رۆژنامەی میدیا, كوران, Irbil (2024)

22/12/2024

السكرتير العام للاتحاد القومي الديمقراطي الكوردستاني YNDK یشارك مراسيم الیوم العالمي للتضامن مع الشعب الفلسطيني

ميديا- اربيل:
مساء اليوم 22 / 12 / 2024، شارك السكرتير العام ل(YNDK) مراسم الیوم العالمي للتضامن مع الشعب الفلسطيني، وقد قدم لهذه المناسبة تهانيه وتضامنه وقيادة YNDK الى القنصلية العامة لدولة فلسطين ومن خلالها الى حكومة وشعب فلسطين.
مساء اليوم الأحد، شارك غفور مخموري السكرتير العام للإتحاد القومي الديمقراطي الكوردستاني YNDK ويرافقه زیلان سارممي عضوة اللجنة القيادية لYNDK, بناء على دعوة القنصلية العامة لدولة فلسطين في اربيل مراسم الیوم العالمي للتضامن مع الشعب الفلسطيني (29 نوفمبر) التي جرت في قاعة جلجامش بأربيل، بحضور المسؤولين الحزبيين والحكوميين والبرلمانيين والوزراء والسلك الدبلوماسي المعتمد في کوردستان وممثلي منظمات المجتمع المدني وجمهور من الجالية الفلسطينية ورؤساء ووجهاء العشائر الكوردية والعربية في اربيل، وقد استقبل السكرتير العام لYNDK بحرارة من قبل السادة السفير نظمي حزوري القنصل العام لدولة فلسطين في كوردستان والدبلوماسيين والعاملين في القنصلية، أبلغ السكرتير العام ل YNDK باسمه وباسم قيادة YNDK تضامنه مع الشعب الفلسطيني في تلك المراسم للقنصلية العامة لدولة فلسطين ومن خلالهم فخامة الرئيس محمود عباس رئيس دولة فلسطين وحكومة وشعب فلسطين، آملاً للشعب الفلسطيني التوفيق والإزدهار ومزيداً من التقدم، هذا وقد عبر القنصل العام لدولة فلسطين ودبلوماسيه عن إرتياحهم بحضور السكرتير العام لYNDK في المراسم وشكروا موقفهم و حضورهم.
والجدير بالذكر حيث قدم السفير نظمي حزوري القنصل العام لدولة فلسطين في کوردستان نبذة عن نضال الشعب الفلسطيني واليات اصدار هذا القرار المهم للتضامن مع الشعب الفلسطيني ونضاله المستمر لتحقيق حقوق هذا الشعب المناضل لعقود طويلة دون كلل ودون انقطاع.

21/12/2024

لە پەیوەندییەکى تەلەفۆنیدا :
سکرتێرى گشتیى YNDK جەژنى (ئێزى) لە میرى ئێزدیان لە کوردستان و جیهان پیرۆز دەكات

میدیا - هەولێر :
پێشنیوەڕۆى ئەمڕۆ، ٢٠ / ١٢ / ٢٠٢٤ ، سکرتێرى گشتیى YNDK لە رێى پەیوەندى تەلەفۆنى پەیوەندى بە میرى ئێزدیان لە کوردستان و جیهان کرد و، وێڕاى هەواڵپرسین, بەبۆنەى جەژنى (رۆژیێن ئێزى) پیرۆزبایى لە جەنابیان کرد و، هیواى تەمەن درێژى و تەندروستییەکى باش و سەرکەوتنى بۆ خواستن.
پێشنیوەڕۆى ئەمڕۆ هەینى ؛ غەفوور مەخموورى سکرتێرى گشتیى یەکێتى نەتەوەیى دیموکراتى کوردستان YNDK ، پەیوەندییەکى تەلەفۆنى لەگەڵ بەڕێز (میر حازم تەحسین بەگ میرى ئێزدیان لە کوردستان و جیهان) ئەنجامدا و، وێڕاى هەواڵپرسین، بەبۆنەى جەژنى (رۆژیێن ئێزى)، پیرۆزبایى لە جەنابى میرو لە رێى جەنابیانەوە لە ماڵباتى میرو جڤاتى رۆحانى و تەواوى خوشک و برایانى ئێزدى کردو هیواى تەمەن درێژى و تەندروستییەکى باشى بۆ خواستن و، هەروەها ئومێدى خواست و ئەم جەژنە بەخێرو خۆشى بۆ خوشک و برایانى ئێزدى و هەموو گەلى کوردستان بگەڕێتەوە، هەر لە پەیوەندییە تەلەفۆنییەکەدا رۆڵى جەنابى میرى لە خزمەتکردنى خەڵکى کوردستان و قوڵکردنەوەى زیاترى گیانى برایەتى و پێکەوەژیانى لە کۆمەڵگەى کوردستان بەرز نرخاند.
(میر حازم تەحسین بەگ میرى ئێزدیان لە کوردستان و جیهان) لەلایەن خۆیەوە سوپاس و سڵاوو رێزى خۆیان و خوشک و برایانى ئێزدى بە سکرتێرى گشتى و سەرکردایەتیى YNDK راگەیاندو، سوپاسى ئەو پەیوەندى و بەسەرکردنەوەو نرخاندنەى سکرتێرى گشتیى YNDK-ى کردو هیواى تەمەن درێژى و تەندروستییەکى باشى بۆ خواستن.
هەر لە پەیوەندییە تەلەفۆنییەکەدا؛ جەختیانکردەوە سەر پێشڤەبردن و پتەوكردنی پەیوەندی برایانەى نێوان هەردوولا لەپێناو زیاتر خزمەتكردنى گەلى كوردستان.

21/12/2024

*پەیامى هاوخەمى سکرتێرى گشتیى YNDK بۆ بنەماڵەی خوالێخۆشبوو (مەحموود خدر مەولود قەراجی)*

بەڕێزان بنەماڵەى خوالێخۆشبوو (مەحموود خدر مەولود قەراجی)

سڵاوێكی گەرم ....
بەخەم و پەژارەیەكی زۆرەوە هەواڵی كۆچی دوایی کەسایەتیى چاکەخوازو ناسراوى دەڤەری مەخموور و قەراج کاک (مەحموود خدر مەولود قەراجی)-مان پێگەیشت، ئەم هەواڵە هەموو لایەکمانى دڵتەنگ و خەمبار کرد.
بەناوی خۆمان و ئەندامانی مەكتەبی سیاسی و كۆمیتەی سەركردایەتی و تەواوی ئەندامانی یەكێتی نەتەوەیی دیموكراتی كوردستان YNDK پرسەو سەرەخۆشی گەرمی خۆمان ئاراستەی ئێوەى بەڕێزو تەواوى بنەماڵە سەربەرزەکەتان و خزمانى خوالێخۆشبوو دەكەین و خۆمان بە هاوخەمتان دەزانین و، ئومێد دەكەین ئەوە دواناخۆشیتان بێت و، لە یەزدانی مەزن دەپاڕێینەوە دڵنەوایی و ئارامی بە هەموو لایەك ببەخشێت و خوالێخۆشبوویش بخاتە بەر رەحمەت و دلۆڤانی خۆی.

براتان
غەفوور مەخمووری
سكرتێری گشتیی
یەكێتی نەتەوەیی دیموكراتی كوردستان YNDK
21 / 12 / 2024

19/12/2024

*سكرتێری گشتیی YNDK پێشوازى لە سەعدى ئەحمەد پیرە دەكات*

میدیا - هەولێر :

