Xani Agency

17/04/2024

کیشک ھەڤالێ تە پێشبینیا شکەستنا ڕیال مەدرید کربوو ؟
😍😍
تاگ بکە

17/04/2024

ڕیاڵ مەدرید گەھشتە قۆناغا بەری دوماھیێ یا چامپیۆنزلیگێ.

17/04/2024

بەرپرسێ مەكتەبا رێكخستنا دهۆكێ ب مەرەما پیرۆزكرنا سەرساڵا كوردێن ئێزدی سەرەدانا میرێ ئێزدیان كر

رۆژا چارشەمبی رێكەفتی 17 نیسانا 2024، سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا دهۆكێ ب یاوەریا بەرپرسێ لقێ بیست یێ پارتی و شاندەكێ مەكتەبێ، ب مەرەما گەهـاندنا پەیاما پیرۆزباهییێ و بهـەلكەڤتا هاتنا سەرێ ساڵا نوی یا كوردێن ئێزدی سەرەدانا، میر حازم تەحسین بەگ، میرێ ئێزدییان ل پەرستگەهـا لالش کر.

د سەرەدانێدا بەرپرسێ مەكتەبا رێكخستنا دهۆكێ پیرۆزباهـیێن خۆ ئاراستەیی میرێ ئێزدیان كر و سەرێ ساڵا نوی لێ پیرۆز كر، هەروەسا هیڤی خۆاست كو ئەڤ جەژنە ببیتە فاكتەرێ خورتكرنا گیانێ برایەتیێ و لێبورینێ و پێكڤه‌ ژیانێ د ناڤبه‌را هه‌می ئول و نه‌ته‌وەیێن ل كوردستانێ .

17/04/2024

بەرپرسێ لقێ ئێک بۆ پیرۆزیێن جەژنا سەرسالا ئێزدیان سەرەدانا شاریا کر

ئەڤرۆ رۆژا چوارشەمبی 17ى نیسانا سالا ،2024 د. نەوزاد عەبدوللا، بەرپرسێ لقێ ئێک یێ پارتی دیموکراتی کوردستان ب یاوەریا شاندەکێ کارگێرێن لقێ، ب مەرەما پیرۆزکرنا جەژنا سەرێ سالا ئێزدیان سەرەدانا ژمارەیەکا زۆر یا خێزانان و جهێن ئایینی ل ناحیا خانکێ و کۆمەلگەها شاریا کر.

17/04/2024

وەزارەتا پێشمەرگەی چەند گۆرانکاری ل سەر ئاستێ لیوایێن پیادە ئەنجامدان

وەزارەتا پێشمەرگەی ڕاگەهاندیە، د درێژاهییا ئەوان گۆهڕینێن سەربازی یێن کو وەزارەتا پێشمەرگەی وەک پڕەنسیپەکێ نووکرنا سەربازی ل فەرماندەییا لیوا و فەوجان دکەت، ئەڤرۆ 17 نیسانا 2024، لژنەیەکێ ب سەرپەرشتیا ڕێڤەبەرێ حەرەکاتا سەربازی و ئەندامەتییا هەواڵگێرییا گشتی و ئیدارەیا گشتی یا وەزارەتا پێشمەرگەی، ئالۆگۆرا مقدم لیوایێن (11،9) یێن پیادە وفەرماندەیا فەوجا 1 لیوایێن (5،1) یێن پیادە و فەرماندەیا فەوجا2 لیوا2، ئەفسەرێ حەرەکات یێ لیوایێن(9،1) پیادە یێن وەزارەتا پێشمەرگەی و جێگرێ فەوجا2 لیوا1 و جێگرێ فەوجا3 لیوا5 و فەرماندەییا سریا2 فەوجا2 لیوایێ6 یا پیادە بڕێڤەچوو.

