FAM Publication

27/06/2024

ئێستا چاپی نوێی کتێبەکانی بەردەستن، کە ماوەیەکە نەمابوون و داوکاریی زۆریان لەسەر بوو:

چاپی چوارەمی ناوی تۆ ئیمزای منە
چاپی سێیەمی ئەو گوڵەگەنمانەی بوونە گسک
چاپی دووەمی ڕۆژگاری وشک و چاوی تەڕ

21/06/2024

دەزگای فام بەشدارە لە پێشانگای كتێب لە شاری ڕانیە
پێشانگاكە بۆ ماوەی پێنج (7) ڕۆژ بەردەوام دەبێت
ڕۆژی دوو شەممە 6/24 تا ڕۆژی دوو شەممە 2024/7/1

ڕۆژانە کاتژمێر (9)ی بەیانی تا (7)ی ئێوارە
شوێن: بەڕێوەبەرایەتی کتێبخانە گشتییەکانی ڕاپەڕین.

18/06/2024

مەبه‌ست له‌ نووسینی ئەم كتێبەم ئەوە نییە كە تۆی خوێنەر بخەمە زاویەی وەسوەسە و بیركردنەوەی ئاڵۆز و نیقاشی بێهوودە. بە دیاریكراوی دەمەوێ بڵێم مەبەستی نووسینم ئەوەیە؛ هەموومان لە كۆت و زنجیری تەفەهوومی قالبگرتووی ترسنۆكی كولتووری كۆن دەربێین و واز لە بینین بە چاوی سەر بێنین، بەڵكوو بۆ بینینی ساف و بێخەوشی چاوی عەقڵ هەوڵ بدەین. بێگومان بینین بە چاوی سەر سوودی دەبێ و دەتوانین ڕێگا بكەین، بەڵام دڵنیام لەوەی ئەگەر تۆ چاوی عەقڵ تاقی بكەیەوە و بیخەیتە كار، ناوازە دەبێت. دونیات بە جۆرێكی تر دێتە بەرچاو، خۆشییەكان دوورمەودا و قووڵتر دەبن، سۆز و ویژدان كاریگەرتر دەبێ، لەزەت و تام ئاو لە دەم هەڵدەقووڵێنن. هەروا دەتوانین بە چاوی عەقڵ جیاوازیی لە نێوان (خۆش و چێژی ڕاستەقینە لەگەڵ خۆشی و چێژی درۆیی) بكەین، كە ئەمە مەبەستی سەرەكیی نووسینەكەمە...

چێژ و خۆشییەكانی ژیان
نووسینی
ئەحمەد عەبدولڕەحمان

دەزگای فام بۆ چاپ و بڵاوكردنەوە، دامەزراوەیەكە بۆ چاپ و بڵاوكردنەوەی كتێب، هەوڵدەدات بە شێوەیەك كتێب چاپ بكات، كە هەم لەڕووی ناوەرۆكەوە، ه

16/06/2024

پیرۆزبای جەژنی قوربانتان لێ دەکات، هیوادارین هەر خۆشی دابن🎉

11/06/2024

بۆ ڕای گشتی، تكایە ئاگاداریان بكەنەوە...
دڵی من هەرگیز بە شەرتی چەقۆ نییە، ئەگەر دە‌ هێندە زێتریش مەیل و خواستی گشتی لەسەر هەڵکشێ و بەرز ببێتەوە...
بۆ ڕای گشتی، تکایە ئاگادار بن...
نازانم ناو دڵی ئەو ڕۆستەمە چەند ژن و چەند ژان و چەند ژیانی تێدایە، بەڵام دڵنیابووم من ژیلەمۆی ناو هەرهەموویانم. ..
بە پەیامی تایبەت دووپاتی دەكەمەوە...
تكایە بە هیچ جۆرێك (با) مەدەنە دادگا، تاكە هۆكار تەنها كوردبوونە، كە وەكوو درەختێك لقوپۆپەكانی تێك شكاندووم.

