားဖြစ်စေ , မိသားစု တစ်ခု , လုပ်ငန်းခွင်မှာဖြစ်စေ လေးစားမှုဆိုသောအရာက အရမ်း အရေးကြီးတယ်လို့ မြင်ပါတယ်။

သူငယ်ချင်းတွေကြား မည်သို့ ရင်းနှီးကျွမ်းဝင်မှု ရှိစေကာမူ လေးစားမှုမရှိရင် မတည်မြဲနိုင်ပါဘူး. "လေးစားခြင်း" စကားလုံးသည် ကြီးကျယ်ခန်းနားလွန်းပေမယ့် တစ်ဖက်လူရဲ့ အခြေနေကို နားလည်ခြင်း စာနာခြင်း သည်းခံခြင်း ထောက်ခံခြင်း ဖြောင့်မတ်ပေးခြင်း ကူညီပေးခြင်း အကျိုးမယုတ်အောင် ကာကွယ်ပေးခြင်း တွေပဲ ဖြစ်ပါတယ်။

မိသားစုညီအစ်ကို မောင်နှမ တကွဲတပြား ကွဲကွာပျက်စီးရသည်မှာ လည်း အဖြေရှိတဲ့ ပြသနာတွေကြား လေးစားနားလည်မှု ကင်းမဲ့တဲ့ အတ္တတွေနဲ့ ရင်ဆိုင်ဖြေရှင်းကြလို့သာ ဖြစ်ရတာလို့မြင်ပါတယ်။ သေးငယ်တဲ့ ပြသနာ တစ်စုံတစ်ခုဖြစ်စေကာမူ အားလုံးလက်ခံနားလည်အောင် ရှင်းလင်းမြင်သာအောင် လုပ်ထားဖို့ လိုအပ်ပါတယ်. သို့မဟုတ်ရင် သေးငယ်တဲ့ အစိုင်အခဲလေးတွေ များလာသည်နှင့်အမျှ ပျက်စီးရခြင်းရဲ့ အကြောင်းအရင်းဖြစ်လာနိုင်ပါတယ်။

အလုပ်အကိုင်လုပ်ငန်းခွင်မှာလည်း ရာထူးကြီးငယ်ပေါ်မူတည်တဲ့ ရှူမြင်ပုံမဟုတ်တဲ့ ခေါင်းဆောင်ကောာင်း စိတ်ဓာတ် လေးစားမှု နဲ့ လမ်းညွှန်မှုတွေ တွဲခေါ်မှုတွေ အားပေးနှစ်သိမ့်မှုတွေ နဲ့ လုပ်ဆောင်ရင် လက်အောက်ငယ်သားတွေ ချစ်ခင်ရတဲ့ သူတစ်ယောက်ဖြစ်မှာ သေချာပါတယ်။ လက်အောက်ငယ်သားတွေ နေနဲ့လည်း ကိုယ့်ထက်ရာထူးကြီးမြင့်သူရဲ့ နေရာကိုလည်း နားလည်လက်ခံနိုင်ဖို့လိုအပ်ပါတယ်၊ ပြောဆိုစရာ တစ်ခုခု ရှိလာတယ်ဆိုရင် များသေားအားဖြင့် ဘာကြောင့်ဖြစ်ရတဲ့ အကြောင်းအရင်းကို မကြည့်နိုင်ပဲ လက်မခံနိုင်ပဲ ရာထူးအပေါ်ကို ရှုမြင်စိတ်နဲ့ ကိုယ်အထက်လူကြိးအပေါ် သဘောထားကွဲလွဲမှု တွေ ရှိလာနိုင်ပါတယ်။ သည့်နောက် အလုပ်အကိုင်ထဲ ဆက်ဆံရေးတွေ ထိခ်ိုက်လာနိုင်ပြီး ပျော်ရွှင်စရာ လုပ်ငန်းခွင် မဖြစ်နိုင်တာ့ပါဘူး။

ကိုယ့်ပတ်ဝန်းကျင် ,ကိုယ့်ပေါင်းသင်းဆက်ဆံရေး, ကိုယ့်မိသားစု ညီအစ်ကိုမောင်နှမ, ကိုယ့်ချစ်သူ, ကိုယ့်အိမ်ထောင်ဖက်, ကိုယ့်အပေါင်းအသင်းသူငယ်ချင်းမိတ်ဆွေတွေကြား အားပြင်းတဲ့ လေးစားမှု တစ်ခုနဲ့ ပျော််ရွှင်စရာ ကိုယ်ပိုင်ကမ္ဘာတွေ တည်ဆောက်နိုင်ပါစေဗျာ

