Zedpress

Zedpress زێدپرێس، ناوەندێکی میدیایی گشتییە.

زێدپرێس، دامەزراوەیەکی میدیایی سەربەخۆیە، بەشێوەیەکی پیشەییانە، ڕاستی و زانیارییەکان پێشکەش بە خوێنەرانی کوردزمان دەکات. نووسینگەی سەرەکی لە شاری هەولێر-پایتەخی هەرێمی کوردستانە.

زێدپرێس، بەرپرسیارانە و بە ڕەچاوکردنی ئیتیکی ڕۆژنامەوانی مامەڵە لەگەڵ ڕووداو، پرس و بابەتەکان دەکات.

ماڵپەڕی زێدپرێس زیاتر ڕاپۆرتی بەدواداچوونی و بنکۆڵکاری بڵاو دەکاتەوە، لەپاڵ شرۆڤە و شیکاریی قووڵی سیاسی، ئابووری، ژینگ

ە، کۆمەڵایەتی و کەلتووری.

خزمەتگوزارییە میدیاییەکانمان، لە ڕێگەی ماڵپەڕێکی ئەلیکترۆنی و پلاتفۆڕمە جیاجیاکانی سۆشیال میدیا بە خوێنەرانمان دەگەیەنین.

زێدپرێس، لە هەنگاوی یەکەمدا، بەرهەمەکانی بە زمانی کوردی بڵاو دەکاتەوە و لە داهاتوودا کار بۆ بڵاوکردنەوەی بەرهەمەکانی بە زمانەکانی عەرەبی و ئینگلیزی دەکات.

خشتەی دابەشکردنی مووچەی فەرمانبەران بۆ مانگی تشرینی دووەم ڕۆژی یەک شەممە ( ٢٠٢٥/١/٥ ) دەست بەدابەشکردنی مووچەی مانگی تش...
02/01/2025

خشتەی دابەشکردنی مووچەی فەرمانبەران بۆ مانگی تشرینی دووەم

ڕۆژی یەک شەممە ( ٢٠٢٥/١/٥ ) دەست بەدابەشکردنی مووچەی مانگی تشرینی دووەمی فەرمانبەران و مووچەخۆرانی هەرێمی کوردستان دەکرێت و ڕۆژی چوار شەممە ( ٢٠٢٥/١/٨ ) کۆتایی دێت.

ڕاگەیاندنی وەزارەتی دارایی و ئابوری. ٢٠٢٥/١/٢

وەزارەتی دارایی: بەغدا دەیەوێ فەرمانبەرانی هەرێم بکاتە قوربانی کێشەکانی خۆیڕاگەیەندراوێک لە وەزارەتی دارایی و ئابووری هە...
02/01/2025

وەزارەتی دارایی: بەغدا دەیەوێ فەرمانبەرانی هەرێم بکاتە قوربانی کێشەکانی خۆی

ڕاگەیەندراوێک لە وەزارەتی دارایی و ئابووری هەرێمی کوردستانەوە.

سەرەڕای مافی دەستووری و بوونی یاسای بوودجە و بڕیاری دادگای فیدراڵی عێراق بۆ خەرجکردنی مووچەی فەرمانبەرانی هەرێمی کوردستان هاوشێوەی مووچەخۆرانی تری عێراق و بەدەرکردنی لەهەر کێشە و گرفتێکی تر، هاوکات بوونی تەرخانکراوی پێویست لە خشتەکانی یاسای بوودجە بەراورد بەو تەمویلەی وەزارەتی دارایی عێراق ناردوویەتی و ڕێکكەوتنی نێوان هەردوو حکومەتی هەرێم و حکومەتی فیدراڵی بۆ خەرجکردنی تەواوی مووچەی فەرمانبەران تا کۆتایی ساڵی( ٢٠٢٤ )، بەڵام حکومەتی فیدراڵ پێشێلی مافە دەستوریەکانی خەلکی هەرێمی کوردستان دەکات و ئامادە نییە شایستە داراییەکانی هەرێمی کوردستان وەک خۆی بنێرێت.