پێشنیوەڕۆى ئەمڕۆ ١٩ / ١٢ / ٢٠٢٤، سكرتێری گشتیی YNDK پێشوازی لە بەڕێز سەعدی ئەحمەد پیرە ئەندامی مەكتەبی سیاسی و وتەبێژی فەرمى یەكێتیی نیشتیمانیی كوردستان كردو، لەدیدارەكەدا باسیان لە رەوشی سیاسى كوردستان و یەکێتى نەتەوەیى و یەکڕیزى گەلى کوردستان كرد.
پێشنیوەڕۆى ئەمڕۆ پێنجشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK لە بارەگای مەكتەبی سیاسی YNDK لە شاری هەولێر، بەئامادەبوونى هەڤاڵان (قەهار مەخموورى و شاکر هاشم ساڵح ئەندامانى مەکتەبى سیاسى و فاخیر نانەکەلى ئەندامى کۆمیتەى سەرکردایەتى و بەرپرسى هەرێمى هەولێرى YNDK)، پێشوازیانكرد لە بەڕێز (سەعدی ئەحمەد پیرە ئەندامی مەكتەبی سیاسی و وتەبێژی فەرمی یەكێتیی نیشتیمانیی كوردستان)، لە دیدارەکەدا باس لە رەوشی سیاسی كوردستان و دواپێشڤەچوون و پێشهات و گۆڕانكارییەكانی ناوچەكە و هەنگاوەکانى پێکهێنانى کابینەى دەیەمى حکومەتى کوردستان كراو, جەختكرایەوە سەر یەكڕیزی و یەكدەنگی گەلی كوردستان بە تەواوی هێزو لایەنە سیاسى و پێكهاتەكانییەوە بۆ پێشوازیكردن لەو ئەگەرو پێشهات و گۆڕانكارییانەی كە لەسەر ئاستی ناوچەكەدا روویانداوەو روودەدەن و، یەكێتی و یەكدەنگی و هاوهەڵوێستی کوردستانییانە لەو گۆڕانكارییانەدا بە فاكتەری سەرەكی پاراستن و چەسپاندنی دەسكەوتەكان و وەدەستهێنانی زیاتری مافەكانی گەلی كوردستان وەسفكرا, لەم پێناوەشدا هەردوو لا جەختیان لەوە کردەوە کەوا پێویستە لە زووترین کاتدا کابینەى دەیەمى حکومەتى کوردستان پێکبهێنرێت، لە تەوەرێکى دیکەى دیدارەکەدا باس رووخانى رژێمى سوریا و دەستدرێژییەکانى رژێمى داگیرکەرى تورکیا بۆ سەر رۆژئاواى کوردستان کراو جەختکرایەوە سەر ئەوەى کەوا بۆ دەربازکردنى ئەم قۆناخەو بەرگرتن لەو مەترسییانە پێویستە لە رێگەى دیالۆگ و راوێژى نەتەوەیى لە نێوان تەواوى هێزە سیاسییەکانى کوردستان پڕۆژەو نەخشە رێگایەکى نەتەوەیى و نیشتمانى دابڕێژێت، هەردوو لا هاوڕا بوون کەوا پێویستە هەموو لایەنە سیاسییەکانى رۆژئاواى کوردستان بە یەک شاندى یەکگرتوو بچنە شام بۆ دیالۆگ لەگەڵ حکومەتى راگوزەرى سوریا بۆ وەدەستهێنانى مافە رەواکانى گەلەکەمان لە رۆژئاواى کوردستان.
لەدوا تەوەری دیدارەكەشدا, جەختكرایەوە سەر پتەوكردنی پەیوەندی نێوان هەردوولا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.

19/12/2024

سكرتێری گشتیی YNDK سەردانى ئەمیندارى گشتیى کۆمەڵەى لیبرالى تورکمان دەكات

میدیا - هەولێر:
پێشنیوەڕۆى ئەمڕۆ ١٩ / ١٢ / ٢٠٢٤، سكرتێری گشتیی YNDK سەردانى ئەمیندارى گشتیى کۆمەڵەى لیبرالى تورکمان-یان كرد، لەدیدارەكەدا باس لە رەوشی سیاسی كوردستان و پتەوكردنی پەیوەندی نێوان هەردوولا كرا.
پێشنیوەڕۆى ئەمڕۆ پێنجشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، سەردانى بارەگای سەرکردایەتیى کۆمەڵەى لیبرالى تورکمانى کردو، بەگەرمى لەلايەن بەڕێز (سامى شەبەک ئەمیندارى گشتیى کۆمەڵەى لیبرالى تورکمان) پێشوازیکران، لەدیدارەكەدا باس لە رەوشی سیاسی كوردستان و گۆڕانکارى پێشهاتە سیاسییەکانى ناوچەکە كراو، جەختكرایەوەسەر یەكدەنگی و یەكڕیزی تەواوی پێکهاتەو لایەنە سیاسییەكانی كوردستان بۆ سوود وەرگرتن لەو گۆڕانكاری و پێشهاتانەی كە لەسەر ئاستی ناوچەكەدا روویانداوەو روودەدەن، بۆ ئەمەش پێکهێنانى چەترێکى هاوبەش بۆ هێزو لایەنە سیاسییەكانی كوردستان و داڕشتنى کارنامەیەکى نیشتمانى بۆ یەك گوتاری گەلی كوردستان لەم قۆناخە هەستیارەدا بەگرنگ وەسفكرا، هەر لەدیدارەكەدا باس لە زیاتر قوڵکردنەوەى گیانى برایەتى و پێکەوەژیانى نەتەوەو پێکهاتەکانى کوردستان کراو، جەختکرایەوە سەر هاوکارى و هاوخەباتى نێوانيان.
لەدوا تەوەری دیدارەكەشدا باس لە پتەوكردن و پێشڤەبردنی پەیوەندی برایانەی نێوان هەردوولا لەپێناو زیاتر خزمەتكردنی دۆزی رەوای گەلی كوردستان كرا.

16/12/2024

السكرتير العام ل YNDK يحضر مراسم الإحتفال بالیوم الوطني لدولة قطر

ميديا - هولير:
حضر مساء اليوم 16 / 12 / 2024 السكرتير العام لYNDK الإحتفال بالیوم الوطني لدولة قطر، وقد قدم لهذه المناسبة تهانيه وقيادة YNDK الى القنصلية العامة لدولة قطر ومن خلالها الى حكومة و شعب قطر .
مساء اليوم الأثنين ؛ حضر غفور مخمورى السكرتير العام للإتحاد القومي الديمقراطي الكوردستاني YNDK بناء على دعوة القنصلية العامة لدولة قطر مراسم الإحتفال بالیوم الوطني لدولة قطر التي جرت في قاعە سعد عبدالله للمؤتمرات بأربيل، وبحضور دولة الرئيس مسرور بارزاني رئيس حكومة اقليم كوردستان، وقد أُستقبل السكرتير العام ل YNDK بحرارة من قبل السادة (حسين بن علي الفضالة القنصل العام لدولة قطر في أربیل عاصمة اقليم كوردستان والدبلوماسيين و العاملين في القنصلية)، أبلغ غفور مخموری السكرتير العام ل YNDK تهانيه وقيادة YNDK في تلك المراسم القنصلية العامة لدولة قطر ومن خلالهم سمو أمير دولة قطر وحكومة وشعب قطر، آملاً للشعب القطري التوفيق والإزدهار ومزيداً من التقدم، هذا وقد عبر القنصل العام لدولة قطر عن إرتياحهم بحضور السكرتير العام لYNDK في المراسم وشكروا موقفهم وحضورهم .

11/12/2024

مەكتەبی سیاسیی YNDK پیرۆزبایی له‌ حزبی زەحمەتكێشانی كوردستان دەكات

میدیا - هەولێر

مەكتەبی سیاسیی یەكێتی نەتەوەیی دیموكراتی كوردستان YNDK به‌بۆنه‌ی ساڵیادی دامه‌زراندنیان پیرۆزبایی له‌ حزبی زەحمەتكێشانی كوردستان ده‌كات و هیوای پێشكه‌وتنی زیاتریان بۆ ده‌خوازێت و جه‌ختده‌كاته‌وه‌ سه‌ر ته‌بایی هاوهه‌ڵوێستی هێز و لایه‌نه‌كان له‌پرسه‌ چاره‌نووسسسازه‌كان و سه‌ربه‌خۆیی كوردستان.

ده‌قی په‌یامی پیرۆزباییه‌كه‌:
بۆ بەڕێز مەكتەبی سیاسی حزبی زه‌حمه‌‌تكێشانی كوردستان
بابەت / پیرۆزبایی

سڵاوی سەرخۆبوون‌و ئازادی ...
بەبۆنەی(39)ه‌مین ساڵیادی دامەزراندنی حزبتان (حزبی زه‌حمه‌تكێشانی كوردستان) بەناوی خۆمان‌و تەواوی ئەندام‌و لایەنگرانی یەكێتیمانYNDK، جوانترین پیرۆزبایتان ئاڕاستە دەكەین‌و خوازیارین ساڵیادی دامەزراندنی ئەمساڵتان هاندەر بێت بۆ زیاتر پێشڤەچوونتان .
بەڕێزان: حزبی زه‌حمه‌تكێشانی كوردستان لەماوەی تەمەنی خەبات و تێكۆشانیدا، وەك لایەنێك لە گۆڕەپانی سیاسی باشووری كوردستان جێ‌ پەنجەی لەخەبات دژی داگیركەران و دوژمنانی كوردستان هەبووەو هەموو كات خەباتی كردووە بۆ بەدیهێنانی ته‌واوی مافەكانی گەله‌كه‌مان و سه‌ربه‌خۆیی كوردستان، ئەوەی لەم قۆناغەی ئەمڕۆشمان گرنگە یەكریزی و تەبایی و هاوهه‌ڵوێستی سەرجەم هێزو لایەنەكانی كوردستانە بۆ رووبه‌روبوونه‌وه‌ی پیلانی دوژمنان و داگیركه‌رانی كوردستان له‌پێناو پاراستنی دەستكەوتەكانمان و هه‌نگاونان به‌ره‌و سه‌ربه‌خۆیی كوردستان.
لەم بۆنەیەتاندا جارێكی تر جەخت دەكەینەوە سەر زیاتر توندوتۆڵكردنی پەیوەندی برایانەی نێوانمان و سەرجەم هێز و لایەنەكانی هەموو به‌شه‌كانی كوردستان .

