Mittan Media

30/07/2023

🔺فەرمانبەران و موچەخۆرانی سلێمانی دوا ئینزاریان ئاراستەی حکومەتی عیراق کرد!
🔻وەزارەتی دارایی هەرێم، بە نوسینگەی حەواڵەو دلیڤەری ناودەبەن

19/07/2023

🔴ئەم دۆخە دەتەقێتەوە
🔶مەلا بەختیار، چۆن و چی لەبارەی دۆخی ئێستای کوردستان و یەکێتیەوە دەڵێت؟

09/07/2023

🔸ئەمڕۆ بە چەکەوە هاتونەتە سەرمان،
مەگەر بمانکوژن ئەگەر نا دەستبەرداری زەویەکانمان نابین…

🔻بانگەوازێک بۆ:
دەزگاکانی راگەیاندن…
هاووڵاتیانی کوردستان…
دامەزراوە حکومی و حیزبیەکان…

ئێمە کۆمەڵێک جوتیارین لە گەرمیان، لە ساڵی ١٩٨٧، بە بڕیاری مەجلسی قیادەی سەورەی بەعس، لەچوارچێوەی پرۆسەی جینۆسایدی ئەنفالدا، (بە نهێنی) زەویە کشتوکاڵیەکانمان لە گەڵ هەزاران دۆنم زەوی تردا تەرخان کراوە بۆ دروستکردنی ئۆردوگا، بەڵام زەویەکانی ئێمەی بەرنەکەوتووە.
لە دوای راپەرینیشەوە گرێبەستی کشتوکاڵیمان بۆ نوێ کراوەتەوەو ساڵانەمان لێوەرگیراوەو بە مۆڵەتی فەرمانگەکانی کشتوکاڵ و شارەوانی کارەبمان راکێشاوە، بیرمان لێداوە، قەرزی کشتوکاڵیمان وەرگرتووە.
لە ئێستادا زەویەکانی ئێمە، کە نزیکە ٨٠٠ دۆنمەو لە سەدا سەد کشتوکاڵیەو بەشێکشی هەزاران داری خورماو زەیتون و هەنارو پرتەقاڵ لە خۆ دەگرێ، کەچی لە سەر بنەمای زیندوکردنەوەی بڕیارەکەی بەعس، دراوە بە کۆمپانیایەک بە ناوی (دەشتی بەرلوت) و پرۆژەی (شاری شکۆی) لە سەر دروست دەکات.
کە بەداخەوە بەپێی دانپێدانانی خۆیان بەناوی ئیدارەی گشتی یەکێتیەوە ئیش دەکەن و خۆیان داوەتە پاڵ ناو و ووشەی یەکێتی کە خەڵکی دەڤەرەکە دەیان ساڵ خەباتیان بۆکردووەو قوربانیان بۆداوە.
لە کاتێکدا بە پێی یاساو بڕیاری پەرلەمان و حکومەت، لە هیچ حاڵەتێکدا نابێ زەوی کشتوکاڵی بکرێتە یەکەی نیشتەجێبون.
ئێمە لە ماوەی رابردودا لە دەرگای حکومەت و حیزب و لایەنی تریشمانداو بە هەمو لایەکمان راگەیاند، کە رێگە نادەین زەویەکانمان داگیر بکرێ، چەندین جار بەڵێنی چارەسەرکردنیان پێداین و ئیشی کۆمپانیاکە راگیرا.
بەڵام ئەمڕۆ ٩ی ٧ی ٢٠٢٣ جارێکی تر کۆمپانیاکە شۆفڵ و گەڵابەیان ناردبویە سەر زەویەکانمان بۆ کارکردن، ئێمەی جوتیارانیش رێگریمان کرد.
بەڵام ئەوەی بۆ ئێمە جێگای پرسیار و هەڵوەستەلەسەرکردنە، کۆمپانیاکە شانبەشانی ئامێرەکانیان دوو سەیارە گەنجیشیان ناردبوو، کە بەشێکیان لە ناو ئۆتۆمبێلەکاندا (چەک) یان پێبوو، ئەمەش ئاماژەیەکی مەترسیدارەو بۆنی شەڕو توندوتیژی لێدێت!
ئەم هەنگاوە نابەرپرسیارانە وامان لێدەکات، ئێمەی جوتیاران لێرەوە جارێکی تر جەخت لە سەر ئەوە دەکەینەوە زەویەکانمان ژیان و نانمانە، مەگەر خۆمان و ماڵومنداڵمان کۆمەڵکوژ بکەن، ئەو کات بتوانن کاری لە سەر بکەن.
بۆیە لێرەوە رایدەگەیەنین بەرپرسانی حکومی و حیزبی ناوچەکەو کۆمپانیاکە، لە روی یاسایی و کۆمەڵاتیەوە بەرپرسیارن لە هەر روداوێکی نەخوازراو و هەر ئاژاوەو زیانێک کە بەر ماڵ و گیانمان بکەوێت.
لێرەوە تکا دەکەین لە کەلی شەیتان بێنە خوارەوەو ، هەست بە بەرپرسیارێتی بکەن، ئاسودەیی و خۆشگوزەرانی خۆتان و ئێمەش مەکەنە قوربانی پارەو سامانێک کە هیچ فەرقی نییە لە گەڵ تاڵانیدا، وە ئەو شەڕەی هێناوتانەتە بەردەم دەرگامان لێمانی دور بخەنەوە.
وە داوا لە هاووڵاتیان دەکەین هیچ کەسێک ریسک بە پارەی خۆیەوە نەکات و یەکەی نیشتەجێبون لەو پرۆژەیە نەکڕێت.