ناوی كتێب: بە شەرتی چەقۆ نییە (شیعر)
نووسینی: نیگار نادر
نرخ: 10000 دینار

دەزگای فام بۆ چاپ و بڵاوكردنەوە، دامەزراوەیەكە بۆ چاپ و بڵاوكردنەوەی كتێب، هەوڵدەدات بە شێوەیەك كتێب چاپ بكات، كە هەم لەڕووی ناوەرۆكەوە، ه

08/06/2024

ئەوەی سەعدوڵڵا پەرۆش دەینووسێت، هاوزەمان شیعری ڕۆمانتیک و بیۆگرافیایشە، ئاخر ئەو بە شیعر ڕاستگۆیانە، ژیاننامەی خۆی دەنووسێتەوە. بە ڕووکەش وەها دیارە پەرۆش ڕووی دەمی لە کەسێکی دیکەیە، وەلێ ئەو خۆی دەدوێنێت، نەک ئەوی دی. شیعر چرپەی ناخی تاکە کەسێکە، هەر کە بوو بە هاواری خێڵ، حیزب یان گەل، ئیدی دەبێت بە شیعار. ئەوە زادەی بوێری و ڕاستگۆیی بوو، کە پەرۆش لە پێشەکیی کۆشیعری: (شەوانی تەنیایی ١٩٨٠)دا گوتی: من شیعر بۆ خۆم دەنووسم. ئەوسا ئەوانەی بە دونیای شیعر نامۆ بوون، دەیانویست خودی شاعیر کە دەبێت لە سەنتەردا بێت، بخەنە پەراوێزەوە، بۆیە لە (پەرۆش)یان دەپرسی: (کە شیعر بۆ خۆت دەڵێیت، ئیدی بۆچی بڵاوی دەکەیەوە؟) ئەوانە نەیاندەزانی، خوێنەر خۆی لە شیعری ئەو شاعیرانەدا دەبینێتەوە، کە شیعر بۆ خۆیان دەنووسن.

حەمەسەعید حەسەن

ناوی كتێب: لە كۆشی ئارامەوە بۆ نەفرین (كۆبەرهەم)
ناوی نووسەر: سەعدوڵڵا پەرۆش
نرخ: 5000 دینار

دەزگای فام بۆ چاپ و بڵاوكردنەوە، دامەزراوەیەكە بۆ چاپ و بڵاوكردنەوەی كتێب، هەوڵدەدات بە شێوەیەك كتێب چاپ بكات، كە هەم لەڕووی ناوەرۆكەوە، ه

03/06/2024

كتێبی (دوو ساڵ لە كوردستان)، پوختەیەك دەخاتە بەردەست دەربارەی ئەو هەوڵە شكستخواردووانەی بۆ دروستكردنی ئیدارەیەكی مەدەنی لە عێراق دوای ئاگربەستی تشرینی دووەمی 1918 گیرانەبەر، هاوكات وێنەیەكی لێڵ دەربارەی ئەو هەلومەرجانە نیشان دەدا، كە لە باكووری عێراق هاتنە ئاراوە، بە تایبەتی دوای هەرەسهێنانی ئیمپراتۆریەتی عوسمانی. هەروەك لەو كاتەدا بەریتانیا بە قووڵی هاتنە نێو خاكی عێراقەوە، ئیدی گێرەشێوێنییش تەشەنەی سەند. ئەو سەرلێشێواوییەی لە میسۆپۆتامیا دروستبوو مەیدانێكی نوێی یاریكردنی بۆ ئەفسەرانی سیاسیی بەریتانی فەراهەم كرد.

ــــــــــــــــــــــــــــــــــــــــــــــــــــــــ

كتێبەكەی هەی باسی بیرەوەریی حاكمی سیاسیی هەولێر لە سەردەمی داگیركاریی بەریتانیادا دەكات. لە سەردەمی (هەی) هەولێر هێشتا قەزا بوو، میس بێل لە یاداشتەكانیدا دەنووسێت: هەولێر لە سەردەمی هاتنی ئینگلیز قەزایەك بوو سەر بە لیوای كەركووك بوو.