هەر سەركەوتوو بن .... لەگەڵ رێزماندا.

مەكتەبی سیاسی
یەكێتی نەتەوەیی دیموكراتی كوردستان YNDK
هه‌ولێر- باشووری كوردستان

11/12/2024

چوار لایەنى سیاسیى کوردستان جەخت لە یەکڕیزى و یەکدەنگى دەکەنەوە

میدیا - هەولێر:

ئێوارەى ئەمڕۆ چوارشەممە رێکەوتی ١١ی ١٢ى ٢٠٢٤، لە بارەگای مەكتەبی سیاسیی بزووتنەوەى سۆسیالیستى کوردستان، لە شاری هەولێر، بە ئادەبوونى بەڕێزان (عەبدوڵڵاى حاجى مەحموود سەرۆکى بزووتنەوەى سۆسیالیستى کوردستان و غەفوور مەخمووری سكرتێری گشتيی یەكێتی نەتەوەیی دیموكراتی كوردستان YNDK و نەجات عومەر ئاغا سورچى سەرۆکى پارتى پارێزگارانى کوردستان و باپیر کامەلا سکرتێرى گشتى پارتى رەنجدەرانى کوردستان) کۆبوونەوەى چوارقۆڵى هەر چوار لایەنى سیاسى ئەنجامدرا
لە کۆبوونەوەکەدا سەبارەت بە رەوشى سیاسیى کوردستان و عێراق و دواین پێشهات و گۆڕانكارییەكانی ناوچەكە و، بەتایبەت گۆڕانگارییەکانى سوریاو کاریگەرییان بۆ سەر باشوورى کوردستان و عێراق گفتوگۆیان کرد، بۆ چۆنیەتى مامەڵەکردن لەگەڵ ئەو گۆڕانکارى و پێشهاتانەى روویانداوەو روودەدەن، جەختیانكردەوە سەر یەكڕیزی و یەكدەنگیی لایەنە سیاسییەکان لەپێناو پاراستنى دەسکەوتەکانى گەلی كوردستان.
هەر لە کۆبوونەوەکەدا هەر چوار لایەنى سیاسى جەختیانکردەوە سەر پتەوکردن و پێشخستنى پەیوەندى برایانەى نێوانیان و، لەم پێناوەشدا بڕیاریاندا کەوا درێژە بە کارو خەباتى هاوبەشى نێوانیان بدەن.

10/12/2024

*سكرتێری گشتیی YNDK و سەرۆکى بزووتنەوەى سۆسیالیستى کوردستان کۆدەبنەوە*

میدیا - هەولێر:

ئێوارەى ئەمڕۆ 10 / 12 / 2024، سكرتێری گشتیی YNDK سەردانى سەرۆکى بزووتنەوەى سۆسیالیستى کوردستان-ى كرد و، لەدیدارێکى برایانەدا باسيان لە رەوشی سیاسی كوردستان و پتەوكردنی پەیوەندی نێوان هەردوولا كرد.
ئێوارەى ئەمڕۆ سێشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، سەردانی بارەگاى مەکتەبى سیاسیى بزووتنەوەى سۆسیالیستى کوردستان-یان كردو, بەگەرمی لەلایەن بەڕێز (عەبدوڵڵاى حاجى مەحموود سەرۆکى بزووتنەوەى سۆسیالیستى کوردستان) پێشوازیكران, لەدیدارێکى برایانەدا باسیان لە رەوشی سیاسی كوردستان و گۆڕانکارى و پێشهاتەکانى ناوچەکە كرد، جەختیانكردەوەسەر یەكدەنگی و یەكڕیزی تەواوی پێکهاتەو لایەنە سیاسییەكانی كوردستان بۆ سوود وەرگرتن لەو ئەگەرو پێشهات و گۆڕانكارییانەی كە لەسەر ئاستی ناوچەكەدا روویانداوەو روودەدەن، بۆ ئەمەش یەك گوتاری لایەنە سیاسییەکانى كوردستان لەم قۆناخە هەستیارەدا بەگرنگ وەسفكرا.
لەدوا تەوەری دیدارەكەشدا باس لە پتەوكردن و پێشڤەبردنی پەیوەندی برایانەی نێوان هەردوولا لەپێناو زیاتر خزمەتكردنی دۆزی رەوای گەلی كوردستان كرا.

10/12/2024

*سكرتێری گشتیی YNDK سەردانى سکرتێرى گشتیى حزبی ديموكراتى بێت نەهرێن دەكات*

میدیا - هەولێر:
پێشنیوەڕۆى ئەمڕۆ ١٠ / ١٢ / ٢٠٢٤، سكرتێری گشتیی YNDK سەردانى سکرتێرى گشتیى حزبی دیموکراتى بێت نەهرێن-یان كرد، لەدیدارەكەدا باس لە رەوشی سیاسی كوردستان و پتەوكردنی پەیوەندی نێوان هەردوولا كرا.
پێشنیوەڕۆى ئەمڕۆ سێشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، سەردانى بارەگای مەکتەبى سیاسیى حزبى دیموکراتى بێت نەهرێنى کردو، بەگەرمى لەلايەن بەڕێز (رۆمیۆ هەکارى سکرتێرى گشتیى حزبى دیموکراتى بێت نەهرێن) پێشوازیکران، لەدیدارەكەدا باس لە رەوشی سیاسی كوردستان و گۆڕانکارى پێشهاتە سیاسییەکانى ناوچەکە كراو، جەختكرایەوەسەر یەكدەنگی و یەكڕیزی تەواوی پێکهاتەو لایەنە سیاسییەكانی كوردستان بۆ سوود وەرگرتن لەو گۆڕانكاری و پێشهاتانەی كە لەسەر ئاستی ناوچەكەدا دێنە روویانداوەو روودەدەن، بۆ ئەمەش پێکهێنانى چەترێکى هاوبەش بۆ هێزو لایەنە سیاسییەكانی كوردستان و داڕشتنى کارنامەیەکى نیشتمانى بۆ یەك گوتاری گەلی كوردستان لەم قۆناخە هەستیارەدا بەگرنگ وەسفكرا، هەر لەدیدارەكەدا باس لە زیاتر قوڵکردنەوەى گیانى برایەتى و پێکەوەژیانى نەتەوەو پێکهاتەکانى کوردستان کراو، جەختکرایەوە سەر هاوکارى و هاوخەباتى نێوانيان.
لەدوا تەوەری دیدارەكەشدا باس لە پتەوكردن و پێشڤەبردنی پەیوەندی برایانەی نێوان هەردوولا لەپێناو زیاتر خزمەتكردنی دۆزی رەوای گەلی كوردستان كرا.

10/12/2024

*سكرتێری گشتیی YNDK سەردانى سەرۆکى پارتى پارێزگارانى کوردستان دەکات*

میدیا - هەولێر:
پێشنیوەڕۆى ئەمڕۆ 10 / 12 / 2024، سكرتێری گشتیی YNDK بەمەبەستى بەسەرکردنەوەو هەواڵپرسین سەردانی سەرۆکى پارتى پارێزگارانى کوردستان-ى کرد، هیواى تەندروستییەکى باشى بۆ خواست.
پێشنیوەڕۆى ئەمڕۆ سێشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK، بەمەبەستى هەواڵپرسین و بەسەرکردنەوە سەردانی بەڕێز (نەجات عومەر ئاغا سورچى سەرۆکى پارتى پارێزگارانى کوردستان)-یان کرد، کەوا ماوەیەکە رەوشى تەندروستى باش نیە، بەگەرمی لەلایەن بەڕێزیان و خانەوادەى بەڕێزیانەوە پێشوازی كران، لەسەردانەكەدا سكرتێری گشتیی YNDK وێڕاى هەواڵپرسین، هیواى ساخى و سەلامەتى و زووچاکبوونەوەو تەندروستییەکى باشى بۆ بەڕێزیان خواست، لەبەرامبەردا بەڕێز (نەجات عومەر ئاغا سورچى) وێڕاى دەربڕینى خۆشحاڵى سوپاسی ئەو سەردان و بەسەرکردنەوەیەى سکرتێرى گشتیى YNDK ی كرد.