نوێنەرایەتی جوتیاران
گەرمیان
٩/٧/٢٠٢٣

08/07/2023

🔻دوو کوڕە لەندەنیەکەی مام جەلال چیان لەیەکێتی کرد!
🔸 یەکێتی نوێ نەمێژووی ماوە نە شوناس و ناونیشان

یەکێتی بەکۆنگرەی چوار سەری خۆی بڕیی و بەکودەتاکەی ٨ی تەمموزیش، بەتەواوی خۆی کردە جەستەیەکی سارد و سڕ! جەستەیەک کە ئیتر تا رۆژگارەکان تێپەڕن ئەویش ساردتر دەبێتەوە و زۆرتر لەبەریەک هەڵدەوەشێت و شیتەڵ دەبێتەوە، تا دەگاتە ئەو ئاستەی کوردستان دەگەڕێتەوە بۆ سەردەم و قۆناغی تاک حزبی و پێش راگەیاندنی کۆمەڵەی رەنجدەرانی کوردستان.
ئێستا کە یەکێتی نیشتمانی کوردستان، كۆتایی بەژیانی حزبیی و رێكخراوەیی خۆی هێناوە و ئەوەی بەعس و نەیارەکانی نەیانتوانی بەسەریدابهێنن، ئەم کۆمەڵە نەخوێنەوارەی ئێستا ناویان لەخۆیان ناوە مەکتەبی سیاسی و سەرکردایەتی، بەسەر یەکێتیان هێناو لەرۆژگاری ئامادەکاری بۆ کۆنگرەی چوارەوە دەستیانداوەتێ، یەکەم کار کە کردیان بەپارەو سەفەقات، بەدانانی لیست و گۆڕینی ناو و کاندیدانی سەرکردایەتی، لە بەرەبەیانی رۆژانی هەڵبژاردنی ئۆرگانەکان و مەڵبەندەکان و پاشتر دانانی ریکۆردەر لە ژێر کورسی ئەندامانی کۆنگرە، پەیڕەوی ناوخۆ و پرەنسیپە بنەڕەتیەكانی ژیانی حزبایەتی یەکێتیان توڕدا.
تا ئێستا کە یەکێتی لەحزبێكی مۆدێرنی دیموكراتەوە بۆتە حزبێكی بێ‌ شوناس و ناونیشان و خاوەندارێتییەکەشی لەنمایشێکدا کرا بەناوی دوو کوڕە لەندەنییەکەی مام جەلال.
یەکێتی ئێستا نەمێژووی ماوە نە فەرهەنگ. نە شانازییەک بۆ گيڕانەوە نە ئەدەبیاتێک بۆ خوێندنەوە، یەکێتی نوێ تەنیا رۆژ بەڕێ دەکات و پلانی سبەی نیە، چونکە هیچ لەهاوکێشە سیاسیەکان و ئەگەرەکان و روداوەکان تێناگات، تا سیاسەت بکات و پلان دابڕێژێت. یەکێتی ئێستا تاکە فارگۆنی تێکشکاو و بەجێماوی ئەو شەمەندەفەرە دورودرێژەیە، کە لەناوەڕاستی رێگەدا ماوەتەوە، نە دەتوانی بگەڕێتەوە بۆ دواوە نە هێز و داینەمۆیەکیشی هەیە تا بۆ گەیشتن بە وێستگەکانی ئایندە بەردەوام بێ.

03/07/2023

🔻لەکۆبونەوەکەی مەکتەب رێکخستن چی رویدا؟
🔸بەئەزمونەکان و تێکۆشەرە دێرینەکان فریا نەکەون، یەکێتی تەنها لەدەباشان ناوی دەمێنێ!
🔻قوباد تاڵه‌بانی له‌ كۆبونه‌وەکە‌یدا له‌گه‌ڵ به‌رپرس و ئه‌ندامانی مه‌كته‌بی ڕێكخستنی یه‌كێتی به‌ته‌واوی توڕه‌ ده‌بێت و پێیانده‌ڵێت: به‌پێی ئه‌م ڕاپۆرته‌ی مانگی پێنجی (دیراساتی ده‌زگای زانیاری)‌ كه‌ به‌ده‌ستمه‌وه‌یه‌، له‌ ڕاپۆرته‌كه‌دا‌ پشتیان به‌ستووه‌ به‌ داتا و ئامار و ڕاپرسی ژماره‌یه‌ك سه‌نته‌ر و ڕێكخراوی سه‌ر به‌ ده‌زگاكه‌یان، ئه‌وا وه‌زعمان له‌وپه‌ڕی خرایدایه‌ و كۆپییه‌ك له‌و ڕاپۆرته‌کە ده‌خاته‌ به‌رده‌م سه‌ركه‌وت زه‌كی، به‌رپرسی مه‌كته‌بی ڕێكخستن، کە ئه‌مه‌ ناوه‌ڕۆكی ئه‌و ڕاپۆرته‌یه‌ كه‌ له‌ناوه‌ڕاستی مانگی ٥ی ئه‌مساڵ بۆ بافڵ و قوباد تاڵه‌بانی ڕه‌وانه‌ كراوه‌:
وه‌ك ده‌زگای زانیاری بۆیه‌ له‌گه‌ڵ به‌ڕێوه‌چوونی هه‌ڵبژاردن نین ئه‌مساڵ له‌ كوردستان ئه‌نجام بدرێت چونكه‌‌ پێگه‌ و دۆخی ناوخۆیی حزبه‌كه‌مانه‌ و ته‌واوی ده‌نگده‌ر و جه‌ماوه‌ره‌كه‌مان له‌ده‌ست داوه‌ به‌راورد به‌ هه‌ڵبژاردنی ٢٠١٨ له‌ هه‌رێمی كوردستان‌:
🔹له‌ كه‌ركوك به‌ ڕێژه‌ی له‌٪ ٦٣ پێگه‌ی یه‌كێتی كه‌میكردووه‌.
🔹له‌ سلێمانی به‌ ڕێژه‌ی له‌٪ ٦٨.٥ پێگه‌ی یه‌كێتی كه‌میكردووه‌.
🔹له‌ هه‌ولێر به‌ ڕێژه‌ی له‌٪ ٦٥.٦ پێگه‌ی یه‌كێتی كه‌میكردووه‌.
🔹له‌ گه‌رمیان به‌ ڕێژه‌ی له‌٪ ٦٣ پێگه‌ی یه‌كێتی كه‌میكردووه‌
🔹له‌ ڕاپه‌ڕین به‌ ڕێژه‌ی له‌٪ ٥٧ پێگه‌ی یه‌كێتی كه‌میكردووه‌.
🔹له‌ سۆران به ‌ڕێژه‌ی له‌٪ ٦٥ پێگه‌ی یه‌كێتی كه‌میكردووه‌.
🔹له‌ شاره‌زور به ‌ڕێژه‌ی له‌٪ ٦٢ پێگه‌ی یه‌كێتی كه‌میكردووه‌.
🔹له‌ چه‌مچه‌ماڵ به‌ ڕێژه‌ی له‌٪ ٦٥.٨ پێگه‌ی یه‌كێتی كه‌میكردووه‌.
🔹له‌ هه‌ڵه‌بجه‌ به‌ ڕێژه‌ی له‌٪ ٦٢.٦ پێگه‌ی یه‌كێتی كه‌میكردووه‌.
🔻دواتر، سه‌ركه‌وت زه‌كی له‌وه‌ڵامدا ده‌ڵێت: ئه‌وه‌ی به‌سه‌ر یه‌كێتیدا هاتووه‌ ئێمه‌ وه‌ك مه‌كته‌بی ڕێكخستن لێی به‌رپرسنین و گوناحمان نییه‌، لاوازبوونی پێگه‌ی یه‌كێتی په‌یوه‌ندی به‌ سیاسه‌تی حزبه‌كه‌وه‌ هه‌یه‌ و با منیش ڕاستییه‌كی تاڵ بخه‌مه‌ ڕوو.. به‌ڕێز كاك قوباد ئاگاداریت له‌ ٨٨% ته‌واوی کادیران و به‌رپرسه‌ باڵاكانی یەکێتى ته‌نانه‌ت به‌شێك له‌ ئه‌ندامانی مه‌كته‌بی سیاسی و سه‌ركردایه‌تی ڕازی نین له‌ سیاسه‌ت و به‌رنامه‌ی كاری ئێستای یه‌كێتی! ئایه‌ ئه‌وه‌ش خه‌تای ئێمه‌یه‌؟
پێم باشه‌ نه‌كه‌وینه‌ یه‌كتر تومه‌تباركردن، ئێستا كاتی ئه‌وه‌یه‌ بزانین چی بكه‌ین و چۆن باشتری بكه‌ین ئه‌گه‌ر بكرێت:.
🔻قوباد تاڵه‌بانی له‌وه‌ڵامدا ده‌ڵێت: كار له‌كار ترازاوه‌ و یه‌كێتی به‌ ئێمه‌ جوان ناكرێت، بۆیه‌ بێ ئومێد بوومه‌ به‌ڵام باشتره‌ كۆڵ نه‌ده‌ین، ئێستاش‌ به‌یه‌كه‌وه‌ هه‌وڵ ده‌ده‌ین. خۆمان ڕێكده‌خه‌ینه‌وه‌ و گۆڕانکاری دەکەین لە شێوازی کارکردن بە جۆرێک کە لەگەڵ ئەم دۆخەی ئێستادا گونجاو بێت.
ئه‌ندامێكی مه‌كته‌بی ڕێكخستنی یه‌كێتی

