Italian punjabi press club italy

06/01/2025

31/12/2024

ਸਾਲ 2024 ਇਟਲੀ ਦੇ ਭਾਰਤੀਆਂ ਸਮੇਤ ਸਿੱਖ ਸੰਗਤਾਂ ਲਈ ਵੀ ਰਹੇਗਾ ਯਾਦਗਾਰੀ ਕਿਉਂਕਿ ਇਸ ਸਾਲ ਜਿੱਥੇ ਕਾਮਿਆਂ ਦਾ ਸੋਸ਼ਣ ਹੋਇਆ ਜਗ ਜ਼ਾਹਿਰ ਉੱਥੇ ਪ੍ਰਬੰਧਕਾਂ ਤੇ ਸੰਗਤਾਂ ਦਾ ਛਿੜਿਆ ਰਿਹਾ ਸਾਰਾ ਸਾਲ ਤਕਰਾਰ
ਰੋਮ(ਬਿਊਰੋ )ਸੰਨ 2024 ਜਿਸ ਵਿੱਚ ਇਟਲੀ ਦੇ ਭਾਰਤੀਆਂ ਨੇ ਵੱਖ-ਵੱਖ ਖੇਤਰਾਂ ਵਿੱਚ ਆਪਣੀ ਕਾਮਯਾਬੀ ਦੇ ਝੰਡੇ ਜਿੱਥੇ ਬੁਲੰਦ ਕੀਤੇ ਉੱਥੇ ਇਹ ਸਾਲ ਭਾਈਚਾਰੇ ਲਈ ਕਈ ਤਰ੍ਹਾਂ ਦੀਆਂ ਕੌੜੀਆਂ ਯਾਦਾਂ ਵੀ ਦੇ ਗਿਆ ਹੈ।ਜਨਵਰੀ ਤੋਂ ਦਸੰਬਰ ਤੱਕ ਦਾ ਸਮਾਂ ਇਟਲੀ ਦੇ ਭਾਰਤੀਆਂ ਚਨੌਤੀਆਂ ਭਰਪੂਰ ਰਿਹਾ ਕਿਉਂਕਿ ਜਿੱਥੇ ਕੁਦਰਤੀ ਕਹਿਰ ਫਲੂ ਵਰਗੀਆਂ ਜਹਿਮਤਾਂ ਨੇ ਜਨਵਰੀ ਤੋਂ ਹੀ ਲੋਕਾਂ ਨੂੰ ਸਿਹਤ ਪੱਖੋ ਪ੍ਰਭਾਵਿਤ ਕੀਤਾ ਉੱਥੇ ਕੰਮਾਂ-ਕਾਰਾਂ ਕਾਰਨ ਵੀ ਇਟਾਲੀਅਨ ਮਾਲਿਕਾਂ ਨੇ ਭਾਰਤੀ ਕਾਮਿਆਂ ਨਾਲ ਕਈ ਧੱਕੇ ਕੀਤੇ ਜਿਹਨਾਂ ਵਿੱਚ ਕਰੇਮੋਨਾ ਦੇ 60 ਭਾਰਤੀ ਪੰਜਾਬੀਆਂ ਨੂੰ ਬਿਨ੍ਹਾਂ ਕੋਈ ਠੋਸ ਕਾਰਨ ਦੱਸੇ ਕੱਢਣਾ ਤੇ ਲਾਤੀਨਾ ਦੇ ਸਤਨਾਮ ਸਿੰਘ ਦੀ ਇਟਾਲੀਅਨ ਮਾਲਕ ਦੀ ਅਣਗਹਿਲੀ ਕਾਰਨ ਹੋਈ ਮੌਤ ਹੈ। ਇਸ ਸਾਲ ਹੀ 18 ਸਾਲਾਂ ਬਆਦ ਇਟਲੀ ਦਾ ਪਾਸਪੋਰਟ ਦੁਨੀਆਂ ਦੇ ਨੰਬਰ ਇੱਕ ਪਾਸਪੋਰਟ ਵਜੋਂ ਚਰਚਾ ਵਿੱਚ ਰਿਹਾ ਤੇ ਇਸ ਸਾਲ ਹੀ ਇਟਲੀ ਪੁਲਸ ਨੇ ਨਿਵਾਸ ਆਗਿਆ ਰਿਨਿਊ ਕਰਵਾਉਣ ਲਈ ਅਤੇ ਫਰਜ਼ੀ ਨੌਕਰੀਆਂ ਦਾ ਝਾਂਸਾ ਦੇਕੇ ਲੋਕਾਂ ਦੀ ਲੁੱਟ ਕਰਨ ਵਾਲੇ ਗਿਰੋਹ ਦਾ ਪਰਦਾਫਾਸ ਕੀਤਾ। ਬੇਸ਼ੱਕ ਯੂਰਪ ਭਰ ਦੇ ਏਅਰਪੋਰਟਾਂ ਵਿੱਚੋਂ ਸੁੱਰਖਿਆ ਪੱਖੋਂ 7ਵੀਂ ਵਾਰ ਰੋਮ ਦਾ ਫਿਊਮੀਚੀਨੋ ਏਅਰਪੋਰਟ ਇਸ ਸਾਲ ਵੀ ਨੰਬਰ 1 ਰਿਹਾ ਪਰ ਇਟਲੀ ਦੇ ਕੁਝ ਆਟੋ ਸਕੂਲ ਵਾਲਿਆਂ ਨੇ ਯੂਰੋ ਲੈਕੇ ਲਾਇਸੰਸ ਕਰਵਾਉਣ ਦੇ ਗੋਰਖਧੰਦੇ ਦਾ ਜਦੋਂ ਇਟਲੀ ਪੁਲਸ ਨੇ ਭਾਂਡਾ ਭੰਨ ਦਿੱਤਾ ਤਾਂ ਇਟਾਲੀਅਨ ਸਮੇਤ ਉਹਨਾਂ ਭਾਰਤੀ ਤੇ ਹੋਰ ਦੇਸ਼ਾਂ ਦੇ ਲੋਕਾਂ ਦੀ ਰਾਤਾਂ ਦੀ ਨੀਂਦ ਉੱਡੀ ਰਹੀ ਜਿਹਨਾਂ ਚੋਰ ਮੋਰੀਆਂ ਦੁਆਰਾ ਡਰਾਈਵਿੰਗ ਲਾਇਸੰਸ ਕੀਤਾ ਸੀ।ਹੋਰ ਤਾਂ ਹੋਰ ਨਕਲੀ ਯੂਰੋ ਬਣਾਉਣ ਵਾਲੇ 7 ਮੈਂਬਰਾਂ ਨੂੰ ਦਬੋਚ ਕੇ ਉਹਨਾਂ ਕੋਲੋ 48 ਮਿਲੀਅਨ ਯੂਰੋ ਦੀ ਨਕਲੀ ਕਰੰਸੀ ਕਾਬੂ ਕਰਨ ਲਈ ਇਟਲੀ ਪੁਲਸ ਦੀ ਰੱਜ ਕੇ ਤਾਰੀਫ਼ ਵੀ ਹੋਈ।ਇਟਲੀ ਪੁਲਸ ਨੇ ਇਸ ਸਾਲ ਵੀ ਆਪਣਾ ਕੰਮ ਇਮਾਨਦਾਰੀ ਨਾਲ ਕਰਦਿਆਂ ਉਹਨਾਂ ਮੇਅਰਾਂ ਤੇ ਹੋਰ ਸਰਕਾਰੀ ਅਫ਼ਸਰਾਂ ਨੂੰ ਵੀ ਨਹੀਂ ਬਖ਼ਸਿਆ ਜਿਹਨਾਂ ਦਾ ਸੰਬਧ ਮਾਫ਼ੀਏ ਨਾਲ ਸੀ ਤੇ ਰੱਜ ਕੇ ਭ੍ਰਿਸ਼ਟ ਸਨ ਲਾਸੀਓ ਸੂਬੇ ਦੇ ਅਜਿਹੇ 25 ਲੋਕਾਂ ਦੇ ਚਿਹਰਿਆਂ ਤੋਂ ਨਾਕਾਬ ਲਾਹ ਉਹਨਾਂ ਨੂੰ ਆਵਾਮ ਵਿੱਚ ਨੰਗਾ ਕੀਤਾ।33 ਅਜਿਹੇ ਭਾਰਤੀ ਗੁਲਾਮ ਕਾਮਿਆਂ ਨੂੰ ਵੀ ਪੁਲਸ ਨੇ ਵੈਨੇਤੋ ਸੂਬੇ ਦੇ ਸ਼ਹਿਰ ਕੋਲੋਨੀਆ(ਵਿਰੋਨਾ)ਤੋਂ ਆਜ਼ਾਦ ਕਰਵਾਇਆ ਜਿਹਨਾਂ ਨੂੰ ਗੁਲਾਮ ਕਰਨ ਵਾਲੇ ਭਾਰਤੀ ਖੇਤੀ ਫਾਰਮਾਂ ਦੇ ਭਾਰਤੀ ਮੂਲ ਦੇ ਮਾਲਕ ਸਨ।ਕੁਦਰਤੀ ਕਹਿਰ ਦੀ ਗੱਲ ਕਰੀਏ ਤਾਂ ਸਤੰਬਰ ਅਕਤੂਬਰ ਆਏ ਹੜ੍ਹਾਂ ਨੇ ਇਟਲੀ ਦੇ ਸਭ ਤੋਂ ਅਮੀਰ ਸੂਬੇ ਇਮਿਲੀਆ ਰੋਮਾਨਾ ਦਾ ਪਿਛਲੇ ਸਾਲ ਵਾਂਗਰ ਰੱਜ ਕੇ ਲੱਖਾਂ ਯੂਰੋ ਦਾ ਮਾਲੀ ਨੁਕਸਾਨ ਕੀਤਾ ਪਰ ਜਾਨੀ ਨੁਕਸਾਨ ਘੱਟ ਹੋਇਆ।ਦੇਸ਼ ਭਰ ਵਿੱਚ ਹੋਏ ਵੱਖ-ਵੱਖ ਸੜਕ ਹਾਦਸਿਆਂ ਵਿੱਚ 2920 ਮੌਤਾਂ ਹੋਈਆਂ ਜਿਹਨਾਂ ਵਿੱਚ ਕਈ ਭਾਰਤੀ ਲੋਕ ਵੀ ਸ਼ਾਮਲ ਹਨ।ਇਟਲੀ ਦੇ ਭਾਰਤੀ ਭਾਈਚਾਰੇ ਨੂੰ ਇਸ ਸਾਲ ਜਿਸ ਘਟਨਾ ਨੇ ਸਭ ਤੋਂ ਵੱਧ ਤੋੜਿਆ ਉਹ ਸਤਨਾਮ ਸਿੰਘ ਦੀ ਇਟਾਲੀਅਨ ਮਾਲਕ ਦੀ ਲਾਪ੍ਰਵਾਹੀ ਕਾਰਨ ਦਰਦਨਾਕ ਮੌਤ ਸੀ ਜਿਸ ਦਾ ਦਰਦ ਸਾਰੀ ਦੁਨੀਆਂ ਨੇ ਢਿੱਡੋਂ ਮੰਨਿਆ।ਇਟਲੀ ਦੀਆਂ ਤਮਾਮ ਮਜ਼ਦੂਰ ਜੱਥੇਬੰਦੀਆਂ ਨੇ ਮਰਹੂਮ ਸਤਨਾਮ ਸਿੰਘ ਨੂੰ ਇਨਸਾਫ਼ ਦੁਆਉਣ ਲਈ ਇੱਟ ਨਾਲ ਇੱਟ ਖੜਕਾਉਂਦਿਆ ਹਜ਼ਾਰਾਂ ਲੋਕਾਂ ਨੇ ਲਾਤੀਨਾ ਸ਼ਹਿਰ ਦੀਆਂ ਸੜਕਾਂ ਉਪੱਰ ਉੱਤਰਕੇ ਰੋਸ ਮੁਜ਼ਾਹਰੇ ਕੀਤੇ ਪਰ ਅਫ਼ਸੋਸ ਬਆਦ ਵਿੱਚ ਇਹ ਸੰਘਰਸ਼ ਸਿਆਸਤ ਦਾ ਸਿ਼ਕਾਰ ਹੋ ਗਿਆ।ਇਹ ਸਾਲ ਇਟਲੀ ਦੇ ਸਿੱਖ ਭਾਈਚਾਰੇ ਲਈ ਕੌੜੀਆਂ ਯਾਦਾਂ ਵਾਲੇ ਸਾਲ ਵਜੋਂ ਯਾਦ ਕੀਤਾ ਜਾਂਦਾ ਰਹੇਗਾ ਕਿਉਂਕਿ ਇਸ ਸਾਲ ਜਿੱਥੇ ਕੁਝ ਗੁਰਦੁਆਰਾ ਪ੍ਰਬੰਧਕਾਂ ਤੇ ਸੰਗਤਾਂ ਵਿੱਚ ਵਿਚਾਰਾਂ ਦੀ ਤਕਰਾਰ ਹੁੰਦੀ ਰਹੀ ਉੱਥੇ ਇਹ ਸਾਲ ਸਿੱਖ ਸੰਗਤਾਂ ਨੂੰ ਸਦਾ ਯਾਦ ਰਹੇਗਾ ਜਿਸ ਵਿੱਚ ਇਟਲੀ ਦੇ ਸਿੱਖ ਇਤਿਹਾਸ ਵਿੱਚ ਪਹਿਲੀ ਵਾਰ ਕਿਸੇ ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਨੂੰ ਵੋਟਾਂ ਦੁਆਰਾ ਚੁਣਿਆ ਗਿਆ ਹੋਵੇ।ਪਹਿਲਾਂ ਗੁਰਦੁਆਰਾ ਗੁਰੂ ਨਾਨਕ ਦਰਬਾਰ ਪਸੀਆਨੋ ਦੀ ਪੋਰਦੀਨੋਨੇ ਦਾ ਕਮੇਟੀ ਬਦਲਣ ਨੂੰ ਲੈਕੇ ਛਿੜਿਆ ਵਿਵਾਦ ਰੁਕਣ ਦਾ ਨਾਮ ਨਹੀਂ ਸੀ ਲੈ ਰਿਹਾ ਗੁਰਦੁਆਰਾ ਚਾਰ ਸਾਹਿਬਜ਼ਾਦੇ ਲੋਧੀ ਵਿੱਚ ਵੀ ਸੰਗਤ ਤੇ ਪ੍ਰਬੰਧਕ ਤਕਰਾਰ ਵਿੱਚ ਆ ਗਏ ਇਸ ਤੋਂ ਬਆਦ ਗੁਰਦੁਆਰਾ ਸਾਹਿਬ ਬਾਬਾ ਲੱਖੀ ਸ਼ਾਹ ਵਣਜਾਰਾ ਪੋਂਤੇ ਦੀ ਕਰੋਨੇ ਅਲਾਂਦਸੀਆ ਦੀ ਪ੍ਰਬੰਧਕ ਕਮੇਟੀ ਬਦਲਣ ਦੀ ਸੰਗਤ ਵੱਲੋਂ ਉੱਠੀ ਮੰਗ ਨੇ ਜ਼ੋਰ ਫੜ੍ਹ ਲਿਆ ਜਿਹੜਾ ਕਿ ਹੁਣ ਤੱਕ ਚੱਲ ਰਿਹਾ ਹੈ।ਸਿੱਖ ਸੰਗਤ ਇਸ ਗੁਰਦੁਆਰਾ ਸਾਹਿਬ ਦੀ ਪ੍ਰਬੰਧਕ ਕਮੇਟੀ ਨੂੰ ਬਦਲਣ ਲਈ ਗੁਰਦੁਆਰਾ ਸਾਹਿਬ ਦੇ ਬਾਹਰ ਪੋਹ ਮਹੀਨੇ ਦੀ ਅੱਤ ਦੀ ਠੰਡ ਵਿੱਚ ਮੋਰਚਾ ਲਾ ਬੈਠੀਆਂ ਹਨ ਜਿਹਨਾਂ ਕਿ ਲੱਗਦਾ ਨਹੀਂ ਇਸ ਸਾਲ ਖਤਮ ਹੋ ਜਾਵੇ।ਇਟਲੀ ਦੇ ਸਿੱਖ ਸਮਾਜ ਵਿੱਚ ਗੁਰਦੁਆਰਾ ਸਾਹਿਬ ਦੀ ਪ੍ਰਧਾਨਗੀਆਂ ਨੂੰ ਲੈਕੇ ਹੋ ਰਹੇ ਤਕਰਾਰ ਤੇ ਫਿਰ ਆਪਸ ਵਿੱਚ ਝੜਪ ਸਮੁੱਚੇ ਸਿੱਖ ਸਮਾਜ ਲਈ ਚਿੰਤਾ ਦਾ ਵਿਸ਼ਾ ਹੈ ਜਿਸ ਨੂੰ ਨਜਿੱਠਣ ਲਈ ਇਟਲੀ ਦੇ ਸਿੱਖ ਆਗੂਆਂ ਨੂੰ ਸਿਆਣਪ ਦਿਖਾਉਂਦਿਆਂ ਜਲਦ ਕਾਰਵਾਈ ਕਰਨੀ ਚਾਹੀਦੀ ਹੈ ਜੇਕਰ ਇਹ ਮੋਰਚੇ ਇੱਦਾਂ ਹੀ ਕਮੇਟੀਆਂ ਬਦਲਣ ਲਈ ਲਗਦੇ ਰਹੇ ਤਾਂ ਉਹ ਦਿਨ ਦੂਰ ਨਹੀਂ ਜਦੋਂ ਗੁਰਦੁਆਰਾ ਸਾਹਿਬ ਦੀਆਂ ਪ੍ਰਬੰਧਕ ਕਮੇਟੀਆਂ ਸਰਬਸੰਮਤੀ ਨਾਲ ਨਹੀਂ ਸਗੋਂ ਸੰਗਤਾਂ ਵੋਟਾਂ ਨਾਲ ਚੁਣਿਆ ਕਰੇਗੀ ।ਇਸ ਸਾਲ ਵੀ ਸਿੱਖ ਸੰਗਤਾਂ ਦਾ ਸੁਪਨਾ ਸਿੱਖ ਧਰਮ ਦਾ ਰਜਿਸਟਰਡ ਹੋਣਾ ਨਹੀਂ ਕਰ ਸਕੇ ਸਿੱਖ ਆਗੂ ਪੂਰਾ ਪਿਛਲੇ ਸਾਲਾਂ ਵਾਂਗਰ ਇਸ ਸਾਲ ਵੀ ਸਿੱਖ ਆਗੂਆਂ ਸੰਗਤਾਂ ਦਾ ਮਿੱਠੀਆਂ ਗੋਲੀਆ ਦੇ ਡੰਗ ਟਪਾਇਆ ਜਿਸ ਕਾਰਨ ਸੰਗਤਾਂ ਵਿੱਚ ਨਿਰਾਸ਼ਾ ਵੀ ਦੇਖੀ ਗਈ।ਧਰਮ ਰਜਿਸਟਰ ਕਰਵਾਉਣ ਲਈ ਸਿੱਖ ਸੰਗਤਾਂ ਦਾ ਸਿੱਖ ਆਗੂ ਲੱਖਾਂ ਯੂਰੋ ਦਾ ਦਸੌਂਧ ਹੁਣ ਤੱਕ ਪਾਣੀ ਵਾਂਗ ਵਹਾਉਂਦੇ ਆ ਰਹੇ ਹਨ ਪਰ ਕਾਰਵਾਈ ਨੂੰ ਬੂਰ ਪੈਂਦਾ ਦੂਰ ਦੂਰ ਤੱਕ ਦਿਖਾਈ ਨਹੀਂ ਦਿੰਦਾ। ਵਾਹਿਗੁਰੂ ਕਰੇ ਇਹ ਨਵਾਂ ਸਾਲ ਸਮੁੱਚੀ ਕਾਇਨਾਤ ਲਈ ਅਧਿਆਤਮਕ ਖੁਸ਼ੀਆਂ ਖੇੜੇ ਲੈਕੇ ਆਵੇ ਤੇ ਗੁਰੂ ਦਾ ਸਿੱਖ ,ਪੰਥ,ਤੇ ਧਰਮ ਇਟਲੀ ਵਿੱਚ ਹੋਰ ਧਰਮਾਂ ਦੇ ਲੋਕਾਂ ਲਈ ਮਿਸਾਲੀ ਬਣਕੇ ਮਨੁੱਖਤਾ ਦੇ ਭਲੇ ਦੇ ਕਾਰਜਾਂ ਵਿੱਚ ਮੋਹਰੀ ਹੋ ਖੜ੍ਹੇ ਨਾਂਕਿ ਚੌਧਰ ਪਿੱਛੇ ਸਿੱਖ ਮਰਿਆਦਾ ਦੀ ਧੱਜੀਆਂ ਉਡਾਉਂਦਾ ਜਗਤ ਤਮਾਸ਼ਾ ਬਣੇ