ـــــــــــــــــــــــــــــــــــــــــــــــــــــــــ

خوێنەری ئازیز، ئەم كتێبەی لەبەردەستتدایە دوو چاپی هەیە، ئەوەی یەكەم بە ناوی (دوو ساڵ لە كوردستان)ـە لە ساڵی 1921 چاپ كراوە، بەڵام لە ساڵی 1991 جارێكی دیكە چاپ كراوەتەوە و هەم پێشەكییەكی نوێی بۆ نووسراوە لە لایەن (پۆڵ ڕیچ) و هەم ناوەكەشی گۆڕیوە و كردوویەتی بە (سەربازێك لە كوردستاندا). بۆیە، ئێمە ئەو پێشەكییە نوێیەشمان وەرگێڕاوە و تەواوی تێكستی كتێبەكە هیچ گۆڕانكارییەكی بەسەردا نەهاتووە، هاوشێوەی ئەوەیە كە لە 1921دا بڵاو بووەتەوە. هاوكات، بەوپێیەی زانیاریی زۆری لەخۆ گرتووە، بۆیە زۆربەی پەراوێزەكانی وەرگێڕە عەرەبییەكەشمان وەرگێڕاوە و دامانناوە.

ناوی كتێب: دوو ساڵ لە كوردستاندا
نووسینی: ویلیەم ڕەپێرت هەی
لە ئینگلیزییەوە: هاوكار عەبدوڵڵا
نرخ: 12000 دینار

30/05/2024

پەروانە تفێكی قووت دا و بە شڵەژاوییەوە گوتی:
- زۆر دەمترسێنی، تەنها پێم بڵێ چی بووە؟ تۆ خێزانەكەم دەناسیت؟ هیچیان لێ بەسەر هاتووە؟!
- نا كوڕەكەم، من ئەوە دەزانم هەرچی ئافرەت هەیە لێرە و لەسەر زەوی هەموویان مردوون! تەنانەت یەك ئافرەتیش لە ژیاندا نەماوە! بە خێزان و كچ و خوشكی هەموومانەوە، هەر هەموویان مردوون.. تەنها پیاو لەسەر زەوی ماوەتەوە!
پەروانە چاوی ئەبڵەق بوو، بێ دەنگ و بێ جووڵە، تەنها جەستەیەك بوو بە كزی هەناسەی هەڵدەمژی و دەدیایەوە، بێ ئەوەی بە خۆی بزانێت، بەبزەیەكی تاڵەوە گوتی:
- بێگومان هەڵەیەك هەیە! چۆن شتی وا دەبێت؟!

ناوی كتێب: پەروانەی بێ شەم
نووسینی: زریان ڕەحیم
نرخ: 5000 دینار

26/05/2024

نالی شیعر بە قوربانی مێژوو ناكات (وەك حاجی قادری كۆیی كردی)، نالی شیعر بە قوربانی هەژاران ناكات (وەك قانع كردی) نالی شیعر بە قوربانی نەتەوە ناكات (وەك ئەحمەدی خانی كردی)، بەڵكوو نالی زیرەكانەتر لە هەموو ناوەكان شیعر دەكاتە زەمبیلەیەك كە تیایدا مێژوو و هەژاریی و بیری نەتەوەیی تێدایە. نالی شیعر بە بوونی شیعریەتەوە دەبەستێتەوە، ئەو دەزانێ شیعر ئامراز نییە بۆ دەرپەڕاندنی هەژاری و مێژوو و بیری نەتەوەیی، بەڵكوو ئامانجە بۆ بەرهەمهێنانی شیعرییەت، ئەوەی لە شیعردا دەمێنێتەوە بابەت نییە، بەڵكوو چۆنیەتیی داڕشتنی بابەتەكەیە...

