مجتهد كركوك

Home
Iraq
Kirkuk
مجتهد كركوك

صفحة لنقل الخبر بمصداقية عندما كثرت الاكاذيب الذي تنشر للفتنة في كركوك.

22/05/2024

كركوك : رجل مرور من المتعينين الجدد (العقود) يچلب ببونيد سيارة
منو الغلط ؟
المرور أم السائق

21/05/2024

مهما كنت في اي مكان او منصب احذر من جملة
( حَسْبي اللهُ وَنِعْمَ الْوَكِيل )
احذر اذا خرجت من قلب مظلوم و صاحب حق و انت كنت الظالم.

17/05/2024

اكو صفحة بكركوك تجاوزت على الموظفات
عزيزي انت اذا اختك كلك او زوجتك كلك مو معناتة اخوات و زوجات الناس كلك.

انت ترى الناس من وضعك و تريد تعمم
اتمنى تعيد النظر بحساباتك وبخالاتك و اخواتك و زوجتك ؟
هذا لان نشرت على اعراض الناس و تدخلت بحياتهم الشخصية.
انشر باي موضوع لكن اترك التعميم على اعراض الناس.

15/05/2024

اقف مع اخوتي من سواق التريلات و الشاحنات لكن ضروري :
١. عدم قطع الطريق امام السيارات الصغيرة (الصالون)
٢. عدم قطع الحالات الانسانية و نقل المواد داخل الحدود الادارية لمحافظة كركوك.
٣. عدم التدخل في النقل الداخلي ( كيا تنقل مواد او لوري ينقل رمل او بلوك داخل كركوك او اي شئ يخص اهل كركوك داخلياً )

-- لان بخيركم ما خيرتونة بشركم لا تعمون علينة
احنه اهل #كركوك اصحاب فضل عليكم وعلى ¾ العراق تدمرت شوارعنة و تنطون خاوات للحكومة في بغداد و اربيل و احنة فلس ما محصلين

فعليه ابتعدوا عن اذية الناس بكركوك و صنع الازدحامات و ربي يرزقكم و يسهل امركم.

غير هذا مضطرين نحرض عليكم.

نحن مع حقوقكم

14/05/2024

كركوك مطورين صاير عدكم فلسفوس مدري فيلسوف
و صايرين تشربون قهوة صباحاً 🥲
وين الربط :
وجهان لعملة واحدة 😅

09/05/2024

من بريد الصفحة عن فساد مرور كركوك

آراءكم ؟

09/05/2024

بعد التجاوز على الائمة الخلفاء الراشدين من قبل ذيل فارسي( شوف التعليق)
هل سنسمع خطب الجوامع في كركوك غدا عن فضل و عظمة الخلفاء الراشدين !؟ او الملالي ابطال فقط وقت الانتخابات لتحويل الجوامع الى صراع حزبي و قومي؟

08/05/2024

السلفية من جماعة الشيخ عبدالطيف احمد مصطفى امين(ابو عبدالحق او عبداللطيف السلفي الكُردي ) يقفون مع تشريع قانون عطلة عيد الغدير و ليسوا بالضد منها في محافظات كركوك و ديالى و الانبار و صلاح الدين و بغداد و اربيل و السليمانية و دهوك.

حيث رفض النائب في مجلس النواب العراقي ( غريب احمد مصطفى امين ) الذي هو اخو الشيخ عبداللطيف السلفي (ابو عبدالحق) رفض التوقيع على طلب تقدم به النائب عن محافظة ديالى (رعد الدهلكي) و الذي طالب فيه عدم ادخال عطلة الغدير في قانون العطل الرسمية و يكون صلاحية العطلة بمناسبة عيد الغدير محصورة بقرار مجالس المحافظات. لكن السيد ( غريب احمد مصطفى امين ) رفض التوقيع على الطلب.