22/12/2024

ਯੂਰਪ ਦੇ ਪ੍ਰਸਿੱਧ ਦੇਸ਼ ਜਰਮਨੀ ਦੇ ਸ਼ਹਿਰ ਮੈਗਡੇਬਰਗ ਵਿੱਚ ਤੇਜ਼ ਰਫ਼ਤਾਰ ਕਾਰ ਵੱਲੋਂ ਭੀੜ ਉਪੱਰ ਹਮਲਾ,ਘਟਨਾ ਨਾਲ 5 ਲੋਕਾਂ ਦੀ ਮੌਤ ਤੇ 7 ਭਾਰਤੀਆਂ ਸਮੇਤ 200 ਲੋਕ ਜਖ਼ਮੀ

ਰੋਮ(ਬਿਊਰੋ)ਯੂਰਪ ਦੇ ਸਭ ਤੋਂ ਮਸ਼ਹੂਰ ਦੇਸ਼ ਜਰਮਨੀ ਦੇ ਸ਼ਹਿਰ ਮੈਗਡੇਬਰਗ ਵਿੱਚ ਬੀਤੇ ਦਿਨ ਇੱਕ ਭੀੜ-ਭੜੱਕੇ ਵਾਲੇ ਕ੍ਰਿਸਮਸ ਬਾਜ਼ਾਰ ਵਿੱਚ ਇੱਕ ਤੇਜ ਰਫ਼ਤਾਰ ਕਾਰ ਨੇ 5 ਲੋਕਾਂ ਦੀ ਜਾਨ ਲੈ ਲਈ ਜਦੋਂ ਕਿ 7 ਭਾਰਤੀਆਂ ਸਮੇਤ ਇਸ ਘਟਨਾ ਵਿੱਚ 200 ਲੋਕ ਜਖ਼ਮੀ ਦੱਸੇ ਜਾ ਰਹੇ ਹਨ।ਮਰਨ ਵਾਲਿਆਂ ਵਿੱਚ 1 ਬੱਚੇ ਸਮੇਤ 4 ਔਰਤਾਂ ਵੀ ਸ਼ਾਮਿਲ ਹਨ।ਜਰਮਨੀ ਪੁਲਸ ਅਨੁਸਾਰ ਕਾਰ ਚਲਾਉਣ ਵਾਲਾ ਤਾਲੇਬ ਅਲ ਅਬਦੁਲਮੋਹਸਨ 50 ਸਾਲਾ ਸਾਊਦੀ ਅਰਬ ਦਾ ਨਾਗਰਿਕ ਦੱਸਿਆ ਜਾ ਰਿਹਾ ਹੈ ਜਿਹੜਾ ਕਿ ਜਰਮਨ ਰਹਿੰਦਾ ਸੀ ਜੋ ਕਿ ਇੱਕ ਦਹਾਕੇ ਤੋਂ ਵੱਧ ਸਮੇਂ ਤੋਂ ਜਰਮਨੀ ਵਿੱਚ ਇੱਕ ਡਾਕਟਰ ਵਜੋਂ ਕੰਮ ਕਰਦਾ ਸੀ।ਇਹ ਸੰਨ 2006 ਵਿੱਚ ਜਰਮਨੀ ਆਇਆ ਸੀ।ਰਾਇਟਰਜ਼ ਨਿਊਜ਼ ਏਜੰਸੀ ਨੇ ਪੁਲਸ ਵੱਲੋਂ ਘਟਨਾ ਨੂੰ ਅੰਜਾਮ ਦੇਣ ਲਈ ਗ੍ਰਿਫ਼ਤਾਰ ਕੀਤੇ ਸ਼ੱਕੀ ਮੁਲਜ਼ਮ ਦੀ ਤਸਵੀਰ ਨੂੰ ਜਨਤਕ ਕੀਤਾ ਹੈ ਜਿਹੜੀ ਕਿ ਰਿਆਰ ਫਾਊਡੇਸ਼ਨ ਯੂ ਐਸ ਏ ਤੋਂ ਪ੍ਰਾਪਤ ਕੀਤੀ ਹੋਈ ਹੈ।ਇਸ ਘਟਨਾ ਨਾਲ ਪੂਰੇ ਯੂਰਪ ਵਿੱਚ ਦਹਿਸ਼ਤ ਵਾਲਾ ਮਾਹੌਲ ਬਣ ਗਿਆ ਹੈ ਕਿਉਂਕਿ ਕੱਟੜਪੰਥੀ ਲੋਕ ਸਦਾ ਹੀ ਕ੍ਰਿਸਮਸ ਮੌਕੇ ਯੂਰਪ ਦੇ ਕਈ ਦੇਸ਼ਾਂ ਨੂੰ ਆਪਣਾ ਨਿਸ਼ਾਨਾ ਬਣਾਕੇ ਦਹਿਸ਼ਤ ਪੈਦਾ ਕਰਨੀ ਚਾਹੁੰਦੇ ਹਨ ।ਕ੍ਰਿਸਮਸ ਮੌਕੇ ਯੂਰਪ ਭਰ ਵਿੱਚ ਛੁੱਟੀਆਂ ਹੁੰਦੀਆਂ ਹਨ ਤੇ ਉਹ ਛੁੱਟੀਆਂ ਦਾ ਪੂਰਾ ਪੂਰਾ ਆਨੰਦ ਪੈਣ ਲਈ ਲੋਕ ਜਿੱਥੇ ਯੂਰਪ ਦੀ ਯਾਤਰਾ ਕਰਨ ਦਾ ਸ਼ੌਕ ਰੱਖਦੇ ਹਨ ਉੱਥੇ ਹੀ ਕ੍ਰਿਸਮਸ਼ ਮੌਕੇ ਰੰਗ-ਬਿਰੰਗੇ ਸਾਜੋ-ਸਮਾਨ ਨਾਲ ਲੱਧੇ ਬਾਜ਼ਾਰਾਂ ਤੋਂ ਖਰੀਦੋ ਫਰੋਕਤ ਕਰਨ ਨੂੰ ਵੀ ਵਿਸੇ਼ਸ ਤਰਹੀਜ ਦਿੰਦੇ ਹਨ।ਕ੍ਰਿਸਮਸ ਮਾਰਕੀਟ ਵਿੱਚ ਸਥਾਨਕ ਲੋਕਾਂ ਨਾਲ ਸੈਲਾਨੀਆਂ ਦੀ ਲੱਗੀ ਭੀੜ ਨੂੰ ਵੱਧ ਤੋਂ ਵੱਧ ਨੁਕਸਾਨ ਪਹੁੰਚਾਉਣ ਲਈ ਹਮਲਾਵਾਰ ਨੇ ਕ੍ਰਿਸ਼ਮਸ ਬਾਜ਼ਾਰ ਵਿੱਚ ਭੀੜ ਉਪੱਰ ਹਮਲਾ ਕੀਤਾ ਹੈ।ਜਰਮਨੀ ਸਰਕਾਰ ਤੇ ਲੋਕਾਂ ਵੱਲੋਂ ਇਸ ਘਟਨਾ ਉਪੱਰ ਡੂੰਘੀ ਚਿੰਤਾ ਜ਼ਾਹਿਰ ਕਰਦਿਆਂ ਮਰਨ ਵਾਲਿਆਂ ਦੇ ਪਰਿਵਾਰਾਂ ਨਾਲ ਹਮਦਰਦੀ ਪ੍ਰਗਟ ਕੀਤੀ ਹੈ ਤੇ ਘਟਨਾ ਵਿੱਚ ਮਰਨ ਵਾਲਿਆਂ ਨੂੰ ਸ਼ਰਧਾਂਜਲੀ ਦਿੱਤੀ ਹੈ।ਜਿ਼ਕਰਯੋਗ ਹੈ ਕਿ ਸੰਨ 2016 ਵਿੱਚ ਵੀ 8 ਸਾਲ ਪਹਿਲਾਂ 19 ਦਸੰਬਰ ਨੂੰ ਬਰਲਿਨ ਸ਼ਹਿਰ ਦੇ ਇੱਕ ਕ੍ਰਿਸ਼ਮਸ ਬਾਜ਼ਾਰ ਵਿੱਚ ਹਮਲਾ ਹੋਇਆ ਸੀ ਜਿਸ ਵਿੱਚ 13 ਲੋਕਾਂ ਦੀ ਜਾਨ ਗਈ ਸੀ ਤੇ ਦਰਜ਼ਨਾਂ ਲੋਕ ਜਖ਼ਮੀ ਹੋਏ ਸਨ ।ਇਸ ਹਮਲੇ ਨੂੰ ਅੰਜਾਮ ਦੇਣ ਵਾਲਾ ਵੀ ਇਸਲਾਮਿਕ ਸਟੇਟ (ਆਈ ਐਸ) ਨਾਲ ਸੰਬਧਤ ਸੀ ਜਿਸ ਨੇ ਇੱਕ ਚੋਰੀ ਦਾ ਟਰੱਕ ਭੀੜ ਉਪੱਰ ਚੜਾ ਦਿੱਤਾ ਸੀ।ਇਸ ਹਮਲੇ ਨਾਲ ਯੂਰਪ ਦੇ ਹੋਰ ਦੇਸ਼ ਜਿਵੇਂ ਇਟਲੀ ਅਸਟਰੀ,ਫਰਾਂਸ ਤੇ ਸਪੇਨ ਆਦਿ ਵਿੱਚ ਸਖ਼ਤੀ ਕਰਦਿਆਂ ਪੁਲਸ ਨੇ ਮੁਸ਼ਤੈਦੀ ਵਧਾ ਦਿੱਤੀ ਹੈ ਪਰ ਜਦੋਂ ਤੱਕ ਨਵਾਂ ਸਾਲ ਨਹੀਂ ਚੜ੍ਹਦਾ ਲੋਕਾਂ ਨੂੰ ਹੁਣ ਬਾਹਰ ਘੁੰਮਣ ਜਾਣ ਲਈ ਸੋਚਣਾ ਪੈ ਰਿਹਾ ਹੈ।

