Confessions - اعترافات

21/01/2025

مسا الخير هلا اتعرفت عبنت قبل ست اشهر واعجبت فيها ومن اول اسبوع طلبت رقم امها حكتلي اصبر عشر مستعجل وصبرت شهر شهرين ورجعت فتحت معها الموضوع وكانت تنرفز وتدايق بتحكيلي اصبر اصبر علي شووي وانا زي الاهبل صابر وساكت وبعد فتره رديت طلبت رقم امها بتحكيلي انا مش مستعده اخطو هاي الخطوة هلأ اقسم بالله اني ما قصرت معها ولا دايقتها و ماشي معها بس كل ما افتحلها سيرة الزواج تتدايق وتحكيلي بتظغط علي خلص خلص .شو اعمل انا ليش هيك البنات مع انه اول ما حكينا كانت متشجعه وبنخطط للبيت انداري حسبنا الله ونعم الوكيل في الي مثل هيك اقسم بالله كسرة خاطر من جوا وتفكير وانا لازم اتزوج صار وكل شي جاهز الحمدلله

21/01/2025

مسالخير ممكن تنزل
انا انخطبت تقليدي خطبة اهل وتزوجت من ٨ شهور وكان الزواج ع سفر وجوزي يجهز البيت ويفرشو ويصورلي كان مفهمني هوي واهلو لانو عم يشتري جديد .. هلق هوي ماحكالي مستعمل بس بنفس الوقت ماحكالي لانو الاغراض جديدة .. مهم قلت لحالي يلا اهو المهم البيت مو ناقصو شي من الاغراض الاساسية ...انا وضع اهلي كان فوق الجيد وكان بدي شخص مايعيشني بأقل من هيك ..تنازلت عن حقي بكذا قصة وقلت يلا بيعوضني ..واهلو مورجيني انو الحمدلله امورو كتيو منيحة الى ان سافرت ورحت لعندو وطلع مامعو شي وعايش عاليومية اللي بياخدا كل يوم ولما ناقشتو فيها قلي اي بس انا ماقلتلك لانو معي فلوس اي بس ماقلتلي لانو مامعك كمان!!
قلي انا فرشت البيت بكل شي معي وكان راتبي احسن وا وا وا
ف انا مقهورة من قصة لانو مامعنا شي غير المصاري اللي بيجيبا كل يوم وبيروح نصها مصاريف او شي بوصيه عليه والوضع عنا ما خرج يتصمد ابدا .. انا مالي صغيرة كنت حابة نستقر ونجيب ولد بس لما شفت هيك الوضع صرت خايفة ومترددة
ساعدوتو بشوية فلوس كانت معي وجبنا كم غرض كان ناقصنا ولما صرت اشتغل اخد راتبي عن شهر لانو كنا منداقيين كتير وبيضل يقلي بدا نصمد ونشيل ونا مو عرفتنة هي كيف بدا تصير ..
محتارة شو اعمل !!

21/01/2025

أعلم أنكِ مترددة الآن، وربما تشعرين أن قبول شخص لا تعرفينه بعمق أمر صعب.. لكن أريدك أن تعرفي أنني لا أطلب منكِ سوى فرصة صغيرة لأثبت لكِ أنني سأكون الشخص الذي تستحقينه والشخص الذي سيكون دائمًا بجانبك مهما كانت الظروف.

الحياة ليست دائمًا سهلة والعمر يمضي بنا الإثنين سريعاً وأنا أؤمن أن وجود شريكين يتشاركان الحياة معًا يجعل من أي صعوبة طريقًا إلى القوة والنجاح.. وأنا أعدكِ أن أكون لكِ هذا السند وأن أكون شخصًا يمكنكِ أن تثقي به دائمًا وأن أضع سعادتكِ وأحلامكِ قبل أي شيء آخر.

وأريدك أن تعرفي أيضًا أنني إخترتك عن كثير من غيرك على مدار سنوات طويلة ولكني لم أظهر ذلك أبدًا.. لطالما كنت صبورًا وأؤمن بأن الفرصة المناسبة تأتي عندما يكون القدر قادرًا على جمع قلوب متوافقة.. لقد تقدمت لكِ بصدق هذه المرة وأنا أتمنى أن أكون ذلك الشخص الذي يمكنه أن يمنحك السعادة والراحة بعد كل هذا الانتظار إن شاء الله..