17/04/2024

حەفت زێدەگاڤی ل سەر تۆرا کارەبێ هاتنە ڕاکرن

قایمقامیا قەزا زاخۆ ڕاگەهاندیە، لژنا نەهێلانا زێدەگاڤییان ل سەر تۆرا کارەبا نشتیمانی، ئەڤرۆ د هەوەکا دویڤچوونی و پشکنینێدا، سەرەدانا تۆرا کارەبا 30 مالان کرن، د ئەنجامدا حەفت ژ وان مالان زێدەگاڤی ب شێوەیەکێ نەیاسایی ل سەر تۆرا کارەبێ کربوون.

دایە دیارکرن ژی، ئەو زێدەگاڤییە هاتنە لادان و کەسێن سەرپێچکار هاتنە ئاگەهدارکرن کو ڤێ چەندێ دووبارە نەکەن.

17/04/2024

لێگەریان بۆ بنەتۆڤێن گەنمی دهێتە کرن

جیهان ڕەسۆل، ژ ڕاگەهاندنا ڕێڤەبەریا گشتی یا چاندنێ ل پارێزگەها دهۆکێ بۆ ئاژانسا خانی ڕاگەهاند، ئەڤرۆ چارشەمبی رێکەفتی 17 نیسانا 2024، سەرەرای بێهنڤەدانا فەرمی، تیمێن لێگەریانا بنەتۆڤی ل قەزا دهۆک سەرەدانا چەندین زەڤی یێن چاندنێ ل دەڤەرا دوسکیا کر، ب مەرەما هەلسەنگاندن بۆ بەرهەمی گەنمی و دەستنیشانکرنا باشترین جۆرێ گەنمی بۆ بنەتۆڤی.

دیارکر ژی، پشتی پەسەندکرنا بنەتۆڤی ژلایێ تیمێن رێڤەبەری یا گشتی یا چاندنێ ڤە، ئەنجام ژبۆ وەزارەتا چاندن و ژێدەرێن ئاڤێ یا حکومەتا هەرێما کوردستانێ دێ هێنە هنارتن داکو وەکی بنەتۆڤ بهێنە وەرگرتن.

دهێتە زانین، سالانە حکومەتا هەرێما کوردستانێ و وەزارەتا چاندن و ژێدەرێن ئاڤێ باشترین جۆرێ گەنمی بۆ بنەتۆڤێ ل سەرتاسەرێ هەرێما کوردستانێ وەردگریت، ل رێڤەبەرییا گشتی یا چاندنێ ژی دوو تیمێن پسپۆر هەنە کو باشترین جۆرێن گەنمی بۆ بنەتۆڤێ دەستنیشان دکەن.

17/04/2024

حه‌ییان عه‌بدولغه‌نی: ل ‌گه‌ل هه‌رێما كوردستانێ د دانوستاندنان داینه بۆ هنارتنا نه‌فتێ

وه‌زیرێ نه‌فتا عێراقێ دیار كر: ئه‌م ل ‌گه‌ل هه‌رێما كوردستانێ د دانوستاندنان داینه بۆ هنارتنا نه‌فتا هه‌رێما كوردستانێ.

حه‌ییان عه‌بدولغه‌نی گۆت ژی: رۆژانه‌ رێژا به‌رهه‌مئینانا نه‌فتێ لدووڤ‌ بودجه‌یی 400 هزار به‌رمیلێن نه‌فتێنه‌.

17/04/2024

ب هزار و 200 دۆلاران ژی شڤان ب ده‌ست خۆدانێن په‌زی ناكه‌ڤن

ل پارێزگه‌ها مووشێ ل باکوورێ کوردستانێ، شڤان ب مووچەیێ 40 هزار لیران، کو دبنه‌ نێزیكی 1200 دۆلاران ژی، بده‌ست خۆدانێن په‌زی ناكه‌ڤن.
نوكه‌ سه‌قا به‌ره‌ڤ گەرمبوونێ ڤه‌ دچیت و پێدڤییە خودانێن په‌زی بچنه‌ زۆزانان و په‌زێ وان ژی پێدڤی ب شڤانان هه‌یه‌ و گەنج ژی شڤانییێ ل وێ پارێزگه‌هێ ناكه‌ن.
نوكه‌ مووچەیێ شڤانان ل مووشێ 40 هزار لیرەنه‌ كو دبنه‌ (1200) دۆلار، بەلێ شڤان بده‌ست خۆدانێن په‌زی ناكه‌ڤن و ئه‌ڤ چه‌نده‌ بوویه‌ ئاریشه‌كا مه‌زن بۆ وان.