10/12/2024

*سكرتێری گشتیی YNDK و سکرتێرى گشتیى پارتى رەنجدەرانى کوردستان کۆدەبنەوە*

میدیا - هەولێر:
پێشنیوەڕۆى ئەمڕۆ 09 / 12 / 2024، سكرتێری گشتیی YNDK سەردانى سکرتێرى گشتیى پارتى رەنجدەرانى کوردستان كرد و، لەدیدارێکى برایانەدا باسيان لە رەوشی سیاسی كوردستان و پتەوكردنی پەیوەندی نێوان هەردوولا كرد.
پێشنیوەڕۆى ئەمڕۆ دووشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، سەردانی بارەگاى مەکتەبى سیاسیى پارتى رەنجدەرانى کوردستان-یان كردو, بەگەرمی لەلایەن بەڕێز (باپیر کامەلا سکرتێرى گشتیى پارتى رەنجدەرانى کوردستان) پێشوازیكران, لەدیدارێکى برایانەدا باسیان لە رەوشی سیاسی كوردستان و گۆڕانکارى و پێشهاتەکانى ناوچەکە كرد، جەختیانكردەوەسەر یەكدەنگی و یەكڕیزی تەواوی پێکهاتەو لایەنە سیاسییەكانی كوردستان بۆ سوود وەرگرتن لەو ئەگەرو پێشهات و گۆڕانكارییانەی كە لەسەر ئاستی ناوچەكەدا دێنە پێشەوە، بۆ ئەمەش یەك گوتاری لایەنە سیاسییەکانى كوردستان لەم قۆناخە هەستیارەدا بەگرنگ وەسفكرا.
لەدوا تەوەری دیدارەكەشدا باس لە پتەوكردن و پێشڤەبردنی پەیوەندی برایانەی نێوان هەردوولا لەپێناو زیاتر خزمەتكردنی دۆزی رەوای گەلی كوردستان كرا.

04/12/2024

غەفوور مەخمووری سكرتێری گشتیی YNDK بۆ گۆڤارى گوڵان:
دادگای فیدرالی كرایە ئامرازێك و دژی هەرێمی كوردستان بەكارهێنرا و چەندین بڕیاری نادەستووری دژی هەرێمی كوردستان دەركرد

گۆڤارى گوڵان ، ژمارە 1441 ، رێکەوتى 2 / 12 / 2024

غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، یەكێكە لەو سیاسەتمەدارە دیارانەی كە بڕوای بەبیری نەتەوەیی و كوردستانیبوونی سەرجەم نەتەوەو ئایینە جیاوازەكانی كوردستان هەیە، لەسەر ئەم پرسە چەندین كتێبی هەیە، لەبواری كاری نووسین و رۆژنامەگەریشدا، یەكێكە لەو قەڵەمە كاریگەرانەی بە بەردەوامی لە میدیاكانی هەرێمی كوردستان و میدیای دەوڵەتانی عەرەبی نووسین و چاوپێكەوتنی هەیە و بەرگری لە دۆزی رەوای گەلی كوردستان و پاراستنی ئارامی و سەقامگیری هەرێمی كوردستان دەكات، لە گفتوگۆی ئەمجارەدا " ئەگەرەكانی پێكهێنانی كابینەی دەیەم و ئایندەی هەرێمی كوردستان"، بەدیدو روانینێكی نەتەوەیی و نیشتمانییانە قسەی لەسەر ئەم پرسە كرد و بەمجۆرە دید و بۆچوون و پێشنیارەكانی خستەڕوو:

لە دەسپێکدا؛ دەستخۆشی لە بازنەی گفتوگۆی بەشی رۆشنبیریی و راگەیاندنی پارتی دیموكراتی كوردستان دەكەم كە پرسی پێكهێنانی كابینەی دەیەمی وەك پرسێكی نیشتمانی و لە چوارچێوەی بیروبۆچوونە جیاوازەكان گەنگەشە دەكات و، ئەم پلاتفۆرمە كراوەیەی رەخساندووە بۆ ئەوەی هەموو لایەك بە جیاوازی بیروبۆچوونی سیاسی و بەجیاوازی نەتەوە و ئایینەوە قسەی راشكاوانەی خۆیان لەسەر بكەن.
لەمڕووەوە، روانینی من بۆ پكهێنانی كابینەی دەیەمی حكومەتی هەرێمی كوردستان، روانینێکى نەتەوەیى و نیشتمانییە و، وەک پرسێكی نیشتمانی کە پەیوەندی بە تێكرای لایەنە سیاسییەكان و نەتەوە و ئایینە جیاوازەكانەوە هەیە، سەسرى ئەم پرسە دەکەم، بۆیە پێویستە هەموو حزبە سیاسییەكانی كوردستان وتەواوی پێکهاتە نەتەوەیى و ئایینییەکان پشتگیری ئەم پرۆسەیە بكەن بۆ ئەوەی لە ئایندەیەكی نزیكدا كابینەی دەیەم پێكبهێنرێت.
ئامانجی گرنگ لە زوو پێكهێنانی كابینەی دەیەم ئەوەیە كە ئەم كابینەیە تەواوكاری بەرنامەكانی كابینەی نۆیەمی حكومەتی هەرێمی كوردستان بێت و دەرفەتێكی دیكە بە بەڕێز کاک مسرور بارزانی بدرێت بۆ ئەوەی ئەو بەرنامانەی لە كابینەی نۆیەمدا کارى لەسەرکرد، کە بریتى بوو لە بنیاتنانەوەى ژێرخانی کوردستان و سیستماتیکردنى دەزگاو دامەزراوەکانى کوردستان و پاراستنى ئاسایشى کوردستان و بەهێزکردنى پێگەى دیپلۆماسى هەرێمى کوردستان لەسەر ئاستى وڵاتانى ناوچەکەو وڵاتانى عەرەبى و بەشێکى زۆرى وڵاتانى ئەوروپاو هاوپەیمانیى نێودەوڵەتى و چەندین کارى گرنگى دیکە لەڕووى ئابوورى و کشتوکاڵ و سوود وەرگرتن لە ئاوى سەرزەوى و دروستکردنى بەنداوو بە بازاڕکردنى بەروبوومى جوتیارانى کوردستان و، پێویستە هەموو ئەو کارانە لەكابینەی داهاتوودا تەواوبکرێن، بێگومان بەرهەمى ئەو کارانەش بۆ بەرژەوەندی خەڵكی كوردستان دەبێت، لێرەدا ئاماژە بە بەشێك لەو کارانە دەكەم كە لەكابینەی نۆیەمدا ئەنجامدراون و کاریان لەسەر کراوە:
1- بەرنامەی كابینەی نۆیەم لە دەستپێكەوە بەرنامەی دەوڵەتسازی بووە لە كوردستاندا، بۆ ئەمەش ئەولەویەتی ئەم كابینەیە هەوڵدان بووە بۆ بونیادنانەوەی ژێرخانی كۆی سێكتەرە جیاوازەكانی حكومڕانی لە هەرێمی كوردستاندا، هەر لەم كابینەیەدا بەرهەمی بونیادنانەوەی ئەو ژیرخانەمان بینی بەتایبەتی لە بوارەكانی بایەخدان بە " سیستماتیکردنى دەزگاو دامەزراوەکان، رێگاوبان و پردەكان، مامەڵەی دروست لەگەڵ سەرچاوەكانی ئاوی ژێر زەویی و دروستكردنی دەیان بەندا و پۆنت.. هتد".
2- لەسەر ئاستی فراوانكردنی پەیوەندییەكانی هەرێمی كوردستان لەگەڵ وڵاتانی دەرەوە ، پێگەى دیپلۆماسى هەرێمى کوردستان بەهێزکردووەو لەسەر ئاستى وڵاتانى ناوچەکەو وڵاتانى عەرەبى و بەشێکى زۆرى وڵاتانى ئەوروپاو هاوپەیمانیى نێودەوڵەتى پەیوەندییەکى باشى بنیاتناوە، بەتایبەت لەگەڵ وڵاتانى کەنداو کە پێشتر پەیوەندییەکان لەو ئاستەدا نەبوون، بەڵام لە ئێستادا کابینەى نۆیەم توانى پەیوەندییەکانى لەگەڵ وڵاتانى کەنداو بەهێز بکات و بیانباتە ئاستێکى باش، لەهەمان کاتدا هەوڵیداوە لەگەڵ ئەو وڵاتانەی كونسوڵگەری یان نوێنەرایەتیان لە هەرێمی كوردستان نیە پەیوەندی دیپلۆماسی تازە بونیاد بنێت و، زەمینەیەكی گونجاوى دروستكردووە بۆ ئەوەی هەم ئەوان كونسوڵگەرى و نوینەرایەتی خۆیان لە هەرێمی كوردستان بكەنەوە و هەمیش هەرێمی كوردستان نوێنەرایەتیى خۆى لەو دەوڵەتانەدا بکاتەوە.
3- خاڵی هەستیار كە لە كابینەی نۆیەمدا دەكرێت ئاماژە و هەڵوەستەی لەسەربكەین، ئەوەیە هەر لەدەسپێكەوە لە كۆتایی ساڵی " 2019 تا 2024" ژینگەی كاركردنی ئەم كابینەیە بەردەوام سەقامگیر نەبووە و ڕووبەڕووی كێشەگەلێكی سەخت بووە كە لێرەدا ئاماژە بە هەندێكیان دەكەین:
ا- لە كۆتایی ساڵی 2019 ، بەهۆی خۆپیشاندانەكەی تشرینەوە ، باردۆخی سیاسیی عیراق تێكچوو و هەتا گەیشتە ئەوەی د.عادل عەبدولمەهدی سەرۆك وەزیرانی ئەوكاتی عێراق دەست لەكار بكێشێتەوە و ، ئەمەش بووە هۆكاری ئەوەى ئەو رێككەوتنەی هەرێمی كوردستان لەگەڵ لایەنەكانی شیعە بۆ پێكهانی ئەو حكومەتە كردبوویان ببێتە مەرەكەبی سەر كاغەز و جێبەجێ نەكرێت، ئەم باردۆخە درێژەی كێشا تا پێكهێنانی كابینەكەی محەممەد شیاع سۆدانی لە ساڵی 2022.
ب- لە سەرەتای ساڵی 2020 پەتای كۆرۆنا وەك پەتایەكی جیهانی بڵاوبۆەوەو هەرێمی كوردستانی گرتەوە، ئەوجا وێرای ئەوەی باردۆخی كەڕەنتینە راگەیەنرا و بازاڕ پەكی كەوت، لەهەمانكاتدا نرخی نەوتیش زۆر دابەزی.
ج- دوای هەڵبژاردنەكانی پەرلەمانی عێراق لە كۆتایی 2021 ، جارێكی دیكە بەهۆی لێكترازانی تەیاری سەدر لەلایەك و چوارچێوەی هەماهەنگی شیعە لەلایەكی دیكە، پرۆسەی سیاسیی لە عێراقدا پەكی كەوت، لەم باردۆخەدا هەرێمی كوردستان بووە ئامانجی هێرشی گروپە چەكدارەكانی شیعە بە درۆن و رۆكێت، لەمەش زیاتر دواتر گەیشتە ئەوەی چەند جارێك سوپای پاسدارانی كۆماری ئیسلامی ئێران بە رۆكێتی بالیستی هەولێری كردە ئامانج.
د- دادگای فیدرالی كرایە ئامرازێك و دژی هەرێمی كوردستان بەكارهێنرا و چەندین بڕیاری نادەستووری دژی هەرێمی كوردستان دەركرد وەك " راگرتنی هەناردەكردنی نەوتی هەرێم، هەڵوەشانەوەی پەرلەمان و كۆمسیۆنی سەربەخۆی هەڵبژاردنەكانی كوردستان".
ه- ئالنگاریی سەرەكیش لەسەر ئاستی ناوخۆ بۆ كابینەی نۆیەم ئەوەبوو كە ئەو لایەنە سیاسیانەی هاوپەیمانیان پێكهێنابوو بۆ پێکهێنانى كابینەی نۆیەم ، وەك ئۆپۆزسیون مامەڵەیان لەگەڵ كابینەی نۆیەم دەكرد و هاوكاری سەرۆكی حكومەت نەبوون بۆ ئەوەی بتوانێت بەرنامەكانی بەسەركەتوویی جێبەجێ بكات.
لەناو ئەو هەموو ئاستەنگ و ئالنگارییانەی کە ڕووبەڕووی كابینەی نۆیەمی حكومەتی هەرێمی كوردستان بوەوە، جەنابى مەسرور بارزانى سەرۆکى حکومەتى هەرێمى کوردستان خۆڕاگرانە درێژەى بەکارەکانیدا و رووبەڕووى ئالنگارییەکان بۆوە، لەگەڵ ئەوەی نەتوانرا كۆی بەرنامەی كابینەكە بە تەواوەتی و وەك خۆی جێبەجێ بكرێت، بەڵام توانرا مامەڵەیەكی لۆژیكیانە لەسەر ئاستی " بەڕێوەبردنی تەنگژەكان و دۆزینەوەی رێگەچارە بۆ كێشەكان بكرێت"، لەمەش زیاتر توانرا ئەو زەمینەیە بێنێتە ئاراوە كە هەڵبژاردنی ئەمجارەی پەرلەمانی كوردستان بەشێوەیەكی ئازادانەو سەركەتوانە بەڕێوە ببرێت.
بۆیە بە بڕواى من لەدوای هەڵبژاردنە سەركەتووەكەی خولی شەشەمی پەرلەمانی كوردستان، ئێستا كاتی ئەوە هاتووە ، ئێمە هەموومان پشتگیری ئەوە بكەین كە دەرفەتێكی دیكە بدرێتە بەڕێز کاک مسرور بارزانی وەك سەرۆكی كابینەی دەیەمی حكومەتی هەرێمی كوردستان، بۆ ئەوەی بتوانێت بەرنامەی كابینەی نۆیەم درێژە پێبدات و هەرێمی كوردستان بەهێزتر بكات، كە ئەمەش شایەنی ئەوەیە هەموومان پشتیوانی بكەین.
وەك بەرێز سەرۆك مەسعود بارزانی رابەری بزاڤى رزگاریخوازی نیشتمانیى كوردستان، نەخشە رێگەی پرۆسەی سیاسیی داهاتووی كوردستانی خستۆتەڕوو ، نەخشە رێگەكە زیاتر خواستی شەقامی كوردستانی بەرجەستە كردووە كە ئەویش یەكبوون و یەكڕیزی نیشتمانییە لە چوارچێوەی " یەك هەرێم ، یەك پەرلەمان، یەك حكومەت، یەك هێزی پێشمەرگە"، بەجێبەجێكردنی ئەم نەخشە رێگەیە ئێمە دەتوانین ببینە خاوەنی حكومەتێكی یەكگرتوو، بێگومان ئەو حكومەتە یەكگرتووە دەتوانێت پێگەی هەرێمی كوردستان لەناو هاوكێشە سیاسیەكانی رۆژهەڵاتی ناوەراست و ئەو ناوچەی ئێمە تێیدا دەژین، بەهێزتر بكات، كە پێویستە ئەمەش خواستی هەموو لایەنە سیاسییەكانی كوردستان بێت و لەم پێناوەشدا پێویستە هەموو لایەکمان پشتیوانی لەو حكومەتە یەكگرتووە بكەین.
لایەنێكی دیكە؛ كە گرنگە هەڵوەستەی لەسەر بكەین ئەوەیە كە نابێت ئێمە وەك لایەنە سیاسییەكانی كوردستان، حكومەتی هەرێمی كوردستان وەك حكومەتی ئەم حزب و ئەو حزب سەیر بكەین، بەڵكو دەبێت بەوشێوەیە سەیری بكەین كە حكومەت حكومەتی هەموو خەڵكی كوردستانە و، گرنگیشە حكومەتی هەرێمی كوردستان دەسەڵاتی بەسەر هەموو جوگرافیای كوردستاندا هەبێت و، تەنیا بەم ئاراستەیەش ئێمە دەتوانین بەرەو داهاتوویەكی گەش هەنگاو هەڵبگرین، ئەمەش وا دەکات کەوا لەسەر ئاستی ناوخۆیی و عێراق و ناوچەیی و نێودەوڵەتی دەنگمان دلێرتر بێت، دەتوانین لە چارەسەركردنی كێشەكانمان لەگەڵ عێراق زیاتر پێدابگرین و مافەكانی خۆمان بەدەستبهێنێن و مەرجەکانمان بسەپێنێن و، لەسەر ئاستی ناوچەیى و نێودەوڵەتیش حسابێكی دیكەمان بۆ دەكرێت.
كەواتە ئەم خوێندنەوەیە ئەوەمان پێدەڵێت" بەهێزی ئێمە وەك هەرێمی كوردستان لە یەكبوون و یەكڕیزی كۆی لایەنە سیاسیەكانی كوردستاندایە، دەبێت هەوڵبدەین یەك گوتار و یەكهەڵوێست و یەكدەنگ بین، هەوڵیش بدەین ئەو كارنامەیەی لەكابینەی نۆیەمدا تەواو نەكراون لەكابینەی دەیەمدا تەواو بكرێن.
لەسەر هەموو لایەکمانە لەروانگەی نەتەوەیی و نیشتمانییەوە سەیری پرۆسەی پێكهێنانی كابینەی دەیەمی حكومەتی هەرێمی كوردستان بكەین و، پێویستە ئەو لایەنە سیاسییانەی براوەی هەڵبژاردنی ئەمجارەی پەرلەمانی كوردستانن، ڕەچاوی بەرژەوەندییە نەتەوەیی و نیشتمانییەكان بكەن و ئامادەبن و پێشوازی لەیەكەمین كۆبوونەوەی پەرلەمانی كوردستان بكەن، لەم قۆناخەدا پێویستیمان بەوەیە "بەرگی تەنگى حزبی" فڕێبدەین و هەموو پێكەوە "بەرگی كوردستانیبوون" بپۆشین.
بە لەبەرچاوگرتنی ئەو شەڕو باردۆخە ئاڵۆزەی کە ئێستا لە ناوچەی رۆژهەڵاتی ناوەڕاست بوونی هەیە، شەڕى غەزە و لوبنان و ئیسرائیل و، هەروەها بەلەبەرچاوگرتنی شەڕی رووسیا و ئۆكرانیا كە کاریگەرى بۆ سەر ئەوروپا و بەشێکى زۆرى جیهانیش هەیە ، دەبێت لەوە ئاگاداربین ئەمانە هەموویان كاریگەریان لەسەر باردۆخی ئێمە دەبێت، بۆیە پێویستمان بەوەیە لەم قۆناخەدا ئێمە خۆشمان ئامادەسازییەك بكەین بۆ ئەوەی بزانین چۆن مامەڵە لەگەڵ ئەو باردۆخە دەكەین، چۆن مامەڵە لەگەڵ دەرهاویشتەو ئەگەر و پێشهاتەكانی ئەو باردۆخە ئاڵۆزە دەكەین، بۆیە لەئێستادا پێویستمان بەوەیە هەموومان هاوكارو پشتیوانی یەكدی بین و هەوڵبدەین پێگەی كوردستان بەهێزبكەین و، روانینمان ئەوە بێت کە سەركەوتنی كوردستان سەركەوتنی هەموو لایەكمانە، پێویستە هەر لەو روانگەیەشەوە سەیری ئەم پرسە نیشتمانییە (پرسى پێکهێنانى کابینەى دەیەمى حکومەتیى هەرێمى کوردستان) بكەین.

