Një shenjë shumë e thjeshtë për të kuptuar se ke gjetur gruan e duhur është kjo: Ti je me gruan e duhur në jetën tane kur asaj nuk i bëhet vonë fare për lidhjen tuaj.Asaj nuk i intereson fare, nëse jeni martuar dje, para pesë vitesh, apo nesër do divorcoheni.Asaj i intereson vetëm një gjë: Rritja jote. Zhvillimi yt.Ajo shqetësohet më shumë për zhvillimin e burrit të saj sesa për lidhjen. Ajo nuk ka frikë, nuk ecën me idenë se duhet të mbaj fort këtë marrëdhënie. Ajo është e gatshme të rrezikojë gjithçka. Kurorën, të ardhmen e fëmijëve të vet, të mërzisë nënën dhe babanë e vet, t’i bjerë reputacioni përtokë në gjithë shoqërinë e saj. Vetëm e vetëm që ti të mos bëhesh një dështak pa shtyllë kurrizore, i padobishëm, por të jesh dikush, të arrish, të realizohesh si njeri.A thua të duhen prova ma shumë, për të kuptuar se s’ka formë më të lartë dashurie sesa kjo?Ekziston vetëm një rrugë ku ti mund ta takosh një grua si kjo. Quhet Rruga e Mashkullit Superior.Ti je në rrugën e Mashkullit Superior kur je një burrë që ka nje plan, vizion, objektiv për të arritur, i ke vënë vetes një qëllim të thellë dhe punon përditë në drejtim të tij.Kur partnerja i thotë një të vërtetë të pakëndshme, një Mashkull Superior nuk grindet, nuk hidhe në sulm, e as nuk mbrohet duke e mohuar me çdo kusht, por i thotë:Ajo që the më dogji pak, ngaqë është e vërtetë, të lutem më jep pak kohë ta pranoj.Kaq kërkon ajo nga ty, dhe jep jetën pas teje.Here's the text from the image:Lidhet e gjitha me një balancë të energjisë femimine dhe energjisë maskuline që gjenden tek çdo person. Janë Anima dhe Animus te Jungut. Mashkulli është udhëheqës i jashtëm, ndërsa gruaja është udhëheqesja e brendshme. Ajo eshte vizioni i lartë, intuita, muza, dhe ai mjeshteron boten e jashtme dhe e kthen vizionin ne realitet. Ajo është qenia, ai është veprimi. Ai është liria, ajo
Edipi Mbret
Imagjino të lindësh me një profeci që do të sjellësh fatkeqësi dhe ata vendosin të të dërgojnë në një mal për të vdekur. Por shërbëtori ka mëshirë dhe të dërgon te një mbret afër. Rritesh pa e ditur origjinën tënde të vërtetë. Një ditë, takon një burrë në rrugë që nuk të lë të kalosh dhe e vret. Pastaj takon Sfinksin dhe zgjidh enigmën e tij, duke u bërë Mbret i Tebës dhe duke u martuar me mbretëreshën, burri i së cilës vdiq duke luftuar me një djalë të ri në një kryqëzim rrugësh. Më vonë, zbulon se burri në rrugë ishte babai yt, gruaja që ke martuar është nëna jote, dhe fëmijët e tu janë vëllezërit e tu.Ne e dimë se Edipi gaboi rëndshëm duke vrarë një person, por nuk e fajësojmë dot menjëherë ai u gjend në një situatë, “hip se të vrava, zbrit se të vrava”, tjetri i bllokoi rrugën dhe nuk e lejoi të kalonte.Në veprat e tragjedianëve të mëdhenj grekë – Eskili, Euripidi, Sofokliu – vërejmë personazhe inteligjente dhe të mirëdisponuara që bëjnë gabime për të cilat të gjithë jemi fajtorë, por përmes makinacioneve të liga të fatit, duhet të paguajnë një çmim të jashtëzakonshëm për to.Në shoqërinë e sotme postmoderne, fatin e kemi përjashtuar pothuajse fare nga ekuacioni i jetës. Njeriun e “pafat” e kemi zëvendësuar me njeriun “dështak”.Një lajthitje e çastit, e kombinuar me makinacionet e liga të fatit, mund të të marrë në qafë jetën tënde përfundimisht. Temperamenti keq i vë flakën fatit të mbrapshtë.Fati është përcaktori më i madh në jetë. E pikërisht për këtë tragjeditë po kërkojnë të na mësojnë të jemi më falës, e më të dhembshur ndaj dështimeve të tjerëve.