10/06/2023

خەڵکی #سلێمانی، وامانلێهات گاڵتەجاڕیمان پێوەبکرێت؟ بوین بە پلەیستەیشن بەدەست ئەم و ئەوەوە بەداخەوە؟!
بەداخەوە بۆ سلێمانی

06/06/2023

🔻سەعات ١٢ی ئەمڕۆ، ئاسایشی پارتی کوڕی شەهیدێکی یەکێتی دەڕفێنن و بەکوژراوی تەسلیمی کەسوکارەکەی دەکەنەوە!
،
🔺مامی زیرەک: دوای سێ سەعات لە رفاندنی، وتیان وەرن جەنازەکەی وەربگرنەوە!
🔸سەعات ١٢ی نیوەڕۆێ ئەمڕۆ، هێزێکی ئەمنی لەهەولێر، زیرەک کوڕی شەهید عەلی محەمەد، لەسەر کارەکەی دەستگیردەکەن و دوای سێ سەعاتیش، بە تەلەفۆن ئاگادار دەکەنەوە کە کوڕەکەیان گیانی لەدەستداوە و بچن تەرمەکەی لە پزیشکی دادی هەولێر وەربگرنەوە.
زیرەک، کوڕی شەهید عەلی محەمەدی شەهیدی یەکێتییەو لەدایکبووی ساڵی ١٩٨٢ە و خێزاندارە و خاوەنی سێ منداڵەو کاسبکار بووە و کەسوکارەکەشی دەڵێن: زیرەک نە کێشەی لەگەڵ کەس هەبووە و نە نەخۆشیشی هەبووە.

06/06/2023

🔻ئەمرۆ، ئاسایشی پارتی کوڕی شەهیدێکی یەکێتی لەسەر ئیشەکەی دەفڕێنێت و پاشان بەکوژراوی تەسلیمی خێزانەکەی دەکاتەوە!
🔺بەزیندوی بردیان و تەنها دوای سێ سەعات لەدەستگیرکردنی، بەکوژراوی تەسلمی بنەمالەکەیان کردەوە!
🔸سەعات ١٢ی نیوەڕۆی ئەمڕۆ، هێزێکی ئەمنی لەهەولێر (زیرەک) کوڕی شەهید (عەلی محەمەد) لەسەر کارەکەی دەستگیردەکەن و دوای سێ سەعات ئاگاداری کەسوکارەکەی دەکەن، کە بچن تەرمەکەی لە پزیشکی دادی هەولێر وەربگرنەوە.
شەهید عەلی محەمەدی باوکی زیرەک، شەهیدی یەکێتییەو زیرەک لەساڵی ١٩٨٢ لەدایکبوە و خێزاندارە و خاوەنی سێ منداڵە و لەهەولێر کاسبکار بووەو کەسوکارەکەشی ئاماژە بۆ ئەوە دەکەن، کوڕەکەیان نە کێشەی لەگەڵ کەس هەبووە و نە نەخۆشیشی هەبووە.