ناوی كتێب: ڕۆژگاری وشك و چاوی تەڕ (چاپی دووەم)
نووسینی: تەڵعەت تاهیر
نرخ: 10000 دینار

24/05/2024

ئه‌م كتێبه‌ی‌ به‌رده‌ستتان، ته‌رخان كراوه‌ بۆ سه‌رده‌می ئورك و كاریگه‌ریی كولتوور و ده‌سه‌ڵاته‌كه‌ی، شرۆڤه‌كردنی كاریگه‌ریی كولتووریی ئابووری، لایه‌نی به‌ڕێوه‌بردن و سیاسه‌تی ئوركه‌ به‌سه‌ر ناوچه‌كانی دراوسێیه‌وه‌، كه‌ په‌لی هاویشتووه بۆ مه‌ودایه‌كی زۆر دوورتر له‌ جیۆگرافیای خۆی.

مه‌به‌ست له‌‌م جۆره‌ نووسینانه‌ ته‌نها شرۆڤه‌كردن نییه‌، به‌ڵكوو خوێندنه‌وه‌یه‌كی قووڵه‌ به‌گوێره‌ی نوێترین زانیارییه‌كان له‌ بواری ئاركۆلۆجیادا.‌ ئاشنا‌كردنی خوێنه‌ری كورده‌ به‌ پێش مێژوو یا مێژووی كۆنی میسۆپۆتامیا و ناوچه‌كه‌، تا له‌ ڕێگه‌ی كتێب و نووسینی بێبنه‌ماوه‌ مێشكی پڕ نه‌كرێت و به‌ لاڕێدا نه‌برێت، ئه‌مه‌ جگه‌ له‌وه‌ی كتێب له‌ باره‌ی زانستی ئاركۆلۆجیا‌ هێشتا له‌ زمانی كوردیدا كه‌مه، لێكۆڵه‌ر و خوێندكارانی بواری ئاركۆلۆجیا به‌ده‌ست كه‌میی سه‌رچاوه‌وه‌ ده‌ناڵێنن، ئه‌و كتێبانه‌ی به‌ زمانی كوردی‌ له‌م بواره‌دا نووسراون، به‌ گشتی به‌بێ قووڵبوونه‌وه‌ له‌ لایه‌نی ئاركۆلۆجیادا نووسراون.

ناوی كتێب: دیارده‌ی ئورك | ئورك و پارچه‌پارچه‌كردنی شوێن، ئاركۆلۆجیای كۆڵۆنیالیزمی كولتووری و بازرگانی
نووسینی: جووتیار ئەحمەد
نرخ: 8000 دینار

دەزگای فام بۆ چاپ و بڵاوكردنەوە، دامەزراوەیەكە بۆ چاپ و بڵاوكردنەوەی كتێب، هەوڵدەدات بە شێوەیەك كتێب چاپ بكات، كە هەم لەڕووی ناوەرۆكەوە، ه

19/05/2024

دەزگای فام بەشدارە لە پێشانگای كتێب لە شاری کەلار
پێشانگاكە بۆ ماوەی پێنج (7) ڕۆژ بەردەوام دەبێت
ڕۆژی دوو شەممە 5/20 تا ڕۆژی يەکشەممە 2024/5/26
ڕۆژانە کاتژمێر (9)ی بەیانی تا (7)ی ئێوارە
شوێن: کتێبخانەی گشتی کەلار

16/05/2024

بەم زووانە...
گەلاوێژ وادەی دیدارمانە
دوای کۆچی دوایی ڕۆماننووسی ناوداری جیهانی و وەرگری خەڵاتی نۆبڵی ئەدەبیات "گابریێل گارسیا مارکیز" بە دە ساڵ، ڕۆمانی "گەلاوێژ وادەی دیدارمانە" لە دوو مانگی ڕابردوو بڵاو بووەوە، هەر لەگەڵ بڵاوبوونەوەیدا، پێشوازییەکی گەرمی لێ کرا. دەزگای فام بۆ چاپ و بڵاوکردنەوە، بەم زووانە ئەم ڕۆمانە بە وەرگێڕانی نووسەر و وەرگێڕی بەتوانا "فەرهاد چۆمانی" بڵاو دەکاتەوە...