17/04/2024

دیمەنێن وەرگەریانا ترۆمبێلەكێ ل جادا بارزان كو كەسەك تێدا بریندار بوویە

17/04/2024

به‌ری ده‌مه‌كی ترۆمبێلەك ل جادا بارزان وەرگەرییا

17/04/2024

سه‌رۆك بارزانی: پشتی سه‌رهلدانێ پارتی دەستپێشخەرا دیموكراسییێ و ئه‌نجامدانا هەلبژارتنان بوو

ڕۆژا چارشەمبێ 17ـێ نیسانا 2024ـێ ل هەولێرێ سەرۆك مەسعود بارزانی پێشوازی ل تۆماس سیلەر، بالیۆزێ ئێكەتییا ئەورۆپا ل عیراقێ كر.

د دیدارێدا ڕەوشا سیاسییا عیراقێ و هەلبژارتنێن هەرێما كوردستانێ هاتنە گوتۆبێژكرن و سەرۆك بارزانی ئاماژە ب هندێ كر، پشتی سەرهلدانێ پارتی دەستپێشخەرییا دیموكراسی و ئەنجامدانا هەلبژارتن و ڤەگوهاستنا شەرعیەتا شۆرەشگێری بۆ شەرعیەتا یاسایی و دەستووری بوو و هەردەم ئامادەیی ئەنجامدانا هەلبژارتن بوو ل هەرێما كوردستانێ.

سەرۆك بارزانی دووپات كر، كو پارتی هەردەم ل گەل هەلبژارتنان بوو و نوكە پارتی داخواز دكەت ب زیترین دەم ئەو سەرنج و بابەتێن تەكنیكی كو ڕێگرن د ئەنجامدانا هەلبژارتنێن ساخلەم بهێنە چارەسەركرن و دووپات ل جڤاكێ نیڤدەولەتی و نەتەوەیێن ئێكگرتی دكەین كو گەرەنتییا ئەنجامدانا هەلبژارتنەكا پاقژ بكەن.

سەرۆك بارزانی سوپاسییا هەلویستێ جڤاكێ نیڤدەولەتی و نەتەوەیێن ئێكگرتی كر كو زویترین دەم هاتینە سەر هێل و ب گرنگی تێبینێن پارتی وەرگرتن.

سەرۆك بارزانی دیاركر، پاشئێخستنا هەلبژارتنان بۆ چەند هەیڤان گەلەك گرنگترە ژ هەلبژارتنەك بهێتە كرن كو تێدا مافێن دەنگدەران و پێكهاتەیان بهێنە پێشیل كرن، سەرۆك بارزانی هیڤی خواست كو ب پشكدارییا هەمی لایەن و نەتەوەیێن ئێكگرتی و كۆمیسیونا عیراقێ بشێن كێموكاسییان چارەسەر بكەن و ڕێك بۆ هەلبژارتەكا پاقژ بهێتە خۆشكرن و چارەسەرییەكا گونجایی بۆ پشكدارییا پێكهاتەیان بهێتە دیتن.

هەر د كۆمبوونێدا بالیۆزێ ئێكەتییا ئەورۆپا ل عیراقێ پێزانین بۆ ڕۆلێ دیرۆكییێ سەرۆك بارزانی د پڕۆسەیا سیاسی و سەقامگیرییا عیراق و هەرێما كوردستانێ هەبوو و دووپات ل هندێ كر ئێكەتییا ئەورۆپا تێبینیێن پارتی ل سەر لایەنێن تەكنیكی یێن هەلبژارتنان ب جددی وەرگرت و ل دەمەكێ نێزیك ل گەل نەتەوەیێن ئێكگرتی دویڤچوون بۆ چارەسەركرنا ئەوان ئاریشەیان كەن.