١- کۆی تەرخانکراوی هەرێمی کوردستان لەهەردوو بڕگەی ( تعویضات الموضفین ) و ( الرواتب التقاعدیة و الرعایة الاجتماعیة ) بۆ ساڵی ٢٠٢٤ بریتیی بووە لە ( ١١،٥٧٦،٥٢١،٣٣٥،٠٠٠) یانزە ترلیۆن و پێنجسەد و حەفتا و شەش ملیار و پێنجسەد و بیست و یەک ملیۆن و سێسەد و سی و پێنج هەزار دینار، هەرچەندە پێویستی هەرێمی کوردستان بۆ مووچەی ساڵی ڕابردوو نزیکەی ( ١٢،٠٠٠،٠٠٠،٠٠٠،٠٠٠ ) نزیکەی دوانزە ترلیۆن دیناربووە و هەوڵمانداوە لە ڕێی ( المناقلة ) وە ئەو کورتهێنانە پڕ بکەینەوە، بەڵام لەلایەن وەزارەتی دارایی حکومەتی فیدراڵەوە بۆ تێکڕای ساڵەکە تەنها (١٠،٧٥٢،٥٨٢،٥٥٨،٤٨٠) دە ترلیۆن و حەوتسەد و پەنجا و دوو ملیار و پێنج سەدو هەشتا و هەشتاو دوو ملیۆن و پێنج سەدو پەنجاو هەشت هەزار و چوار سەدو هەشتا دینار خەرج کراوە ، بڕی ( ٨٢٣،٩٣٨،٧٧٦،٧٢٠ ) هەشتسەد و بیست و سێ ملیار و نۆ سەدو سی و هەشت ملیۆن و حەوت سەدو حەفتاو شەش هەزارو حەوت سەدو بیست دینار لە تەرخانکراوی هەرێم بۆ مووچە ماوەتەوەو خەرج نەکراوە، حکومەتی فیدراڵی دەیەوێت فەرمانبەران و مووچەخۆرانی هەرێمی کوردستان بکاتە قوربانی کێشەکانی خۆی و بەبیانووی نەمانی تەرخانکراو و کەمی سیولەی نەقدی ئەمساڵیش مووچەیەکی فەرمانبەرانی هەرێمی کوردستان نەدات.

٢- سەبارەت بە داهاتی ناوخۆی هەرێمی کوردستان بۆ ساڵی ٢٠٢٤، هەندێک کەس و لایەن بەناشارەزایی قسەی لەسەر دەکەن و کردوویانە بەکەرەستەی مزایەدە ، لەمانگی ئایارەوە کە هەردوو بەڕێزان سەرۆک وەزیرانی عێراق و سەرۆک وەزیرانی هەرێمی کوردستان لە سەرشێوازی ناردنی بەشی گەنجینەی فیدراڵی لە داهاتی ناوخۆی هەرێمی کوردستان ڕێکەوتن بۆ ماوەی پێنج مانگ دوابەدوای یەک پشکی گەنجینەی فیدراڵی نێردراوە کەبڕەکەی ( ٣٩٩،١٦٨،٩٦١،٠٠٠ ) سێسەد و نەوەد و نۆ ملیار و سەد و شەست و هەشت ملیۆن و نۆسەد و شەست و یەک هەزار دینار بووە، تا ئەو کاتەی کورتهێنانی گەورە بۆ دابەشکردنی مووچە لەلایەن وەزارەتی عێراقەوە دروست کراو بەناچاری بە داهاتی ناوخۆ پڕ کرایەوە.

لەسەرەتای ساڵی ٢٠٢٤ تا مانگی تشرینی یەکەم حکومەتی هەرێمی کوردستان بەناچاری نزیکەی ( ٩٦٠،٠٠٠،٠٠٠،٠٠٠) نۆسەد و شەست ملیار دینار داهاتی ناوخۆی بۆ پڕکردنەوەی کورتهێنانی مووچەی ئەو مانگانە تەرخان کردووە کە وەزارەتی دارایی عێراق هەرجارەی بەبیانوویەک بڕیویەتی. ئەوەی لە داهاتی ناوخۆ ماوەتەوە، بەشی زۆری بۆ خەرجی بەکاربردن بەکارهاتووە کە مانگانە زیاترە لە ( ١٦٠،٠٠٠،٠٠٠،٠٠٠ ) سەد و شەست ملیار دینار کە بۆ ساڵەکە دەکاتە نزیکەی دوو ترلیۆن دینار، ( بۆ پێشکەش کردنی خزمەتگوزاری بەهاوڵاتیان وەک خزمەتگوزاری تەندروستی وپەروەردەو خوێندنی باڵاو کارەباو پاکردنەوەو ئاو و هەموو ئەو سێکتەرانەی خزمەتگوزاری پێشکەش دەکەن).