01/06/2023

🔹دۆخی یەکێتی دەگاتە رۆخی دۆخی مەترسیدار!!
🔺مەلا بەختیار، ئەندامی ئەنجومەنی باڵای سیاسی و بەرژەوەندییەکانی یەکێتی، پیرۆزباییەکی پڕ رەخنەی ئاراستەی سەرکردایەتی حزبەکەی دەکات و وەک خۆی نوسیویەتی، بەنپەرۆشییەوە بۆ یەکێتی ئەو تارەی نوسیوە و تەنها بەچوارخاڵ، پرۆژەیەکی ئاراستەی حزبەکەی کردووە و رایگەیاندووە، ئەو خاڵانەی پێشنیازمکردووە، جێبەجێ نەکرێن، دۆخی یەکێتی دەگاتە رۆخی دۆخی مەترسیدار…
مەلا بەختیار، نوسیویەتی:
🔸یەکێتی، هەروەکو هەموو هێزە شۆڕشگێڕەکانی دونیا، لەخەبات و بەرگری سەرکەوتن، بەڵام لەدامەزراندنی حکومەتێکی دادپەروەر و سیستەمێکی هاوچەرخ و پاراستنی جیاوازییە چینایەتی و فەلسەفەی سیاسیدا، بەکردەوە، نەک هەر سەرنەکەوتن، بەڵکو پاشەکشەیەکی ترسناک روویداوە.
راشیگەیاندوە:
🔸لەناو ئەو هەلومەرجەدا، کۆی ژیانی حزبایەتی یەکێتی و چارەنوسی سیاسەتەکەی، لەهەڵبژاردنداو لەناو هاوکێشەکاندا، کەوتۆتە ژێر پرسیارو دەرونی زۆرینەی ئەندامان و ئۆرگان و جەماوەری دەنگدەری یەکێتی، لێوانلێوە لەنیگەرانی و ناڕەزایی، کە چیکە ئەو دۆخە مەترسیدارە، بەپینەوپەڕۆ، یان بەسازدانی فێستیڤاڵی “دیدار” و بەڵێنی بریقەدار و گۆڕینی دەمامکەکانی، ئەم دۆخەی یەکێتی راناگیرێ.
مەلا بەختیار، بەم چوار خاڵە هۆشیاری داوەتە حزبەکەی:

🔺یەکەم: ئاشتەوایی گشتییە.. ئاشتەواییەک هیچ کێشەیەک لەدەرەوەی یەکێتیدا هەڕەشە لەیەکێتی نەکات.
🔸دووەم: کۆنگرەی نائاساییە. کۆنگرەیەک پێشوەخت جومگە بە جومگەی گەڵاڵە کرابێ و رێککەوتنیان لەسەر کرابێ.. ئیتر کۆنگرە وەکو ژووری نەشتەرگەری بەشی زۆری نەخۆشییەکانی یەکێتی چارەسەر بکات.
🔺سێهەم: داڕشتنەوەی پرۆژەی گوتاری یەکگرتووی ستراتیژی قۆناغەکەیە، هەتا کوردستان و هەرێم، لەکێشەکانی ئێستا سەرفراز دەکرێ و لەمەترسییەکانی دوای جەنگی ئۆکراینا و ئەگەرە مەترسیدارەکانی جیهانی و ئیقلیمی، دەرباز دەکرێ.
🔸چوارەم: رێککەوتنی سیاسی لەسەر ریشەکێشکردنی گەندەڵی بکرێ، ئەمەش پێویستی بەدادگای تایبەتی هەیە. هەم بۆ نەمانی گەندەڵی و هەم بۆ سزادانی گەندەڵکاران.
لامانوایە، ئەو چوارخاڵە، خاڵی بنچینەیی ئەم هەلومەرجەن، کە هەوڵمداوە، بۆ خوێنەر، وەڵامی ناونیشانی وتارەکە لە ساڵڕۆژی یەکێتی و یەکێتی بەرەو کوێ؟ بدەمەوە. کە دڵنیام، ئەو خاڵانەی پێشنیازمکردوون، جێبەجێ نەکرێن، دۆخی یەکێتی دەگاتە رۆخی دۆخی مەترسیدار.
لەکۆتایدا دەڵێم: ئەم وتارە پەیامی بەندەیە. لەوپەڕی پەرۆشیمەوە نوسیومە، ئەوەی تێدەگات خزمەتی یەکێتی پێدەکات، ئەوەی تێشی ناگات، لەیادی ئاڵتونی (٥٠) ساڵەی یەکێتیدا، ئیتر ئیرادەی چارەسەرکردنی کێشەکانی یەکێتی لەدەستدەدرێت!!

31/05/2023

🔻زۆرتر دەرکەوت بابەتەکە بازرگانی و قازانجە نەک خزمەتی خەڵک..!
🔸لەبازاری دۆلارەکەی سلێمانی، مامەلە بە پشکی کامێراکانی پۆینت تو پۆینتەوە دەکرێت و یەک پشک نرخی ٧٠٠ هەزار دۆلارە..

31/05/2023

نادادی و زوڵمی بەردەوام، دەسەڵاتی کوردی لەبەرچاوی خەڵک خستووە!

30/05/2023

هۆشیار عەبدوڵا:
کێبڵی کامێراکان بقرتێنن، چونکە گۆرینی ئاسان نییە!

سەبارەت بە کامێراکانی تیژڕەویی، بیستم هەندێک کامێرایان شکاندوون. دۆزینەوەی ئەو دەستانە بۆ دەسەڵات ئاسانن، بڕۆن سەیر بکەن کێ دەستی سەوز ببوو ئەوە ئیشی ئەوە !
شتێکی تر هەم وەک پرسیار هەم وەک زانیاری بیستم گەیەنەری ئەو کامێرایانە بە یەکتری (فایبەر ئۆپتیک)ە، ئەمە ڕاستە ؟!
جا ئەگەر وابێ پێموایە ئەو جۆرە گەیەنەرە کە قرتێنرا، پێکەوە نا لکێنرێتەوەو دەبێ هەموی بگۆڕدرێ، بە مانایەکی تر گۆڕینی کامێرا ئاسانە بەڵام گۆرینی کێبڵەکە ئاسان نییە.
وەک ناونرا ،(خەباتە ژێر زەمینیەکە) کاریگەرترە لە (پارتیزانیەکە)!
هۆشیار عەبدوڵڵا

29/05/2023

کامێرای پۆینت تو پۆینت، تاڵانییەکی نوێی حکومەتی هەرێم
دکتۆر موسەننا ئەمین: ئەم کامێرایانە بۆ تاڵانکردنی گیرفانی خەڵکە..