17/04/2024

سوودانی پیرۆزباهی ل‌ ئێزدییان كر

ب هه‌لكه‌فتا جه‌ژنا سه‌رێ سالا ئێزدیان، محه‌مه‌د شیاع سوودانی سه‌رۆكوه‌زیرێن عێرا

17/04/2024

د کۆمبوونا جۆ بایدنی و سوودانی دا به‌حسێ پشته‌ڤانییێ ل هەرێما کوردستانێ هاتییه‌ کرن

سەفین دزەیی بەرپرسێ فەرمانگەها پەیوەندییێن دەرڤه‌ یێن حکومەتا هەرێما کوردستانێ" به‌ح

17/04/2024

ل دهۆكێ خۆلەکا ڕاهێنانێ ل دۆر پیشەسازیا خوارنێ بۆ 27 ئافرەتان هاتە ڤەکرن

ئەحمەد جەمیل، ڕێڤەبەرێ گشتییێ چاندنێ ل پارێزگەها دهۆکێ ڕاگەهاند، ب سەرپەرشتیا وەزارەتا چاندنێ و ژێدەرێن ئاڤێ یا حکومەتا هەرێما کوردستانێ و هەماهەنگی ل گەل ڕێخراوا UNDP خۆلەکا ڕاهێنانێ ل دۆر بابەتێ پیشەسازیا خوارنێ هاتە ڤەكرن.

هەروەسا دیاركر، خۆلەکا ڕاهێنانێ یا پیشەسازیا خوارنێ بۆ 27 ئافرەتێن دەرچویێن چاندنێ یێن نەدامەزراندی ل سنوورێ پارێزگەها دهۆکێ و ئیدارا سەربەخویا زاخۆ یا هاتییە ڤەكرن و دێ بۆ دەمێ حەفت رۆژا یا بەردەوام بیت.

17/04/2024

رێورەسمێن وەرگرتنا هنده‌ك ده‌رمانان ب كوژمێ 43 ملیۆن دۆلاران ل پارێزگه‌ها دهۆکێ برێڤه‌‌چوون

وه‌زاره‌تا ساخله‌مییا حكومه‌تا هه‌رێما كوردستانێ را‌گه‌هاند، مه‌راسیمێن وه‌رگرتنا هنده‌ك ده‌رمانان ب كوژمێ 43 ملیۆن دۆلاران ل‌ پارێزگه‌ها دهۆكێ برێڤەچوو، كو ئه‌و‌ ده‌رمانه‌ بۆ چه‌ندین نه‌خۆشییێن ده‌گمه‌ن بكار دهێن.
ئه‌ڤرۆ (چارشه‌مبی‌ 17 ی نیسانا 2024) ێ، ب ئامادەبوونا د. سامان بەرزنجی وەزیرێ ساخله‌مییێ ل حكومه‌تا هه‌رێما كوردستانێ، موسا ئه‌حمه‌د سەرۆکێ دەزگه‌هێ خێرخوازییێ بارزانی و گایر ئۆلڤێ بەرپرسێ ڕێکخراوا هاریکاری و مرۆڤدۆستییا نەرویجی مەین MAIN، مەراسیمێن وەرگرتنا 16316 دەرزی و دەرمانێن چارەسەرییا دەگمەن ژ جۆرێ Humira ب كوژمێ 43 ملیۆن دۆلاران ل دهۆکێ برێڤە چوو، کو ژ لایێ دەزگه‌هێ خێرخوازییێ بارزانی و هه‌ڤپشكێن وان ژ ڕێکخراوا مەینییا نەرویجی بۆ هه‌موو نەخۆشخانێن هەرێما کوردستانێ ب شێوازێ خێرخوازی دابین کرینه‌‌ و بۆ چەندین نەخۆشییێن دەگمەن بکار دهێن.