親しきの中にも礼儀あり
sh*tashiki nakanimo reigiari

"အလွန်ရင်းနှီးကျွမ်းဝင်သော သူများဖြစ်နှင့်သည့်တိုင် လေးစားမှု ဆိုသော အရာ ရှိရမည်"

ဂျပန်စကားပုံ ကို ကျွန်တော့်အမြင်နဲ့ အဆုံးသတ်လိုက်ပါတယ် ဗျာ...

တဖက်သူအား လေးစားမှုတွေနဲ့ ကောင်းမွန်တဲ့ ပေါင်းသင်းဆက်ဆံရေး တည်ဆောက်ကြစို့...😊

住所

Takadanobaba
Shinjuku-ku, Tokyo
〒169-0075

電話番号

+817090704594

ウェブサイト

https://www.youtube.com/@HEINToday

アラート

HEINがニュースとプロモを投稿した時に最初に知って当社にメールを送信する最初の人になりましょう。あなたのメールアドレスはその他の目的には使用されず、いつでもサブスクリプションを解除することができます。

事業に問い合わせをする

HEINにメッセージを送信:

名前:

メールアドレス:

メッセージ:

ビデオ

အမှန် အဟုတ် 😅

အမှန် အဟုတ်😅

ပိတ်ရက်ရှည် တိုကျို ဗုဒ္ဓရုပ်ပွါးအား သွားရောက်ဖူးမျှော်ခြင်း 18/8/2024 #japan

ငွေကြေးဖောင်းပွမှု (inflation)ကနေ ဘာတွေကို အကျိုးသက်ရောက်စေလဲ? ငွေကြေးတန်ဖိုး , ပိုင်ဆိုင်မှုတန်ဖိုးကို ဘယ်လို ယုတ်လျော့သွားစေနိုင်လဲ? လူတွေရဲ့ နေထိုင်မှုဘဝနဲ့ ဘယ်လို ဆက်စပ်မှုရှိလ? #ရင်းနှီးမြှုပ်နှံမှုဖြင့်ချမ်းသာကြွယ်ဝမှုဖန်တီးခြင်း #ငွေကြေးနှင့်ရင်းနှီးမြှုပ်နှံမှုလက်စွဲ #ဦးနှောက်တွင်ရင်းနှီးမြှုပ်နှံပါ

မိတ်ဆွေတို့အတွက် ငွေကြေးဗဟုသုတ 💵 ငွေကြေးဖောင်းပွမှု(Inflation)ဆိုတာ ဘာလဲ? ငွေကြေးဖောင်းပွမှု (Inflation)က ကိုယ့်နိုင်ငံမှာပဲ ရှိတာလား? ငွေကြေးဖောင်းပွမှုနှုန်း(Inflation rate) ကို ဘယ်လို တွက်ချက်ရလ? ငွေကြေးဖောင်းပွမှု(Inflation) က ဘာကြောင့် ဖြစ်လာရတာလ? ငွေကြေးဖောင်းပွမှု(Inflation) ကို ဘယ်လိုထိန်းချုပ်လေ့ရှိသလ? #ရင်းနှီးမြှုပ်နှံမှုဖြင့်ချမ်းသာကြွယ်ဝမှုဖန်တီးခြင်း #ငွေကြေးနှင့်ရင်းနှီးမြှုပ်နှံမှုလက်စွဲ #ဦးနှောက်တွင်ရင်းနှီးမြှုပ်နှံပါ🧠