16/05/2024

ئەم كتێبەی چۆمكسی، چاوپێكەوتنێكی پڕ بایەخە لەگەڵ ئەندریا مۆرۆ ئەنجامی داوە و دواتریش بە شێوەی كتێب بڵاو بووەتەوە. یەكێكە لە بەرهەمە هەرە نوێیەكانییەتی سەبارەت بە زمانەوانیی مەعریفی و سەرنج و بۆچوونە بەنرخەكانی. لەم كتێبەدا؛ چۆمسكی نەك هەر تەنها پرسی زمانەوانیی مەعریفی، بەڵكوو وەك هەمیشە گەلێ باس و لایەنی تریش دێنێتە ناو باسەكە و بە تەوەری سەرەكییەوە دەیانلكێنێت. چۆمسكی وای دەبینێت كە توانای ئەنجامدانی شتێک، نەبوونی توانای ئەنجامدانی شتێکی تر بەدوای خۆیدا دەهێنێت. واتە هەمان ئەو دیزایینەی کە توانامان پێ دەدات شتێک بکەین، ڕێگریمان لێ دەکات لە ئەنجامدانی شتێکی تر. ئەمەش كە بۆ هەموو بوارێكی وجوود دروستە، ئەی بۆ نابێت بۆ مەعریفە ڕاست و رەوان بێت!
خوێنەری سەنگین؛ ئەم كتێبە هەم وەرگێڕانە و هەمیش خۆمان شرۆڤەمان كردووە. ئەمەی دووەمیان پێوست بوو، لەبەر چەند هۆكارێك؛ لەوانە: كەمیی سەرچاوە لە بواری زمانەوانیی مەعریفی و دەماری، هەروەها لە لایەكی تر وەڵامە مەوسووعییەكانی چۆمسكی، هەمیشە گەلێ دەلالەت هەڵدەگرن، كە ئاماژەن بۆ پرسگەلی پڕ سەرنج، شرۆڤەكە دەرئەنجامی گەڕانی بێشوومار و پرسیاركردن و سەرنجەكانی كۆڕسێكی تەواوی دكتۆرا بوو لە زمانەوانی. هیواخوازم لە ئاستی پێویستدا بێت.

ناوی كتێب: ئەودیوی وشەكان
نووسینی: نوام چۆمسکی و ئەندریا مۆرۆ
وەرگێڕان و شرۆڤە: سەنگەر حەسەن نەجم
نرخ: 4000 دینار

14/05/2024

(جۆو دیسپێنزا) زۆر بە كارامەیی و زمانپاراوییەوە نوێترین دۆزینەوە زانستی و فەلسەفی و مەعنەوییەكان كۆ دەكاتەوە، تا بڵێت كاریگەرترین
دەرمان خۆتیت، تەنها بە بیركردنەوەكانت و ئەو نییەتانەی هێناوتن، لەگەڵ ئەو پێشبینیانەی دەیكەیت و بۆ مێشك و جەستەی خۆتت كێشاون، چونكە گەر بیركردنەوەكانی خۆت نەبن بە بەربەست و گەر پلیكانەكان خۆیان ڕێگای سەركەوتنت لێ نەگرن، ئەوا ئەو جەستەیەی توانای نەخۆشكەوتنی هەیە، توانای چاكبوونەوەشی تێدا حەشار دراوە.

لە ساڵانی نەوەدەكاندا، "زانستی نەرمەدەماری" پێشكەوتنی تەواوی بەخۆوە بینی، كە دەڵێت: ئەگەر بۆ ماوەی ٣ هەفتە پەیوەندییەكی دەماری بەكار نەهێنین، ئەوا دەچێتەوەیەك و بەرەو نەمان دەچێت، واتە ئێمە دەتوانین گۆڕانكاری لە ئاوەز و مێشك و پاشان تەندروستیی خۆماندا بكەین، تەنها بە گۆڕینی ئەو پەیامانەی بۆ دەمارەكانی دەنێرین، ئەو پەیامانەش دەكرێ لە ژینگەی بیركردنەوە و نییەت و هەستەكانمانەوە بێن.