ئەوە جگە لەخەرجی ئەو پرۆژانەی حکومەتی هەرێم لە ناوچە جیاوازەکان ئەنجامی دەدات، کە سەرجەمیان لەسەر داهاتی ناوخۆیە بەهۆی ئەوەی چەند ساڵێکە حکومەتی فیدراڵی یەک دیناری بۆ پرۆژەکان نەناردووە.

لەمانگی تەموزەوە بڕیاری هاوتاکردنی مووچەی خانەنشینان بەپێی یاسای خانەنشینی یەکگرتوی عێراق لەهەرێم جێبەجێ کراوە و دادگای فیدراڵی عێراق حکومەتی فیدراڵی پابەند کردووە بەدابینی کردنی ئەو شایستەیەی لە هاوتاکردنی مووچەکانیان دروست بووە کە مانگانە نزیکەی ( ٦٠،٠٠٠،٠٠٠،٠٠٠ ) شەست ملیار دینار تەموویلەکەی زیادی کردووە بەڵام وەزارەتی دارایی عێراق یەک دیناری بۆ خەرج نەکردون و بڕیاری دادگای فیدراڵیان جێبەجێ نەکردوووە، ئەو تەموویلە زیادەیە لە داهاتی ناوخۆ دابین کراوە، ئەوە سەرەڕای تەموویلی مووچەی مامۆستایانی گرێبەست لە وەزارەتی پەروەردەو خوێندنی باڵا دوای ئەوەی لە وانەبێژیەوە کران بە گرێبەست کە سەرجەمی مووچەکەیان لە داهاتی ناوخۆیەو مانگانە نزیکەی ( ٢٠،٠٠٠،٠٠٠،٠٠٠ ) بیست ملیار دینارە.

٣-بۆ مووچەی مانگی تشرینی یەکەم ( ١٠ ) وەک وەزارەتی دارایی هەرێمی کوردستان داوای تەموویل کردنی بڕی ( ٩٩٩،١٢٤،٣٢٩،٠٠٠ ) نۆسەد و نەوەد و نۆ ملیار و سەد و بیست و چوار ملیۆن و سێسەد و بیست و نۆ هەزار دینارمان کردووە، بەڵام وەزارەتی دارایی حکومەتی فیدراڵ تەنها (٧٦٠،٢٦٢،٠٠٠،٠٠٠) حەوتسەد و شەست ملیار و دووسەد و شەست و دوو ملیۆن دیناری ناردووە، بەو شێوەیەش نزیکەی ( ٢٣٩،٠٠٠،٠٠٠،٠٠٠) دووسەد و سی و نۆ ملیار دینار کورتهێنانی هەبووە و لەداهاتی ناوخۆ پڕ کراوەتەوە، بۆ مووچەی مانگی یانزە بەپێی ڕاپۆرتەکانی تەرازووی پێداچوونەوەی مانگانە پێویستمان بەنزیکەی یەک ترلیۆن دینار بووە، بەڵام وەزارەتی دارایی عێراق تەنها ( ٦٣١،٣٣٥،٠٠٠،٠٠٠) شەشسەد و سی و یەك ملیار و سێ سەدو سی و پێنج ملیاری ناردووە، بۆ مووچەی مانگی دوانزە پێویستمان بە نزیکەی یەک ترلیۆن دینار بووە بەڵام وەزارەتی دارایی عێراق تەنها بڕیاری لەسەر خەرجکردنی تەنها ( ٤٤١،٤٩٣،٠٠٠،٠٠٠ ) چوارسەد و چل و یەک ملیار و چوار سەدو نەوەدو سێ ملیۆن دینار داوە، واتە بۆ مووچەی سێ مانگی کۆتایی ساڵی ڕابردوو وەزارەتی دارایی عێراق لە کۆی سێ ترلیۆن دینار تەنها ( ١،٨٣٣،٠٩٠،٠٠٠،٠٠٠ ) یەک ترلیۆن و هەشت سەدو سی و سێ ملیارو نەوەد ملیۆن دیناری ناردووە بەوەش نزیکەی ( ١،١٦٧،٠٠٠،٠٠٠،٠٠٠ ) یەك ترلیۆن و سەد و شەست و حەوت ملیار دیناری لە تەمویلی مووچەی هەر سێ مانگەکە بڕیوە.