20/12/2024

ਮਨਦੀਪ ਖੁਰਮੀ ਹਿੰਮਤਪੁਰਾ ਨੂੰ ਮਿਲਿਆ "ਸਰਵੋਤਮ ਪੱਤਰਕਾਰ" ਐਵਾਰਡ

11ਵੇਂ ਯੂਕੇ ਭੰਗੜਾ ਐਵਾਰਡਜ਼ ਮੌਕੇ ਹਾਸਲ ਕੀਤਾ ਸਨਮਾਨ

ਮਰਹੂਮ ਪਿਤਾ ਗੁਰਬਚਨ ਸਿੰਘ ਖੁਰਮੀ ਨੂੰ ਸਮਰਪਿਤ ਕੀਤਾ ਐਵਾਰਡ

ਲੰਡਨ/ ਗਲਾਸਗੋ (ਬਿਊਰੋ ) ਪਿਛਲੇ ਲਗਭਗ ਢਾਈ ਦਹਾਕਿਆਂ ਤੋਂ ਨਿਰੰਤਰ ਸਰਗਰਮੀ ਨਾਲ ਪੱਤਰਕਾਰੀ ਖੇਤਰ ਵਿੱਚ ਮੜਕ ਨਾਲ ਤੁਰਦੇ ਆ ਰਹੇ ਪੱਤਰਕਾਰ ਮਨਦੀਪ ਖੁਰਮੀ ਹਿੰਮਤਪੁਰਾ ਨੂੰ ਸਰਵੋਤਮ ਪੱਤਰਕਾਰ ਦੇ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਉਹਨਾਂ ਇਹ ਸਨਮਾਨ ਯੂਕੇ ਦੇ ਸ਼ਹਿਰ ਵੈਸਟ ਬਰੋਮਵਿਚ ਵਿਖੇ ਹੋਏ ਗਿਆਰਵੇਂ ਯੂਕੇ ਭੰਗੜਾ ਐਵਾਰਡਜ਼ ਸਮਾਰੋਹ ਦੌਰਾਨ ਹਾਸਲ ਕੀਤਾ। ਯੂਕੇ ਭੰਗੜਾ ਐਵਾਰਡਜ਼ ਦੇ ਮੁੱਖ ਪ੍ਰਬੰਧਕ ਸ੍ਰੀ ਬੌਬੀ ਬੋਲਾ ਨੇ ਬੋਲਦਿਆਂ ਕਿਹਾ ਕਿ ਪੱਤਰਕਾਰੀ ਖੇਤਰ ਵਿੱਚ ਮਨਦੀਪ ਖੁਰਮੀ ਹਿੰਮਤਪੁਰਾ ਦੀਆਂ ਸੇਵਾਵਾਂ ਦਾ ਹੀ ਨਤੀਜਾ ਹੈ ਕਿ ਉਹਨਾਂ ਨੂੰ ਇਹ ਐਵਾਰਡ ਹਾਸਲ ਹੋਇਆ। ਇੱਥੇ ਜ਼ਿਕਰਯੋਗ ਹੈ ਕਿ ਪੰਜਾਬ ਦੇ ਜ਼ਿਲ੍ਹਾ ਮੋਗਾ ਨਾਲ ਸੰਬੰਧਿਤ ਪਿੰਡ ਹਿੰਮਤਪੁਰਾ ਦੇ ਜੰਮਪਲ ਮਨਦੀਪ ਖੁਰਮੀ ਨੇ ਆਪਣਾ ਪੱਤਰਕਾਰੀ ਦਾ ਸਫਰ ਸੰਨ 2000 ਵਿੱਚ ਸ਼ੁਰੂ ਕੀਤਾ ਸੀ। ਪੰਜਾਬ ਰਹਿੰਦਿਆਂ ਪੱਤਰਕਾਰੀ ਦੇ ਸਕੂਲ ਵਜੋਂ ਜਾਣੇ ਜਾਂਦੇ ਰੋਜਾਨਾ ਅਖ਼ਬਾਰ ਨਵਾਂ ਜ਼ਮਾਨਾ ਤੋਂ ਸ਼ੁਰੂ ਹੋ ਕੇ ਉਹਨਾਂ ਅਜੀਤ, ਨਿਊਜ਼ ਟਾਈਮ ਟੀਵੀ ਚੈਨਲ ਲਈ ਸੇਵਾਵਾਂ ਦਿੱਤੀਆਂ। 2008 ਵਿੱਚ ਯੂਕੇ ਦੀ ਧਰਤੀ ਨੂੰ ਆਪਣੀ ਕਰਮਭੂਮੀ ਵਜੋਂ ਚੁਣਨ ਉਪਰੰਤ ਉਹਨਾਂ ਇੱਥੇ ਆ ਕੇ ਜਗਬਾਣੀ ਲਈ ਬਤੌਰ ਪੱਤਰਕਾਰ ਸੇਵਾਵਾਂ ਸ਼ੁਰੂ ਕੀਤੀਆਂ ਜੋ ਅਜੇ ਵੀ ਨਿਰੰਤਰ ਜਾਰੀ ਹਨ। ਇਸ ਦੇ ਨਾਲ ਨਾਲ ਉਹਨਾਂ ਹਫਤਾਵਾਰੀ ਕਾਲਮਨਵੀਸ ਵਜੋਂ ਵੀ ਵਿਸ਼ਵ ਦੇ ਵੱਖ-ਵੱਖ ਅਖਬਾਰਾਂ ਲਈ ਕਾਲਮ ਲਿਖੇ। ਮਨਦੀਪ ਖੁਰਮੀ ਹਿੰਮਤਪੁਰਾ ਦਾ ਕਹਿਣਾ ਕਿ ਉਹਨਾਂ ਨੂੰ ਮਾਣ ਹੈ ਕਿ ਵਿਸ਼ਵ ਦਾ ਕੋਈ ਅਖਬਾਰ ਹੀ ਅਜਿਹਾ ਹੋਵੇਗਾ ਜਿਸ ਵਿੱਚ ਉਹਨਾਂ ਨੇ ਇੱਕ ਵਾਰ ਹਾਜ਼ਰੀ ਨਾ ਲਗਵਾਈ ਹੋਵੇ। 2010 ਵਿੱਚ ਉਹਨਾਂ ਆਪਣੇ ਪਿੰਡ ਹਿੰਮਤਪੁਰਾ ਦੇ ਨਾਂ 'ਤੇ ਇੱਕ ਸਾਹਿਤਿਕ ਵੈੱਬਸਾਈਟ ਸ਼ੁਰੂ ਕੀਤੀ ਜਿਸ ਦਾ ਨਾਂ ਸੀ ਹਿੰਮਤਪੁਰਾ ਡੌਟ ਕੌਮ। ਇਹ ਵੈਬਸਾਈਟ ਸਮੁੱਚੇ ਵਿਸ਼ਵ ਵਿੱਚੋਂ ਪਹਿਲੀ ਸੀ ਜਿਸ ਵਿੱਚ ਪੂਰੇ ਵਿਸ਼ਵ ਦੇ ਅਖਬਾਰਾਂ ਦੇ ਲਿੰਕ ਲਗਾਏ ਹੋਏ ਸਨ ਜਦੋਂ ਵੀ ਕਿਸੇ ਨੇ ਦੁਨੀਆ ਦੇ ਕਿਸੇ ਵੀ ਮੁਲਕ ਦਾ ਕੋਈ ਅਖਬਾਰ ਪੜ੍ਹਨਾ ਹੁੰਦਾ ਤਾਂ ਹਿੰਮਤਪੁਰਾ ਡੌਟ ਕੌਮ 'ਤੇ ਗੇੜਾ ਮਾਰਨਾ ਹੀ ਪੈਂਦਾ ਸੀ। ਮਨਦੀਪ ਖੁਰਮੀ ਹਿੰਮਤਪੁਰਾ ਨੇ ਵੱਖ-ਵੱਖ ਵਿਸ਼ਿਆਂ 'ਤੇ ਪੂਰੀ ਨਿੱਠ ਕੇ ਕਲਮ ਅਜ਼ਮਾਈ ਕੀਤੀ। 2019 ਵਿੱਚ ਉਹ ਸਕਾਟਲੈਂਡ ਦੇ ਸ਼ਹਿਰ ਗਲਾਸਗੋ ਆਣ ਵਸੇ ਤੇ ਪੰਜ ਦਰਿਆ ਨਾਂ ਦਾ ਰੋਜ਼ਾਨਾ ਈਪੇਪਰ ਸ਼ੁਰੂ ਕੀਤਾ। ਪੰਜ ਦਰਿਆ ਅਖ਼ਬਾਰ ਵੀ ਬਰਤਾਨੀਆ ਦਾ ਹੁਣ ਤੱਕ ਦਾ ਪਹਿਲਾ ਰੋਜ਼ਾਨਾ ਪੰਜਾਬੀ ਈ-ਅਖ਼ਬਾਰ ਹੋ ਨਿੱਬੜਿਆ ਹੈ। ਇਸ ਦੇ ਨਾਲ ਨਾਲ ਮਨਦੀਪ ਖੁਰਮੀ ਹਿੰਮਤਪੁਰਾ ਸਕਾਟਲੈਂਡ ਦੀਆਂ ਗਤੀਵਿਧੀਆਂ ਨੂੰ ਜਗਬਾਣੀ, ਪੀਟੀਸੀ ਪੰਜਾਬੀ ਯੂਕੇ ਤੇ ਪੰਜ ਦਰਿਆ ਦੇ ਮੰਚ ਰਾਹੀਂ ਸਮੁੱਚੇ ਵਿਸ਼ਵ ਦੇ ਰੂਬਰੂ ਕਰਵਾਉਣ ਦਾ ਕਾਰਜ ਕਰਨ ਵਿੱਚ ਰੁੱਝੇ ਹੋਏ ਹਨ। ਯੂਕੇ ਭੰਗੜਾ ਐਵਾਰਡਜ਼ ਸਮਾਰੋਹ ਦੌਰਾਨ ਮਿਲੇ ਇਸ ਸਨਮਾਨ ਨੂੰ ਮਨਦੀਪ ਖੁਰਮੀ ਆਪਣੀ ਪੱਤਰਕਾਰੀ ਦੇ 25 ਸਾਲਾਂ ਨੂੰ ਮਿਲਿਆ ਮਾਣ ਮੰਨਦੇ ਹਨ। ਉਹਨਾਂ ਇਹ ਸਨਮਾਨ ਆਪਣੇ ਮਰਹੂਮ ਪਿਤਾ ਗੁਰਬਚਨ ਸਿੰਘ ਖੁਰਮੀ (ਕੰਡਕਟਰ) ਜੀ ਨੂੰ ਸਮਰਪਿਤ ਕਰਦਿਆਂ ਕਿਹਾ ਕਿ ਜੇਕਰ ਉਹਨਾਂ ਵੱਲੋਂ ਪਿੱਠ ਨਾ ਥਾਪੜੀ ਹੁੰਦੀ ਤਾਂ ਸ਼ਾਇਦ ਹਾਲਾਤ ਹੋਰ ਹੁੰਦੇ।

16/12/2024

ਨਵਦੀਪ ਸਿੰਘ ਜਗਤਪੁਰ ਨੇ ਪਾਰਮਾ ਯੂਨੀਵਰਸਿਟੀ ਵੱਲੋਂ ਡਾਕਟਰ ਦੀ ਉਪਾਧੀ ਨਾਲ ਸਨਮਾਨਿਤ ਹੋਕੇ ਭਾਰਤੀ ਭਾਈਚਾਰੇ ਦੀ ਕਰਾਈ ਬੱਲੇ-ਬੱਲੇ
*ਇਟਲੀ ਦੀ ਪਾਰਲੀਮੈਂਟ ਹਾਊਸ ਵਿੱਚ ਵੀ ਮਜ਼ਦੂਰਾਂ ਦੇ ਹੱਕ ਚ ਆਵਾਜ਼ ਬੁਲੰਦ ਕਰ ਚੁੱਕਾ ਹੈ ਨਵਦੀਪ ਸਿੰਘ*
ਰੋਮ (ਬਿਊਰੋ ) - ਵਿਦੇਸ਼ਾਂ ਵਿੱਚ ਪੰਜਾਬੀਆਂ ਨੇ ਆ ਕੇ ਜਿੱਥੇ ਹਰੇਕ ਖੇਤਰ ਵਿੱਚ ਮੱਲਾ ਮਾਰੀਆਂ ਹਨ ਉੱਥੇ ਹੀ ਉਹਨਾਂ ਦੇ ਬੱਚੇ ਵੀ ਪੜ੍ਹਾਈ ਦੇ ਖੇਤਰ ਵਿੱਚ ਵਿਲੱਖਣ ਪੈੜਾਂ ਪਾ ਕੇ ਇਟਲੀ ਚ ਪੰਜਾਬੀਆਂ ਦਾ ਨਾਂਅ ਰੌਸ਼ਨ ਕਰ ਰਹੇ ਹਨ ਅਤੇ ਆਪਣੇ ਭਵਿੱਖ ਨੂੰ ਉੱਜਵਲ ਅਤੇ ਸੁਨਿਹਰੀ ਬਣਾ ਰਹੇ ਹਨ ਇਸੇ ਤਰਾਂ ਦੀ ਉਦਾਹਰਣ ਪੇਸ਼ ਕੀਤੀ ਹੈ ਨਵਦੀਪ ਸਿੰਘ ਜਗਤਪੁਰ ਨੇ । ਨਵਦੀਪ ਸਿੰਘ ਨੇ ਪਾਰਮਾ ਯੂਨੀਵਰਸਿਟੀ ਵਿੱਚ 110 ਵਿੱਚੋਂ 110 ਅੰਕ ਪ੍ਰਾਪਤ ਕਰਕੇ ਕੰਪਿਊਟਰ ਸਾਇੰਸ ਵਿੱਚ ਡਿਗਰੀ ਪ੍ਰਾਪਤ ਕੀਤੀ ਹੈ ਅਤੇ ਯੂਨੀਵਰਸਟੀ ਵੱਲੋਂ ਉਸ ਨੂੰ ਇਹ ਡਿਗਰੀ ਪ੍ਰਾਪਤ ਕਰਨ ਤੇ ਡਾਕਟਰ ਦੀ ਉਪਾਧੀ ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਹੈ।ਪਿਤਾ ਸਰਬਜੀਤ ਸਿੰਘ ਜਗਤਪੁਰ ਅਤੇ ਮਾਤਾ ਕਿਰਨ ਬਾਲਾ ਦਾ ਸਪੁੱਤਰ ਨਵਦੀਪ ਸਿੰਘ ਦਾ ਪਿਛੋਕੜ ਨਵਾਂਸ਼ਹਿਰ ਦੇ ਪਿੰਡ ਜਗਤਪੁਰ ਨਾਲ ਸਬੰਧਿਤ ਹੈ। ਵਰਨਣਯੋਗ ਹੈ ਕਿ ਨਵਦੀਪ ਸਿੰਘ ਜਗਤਪੁਰ 2003 ਵਿੱਚ ਪਰਿਵਾਰ ਸਮੇਤ ਇਟਲੀ ਵਿੱਚ ਆਇਆ ਸੀ ਉਦੋਂ ਉਹ ਸਿਰਫ ਦੋ ਕੁ ਸਾਲ ਦਾ ਸੀ ਇੱਥੇ ਹੀ ਇਟਲੀ ਵਿੱਚ ਹੀ ਉਸਨੇ ਪ੍ਰਾਇਮਰੀ, ਮਿਡਲ ਅਤੇ ਹਾਈ ਸਕੂਲ ਵਿੱਚ ਵਿਦਿਆ ਪ੍ਰਾਪਤ ਕੀਤੀ। ਉੱਚ -ਵਿਦਿਆ ਪ੍ਰਾਪਤ ਕਰਨ ਲਈ ਉਸਨੇ ਪਾਰਮਾ ਯੂਨੀਵਰਸਿਟੀ ਵਿੱਚ ਦਾਖਲਾ ਲਿਆ। ਤਿੰਨ ਸਾਲ ਦੇ ਕੋਰਸ ਉਪਰੰਤ ਉਸਨੇ ਸ਼ਾਨਦਾਰ ਅੰਕ ਪ੍ਰਾਪਤ ਕਰਕੇ ਡਿਗਰੀ ਹਾਸਿਲ ਕੀਤੀ । ਨਵਦੀਪ ਸਿੰਘ ਜਗਤਪੁਰ ਜਿੱਥੇ ਪੜ੍ਹਾਈ ਵਿੱਚ ਵਿਸ਼ੇਸ਼ ਨਾਮਣਾ ਖੱਟ ਰਿਹਾ ਹੈ ਉੱਥੇ ਉਹ ਖੇਡਾਂ ਦੇ ਪੱਖ ਚੋਂ ਇਟਲੀ ਵਿੱਚ ਵੱਖ ਵੱਖ ਸਥਾਨਾਂ ਤੇ ਹੋਏ ਕਰਾਟੇ ਚੈਂਪੀਅਨਸ਼ਿਪਾਂ ਵਿੱਚ ਭਾਗ ਲੈ ਚੁਕਿਆ ਹੈ। ਗੋਲਡ ਮੈਡਲ ਸਮੇਤ ਅਨੇਕਾਂ ਮਾਣ ਸਨਮਾਨਾਂ ਨਾਲ ਵੀ ਸਨਮਾਨਿਤ ਹੋ ਚੁੱਕਾ ਹੈ। ਸਮਾਜ ਦੇ ਹਰ ਪਹਿਲੂ ਤੋਂ ਸੇਵਾ ਹਿੱਤ ਸਮਰਪਿਤ ਬਾਬਾ ਰਾਮ ਚੰਦ ਟਰੱਸਟ ਯੂਰਪ ਵਿੱਚ ਵੀ ਉਹ ਅਹਿਮ ਯੋਗਦਾਨ ਪਾ ਰਿਹਾ ਹੈ । ਨਵਦੀਪ ਸਿੰਘ ਜਗਤਪੁਰ ਇਟਲੀ ਦੀ ਪਾਰਲੀਮੈਂਟ ਵਿੱਚ ਵੀ ਮਜ਼ਦੂਰਾਂ ਦੇ ਹੱਕ ਵਿੱਚ ਆਪਣੀ ਆਵਾਜ਼ ਬੁਲੰਦ ਕਰ ਚੁੱਕਾ ਹੈ ਅਤੇ ਉਹ ਇਟਲੀ ਵਿੱਚ ਇਟਾਲੀਅਨ ਮਾਲਕ ਕਿਸ ਤਰ੍ਹਾਂ ਮਜ਼ਦੂਰਾਂ ਦਾ ਸ਼ੋਸ਼ਣ ਕਰਦੇ ਹਨ ਉਸ ਪ੍ਰਤੀ ਇੱਕ ਕਿਤਾਬ ਵੀ ਲਿਖ ਚੁੱਕਾ ਹੈ ਜੋ ਇਟਲੀ ਦੀ ਪਾਰਲੀਮੈਂਟ ਵਿੱਚ ਵੀ ਰੀਲੀਜ਼ ਕੀਤੀ ਜਾ ਚੁੱਕੀ ਹੈ।ਨਵਦੀਪ ਸਿੰਘ ਜਗਤਪੁਰ ਕ੍ਰਿਕਟ ਅਤੇ ਜਿੰਮ ਦਾ ਵੀ ਸ਼ੌਂਕ ਰੱਖਦਾ ਹੈ। ਸਰੀਰ ਨੂੰ ਤੰਦਰੁਸਤ, ਚੁਸਤ ਅਤੇ ਦਰੁੱਸਤ ਰੱਖਣ ਲਈ ਇਟਾਲੀਅਨ, ਮਰੋਕੋ ਅਤੇ ਵੱਖ ਵੱਖ ਦੇਸ਼ਾਂ ਦੇ ਦੋਸਤਾਂ ਦਾ ਉਸ ਦੇ ਜਿੰਮ ਵਿਚ ਤਾਤਾ ਲੱਗਾ ਰਹਿਦਾ ਹੈ। ਨਵਦੀਪ ਸਿੰਘ ਇਟਾਲੀਅਨ ਫਿਲਮਾਂ ਚ ਵੀ ਅਹਿਮ ਰੋਲ ਨਿਭਾਅ ਚੁੱਕਿਆ ਹੈ।ਵਾਤਾਵਾਰਣ ਨੂੰ ਸਾਫ ਸੁਥਰਾ ਰੱਖਣ ਲਈ ਸਮਾਜ ਸੇਵਕ ਦੇ ਤੌਰ ਤੇ ਵੀ ਉਹ ਹਰ ਸਾਲ ਆਪਣੇ ਕਮੂਉਨੇ ਅਧੀਨ ਆਉਦੇ ਪਿੰਡਾਂ ਚ ਇਕ ਟੀਮ ਬਣਾ ਕੇ ਸਫਾਈ ਹਿੱਤ ਵਿਸ਼ੇਸ਼ ਯੋਗਦਾਨ ਪਾਉਂਦੇ ਰਹਿੰਦੇ ਹਨ । ਨਵਦੀਪ ਸਿੰਘ ਵਿੱਚ ਕੁਦਰਤ ਨੇ ਇਕ ਅਜਿਹਾ ਗੁਣ ਵੀ ਦਿੱਤਾ ਹੈ ਕਿ ਉਹ ਕਿਸੇ ਵੀ ਸ਼ਬਦ ਨੂੰ ਉਸ ਦਾ ਉਲਟ ਕਰਕੇ ਇਕਦਮ ਦਸ ਦਿੰਦਾ ਹੈ ,ਜਿਸ ਕਰਕੇ ਉਸ ਦੇ ਦੋਸਤ ਸੋਚਣ ਲਈ ਮਜਬੂਰ ਹੋ ਜਾਂਦੇ ਹਨ ।ਵਾਹਿਗੁਰੂ ਬਹੁਪੱਖੀ ਸ਼ਖਸੀਅਤ ਨਵਦੀਪ ਸਿੰਘ ਜਗਤਪੁਰ ਨੂੰ ਹਮੇਸ਼ਾ ਚੜਦੀ ਕਲਾ ਚ ਰੱਖੇ ਹਰ ਖੇਤਰ ਵਿੱਚ ਹੋਰ ਬੁਲੰਦੀਆਂ ਬਖਸ਼ੇ।