29/05/2023

24/05/2023

🔸کچەکەی چی لێهات؟
🔹ئاواتی شێخ جەناب، پارەی لەمردنەکەی خوارد!
🔻حەمە تۆفیق، دژی کێ و کێ بوو؟
🔸جڤات و چیاو نما چاوەڕوانی پارتی بوون!
🔹لەخەمی کوڕەکانیدا بو!

ئاواتی شێخ جەناب.. پارەی لەمردنەکەی خوارد!
ئاواتی شێخ جەناب.. چەندین دەفتەر دۆلاری بە ناوی پرسەی نەوشیروان مستەفا لەماڵی مامجەلال وەرگرتوە، بەڵام سێ رۆژی نانخواردنی خەڵکەکەش بەو گەرمایە، کەمێک مریشک و برنج و شلەی سادەی پەتاتەو فاسۆلیا بوو!�کچەکەی چی لێهات؟�شەش ساڵ تێپەڕی و تەنیا یەک کەسیش لەوانەی وێنەو ناوی نەوشیروان مستەفاو ژیان و مەرگی بۆ مەرامی تایبەتی خۆیان بەکاردەهێنن، نەیانپرسی کچە تاقانەکەی خۆشەویستی نەوشیروان مستەفا لەکوێیە ؟ کەس بەتەلەفۆنێکیش گوێی لەدەنگی نەبوەو ناپرسن بۆ ؟ بۆچی سەری خۆی هەڵگرت و نەگەڕایەوە بۆ ئەو کوردستانەی باوکی هەمو ژیانی خۆی پێ بەخشی ؟
حەمە تۆفیق، دژی کێ و کێ بوو؟
حەمە تۆفیقی کاندیدی سەرۆکی هەرێم چی بەسەرهات؟ خۆ هەموان دەزانن دکتۆر محەمەد عەلی رێکخەری ژوری توێژینەوەی سیاسی، لەنوسینێکدا باسی تەکەتولەکەی حەمەتۆفیق و کۆبونەوەکانی بۆ دەرپەڕاندنی هاوڕێکانی نەوشیروان مستەفا کردبو کاتێک کە لەسەرەمەرگ و ئاویلکەدا بو!�لەیەکەم رۆژی شین و پرسەکەشیدا هەر ئەو حەمەیە بەگوێی کوڕەکانیدا ئەیچرپاندو ئەیوت (قادری حاجی عەلی و عوسمان ) بونە هۆی مردنی باوکتان نابێت بهێڵین بێنە پرسەکەیەوە!
جڤات و چیاو نما چاوەڕوانی پارتی بوون!�هاوڕێ بەناو نزیکەکانی لە سکرتێری جڤات کە خۆی خاوەن کارگەو رێکخەری ژورێک کۆمپانیاو یەکێ بەنزینخانەو مۆڵ، رێکخەری ژورێکیتر موڵکی گشتی داگیرکردبو، ئەویتریان زەوی کشتوکاڵی و غابات و...هتد، هەریەکەشیان کاریان بۆ ئەوە دەکرد نەوشیروان مستەفا لەخۆیان بچێت. هەریەکێکیان پەڵەی رەش بەکام دەستەیانەوە بوایە، ئەو دەستەیانی بەشانی کوڕەکانی نەوشیروان مستەفادا دەهێنا! ئێستا کوڕەکانی خاوەنی هەمو ئەو بەرژەوەندییە ناشەرعیانەن کە ئەوان بەتاک هەیانبوو، ئەشڵێن لەباوکمانەوە بۆمان جێماوە. �جڤاتەکە و کوڕەکانیشی لەبەرئەوەی لەچاوەڕوانی "پوڵ و پۆست و پاراستن"ی پارتی دیموکراتی کوردستانا بون بەهانەیان بۆ رێکەوتن و هاوپەیمانێتی دوو قۆڵی دەهێنایەوە.
لەخەمی کوڕەکانیدا بو!
ئەو زاتە خۆی لەدوا مانگەکانی ژیانیدا، بڕوای بەو فیکرو بەرنامەیەی خۆی نەمابو وەک ئەوانەی ناو لەوەڕگاکەی یەکێتی نیشتیمانی لە خەمی کوڕەکانیدا بو!

عه‌بدولڕه‌زاق شه‌ریف

22/05/2023

🔺ئەمڕۆی پەرلەمانی کوردستان
🔻دیوە ئاشکراو واقعییەکەی دۆخی سیاسی نێوان یەکێتی و پارتی… رەنگە سبەی ئەم شەڕە بەئازادی ناوبەرن و بەراوردی بکەن بە شەڕەکانی ناو پەرلەمان لەدونیا.
#پەرلەمانی کوردستان