لەگەڵ گەیشتنی ئەو بڕە پارەیەی لەم هەفتەیە بڕیاری لەسەردراوە، لەسەرەتای هەفتەی داهاتوو ڕاستەوخۆ دەست بە دابەشکردنی مووچەی مانگی یانزە دەکرێت، وەک وەزارەتی دارایی و حکومەتی هەرێم سورین لەسەر بەدەستهێنانی مووچەی مانگی دوانزە، کە لە ئەستۆی حکومەتی عێراقە دابینی بکات.

لەماوەی چەند مانگی ڕابردووشدا وەک وەزارەتی دارایی سەرجەم تێبینی و کێشە هونەریەکانی لیستی مووچەمان چارەسەر کردووە و تیمە تەکنیکیەکانمان بەردەوام لەگەڵ تیمی تەکنیکی وەزارەتی دارایی عێراق لەسەر هێڵ بوون تا هیچ بیانوویەک بەدەست حکومەتی فیدراڵەوە نەمێنیت بۆ نەناردن و دواخستنی مووچەی فەرمانبەرانی هەرێمی کوردستان.

لە دواین کۆبوونەوەی شاندی هەردوو وەزارەت کە ڕۆژی ١٢/١٥ لە بەغداد بەڕێوەچوو، وەزیری دارایی عێراق بەڵێنیدا کە تەموویلی مانگی دوانزە و ئەو بڕەی بۆ مانگی یانزە پێویستە چارەسەر بکات.

لەگەڵ ئەوەی چەند تەرخانکراوێکمان لە پشکی هەرێم لە یاسای بوودجە هەیە و بەپێی یاسا دەتوانین گواستنەوە ( المناقلة ) ی پێ بکەین بۆ پڕکردنەوەی کورتهێنانی مووچە، بەڵام دوای چەندین بڕیار بۆ گواستنەوەی بڕی ( ٤٣٠،٠٠٠،٠٠٠،٠٠٠ ) چوارسەد و سی ملیار بۆ پڕکردنەوەی کورتهێنانی مووچەی سێ مانگی کۆتایی ساڵ بەڵام کێشەی نوێ بۆ جێبەجێکردنی دروست کرا.

لەلایەکی ترەوە بوونی مادەی ( ٦٠ ) لەیاسای بوودجەی عێراق دەسەڵات دەدات بەسەرۆک وەزیرانی عێراق بۆ پڕکردنەوەی کورتهێنانی مووچە ئەگەر تەرخانکراویشی نەمابێت، لەبەرئەوەی بابەتی مووچە گرنگ و تایبەتە و پەیوەندی ڕاستەوخۆی بەژیان و قووتی خەڵکەوە هەیە.

بەپێی دواین ڕاپۆرتی تیمی تەکنیکی هاوبەشی هەردوولا کە ماوەی هەفتەیەک لەهەرێمی کوردستان بوون بەمەبەستی ڕێکخستنەوەی ڕاپۆرتەکانی تەرازووی پێداچوونەوەی مانگەکانی ( یەک تا یانزە ) دەرکەوت سەرجەم ڕاپۆرتەکان هاوتای ئەو ڕاپۆرتانەن کە پێشتر مانگانە هەرێمی کوردستان ناردوویەتی.

وەزارەتی دارایی و ئابووری هەرێمی کوردستان. ٢٠٢٥/١/٢

31/12/2024

هاریێت تۆبمان، ئاماژەیەک بۆ ئازادی

وتارێکی تایبەتی د. ئیبراهیم مەلازادە لەکۆمێنت؛

31/12/2024

بەهۆی تۆپبارانەکانی تورکیاوە هاووڵاتییەکی مەدەنی بریندار بوو

وردەکاری لەکۆمێنت؛

29/12/2024

ئاسایشی هەولێر: بکوژێکمان دەستگیر کرد و دانی بە تاوانەکەیدا ناوە

ڕوونکردنەوە و وێنەی دەستگیرکراوەکە لە کۆمێنت؛

26/12/2024

کۆمیسیۆنی ئاشکراکردنی ڕاستییەکان؛ دادوەری ڕاگوزەر و ئاشتەوایی لەکوێیە؟!

