بيج لنقل القصص والروايات
03/02/2025
.َ𝒎𝒂𝒓𝒊𝒂𝒎.:
كنتُ أنظرُ إلى صورتكِ
ولمّا وصلتُ إلى عينيكِ ،
لم أجثُ على رُكبتي
جثوتُ على قلبي ، كلُّ قلبي
_لأني عاقر
_البارت السابع والأربعون
_مريم الخفاجي
صوتوا للبارت+تعليق بين الفقرات+متابعة
لحسابي _mariam_alkhafaji_ لُطفاً..
*تصحيح : عمري تذكرون دورة السنة
مال أُم ملاك؟
ذكرنة انُ ولاء جانت حَامل
بس سهواً كتبت هالشي
كل ضني جانت حامل خربطت
وماصححتلي ملاك لان ما جانت فارغة
وماقرت البارت
اتمنى افتهمتوا ❤
ــــــــــــــــــــــــــــــــــــــــــــ
..
"وردة"
باوعت للساعه ب ٢ بليل
بعد ساعه ونص يأذن الفجر
بقيت سهرانه اگلب بالتلفون
وكل ساع اباوع للتوائم خاف يكعدون
رغم كبرو بس دوم يفزون بليل لوو جوعانين لو عطشانين
انسحبت ؏ كيفي لاتكعد
امي والجهال وننخبص طلعت للصاله
لكيته جاي يصلي عكدت حاجبي مستغربه
بعده ما أذن كتله:- كمال بعده ممأذن؟
هز راسه بـ اي ورجع كمل صلاته
كعدت ؏ تخم
وبأيدي موبايلي واباوعله يكوم ويكعد
شيصلي هذا صلاة الغفيله شبي؟
كمل صلاته وسبح ورفع ايده لفوك
يدعي جان صوته مسموع بس مااعرف
الكلام اللي ديكولة جان يحجي وعيونه
مغوركات بالدموع ، لم سجادته
وكام ابتسمت:-شجنت تصلي قضاء لو شنو؟
كمال:-لا صلاة الليل
وردة:-الله يتثبك ان شاءلله
كمال:-آمين للجميع
ابتسمتلة وهو حط السجادة
بمكانها و وگف
مطه جسمه ضحكت
فتحتله ايدي حتى يجي ينام بحضني
ابتسم ابتسامه عريضه واجه نام ؏ رجليه
مسدت ؏ شعرة
وبست كصته:-اليوم خابرتني ولاء
كمال:-شتريد هاي الـ***
وردة:-تسأل ؏ جهالها
ضحك بصوت عالي:-عليج الله
وردة:-والله
كمال:-عود تريد تصير حنونة ام
السحورة
وردة:-صدك انت شون عرفت بالسحر
كمال:-جنت اعزل الغرفة ولگيت شي ملفلف
عرفتها لأن هاي الـ**** كلش تسوي
ضحكت:-انت تعزل الغرفة؟
غمض عيونة وگال:-شسوي تعبت تعبت
كلشي هوسة ومخربط
الجهال والوصخ اللي ماكلهم اكل
وهي ويومية جاهل ويومية لعبان نفس
گتلها سوي كلشي بس جهالج اعتني
بيهم ولاتذبيهم ؏ ورد
تصيح اوووووي اني بيه حيل بس
بيها حيل للـ****
ضربت راسة وضحكت:-وهسة انتَ
وين وديتها
كمال:-لأبوها الخنيث
وردة:-يومين وترجعها
كمال:-لا والعباس ما ارجعها
وردة:-اممم لاتحلف سمعتها ذاك الشهر
كمال:-اذا هي تشتغل بالـ*** جا شي
اكيد تخليني ما اندل دربي
وعلي اگعد مرات راسي يفتر فر
من الدوخة احاول اصحى ماكو
ومن اروح للدوام اجيب هنا واحط هنا
تالي يطلعوني اجازة زمنية
وردة:-الله لايوفقها
كمال:-ويخلصنة منها بجاه الحسين
وردة:-زين ما تطلگها؟ وشوفلك بنية
حتى لو وحدة من بنات عمامي او عماتي
تهتم عاد بيك وببزرك