في العادة عندما أذهب إلى بيتكم أحرص على أن أكون نظيف القلب واليد وأحمل فقط نية صافية دون أي مكاسب شخصية..
صديقي وهو أخاكِ الذي أقدره جدًا، وأتمنى أن أبقى دائمًا صادقًا معه ومعكم وعلاقتنا خالية من الخيانات والنفاق .. هذا الاحترام هو ما يجعلني أتمنى أن تبقى علاقتنا شريفة وصافية دون أي غش أو خداع..
عندما طلبتكِ للمرة الأولى كنت قد قررت أن أقطف ثمار صبري بعد كل هذه السنين الطويلة من الانتظار والعناء.. وأني أريد أن أكون الشخص الذي يشاركك حياتك بإخلاص وصدق...

يمكن أن تكونين قد سمعتِ عني من قبل لكن أريدكِ أن تعلمي أنني أحمل لكِ كل الاحترام وأتمنى أن تبقى علاقتي الأساسية بيني وبين أهلك قائمة على الود والحب ..
فحتى لو رفضتِ فأنا أؤمن أن القرار يعود إليكِ ومُجبر أن أحترمه مهما كان ... وإن قبلتِ فأنا لك كل ما تحتاجين وتحلمين ..
وفي النهاية أؤمن أن القلوب قد تتلاقى في يوم ما حتى لو لم يكن اليوم أو غداً ..فإذا كان الآن ليس الوقت المناسب فأنا سأظل هنا صابرًا حتى إذا استمر الأمر بعيدًا عني..
أردتكِ بصدق عن كثيرين لكنك لستِ مجبورة في القبول ..فأنتِ تستحقين الحب الذي يأتي من القلب لا من الإلحاح والرجاء ..

فإذا كان القدر قد كتب غير ذلك فأنا سأمضي بشرف دون أن أنظر خلفي وليَّ من الله ما أستحق.. ولكم من بعدي طول البقاء .. والسلام.

21/01/2025

اعتراف

مرحبا يا ريت المساعده من دون تعليقات سلبيه ولكم الاجر بالمساعده ان شاءالله
شو افضل حكي ممكن ينحكى لفسخ الخطوله طبعا بعد كتب كتاب لوالدها وإلها كمان طبعا والدي غير موجود معي بنفس البلد
والاسباب كالتالي تفكيري غير تفكيرها وشفت بعض المواقف منها ما حبيتهم كردود على امها او ما شابه ذلك طبعا ليست مواقف كبيره لاكنها كلمات عفويه نوعاً ما ونقطه تانيه وصوتها العالي بالدار مو عن عصبيه بس هيك لما تنادي ع حدا وانا شخص بحب الهدوء جدا والتالتاً اسلوبها بالحياه غير الاسلوب الي انا بدي اياه وآخر اشي ( لما شفتها نظره شرعيه كنت حابها جدا بس بعد كتب الكتاب بشهر بطلت احس اني بحبها وبطل شعور الحب موجود ولا حتى قادر اتقبل انها خلص صارت مرتي ) حاولت اعطي نفسي فرص كتير وكل مره ما بتزبط معي والله شاهد علي
والي شهرين كاتب كتابي ومن شهر تقريبا مو قادر وقاعد بغصب بحالي اني احبها متل ما هي بتحبني بس مش قادر ولا قادر احكيلها كلام متل اي بنت بتحب تسمعو من خطيبها

08/01/2025

مرحبا
لو سمحتوا حابب أفضفض لاني بمرق بأزمه نفسيه صعبه انا شب صابني ضعف نظر بعد التوجيهي من كثر الدراسه وقررت بعد ما اخلص جامعه اعمل تصحيح نظر وفعلا تخرجت الحمد لله وبشهر 8 رحت على مركز الشامي الغِنى عن التعريف وحكالي الدكتور انه قرنيتك ما بتزبط عليها العمليه لانه يمكن تكون بداية قرنية مخروطيه واعطاني قطرات امشي عليها مشان كان في جفاف وحكالي في امل انها تزبط العمليه ومراجعات شهريه صرت اروح اليوم اخر مراجعه الدكتور حكالي ما بتزبط العملية ابدا لانه عندك قرنية مخروطيه نائمه بس اذا بدك تتخلص من النظاره بدك تعمل عملية تثبيت نظر حقها 900 دينار واذا خلص العرض بتصير 1100 دينار وبعديها ب6 أشهر بعملولي عملية زراعة عدسات أبديه داخل العين وهاي العملية بتكلف 3200 دينار يعني المجموع للعمليتين 4 الاف دينار حكالي عملية الزراعة لسا احسن من الليزر وبترجع تشوف 6/6 بدون نظاره بس انه المشكله سعرها غالي ومن سويسرا رح يجيبوهم وانا يجماعة الخير لما سمعت هالخبر اكتئبت ومتذايق زعلان كثير بحكي ليش كل اشي مش زابط زي هالناس يخوان والله طلعت عمره وبحكوا اول ما تشوف الكعبه الدعاء مستجاب والله ظليت ادعي انه اعمل العملية واخلص من النظاره هسا بقدر اتخلص من النظاره بس بواسطة الطريق المكلف ماديا 4 الاف والله كثير بشتغل براتب 400 ولمدة شهرين وبعديها رح اقعد ادور على شغل من وين اجيب 4 الاف والله مقهور كثير اخر حل وصلتله انه ما اتزوج واعتبر الاربع الاف اللي بدي اجمعهم للزواج اوخذهم اعمل العملية وما اتزوج بالله عليكم تدعولي وشو تنصحوني اعمل؟