Cila është folja më e fuqishme e njerëzimit? Nuk është të duash, nuk është të mundesh, nuk është as të bësh, të dëshirosh… jo jo jo!Është… të zgjedhësh.Ne mund të zgjedhim të duam ose të mos duam, të ndjehemi të fyer ose jo… të fajësojmë botën për gjendjen tonë apo të ndryshojmë veten tonë.Pikërisht këtë thotë Viktor Frankl:Midis ngacmimit dhe reagimit ekziston një çast. Dhe në atë çast, qëndron fuqia jonë për të zgjedhur reagimin tonë.Tek mënyra se si ti zgjedh të reagosh ndaj asaj që të ndodh, qëndron rritja dhe liria jote.
Kam kalu një pjesë të mirë kohe duke studiu një prej njerëzve më të ndritur që ka shkelur mbi këtë tokë dhe zbulova diçka shokuese. Ai ishte Perandor, më i madhi të mëdhenjve, një lëvizje e gishtit dhe çdogja që dëshironte ai mund ta kishte në çast, megjithatë ai shkruan për diçka që e shqetësonte seriozisht:Kishte vështirësi të çohej nga shtrati në mëngjes.Mark Aureli i shkroi Meditimet si shënime për veten e tij, dhe thotë:Në mjes, kur e ke të vështirë të ngrihesh nga shtrati, thuaji vetes: “Duhet të shkoj të merrem me atë për të cilën jam krijuar — si çdo qenie njerëzore. Të bëj gjërat për të cilat kam ardhë në këtë botë. Apo mos vallë jam krijuar të strukem nën batanije dhe të rri ngrohtë?Ti nuk e do veten tënde mjaftueshëm. Se po ta doje, do të doje edhe natyrën tënde dhe atë që ajo kërkon prej teje., - i shkruan Aurelius vetes.17 shekuj më vonë, Karl Jung do të thoshte, “Te ajo shpella që ke frikë të futesh fshihet thesari që po kërkon.”Duhet të kesh kaluar nëpër kohët më të errëta të shpirtit për t’u bërë personi për të cilin do të kishe pasur nevojë në ato momente të errëta, dhe të bëhesh ai personi për të cilin do të kishe pasur nevojë në ato momente është qëllimi i jetës tënde.Kur je në përputhje me natyrën tande, çohesh pupthi, thu me vete si nuk po vjen mjesi kurrë, harron edhe me hangër krejt.Por edhe për të harru me hangër, thotë Aurelius, si fillim duhet të çohesh nga shtrati.
Gjenerata e Ankthit
👉Shkaku kryesor pse të rinjtë e sotëm janë liderë botërorë në dhunë, teprim me pijen, konsum të substancave, dhe obezitet.
Këto fjalë nga Alan Watts janë doza e mençurisë që na duhet për sot.😊
Pse disa tipa më "budallenj" po pasurohen shumë me shume sesa ti?Sepse ata rrezikojne pa e kuptu se po rrezikojne.Të rrezikosh do të thotë të mos dish çfarë po bën.Ndersa te zgjuarit e sterpeshojne rrezikun, stermendojne dhe nuk veprojnë. Por ne lojen e lekut të stërmendosh është mëkat më i rëndë sesa të mos dish çfarë po bën.Warren Buffett thotë se **KY** është libri më i mirë mbi investimet.Ai thotë se, nëse ndjek këshillat në kapitullin 8 dhe kapitullin 20, je i garantuar të korrësh fitime.Ky libër është shkruar nga një prej investitorëve më të mirë të të gjitha kohërave. Autori ishte profesor financash në Universitetin e Kolumbias dhe gjithashtu mësuesi i Warren Buffett-it.Libri titullohet *Investitori Inteligjent* dhe mund ta gjeni të përkthyer edhe në shqip.E vërteta është se shumica e njerëzve, veçanërisht të rinjtë, e shohin investimin si biletë lotarie: skema për t’u pasuruar shpejt. Të shesësh mall, të thyesh shtëpitë e miletit, patjetër që këto të sjellin shumë shpejt, para dhe pranga.Por investimi i mirë është si bima kërkon kohë dhe durim, veçanërisht në muajt e parë.Të investosh është të mbjellësh.Graham thotë se, Paratë që nuk e di nga të kanë ardhur, nuk kanë qënë ndonjëherë tuat.Nëse i drejtoni këtij libri pyetjen, cila është mënyra më e mirë për t’u pasuruar, përgjigjja e tij është një fjalë e vetme:N-G-A-D-A-L-Ë!Mënyra më e mirë për t’u pasuruar është N-G-A-D-A-L-Ë!