11/12/2024

*ਗੁਰਦੁਆਰਾ ਸਿੰਘ ਸਭਾ ਫਲੈਰੋ,ਬਰੇਸ਼ੀਆ ਵਿਖੇ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦਾ ਸ਼ਹੀਦੀ ਦਿਹਾੜਾ ਮਨਾਇਆ ਗਿਆ।*
ਧਰਮ ਪ੍ਰਚਾਰ ਸੰਸਥਾ ਕਲਤੂਰਾ ਸਿੱਖ ਇਟਲੀ ਵੱਲੋਂ ਨਵੇਂ ਸਾਲ ਦਾ ਕੈਲੰਡਰ ਜੈਕਾਰਿਆਂ ਦੀ ਗੂੰਜ ਵਿੱਚ ਕੀਤਾ ਗਿਆ ਜਾਰੀ।
ਮਿਲਾਨ(ਬਿਊਰੋ ) ਬੀਤੇ ਦਿਨੀ ਗੁਰਦੁਆਰਾ ਸਿੰਘ ਸਭਾ ਫਲੈਰੋ,ਬਰੇਸ਼ੀਆ,ਇਟਲੀ ਵਿਖੇ ਧੰਨ ਧੰਨ ਸ਼੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦਾ ਸ਼ਹੀਦੀ ਦਿਵਸ ਬਹੁਤ ਹੀ ਸ਼ਰਧਾ ਸਹਿਤ ਮਨਾਇਆ ਗਿਆ। ਹਿੰਦੂ ਧਰਮ ਦੀ ਰਾਖੀ ਲਈ ਗੁਰੂ ਸਾਹਿਬ ਜੀ ਨੇ ਇਹ ਲਾਸਾਨੀ ਸ਼ਹਾਦਤ ਦਿੱਲੀ ਦੇ ਚਾਂਦਨੀ ਚੌਕ ਵਿਖੇ ਦਿੱਤੀ ਸੀ। ਇੱਥੇ ਹੀ ਉਹਨਾਂ ਦੇ ਨਾਲ ਭਾਈ ਸਤੀ ਦਾਸ ਜੀ, ਭਾਈ ਮਤੀ ਦਾਸ ਜੀ ਅਤੇ ਭਾਈ ਦਿਆਲਾ ਜੀ ਨੂੰ ਵੀ ਸ਼ਹੀਦ ਕੀਤਾ ਗਿਆ ਸੀ। ਇਸ ਮੌਕੇ ਭਾਈ ਗੁਰਦੀਪ ਸਿੰਘ ਜੀ ਯੂਕੇ ਵਾਲਿਆਂ ਦੇ ਕੀਰਤਨੀ ਜਥੇ ਵੱਲੋਂ ਸੰਗਤਾਂ ਨੂੰ ਇਲਾਹੀ ਬਾਣੀ ਸਰਵਣ ਕਰਵਾ ਕੇ ਨਿਹਾਲ ਕੀਤਾ ਗਿਆ। ਸਮਾਗਮ ਦੀ ਸ਼ੁਰੂਆਤ ਵਿੱਚ ਭਾਈ ਚੰਚਲ ਸਿੰਘ ਵਲੋਂ ਕੀਰਤਨ ਦੀ ਹਾਜ਼ਰੀ ਭਰੀ ਗਈ। ਇਸ ਮੌਕੇ ਇਟਲੀ ਦੀ ਸਿਰਮੌਰ ਧਰਮ ਪ੍ਰਚਾਰ ਸੰਸਥਾ ਕਲਤੂਰਾ ਸਿੱਖ ਇਟਲੀ ਵੱਲੋਂ ਸਿੱਖ ਧਰਮ ਦੇ ਪੁਰਾਤਨ ਰਾਗੀਆਂ, ਢਾਡੀਆਂ ਅਤੇ ਕੀਰਤਨੀਏ ਸਿੰਘਾਂ ਨੂੰ ਸਮਰਪਿਤ ਸਾਲ 2025 ਦਾ ਕਲੰਡਰ ਛਪਵਾ ਕੇ ਗੁਰਦੁਆਰਾ ਸਾਹਿਬ ਵਿਖੇ ਪ੍ਰਬੰਧਕ ਕਮੇਟੀ ਵੱਲੋਂ ਜਾਰੀ ਕੀਤਾ ਗਿਆ ਅਤੇ ਸੰਗਤਾਂ ਵਿੱਚ ਫਰੀ ਵੰਡਿਆ ਗਿਆ। ਭਾਰੀ ਬਾਰਿਸ਼ ਦੇ ਬਾਵਜੂਦ ਵੀ ਸੰਗਤਾਂ ਵੱਡੀ ਗਿਣਤੀ ਵਿਚ ਗੁਰਦੁਆਰਾ ਸਾਹਿਬ ਵਿਖੇ ਗੁਰੂ ਸਾਹਿਬ ਜੀ ਦੀ ਸ਼ਹਾਦਤ ਨੂੰ ਪ੍ਰਣਾਮ ਕਰਨ ਪਹੁੰਚੀਆਂ।ਸੰਗਤਾਂ ਵਿਚ ਪ੍ਰਬੰਧਕ ਕਮੇਟੀ ਦੇ ਮੁੱਖ ਸੇਵਾਦਾਰ ਸੁਰਿੰਦਰਜੀਤ ਸਿੰਘ ਪੰਡੌਰੀ, ਜਨਰਲ ਸਕੱਤਰ ਸ਼ਰਨਜੀਤ ਸਿੰਘ ਠਾਕਰੀ, ਨਿਸ਼ਾਨ ਸਿੰਘ ਭਦਾਸ, ਵਾਇਸ ਪ੍ਰਧਾਨ ਬਲਕਾਰ ਸਿੰਘ ਘੋੜੇਸ਼ਾਹਵਾਨ, ਕੁਲਵੰਤ ਸਿੰਘ ਬੱਸੀ, ਸਵਰਨ ਸਿੰਘ ਲਾਲੋਵਾਲ, ਲੱਖਵਿੰਦਰ ਸਿੰਘ ਬਹਿਰਗਾਮ, ਭਗਵਾਨ ਸਿੰਘ ਬਰੇਸ਼ੀਆ, ਭੁੁਪਿੰਦਰ ਸਿੰਘ ਬਿੱਟੂ, ਮਹਿੰਦਰ ਸਿੰਘ ਮਾਜਰਾ, ਜਸਵਿੰਦਰ ਸਿੰਘ ਬਿੱਲਾ ਨੂਰਪੁਰੀ, ਅਮਰੀਕ ਸਿੰਘ ਚੌਹਾਨਾ ਵਾਲੇ ਅਤੇ ਲੰਗਰ ਦੇ ਸੇਵਾਦਾਰ ਮੌਜੂਦ ਸਨ। ਗੁਰੂ ਦਾ ਲੰਗਰ ਅਤੁੱਟ ਵਰਤਾਇਆ ਗਿਆ।

26/11/2024

ਭਾਰਤੀ ਅੰਬੈਂਸੀ ਰੋਮ ਦੀ ਨਵੀਂ ਇਮਾਰਤ ਦਾ ਉਦਘਾਟਨ ਕਰਦਿਆਂ ਵਿਦੇਸ਼ ਮੰਤਰੀ ਭਾਰਤ ਸਰਕਾਰ ਡਾ:ਐਸ ਜੈ ਸ਼ੰਕਰ ਵੱਲੋਂ ਪ੍ਰਵਾਸੀਆਂ ਨੂੰ ਜਨਵਰੀ ਵਿੱਚ ਉੜੀਸਾ ਹੋ ਰਹੇ 18ਵੇਂ ਪ੍ਰਵਾਸੀ ਭਾਰਤੀ ਦਿਵਸ ਵਿੱਚ ਸ਼ਾਮਲ ਹੋਣ ਦਾ ਸੱਦਾ
ਰੋਮ(ਬਿਊਰੋ )ਪ੍ਰਵਾਸੀ ਭਾਰਤੀ ਆਪਣੀ ਮਾਂ ਭੂਮੀ ਭਾਰਤ ਦੀ ਤਰੱਕੀ ਦਾ ਵੀ ਹਿੱਸਾ ਬਣਕੇ ਆਪਣੇ ਕਲਚਰ ਆਪਣੇ ਦੇਸ਼ ਦੀਆਂ ਜੜ੍ਹੂਾਂ ਨੂੰ ਮਜ਼ਬੂਰ ਕਰਨ ਵਿੱਚ ਬਣਦਾ ਯੋਗਦਾਨ ਪਾਉਣ ਇਸ ਗੱਲ ਦਾ ਪ੍ਰਗਟਾਵਾ ਭਾਰਤ ਦੇ ਵਿਦੇਸ਼ ਮੰਤਰੀ ਡਾ:ਐਸ ,ਜੈ ਸ਼ੰਕਰ ਨੇ ਇਟਲੀ ਦੀ ਰਾਜਧਾਾਨੀ ਰੋਮ ਵਿਖੇ ਭਾਰਤੀ ਅੰਬੈਂਸੀ ਦੇ ਰੋਮ ਦੇ ਨਵੀ ਇਮਾਰਤ ਦਾ ਉਦਘਾਟਨ ਕਰਨ ਮੌਕੇ ਹਾਜ਼ਰੀਨ ਭਾਰਤੀ ਭਾਈਚਾਰੇ ਨਾਲ ਕੀਤਾ।ਉਹਨਾਂ ਕਿਹਾ ਜਨਵਰੀ ਵਿੱਚ ਉੜੀਸਾ (ਭਾਰਤ)ਵਿੱਚ 18ਵਾਂ ਪ੍ਰਵਾਸੀ ਭਾਰਤੀ ਦਿਵਸ ਮਨਾਇਆ ਜਾ ਰਿਹਾ ਹੈ ਜਿਸ ਵਿੱਚ ਦੁਨੀਆਂ ਭਰ ਦੇ ਭਾਰਤੀ ਪ੍ਰਵਾਸੀਆਂ ਨੂੰ ਸਿ਼ਕਰਤ ਕਰਨ ਲਈ ਖੁੱਲਾ ਸੱਦਾ ਹੈ ।ਇਹ ਦਿਵਸ ਭਾਰਤ ਸਰਕਾਰ ਨਾਲ ਵਿਦੇਸ਼ੀ ਭਾਰਤੀ ਭਾਈਚਾਰੇ ਦੀ ਸਮੂਲੀਅਤ ਨੂੰ ਮਜ਼ਬੂਤ ਕਰਨ ਲਈ ਅਤੇ ਉਹਨਾਂ ਨੂੰ ਆਪਣੀਆਂ ਸੱਭਿਆਚਾਰਕ ਜੜ੍ਹਾਂ ਨਾਲ ਜੋੜਨ ਲਈ ਮਨਾਇਆ ਜਾਂਦਾ ਹੈ।ਵਿਦੇਸ਼ ਮੰਤਰੀ ਡਾ:ਐਸ ਜੈ ਸ਼ੰਕਰ ਜਿਹੜੇ ਕਿ ਆਪਣੀ 5ਵੀਂ ਇਟਲੀ ਫੇਰੀ ਤੇ ਹਨ ਵਿਦੇਸ਼ ਵੱਖ-ਵੱਖ ਮੰਤਰੀਆਂ ਦੀ ਇਟਲੀ ਵਿੱਚ ਹੋ ਰਹੀ ਜੀ-7 ਮੀਟਿੰਗ ਵਿੱਚ ਭਾਗ ਲੈਣ ਲਈ ਪਹੁੰਚੇ ਹਨ।24 ਨਵੰਬਰ ਤੋਂ 26 ਨਵੰਬਰ ਤੱਕ ਵੱਖ-ਵੱਖ ਮੀਟਿੰਗ ਦੌਰਾਨ ਉਹ ਇਟਲੀ ਸਰਕਾਰ ਤੇ ਭਾਰਤ ਸਰਕਾਰ ਦੇ ਆਪਸੀ ਕਾਰੋਬਾਰੀ ਸੰਬਧਾਂ ਨੂੰ ਪਹਿਲਾਂ ਤੋਂ ਵੀ ਜਿ਼ਆਦਾ ਗੂੜਾ ਕਰਨ ਲਈ ਵਿਚਾਰ-ਵਟਾਂਦਰੇ ਕਰਨ ਦੇ ਨਾਲ ਰੋਮ ਵਿੱਚ ਮੈਡੀਟੇਰੀਅਨ ਡਾਇਲਾਗ ਦੇ 10ਵੇਂ ਸੰਸਕਰਨ ਵਿੱਚ ਵੀ ਹਿੱਸਾ ਲੈਣਗੇ।ਇਟਲੀ ਪਹੁੰਚਣ ਮੌਕੇ ਭਾਰਤੀ ਅੰਬੈਂਸੀ ਰੋਮ ਦੇ ਰਾਜਦੂਤ ਮੈਡਮ ਵਾਣੀ ਰਾਓ ਤੇ ਸਮੂਹ ਸਟਾਫ਼ ਵੱਲੋਂ ਨਿੱਘਾ ਸਵਾਗਤ ਕੀਤਾ ਗਿਆ।ਵਿਦੇਸ਼ ਮੰਤਰੀ ਡਾ:ਐਸ ਜੈ ਸ਼ੰਕਰ ਨੇ ਭਾਰਤੀ ਅੰਬੈਂਸੀ ਰੋਮ ਦੀ ਨਵੀਂ ਇਮਾਰਤ ਦਾ ਉਦਘਾਟਨ ਕਰਦਿਆਂ ਸਮੁੱਚੇ ਸਟਾਫ਼ ਤੇ ਭਾਰਤੀ ਭਾਈਚਾਰੇ ਨੂੰ ਵਿਸ਼ੇਸ ਵਧਾਈ ਦਿੱਤੀ।ਇਸ ਉਦਘਾਟਨੀ ਸਮਾਰੋਹ ਮੌਕੇ ਰਿਕਾਰਦੋ ਗੁਆਰਿਲੀਆ ਜਨਰਲ ਸਕੱਤਰ ਵਿਦੇਸ਼ ਮੰਤਰੀ ਇਟਲੀ ਸਰਕਾਰ,ਜਿਉਲੀਓ ਤੇਰਸੀ ਸੰਤ ਆਗਾਤਾ ਸੈਨੇਟਰ,ਪ੍ਰਧਾਨ ਇਟਲੀ ਭਾਰਤ ਪਾਰਲੀਮੈਂਟਰੀ ਫ੍ਰੈਂਡਸਿੱਪ ਗਰੁੱਪ ਤੋਂ ਇਲਾਵਾਂ ਹੋਰ ਵੀ ਵਿਦੇਸ਼ ਮੰਤਰਾਲਾ ਇਟਲੀ ਦੇ ਅਫ਼ਸਰ ਸਾਹਿਬ,ਭਾਰਤੀ ਭਾਈਚਾਰਾ ਤੇ ਇਟਾਲੀਅਨ ਭਾਈਚਾਰੇ ਦੇ ਮਹਿਮਾਨਾਂ ਨੇ ਸਿ਼ਕਰਤ ਕੀਤੀ।