#ကိုယ်ပိုင်အချိန်တွေမှာအကျိုးရှိရှိဘယ်လိုအသုံးချမလဲ? #ဂျပန်နိုင်ငံတွင်းပို့ခFREE စာအုပ်တွေအားလုံးကို တစ်နေရာတည်း စုပေးထားပါတယ် ခင်ဗျာ. အချိန် ၃နှစ်, ၅နှစ်, ၁၀နှစ် ဆိုတာဟာ တကယ့်ခဏပါပဲ. တိုင်းတစ်ပါးမှာ ကိုယ်မလုပ်ချင်တဲ့ အလုပ်တွေနဲ့ ရှာဖွေစုဆောင်းရင်း အချိန်ကို အလုပ်နဲ့အိမ် အိမ်နဲ့အလုပ် ဒီအတိုင်းလေးပဲ ကျော်ဖြတ်မိတဲ့အခါ အရွယ်ရလာ စုဆောင်းမိလာရုံနဲ့ ဘဝရှေ့ရေးအတွက် အာမခံရှိတဲ့ ကိုယ်ပိုင်အစွမ်းအစနဲ့ ရှာဖွေနိုင်မှု မရှိသရွေ့တော့ စိတ်အေးလို့ မရနိုင်သေးပါဘူး❗️ စုဆောင်းထားတဲ့ငွေကြေးအပြင် ကိုယ့်အတွက် ပညာဖြစ်တာ တစ်ခုခု ယူသွားမှာလား ယူသွားနိုင်လား. ဒါမှမဟုတ် ငွေကြေးကို အသုံးချနိုင်တဲ့နည်းတွေ ကြိုတင်လေ့လာထားမှာလား ဒါမှမဟုတ် ကိုယ်လုပ်ချင်တဲ့ အလုပ်နဲ့ ဆိုင်တဲ့ စီမံခန့်ခွဲမှုတွေ စျေးကွက်အကြောင်းအရာတွေကို ကြိုတင်

Books

ဝါ့ခယာမ ရဲ့ တစ်နေရာ

ပထမ အလုပ်တစ်ခုတုန်းကပါ. လမ်းပြင်ဖို့ ကတ္တရာအပျက်တွေ ကွန်ကရစ် အကြေတွ ဘလော့ တုန်းတွေ သည်တုန်းကပေါ့ဗျာ.. အရမ်းကို ခင်စရာကောင်းတဲ့ သူတွေနဲ့ ရှိခဲ့ကြတာ သူကားမောင်းတာကို ကိုယ်က မတောက်တစ်ခေါက်စကားလေးနဲ့ လိုက်ပြောလိုက် စလိုက်နဲ့ပေါ့ဗျာ ကားဒိုင်ခွက်မှာ ၁၆၀ ကီလိုမီတာအထိ ရေးထားတော့ အဲ့အထိကို မောင်းခိုင်းတာ ဟိုက မမောင်းရဲဘူး မောင်းရင်လည်း ကိုယ်လည်း အသေကြောက်ရမှာ 😅 အဲ့ လူက ပြန်ပြောတာပေါ့ မမောင်းရဲဘူးတဲ့လေ မောင်းရင် အဖမ်းခံရမှာတဲ့ အဖမ်းခံရလား မခံရလား မောင်းကြည့်ပါလားလို့ ဒီက ပြန်ပြောလိုက်တာပေါ့ 😅 သူမမောင်းရဲဘူး ကျနော်တို့စီးတဲ့ ကားက အဲ့လို လမ်းပေါ်မှာဆို သတ်မှတ်ထားတဲ့ မြန်နှုန်း က ၅၀ ဝန်းကျင်လောက်ပဲတဲ့ စည်းကမ်းကို လိုက်နာကြတယ် တစ်ယောက်ကို တစ်ယောက် လေးစားကြတယ် အချိန်တိုင်းမှာ ကျေးဇူးတင်တယ်နော် တို့ တောင်းပန်

ရှေ့မှီနောက်မှီ 😅 ငယ်ငယ်တုန်းက လယ်ကွင်းထဲအပြန် အော်ဆိုခဲ့ကြတဲ့ သီချင်းလေး ❤️

Financial Intelligence 5-steps

သာမာန်အခြေအနေမှ ငွေကြေးလွတ်မြှောက်မှု ရအောင် လုပ်၍ရနိုင်သော နည်းလမ်း..

သုံးကြည့်ကြည့်

HEIN

22/12/2024

22/12/2024

18/12/2024

15/12/2024

05/11/2024

28/10/2024

21/10/2024

30/08/2024

14/08/2024

10/08/2024

05/07/2024

12/05/2024

09/05/2024

04/05/2024

21/04/2024

16/04/2024

15/04/2024

住所

電話番号

ウェブサイト

アラート

事業に問い合わせをする

ビデオ

အမှန် အဟုတ် 😅

Books

ဝါ့ခယာမ ရဲ့ တစ်နေရာ

Financial Intelligence 5-steps

ショートカット

共有する

カテゴリー