03/12/2024

شاندێكی مه‌كته‌بی سیاسیی YNDK سەردانی كۆمه‌ڵه‌ی رۆشنبیری توركمان دەكات

میدیا - هەولێر

مەكتەبی سیاسی یەكێتی نەتەوەیی دیموكراتی كوردستانYNDK ، سه‌ردانی كۆمه‌ڵه‌ی رۆشنبیری توركمان له ‌شاری هه‌ولێر ده‌كات، له‌دانیشتنێكی برایانه‌دا وێڕای پیرۆزبایی (26)ه‌مین ساڵیادی دامه‌زراندنی كۆمه‌ڵه‌ی رۆشنبیری توركمان، گفتوگۆ لەسەر بارودۆخی سیاسی كوردستان و عێراق و ناوچەكە كرا.
ئه‌مڕۆ سێشه‌ممه‌ رێكەوتی 3-12-2024، شاندێكی مەكتەبی سیاسی YNDK كه‌ پێكهاتبوو له‌ هەڤاڵان ( د.شاخەوان خالید كارگێڕی مەكتەبی سیاسی و فاخر نانه‌كه‌لی ئه‌ندامی سه‌ركردایه‌تی و به‌رپرسی هه‌رێمی هه‌ولێر و جه‌لال سمایل كارگێڕی مه‌كته‌بی ناوه‌ندی په‌یوه‌ندییه‌كان) سه‌ردانی كۆمه‌ڵه‌ی رۆشنبیری توركمان-یان له‌ شاری هه‌ولێر كرد، له‌لایه‌ن به‌ڕێزان (سه‌رۆكی كۆمه‌ڵه‌ و ژماره‌یه‌ك له‌ ئه‌ندامانی مه‌كته‌بی سیاسی و سه‌ركردایه‌تی كۆمه‌ڵه‌) پێشوازیكران.
شاندی YNDKپیرۆزبایی (26)ه‌مین ساڵیادی دامه‌زراندنی كۆمه‌ڵه‌ی رۆشنبیری توركمانی لێكردن و له‌به‌رامبه‌ردا سه‌رۆكی كۆمه‌ڵه‌ی رۆشنبیری توركمان سوپاسی په‌یامی پیرۆزبایی و سه‌ردانییه‌كه‌ی شاندی(YNDK)ی كرد، هه‌روه‌ها له‌دانیشتنه‌كه‌ باس له‌ رەوشی سیاسی كوردستان و عێراق و ناوچەكە كرا، جەختكرایەوە سەر یەكڕیزی و یەكدەنگی گوتاری سیاسی تەواوی لایەنە سیاسییەكانی كوردستان، بۆ ئەوەی بەهەموو لایەكمان بە یەكگرتوویی رووبەڕووی ئەو هەڕەشە گەورانەی سەر كوردستان ببینەوه‌، لەپێناو پاراستنی ده‌ستكه‌وته‌كان و به‌دیهینانی ته‌واوی گه‌لی كوردستان به‌هه‌موو پێكهاته‌كانیه‌وه‌.
لەدوا تەوەری دانیشتنه‌كه‌ باس لە پتەوكردنی پەیوەندی برایانەی نێوان هەردوولا و تەواوی هێزو لایەنە سیاسییەكانی كوردستان لە پێناو زیاتر خزمەتكردنی گەلی كوردستان كرا.

02/12/2024

پەیامى هاوخه‌می مه‌كته‌بی سیاسیی YNDK بۆ هەڤاڵ د.عه‌بدوڵڵا عه‌دۆ

براى بەڕێزمان هەڤاڵ د.عه‌بدوڵڵا عه‌دۆ ئه‌ندامی مه‌كته‌بی سیاسیی YNDK

به‌رێزان بنه‌ماڵه‌ و خزمانی خوالێخۆشبوو (مسته‌فا عه‌بدوڵڵا بندیان)

بەخەم و پەژارەیەكی زۆرەوە هەواڵی كۆچی دوایی خواڵێخۆشبوو (مسته‌فا عه‌بدوڵڵا بندیان) باوكی بەڕێزتانمان پێگەیشت، بەناوی خۆمان و ئەندامانی مەكتەبی سیاسیی و كۆمیتەی سەركردایەتی و ته‌واوی ئەندامانی یەكێتی نەتەوەیی دیموكراتی كوردستان YNDK پرسە و سەرەخۆشی خۆمان ئاڕاستەى بەڕێزتان و خانەوادەکەتان و تەواوى خزمانتان دەكەین و خۆمان بە هاوبەشى خەمتان دەزانین، ئومێد دەكەین ئەوە دواخەم و ناخۆشیتان بێت و، لە یەزدانی مەزن نزا ده‌كه‌ین دڵنەوایی و ئارامی بە هەموو لایەك ببەخشێت و خوالێخۆشبوویش بخاتە بەر رەحمەت و دلۆڤانی خۆی و به‌ به‌هه‌شتی شاد بكات.

انا لله وانا والیه راجعون

مه‌كته‌بی سیاسیی
یەكێتی نەتەوەیی دیموكراتی كوردستان YNDK
2/12/2024ی زایینی
هه‌ولێر- باشووری كوردستان

* رۆژی سێشه‌ممه‌ رێكه‌وتی 3-12-2024 یه‌كه‌م رۆژی پرسه‌یه‌ له‌مزگه‌وتی ئه‌حمه‌د یه‌عقوبی له‌ كوران ( شه‌قامی ئه‌لبان- جاده‌ی گه‌نمی)

02/12/2024

مه‌كته‌بی سیاسیی YNDK ساڵیادی دامەزراندنی كۆمه‌ڵه‌ی رۆشنبیری توركمان پیرۆز دەكات

میدیا – هەولێر:

مه‌كته‌بی سیاسیی یەکێتى نەتەوەیى دیموکراتى کوردستان YNDK بەبۆنەى (26)ه‌مین ساڵیادى دامەزراندنی كۆمه‌ڵه‌ی رۆشنبیری توركمان په‌یامی پیرۆزباییان ئاڕاسته‌ ده‌كات. وێڕای پیرۆزبایی له‌په‌یامه‌كه‌دا هاتووه‌" له‌م قۆناغه‌ی ئه‌مڕۆدا به‌هۆی هه‌ڕه‌شه‌كانی ده‌ره‌وه‌و ئه‌و ئاڵۆزییه‌ی رۆژهه‌ڵاتی ناوه‌ڕاست و جیهانی گرتۆته‌وه،‌ گرنگە سەرجەم هێز و لایەنەكانی كوردستان یەكریز و هاوده‌نگ بن، بۆ پاراستنی دەستكەوتەكان و بەدیهێنانی تەواوی مافەكانی گەلی كوردستان".