ضحك:-وبرأيج ينطوني؟ لو اموت
ونجيب بنية غريبة ونفس القوانة جا شسوينة
وردة:-اكو هواي بنات عالم وناس لاتشبههن
بهاي
كمال:-ومنو يرضى بواحد عندة اربع
جهال والشيب تارس راسة لخاطر ربج اسكتي
وردة:-ترة عادي اذا انت موفرلها كلشي
كمال:-ومنو گالج اوفرلها كلشي؟
اني هذذذا قااااافل قااااافل ؏ ذيج
وردة:-ملاك؟
بلع ريگة وضل صافن يباوع
للسگف:-اريد تجي دورة سنة امها بسرعة
اريد اشوفها مشتاقلها
وردة:-كافي يلا سد الموضوع
كمال:-لا لا خلي نحجي بيها
وردة:-اهووو كمال اذا جبت طاريها بعد
ماتسدة
كمال:-وليش هو اكو احلى من طاريها؟
سكتت
رجع گال:-تحاجيج هيّ
وردة:-لا حتى اني طلگتني
كمال:-ليش ماترجعين علاقتج بيها
وردة:-حاولت ومارضت وابتعدت
كمال:-وهي عندها حموات؟
وردة:-اي عدها اخت غيث رغد
كمال شايف من اشوفهن سوة روحي تروح
احسها بس صديقتي ومستحيل اگدر
انسى صداقتنة سوة من اجيت لهنا
اول وحدة حبيتها هيّ وضلينة سوة شكم سنة
ابد ولا يوم ضوجتني ولا اني تاليها
راحت وهسة صادقت غيري مقهورة كلش
ضحك:-وتلوميني؟
وردة:-مالومك بس السبب منك
كمال:-اعرف لذلك الندم كاتلني كتل
وردة:-ليش لعد سويت كل هذا الشيء؟ ليش طلكتها؟ ليش ما وكفت بوجهه امي علمودها؟
ضرب القنفه بوكسات متتاليه:- اخخ اخخخ
يالوكت الاغبر الخلاني اعوفها واخضع لأمي
وردة:-الفاس وكع بالراس بعد باوع لحياتك وصححها وانسى ملاك
كمال:-حياتي؟ يا حياة وردة
حياتي ممشيتها بالسحورة والـ***
كافي لاتطيحين حضي انتي كل ما اجي اسولفلج
تضلين تحجين حجي ماصخ
وردة:-حتى ابينلك الحقيقة
كمال:-ورررددددة ادرررري ادرررري
وحق مكككة ادري اني السبب اني
وردة:-بس لسة ماشفتلك حل
كسرها تكسير لهالادبسز هاي شنو مخليها
؏ حل شعرها وانت متأذي
انفاسة سريعة صارت
وهمس:-لج مادري شلون اتوبها
حبس حبستها وكتل كتلتها حرمتها من كلشي
لا فلوس لا موبايل لا ملابس
وگلت جرت عدل وترجع لنفس
النقطة ماتتوب لا والله
وردة:-احسن حل هو الطلاق
كمال:-خلي تجيب هسة واني اعلمها
سكتت وبقيت اتلمس بشعرة لحد
ما عافني وگام وهو يمسح بعيونة
شنو اسويلة؟
شلون اطفي نار گلبة
ورا أيام رجعها ابوها وگال:-موعد ولادتها قريب
منگدر نخليها يمنة
هزيت ايدي وتالي ويا ولاء؟
وبيوم جنة اني وكمال بغرفة ملاك القديمة
وهو يگلب بصورها:-كافي كمال
بروح الحسين كافي حرام والنبي
كمال:-ما حصلتها بالحلال خليني اتجهه للحرام
وردة:-لا بالله؟ ترة جديات ماعندك اي منطق
والنبي جدي لو يعرف صورها عندك يلعب لعب
أشرلي معلية
سكتت واني اباوع لصورها
شعرها طالع وجسمها وصوت ضحكاتها
واكو صور فضيحة اكثر
من حاضنها ويبوسها يضل يطول وهو يباوعلها