و بذلك دخل السلفية من جماعة عبداللطيف كحليف استراتيجي للعصائب و محور المقاومة.

يُذكر ان النائب غريب احمد اخو عبداللطيف السلفي يذهب الى كثير من الاجتماعات السياسية و الحزبية و يصطحب معه اخوة الشيخ عبداللطيف السلفي.

و ربما هذا تمهيد بداية لظهور حزب سياسي جديد للجماعة السلفية على غرار احزاب جماعة الاخوان المسلمين.

يذكر ان السلفية ينتشرون في كركوك و مناطق اخرى و هم منقسمون على مجموعات متخاصمة فيما بينهم و اقوى تلك الجماعات هي جماعة الشيخ عبداللطيف السلفي وكان لهم دور ممتاز و جيد في التحذير و محاربة فكر د١عش الارهابي و التنظيمات الجهادية.

الفيديو للنائب علي تركي الجمالي عضو لجنة النزاهة البرلمانية يلعن اول و الثاني و الثالث !
فمن يقصد بـ 1 و 2 و 3 اثناء حلقة سياسية لتشريع قانون عطلة اللقاء على قناة العهد.

▪︎ في التعليقات بعض المستندات 👇🏼

02/05/2024

قبل الحرامي الهارب [ العميد سرحت قادر ] جان يركص بجفية اذا د!عش يهجمون على بناية بكركوك ١٠ من المنتسبين يصورونة و هو خاتل ورة صبة بيدة بيكيسي عود يقاتل.

المهم نفس الفلم , هسه اكو رجال يركص بجفية للمطر حتى مثل الطفل يمرغل نفسة و رتبتة بالطين و ٢٠ منتسب يصورة و ٣٠ منتسب بالبيت ينشر تكتوك.

و الكاتلك سرحت جان دمج و قفاص و هذا هم دمج و قفاص و ٥٦.

بابا افهم و انتو اهل كركوك افهمو اتركو العواطف

١. مو شغل الضابط يمرغل روحة بالطين علساس يخدم الناس بابا انت شغلك ما تعرف تسويه لان دمج و هذا مو صوجك لان انت عقليتك مو عقلية قيادة مو بكيفك لان انت مو ضابط.
٢. انت بيك داء حب الظهور ما تكدر تخدم بدون تصوير لان هذا مرض نفسي.
٣. انت تستلم راتب امام عملك لنفرض تأدي عملك ١٠٠% صح ولكن انت مقابل هذا العمل تستلم راتب و تستلم مخصصات بكل تفاصيل حتى مخصصات خطورة فمو منية من تخدم او تادي واجب و لا خلفة الله عليك.
٤. موضوع تصير عضو مجلس محافظة مثل نشأت بسالفة الفيس والتكتوك و اداء الواجب ، صعبة لان الناس بدت توعى على هذه البلتيقات و نشأت سوف يكتشف الناس انه فشل فشل ذريع في منصب عضو مجلس المحافظة.

01/05/2024

النزاهة تقبض على عقيد متلبس بالرشوة بكركوك !
اسألة بدماغ انسان ما يحب العراق دير بالكم تفكرون مثلة :
من اسئلة هذا الانسان الحاقد :
١. ليش النزاهة بس تكدر على كركوك و على محافظات ابناء العامة من انفسنا 😉
٢. زين ليش النزاهة بس تكدر ع الداخلية ، ليش النزاهة ما عدهة اي عملية على الفاسدين الذين يريدون الاساءة للحشد المقدس الاصلي مو الترهيم مال ابناء العامة من انفسنا.
٣. زين النزاهة ليش ما تسوي اي عملية من القفاصة الموجودين بجنوب كركوك الذين هم من المكون الثالث بس مو من انفسنا من ابناء العامة ؟ لان انفسنا من المكون الثالث صايرين ملطشة للرايح و الجاي.