Dikur ishe një e rritur me trupin e një fëmije ndërsa tani ndihesh si një fëmijë me trupin e nje të rrituri.
Kënaqësia dhe qejfi janë shpërblimet e ëmbla me të cilat truri ynë na josh t’i përsërisim ca sjellje.Ndjesinë e qejfit dhe kënaqësisë truri e prodhon përmes një elementi kimik: DOPAMINA.Por ka një kusht, sepse kënaqësia banon në të njëjtën lagje me dhimbjen. Në të vërtetë dhimbja e prodhon dopaminën pasi dhimbja kalon.Ngjitja në mal dhemb, por kur arrin majën, dhimbja kalon dhe dopamina të shpërblen me kënaqësi.Problemet fillojnë kur ne duam kënaqësinë pa përjetuar fare dhimbjen që duhet t’i paraprijë. Duam të shijojmë majën e malit pa e ngjitur malin. Ne e duam dopaminën, dhe e duam qyl.Disa zgjedhin ko ka inën edhe pse një zhytje në ujë me akull çliron njësoj dopaminë.Disa ushqehen impulsivisht edhe pse kur pastrojmë dhe bëjmë shtëpinë xixë çlirohet e njëjta dozë.Disa të tjerë zgjedhin të shohin p*rno, edhe pse të dalësh për kafe me një njohje të re, çliro njësoj dopaminë.Ne kemi qejf të kundërshtojmë e të kapemi në drama të kota me partneren, edhe pse një ecje e gjatë në natyrë së bashku çliron të njëjtën dopaminë.Ne zgjedhim të hamë një super çokollatë, edhe pse të sjellësh një lule të re në shtëpi jep të njëjtën kënaqësi.E kur ngopemi me dozat e dopaminës që na jep skrolling, e zëvendësojmë me dopaminën që na jep vaping. Pastaj i duam të dyja njëkohësisht, pastaj diagnostikohemi me ADHD.Dopamina qyl është Kali i Trojës modern.
4 Sjellje tipike se ke qënë një fëmijë i shpërfillur emocionalisht.👉E Para, Qejfpaprishja, ose People Pleasing Ke mësuar t'i bësh kërkesat e të tjerëve më të rëndësishme se tuajat, me shpresën se duke ua bërë qejfin gjithmonë të tjerëve në fillim, kështu pastaj do të plotësohen edhe kërkesat tua në kthim.👉E dyta, kaloni përmes vështirësive duke e coptuar veten shpirterisht dhe fizikisht. Si fëmijë të shpërfillur emocionalisht, mësuat që ndjenjat, emocionet dhe përjetimet tua nuk kanë ndonjë rëndësi.Dhe kështu thjesht mësuat t’i shpërfillni duke mos menduar për të tashmen por vetëm për të ardhmen.👉E treta, të mbimenduarit. Kur ke qënë emocionalisht i neglizhuar si fëmijë, shpesh e gjen veten duke i bluar me mendje shpejt e shpejt situatat në avancë për të arritur një pikë që të jep siguri.Pastaj, të mbimenduarit na bëhet ves. 👉E katërta, zhvilloni një prirje për të qënë kontrollues si një mënyrë për të marrë një ndjesi qetësie, që të kesh siguri.Një proverb thotë se, “Duhet një fshat për të rritur një fëmijë”.Ose 📚Gabor Mate, për të shëruar fëmijërinë tënde.Kur papritur fëmija ka filluar të, irritohet shpejt, i bërtet nanës vet nëpër shpi, me shumë mundësi ky fëmijë po bullizohet nga dikush në shkollë.Fëmijët përdorin ndjesi për të mbuluar ndjesitë të tjera.Dhe kjo nuk kuptohet dot kur në vend që ta pyesësh fëmijën “Si ndjehesh?”i thua pusho njëherë se s’ka mbaru telenovela.I thua qepe gojën shko te dhoma jote mund ta pyesësh “Si ndjehesh kur je me Paolan?” Me Xhulian? Me Julianin? Me Bullianin? Me Shpullianin? Me Grushtianin?Kështu fëmija kupton se ndjenjat e tij paskan rëndësi.😊