08/01/2025

ممكن تنزل مشكلتي بدون ذكر الاسم
انا بحب شب وهو برضه بيحبني وبيقدرني وبيعاملني احسن معامله وده بشهاده مواقف كثيرة حصلت معي وكان نعم السند معايا بس هو في دولة اوربية وانا ف مصر
المشكلة هو بيحبني بس مرات يحاول يطلب مني صور بشعري ولما ارفض ينسى الموضوع ويكمل عادي بس تعدي فترة يرجع يطلب مني الطلب نفسه
انا بجد مش عارفة هعمل معاه ايه وف نفس الوقت مش عايزة اسيبه عشان بحبه وهو كمان
وللي هيقولي قوليلو يتقدملك هو حاليا لسه بدا حياته والمصروف بالكاد يكفيه
نصائحكم اعمل ايه ؟

08/01/2025

ادمن بليز بدون اسم
هاذ الحكي مني لزوجي ما بنفع انو إذا خنتني مع وحده بتحبها وتركتو لأن صار مشاكل وعرفت تضل كل فتره تجيبلي سيرتها واضلك تحكي عن الشرع كل شوي انو محلل اربعه خصوصا انو اذا كنت مش مقصره معك ورجعتلك وما رضيت اكسرك قدام الناس. لا تفكر اني ما بقدر ومش بإمكاني بس العشره ما بتهون الا ع ابن الحرام. فش داعي تحرقلي اعصابي وترمي الحكي والكلمه وتروح لاني يضل فتره افكر فيها وببشرك مع الوقت بصير اكرهك فكر بحياتنا وببيتك حتى لو ماا بتحبني بس ع الاقل عشان الاولاد وسنين الحب اللي بينا وخصوصا انو هي مره متجوزه ومن سابع المستحيلات تتجوزوا أن شاء الله. انت عندك عيلتك وهي عندها هيبتها وحسبي الله ونعم الوكيل

08/01/2025

السلام عليكم
الموضوع بل بداي انا شب عمري 20 سنه مشكلتي حساسه شوي بس بتمنا تفهموني منيح مبارح بليل صارت مشكلة بيني وبين ابوي على موضوع الباس عند نوم طبعن فتت عل ح.مام للغسال وكنت بدون ملاب.س(بأستثناء داخلي ونا بلعاده بنام هيك ف ابوي شافني وعجب عليه وصار يسب ويصيح وبزطش هيك ومدري شو ويكفر ونت مش لحالك بل بيت ونا الحمد الله لا اقصد بشيء بس بتذايق من الأواعي وقت نوم لهيك برتاح أكثر وعلى رغم ما عندي أخوات حتا يتذايق وغرفتي خاص عندي فقط اخو صغير فصارت مشكله من تحت راس هل أشي ومخلاش اشي الى حكاه ونا زعلت وتمشكل مع العيله وحط السبب على أمي شو رئيكم ياجماعة وسامحوني لأنو موضوعي مش مناسب بس تذايقت كثير وتاجع راسي من شغله وياريت تحكولي الصح

08/01/2025

أنا شخصية خفيفة
ما عندي قدرة اثقل عليك، برنلك خمسين مرة ورا بعض و بصالحك بنفس الدقيقة وبحرد منك لما تصحى الصبح وتوخذ اكثر من نفس قبل لا تصبّح علي، الك لحالك هيك، يمكن اه، حتى ااه بس الك، حاولت اثقل عليك بيني وبين حالي بس ما قدرت، أنا زلمة بشتغل ١٠ ساعات بمكان ممنوع فيه استخدام التلفون، بخبيه معي وبدخل كل ٤٥ دقيقة على الحمام ابعثلك خمسين مسج ورا بعضهم وبزعل منك لما ظروفك ما تسمحلك تردي عليهم بنفس اللحظة، زعل! زعلي أخف اشي بشخصيتي، تلميح صغنون انك ناوية تصالحيني بنسبة ٩٩٪؜ راح يكون كافي، بصراحة ١٠٠٪؜ كافي.
أنا وعزة النفس و الكرامة نتنازل عندك، اضعف ما عندي بظهر قدامك، ما عليكي من مشاكلي أنا بحلها بس انتي حبيني ولا تبعدي عني فوق النص ساعة بلاش اعيط.