21/05/2023

🔸ھەڕەشەی مەفرەزەی تۆڵە لە سەرکردایەتی یەکێتی
یەکێتیە خەمخۆرەکان..
ھەمووتان ئەزانن لە یەکەم چەخماخەی بەرپاکردنی شۆڕشی نوێ پێشمەرگەکانی ناو شاریش لەشاری سلێمانی کسپەیان خستە جەرگی نۆکەران لەکوشتنی عومەر گورچیلەوە دەستپێکرا. ھەتا گەیشتە عوسمان محەمەد فایەق لە بەغدا. لەناو شار ئاسۆی قومری‌و مچەی ئەحە بووت و دەیان خۆفرۆشمان بەسزای گەل گەیاند.. نەمان ئەھێشت خائینێک بەئیسراحەت لەماڵی خیانەت بخەوێ. لەو ڕێگا پیرۆزە شەھیدەکانمان وەکو ئەستێرەی ھەرە گەش بەئاسمانەوە دیارن. لەوانە: شەھیدان: ١-عەلی (حاجی جەلال) ٢-ئاکۆ ٣-ھیوا ٤-دلێر ساڵح میرزا ٥-کەمالی موھەندیس ٦-حەمەشوکری ٧-نەجات مستەفا ٨-بەرھەم ٩-تاریق..تاد. ھەتا ڕاپەڕین مەفرەزەی ئێمە کە ناوی مەفرەزەی تۆڵە بوو، بەوپەڕی کۆڵنەدانەوە بڕیارەکانی سەرکردایەتیمان جێبەجێ ئەکرد. وامان لێ ھات مەفرەزەی تۆڵە خائین تۆقێنەر بوین. ئەرکە سەختەکانمان لەشەوەزەنگی حوکمی فاشیەکاندا بڕیارەکانمان جێ بەجێ ئەکرد. بەداخەوە لەدوای ڕاپەڕین و دروستکردنی حکومەتەوە ساڵ بە ساڵ نائومێدو نائومێدتر ئەبین. یەکێتیەکەی مام جەلال وای بەسەر ھێنراوە ناناسرێتەوە. لەباتی ئازایەتی ھەلپەرستی، لەباتی راستگۆیەتی گەندەڵی، لەباتی بیروباوەڕ ماستاوکردن ھەیە، لەباتی پەروەردەی حیزبایەتی پیاو پیاوێنە و عەشرەتگەری سەریان ھەڵداوە. بەداخەوە.. سەرکردایەتیەکی لاواز مەکتەبێکی سیاسی بێ کاریگەر، راگەیاندنێکی مەرایی خواز، حیزبایەتیەکی ئیفلیج بونەتە مۆتەکەی سنگی یەکێتیەکەی مام جەلال و شەھیدان. بە باران وشکەساڵی کۆتایی دێ. بە گەرمکردنی ماڵان سەرما کاریگەری نامێنێ. بەقسەی ڕێک‌وپێک مرۆڤ ژیر ئەبێ.. بەڵام بەرپرسەکانی یەکێتی و حکومەت و ھی پارتی.. بەھیچ تێر ناخۆن خۆیان و کوڕەکانیان و کەسوکاریان بونەتە تەگەی ناو کۆمەڵ، ئەدزن. ئەفڕێنن، ئەکوژن، سەرانە ئەسەنن. بە فڕۆکەی تایبەتی سەفەر ئەکەن. جوانترین کۆشک و ڕیزە سەیارەیان ھەیە. بانقەکانی دونیایان پڕکردووە لە دۆلار. پارەی نەوت و ئەرزەی حەرام و پرۆژەی ساختە و کاروانی بەقاچاخ ئاودیو کراوی مەرزەکان.. تێریان ناکات. کەسوکاری شەھیدان بێ دەرامەت و بێ خانوون. مناڵیان سواڵ ئەکا و ژنەکانیان دەرگای مەسئولەکانیان بۆ ناکرێتەوە. یەکێتی لە ئەوپەڕی بێ متمانەی ناو خەڵکە لەم ھەڵبژاردنە تەزویر بۆ یەکێتی نەکرێ (١٠) کورسی ناھێنێ. پارتی کە خواخوایان بوو وەکو یەکێتی بن بێباکن. سەرکردایەتی یەکێتی ئەوەندە شکاوە قوڕقوشمیان بەسەرا بتوێنەوە دێوەزمەی ھەڵبژاردن دەرئەچێ لەناو چاویان. گوناحتان ئەگات واتان لە یەکێتی کردووە لە ھەڵبژاردن بترسێ و لایەکی تازە دروستکراوی وەکو نەوەی نوێ ھەڕەشەی بردنەوە ئەکات. خەڵک لە یەکێتی بێزارە. بازاڕ لە حکومەت بێزارە. کەسوکاری شەھیدان لە یەکێتی بێزارن. پیشمەرگەی دێرین لە یەکێتی تۆراون. باشترین سەرکردە و کادرەکانی یەکێتی لەماڵەوە دانیشتون و ئامادە نین ئەم سەرکردایەتی و مەکتەبی سیاسیە بە سەرکردەی خۆیان بزانن و پێیان وایە ئەم سەرکردایەتیە فیداکاری تێکۆشەرانی تریان خواردوە. چونکە بە ماستاوچێتی و تەکەتول و تەزویر لە کۆنگرە کراونەتە سەرکردایەتی. ئێمەی مەفرەزەی تۆڵە ئاگادارتان ئەکەینەوە کەوا پێویستە بەزوترین کات کۆنگرەی نائاسایی ببەستن. کۆنگرەکە وەکو نەخۆشخانە بێ نەخۆشیەکانی یەکێتی چارەسەر بکات. لەپێشەوە گۆڕینی ئەم سەرکردایەتیە بێ ئاست و سوکانە. ئەو کۆنگرەیە دەبەستن باشە.. نای بەستن لە ھەڵبژاردن شکست ئەخۆن. کە شکستیشتان خوارد یەکێتی پارچەپارچە ئەبێ. دوای ئەوەی شکست ئەخۆن ئێمەی مەفرەزەی تۆڵە دڵنیابن وەکو ئەو خائینانە سەیرتان ئەکەین کە لەناومان بردون. مێژوش ڕەحم بە ھیچ زۆردارێک و گەندەڵێک ناکات.
🔺دەستەی پێشمەرگەکانی مەفرەزەی تۆڵە ١٠/٥/٢٠٢٣