ده‌قی په‌یامی پیرۆزباییه‌كه‌:
بۆ بەڕێز كۆمه‌ڵه‌ی رۆشنبیری توركمان
بابەت / پیرۆزبایی
سڵاوی سەرخۆبوون‌و ئازادی ..
بەبۆنەی(26)ه‌مین ساڵیادی دامەزراندنی كۆمه‌ڵه‌كه‌تان( كۆمه‌ڵه‌ی رۆشنبیری توركمان) بەناوی خۆمان ‌و تەواوی ئەندام‌ و لایەنگرانی یەكێتیمانYNDK، جوانترین پیرۆزباییتان ئاڕاستە دەكەین ‌و خوازیارین ساڵیادی دامەزراندنی ئەمساڵتان هاندەر بێت بۆ زیاتر گەشەكردنی كۆمه‌ڵه‌كه‌تان.
بەڕێزان: كۆمه‌ڵه‌كه‌تان( كۆمه‌ڵه‌ی رۆشنبیری توركمان) لەماوەی تەمەنی خەباتی وەك لایەنێكی توركمانی كوردستانی، توانیویەتی ببێتە چەترێك بۆ كۆكردنەوەی كەسانی نیشتمانپەروەر لە دەوری خۆیداو، هەموو كات هەڵگری پەیامی ئاشتی‌ و برایەتی‌ و پێكەوەژیانی سەرجەم نەتەوە و ئایینەكان بووە لە كوردستاندا، له‌م قۆناغه‌ی ئه‌مڕۆشدا به‌هۆی هه‌ڕه‌شه‌كانی ده‌ره‌وه‌و ئه‌و ئاڵۆزییه‌ی رۆژهه‌ڵاتی ناوه‌ڕاست و جیهانی گرتۆته‌وه،‌ گرنگە سەرجەم هێز و لایەنەكانی كوردستان یەكریز و هاوده‌نگ بن، بۆ پاراستنی دەستكەوتەكان و بەدیهێنانی تەواوی مافەكانی گەلی كوردستان.
لەم بۆنەیەتاندا جارێكی دیكە جەخت دەكەینەوە سەر زیاتر توندوتۆڵكردنی پەیوەندی برایانەی نێوان یەكێتی نەتەوەیی دیموكراتی كوردستانYNDK و كۆمه‌ڵه‌ی رۆشنبیری توركمان و گشت هێز و لایەنە نیشتمانپەروەرەكانی كوردستان .
هەر سەركەوتوو بن .... لەگەڵ رێزماندا.

مەكتەبی سیاسیی
یەكێتی نەتەوەیی دیموكراتی كوردستان YNDK

22/11/2024

*پەیامى هاوخەمى سکرتێرى گشتیى YNDK بۆ بەڕێز ‌(فوئاد سدیق)*

برای بەڕێزو خۆشەویستم کاک فوئاد سدیق

سڵاوێكی گەرم ....
بەخەم و پەژارەیەكی زۆرەوە هەواڵی كۆچی دوایی کەسایەتیى چاکەخواز خاتوو (فاتیمە شێخ محەممەد میکائیل)-ی دایکی بەڕێزتانمان پێگەیشت، ئەم هەواڵە لە ناخەوە هەموو لایەکمانى دڵتەنگ و خەمبار کرد.
بەناوی خۆمان و ئەندامانی مەكتەبی سیاسی و كۆمیتەی سەركردایەتی و تەواوی ئەندامانی یەكێتی نەتەوەیی دیموكراتی كوردستان YNDK پرسەو سەرەخۆشی گەرمی خۆمان ئاراستەی ئێوەى بەڕێزو تەواوى بنەماڵە سەربەرزەکەتان و خزمانى خوالێخۆشبوو دەكەین و خۆمان بە هاوخەمتان دەزانین و، ئومێد دەكەین ئەوە دواناخۆشیتان بێت و، لە یەزدانی مەزن دەپاڕێینەوە دڵنەوایی و ئارامی بە هەموو لایەك ببەخشێت و خوالێخۆشبوویش بخاتە بەر رەحمەت و دلۆڤانی خۆی.

براتان
غەفوور مەخمووری
سكرتێری گشتیی
یەكێتی نەتەوەیی دیموكراتی كوردستان YNDK
22 / 11 / 2024

22/11/2024

جەمیل سنجاوی: سەرجەم گۆرانییە کوردییەکان لە باکووری کوردستان بەتورکی دەکرێن

لاڤین عومەر: تایبەت بە نوچەنێت

جەمیل سنجاوی، هونەرمەند و ئاواز دانەر، لە دیمانەیەکی تایبەت بە نوچەنێت دەڵێت، قسە لە بارەى ئاوازەکانى هونەر و گۆرانى کوردى لە ئێستادا دەکات و دەڵێت، "لەوانەیە هەندێک لە ئاوازدانەران هەبن، هۆنراوەیەک هەڵبژێرن لەگەڵ ئاوازەکانیان بگونجێ، لەڕووی کێش و سەروای هۆنراوەکە و کاتی موزیکی ئاوازەکە هیچ کێشەیەکی ئەوتۆی نەبێت، بەڵام لەڕێکخستنی ئەوجۆرە ئاوازانە بایەخی تەواو بەوردەکاریی پەیوەندی نێوان ئاواز و هۆنراوەکان نادرێت".