تۆ پلاسیبۆیت
نووسینی: جۆو دیسپێنزا
لە ئینگلیزییەوە: ڕۆژە محەمەد سالار
نرخ: 10.000 دینار

12/05/2024

ئەم ڕۆمانە دەقێكە لە یادەوەری، سەرڕێژ لە خەیاڵ و ڕاستی، هی ڕووداوێك زامەكان قووڵ دەكاتەوە و هەڵیاندەكۆڵێت. ئەو یادەوەرییەی چالاك دەبێتەوە و بڕیار دەدات وەك پاشماوەی جەنگ و پاشماوەی شێخ عەلییەك هەرگیز نامرێت و تەمەنی نووحی هەیە، چونكە سەرقاڵە بە هاندانی ئەوانی دیكەوە بۆ گرتنەبەری ڕێگەی مردن.
شێخ عەلی، لەگەڵ كیژێكی شازدە ساڵاندا سیغە دەكات، بە بەهانەی ئەوەی دەتوانێت بە جەستەی لە خوا نزیك ببێتەوە، جەستەی دەبێتە ئامرازێك بۆ كۆكردنەوەی چاكە و لە پاداشتی ئەوەدا پەروەردگار لە بەهەشت كۆشكی دەداتێ، ئەوەش لە سۆنگەی ئەو زەكاتەی مانگانە دەیانداتێ، دەچێتە بن كڵێشەی كیژەوە و دەیباتە گۆڕستانی گوند، ئیدی لای ئەو هەمیشە خۆشەویستی تێكەڵ بە مەرگ و شوێنی چۆڵ و تاریك دەبێت. كچە هەموو ئەمانە لەبەر ئەوە دەكات، تاكوو بژێویی دایكی و خوشك و براكانی دابین بكات.

ناوی كتێب: مێزەر و جەستە
نووسینی: دەلال زەینەدین
لە عەرەبییەوە: سەباح ئیسماعیل
نرخ: 7000 دینار

08/05/2024

من ئەو نووسەرەم كە ڕۆمانەكانم بۆ زیاتر لە بیست زمانی بیانی وەرگێڕدراون، بەڵام هەمیشە هەستم كردووە وەرگێڕانی كارەكانم بۆ زمانی كوردی كارێكی تەواو جیاوازە و لە دڵم ئازیزە، ئەویش بە چەندین هۆكار، بەڵام گرنگترینیان؛ ئاگاداربوونمە بە؛ هۆشیارییە ناوازەكەت، قووڵییت، پرسیارە پێگەیشتووەكانت، ڕۆحی بزێو و خۆشەویستیت بۆ ئازادی.
چونكە تۆ هەرگیز خوێنەرێكی نەرێنی نیت، بە وەڵامەكان قایل نابیت. تۆ خوێنەرێكیت دەیان پرسیار سەبارەت بەو دەقە دەخەیتە ڕوو كە دەیخوێنیتەوە و ئەو خوێنەرە بێهاوتایەیت كە تەنیا بە ئەدەبی مەزن و پێگەیشتوو و مرۆڤانە قایل دەبیت، بۆیە من بە هەموو كتێبێكم كە وەردەگێڕدرێت بۆ كوردی، بە شێوەیەكی جیاواز لە زمانەكانی دیكە دڵخۆش دەبم.