21/05/2023

مامۆستایانی زانکۆی سلێمانی کە سودمەندنەبوون لەزەوی و یەکەی نیشتەجێبون، رەخنەی توند لە سەرۆکایەتی زانکۆ و بەرپرسانی ئیدارەی سلێمانی دەگرن بە ھۆی ئەوەی کە ٨٢ دۆنم زەوی زانکۆ دراوە بە برایەکی ئەندامێکی مەکتەبی سیاسی یەکێتی نیشتمانی کوردستان.
یەکێک لە مامۆستایەکی زانکۆ راگەیاند: زەوی ژمارە (٥/١٧)ی کەرتی (١٩)ی قولەرەیسی کە رووبەرەکەی (٨٢)دۆنم و (١٠) ئۆلکە، لە بنەڕەتدا دەبوو بەسەر (٧٠٠) مامۆستای زانکۆی سلیمانیدا دابەش بکرایە. بەڵام لە ژێر فشاری گروپێکی باڵادەستی ناو یەکێتی رۆژی ١١/٦/٢٠١٨ بە نوسراوێکی ژێر بەژێری سەرۆکی ئەوکاتی زانکۆی سلیمانی و بەبێ گەڕانەوە بۆ ئەنجومەنی زانکۆ، ئەو زەویەی داوە بە کۆمپانیایەک کە خاوەنەکەی برای ئەندامێکی مەکتەبی سیاسی یەکێتییە.
وتیشی: ئەنجومەنی زانکۆ ئاگاداری بەخشینی ئەو زەویە نەبوەو سەرەرای نارەزایی ٧٠٠ مامۆستا، بەڵام تا ئێستا نە سەرۆکایەتی زانکۆ و نە بەرپرسانی زۆنی سەوز گوێ بە داواکاریەکانیان نادەن.
مامۆستاکەی زانکۆی سلێمانی جەختیشی کردەوە: روبەرێکی زۆری زەویەکانی زانکۆی سلێمانی تەخشان و پەخشان کراون و یەکێک لە سەرۆکەکانی پێشووی زانکۆ بەناوی (س.س)، روبەرێک زەوی داوە بە زانکۆیەکی ئەھلی و دوای کۆتایی ھاتنی ماوەی خزمەتەکەی لەزانکۆی سلێمانی، راستەوخۆ بووە بە سەرۆکی ئەو زانکۆ ئەھلییە.
رونیشیکردەوە: مامۆستایانی سودمەند نەبوو، چەندین بەرپرسی باڵای حزبی و حکومییان بینیوە بە نوسینگەی جێگری سەرۆکی حکومەتەوە، بەڵام بەھۆی فراوانی بەرژەوەندیەکان و پشکی چەند بەرپرسێکی حزبی و حکومی زۆنی سەوز، ئەم دۆسیەیە بە لاڕێدا براوەو کۆمپانیای ناوبراویش دەستیکردووە بە کارەکانی کە بەپێی بڕیاری دادگا دەبوو کارەکانی بوەستاندایە ھەتا ئەم دۆسیەیە یەکلایی دەکرایەوە.

21/05/2023

وێنەی هەواڵەکە لە رۆژنامەی THE REAL DEAl لە کۆمێنت، بخوێنەرەوە…

19/05/2023

🔶ئاواتی شێخ جەناب.. پارەی لەمردنەکەی خوارد!
ئاواتی شێخ جەناب.. چەندین دەفتەر دۆلاری بە ناوی پرسەی نەوشیروان مستەفا لەماڵی مامجەلال وەرگرتوە، بەڵام سێ رۆژی نانخواردنی خەڵکەکەش بەو گەرمایە، کەمێک مریشک و برنج و شلەی سادەی پەتاتەو فاسۆلیا بوو!
عەبدولڕەزاق شەریف

08/05/2023

حاکم لەتیف شێخ مستەفا لەسەر ڕێگری ئاسایشی سلێمانی لە ئەنجامدانی دیبەیتێک لە سلێمانی بەبیانوی وەرنەگرتنی مۆڵەتی پێشوەختە نوسیویەتی :
نەک ئێستا لەسەردەمی سەدامیش دیبەت و کۆڕو سیمیناری رۆشنبیری لەشوێنی داخراو مۆڵەتی نەدەویست، بابەتەکەی ھەرشتێک بوایە ، بەتایبەتی ئەگەر بیانزانیایە دەستی سیاسی لەپشت نیە.
تا خەلک وا بێ ھەلوێست بین بازنەی ئازادیەکان بەرتەسک تر دەبنەوە.
رێگرتن لە کۆڕو سیمیناری داخراو ھەرکەسێک بیکات تاوانەو دەبێ ئەوانەی دەیکەن لێپرسینەوەیان لەگەل بکرێ
گرنگ نیە کێیەو چیەو چی ئەڵێت.
🔹لەکۆمێنت هەواڵی رێگریکردنەکە دەخوێننەوە.

01/05/2023

🔴لێپرسراوان دەڵێن دەبێ رۆژنامەنوسی بەجورئەتمان هەبێت! کەچی هەر خۆشیان دەیانڕفێنن!
🔶بەڕێوەبەری ئاسایشی گەرمیان: لەلایەن بەشی ئۆپەراسیۆنەکانی ئاسایشەوە دەستگیرکراون
🔹لیوا بەرزان محەمەد فەرەج، بەڕێوبەری بەڕێوبەرایەتی ئاسایشی گەرمیان، لە لێدوانێکدا، بێئاگایی دەزگاکەیانی راگەیاند لە دەستگیرکردنی ئارام حەسەن سایەخان و شەرمین عەلی هاوسەری، کە لە ماڵەکەی خۆیاندا دەستگیرکران و وتی: ناشزانن کە بۆچی کردەوەیەکی لەو شێوەیە رویداوەو رایگەیاند: ئەو دوو کەسە لەلایەن بەشی ئۆپەراسیۆنەکانی ئاسایشەوە دەستگیرکراون.

30/04/2023

هەموو شتێک لەپێناو دەوڵەمەندی و کۆکردنەوەی سەروەت و ساماندا دەکەن؟
🔶گۆشتەکە هندییە و هاوردە کراوە! بەڵام چۆن و لەکوێوە داخڵی کوردستان کراوە؟ لەکام مەرزەوە؟ کێ رێگەی پێداوە؟ بەئاشکرا قەدەغە کراوە، کەواتە ژێر بەژێر و بەپارە کراوە! بۆیە تەنها کەسێک تاوانبار نییەو زیاترن لەچەند کەسێک، ئەگەر لێپرسراوێک پاڵپشتی نەکردبن، بە دڵنیاییەوە نەیاندەتوانی ئەوکارە بکەن!
🔶ماستەکە، راستە فرۆشیارەکە تاوانباری سەرەکییە، بەڵام لەو تاوانبارتر ئەو کەسەیە ماستەکە بەبێ هیچ کۆنتڕۆڵێک دروستدەکات، کەس نازانێت بەچی و چۆن و لەکوێدا دروستیدەکات؟

30/04/2023

باوکێک: لەسەر کۆمێنتێک ئاسایش لەماڵەوە کوڕەکەیان دەستگیر کردم و لەزیندان کوشتیان!
*عەلاگەیان خستبووە ناو دەمی و لەژێر ئەشکەنجەدا کوشتویانە..