08/01/2025

احنا عيلة مكونة من اخ وحيد وثلاث خوات
ابوي توفى قبل ما يخلص اخوي جامعة بكم شهر ..
تركلنا بيت وراتب تقاعد يادوب بكفي اكل وشرب ..
أخوي بعدها توظف بشركة محترمة وتحمل مسؤليتنا

دخلنا جامعات خاصة ورى بعض واخوي اضطر يشتغل شغل اضافي عشان يقدر يدرسنا .. وشغلات ما بتليق فيه ، لدرجة انه اشتغل بقهوة عالشارع بعد دوامه بالشركة ..

وكان كل قرش يحصله يحطه بايد امي .. وكان حارم حاله عشان ما يحسسنا بنقص .. كان يشيل من تمه ويعطينا .. كان يدخن اردى الانواع ويشتري لبسه من البالة .. ولا كان يروح ولا ييجي .. وكان بلبسناش الا اللبس الجديد .. وكنا عايشين حياتنا ..

ومرت الايام وتزوجنا اول ما خلصنا جامعة يعني ما استفاد من شغلنا لا هو ولا امي الله يرحمها .. وكل وحدة تجوزت فينا نقطها نقوط محرز .. كان يتداينه دين ويسده اقساط وامي بعدها بفترة توفت ..

وهو ضل بالبيت لحاله وبعد ما امي توفت ، خواتي التوأم استلموا بدنا حصتنا بالبيت .. وهو عرض علينا يعطينا حقنا أقساط ، لانه مو حابب بيت ابوي ينباع...

وهم ابدا إلا بدهم حصتهم كاملة .. وبصراحة انا كنت صافف مع خواتي .. اخر شي بعد ما زهقناه ، واحد من جيزان خواتي جاب شرى للبيت وبعناه ، ويوم البيع اجى اخوي والدموع بعيونه وحتى اثاث البيت اللي تسعين بالمية هو جابه ، خليناه يحسبه من حصصنا ..

كانت نظراته إلنا مليانة خيبة .. توقعته يصير يحكي انا عملت وانا سويت إلكم بس ما فتح تمه ولا حملنا جميلة من مرة ..

ومن يوم البيع قبل أربع شهور ما بنعرف عن اخونا اشي وتلفونه مفصول .. حتى الناس إللي قراب منا وكانت علاقتهم بإخي قوية مو راضين يعطونا رقمه .. حتى خالاتي وعماتي، وانا متاكده انه بزورهم ولا وحدة منهم اعطتنا معلومة مفيدة ،
كلهم بقولوا اجى اكثر من مرة بقعد ساعة وبروح .. وما حكى لا وين ساكن ولا اعطانا رقم تلفونه

حتى عمي اخو ابوي اجى زارنا وزار خواتي اكثر من مرة بس نفتح سيرته ، بقلنا انا مش مستعد اخسر ابن اخوي الوحيد عشانكم ..

انتوا لو تنازلتوله بالبيت كله واعطيتوه فوق البيت كمان ما بتسدوه نص إلي صرفوا عليكي وعخواتك .. ما قلكوا بدي اوكل حقكوا قلكوا ببيع السيارة وبعطيكوا حقها والباقي اقساط .. وانتي وخواتك ما رضيتو الا بدكم حصصكم كاملة .. وعرض عليكم يستاجر البيت منكم ويعطي كل وحده إيجار شهر لحتى يقدر يعطيكم حصصكم وكمان ما رضيتو .. لا تدخليني بالموضوع

انا بتمنى هالمشاركة توصل كل الصفحات ويمكن يقرأ هالمشاركة أو يمكن حد يوصلك ياها
حقك علينا اسألك بالله ما ييجي رمضان وانت مو جاينا لانه والله اشتقتلك كثير وحتى الاولاد بضلهم يسألوا عنك

حقك علي ما قدرنا تعبك معنا ولا قدرنا صلة رحمك إلنا ولا قدرنا انه عمرك ما كسرت بخاطر وحدة فينا
وحملناك فوق طاقتك سامحنا وتعال بس نشوفك..