15/11/2024

ਗੁਰਦੁਆਰਾ ਸ਼੍ਰੀ ਗੁਰੂ ਰਵਿਦਾਸ ਦਰਬਾਰ ਵਿਲੇਤਰੀ ਜਿੱਥੇ ਗੁਰੂ ਦੇ ਵਜ਼ੀਰ ਤੇ ਪ੍ਰਧਾਨ ਦਾ ਗਏ ਸੀ ਮਸਲਾ ਹੱਲ ਕਰਵਾਉਣ ਪਰ ਕਰ ਦਿੱਤੀ ਮਰਿਆਦਾ ਭੰਗ,ਸੰਗਤ ਹੋਈ ਨਿਰਾਸ਼
*ਗੁਰਦੁਆਰਾ ਸਾਹਿਬ ਪ੍ਰਬੰਧਕ ਕਮੇਟੀ ਦੇ ਨਵੇਂ ਸੇਵਾਦਾਰ ਚੁਣਨ ਸੰਬਧੀ ਮੀਟਿੰਗ 17 ਨਵੰਬਰ ਨੂੰ*
ਰੋਮ(ਬਿਊਰੋ)ਇਟਲੀ ਦੇ ਲਾਸੀਓ ਸੂਬੇ ਦੇ ਪ੍ਰਸਿੱਧ ਗੁਰਦੁਆਰਾ ਸਾਹਿਬ ਸ਼੍ਰੀ ਗੁਰੂ ਰਵਿਦਾਸ ਦਰਬਾਰ ਵਿਲੇਤਰੀ(ਰੋਮ)ਵਿਖੇ ਬੀਤੇ ਕਈ ਮਹੀਨਿਆਂ ਤੋਂ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਤੇ ਗੁਰਦੁਆਰਾ ਸਾਹਿਬ ਦੇ ਵਜ਼ੀਰ ਵਿਚਕਾਰ ਆਪਸੀ ਮਨ ਮੁਟਾਵ ਚੱਲ ਰਿਹਾ ਸੀ ਜਿਸ ਨੂੰ ਨਬੇੜਣ ਲਈ ਸੰਗਤ ਕਾਫ਼ੀ ਕੋਸਿ਼ਸਾਂ ਕਰ ਰਹੀ ਪਰ ਮਸਲਾ ਦਿਨੋ ਦਿਨ ਜੋ਼ਰ ਫੜ੍ਹਦਾ ਜਾ ਰਿਹਾ ਸੀ।ਮਸੱਲੇ ਦਾ ਮੁੱਖ ਕਾਰਨ ਗੁਰਦੁਆਰਾ ਸਾਹਿਬ ਦੇ ਵਜ਼ੀਰ ਦੁਆਲੇ ਘੁੰਮਦਾ ਸੀ ਅੱਧੀ ਪ੍ਰਬੰਧਕ ਕਮੇਟੀ ਵਜ਼ੀਰ ਸਾਹਿਬ ਨੂੰ ਇਸ ਕਾਰਨ ਬਦਲਣਾ ਚਾਹੀਦੀ ਸੀ ਕਿ ਬਾਬਾ ਜੀ ਤੋਂ ਪੂਰਨ ਮਰਿਆਦਾ ਨਹੀਂ ਨਿਭਾਅ ਹੋ ਰਹੀ ਜਦੋਂ ਕਿ ਅੱਧੀ ਕਮੇਟੀ ਤੇ ਸੰਗਤ ਇਹ ਕਹਿ ਰਹੀ ਸੀ ਕਿ ਬਾਬਾ ਜੀ ਪਿਛਲੇ 20 ਸਾਲਾਂ ਤੋਂ ਇਸ ਗੁਰਦੁਆਰਾ ਸਾਹਿਬ ਵਿੱਚ ਸੇਵਾ ਨਿਭਾਅ ਰਹੇ ਹਨ ਉਹਨਾਂ ਨੂੰ ਇਸ ਤਰ੍ਹਾਂ ਸੇਵਾਮੁੱਕਤ ਨਹੀਂ ਕੀਤਾ ਜਾ ਸਕਦਾ।ਇਸ ਤਨਾਅ ਵਾਲੇ ਮਾਹੌਲ ਵਿੱਚ ਸੰਗਤ ਰੂਪੀ ਇੱਕ ਸਖ਼ਤ ਵੱਲੋਂ ਬਾਬਾ ਜੀ ਦੇ ਪੱਖ ਵਿੱਚ ਸੋਸ਼ਲ ਮੀਡੀਏ ਉਪੱਰ ਇੱਕ ਵੀਡਿਓ ਬਾਬਾ ਜੀ ਨੂੰ ਨਾਲ ਲੈਕੇ ਪਾਈ ਗਈ ਜਿਸ ਨਾਲ ਮਸਲਾ ਸੁਲਝਣ ਦੀ ਬਜਾਏ ਹੋਰ ਵਿਗੜ ਗਿਆ।ਜਿਸ ਨੂੰ ਹੱਲ ਕਰਨ ਲਈ ਨਵ-ਗਠਿਤ ਸੰਸਥਾ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਸਤਿਕਾਰ ਕਮੇਟੀ ਲਾਸੀਓ ਇਲਾਕੇ ਦੀਆਂ ਕਈ ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ ਤੇ ਸਥਾਨਕ ਸੰਗਤ ਵਿੱਚ ਇੱਕ ਹੰਗਾਮੀ ਮੀਟਿੰਗ ਹੋਈ ਜਿਸ ਵਿੱਚ ਗੁਰਦੁਆਰਾ ਸਾਹਿਬ ਦੇ ਵਜ਼ੀਰ ਬਾਬਾ ਜੀ ਨੇ ਆਪ ਹੀ ਤਬੀਅਤ ਠੀਕ ਨਾ ਹੋਣ ਕਾਰਨ ਸੇਵਾ ਮੁੱਕਤ ਹੋਣ ਦਾ ਕਹਿ ਦਿੱਤਾ ਜਿਸ ਨਾਲ ਕਿ ਸਾਰਾ ਮਾਮਲਾ ਕਾਫ਼ੀ ਹੱਦ ਤੱਕ ਹੱਲ ਹੋ ਗਿਆ।ਸੰਗਤ ਵਿਚੋਂ ਹੀ ਇਹ ਆਵਾਜ਼ ਵੀ ਆਈ ਕਿ ਗੁਰਦੁਆਰਾ ਸਾਹਿਬ ਦੀ ਪ੍ਰਬੰਧਕ ਕਮੇਟੀ ਦਾ ਵੀ ਪੁਨਰ ਗਠਨ ਕਰੋ ਜਿਸ ਉਪੱਰ ਹਾਜ਼ਰ ਸਿੱਖ ਆਗੂ,ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ ਤੇ ਨਵ-ਗਠਿਤ ਧੰਨ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਸਤਿਕਾਰ ਕਮੇਟੀ ਲਾਸੀਓ ਦੇ ਆਗੂਆਂ ਸਹਿਮਤੀ ਪ੍ਰਗਟਾ ਦਿੱਤੀ।ਮੀਟਿੰਗ ਵਿੱਚ ਇਸ ਗੱਲ ਨੂੰ ਵੀ ਪੜਚੋਲਿਆ ਗਿਆ ਕਿ ਹੁਣ ਭੱਵਿਖ ਵਿੱਚ ਕੋਈ ਵੀ ਕਿਸੇ ਦੀ ਸ਼ਾਨ ਦੇ ਖਿਲਾਫ਼ ਕੋਈ ਸੋਸ਼ਲ ਮੀਡੀਏ ਉਪੱਰ ਪ੍ਰਚਾਰ ਨਹੀਂ ਕਰੇਗਾ ਤੇ ਪੁਰਾਣੀ ਵੀਡਿਓ ਨੂੰ ਸੋਸ਼ਲ ਮੀਡੀਏ ਤੋਂ ਹਟਾ ਦਿੱਤਾ ਜਾਵੇ।ਇਸ ਖਿਲਰੇ ਤਾਣੇ-ਬਾਣੇ ਨੂੰ ਇਕੱਠਾ ਕਰਨ ਦੀਆਂ ਕੋਸਿ਼ਸ ਉਸ ਵਕਤ ਬੇਫ਼ਲ ਲੱਗਣ ਲੱਗੀਆਂ ਜਦੋਂ ਗੁਰੂ ਸਾਹਿਬ ਦੀ ਹਜ਼ੂਰੀ ਤੋਂ ਬਾਹਰ ਆਕੇ ਪਾਰਕਿੰਗ ਸਥਾਨ ਤੇ ਰਾਜੀਨਾਮਾ ਕਰਵਾਉਣ ਵਾਲੀ ਸੰਗਤ ਦੇ ਕੁਝ ਲੋਕ ਆਪਸ ਵਿੱਚ ਫਸ ਪਏ।ਪ੍ਰੈੱਸ ਨੂੰ ਇਸ ਲੜਾਈ ਸੰਬਧੀ ਜਾਣਕਾਰੀ ਦਿੰਦਿਆਂ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਸ਼੍ਰੀ ਗੁਰੂ ਰਵਿਦਾਸ ਦਰਬਾਰ ਵਿਲੇਤਰੀ(ਰੋਮ)ਨੇ ਕਿਹਾ ਕਿ ਇਸ ਲੜਾਈ ਦਾ ਕਾਰਨ ਸਾਡੇ ਗੁਰਦੁਆਰਾ ਦਾ ਮਸਲਾ ਨਹੀਂ ਇਹ ਲੜਨ ਵਾਲੇ ਲੋਕਾਂ ਦੀ ਪਹਿਲਾਂ ਹੀ ਪੁਰਾਣੀ ਟਸੱਲਬਾਜੀ ਚੱਲ ਰਹੀ ਹੈ ਜਿਸ ਕਾਰਨ ਇਹ ਲੋਕ ਜਦੋਂ ਵੀ ਕਿਤੇ ਮੌਕਾ ਮਿਲਦਾ ਤਾਂ ਫੱਸ ਪੈਂਦੇ ਹਨ।ਇਸ ਲੜਾਈ ਤੋਂ ਪਹਿਲਾਂ ਵੀ ਇਹ ਦੋਨੋ ਗੁੱਟ ਇੱਕ ਨਗਰ ਕੀਰਤਨ ਵਿੱਚ ਫਸ ਚੁੱਕੇ ਹਨ ।ਪਰ ਅਫ਼ਸੋਸ ਇਹ ਲੜਾਈ ਗੁਰਦੁਆਰਾ ਸਾਹਿਬ ਦੀ ਪਾਰਕਿੰਗ ਵਿੱਚ ਹੋਈ ਜਿਸ ਨਾਲ ਗੁਰ ਮਰਿਆਦਾ ਇਹਨਾਂ ਨੇ ਭੰਗ ਕੀਤੀ ।ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੂੰ ਇਸ ਘਟਨਾ ਦਾ ਬੇਹੱਦ ਦੁੱਖ ਹੈ ਤੇ ਸੰਗਤ ਵਿੱਚ ਵੀ ਇਸ ਲੜਾਈ ਕਾਰਨ ਕਾਫ਼ੀ ਨਿਰਾਸ਼ਾ ਤੇ ਰੋਸ ਪਾਇਆ ਜਾ ਰਿਹਾ ਹੈ ਅਜਿਹਾ ਦੁਬਾਰਾ ਨਾ ਹੋਵੇ ਤੇ ਗੁਰਦੁਆਰਾ ਸਾਹਿਬ ਪ੍ਰਬੰਧਕ ਕਮੇਟੀ ਦੇ ਨਵੇਂ ਸੇਵਾਦਾਰ ਚੁਣਨ ਲਈ ਸਥਾਨਕ ਸੰਗਤ ਦੀ ਵਿਸੇ਼ਸ ਮੀਟਿੰਗ 17 ਨਵੰਬਰ ਦਿਨ ਐਤਵਾਰ ਦੁਪਿਹਰ ਤੋਂ ਬਆਦ ਬੁਲਾਈ ਗਈ ਹੈ ਜਿਸ ਵਿੱਚ ਸਿਰਫ਼ ਸਥਾਨਕ ਸੰਗਤ ਨੂੰ ਸਮੇਂ ਸਿਰ ਪਹੁੰਚਣ ਦੀ ਅਪੀਲ ਹੈ।