ياربي الله زين ما گالبها بينة
وردة:-استغفرالله ربي
كمال:-استغفريلي وياج
كرصته بمتنه:-لسانك
ضحك بخفه وطفه موبايله وغمض عيونه
ويا ما راد يغفه سمعنه صياح ولاء تعلن ؏ ولادتها
استغفر بصوت هامس
وهو مغمض عيونه:- كوم يلا
كمال:-اعوذ بالله من الشيطان الرجيم
وردة:-هي غير هاي اللي تردوها من زمان
تجيبلكم اطفال
كمال:-انعل ابو الرادها
وردة:-كوووم يلااا
كمال:-انعل ابوها لابو حتى الخلفها
وردة:-تؤ كمال گوووم ترا دتولد بأبنك
مو بأبن الجيران
كام ولبس تشيرته واخذ
سويجه ونزل نزلت وراه
صاحلي كال:- ورد لبسي وتعاي ويانه
وردة:-جا والجهال شلون اعوفهم؟
كمال:-ماعليهم احمد وياهم امشي اني اقفل الباب
ولاء:-ولكممممم راااااح امووووت
كمال:-وسم بگلبج گومي
ولاء:-ماگدررررر اللللله ياخذذذذك
كمال:-من حلگج لباب السماء دگومي
شالها من زندها وشمرها بالسيارة
واني حايرة اروح لو لا
دار علية وصاح:-امممممششششي
مشيت وهو سد الباب وقفلة
واني خايفة ؏ جهالي لا يكتلوهم ذولة
صعدت بالكشن الورا
وهي لزمت ايدي يا يمة معناها مراح
تهدني وتضل تعض بية
صعدنه بالسيارة وهو يمشي ؏ كيف وبهدوء
خابرت امير يجي للجهال
صاح بيه ورزلني وطبكة شهاليوم الأكشر هذا
وردة:-كمال امشي بسررعه يلا
كمال:-جاي اركص قابل جاي
امشي شسوي بعد اطير
ولاء:-ولككك كممممال گ***سوووق بسرررعة
من وررراك يـ*** انعللل ابيييييكككك
دار بس ايده ولطمها حييل ؏ حلكها بحيث كام
يجري دم:-كلممممة زااايدة اذا حجيييتي
اذبج عددد أبوووج هو يجيبج مووو ذبج
علينه الله ياخذني
واخلص من هالدنيا الماشفت بيها
بس وجوهجن الفكررر بنات الفكر
انخلست هي بس توون وتعض بأيديه
خرررب لعبت بحالي لعب لحد
ما وصلنه نزل
بعدم
اهتمام شالها وهو متقرف منها
ودينها للغرفه مال عمليات لان
هي دكتورتها تجيبها وبالطريق كمال
خابرها لكيناهم مجهزين كلشي للأميرة ديانا
بقينه ننتضر برة وهو كاعد ؏ موبايل
يلعب بوبجي وما مهتم لأي شي سبحان
الله الخلاك متهتملها وتتقرف
منها شلعت كلب ملاك بيها
لحد ما كالو جابت بس ما عرفنه
بنيه لو ولد رأساً خذو الطفل واني
دخلت لولاء وهو راح وراهم
شفتها فاقده وشفتها بيضه
ونايمه كعدت ؏ كرسي شوية
واجه كمال وبيده الطفل
كمت باوعتله لكيتها بنيه
جان مبتسم وعيونه مدمعه همس
بصوت ناصي:- جنت اتمناها
وردة:-الف مبروك تتربه بعزك انشالله
كمال:-آمين يارب
ابتسم وباس گصتها
وأذن بأذنها وهمس بصوت
اگدر اسمعه:-سميتج ملاك
فتحت عيوني ؏
وسعها وصحت:-كمممال شنووو تخبللللت
كمال:-شكو
وردة:-شنووو ملاك شبيييك كمال غير الاسم
كمال:-معليج
وردة:-ترة والنبي ولاء تلعب لعب بربك تحجي