شیکارییەکی تایبەت لەکۆمێنت؛

25/12/2024

ساڵی ٢٠٢٥ جیهان چی لە پێشە؟

شرۆڤەیەکی تایبەت لە کۆمێنت؛

22/12/2024

هەولێر؛ لە هەفتەیەکدا پێنج کەس بە تەزووی کارەبا گیانیان لەدەستداوە

وردەکاری لەکۆمێنت؛

پڕۆژه‌ی دووسایدی (هه‌ولێر - كۆیه‌) كه‌وته‌ واری جێبه‌جێكردنزێدپرێسبە گوژمەى زیاتر لە 560 ملیار دینار، پڕۆژەی دووسایدی هە...
22/12/2024

پڕۆژه‌ی دووسایدی (هه‌ولێر - كۆیه‌) كه‌وته‌ واری جێبه‌جێكردن

زێدپرێس

بە گوژمەى زیاتر لە 560 ملیار دینار، پڕۆژەی دووسایدی هەولێر-کۆیە کەوتە واری جێبەجێکردنەوە.

ئومێد خۆشناو پارێزگاری هەولێر ڕایگەیاند، "لە چوارچێوەى گرنگیدانى كابینەی نۆیەمی حكوومەتی هەرێمی كوردستان بە رێگه‌وبان، كە توانراوە پێشكەوتنێكی زۆر لە ڕێگاكان بکرێت، بە گوژمەى ( 560 ملیار و 443 ملیۆن و 225 هەزار دینار)، پڕۆژه‌ی دووسایدی ڕێگه‌ی نێوان هەولێر - كۆیە كه‌وته‌ واری جێبه‌جێكردنه‌وه‌".

خۆشناو، لەبارەی پڕۆژەکەوە گوتیشی: "پڕۆژەیەکى ستراتیژى گرنگى سنوورى شارى هەولێرە و درێژییەكەی نزیكه‌ی (40) كیلۆمەترە و بریتییه‌ لە فراوانكردن و تەواوكردنی قۆناغی یەكەم و دووەمی رێگاکە".

پڕۆژەی دووسایدی نێوان هەولێر-کۆیە، پێش زیاتر لە دە ساڵ ڕاگەیەندرا و دەستیش بە هەنگاوە بەراییەکانی کرا، بەڵام لەگەڵ سەرهەڵدانی قەیرانە ئابوورییەکەی ساڵی 2014 وازی لێهێنرا و پێشکەوتنی بەخۆیەوە نەبینی.

ڕێگای نێوان هەولێر-کۆیە، ڕێگایەکی کۆنی یەکسایدە و بەهۆی گوشاری زۆری سەر ڕێگەکە و هاتوچۆی تانکەر و بارهەڵگرەکانیش پێیدا، ڕۆژانە ڕووداوەکانی هاتوچۆی تێدا ڕوودەدەن و دەیان هاووڵاتیش لەو ڕێگەیە گیانیان لەدەستداوە و بەهۆیەوە بە "ڕێگای مەرگ" ناسراوە.

22/12/2024

زێدپرێس جیاکاری و گەندەڵی لە لقەکانی بانکی بازرگانیی عێراق لە هەرێمی کوردستان ئاشکرا دەکات

ڕاپۆرتێک لە کۆمێنت؛

22/12/2024

بۆچی خەڵکی کوردستان لە دۆلاری فڕۆکەخانەکان بێ-بەشکراوە؟

وردەکاری لەکۆمێنت؛

19/12/2024

ئاگادارییەک لە وەزارەتی ناوخۆوە: لەبەر مووچەکانتان بەپەلە کارتی نیشتمانی دەربهێنن