Si ta dallosh një shoqëri që po shkon drejt kolapsit? Dhe kjo është një veti tipike e shoqërive që afër kolapsit, e cili u artikulua nga filozofi franko-algjerian Albert Kamy, në romanin e tij Murtaja.E keqja në botë vjen pothuajse gjithmonë nga injoranca, edhe vullneti i mirë, nëse nuk është qartëpamës, mund të bëjë po aq dëme sa ligësia.Njerëzit janë më tepër të mirë sesa të ligj, po çështja nuk qëndron aty.Ligësia e ka rrënjën tek padija, thotë Kamy.Kur injoranca bëhet shumicë, të tjerët i nënshtrohen sepse ajo krijon diktaturën e saj.Diktatura e Injorancës është murtaja më e keqe që mund ta mbërthejë një shoqëri. Cilët janë njerëzit që i respektojnë dhe janë korrekt me të tjerët?Ata që lexojnë janë më civil, respektojnë kontratat. Ata që lexojnë respektojnë dhe nuk shkelin ligjet.Kush e shëron varësinë tonë nga smartfoni? LibratKush ta shëron depresionin?Kush ta mbush bankën?Kush të mbron nga demagogët dhe mashtruesit? LibratKush u jep fjalëve tua peshë?Ne do të bëhemi komb me peshë në botë, atëherë kur të bëhemi populli që lexon më shumë në botë.Asgjë nuk të zbukuron më shumë ty, sesa të kesh një libër në dorë, me vete, kudo që të jesh, në autobus, në tren, në zyrë, në natyrë, në shëtitje, në kafene, kudo…Sepse edhe nëse nuk e lexon ti vetë, mund të bësh kureshtar dikë tjetër për t’i shkuar deri në fund. Librat janë ilaçi, i vetmi ilaç, që infekton për mirë. Dilni dhe infektojeni këdo që iu del përpara.
Dashuria për veten është e lidhur drejtpërdrejt me integritetin e fjalës. Njeriu nuk shkon në ferr apo parajsë ditën që vdes, por në momentin që zgjedh ta përdorë fjalën si helm apo si ilaç… shkruan Don Miguel Ruiz.Shumë njerëz i përdorin fjalët për të shfryrë helmet që i mundojnë - inatin, xhelozinë, zilinë. Duke harruar se fjala ka një veti themelore, ajo e shumëfishon atë që përshkruan. Ti shpërndan negativitet edhe atëherë kur pa të keq i thua dikujt, “Qenke shëndoshur ca!?”Mjekët më të mirë e dinë se ilaçi i parë që shëron pacientin, është fjala.Fjala është ilaçi me të cilin ti mund të bësh mrekulli në çdo sekond të jetës tane, mund të shërosh çdo njeri që të del përpara.Fjala nuk është vetëm përshkrim, diçka që e merr era. Fjala është edhe akt, veprim.Të thuash Beni lidhi këpucët, është përshkrim…Të thuash: Unë ju shpall burrë e grua! Unë të fal gjakun! Unë të premtoj!Këto janë akte. Besa është përdorimi i fjalës si akt. Kalimi nga djalëria në burrëri dallohet te mënyra sesi individi i rrin fjalës vet.I paburrë quhet dikush që tjetër thotë e tjetër bën. Mbajtja e fjalës është mënyra sesi ti ndërton reputacionin tënd. Besa është forma më e hershme e kontratës.Kjo është fiks edhe mënyra sesi funksionon teknologjia blockchain, për garantimin e reputacionit.Besa, premtimi, fjala si akt, nuk janë koncepte të së shkuarës, ato në fakt, janë teknologji shumë e avancuar.