17/04/2024

گۆندێ کوڕەلە ل قەزا شارباژێر هاتە بوردۆمان کرن

کامەران حەسەن قائیممقامێ ماوەت ڕاگەهاند، گۆندێ کوڕەلە ل قەزا شارباژێر هاتە بوردۆمان كرن، ئەو بوردۆمان ب دووجهێن گۆندی كەفتییە و خانیەك هاتیە خراب كرن.

قائیممقامێ ماوەت دیاركر، بوردۆمانا ئەڤرۆ یا گۆندێ كوڕەلە ژ لایێ فڕۆكەیەكا بێ فڕۆكەڤان یا توركیا هاتیە ئەنجامدان.

17/04/2024

رائید فه‌همی: عێراقێ ژ بلی فیدرالییێ چ چاره‌یێن دیتر نینن

سكرتێرێ حزبا شیوعییا عێراقی دیار كر، سه‌قایێ ره‌وشه‌نبیری و هشیاری بۆ پێشكه‌فتا جڤاك

17/04/2024

بەرپرسێ مەكتەبا ڕێكخستنا دهۆكێ جەژنا بابەشێخێ ئێزدیان پیرۆز كر

ئەڤرۆ ب هەلكەفتا هاتنا سەرسالا نوی یا كوردێن ئێزدی و ب مەرەما گەهاندنا پەیاما پیروزباهییێ سەربەست لەزگین، ئەندامێ مەكتەبا سیاسی و بەرپرسێ مەكتەبا ڕێكخستنا دهۆكێ و بەرپرسێ لقا بیست یا پارتی و شاندەكێ مەكتەبێ سەرەدانا عەلی شێخ ئلیاس، بابەشێخێ ئێزدیان ل گۆندێ شێخكا کر.

ژ نێزیكڤە بەرپرسێ مەكتەبا ڕێكخستنا دهۆكێ پیرۆزباهـیێن خۆ ئاراستەیی بابەشێخێ ئێزدیان كر و جەژن و سەر سال لێ پیرۆز كر.

هەروەسا دووپات ل فەرهەنگا پێكڤەژیانێ كر و گۆت، پێدڤییە ئەڤ فەرهەنگا دەولەمەند بهێتە پاراستن و هیڤیدارم هەمی جەژن و هەلكەفتێن هەوە ب ئاشتی و دلخۆشی دەرباز بن.

17/04/2024

دلشاد شەهاب: سەرەدانا سوودانی بۆ ۆاشنتن د دەمەكێ گونجایی دایە

پەیڤدارێ سەرۆکایەتییا هەرێما کوردستانێ دیاركر، عیراق و هەرێما كوردستانێ ل بەر ئەو ئالۆزییێن ل دەڤەرێ هەین ل بەردەم تەحەدییێن مەزن دانە بۆ هندێ نەبنە پشكەك ژ ئاریشەیێن نوكە ل دەڤەرێ و دیاركر، سەرەدانا سوودانی بۆ ۆاشنتن د دەمەكێ كایگەر دایە.

دلشاد شەهاب، پەیڤدارێ سەرۆکایەتییا هەرێما کوردستانێ ل دۆر سەرەدانا محەمەد شیاع سوودانی، سەرۆکوەزیرێن عێراق بۆ ئەمریکا ئەڤرۆ ڕاگەهاند، سەرەدانا سوودانی پێنگاڤەكا گەلەك ئەرێنی و دەمەكێ گەلەك گونجایی و کاریگەر دایە.

پەیڤدارێ سەرۆکایەتییا هەرێما کوردستانێ دیاركر ، باسکرن د مافێن گەلێ کورد و ئامادەبوونا نوونەرێن هەرێما کوردستانێ د دانوستاندنێن دناڤبەرا بەرپرسێن عیراق و ئەمریکا ل ۆاشنتن، ئاماژەكا گەلەك ئەرێنی و ئومێدا دایە.