كمال:-طلقة براسها وهذا هو
سكتت اباوعلة
وهو يتأمل الطفلة اخذها وطلع
برة ضليت گاعدة افكر اليوم تصير مجزرة
بينها وبينة
شوية وگعدت
كامت تصيح انطيتها ماي
وگتلها:-الحمدلله على سلامتج
ولاء:-شجبت
وردة:-بنية
ضحكت بتعب:-صدك جيبوها خلي اسميها
وردة:-هسة اجيبها
رحت اضحك عادي متعودين
؏ المشاكل رحت جبتها واجيت وكمال
جان يسوي الأجراءات
حطيتها بيدها وهي ضحكت:-راح اسميها درر
وردة:-سماها كمال
ولاء:-اهووو هم هذا حط روحة شسماها بلا
ضحكت بخبث:-ملاك
فتحت عيونها ؏ وسعهن
وشمرتها رأساً لزمت الطفلة:-شبيييج
تخبللللتي
وهي بدت تصيح
وتكفر وتفشر
دخلت الممرضه رادت تضربها
ابرة مهدئه
دفرتها وكعت بالكاع البنية خطية
كامت نكثت ملابسها وهمست:-الكبر شبيها هاي مخبله حتى الابرة نكسرت
كومتها وحجيت بصوت انصى:- كومي حبيبتي عوفيها هاي عرمه هسه تفضحنة
اعتذر نيابه عنها
هزت راسها وراحت اجه كمال
عيونة بكصتة
نيمها ؏ جربايه
ومرد حلكها وحجه كاز ؏ سنونه:-باااعي لج
*** اذا سمعععتلج نفس ووووااااحد
ارررررراااااووووويج جهننننم الحممممرة فااااهمة لووووو لا
سكتت
ومن يومها كبرت المشاكل بيناتهم اكثر
من قبل بسبب البنيه وكمال متعلق
بيها تعلق مو طبيعي
وهي كذلك وبُعُد امها خلاها تتعلق
بي اكثر واكثر
لا عمامي ولا جدي راضيين
؏ كمال من سمى بنتة بهالأسم وعافوا
وحتى ما اجوا وضلوا يسمعوني حجي
واني ساكتة
وبيوم جنة گاعدين وهي ترضع
ببتها بقرف وحتى ما تباوعلها تكرهه كره مو طبيعي
وكمال كل ما شافها تبجي يضرب
ولاء يكطعها تگطيع
متمدد ؏ رجلية ويباوع لجهالة
اللي مادري منين مخلوقين ياكلون ويطشرون
ورجليهم كلها وصخ
صاحت ولاء:-دكاااافي بتتت الكلب كاااافي
كمال:-راح اگوم
سكتت و وخرت البنية عن صدرها
اشرلي گمت جبتها وخليتها
بحضنة باسها وهمسلها:-يا بوية والله لو
عندي حليب جا اني رضعتج ولا خليت هاي
امج الگ*** تتمنن عليج
ولاء:-والله بحلگي فشورة
وردة:-شهالعبان نفس ايع
كمال:-عوفيها جا هي شني
ولاء:-شتقصد؟
كمال:-اقصد گـ*** ام السحورة
باوعت لجهالة يباوعون
استغفرت وضربتة برجلة:-ترة جهالك دتباوع
عليك شسالفة شهالفشاير بيناتكم هاي
بدل ما تعلمون جهالكم ؏ اخلاق
ولاء:-هو منو العندة اخلاق
وهو مخلي بنتة ؏ ايدة ويتلمس
بشعرها گاللها:-انتي غير اخلاقج فول
ولاء:-عود تستهزء؟
كمال:-الحقيقة
هزت ايدها وصعدت فوك
وصارت دورة السنة مال عمتي ورحنة
وهو متحمس حتى يشوفها يگول
اضل واگف بالباب
اجو كلهم وهي هم
سلمت عليها طبيعي مو مثل قبل
وهذا الشي يعصرني عصر
نحبها مو بدينة
لمن نضيع شي نبقة نتحسر عليّ للأبد
بنية جانت وياها وعرفت غيث متزوج