14/11/2024

ਗੁਰੂ ਨਾਨਕ ਦੇਵ ਜੀ ਦੇ 555ਵੇਂ ਪ੍ਰਕਾਸ਼ ਪੁਰਬ ਮੌਕੇ ਪੋਪ ਫਰਾਂਸਿਸ ਅਤੇ ਅੰਤਰ ਧਾਰਮਿਕ ਸੰਵਾਦ ਸਭਾ ਵੈਟੀਕਨ ਨੇ ਸਿੱਖ ਸੰਗਤ ਨੂੰ ਦਿੱਤੀ ਵਧਾਈ
ਰੋਮ (ਬਿਊਰੋ) ਦੁਨੀਆਂ ਨੂੰ ਕਿਰਤ ਕਰਨ,ਵੰਡ ਛੱਕਣ ਤੇ ਨਾਮ ਜਪਣ ਦਾ ਹੋਕਾ ਦੇਕੇ ਵਿਲਖੱਣ ਤੇ ਨਿਰਾਲੇ ਸਿੱਖ ਧਰਮ ਦੀ ਸਿਰਜਣਾ ਕਰਨ ਵਾਲੇ ਸਤਿਗੁਰੂ ਨਾਨਕ ਦੇਵ ਜੀ ਦੇ 555ਵੇਂ ਪ੍ਰਕਾਸ਼ ਪੁਰਬ ਮੌਕੇ ਇਸਾਈ ਧਰਮ ਦੇ ਮੁੱਖੀ ਪੋਪ ਫਰਾਂਸਿਸ ਅਤੇ ਅੰਤਰ ਧਾਰਮਿਕ ਸੰਵਾਦ ਸਭਾ ਵੈਟੀਕਨ ਨੇ ਸਿੱਖ ਸੰਗਤ ਨੂੰ ਵਧਾਈ ਦਿੰਦਿਆ ਕਿਹਾ ਕਿ 15 ਨਵੰਬਰ ਨੂੰ ਮਨਾਏ ਜਾਣ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਆਓ ਆਪਾਂ ਸਾਰੇ ਈਸਾਈ ਅਤੇ ਸਿੱਖ ਭਾਈਚਾਰੇ ਦੀ ਆਪਸੀ ਸਾਂਝ ਨੂੰ ਪਹਿਲਾਂ ਤੋਂ ਵੀ ਵੱਧ ਮਜ਼ਬੂਤ ਕਰਨ ਲਈ ਮੋਹਰੀ ਹੋ ਤੁਰੀਏ ਤੇ ਦੁਨੀਆਂ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਹੋ ਰਹੀ ਹਿੰਸਾ,ਯੁੱਧ ਅਤੇ ਗਰੀਬੀ ਨੂੰ ਠੱਲ ਪਾਉਣ ਲਈ ਸੰਜੀਦਾ ਹੋਈਏ।
ਸੰਸਾਰ ਵਿੱਚ ਭ੍ਰਿਸ਼ਟਾਚਾਰ,ਭਾਈ-ਭਤੀਜਾਵਾਦ ਅਤੇ ਗਰੀਬੀ ਕਾਰਨ ਚੰਗੇ ਭੱਵਿਖ ਦੇ ਸੁਪਨੇ ਸਾਕਾਰ ਹੋਣਾ ਅਸੰਭਵ ਹੈ ਜਿਸ ਕਾਰਨ ਸਮਾਜ ਅੰਦਰ ਰੁੱਖਾਪਨ,ਨਿਰਾਸ਼ਾਵਾਦ ਤੇ ਨਰਾਤਮਕ ਭਾਵਨਾ ਵੱਧ ਰਹੀਆਂ ਹਨ।ਇਹਨਾਂ ਸਭ ਨੂੰ ਦੂਰ ਕਰਨ ਲਈ ਅਸੀਂ ਤੁਹਾਡੇ ਨਾਲ ਹਾਂ ਇਸ ਬਾਬਤ ਅਸੀਂ ਪੜਚੋਲ ਵੀ ਕਰਦੇ ਹਾਂ ਕਿ ਕਿਵੇਂ ਸਿੱਖ ਅਤੇ ਈਸਾਈ ਦੋਵੇ ਮਿਲ-ਜੁਲ ਕੇ ਦਲੇਰੀ,ਦ੍ਰਿੜ ਵਿਸ਼ਵਾਸ ਅਤੇ ਵਚਨਬੱਧਤਾ ਨਾਲ ਉਮੀਦ ਦੇ ਬੀਜ ਉਗਾ ਸਕਦੇ ਹਾਂ ਅਤੇ ਮਿਲਕੇ ਸ਼ਾਂਤੀ ਦੀ ਫ਼ਸਲ ਵੱਢ ਸਕਦੇ ਹਾਂ।ਪੋਪ ਫਰਾਂਸਿਸ ਦੇ ਅਨੁਸਾਰ ਸ਼ਾਂਤੀ ਰੁਕਾਵਟਾਂ ਅਤੇ ਅਜ਼ਮਾਇਸ਼ਾਂ ਦੇ ਸਾਾਹਮਣ੍ਹੇ ਉਮੀਦ ਦੀ ਯਾਤਰਾ ਹੈ।ਸ਼ਾਂਤੀ ਜਿਵੇਂ ਕਿ ਇਤਿਹਾਸ ਗਵਾਹ ਦਿੰਦਾ ਹੈ ਉਂਦੋਂ ਹੀ ਸੰਭਵ ਹੈ ਜਦੋਂ ਨੇਕ ਇਨਸਾਨ ਨਫ਼ਰਤ ਅਤੇ ਵੰਡ ਦੀਆਂ ਚੁਣੌਤੀਆਂ ਨੂੰ ਪ੍ਰੇਮ ਅਤੇ ਅਸਲੀਅਤ ਦੇ ਮੌਕਿਆਂ ਵਿੱਚ ਬਦਲ ਕੇ ਹਿੰਮਤ ਨਾਲ ਆਪਣੀ ਕਹਿ ਤੇ ਕਰਨੀ ਦੇ ਖਰ੍ਹੇ ਰਹਿਣਗੇ।ਉਮੀਦ ਸੁਨਹਿਰੀ ਭੱਵਿਖ ਲਈ ਇੱਕ ਮਜ਼ਬੂਤ ਨੀਂਹ ਹੈ।ਇਹ ਸਾਨੂੰ ਦ੍ਰਿੜਤਾ,ਧੀਰਜ ਅਤੇ ਲਗਨ ਨਾਲ ਆਪਣੇ ਲਈ ਅਤੇ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਉਤਸ਼ਾਹਿਤ ਕਰਦੀ ਹੈ।ਉਮੀਦ ਉਹ ਇਲਾਹੀ ਸ਼ਕਤੀ ਹੈ ਜੋ ਇਨਸਾਨ ਨੂੰ ਪ੍ਰਮੇਸ਼ਰ ਦੀ ਪ੍ਰੇਮਪੂਰਨ ਯੋਜਨਾ ਵਿੱਚ ਸਹਿਯੋਗ ਕਰਨ ਦਾ ਮੌਕਾ ਦਿੰਦੀ ਹੈ।ਆਪਸੀ ਭਾਈਚਾਰਕ ਸਾਂਝ ਕਾਰਨ ਅਸੀਂ ਉਮੀਦ ਦੇ ਯਾਤਰੀ ਹਾਂ ਤੇ ਆਪੋ-ਆਪਣੀਆਂ ਧਾਰਮਿਕ ਪੰਰਪਰਾਵਾਂ ਵਿੱਚ ਦ੍ਰਿੜ ਰਹਿੰਦੇ ਹੋਏ ਸਰਬੱਤ ਦੇ ਭਲੇ ਲਈ ਵਚਨਬੱਧ ਹਾਂ ਆਓ ਅਸੀਂ ਈਸਾਈ ,ਸਿੱਖ ਭਾਈਚਾਰੇ ਅਤੇ ਹੋਰ ਧਾਰਮਿਕ ਪਰੰਪਰਾਵਾਂ ਦੇ ਲੋਕਾਂ ਨਾਲ ਮਿਲਕੇ ਸਭਨਾ ਵਿੱਚਕਾਰ ਸਾਂਝੀਵਾਲਤਾ,ਸਦਭਾਵਨਾ ਅਤੇ ਖੁਸ਼ਹਾਲੀ ਨੂੰ ਵਧਾਉਣ ਲਈ ਸਾਰਿਆਂ ਨੂੰ ਉਮੀਦ ਅਤੇ ਸ਼ਾਂਤੀ ਦੇ ਬੀਜ ਬੀਜਣ ਲਈ ਉਤਸ਼ਾਹਿਤ ਕਰੀਏ ਅਤੇ ਸਰਬੱਤ ਦੇ ਭਲੇ ਲਈ ਸਭ ਨੂੰ ਸਭ ਵੈਰ-ਵਿਰੋਧ ਭੁਲਾਕੇ ਗਲ ਲਗਾਈਏ।

13/11/2024

ਗੁਰਦੁਆਰੇ ਦੇ ਵਜ਼ੀਰ ਵੱਲੋਂ ਸੰਗਤ ਨੂੰ ਮਰਿਆਦਾ ਭੰਗ ਕਰਨ ਤੋਂ ਰੋਕਣ ਤੇ ਹੋਈ ਸੰਗਤਾਂ ਵਿੱਚ ਆਪਸੀ ਝੜਪ ਵਿੱਚ ਹੋਈ ਕੇਸਾਂ ਦੀ ਬੇਅਦਬੀ
ਰੋਮ(ਬਿਊਰੋ )ਬਾਬਾ ਲੱਖੀ ਸ਼ਾਹ ਵਣਜਾਰਾ ਗੁਰਦੁਆਰਾ ਸਾਹਿਬ ਪੌਂਤੇਕੂਰੋਨੇ ਅਲੇਸਾਂਦਰੀਆ ਦੀ ਪ੍ਰਬੰਧਕ ਕਮੇਟੀ ਦੀ ਚੋਣ ਨੂੰ ਲੈਕੇ ਪ੍ਰਬੰਧਕਾਂ ਤੇ ਸੰਗਤਾਂ ਵਿੱਚ ਬਣਿਆ ਵਿਵਾਦ ਉਸ ਵੇਲੇ ਲੜਾਈ ਦਾ ਰੂਪ ਧਾਰਨ ਕਰ ਗਿਆ ਜਦੋਂ ਗੁਰਦੁਆਰਾ ਸਾਹਿਬ ਵਿਖੇ ਕਿਸੇ ਗੱਲ ਨੂੰ ਲੈਕੇ ਸੰਗਤਾਂ ਦੀ ਆਪਸ ਵਿੱਚ ਝੜਪ ਹੋ ਗਈ।ਪ੍ਰੈੱਸ ਨੂੰ ਮੌਜੂਦਾ ਪ੍ਰਬੰਧਕ ਕਮੇਟੀ ਦੇ ਆਗੂਆਂ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ ਬੀਤੇ ਦਿਨੀਂ ਗੁਰਦੁਆਰਾ ਸਾਹਿਬ ਦੀ ਨਵੀਂ ਕਮੇਟੀ ਦੀ ਜਦੋਂ ਚੋਣ ਕੀਤੀ ਗਈ ਤਾਂ ਕੁਝ ਸੰਗਤਾਂ ਵੱਲੋਂ ਇਸ ਦਾ ਵਿਰੋਧ ਕੀਤਾ ।ਗੁਰਦੁਆਰਾ ਸਾਹਿਬ ਵਿਖੇ ਅਜਿਹੇ ਵਤੀਰੇ ਨੂੰ ਦੇਖ ਜੋ ਕਿ ਗੁਰੂ ਸਾਹਿਬ ਦੀ ਬੇਅਦਬੀ ਦਾ ਹੀ ਇੱਕ ਰੂਪ ਹੈ ਸੰਬਧੀ ਗੁਰਦੁਆਰਾ ਸਾਹਿਬ ਦੇ ਵਜ਼ੀਰ ਨੇ ਸੰਗਤਾਂ ਨੂੰ ਹਲੂਣਾ ਦਿੰਦਿਆਂ ਕਿਹਾ ਗਿਆ ਕਿ ਗੁਰਦੁਆਰਾ ਸਾਹਿਬ ਵਿਖੇ ਮਨਮੱਤ ਵਾਲੇ ਕੰਮ ਕਰਨਾ ਗੁਰੂ ਦੇ ਸ਼ਰੀਕ ਬਣਨ ਵਾਂਗਰ ਹੈ ।ਗੁਰਦੁਆਰਾ ਸਾਹਿਬ ਦੇ ਵਜ਼ੀਰ ਨੇ ਜਦੋਂ ਅਜਿਹੀਆਂ ਫੱਟਕਾਰਾ ਗੁਰੂਘਰ ਦਾ ਮਾਹੌਲ ਖਰਾਬ ਕਰਨ ਵਾਲੀ ਸੰਗਤ ਨੂੰ ਪਾਈਆਂ ਤਾਂ ਅੱਗੋਂ ਪ੍ਰਬੰਧਕ ਕਮੇਟੀ ਦਾ ਵਿਰੋਧ ਕਰਨ ਵਾਲੀ ਸੰਗਤ ਨੇ ਬਾਬੇ ਨੂੰ ਅਪਸ਼ਬਦ ਬੋਲ ਦਿੱਤੇ ਜਿਸ ਦੇ ਨਾਲ ਕਈ ਸੰਗਤਾਂ ਜਿਹੜੀਆਂ ਕਿ ਗੁਰੂ ਘਰ ਦੇ ਵਜ਼ੀਰ ਦਾ ਬਹੁਤ ਮਾਣ-ਸਤਿਕਾਰ ਕਰਦੀਆਂ ਸਨ ਉਹਨਾਂ ਤੋਂ ਇਹ ਬਰਦਾਸ਼ਤ ਨਾ ਹੋਇਆ ਤੇ ਅੰਤ ਇਹ ਵਿਵਾਦ ਪਹਿਲਾਂ ਝੜਪ ਫਿਰ ਲੜਾਈ ਦਾ ਕਾਰਨ ਬਣ ਗਿਆ ਜਿਸ ਵਿੱਚ ਜਿੱਥੇ ਗੁਰਦੁਆਰਾ ਸਾਹਿਬ ਦੀ ਮਰਿਆਦਾ ਭੰਗ ਹੋਈ ਉੱਥੇ ਇੱਕ ਅੰਮ੍ਰਿਤਧਾਰੀ ਸਿੱਖ ਦੇ ਕੇਸਾਂ ਦੀ ਬੇਅਦਬੀ ਵੀ ਹੋਈ ਜੋ ਕਿ ਬਹੁਤ ਹੀ ਮੰਦਭਾਗੀ ਘਟਨਾ ਹੈ।ਜਿਸ ਉਪੱਰ ਮੌਜੂਦਾ ਪ੍ਰਬੰਧਕ ਕਮੇਟੀ ਨੇ ਡੂੰਘੇ ਨੇ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਇਸ ਬਿਰਤਾਰੇ ਦੀ ਘੋਰ ਨਿੰਦਿਆਂ ਕੀਤੀ ਹੈ।ਨਵੀਂ ਚੁਣੀ ਪ੍ਰਬੰਧਕ ਕਮੇਟੀ ਨੇ ਇਸ ਗੱਲ ਦਾ ਖੁਲਾਸਾ ਵੀ ਕੀਤਾ ਕਿ ਜਿਹੜੀ ਸੰਗਤ ਨੂੰ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦਾ ਚਾਰਜ ਨਹੀਂ ਮਿਲਿਆ ਉਸ ਨੇ ਹੀ ਇਹ ਸਾਰਾ ਖਲੱਲ ਪਾਇਆ।ਉਹ ਚਾਹੁੰਦੇ ਸੀ ਕਿ ਗੁਰਦੁਆਰੇ ਦਾ ਪ੍ਰਬੰਧ ਉਹਨਾਂ ਹੀ ਲੈਣਾ ਇਸ ਲਈ ਉਹਨਾਂ ਨੂੰ ਚਾਹੇ ਜੋ ਮਰਜ਼ੀ ਕਰਨਾ ਪਵੇ।ਜਿਸ ਕਾਰਨ ਇਹ ਸਾਰੀ ਮਾਰੋਮਾਰ ਹੋਈ।ਇਸ ਸਾਰੇ ਘਟਨਾਕ੍ਰਮ ਸੰਬਧੀ ਜਦੋਂ ਇਸ ਪੱਤਰਕਾਰ ਨੇ ਦੂਜੀ ਸੰਗਤ ਨਾਲ ਰਾਫ਼ਤਾ ਕੀਤਾ ਤਾਂ ਉਹਨਾਂ ਕਿਹਾ ਕਿ ਮੌਜੂਦਾ ਪ੍ਰਬੰਧ ਕਮੇਟੀ ਪਿਛਲੇ ਕਈ ਸਾਲਾਂ ਤੋਂ ਗੁਰਦੁਆਰਾ ਸਾਹਿਬ ਦਾ ਪ੍ਰਬੰਧ ਚਲਾ ਰਹੀ ਹੈ ਜਿਸ ਨੂੰ ਸੰਗਤਾਂ ਨੇ ਪਿਛਲੇ ਸਮੇਂ ਇਹ ਗੁਜ਼ਾਰਿਸ ਕੀਤੀ ਸੀ ਕਿ ਉਹ ਹੁਣ ਹੋਰ ਸੇਵਾਦਾਰਾਂ ਨੂੰ ਸੇਵਾ ਕਰਨ ਦਾ ਮੌਕਾ ਦੇਣ ਪਰ ਪ੍ਰਬੰਧਕਾਂ ਨੇ ਸੰਗਤ ਦੀ ਕੋਈ ਨਹੀਂ ਸੁਣੀ।ਸੰਗਤ ਵਾਰ-ਵਾਰ ਕਹਿ ਕੇ ਥੱਕ ਚੁੱਕੀ ਸੀ ਫਿਰ ਇਹਨਾਂ ਨੇ ਆਪ ਹੀ ਗੁਰਦੁਆਰਾ ਸਾਹਿਬ ਦੀ ਨਵੀਂ ਕਮੇਟੀ ਦਾ ਪੁਨਰ ਗਠਨ ਕਰ ਦਿੱਤਾ ਤੇ ਸਿਰੋਪਾਓ ਪਾਕੇ ਜੈਕਾਰੇ ਲਗਾ ਦਿੱਤੇ।ਆਪੂ ਬਣੀ ਨਵੀਂ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੂੰ ਸੰਗਤਾਂ ਨੇ ਸਹਿਮਤੀ ਨਹੀਂ ਦਿੱਤੀ ।ਜਿਸ ਦਿਨ ਚੋਣ ਕਰਨ ਦਾ ਡਰਾਮਾ ਮੌਜੂਦਾ ਪ੍ਰਬੰਧਕਾਂ ਨੇ ਕੀਤਾ ਉਸ ਦਿਨ ਵੀ ਸੰਗਤ ਨੇ ਸਾਂਤਮਈ ਢੰਗ ਨਾਲ ਅਪੀਲ ਕੀਤੀ ਪਰ ਪ੍ਰਬੰਧਕਾਂ ਦੇ ਹੋ ਰਹੇ ਵਿਰੋਧ ਕਾਰਨ ਹੀ ਇੱਕ ਗੁਰਸਿੱਖ ਦੇ ਕੇਸਾਂ ਦੀ ਤੇ ਗੁਰਮਰਿਆਦਾ ਦੀ ਬੇਅਦਬੀ ਹੋਈ ਹੈ ਜਿਸ ਗੁਰਸਿੱਖ ਨੂੰ ਪ੍ਰਬੰਧਕਾਂ ਦੇ ਇਸ਼ਾਰੇ ਨਾਲ ਬੁਰੀ ਤਰ੍ਹਾਂ ਕੁੱਟਿਆ ਗਿਆ ਉਹ ਇਸ ਵਕਤ ਜ਼ੇਰੇ ਇਲਾਜ ਹੈ।ਸਿਆਸਤ ਦਾ ਸਿ਼ਕਾਰ ਹੋਈ ਇਸ ਸੰਗਤ ਦੀ ਇਟਲੀ ਦੀਆਂ ਸਿੱਖ ਜੱਥੇਬੰਦੀਆਂ ਨੂੰ ਅਪੀਲ ਹੈ ਕਿ ਉਹ ਇਸ ਧੱਕੇਸ਼ਾਹੀ ਵਿਰੁੱਧ ਜਲਦ ਕੋਈ ਕਾਰਵਾਈ ਕਰਨ ਤਾਂ ਜੋ ਹੋਰ ਕੋਈ ਕਿਸੇ ਤਰ੍ਹਾਂ ਦੀ ਬੇਅਦਬੀ ਨਾ ਹੋ ਸਕੇ।ਇੱਥੇ ਇਹ ਵੀ ਵਿਚਾਰਨਯੋਗ ਹੈ ਇਟਲੀ ਵਿੱਚ ਬੇਸ਼ੱਕ ਸਿੱਖ ਧਰਮ ਦੇ ਗੁਰਦੁਆਰਾ ਸਾਹਿਬ ਦੀ ਗਿਣਤੀ ਦਿਨੋ-ਦਿਨ ਵੱਧ ਰਹੀ ਹੈ ਪਰ ਅਫ਼ਸੋਸ ਇਸ ਦੇ ਨਾਲ ਹੀ ਕੁਝ ਸਿੱਖ ਆਗੂਆਂ ਵਿੱਚ ਚੌਧਰ ਦੀ ਲਾਲਸਾ ਵੀ ਸਿਖ਼ਰ ਵੱਲ ਹੈ ਜਿਸ ਦੇ ਚੱਲਦਿਆਂ ਸ਼ਰੇਆਮ ਸਿੱਖ ਮਰਿਆਦਾ ਦੀ ਧੱਜੀਆਂ ਉਡਾਕੇ ਗੁਰਦੁਆਰਾ ਸਾਹਿਬ ਦੇ ਪ੍ਰਬੰਧਕ ਬਣਨ ਦਾ ਜਾਂ ਮਾਲਕ ਬਣਨ ਦਾ ਗੌਰਖਧੰਦਾ ਇਟਲੀ ਦੇ ਚੁਫ਼ੇਰੇ ਜ਼ੋਰਾਂ ਤੇ ਹੈ।ਅਜਿਹੀਆਂ ਮਨਮੁੱਖ ਧਰਮ ਵਿਰੋਧੀ ਕੁਰੀਤੀਆਂ ਨੂੰ ਸਿੱਖ ਸੰਗਤਾਂ ਰੋਕਣ ਲਈ ਚਾਹੇ ਅੱਡੀਆਂ ਚੁੱਕ ਜੋ਼ਰ ਲਗਾ ਰਹੀਆਂ ਹਨ ਪਰ ਇਸ ਦੇ ਬਾਵਜੂਦ ਪਰਨਾਲਾ ਉੱਥੋ ਹਟੱਣ ਦਾ ਨਾਮ ਨਹੀਂ ਲੈ ਰਿਹਾ ।ਜੇਕਰ ਹਾਲਤ ਇਹੀ ਰਹੇ ਤਾਂ ਉਹ ਦਿਨ ਦੂਰ ਨਹੀਂ ਜਦੋਂ ਪ੍ਰਸ਼ਾਸਨ ਨੇ ਸਾਨੂੰ ਸਮਾਗਮਾਂ ਦੀਆਂ ਪ੍ਰਵਾਨਗੀਆਂ ਦੇਣੀਆਂ ਬੰਦ ਕਰ ਦੇਣੀਆਂ ਹਨ ਕਿਉਂਕਿ ਉਸ ਨੂੰ ਇਸ ਗੱਲ ਦਾ ਸਦਾ ਹੀ ਇਹ ਖ਼ਦਸ਼ਾ ਬਣਿਆ ਰਹਿੰਦਾ ਹੈ ਕਿ ਇਹ ਲੋਕ ਕਦੀਂ ਵੀ ਆਪਸ ਵਿੱਚ ਲਹੂ ਲੂਹਾਣ ਹੋ ਸਕਦੇ ਹਨ।

