Kolgrímur forlag

07/11/2024

rok tré fallast
í faðma

25/10/2024

einhver hlaut að hafa rægt skuggann

(í tilefni kafkaárs)

09/10/2024

hrafn hámar í sig myrkur

14/09/2024

umferðaljósin lesa fyrir mig ljóð á meðan ég bið,
mátulega long ljóð sem þau hafa valið fyrir þessar
sérstöku atðstæður. stundum þurfa þau að flýta
sér þegar kviknar á gula ljósinu. þá verð ég að ein
beita mér til að ná hverju orði. það gerist sjaldan
að þau nái ekki að klára, en þegar það gerist er ég
alveg ómögulegur.

03/09/2024

skáldið og þýðandinn!

28/08/2024

óttast að það sem ég hef að
gefa honum sé ekki nóg

ekkert á við það sem hann
missir

ef hann elskar mig á móti

15/08/2024

fluga festir fót í hrukku
á sofandi enni þínu ég

reyni að losa hana
án þess að vekja þig

19/06/2024

olíublettir á balletskónum
hann æfir sig í kaffipásum
á bílaverkstæðinu

hann yfirgaf dansflokkinn

þótti hann orðinn einum of
róttækur

handa k ó

17/06/2024

í skáldsögu á blaðsíðu 86 hringir sími. íbúðin í skáldsögunni er mannlaus. enginn heyrir hringinguna nema ég sem er að lesa skáld söguna og er of huglaus til að svara. ég held lestrinum áfram en get ekki einbeitt mér, hringingin bergmálar í hausnum á mér. ég fletti til baka á blaðsíðu 86. íbúðin er enn mannlaus. síminn hringir enn ...

23/05/2024

skjótt skjótt sagði
skugginn

22/05/2024

hér eru engir merkilegir
skuggar

22/05/2024

09/05/2024

UPPTÖKUHEIMILIÐ

alla leiðina á upptökuheimilið
og það var löng leið hossandi
í rútu á holóttum vegum trúði
hann því að hann væri að fara
að leika í kvikmynd

07/05/2024

þeir eiga engla alheimsins hér

útum gluggann horfi ég
á svani sofa

hve fallega þá dreymir

05/04/2024

SYNDUR SYNDARI
SYNDASTUR

02/04/2024

SKÓFÖR Í SKÝJUM

hann klífur hæsta fjallið
þaðan sér

hann skóför í skýjunum
leitar einhvers

sem hann þekkir