17/04/2024

ئاریشێن سیاسی بووینه‌ ئه‌گه‌رێ بلندبوونا بهایێ زێری

17/04/2024

بانکا ناڤه‌ندییا عێراقی هۆشدارییێ دده‌ت

بانکا ناڤەندییا عێراقێ دیار كر: هۆشدارییێ ده‌ربارەیی هه‌بوونا پەیجێن ده‌ستبڕ د تۆرێن

17/04/2024

ل دهۆكێ ڕێژا نەخۆشییا سۆركا دناڤ زارۆكان دا زێدەبوویە

د. نزار بەكر، نۆشدارێ شیرەتكارێ زارۆكان ڕاگەهاند، ل پارێزگەها دهۆكێ ڕێژا نەخۆشییا سۆركا دناڤ زارۆكان دا زێدەبوویە و زێدەتر ژ 200 زارۆكان ب ئەگەرێ نەخۆشییا سۆركا د نەخۆشخانا هیڤی یا زارۆكان دا هاتبوونە نڤاندن.

شیرەتكارێ زارۆكا دیاركر، دوهی ڕۆژا سێشەمبی 16-04-2024ـێ هەوا ڤاكسیندانانێ دژی نەخۆشییا سۆركا ل باخچە و قوتابخانان ژ بۆ ژییێ 5 سالییێ هەتا 12 سالییێ دەستپێكرییە و دێ بۆ دەمێ 10 ڕۆژان یا بەردەوام بیت.

17/04/2024

ئەڤرۆ د.عەلی تەتەر، پارێزگارێ دهۆکێ و دەڤەردارێ شێخان ب مەرەما پیرۆزکرنا جەژنا چارشەمبا سەرێ نیسانێ و سەرسالا ئێزدیان، سەرەدانا پەرستگەها لالشدا و ژلایێ میر حازم تەحسین بەگ، میرێ ئێزدیێن کوردستانێ و جیهانێ هاتە پێشوازیکرن.

17/04/2024

په‌یڤدارێ وەزارەتا دارایی: بابه‌تێ مووچەیی ب ته‌مامی چارەسەر بوویە

ئەڤرۆ چارشەمبی، 17-04-2024، هونەر جەمال، په‌یڤدارێ وەزارەتا دارایی و ئابوورییا حکومەتا هەرێما کوردستانێ د لێدوانه‌كا رۆژنامەڤانیدا راگەهاند، بابه‌تێ مووچەیی ب ته‌مامی چارەسەر بوویە و د سەره‌دانا ڤی حه‌فتییێ یا محەمەد شیاع سوودانی، سەرۆکوەزیرێن عێراقێ بۆ ئەمریکا، ته‌كه‌زی ل سه‌ر هندێ هاتییه‌ کرن، كو بابەتێ مووچەیێ فەرمانبەرێن هەرێما کوردستانێ چارەسەر بوویە و بابه‌تێ مووچەیی ئێدی نابیتە گرفت، چونکێ مافه‌كێ بنەڕەتی یێ مووچەخۆرێن هەرێما کوردستانێیە".

ناڤهاتی گۆت ژی: حکومەتا عێراقێ هه‌یڤانە پشتی 18 ی هه‌یڤێ مووچەیی دابەش دكه‌ت و ل ده‌ستپێكێ مووچەیێ خانەنشینان (بۆ هەرێما کوردستانێ) دهنێریت، پاشی مووچەیێ وەزارەت و فەرمانگەهێن دیتر" دڤێت ل حه‌فتییا بهێت دابەشکرنا مووچەیی ل عێراقێ دەستپێبکه‌ت و ئه‌م ژی هه‌تا وی ده‌می دێ هەموو ئامادەکارییان کەین بۆ هندێ لیستا مووچەییێن فەرمانبەران ڕەوانەیی بەغدا بکەین، داكو ل ده‌مێ خۆدا مووچەیێ فەرمانبەرێن هەرێما کوردستانێ دابەش بکەین".