08/01/2025

السلام عليكم ورحمة الله وبركاته
من فترة سنتين توفى اخو زوجي وعليه دين ٤٠٠الف والناس ما سامحت والو كمان اخو ٢ وما شاركو بالدين وزوجي سدد ديونه لحاله وعند الاخ المتوفي ٥بنات كلهم بيشتغلو واخوه ٢ لكن صغار تحملت زوجي بعز نكده والمشاكل كإنه الدين كان بسببنا احنا ومن فترة شهر بسمع انهم اشتروا بيت وانا صراحه ما تحملت وحكيت لسلفتي انه لازم شاركتو بالدين الي اكلتو فيه صارت هي وبناتها ازا شافوني ما يسلمو عليي انبسطو ع مال زوجي وهو متل الاهبل وانا متل المجنونه وبيتي مش معمر كله في غصه بقلبي حسبي الله ونعم الوكيل فيهم إن شاءالله ربي بياخد حقي وحق اولادي من بين عيونهم

08/01/2025

مرحبا
ممكن أسألكم
انا متزوجه وأم لطفلين
وزجي نوع ما بخيل
المهم
معي تقريبا مبلغ ١٠٠ دينار
حابه افتح مشروع
ويجيبلي مبلغ كويس
حابه اجيب اواعي باله
واعمل صفحه انستغرام وابيع
ع حد علمكم بزبط الموضوع
حابه الموضوع يكون اون لاين
او انسي

08/01/2025

ممكن تنزل بدون اسم ..

مرحبا حبيباتي .. قررت اجرّب هاي الطريقة و بعرف كلشي قسمه
ونصيب .. بس الطرق التقليدية ما زبطت معانا للأسف ..

عم بدور على عروس لأخوي .. بس ظرفه غير شوي .. هو متزوج بس مرته مريضه من سنين و ما في الها علاج و مرضها صعب
كتير .. وما عندو ولاد ونفسه بخلفه
مرته موافقه و هي طلبت منه يتزوج ..
عمره بدايه الاربعين و وضعه المادي مرتاح ..

طلبه بنت محترمه مؤدبة اموره و عمرها اول الثلاثينات
مو مشكله الحجاب ..
الي حواليها بنت محترمه و بتقبل بهاد الوضع تبعتلي

08/01/2025

08/01/2025

مرحبا يا عالم هذا الواحد حرام يعيش ولادو زي العالم يأمنهم باكل وشرب ولبس والوضع صعب اذا ازلمه قعد من اشغل لابكلو ولابشربو وبعدين مع هل عيشه كل ما فيها للاسواء قسمن بالله بحكي من حرقة قلبي ادعولي امانه بل ف*ج

08/01/2025

ياريت تساعدوني
هل الحب يجي بعد الجواز أنا شب خاطب جديد من شهرين وحاس ما في مشاعر متبادله متل ما هي بتحبني قاعد بجيبلها هدايا عن حب وبحكي حكي عن حب بس لمّا اروح اقعد معها ما بحس حالي ببادلها نفس شعور الحب متلها وحاس حالي مقصر فيها
كان الي علاقه سابقه مع بنت قبلها خمس سنين وتركتها وبعد تلات سنين خطبت خطيبتي هسا

08/01/2025

مرحبا انا صبيه تزوجت من شاب اقل حظ بكل معاير ما بشتغل صح فقير وضع اهالو تعبان
المهم هو معتمد عليا بكل شي وانا مليت اختلاف الادوار مرتي اعطيني مرتي بدي مصاري اهالي بدهم وبعدين معك ومع اهالك
القصه هو موظف عنا وامين وخلوق والدي حكالي الشب محترم بشكل احسن من غيرو قلنا طيب ظرفي انا مطلقه مرتين وهاد شب اعزب لكن استغل ضرفي وبلش الاستغلال مصروفه وبيت اهالو
فوق هيك خواته صارو يتشرطو عليا بكفي اخدك اخوي
لما تزوجته ابوي حكالي لازم يشتغل مكان اخر لانو بلش يشوف حالو على الموظفين ماخد بنت صاحب الشغل وترك بقولي اصرفي عليا ان راح اشتغل بقعد اسبوعين بعدين ببطل
حابه الطلاق لكن الي طلقت مشانو هو الانجاب هلا حامل اول شخصين معي كانوا عندهم مشاكل انجاب ولكن اليوم حامل بفضل الله بس مش حياه زوج استفزاز فيني بكل وقت بحملني جمليه هو متزوجني علما هو لو بحلم حلم ما بقدر يتزوج راتبه يا دوب مصروف اهالو فوق ما تعمل خيرا تلاقي شر
والله تعبت منه ومن اهالو
كيف ممكن طلقه بس ما ياخد ابني مني مسقبلا ؟؟