05/11/2024

ਮੌਤ ਦੇ ਮੂੰਹ ਵਿੱਚ ਫਸੇ ਇਟਾਲੀਅਨ ਦੀ ਜਾਨ ਬਚਾਉਣ ਲਈ ਸਿੱਖ ਨੌਜਵਾਨ ਹਸਰਤ ਸਿੰਘ ਦਾ ਹੋਇਆ ਵਿਸ਼ੇਸ਼ ਸਨਮਾਨ
ਰਿਜੋਇਮੀਲੀਆ(ਬਿਊਰੋ)ਇਮੀਲੀਆ ਰੋਮਾਨਾ ਸੂਬੇ ਦੇ ਕਸਬਾ ਲੁਸਾਰਾ (ਰਿਜੋਮਿਲੀਆ)ਵਿਖੇ ਵਾਪਰੇ ਇੱਕ ਹਾਦਸੇ ਦੌਰਾਨ ਗੁਰਸਿੱਖ ਨੌਜਵਾਨ ਹਸਰਤ ਸਿੰਘ ਵੱਲੋਂ 56 ਸਾਲਾਂ ਦੇ ਇਟਾਲੀਅਨ ਵਿਅਕਤੀ ਦੀ ਜਾਨ ਬਚਾਉਣ ਦਾ ਬਹਾਦਰੀ ਭਰਿਆ ਕਾਰਨਾਮਾ ਦੇਖਣ ਵਿੱਚ ਆਇਆ ਹੈ । ਸਿੱਖ ਨੌਜਵਾਨ ਨੇ ਸਿੱਖੀ ਦੀਆਂ ਰਵਾਇਤਾਂ ਨੂੰ ਕਾਇਮ ਰੱਖਦਿਆਂ ਹੋਇਆਂ ਅਤੇ ਇਨਸਾਨੀਅਤ ਦਾ ਫਰਜ਼ ਨਿਭਾਉਂਦਿਆਂ ਹੋਇਆ ਸਿੱਖ ਸਮਾਜ ਦਾ ਸਿਰ ਮਾਣ ਨਾਲ ਉੱਚਾ ਕੀਤਾ ਹੈ। ਹੋਇਆ ਇੰਝ ਕਿ ਜਦੋਂ ਇਹ ਨੌਜਵਾਨ ਆਪਣੀ ਕਾਰ 'ਤੇ ਕੰਮ ਤੋਂ ਦੁਪਹਿਰ ਦੀ ਰੋਟੀ ਖਾਣ ਲਈ ਘਰ ਜਾ ਰਿਹਾ ਸੀ ਤਾਂ ਸੁਜਾਰਾ ਦੇ ਨਾਲ ਲੱਗਦੇ ਇੰਡਸਟਰੀਅਲ ਏਰੀਏ ਦੇ ਨਜ਼ਦੀਕ ਇਸ ਨੂੰ ਸੜਕ ਦੇ ਨਾਲ ਲੱਗਦੇ ਨਾਲੇ ਵਿੱਚ ਕੋਈ ਚੀਜ਼ ਨਜ਼ਰ ਆਈ ਜੋ ਕਿ ਦੂਰੋਂ ਘਾਹ ਕੱਟਣ ਵਾਲੀ ਮਸ਼ੀਨ ਦਾ ਭੁਲੇਖਾ ਪਾ ਰਹੀ ਸੀ। ਪਰ ਨਜ਼ਦੀਕ ਜਾਣ ਤੇ ਇਸ ਨੌਜਵਾਨ ਨੇ ਵੇਖਿਆ ਕਿ ਉਹ ਇੱਕ ਮੋਪਡ(ਸਕੂਟਰੀ) ਸੀ ਅਤੇ ਇੱਕ 56 ਸਾਲਾਂ ਇਟਾਲੀਅਨ ਵਿਅਕਤੀ ਖਾਲੇ(ਨਾਲੇ) ਵਿੱਚ ਬੇਹੋਸ਼ੀ ਦੀ ਹਾਲਤ ਵਿੱਚ ਪਿਆ ਸੀ ਕਿਉਂਕਿ ਨਾਲੇ ਵਿੱਚ ਪਾਣੀ ਅਤੇ ਚਿੱਕੜ ਸੀ। ਇਸ ਕਰਕੇ ਉਹ ਵਿਅਕਤੀ ਵਿੱਚ ਹੀ ਫਸਿਆ ਹੋਇਆ ਸੀ 'ਤੇ ਉਸ ਦਾ ਮੂੰਹ ਪਾਣੀ ਵਿੱਚ ਹੋਣ ਕਾਰਨ ਪਾਣੀ ਵਿੱਚੋਂ ਬੁਲਬਲੇ ਨਿਕਲ ਰਹੇ ਸਨ। ਇਸ ਸਿੱਖ ਨੌਜਵਾਨ ਨੇ ਕਿਸੇ ਵੀ ਤਰ੍ਹਾਂ ਦੀ ਦੇਰੀ ਕੀਤੇ ਤੋਂ ਬਿਨਾਂ ਆਪਣੀ ਜਾਨ ਦੀ ਪਰਵਾਹ ਨਾ ਕਰਦਿਆਂ ਹੋਇਆ ਚਿੱਕੜ ਵਾਲੇ ਪਾਣੀ ਵਿੱਚ ਛਾਲ ਮਾਰ ਦਿੱਤੀ ਅਤੇ ਉਸ ਵਿਅਕਤੀ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕਰਨ ਲੱਗਾ। ਜਦੋਂ ਉਸ ਨੇ ਵੇਖਿਆ ਕਿ ਚਿੱਕੜ ਵਿੱਚ ਉਹ ਆਦਮੀ ਪੂਰੀ ਤਰ੍ਹਾਂ ਫਸ ਚੁੱਕਾ ਹੈ ਤਾਂ ਉਸ ਨੇ ਮਦਦ ਲਈ ਹੋਰ ਲੋਕਾਂ ਨੂੰ ਵੀ ਗੁਹਾਰ ਲਗਾਈ ਤਾਂ ਇੱਕ ਹੋਰ ਆਦਮੀ ਜੋ ਕਿ ਪਿੱਛੋਂ ਆ ਰਿਹਾ ਸੀ। ਉਸਨੇ ਇਸ ਨੌਜਵਾਨ ਦੀ ਮਦਦ ਕੀਤੀ ਅਤੇ ਉਸ ਇਟਾਲੀਅਨ ਵਿਅਕਤੀ ਨੂੰ ਉਸ ਚਿੱਕੜ ਅਤੇ ਪਾਣੀ ਨਾਲ ਭਰੀ ਦਲਦਲ ਵਿੱਚੋਂ ਬਾਹਰ ਕੱਢ ਲਿਆ। ਉਪਰੰਤ ਇਸ ਨੌਜਵਾਨ ਨੇ 118 'ਤੇ ਕਾਲ ਕਰਕੇ ਡਾਕਟਰੀ ਸਹਾਇਤਾ ਲਈ ਮਦਦ ਮੰਗੀ ਅਤੇ ਉਸ ਵਿਅਕਤੀ ਨੂੰ ਹੈਲੀ ਐਂਬੂਲੈਂਸ ਰਾਹੀਂ ਪਾਰਮਾ ਦੇ ਹਸਪਤਾਲ ਪਹੁੰਚਾਇਆ ਗਿਆ। ਜਿੱਥੇ ਕਿ ਉਸਦੀ ਸਿਹਤ ਠੀਕ ਦੱਸੀ ਜਾ ਰਹੀ ਹੈ। ਡਾਕਟਰੀ ਸਹਾਇਤਾ ਤੋਂ ਇਲਾਵਾ ਉੱਥੇ ਮੌਕੇ ਤੇ ਰੇਜੋ ਇਮੀਲੀਆ ਜ਼ਿਲ੍ਹੇ ਦੀ ਕਾਰਾਬਿਨੇਰੀ ਪੁਲਿਸ ਵੀ ਪਹੁੰਚੀ।ਗੁਰਦੁਆਰਾ ਸਿੰਘ ਸਭਾ ਨੋਵੇਲਾਰਾ ਦੇ ਮੁੱਖ ਸੇਵਾਦਾਰ ਭਾਈ ਚਰਨਜੀਤ ਸਿੰਘ ਨੇ ਪ੍ਰੈੱਸ ਨਾਲ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਇਸ ਸਿੱਖ ਨੌਜਵਾਨ ਹਸਰਤ ਸਿੰਘ ਨੇ ਇਨਸਾਨੀਅਤ ਨਾਤੇ ਜੋ ਕਾਰਜ ਕੀਤਾ ਹੈ। ਉਸ ਨੇ ਸਿੱਖ ਭਾਈਚਾਰੇ ਦਾ ਮਾਣ ਵਧਾਇਆ ਹੈ। ਇਸ ਲਈ ਬੀਤੇ ਦਿਨੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਉਸ ਨੌਜਵਾਨ ਨੂੰ ਗੁਰਦੁਆਰਾ ਸਾਹਿਬ ਵਿਖੇ ਬੁਲਾ ਕੇ ਸਨਮਾਨ ਚਿੰਨ ਦੇ ਕੇ ਸਨਮਾਨਿਤ ਕੀਤਾ ਗਿਆ ਤਾਂ ਕਿ ਅੱਗੇ ਤੋਂ ਵੀ ਅਜਿਹੇ ਚੰਗੇ ਕੰਮਾਂ ਲਈ ਉਹ ਅਤੇ ਉਸ ਵਰਗੇ ਹੋਣ ਨੌਜਵਾਨ ਵੀ ਪ੍ਰੇਰਿਤ ਹੋ ਸਕਣ। ਇਲਾਕੇ ਵਿੱਚ ਚੁਫੇਰਿਓ ਇਸ ਗੱਲ ਦੀ ਚਰਚਾ ਹੋ ਰਹੀ ਹੈ ਅਤੇ ਇਸ ਨੌਜਵਾਨ ਦੀ ਸਾਰੇ ਪ੍ਰਸੰਸਾ ਕਰ ਰਹੇ ਹਨ।