27/04/2023

ئاراستەکانی کوردایەتی بەکوێ گەیشتن
ئاراستەی یەكەم رێگەو مەبدەئی میراتگریی هەڵبژارد بۆ حزبایەتی و حوكمڕانیی و نەوە دوای نەوە دەسەڵاتی پێ دەسپێردرێت.
ئاراستەی دووەمیش گوایە ئاراستەی دژە میراتگرین لەحوكمڕانیی و ژیانی حزبایەتی، بەڵام دوای شەست ساڵ، ئەوانەی دژی حوكمی میراتگریی بوون، حزبەكانیان رادەستی میراتگرانیان كرد.
هەبوو لەدائیرەی تاپۆ حزبەكەی لەسەر كوڕو كچەكانی میراتگرانی تاپۆكرد، هەیش بوو میراتگرانی بەئینقیلاب دەستیان بەسەر حزبدا گرت.
ئەوەی ئێستا لەكوردستان دەیبینین، لێكەوتەی حوكمی میراتگرانە، بزانین ئەنجامەكەی چی دەبێت..
لەکۆمێنت وتارەکەی سەرتیپ جەوهەر دەخوێننەوە لەسەر میراتگرەکانی دەسەڵاتی کورد

22/04/2023

تەنها یەک پرسیار..
کەواتە، کێ (سۆرانی مامە حەمە، سەردەشت عوسمان، عەبدولستار شەریف، کاوە گەرمیانی، وەدات حسێن)ی شەهید کرد؟ کێ رۆژنامەنوسان و چالاکوانانی بادینانی زیندانی کرد؟ کەواتە کێیە هەڕەشەی مەرگ لەرۆژنامەنوسان دەکات و زیندانیان دەکات؟ کەواتە کێیە ئەوانەی شەق لە مامۆستا و خوێندکاران و خۆپیشاندەران هەڵدەدەن؟ لەسایەی ئێوەدا، رۆژنامەنوسی و ئازادی رادەربڕین لە رەشترین رۆژگارەکانی خۆیدایە…

20/04/2023

ئەوەی بەرامبەرمان کرا لە بیرکردنی مەحاڵە
لەدوای راپەڕینەوە یەکەم جارە نەگەڕاومەتەوە بۆ سەر مەزاری پیرۆزی کاکم د. هادی کە لە چەمچەماڵی پایتەختی شەهیدانە، هەروەها پاش نەمان و روخانی رژێمی بەعس ئەوە یەکەم جاره کە نەمتوانیوە بۆن و ماچی کێلە پیرۆزەکەی کاکە ڕەفیق لە زێدی خۆم لە کەرکوکی کوردان بکەم، لەبری خۆم ئەمجارە هاوژینەکەم وبەشێک لە خانەوادەکەم ئەو ئەرکەیان بەجێ هێنا، بەداخەوە کە ئەوانیش لەو تاڵی و سوێری و زوڵمەی بەعس بێبەش نەبوون، لێرە لە هەولێرەوە بەدیار کێلێکی مەزنەوە و بەدڵێکی پڕ حەسرەت و بورکانێک لە توڕەیی بۆ شون بزرکردن و لێکردنەوەی شەش کە سی ترم ، شەش ڕوحی تر لە جەستەی گشتی خێزانەکەم کە باوکم و براکانم بوون،
خەمی قوڵم بۆ نەبونی مەزار و گۆڕیان پشکۆیەکی بەتینە بەنەبڕاوەیی ناخمان دەسوتێنێت.
🔹سەرەڕای هەموو ئەمانە و ئەوەشی دەرحەق بە ئێمە کرا، لەلایەکی دیکەش دابڕانمان لە پارچەیەکی نیشتمان و بێبەش بوون لە سەردانیکردنی گۆڕی ئازیزانمان، ئەوەی پێی گوتین کە ماڵ لەخاوەن ماڵ حەرام کراوە.
🔹لە کاتی هەڵگیرساندنی شۆڕشی نوێ تا ئێستا نامۆبوونێک دەبینین، نەریتێک دەبینین و بەدیار حزبی شەهیدانەوە تاساوین، حزبەکەمان وەک جەستەیەکی پڕوکاو و بێ هێزی لێ هاتووە، کە دوو داڵ بەدەنوکە ڕەشەکەیان خەریکی ڕوح دەرهێنانی جەستەکەین.
🔹لێرەوە بەڵێن بێت بۆ هەریەک لە (دایکی خێر لە خۆنەدیوم، کاکە دکتۆری ڕابەر و مامۆستام، کاکە ڕەفیقی گوللە باران کراو، باوکی بێ گۆڕ و شون بزركراوم، کاکە عاديل و مهدی، وەهاب، سه لاح و سه عدون )، ئێوە قیبلەگای منن، ئێمە ناهێڵین خوێن و خەبات و چارەنوسی حزبی شەهیدان لە قەدەرێکی نادیاردا بێت و بەم جۆرەی ئێستا بەردەوام بێت، هەموو ئەمانە با لەنێو دوو نانی گەرم دا بێت بۆ داهاتوو.
هیوادارم لە ئامادەنەبوونم و دووریم لێتان بمبورن.
لیوا چەتۆ ساڵح
ئەندامی ئەنجومەنی سەرکردایەتیی یەکێتیی نیشتمانی کوردستان.
٢٠/٤/٢٠٢٣

19/04/2023

کێ بیر لە حاڵی مووچەخۆرانی زۆنی سەوز دەکاتەوە؟