دەقی دیمانەی ماڵپەڕى نوچەنێت لەگەڵ هونەرمەند و ئاوازدانەر جەمیل سنجاوی:
نوچەنێت: تێکستی شیعری و ئاواز، چ پەیوەندییەکیان بەیەکەوە هەیە؟
جەمیل سنجاوی: لەوانەیە هەندێک لەئاوازدانەران هەبن، هۆنراوەیەک هەڵبژێرن لەگەڵ ئاوازەکانیان بگونجێ، لەڕووی کێش و سەروای هۆنراوەکە و کاتی موزیکی ئاوازەکە هیچ کێشەیەکی ئەوتۆی نەبێت، بەڵام لەڕێکخستنی ئەوجۆرە ئاوازانە بایەخی تەواو بەوردەکاریی پەیوەندی نێوان ئاواز و هۆنراوەکان نادرێت، بەلای منەوە کاتێ ئاوازێکی نوێ دادەندرێت، پێویستە ئاوازدانەر زۆر بەگرنگی و بایەخ بەلایەنی وێنەیی هۆنراوەکە بدات و ئاوازەکەی وێنە (تصوير) ی گوزارشتی پەیڤەکانی ناو هۆنراوەکە بکات.
نوچەنێت: ئاوازێکی بیانی لەگەڵ تێكستێكى کوردی چۆن دەگونجێندرێت؟
جەمیل سنجاوی: زۆرجار ئاوازی بیانی هەبووە، هۆزانڤانێک هۆنراوەی ئاسایی بۆداناوە و تۆمارکراوە، بەڵام هەندێ جار وا ڕێککەوتووە، کە هۆزانڤانەکە تێکستە ڕەسەنەکەی وەرگێڕاوەتە سەر زمانی کوردی و پاشان لەگەڵ ئاوازەکە گونجاندویانە و تۆماریان کردووە، بۆئەم بابەتە زیاتر گۆرانیبێژەکان ئەم کارەیەیان ئەنجام داوە.
نوچەنێت: زۆرجار هەندێ گۆرانی کۆن هەیە نوێ دەکرێتەوە، بەڵام هەست دەکەی کە ئەو گۆرانییە خنکێندراوە، بەپێچەوانەشەوە کە زیندوو دەکرێتەوە رۆحێکی نوێ بەبەریدا دەکرێت، ئەو هۆکارانە چین کە ئەم دوو حاڵەتە دروست دەكەن؟
جەمیل سنجاوی: من پێم وایە، هۆکارەکان زۆرن، زۆر گۆرانبێژان، کاتێ گۆرانییەکۆنەکان تۆماردەکەن، هیچ بایەخ بەوردەکاریی ئەولایەنانە نادەن، کە دەبێتە هۆی سەرکەوتنی تۆمارکردنی گۆرانییەکان، بەڵکو بەشێوەیەکی سەرپێیی بەڕێی دەکەن، و بڵاویان دەکەنەوە، بەپێچەوانەوە گۆرانبێژی وا هەیە، زۆر بەبایەخ و هەستیارییەوە لەم بوارەدا کاردەکات و گرنگی بەهەموو لایەنەکانی سەرکەوتنی گۆرانییەکە دەدات، من هۆکاری سەرکەوتنەکان لەم بوارانەدا دەبینمەوە، بۆ نموونە: (گوتنی گۆرانییەکە) پێویستە ئەو کەسەی گۆرانییەکە دەڵێتەوە، دەنگی لەگۆرانبێژە ڕەسەنەکە باشتر بێت، ئەگەر ئەوەش نەکرا، دەبێت دەنگی هاوشانی دەنگە ڕەسەنەکە بێت، ئەمە لەلایەک، لەلایەکی تریشەوە، تەکنیکی تۆمارکردنەکە دەبێت، لەوەی پێشتر باشتر بێت، هەروەها موزیکژەنەکان، دەبێت ئاستی ژەنینەکانیان لاواز نەبێت، لەبەر ئەوەی تۆمارکردنەوەی گۆرانییەکۆن و ڕەسەنەکان، بۆ ئەوە تۆماردەکرێتەوە، کە بەشێوەیەکی باشتر بگاتە، گوێچکەی جەماوەر، بەشێوەیەکی گشتیی و نەوەی نوێ بەشێوەیەکی تایبەتی، چونکە گرنگە نەوەی نوێ بەبەرهەمە کۆنەکان ئاشنا بکرێن و بەشێوەیەکی جوانتر و بەکوالێتییەکی باشتر بەئەرشیف بکرێنەوە.
نوچەنێت: دەگوترێ بەشێک لە ئاوازە تورکییەکان لەبنەمادا ئاوازی کوردین، ئەم قسەیە تا چەند راستە؟
جەمیل سنجاوی: ئەمە بۆچوونێکی زۆر ڕاستە، لەبەرئەوەی هەر میللەتێک کە ستەمی لێبکرێت و زمانی دایکی لێقەدەغە بکرێت، ناچار پەنا بۆ زمانی تر دەبات، ئاشکرایە، لەتورکیا زمانی کوردی ڕێگری زۆری لێدەکرێت، کە خەڵکەکەی بەزمانی خۆی بدوێ و گۆرانی پێبڵێ و گوزارشتی پێ لەمافەکانی خۆی بکات، جگە لەگۆرانبێژەتورکەکان، سترانبێژە کوردەکانیش پەنایان بۆزمانی تورکی بردووە، بۆئەوەی ئارەزووەکانیان و هونەرەکەیان بگەینن، بەگوێگرەکانیان، هەر لەبەرئەمەشە، سەرجەم گۆرانییە کوردییەکان لەباکووری کوردستان بەتورکیی دەکرێن، زۆربەداخم کە ئاوازە کوردییەکان بەتورکی دەبیستین، گۆرانبێژانی کورد جارێکی دیکە بەکوردی تۆماریان دەکەنەوە، بەڵام دەبێت تورک و دەستەڵادارانی تورکیا باش ئەوە بزانن، کە کامە گۆرانی تورکییە و کامە گۆرانی کوردییە، ئەو هونەرەی پەیوەندی بەتورکەوە هەیە، موەشەحاتەتورکییەکان و گۆرانییەکانی بڵند ئارسوی و عەنان شانسزن، ئەوانەی وەریانگرتووە، یان کوردین، یانیش پەیوەندی بەنەتەوەکانی ترەوە هەیە، ئاوازە کوردییەکان ئەگەر بەتورکیش گوترابێت، واتای ئەوە نییە کە تورکیی بن، بەڵکو ڕەسەنایەتیی خۆی دەسەلمێنێت، کە خاوەندارییەتی بۆچ نەتەوەیەک دەگەڕێتەوە.
نوچەنێت: گۆرانی کوردی تایبەتمەندی رۆژهەڵاتی هەیە، بەلادانی ئەم تایبەتمەندییە هونەری کوردی بەرەو کوێ دەچێت؟
جەمیل سنجاوی: ئێمە لەمۆسیقای ڕۆژهەڵاتیدا هاوبەشین، لەگەڵ ئەوەشدا خاوەن مۆرکێکی تایبەت بەخۆمانین، هەروەها مۆسیقای ڕۆژهەڵاتیش لەگەڵ مۆسیقای ڕۆژئاوایی زۆر شتی هاوبەشی هەیە، من پێم وایە، لادان لەهەندێ لەو تایبەتمەندیانە، هێندە کاریگەریی نابێت، چونکە لایەنە هاوبەشەکان زیاترن، ڕۆژئاواییەکان ( ماینەر و مێجەر) یان هەیە، ڕۆژهەڵاتییەکانیش پشت بەمەقامات دەبەستن، هەربۆیە ئێمەی کورد جگە لەو میلۆدیانەی کە بنچینەکەی پشتی بەشێوەگوتنە کوردییەکان و مەقامەڕۆژهەڵاتییەکان دەبەستێت، زۆر میلۆدیشمان هەیە، لەسەر سکێڵی ڕۆژئاوایی دانراوە، ئەو سوودوەرگرتنە لەموزیکی ڕۆژئاوایی هەر دەبێت و ئاساییە و بەرهەمی جوان و ناوازەشی لێدروستبووە.
نوچەنێت: ئەگەر بەراوردێک بکەین لەنێوان ئاواز و مۆسیقای كۆن و نوێ ، ئاواز و مۆسیقای ئێستا لە گوێی گوێگر خۆشترە، ئەو تایبەتمەندییانە چین کە ئاواز و مۆسیقای کۆن هەیەتی؟
جەمیل سنجاوی: بێگومان هەریەکەو گوزارشت لەسەردەمی خۆی دەکات، زۆر گۆرانیمان هەیە، لەسەردەمی کۆن بەهەندێک ئامێری دەنگیی زۆر سادەی کۆن تۆمارکراوە، تا ئەمڕۆش تام و چێژی خۆی هەیە، واتا لەلایەنی ( دەنگ و ئاواز و موزیک) تەواو بایەخی پێدراوە، ئەگەر چی لەسەردەمی ئەمڕۆ، پێشکەوتن و تەکنەلۆژیاییەکی باش هەیە، لەگەڵ ڕێزم بۆبەرهەمەباشەکان، کەچی زۆر بەرهەم هەیە، لەئاست ئەوپێشکەوتن و ئامێری نوێ و تەکنەڵۆژیایە نین، ئەمڕۆ ئاسانکاریی زۆر هاتۆتە ئاراوە، گۆرانبێژ پێشتر لەگەڵ تیپی موزیک دەبوایە گۆرانییەکە تۆماربکات، ئەگەر هەر جارێک هەڵە هەبووایە، دەبوایە، جاری دیکە دووبارە و چەنبارەی بکردبایەوە، بەڵام ئێستا ئاسانکاریی زۆر هەیە، کەی گۆرانبێژ بەدڵی بوو، دەتوانی گۆرانییەکەی تۆماربکات، لەو سەردەمەدا موزیکژەنان هەریەکەو بەجیا موزیکی خۆی تۆماردەکات، چونکە تۆمارکردنەکان لەستۆدیۆ بەکۆمپیوتەر و بەهێڵ تۆماردەکرێت، گۆرانبێژی ئەمڕۆ بەدوای ئاوازی نوێ ناگەڕێت، زیاتر پشتی بەگۆرانی کۆن و گۆرانی بێگانە بەستووە، کاتی خۆی کە گۆرانییەکی تۆمارکراو بەکامیرای تەلەفزیۆنی وێنەی دەگیرا، کە ئێستا (کلیپ)ی پێدەڵێن، کاتێ سەیری تایتلەکەیت دەکرد، یەکسەر دەتزانی، ئەوگۆرانییە ئاوازی کێیە و هۆنراوەی کێیە، هەموو کارەهونەرییەکان دیاربوو، کەچی ئێستا بەزمانی ئینگلیزی تایتل دەنووسن، بەفۆنتێکی زۆر بچـووک و بەشێوەیەکی زۆرخێرا بەبەرچاوت تێدەپەڕێت، هەر ڕوون نییە، کە ئاواز و هۆنراوە و موزیک و کارەهونەرییەکانی دیکە هی کێیە، من پێموایە شاکاری هێندە جوان و ناوازەمان هەیە، ئێستاش نەتواندراوە، نموونەی ئەوبەرهەمانە دروست بکرێنەوە، چونکە بەدڵسۆزی و خـەمخۆری و هەوڵ و ماندووبوون و شەونخوونی هەندێک لەهونەرمەندانی گەورەی نەتەوەکەمان دروستبووە، ئەستەمە ئەمڕۆ دروست ببێتەوە، بەڵام لەگەڵ ئەوەش ئێستا هەندێک بەرهەمی جوان هەیە، هەوڵ و ماندووبوونی پێوەدیارە و نکوڵی لەباشیی بەرهەمەکان ناکرێت.
نوچەنێت: ئەو دوو بوارەی بەڕێتازن لێک دوور و نزیکیان هەیە، تا چەند خزمەت بەیەکتری دەکەن؟
جەمیسل سنجاوی: بەلای منەوە، ئاوازەکانی سەردەمی کۆن یان ئاوازەکانی ئێستا، هیچ جیاوازیەکی نییە، گرنگ ئەوەیە، ئاوازەکان کاریگەریی خۆیان هەبێت و بەدەنگێکی شیاو و موزیک و دابەشکردنێکی ناوازە و بەکوالێتیەکی باش تۆماربکرێت.
سه‌رچاوه‌: له‌ماڵپه‌ڕی نوچه‌نێت وه‌رگیراوه

رۆژنامەی میدیا

22/12/2024

21/12/2024

21/12/2024

19/12/2024

19/12/2024

16/12/2024

11/12/2024

11/12/2024

10/12/2024

10/12/2024

10/12/2024

10/12/2024

04/12/2024

03/12/2024

02/12/2024

02/12/2024

22/11/2024

22/11/2024

Address

Telephone

Website

Alerts

Contact The Business

Shortcuts

Share

Category