ليش وشلون ما گالت بقت ساكتة
متت حرگة وحجيت بلا وعي
عليها
بقيت طول اليوم اتگلى لحد
ما راحت ثاني يوم لبست عبايتي ورحت
لبيت اهلي
نفس كل مرة بديت اشتغل وانضف وارتب
لحد ما اجة كمال
گعدنة ؏ غدة ساكتين وفجرتها
ولاء النذلة من گالت:-تدري كمولي حبيبة گلبك شصاير بيها
رفع عيونة علية وهمس:-شبيها
واني اشوف الغيرة حرگتها حرك
وهي تحجي بحرگة وبلوعة
وشماتة:-متزوج عليها زوجها
صفن وگال:-ليش؟؟
ولاء:-هي هاي شنو اصلاً منو يريدها
كمال:-تاج راسج واسكتي كاافي يلا
سكتت وهو بقة يتگلب بالنار
وبنتة بحضنة
لليل وكذلك جنة گاعدين
كل لمة لازم تنغص علينة وتصعد فوك
گالت:-تدرون اني لو من ملاك احرك روحي ولا ضالة بهالحياة ايييع
وردة:-حركي روحج انتي خو ؏ حياتج هاي
ولاء:-لج عيني ولا يومية واحد متزوج علية
كمال:-خلي اگلج شغلة
ولاء:-امممم
كمال:-تدرين احنة الزلم اخيس
كائنات الكون خلي اگلجياه من الأخير تسأليني
ليش لان نركض ورا الشكول الزفرة
ونعوف ورانة الطيبة والحنية
والنضافة والحب وكلشي ونروح وين
؏ شكولجن
ولاء:-احترررم نفسسسك
كمال:-اي والله شبيج حياتي
عفتها ورحت وراج وشحصلت وغيث كذلك
واتمنى مايوصل للندم الآني بي حالياً
ولاء:-يعني متندم عليها؟
كمال:-نعم
ولاء:-الله ياخذك وياخذها واخلص من سيرتكم
كمال:-ادعيلي سويلي سحر
بلكي الله صدك ياخذني وياخذها بنفس اليوم
ولاء:-اني اعلمك
طفرت وهو طفر وراها وصار صراخها
وفشايرها مالية الكون اخذت
جهالي ورحت لبيتي ياربي شنسوي
اريد حل شهالحياة
وكالعادة يا سادة
اندك بابنة واني اوكل بأمي
گمت بسرعة ورحت فتحت ماشوف
الة رندة انذبت هي وبتها للگاع
فتحت عيوني ؏ وسعها
ورجلها دفع الباب وطب و وجهلي
كلام:-هاي بنتكم اخذوها لا اريدها ولا توصلوها
الي بعد كافي مليت منها وهذا الحجي
وصلي لأخوج
عافنة وطلع وهي طلعت ورا تركض
ورا سيارتة واني صافنة
اجت تدك وتلطم ورجليها كلها
تراب:-وووووولككككمممم عاااااافننننني عاااااافننننني
وردة:-شممصخمممممةةةةةة
رندة:-ولج ماسسسسووووويت ككككللللة
من ورااااا مرت اخووو الللله لايووووفقههههههااااا
سحبتها وهي تبجي وتفرفح
طببتها لجوة وهي صوتها عالي
نزلت ولاء ؏ صوتها وهمست:-هاي شكوووو
رفعت راسها عليها رندة وركضتلها
؏ الدرج وتمالخن ممالخ وحدها تجر شعر
الثاني والصراخ والفشاير
صار مو طبيعي واني الوگعت بيها
ركضت ؏ عمتي لمياء
خابرتها شوية واجتني تركض وهنة
صارن دماية
لمياء:-ووووووللللججججججننننن تخبلللللللتتتتتن
فكتهن و وحدة تفشر ؏ الثانية
فشاير صميت اذاني من سمعتهن لسانهن
مدري شلون يلفظن هاي الكلمات
وحركات باديهن همزين جهالي مو هنا