عەلی بەدر

ناوی كتێب: ئاهەنگی بكوژان (كۆمەڵە چیرۆك)
نووسینی: عەلی بەدر
لە عەرەبییەوە: خەڵات عەلی
نرخ: 6000 دینار

05/05/2024

ساڵی 1900 بوو كاتێك نەژادپەرستی هاتە ناو توركیا. ئەوەی ئەو هەستە نەژادییەشی دروست كرد، كوردێك بوو بە ناوی زیا گۆك ئاڵپ. ئەو فاشیستییەی زیا گۆك ئاڵپ وەبەری هێنا، یان با بڵێین ئەو نەژادپەرستییەی گۆك ئاڵپ لە فەرەنسی و ئەڵمانان فێری بوو، نەژادپەرستییەكی كوردی نییە، بەڵكوو نەژادپەرستیی توركییە. لە توركیا، ئەو نەژادپەرستییە توركییە تا ئەمڕۆ دژی سەرجەم بنەما مرۆڤایەتییەكان و دیموكراسی، لە هەموو دنیا بەردەوام لە هەوڵدا بووە. ئیدی لە ساڵانی چلەكان، نەژادپەرستی ببووە هەموو شتێكمان. بە شێویەك، ئیدی لەوێ دەمێدا، تورك وەكوو نەتەوەیەكی سەردەست بەسەر هەموو نەتەوەكانی دیكە، بەردەوام لەسەر بەرگی گۆڤارەكان و هەموو دامودەزگاكانی حكوومەت زۆر بە چڕی كاری لەسەر دەكرا و دەسەڵات بەدەست بوو. ئەو دەسەڵاتدارە فاشیستەی لە ساڵی 1900وە دەستی پێ كرد، بە شێوەیەكی خۆڕسكی، وای كرد ڕژێمێكی داپڵۆسێنەری ترسناك بێنێتە بوون.

هاواری من
نووسینی: یاشار كه‌مال
له‌ توركییه‌وه‌ : محەمەد عزەدین
نرخ: 7000 دینار

30/04/2024

زۆر بە داخەوە هەواڵی كۆچی دوایی كاك "سەڵاح ڕەفیق ڕواندزی"یمان پێ گەیشت، كاك سەڵاح ڕواندزی لە ساڵانی شەستەوە كەسایەتییەكی دیاری نێو شۆڕشی كوردستان بوو. بە ناوی دەزگای فامەوە سەرەخۆشی لە بنەماڵە و كەسوكاری و لە خۆمان دەكەین و لە خوا داواكارین جێگای بەهەشت بێت.

كتێبی بیرەوەرییەكانی كاك سەڵاح ڕەفیق ڕواندزی، بە یارمەتیی مامۆستا شێرزاد ھەینی، بە ناونیشانی "لەدەو خەرەندی ئەحەسێمۆ"، لە لایەن دەزگای فام چاپ و بڵاو كراوەتەوە و تێیدا باسی وردەكارییەكانی ژیانی خۆی دەكات.

29/04/2024

لیستی كتێبە پڕفرۆشەكانی ئەمساڵمان ڕادەگەیەنین

پڕفرۆشترین كتێبەكانی دەزگای فام بۆ چاپ و بڵاوكردنەوە لە شازدەمین پێشانگای نێودەوڵەتیی هەولێر بۆ كتێب، بەم شێوەیە بوو:

1- ناوی تۆ ئیمزای منە/ تەڵعەت تاهیر
2- هاواری من/ یاشار كەمال/ لە توركییەوە: محەمەد عزەدین
3- ئەو گوڵە گەنمانەی بوونە گسك/ تەڵعەت تاهیر
4- بیرەوەرییەكانم/ مووسا عەنتەر/ لە توركییەوە: محەمەد عزەدین
5- تیۆری فستق 1 و 2/ فەهد عامر ئەلئەحمەدی/ لە عەرەبییەوە : ئاودێر ئەحمەد قەمتەرانی
6- ڕۆژگاری وشك و چاوی تەڕ/ تەڵعەت تاهیر
7- یادەوەرییەكان/ ئیسماعیل بێشكچی/ لە توركییەوە: محەمەد عزەدین
8- دوو ساڵ لە كوردستاندا/ كاپتن هەی/ لە ئینگلیزییەوە: هاوكار عەبدوڵڵا
9- ئاهەنگی بكوژان/ عەلی بەدر/ لە عەرەبییەوە: خەڵات عەلی
10- داد/ سەڵاحەدین دەمیرتاش/ لە توركییەوە: فەرهاد چۆمانی
11- 100 ڕێنوێنی بۆ وانەگوتنەوە/ پێنی ئوور/ لە ئینگلیزییەوە: هیمداد عەبدولقەهار موحەممەد
12- پەروانەی بێ شەم/ زریان ڕەحیم
13- مێزەر و جەستە/ دەلال زەینەدین/ لە عەرەبییەوە: سەباح ئیسماعیل
14- خۆت فێرە فیزیا بكە/ یاکوب شویتنبەرگ/ لە ئینگلیزییەوە: ئەحمەد محەمەد نەقاش
15- تۆ پلاسیبۆیت/ جۆو دیسپێنزا/ لە ئینگلیزییەوە: ڕۆژە محەمەد سالار