01/11/2024

ਇਟਲੀ ਦੇ ਪ੍ਰਸਿੱਧ ਸ਼੍ਰੀ ਹਰੀ ਓਮ ਮੰਦਿਰ ਵਿਖੇ ਧੂਮਧਾਮ ਨਾਲ ਮਨਾਇਆ ਗਿਆ ਦੀਵਾਲੀ ਦਾ ਤਿਉਹਾਰ
ਰੋਮ(ਬਿਊਰੋ )ਇਟਲੀ ਦੇ ਜ਼ਿਲ੍ਹਾ ਮਾਨਤੋਵਾ ਦੇ ਪ੍ਰਸਿੱਧ ਸ਼੍ਰੀ ਹਰੀ ਓਮ ਮੰਦਿਰ ਪੈਗੋਨਾਗਾ ਵਿਖੇ ਸਮੂਹ ਸੰਗਤਾਂ ਦੇ ਸਹਿਯੋਗ ਨਾਲ ਦੀਵਾਲੀ ਦਾ ਤਿਉਹਾਰ ਧੂਮਧਾਮ ਨਾਲ ਮਨਾਇਆ ਗਿਆ,ਇਸ ਸੰਬੰਧੀ ਮੰਦਿਰ ਦੇ ਪੁਜਾਰੀ ਪੁਨੀਤ ਸ਼ਰਮਾ ਵਲੋਂ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ (ਦੀਵਾਲੀ ਦਾ ਮਹੱਤਵ) ਇਸ ਵਿਸ਼ੇਸ਼ ਮੌਕੇ 'ਤੇ ਧਨ ਅਤੇ ਸੁਖ-ਸਮਰਧੀ ਵਿੱਚ ਵਾਧਾ ਕਰਨ ਲਈ ਮਾਂ ਲਕਸ਼ੀ ਅਤੇ ਭਗਵਾਨ ਗਣੇਸ਼ ਦੀ ਪੂਜਾ-ਅਰਚਨਾ ਦੀ ਜਾਦੀ ਹੈ। ਦੀਵਾਲੀ ਕੇ ਤਿਓਹਾਰ ਨੂੰ ਭਗਵਾਨ ਸ਼੍ਰੀਰਾਮ, ਮਾਤਾ ਸੀਤਾ ਜੀ ਅਤੇ ਲਕਸ਼ਮਣ ਜੀ ਦੇ 14 ਸਾਲ ਦੇ ਬਣਵਾਸ ਦੇ ਬਾਅਦ ਅਯੋਧਿਆ ਵਾਪਸ ਆਉਣ ਦੀ ਖੁਸ਼ੀ ਮਨਾਈ ਜਾਂਦੀ ਹੈ। ਪ੍ਰਭੂ ਦੇ ਆਗਮਨ 'ਤੇ ਅਯੋਧਿਆ ਨਗਰੀ ਦੀ ਸੁੰਦਰ ਵਿਧੀ ਨਾਲ ਸਜਾਆ ਗਿਆ ਅਤੇ ਨਗਰਵਾਸੀਆਂ ਨੇ ਦੀਪ ਜਲਾ ਕੇ ਸ਼ਾਨਦਾਰ ਸਵਾਗਤ ਕੀਤਾ। ਇਸੇ ਖੁਸ਼ੀ ਵਿੱਚ ਹਰ ਸਾਲ ਕਾਰਤਿਕ ਮਹੀਨਿਆਂ ਵਿੱਚ ਆਉਣ ਵਾਲੀ ਅਮਾਵਸਿਆ ਤੀਥੀ ਨੁੰ ਦੀਵਾਲੀ ਧੂਮਧਾਮ ਦੇ ਨਾਲ ਮਨਾਈ ਜਾਦੀ ਹੈ।ਮੰਦਰ ਦੇ ਪ੍ਰਧਾਨ ਹਰਮੇਸ਼ ਲਾਲ ਵੱਲੋਂ ਸਾਰੀਆਂ ਸੰਗਤਾਂ ਨੂੰ ਦਿਵਾਲੀ ਦੀਆਂ ਮੁਬਾਰਕਬਾਦ ਦਿੱਤੀਆਂ ਗਈਆਂ ਉਥੇ ਹੀ ਮਾਨਤੋਵਾ ਦੇ ਸਹਿਰ ਪੈਗੋਨਾਗਾ ਦੇ ਸ੍ਰੀ ਹਰੀ ਉਮ ਮੰਦਰ ਵਿਖੇ ਭਾਰੀ ਰੋਣਕਾ ਲੱਗੀਆ ਜਿੱਥੇ ਵੱਡੀ ਗਿਣਤੀ ਵਿੱਚ ਲੋਕਾ ਨੇ ਇਸ ਤਿਉਹਾਰ ਨੂੰ ਮਨਾਉਣ ਲਈ ਸ਼ਾਮਿਲ ਹੋਏ ਮੰਦਿਰ ਵਿੱਚ ਲਕਸ਼ਮੀ ਮਾਤਾ ਜੀ ਪੁਜਾ ਵੀ ਕੀਤੀ ਗਈ ਅਤੇ ਬੱਚਿਆਂ ਵੱਲੋਂ ਪਟਾਕੇ ਵੀ ਚਲਾਏ ਗਏ।

01/11/2024

ਉੱਘੇ ਲੇਖਕ ਤੇ ਗੀਤਕਾਰ ਬਲਵਿੰਦਰ ਭੌਰਾ ਯੂ ਐਸ ਏ ਦਾ ਇਟਲੀ ਦੀ ਧਰਤੀ ਉਪੱਰ ਹੋਇਆ ਵਿਸ਼ੇਸ਼ ਸਨਮਾਨ
ਰੋਮ ( ਬਿਊਰੋ) ਕੈਂਠੇਵਾਲਿਆ ਗੱਭਰੂਆਂ,ਲੜਦੀ ਜੇ ਅੱਖ ਸੁਰਿੰਦਰ ਛਿੰਦਾ ਸੁਦੇਸ਼ ਕੁਮਾਰੀ ਗ੍ਰੀਨ ਕਾਰਡ ਲੈ ਲੈਣ ਦੇ ਅਮਰ ਅਰਸ਼ੀ ਨਰਿੰਦਰ ਜੋਤ ,ਪਹਿਲਾਂ ਗੂਠਾ ਪ੍ਰਨੋਟ ਉੱਤੇ ਲਾ ਦੇ ਸੁਖਦੇਵ ਸਾਹਿਲ ,ਆਹ ਲੈ ਫੜ ਲੈ ਗੱਡੀ ਦੀ ਚਾਬੀ ਬਲਜੀਤ ਮਾਲਵਾ ਅਤੇ ਮਿਸ ਪੂਜਾ ਦੀ ਅਵਾਜ ਵਿਚ ਸੁਪਰਹਿੱਟ ਧਾਰਮਿਕ ਗੀਤ ਸਾਰੇ ਕਰ ਲਓ ਏਕਾ ਬੇਗਮਪੁਰਾ ਵਸਾਓਣਾ ਆ ਦੇ ਗੀਤਕਾਰ ਤੇ ਲੇਖਕ ਬਲਵਿੰਦਰ ਭੌਰਾ ਯੂ ਐਸ ਏ ਦਾ ਇਟਲੀ ਦੇ ਜਿਲ੍ਹਾ ਬੈਰਗਾਮੋ ਵਿਖੇ ਇਲਾਕੇ ਦੀਆਂ ਸੰਗਤਾਂ ਅਤੇ ਗੁਰਦੁਆਰਾ ਸਾਹਿਬ ਸ਼੍ਰੀ ਗੁਰੂ ਰਵਿਦਾਸ ਦਰਬਾਰ ਚੀਵੀਦੀਨੋ ਵਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਵਰਨਣਯੋਗ ਹੈ ਕਿ ਸ਼ੀ ਬਲਵਿੰਦਰ ਭੌਰਾ ਇਹਨੀਂ ਦਿਨੀਂ ਆਪਣੇ ਛੋਟੇ ਭਰਾ ਪੱਤਰਕਾਰ ਬਲਜੀਤ ਭੌਰਾ ਦੇ ਗ੍ਰਹਿ ਵਿਖੇ ਆਏ ਹੋਏ ਹਨ ਤੇ ਯੂਰਪ ਦੀਆਂ ਨਾਮੀ ਸ਼ਖਸੀਅਤਾਂ ਵੱਲੋਂ ਉਹਨਾਂ ਦਾ ਨਿੱਘਾ ਸਵਾਗਤ ਕੀਤਾ ਗਿਆ।ਇਟਾਲੀਅਨ ਇੰਡੀਅਨ ਪ੍ਰੈੱਸ ਕਲੱਬ ਨਾਲ ਬਲਵਿੰਦਰ ਭੌਰਾ ਨੇ ਆਪਣੇ ਵਿਚਾਰ ਸਾਂਝੈ ਕਰਦਿਆਂ ਕਿ ਇਟਲੀ ਇਤਿਹਾਸਕ ਦੇਸ਼ ਹੋਣ ਦੇ ਨਾਲ ਖ਼ੂਬਸੂਰਤੀ ਨਾਲ ਵੀ ਮਾਲੋ ਮਾਲ ਜਿੱਥੇ ਪੰਜਾਬੀਆਂ ਨੇ ਆਪਣੀ ਕਾਬਲੀਅਤ ਨੂੰ ਸਾਬਤ ਕਰਦਿਆਂ ਪੰਜਾਬੀਅਤ ਤੇ ਪੰਜਾਬੀ ਮਾਂ ਬੋਲੀ ਨੂੰ ਸਥਾਪਿਤ ਕਰਨ ਲਈ ਜੋ ਕਾਰਜ ਕੀਤੇ ਉਹ ਕਾਬਲੇ ਤਾਰੀਫ਼ ਹਨ ਉਮੀਦ ਹੈ ਕਿ ਪੰਜਾਬੀ ਮਾਂ ਬੋਲੀ ਨੂੰ ਇਟਲੀ ਵਿੱਚ ਪ੍ਰਫੁੱਲਿਤ ਕਰਨ ਵਾਲੇ ਸਾਥੀਆਂ ਦਾ ਇਹ ਕਾਫ਼ਲਾ ਭਵਿੱਖ ਵਿੱਚ ਵੱਡੀਆਂ ਮੱਲਾਂ ਮਾਰੇਗਾ।ਭੌਰਾ ਨੇ ਸਤਿਗੁਰੂ ਰਵਿਦਾਸ ਮਹਾਰਾਜ ਜੀਓ ਦੇ ਮਿਸ਼ਨ ਨੂੰ ਮਹਿਕਾ ਰਹੇ ਗੁਰਦੁਆਰਾ ਸਾਹਿਬ ਸ਼੍ਰੀ ਗੁਰੂ ਰਵਿਦਾਸ ਦਰਬਾਰ ਚੀਵੀਦੀਨੋ (ਬੈਰਗਾਮੋ)ਦੀ ਪ੍ਰਬੰਧਕ ਕਮੇਟੀ ਦਾ ਵੀ ਤਹਿ ਦਿਲੋਂ ਧੰਨਵਾਦ ਕੀਤਾ ਜਿਹਨਾਂ ਕਿ ਬਲਵਿੰਦਰ ਭੌਰਾ ਦਾ ਇਟਲੀ ਆਉਣ ਤੇ ਵਿਸ਼ੇਸ਼ ਸਨਮਾਨ ਕੀਤਾ।

28/10/2024

ਯੋਗ ਤੇ ਕਾਬਲ ਸਿੱਖ ਆਗੂ ਧਾਮੀ ਦੇ ਐਸ ਜੀ ਪੀ ਸੀ ਦੇ ਚੌਥੀ ਵਾਰ ਪ੍ਰਧਾਨ ਬਣਨ ਦੀ ਇਤਿਹਾਸਕ ਕਾਰਵਾਈ ਸਿੱਖ ਕੌਮ ਦੀ ਚੜ੍ਹਦੀ ਕਲਾ ਦੀ ਨਿਸ਼ਾਨੀ:-ਜਗਵੰਤ ਸਿੰਘ ਲਹਿਰਾ
ਰੋਮ(ਬਿਊਰੋ )ਮਹਾਨ ਸਿੱਖ ਧਰਮ ਦੇ ਇਤਿਹਾਸਕ ਗੁਰਦੁਆਰਾ ਸਾਹਿਬ ਦੀ ਸਾਂਭ ਸੰਭਾਲ ਲਈ ਸੰਨ 1920 ਤੋਂ ਹੋਂਦ ਵਿੱਚ ਆਈ ਸਿੱਖ ਸਮਾਜ ਦੀ ਸਿਰਮੌਰ ਧਾਰਮਿਕ ਸੰਸਥਾ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧ ਕਮੇਟੀ ਸ਼੍ਰੀ ਅੰਮ੍ਰਿਤਸਰ ਸਾਹਿਬ ਜਿਸ ਦੇ ਪ੍ਰਬੰਧਕੀ ਢਾਚੇ ਦੇ ਪ੍ਰਧਾਨ ਦੀ ਚੌਣ ਸਿੱਖ ਸੰਗਤ ਵੱਲੋਂ ਸਲਾਂਘਾਯੋਗ ਕਾਰਵਾਈ ਨਾਲ ਕੀਤੀ ਗਈ ਜਿਸ ਵਿੱਚ ਸਿੱਖ ਸੰਗਤਾਂ ਚੌਥੀ ਵਾਰ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧ ਕਮੇਟੀ ਦਾ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਨੂੰ ਪ੍ਰਧਾਨ ਥਾਪਕੇ ਕੌਮ ਦੀ ਚੜ੍ਹਦੀ ਕਲਾ ਦਾ ਸਬੂਤ ਦਿੱਤਾ ਹੈ।ਸ:ਧਾਮੀ ਨੇ 107 ਵੋਟਾਂ ਨਾਲ ਵਿਰੋਧੀ ਧਿਰ ਦੀ ਬੀਬੀ ਜਗੀਰ ਕੌਰ ਤੋਂ ਜਿੱਤ ਪ੍ਰਾਪਤ ਕੀਤੀ ਹੈ ਜਿਸ ਨਾਲ ਦੁਨੀਆਂ ਭਰ ਵਿੱਚ ਰਹਿਣ ਬਸੇਰਾ ਕਰਦਾ ਸਿੱਖ ਭਾਈਚਾਰਾਂ ਖੁਸ਼ੀ ਵਿੱਚ ਖੀਵੇ ਹੋਇਆ ਨਜ਼ਰੀ ਆ ਰਿਹਾ ਹੈ।ਇਟਾਲੀਅਨ ਇੰਡੀਅਨ ਪ੍ਰੈੱਸ ਕਲੱਬ ਨਾਲ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਦੇ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧ ਕਮੇਟੀ ਸ਼੍ਰੀ ਅੰਮ੍ਰਿਤਸਰ ਸਾਹਿਬ ਦੇ ਚੌਥੀ ਵਾਰ ਪ੍ਰਧਾਨ ਬਣਨ ਦੀ ਇਤਿਹਾਸਕ ਕਾਰਵਾਈ ਉਪੱਰ ਖੁਸ਼ੀ ਜ਼ਾਹਿਰ ਕਰਦਿਆਂ ਸ਼੍ਰੋਮਣੀ ਅਕਾਲੀ ਦਲ ਐਨ,ਆਰ,ਆਈ ਵਿੰਗ ਇਟਲੀ ਦੇ ਪ੍ਰਧਾਨ ਜਸਵੰਤ ਸਿੰਘ ਲਹਿਰਾ,ਸਰਪ੍ਰਸਤ ਅਵਤਾਰ ਸਿੰਘ ਖਾਲਸਾ,ਸਕੱਤਰ ਜਨਰਲ ਲਖਵਿੰਦਰ ਸਿੰਘ ਡੋਗਰਾਂਵਾਲ,ਸੀਨੀਅਰ ਮੀਤ ਪ੍ਰਧਾਨ ਗੁਰਚਰਨ ਸਿੰਘ ਭੂੰਗਰਨੀ,ਜਨਰਲ ਸਕੱਤਰ ਹਰਦੀਪ ਸਿੰਘ ਬੋਦਲ,ਜਨਰਲ ਸਕੱਤਰ ਜਗਜੀਤ ਸਿੰਘ ਈਸਰਹੇਲ,ਜਸਵਿੰਦਰ ਸਿੰਘ ਭਗਤੂਮਾਜਰਾ ਤੇ ਯੂਥ ਵਿੰਗ ਇਟਲੀ ਪ੍ਰਧਾਨ ਸੁਖਜਿੰਦਰ ਸਿੰਘ ਕਾਲਰੂ ਆਦਿ ਆਗੂਆਂ ਨੇ ਸਾਂਝੈ ਤੌਰ ਕਿਹਾ ਇਹ ਜਿੱਤ ਸਿੱਖ ਕੌਮ ਦੀ ਚੜ੍ਹਦੀ ਕਲਾ ਦੀ ਜਿੱਤ ਹੈ ਜਿਸ ਨੇ ਇੱਕ ਵਾਰ ਫਿਰ ਪ੍ਰਤੱਖ ਕਰ ਦਿੱਤਾ ਹੈ ਧਾਮੀ ਸਾਹਿਬ ਹੀ ਸਿੱਖ ਕੌਮ ਦੀ ਸਿਰਮੌਰ ਧਾਰਮਿਕ ਸੰਸਥਾ ਐਸ ਜੀ ਪੀ ਸੀ ਦੇ ਯੋਗ ਤੇ ਕਾਬਲ ਲੀਡਰ ਹਨ ਜਿਹੜੇ ਲਗਾਤਾਰ ਸੰਨ 2021 ਤੋਂ ਸਿੱਖ ਕੌਮ ਦੀ ਨੁਮਾਇੰਦੀ ਕਰ ਪੰਥ ਦੀ ਨਿਸ਼ਕਾਮ ਸੇਵਾ ਕਰ ਰਹੇ ਹਨ।