وردة:-كااااااااافي تعببببببنننهههه ولجننننن انتننننن شنوووو من بشششششر
رندة:-كلةةةة من وراااااا اخوووووها
الـ*** اللله لا يوفقكمممممم بجاااااه الحسين
وردة:-اخذجن الحسين كافي والنبي
راح اخابر كمال اخلي يطيح حظ حضجن
رندة:-خلي ياخذ هاي الگ*** لبيت اهلها
الـ****
فكيناهن كوة وعمتي
لمياء بقت تصيح علية:-ولج انتتتتي مخخخخبلة
امشي عوفيهن طبهن مررررض
وردة:-عمة راح يكتلن أمي والله تعبت والله
لمياء:-امشي ناخذها ويانة يلاااا
وردة:-تصير دماية والله وحدة تكتل الثانية
لمياء:-اسسسسستغفرالله
وبقت رندة تنوح
لحد ما اجة كمال ومن عرف گطعهن
تگطع ثنينهن كام يكتل بهاي ويرجع لهاي
اخذت امي ورحت لبيت عيالي
وبقيت ابجي يمهم وهمه يهدون بية
ماعدهم اي حل
وضلت الايام تجر وعركات زوج رندة
وكمال ماخلصن يومية بالشارع يتمالخون
اخذ كمال ولاء وذبها ؏ اهلها
وهمة رجعوا ذبوها يمنة والزاد الطين بلة
بنص هاي المشاكل طبتلنة مشكلة جديدة
وهي مشكلة ملاك ويا ولاء
وصارت بالعشاير
يجي كمال يبجي بجي يمي
واني وياه انوح تعبنة ثنينة
ماكو شي شنگدر نسوي
وتطلكت رندة من زوجها بعد كل المشاكل
الصارت ختمها بالطلاك
كمال لا هلة بالطيب ولا خلة بالعرك
يومية يا رايح يا جاي
وبعد ما صارت گعدة العشاير
واهل ولاء تبروا منها جابها سحل كمال
للبيت
صاح:-اليطب للبراني وحق مكة اخلي فرجة لأمة محمد
جر صوندة وترسها حصو
وقفل البيبان وصار صوت الصراخ
داوي بالبيت واني سادة اذاني وعازلة روحي
وافرفح ورندة تضحك عليها
ساعتين بالتمام من الفشاير والغلط والضرب
طلع كمال نازع ملابسة وباقي
بس بالبنطرون
صاح:-هاي الجلبة تضل هنا اللي ينطيها
اكل لو مااااي وحححححق مككككة
اراااااااوي المووووت الأحمممممر
وضلت محبوسة اسبوع كامل
جرها وصعدها فوك وضلت محبوسة طول
الأيام والماي يقطر تقطر عليها
شفتها مرة وحدة وجهها ماينشاف من
الضرب وگوة تمشي
كمال يذب تعبة كلة ببوسة
بنتة ؏ خدة يضل يبتسم ويمسد ؏ شعرها
و وجها يرتاح
كمال:-ملاكي
ملاك:-ها بابا
كمال:-اني احبج
ضحكت وهي عمرها سنتين:-اني هم
كمال:-اني تعبان
رفعت نفسها وباست خدة:-احبك بابا
نزلت دمعتة ؏ خدة الثاني وهي مسحتها
وضمت راسها بصدرة
وهو بقة يلف بشعرها الأصفر
صاير حلقات وعيونها رصاصيات تجنن
التعب ؏ كمال يزداد يوم ورا يوم
و ولاء ماتبطل ولا تتوب
تكرهه بتها كره بس الله اليعلم بي
و ولدها كذلك بس يشوفون
امهم تضربها وتصيح عليها يكتلوها
بيوم جنت عندهم وبنتي ايات
وهي يلعبن سوة
كامت تزحف وراحت للمي تلعب
بي باوعت لولاء ماردت اكوم
ردت اشوفها شتسوي ماشوفها الا وكامت
صلختها راشدي..