¤ هذه اسئلة من ناس حاقدة دير بالكم تسمعون لمثل هذه الاسئلة و احفظوا هذه الاسئلة حتى من تسمعونة تعرفون 😃

النزيه : الدختور مجتهد كركوك.

¤

28/04/2024

عبالة الفوج مطعم
يربي بيه غنم
والله الا اشوورَك ع الحبل مال عزت الدوري الاحمراني.
كلاوجي.

_______ رسالة _______
بالقران بالقران والله والله
اقسم برب الكائنات
تظلم رزق انسان يطلع بيك مباشر ما يتاخر.
حتى ما يتاخر ايام والله والله والله.

كلشي ولا رزق العالم
كلشي ولا حقوق الفقراء.

ركز حقوق الفقراء.
هذا ما يشمل السادين الشوارع و يكول اني على باب الله.

23/04/2024

طفلة من #كركوك تبكي عندما شاهدت طائرة الرئيس التركي في العراق.

20/04/2024

الكثير من الاصدقاء يراسلوني
يكولون سيد شتمز مو جبوري بل هو طيار ايراني
▪︎ تعرفون عشيرتة : الجواب لا
▪︎ سامعين بيه : الجواب لا
عجل حسب القاعدة الفقيهة التي تقول " لو ضاع اصلك كول اني جبوري "
فالسيد شتمز هو جبوري من الصكر.
بعد لحد يدزلي رسالة

19/04/2024

والله و تالله و بالله
و حق رب سيد شتمز الجبوري

لجنة المولدات تضيف ساعات تشغيل بالكلاوات و بعلم كامل اللجنة لان كل اللجنة عدهم مولدات و الدليل التسعيرة المولدات التي دفعت 1-4-2024 تم اضافة 2 الف دينار على كل التشغيل و تغيير ساعات التشغيل في كل مولدات كركوك بدون استثناء.

بالقران الكريم و انا يوم القيامة راح اتحاسب امام رب العالمين.

خلي اشرحلكم بشكل مبسط :
كل مناطق كركوك بيه عدادات الكترونية لحساب عدد ساعات تشغيل المولدات مخليتة لجنة مولدات قائممقامية كركوك بالبيوت عود ابو المولدة ما يعرف بيا بيت مخليتة و هي جذب لان لجنة المولدات هي عدها مولدات

مرات يغذون هذه العدادات بالكهرباء الوطنية حتى يحسب عدد ساعات اكثر
و مرات بدون تغيير يصفرونة نفسهم لجنة المولدات و يخلون ارقام من جيبهم.

مثلا هذا الشهر كان التشغيل يستحق 5 الف يضيفون 2 الف فوق الاستحقاق و ابو المولدة اذا عندة 1,000 امبير راح يدخل بجيبة مليونين فوك الربح مالتة و فوك حصة الكاز اليبيعة.

18/04/2024

سؤال حيرني
حجي راكان سعيد📿 عندة فلوس اكثر لو بوزرجي بمحطة حكومية ؟

18/04/2024

دلالي محتاج دبچة على طريق المنزلة
اروح ادبچ لو اروح اجيب دكتوراة من لبنان ؟
يمكن الدكتوراة اسهل من الدبچة🤔

16/04/2024

كاعد و ساكت
و الديرة تسال ها شو ساكت
ها لازم ما عندك شئ
من احجي يكولون لو تضل ساكت احسن.

15/04/2024

امر الفوج الاول لواء٦١ حشد شعبي يتصل على ضحية من ضحايا تنظيم د١عش ليسحب شكواه عن امراة ساعدت التنظيم اثناء احتلالهم الحويجة.

اغلب اعظاء التنظيم يخرجون بطرق مماثلة.

Address

كركوك
Kirkuk

Website

https://www.facebook.com/MujtahidKIRKUK2

Alerts

Be the first to know and let us send you an email when مجتهد كركوك posts news and promotions. Your email address will not be used for any other purpose, and you can unsubscribe at any time.