وردەکاری لەکۆمێنت؛

ڕێگای تورکیا بۆ گفتوگۆکردن لەگەڵ کوردانی ڕۆژئاڤا مەحاڵەد. موفید محەمەد نووریلەژێر ڕۆشنایی تازەترین ڕووداو و پێشهاتەکانی ...
19/12/2024

ڕێگای تورکیا بۆ گفتوگۆکردن لەگەڵ کوردانی ڕۆژئاڤا مەحاڵە

د. موفید محەمەد نووری

لەژێر ڕۆشنایی تازەترین ڕووداو و پێشهاتەکانی جەنگی ناوخۆیی سووریادا، کە لە کۆتایی مانگی ڕابردوودا لەسەر دەستی کۆمەڵێ گرووپی توندڕەو كە ناسراون بە بەرەی تەحریر شام و سوپای ئازادی سووریا و گرووپ و هێزگەلێکی تر، کە هەموویان دەچنەوە ناو بازنەی هێزە جیهادییە ئایینییە توندەڕەوەکانەوە دەستی پێکردەوە، لە ڕاستیدا ئەم گرووپانە دواکەوتووترین پێکهاتەی کۆمەڵگای سووریان، کە باوەڕ و ئاڕاستەگەریی ئیسلامی سیاسی ناو سووریا پیشان دەدەن. سەبارەت بەم ڕووداوانەی ئەم چەند ڕۆژەی ڕابردوو ئاماژه به شیکردنەوەیەکی سیاسی “زافی بار” دەدەم، کە لە ڕۆژنامەی هارێتز (Haaretz)ی ئیسرائیلی ساڵی ٢٠١٩دا بڵاوبۆتەوە، و تیایدا بە خەڵکی ئیسرائیل دەڵێت، زۆر ناخایەنێت شەڕی نێوان کوردەکانی ڕۆژئاڤا و حکوومەتی تورکیا سەرهەڵدەداتەوە، ئەوەش بەهۆی ئەو دەستتێوەردانەی کە لە سووریادا دەیکات و سەرەنجام دەبێتە هۆی ئەوەی کە (ڤێتنامی تورکیا)ی لێوە بێتەئاراوە.

درێژەی وتارەکە لەم لینکەدایە؛
https://zedpress.krd/political/13180/

بزمار نییه‌ مێخه‌!د. کاوە مەحموودئه‌م ڕووداوه‌ی ده‌یگێڕمه‌وه‌ كاتی خۆی بۆ به‌شێك له‌ هاوڕێیانی خۆم باسكردووه ‌‌و، وابزان...
18/12/2024

بزمار نییه‌ مێخه‌!

د. کاوە مەحموود

ئه‌م ڕووداوه‌ی ده‌یگێڕمه‌وه‌ كاتی خۆی بۆ به‌شێك له‌ هاوڕێیانی خۆم باسكردووه ‌‌و، وابزانم ئێستا كاتی هاتووه‌ له‌م نووسینه‌دا ئاماژه‌ی پێبكه‌م.

له‌ شوباتی 2013 له‌ كۆنگره‌ی حزبی شیوعی ڕووسیا به‌شداربووم. له‌و كۆنگره‌یه‌دا 92 حزبی شیوعی ‌و كرێكاری له‌ جیهاندا به‌شداربوون. دوو ڕۆژی یه‌كه‌می كۆنگره‌ بۆ وتاری حزبه‌ به‌شداربووه‌كان سه‌باره‌ت به‌ په‌یامی پیرۆزبایی كۆنگره‌‌ و لێكدانه‌وه‌ی ڕه‌وشی سیاسی ته‌رخانكرابوو. له‌ هۆڵی كۆنگره‌دا سكرینێكی گه‌وره‌ دانرابوو، كه‌ به‌رده‌وام گردبوونه‌وه‌ی كۆمه‌ڵێك خه‌ڵكی سووریای پیشان ده‌دا، كه‌ ئاڵای سووریا ‌و وێنه‌ی به‌شار ئه‌سەدیان هه‌ڵگرتبوو، ‌و دروشمی پشتگیریان له‌ ڕژێمی ئه‌سه‌د دەگوتەوە‌‌. ئه‌م چالاكییه‌ به‌ ناوی پشتگیریكردنی گه‌لی سووریا نمایش ده‌كرا.

