24/06/2024
هذا كلام احد النواب حجينه اكثر من مره وكنالكم لا يوجد وجبة سابعة ولا تصدكون بالصفحات المزيفة
تفضل شوف الكلام
👇🏻👇🏻👇🏻👇🏻👇🏻👇🏻👇🏻👇🏻👇🏻
🔹ابو عمار ليش ما تسوي إعلان بمكتبك لشمول جديد للرعاية الاجتماعية ؟ حالك حال بعض النواب .
🔸أخي، تحب اجاوبك بالصدق لو جواب انتخابي ؟
🔹أكيد الصدق، ماكو أفضل من الصدق .
🔸شوف أخي، عام 2023 انبحث حوالي مليونين و400 الف مواطن، إللي استلم (كي كارد) حوالي 900 الف مواطن، وهذا الرقم كبير جداً ويعادل كل إللي استلموا كي كارد من 2003 لليوم (تقريباً)
🔹 يعني شگد بقوا ما مستلمين (كي كارد) وهم طالع إلهم باحث ؟
🔸مليون و200 الف واحد بقى ما مستلم ومشمول بالقانون، لأن أكو (300 الف) ما شملهم القانون بسبب عمل آخر أو أسباب أخرى.
🔹وليش ما يستلمون المليون و200 الف ال(كي كارد) ؟
🔸 لأن ما موجود إلهم تخصيص مالي بجداول موازنة 2024 .
🔹 أكو أمل بموازنة 2025 راح تضيف الحكومة تخصيص إلهم ؟
🔸اكو هيچ كلام بس هم ما مؤكد، وأتصور يخضع الموضوع للتحالفات الانتخابية (وجهة نظري وأتحملها) وإذا احسنا الظن بالحكومة، فأكيد ما راح تجي تخصيصات تغطي هلگد عدد، لأن حالياً اكو 50 الف معاق مستحق جاي تداعي بيهم وزارة العمل (تداعي وزارة المالية) و ما جاي ينشملون وهم أولى من غيرهم .
🔹 بس على هذا كلامك محد ينتخبك، بعض زملائك من السيدات والسادة النواب، جاي يسوون شمول والشباب لازمة طوابير عليهم، والعالم متأملة خير احسن من كلامك الما يبشر بخير .
🔸 نحسن الظن بزملائنا ويمكن غايبة عنهم هاي المعلومات والتحليل .
🔹 شكراً ابو سند ، لو تحب أبو عمار ؟
🔸 ابو سند أو ابو عمار أو ابو واثق أو أخ مصطفى أو حجي سند (ولو ما تشرفت بحج بيت الله)، كلهن يشتغلن، أهم شي قلل رسميات وي أخوك .