تۆش سەردانی دەزگای فامت كرد؟ چ كتێبێكت كڕی، وێنەكەی لە كۆمێنت
دانێ، یان ناوەكەی بنووسە، بۆ ئەوەی خوێنەرانیش سوودی لێ وەربگرن.

27/04/2024

سوپاسنامە
بە بۆنەی كۆتاییهاتنی پێشانگای نێودەوڵەتیی هەولێر بۆ كتێب، سوپاسی زۆری خوێنەرانمان دەكەین، سوپاس بۆ ئەوەی كە بە گوڕوتینەوە سەردانتان كردین. هیوادارین لە ئاستی چاوەڕوانیی ئێوەدا بووبین و وەكوو پێویست خزمەتمان كردبن، وەک هەمیشە بە ستایش و بەدەنگەوهاتنتان، ئەرکتان قورستر کردین...
پاڵپشتمان بن بۆ ئەوەی زیاتر پەرە بە كارەكانمان بدەین..
سەرکەوتوو بن..

دەزگای فام
بۆ چاپ و بڵاوكردنەوە

26/04/2024

ڕۆژانەی دەزگای فام لە شازدمین پێشانگای نێودەوڵەتیی هەولێر بۆ كتێب 2024

شوێنی دەزگای فام، خانەی: E9

23/04/2024

ڕۆژی چوارشەممە: 24/4/2024

چیرۆکنووس و ڕۆماننووسی عێراقی

عەلی بەدر

لە شوێنی دەزگای فام لە شازدمین پێشانگای نێودەوڵەتیی هەولێر بۆ كتێب 2024
ئامادە دەبێت، بۆ دیداری خوێنەرانی و ئیمزاکردنی کتێبی کۆمەڵەچیرۆکی "ئاهەنگی بکوژان"، لە وەرگێڕانی خەڵات عەلی و بڵاوکردنەوەی دەزگای فام.

کات: 4ی ئێوارە
شوێنی دەزگای فام، خانەی: E9

23/04/2024

نووسەر و شاعیر تەڵعەت تاهیر لە دەزگای فام ئامادە بوو بۆ دیداری خوێنەرانی و ئیمزاکردنی کتێبەکانی.

ئەمڕۆش کاتژمێر چوار بە هەمان شێوە ئامادە دەبێت.

شوێنی دەزگای فام، خانەی: E9

21/04/2024

ڕۆژانی:
دووشەممە: 22/4/2024
سێشەممە: 23/4/2024

نووسەر و شاعیری دیاری کورد تەڵعەت تاهیر،
لە شوێنی دەزگای فام بۆ دیداری خوێنەرانی و ئیمزاکردنی کتێبەکانی ئامادە دەبێت.
لە شازدمین پێشانگای نێودەوڵەتیی هەولێر بۆ كتێب 2024

کات: 4ی ئێوارە
شوێنی دەزگای فام، خانەی: E9

20/04/2024

ڕۆژانەی دەزگای فام لە پێشانگای نێودەوڵەتیی هەولێر بۆ كتێب

شوێنی دەزگای فام، خانەی: E9

20/04/2024