وتاری حزبه‌كان، كه‌ به‌ په‌پێی ئه‌لفابیت ڕێكخرابوو، له‌ ڕۆژی یه‌كه‌مدا به‌ گشتگیری دژی بابه‌تی به‌هاری عه‌ره‌بی ‌و پشتگیری بۆ ڕژێمی ئه‌سه‌د بوو. نۆبه‌تی وتاری من له‌ سه‌ره‌تای ڕۆژی دووه‌مدا بوو. به‌ پێچه‌وانه‌ی وتاره‌كانی ڕۆژی یه‌كه‌م، كه‌ هه‌ر هه‌موویان ده‌یانگوت (بزماره‌ بزماره‌)، من گوتم (بزمار نییه‌ مێخه‌).

درێژەی وتارەکە لەم لینکەدا خراوەتەڕوو:
https://zedpress.krd/political/13137/

18/12/2024

هەولێر: سێ کەس بە بڕی زیاتر لە دوو کیلۆگرام ماددەی هۆشبەرەوە دەستگیر کران

وێنە و وردەکاری لەکۆمێنت؛

18/12/2024

سلێمانی؛ دوو بازرگان بە ٧٠ لیتر ماددەی هۆشبەرەوە دەستگیر کران

وردەکاری لەکۆمێنت؛

18/12/2024

چەند ڕوونکردنەوەیەک لە “هەژماری من”ەوە بۆ مووچەخۆران

وردەکاری لەکۆمێنت؛

تورکیا و ئەمریکا و هەسەدە؛ ڕۆژئاوا لە بەردەم ڕۆژانێکی یەکلاکەرەوەدائەبوبەکر کاروانیدۆخێکی نوێی وا لە سووریا هاتۆتە کایەو...
18/12/2024

تورکیا و ئەمریکا و هەسەدە؛ ڕۆژئاوا لە بەردەم ڕۆژانێکی یەکلاکەرەوەدا

ئەبوبەکر کاروانی

دۆخێکی نوێی وا لە سووریا هاتۆتە کایەوە، کورد و هێزەکانی ڕۆژئاوا نەك هەر خۆیان بۆ ئامادە نەکردبوو، بەڵکو بەدانپێدانانی بەرپرسەکانیان دووچاری جۆرێك لە شۆکبوون بوون، بەرانبەر هەرەسهێنانی خێرای هێزەکانی بەشار و چارەنووسی هەریەك لە ڕووسیا و ئێران لەو وڵاتەدا.


واتە بیرکردنەوە و گرەو و خۆڕێکخستنیان لە چوارچێوەی هاوکێشە کۆنەکەی پێش ڕووخانی ڕژێم و هاوسەنگییە سیاسی و سەربازییەکانیدا بووە. ئەوەش وایکردووە هەندێ ئەرك کە دەبوو پێشتر و وەك زەمینەسازی بۆ دۆخە نوێیەکە ئەنجامی بدەن، کە چەندین ساڵە داوا دەکرێت ئەنجامی نەدەن، هەروەها ڕووداو و گۆڕانکارییەکان لە تواناکانی ئەوان گەورەتر بێت، نەشتوانن بەو خێراییەی ڕەوشەکە دەچێتە پێشەوە خۆ لەگەڵ جەبرەکانیدا بەگوێرەی پێویست بگونجێنن.

کوردی ڕۆژئاوا و بەتایبەتیش هێزە بنەڕەتییەکەی کە چەك و زەوی و ئیدارەی بەدەستەوەیە، کەوتۆتە نێوان بەرداشی تورکیا و ئەمریکاوە. تورکەکان، لەسۆنگەی ئەوەی بە سەرکەوتووی دۆخەکە دادەنرێن و دەسەڵاتدارە نوێکانی دیمەشق خۆیان بەقەرزاری دەزانن، تاڕاددەیەکی بەرچاو دەرگای لەبەردەمدا واڵایە.

درێژەی وتارەکە لەم لینکەدا خراوەتەڕوو؛

https://zedpress.krd/political/13122/

Address

Erbil, 60 Meter Street, In Front Of Sylo Erbil Kurdistan, Nawroz Tower
Irbil
44001

Telephone

+9647504566276

Website

Alerts

Be the first to know and let us send you an email when Zedpress posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zedpress:

Shortcuts

Share

Category