Skriða

23/12/2024

17/12/2024

Vísa stendur vaktina í Skriðu til jóla.
Skriðu-bækur, ýmiskonar myndverk, prent, dúkristur, handgerðar skissubækur, rifblokkir, kort, merkimiðar og harðfiskur.

Jólaopnun í Skriðu er eftirfarandi:

Þriðjudaginn 17. des. til föstudagsins 20. des. frá kl. 16-19.

Laugardaginn 21. des. og sunnudag 22. des. frá kl. 13-16.

Mánudaginn 23. des. Þorláksmessuopnun frá kl. 17-22. Heitt kakó, kökur og huggulegheit.

Öll velkomin!

10/12/2024

Okkar maður Þórður Sævar í jóladagatali Borgarbókasafnsins!

heimkynni fæst hjá Skriðu en einnig í Skáldu bókabúð, hjá Forlaginu, í Eymundsson á Skólavörðustíg og Eymundsson í Austurstræti.

06/12/2024

Hin fullkomna jólagjöf ljóðaunnandans!

Pakki með tveimur nýjum ljóðabókum: heimkynni eftir Þórð Sævar Jónsson og Svefnhof eftir Svövu Þorsteinsdóttur. Prentaðar og handsaumaðar á prentverkstæði Skriðu.

Fáanlegar beint frá Skriðu, í Skálda bókabúð, Forlaginu, Eymundsson á Skólavörðustíg og Eymundsson í Austurstræti.

www.skridabokautgafa.is

22/10/2024

Rætt var við Svövu og Þórð Sævar í Víðsjá í gær um nýju ljóðabækurnar þeirra sem komu út hjá Skriðu nú í haust. Endilega leggið við hlustir.

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.Umsjón: Halla Harðardóttir og Melkorka Ólafsdóttir.

25/09/2024

Skriða minnir á:
Útgáfuhóf í Skriðu: heimkynni + Svefnhof á prentverkstæðinu við Eyrargötu á Patreksfirði fimmtudaginn 26. sept. kl. 20.
Höfundarnir lesa upp og boðið verður upp á léttar veitingar. Öll velkomin!

23/09/2024

♻️ Endurnýting á pappír í Skriðu.
Skissubækur fyrir nýju höfundana úr afskurði sem hefur fallið til á prentverkstæðinu. Svava fékk bók þar sem kápan er prufuprent af myndverki eftir hana sjálfa en kápan á bók Þórðar Sævars er prufuprent frá verkstæðinu af skrítnum fisk sem heitir Vogmær. Vonandi nýtast bækurnar þeim í ritun nýrra ljóða og hugleiðinga.
Skriða minnir svo á Útgáfuhóf í Skriðu: heimkynni + Svefnhof á fimmtudaginn kemur kl. 20

19/09/2024

Frá útgáfuhófi 1/2, sem haldið var í Mengi í Reykjavík, vegna útkomu bókanna heimkynni eftir Þórð Sævar Jónsson og Svefnhof eftir Svövu Þorsteinsdóttur. Hjartans þakkir öll sem lituð við!
Næst skal haldið á heimaslóðir Skriðu fyrir vestan en útgáfuhóf 2/2 fer fram á prentverkstæði Skriðu á Patreksfirði fimmtudaginn 26. september kl. 20.

05/09/2024

HEIMKYNNI eftir ÞÓRÐ SÆVAR JÓNSSON.

Þórður er fæddur árið 1989 og er menntaður í forngrísku og ritlist. Hann hefur íslenskað s*x skáldverk eftir Richard Brautigan og eina lygasögu eftir Lúkíanos frá Samósata. heimkynni er fjórða ljóðabók hans.

Nú er hægt að forpanta eintak með því að senda tölvupóst á [email protected]

Útgáfuhóf verða haldin á tveimur stöðum:
í Mengi, Óðinsgötu 2 í Reykjavík, kl. 20 þriðjudaginn 10. september og
á prentverkstæði Skriðu á Patreksfirði kl. 20 fimmtudaginn 26. september.

Þau eintök sem ekki verða sótt í útgáfuhóf verða send með pósti dagana á eftir.

05/09/2024

SVEFNHOF eftir SVÖVU ÞORSTEINSDÓTTUR.

Svava er fædd árið 2001 og er sjálfstætt starfandi hönnuður og skáld. Ljóð hafa iðulega lagt grunn að sköpun hennar en Svefnhof er hennar fyrsta ljóðabók.

Nú er hægt að forpanta eintak með því að senda tölvupóst á [email protected]

Útgáfuhóf verða haldin á tveimur stöðum:
í Mengi, Óðinsgötu 2 í Reykjavík, kl. 20 þriðjudaginn 10. september
á prentverkstæði Skriðu á Patreksfirði kl. 20 fimmtudaginn 26. september

Þau eintök sem ekki verða sótt í útgáfuhóf verða send með pósti dagana á eftir.

04/09/2024

Síðustu vikur hafa tvær nýjar ljóðabækur fengið fast form á prentverkstæði Skriðu.

Skriða leggur áherslu á að lágmarka áhrif sín á umhverfið og því eru bækurnar prentaðar á umhverfisvænan pappír á Riso-prentvél sem er bæði spör á rafmagn og notar eiturefnalaust blek. Allur afgangspappír, afskurður og prufuprentanir er endurnýtt í önnur verkefni og bækurnar eru prentaðar eftir eftirspurn til þess að sporna við offramleiðslu og sóun.

Útgáfu bókanna heimkynni eftir Þórð Sævar Jónsson og Svefnhof eftir Svövu Þorsteinsdóttur verður fagnað í Mengi, Óðinsgötu 2 í Reykjavík þann 10. september kl. 20 og á prentverkstæði Skriðu á Patreksfirði þann 26. september kl. 20.