17/04/2024

تۆمەتبارێ سەرەکییێ کوشتنا ئەو کچا د شوقەیا ئیسکان دا هاتییە هاڤێتن هاتە دەستەسەركرن

ئەو كچا دووماهییا سالا بووری د ئێك ژ شوقەیێن ئیسكان دا ل هەولێرێ ژ لایێ دوو گەنجان ڤە هاتییە هاڤێتن، سپێدەهییا ئەڤرۆ ژ لایێ باب و برا و دوو گەنجێن دی ڤە هاتە كوشتن.

پۆلیسێن هەولێرێ تۆمەتبارێن سەرەكییێ كوشتنا ئەو كچا د شوقەیێن ئیسكان دا هاتییە هاڤێتن، هاتنە دەستەسەركرن.

عەمید شوان عارەب، ڕێڤەبەرێ گشتییێ پۆلیسێن هەولێرێ دیاركر، كو هێزێن مە شیان برایێ وێ كچێ كو تۆمەتبارێ سەرەكییێ كوشتنێ یە هاتە دەستەسەركرن.

17/04/2024

ئەڤ ساله‌ 127 کەس ب تاوانێن گرێدایی ب مادێن هۆشبەرڤه‌ هاتینه‌ سزادان

رێڤەبەرێ گشتییێ چاکسازییێن هەرێما کوردستانێ دیار كر، هزار و 249 بازرگان و بکارهێنەرێن ما

17/04/2024

ئەمریکا یا ئامادەنینە عیراقێ بجهـ بهێلیت

بەرپرسێن حکومەتا عیراقێ چەندین جاران ڕاگەهاندبوو، كارێ هێزێن ئەمریكا ب دووماهی هات دڤێت عیراقێ بجهـ بهێلین، بەلێ جێگرێ پەیڤدارێ پێنتاگۆن ڕاگەهاند، هندی هێرشێن داعش ل عیراقێ مابیت ئەم بجهـ ناهێلین.

سابرینا سینگ، جێگرێ پەیڤدارێ پێنتاگۆن دیاركر، هندی هێرشێن سوپایێ پاسدارات و داعش ل عیراقێ د بەردەوام بن، ئەم دێ بهێزتر بین و دێ مینینە ل عیراقێ.
سابرینا سینگ گۆت، "هەرێما کوردستانێ ژی د تەوەرێن دانوستاندنێدا دناڤبەرا ئەمریکا و عیرقێدا بوو. هەرچەندە هێرشێن داعش گهۆرین ب سەردا هاتییە؛ بەلێ ب دووماهی نەهاتییە".

17/04/2024

كونسۆلێ بریتانیا: گرنگە ئاریشه‌یێن دناڤبه‌را بەغدا و هەولێرێ دا بهێنە چارەسەرکرن

جەیمس گۆلدمان، کونسۆلێ گشتییێ بریتانیا ڕاگەهاند، پەیوەندییێن حکومەتا هەرێما کوردستانێ و حکومەتا فیدرال گه‌له‌ك یا گرنگە بۆ سەقامگیری و ئارامییا هه‌مى عیراقێ، هەبوونا پەیوەندییێن ب هێز دناڤبەرا ئەڤان هەردوو لایەناندا ل دەف د گرنگن.

کونسۆلێ بریتانیا دیاركر، دابەشکرنا مووچەی ژی پێنگاڤەكا گەلەك ئەرێنی بوو، هیڤیدارین د بەردەوامبن د چارەسەرکرنا ئاریشەیان.

هەروەسا دیاركر ژی، هیڤیدارین سەرەدانا سوودانی یا سەركەفتی بیت، پێشتر ژی سەرۆكوەزیرێن هەرێما كوردستانێ سەرەدانەكا باش و سەركەفتی ل ئەمریكا ئەنجامدا، هیڤیدارین یا محەمەد شیاع سوودانی، سەرۆكوەزیرێن عیراقێ ژی سەرەدانەكا باش بیت.