06/10/2023
Heil og sæl kæru vinir
Við höfum ekki verið dugleg að koma með fréttir af hljóðverinu en vonandi verður nú bót á.
Það eru stórar og góðar fréttir.
Sumarið 2021 festum við kaup á útihúsunum á Brúum. Síðan þá hefur verið unnið að því að breyta fjósinu í sal til upptöku og menningarstarfs.
Við höfum steypt gólf yfir haughús, brotið innan úr útveggjum, steypt upp í glugga- og hurðagöt sem ekki eiga að vera, bíðum nú eftir nýjum gluggum og hurðum og vinnum í því að einangra og bæta burð í þaki.
Það er enn töluvert í land, en engu að síður eru nú þegar hafnar hljómsveitaræfingar í Fjósinu.
Þetta hefðum við aldrei getað gert nema með hjálp frá góðu fólki.
SSNE kom okkur af stað með styrk úr uppbyggingasjóði SSNE, ráðgjöf og mikilli hvatningu.
Sigursveinn múrari. Það verður allt leikur einn með honum í liði.
Jónas Þór. Alltaf jákvæður, hvetjandi og hjálpsamur.
Pétur Hvað getum við sagt! Allir þurfa að eiga einn Pétur.
Faglausn ehf – þvílíkir fagmenn!
Og síðast en ekki síst Knútur
Knútur, Knútur, Knútur...... endalaus þolinmæði fyrir breytingum á teikningum og útfærslum, símtölum og spurningum frá sérvitrum draumóramanni.
Takk!
