بداية جديدة وصفحة جديدة...
14/05/2022
ايجابيات وسلبيات الدفع الامامي (FWD)
🟢 الايجابيات
❗️ بالدفع الامامي يكون المحرك والگير فوق العجلات الأمامية، وهذا الشي يوفر قدرة جر عالية بصعود المرتفعات والطرق الزلقة.
❗️ بما انه جميع المعدات (الگير والمحرك وملحقاتهة) بمقدمة السيارة، فهذا الشي يوفر مساحة أكبر لغرفة السيارة.
❗️ مكونات الدفع الامامي أقل من الدفع الخلفي، وهذا الشي يخلي وزن السيارة خفيف ويحسن صرف الوقود. لذلك اغلب السيارات الاقتصادية تجي دفع أمامي.
❗️ بالنسبة للشركات تفضل صناعة سيارة بدفع امامي كونه غير مكلف وما يحتاج انظمة تحكم بالجر مثل الخلفي واجزائه اقل وينطي مجال اكثر لصناعة غرفة سيارة اوسع.
🔴 السلبيات
❗️ لأن المحرك والگير وملحقاتهم كلها بالمقدمة فهذا يخلي استهلاك اجزاء نظام التعليق اكثر.
❗️ توزيع الوزن بالسيارة يكون غير متكافئ بين المحورين الامامي والخلفي.
❗️ صعوبة السيطرة على السيارة والتوجيه خلال المناورات بسرعة عالية جدا، مقارنة بنظام الدفع الخلفي.
❗️ الدفع الامامي ما يتحمل محركات كبيرة الحجم كذلك السيارات الرياضية (السوبركار) ما تستعمل نظام دفع امامي كون هذا النظام غير امن بالسرعات العالية جدا.