ولزمتها من شعرها تهز بيها:-للللج
گـ*** اني موووو كتلللججج ماتلعبييين
بالماااااااااي بت الكلللب انعل ابوووج الاثول ابن الاثول
صرخت البنيه بين اديها ركضت اخذتها منها
وانطيتها راشدي
وردة:-طايحة الحظ لييششش تكتليها ادبسززز والله بس يجي كمال اني اعلمج الة اگلللة
ولاء:-ط*** بيج وبي كليله ما خايفه
وردة:-للللج انتتتتي شنو من بشر ماتخافين
ولج ؏ هالدگ الأكلتي المفروض
ماتنامين ليلج ترجفين من الهوى اذا مر من
يمج بس هي العار شلون تصير
عفتها
وبقيت اسكت بملاك
حتى تهدئ شويه ونامت ؏ جتفي
خليتها بحضني واهز بيها
كم ساعة واجة كمال
وهي بس كال السلام عليكم وطفرت
من حضني مدري
شلون صارت بحضن ابوها شالها لفوك وباس خدودها وعضهن وباس ركبتها
وشمها:-يممة بنيتي يمة ملاكي شو باوعيلي
تحبيني؟
ملاك:-اي
كمال:-افييييششش يالله اروح فدوة للأي
بوسيني شو
باستة وهو يگلها هنا وهنا
و ولدة يباوعون عليّ بغيض وحقد
خلاها ؏ جتفه وراح لأمي باس راسها وايدها
ورجع باوع وانتبهه لخدها بهت
وجهها وگال:-شنو هاي باباتي منو ضاربج؟ مصطفى لو احمد؟
سكتت وبرطمت وعيونها
انترست دموع حجت ببراءة
واشرت بأصابعها ؏ ولاء:-ماما
كالت هيج لو الشياطين تطافرت كدامه
نزلها بالكاع ونزل وياها باس خدودها حييل
ونطاها جكليته واشرلي اخذها وهو سحل ولاء للغرفه طلعت ملاك اني وياها برة
ميقبل يضرب امها كدامها
لحد ما اجه يلهث اخذها وباس اصابعها
ودخلها جوة صبيتلهم غدة اكلو كلهم
عدى ولاء ما اجت
وهو يوكل بنته بهدوء
ويمسح حلكها بالكلنس كملو وكام
اخذها وصعد واني غسلت الأماعين وصعدت
وراه لكيتهم نايمين بغرفة ملاك وهو
حاطها ؏ ابده وغافي بس يلف بشعرها ابتسمت وطكيتلهم صورة
ثاني يوم سويت ريوك الة باس ايدي
واكل وراح
ردت ادخل جوة بالغرفة
نزلت ولاء من الدرج:-هذا راح؟
وردة:-احترمي نفسج ولاء شنو هذا عنده اسم
واي راح
ولاء:-**** هم عوزي احترم هذا
وردة:-مقرفة لأبعد حد
عفتها ودخلت للغرفه شفت
رندة كاعدة
رندة:-سويلي ريوك وردة
وردة:-والله مو خدامة اني كومي انتي مو من
صباح الله خير كاعدتلي ؏ موبايلات
رندة:-اجي احط النعال بحلكج ترة
وردة:-نفس الطينة انتي وذيج سبحان الله ما تختلفن
رندة/اكلي * بـ گـ**
جلبة لاتشبهيني بالگـ****ب
استلمتني فشار امي فتحت
عيونها وعاجزة عن الكلام استغفرت
ربي ورحت بصف جهالي ونمت
مضطرة ابقه يم اهلي لأن محد الهم
ثنين هنه بس ما براسهن حظ
واتمنى لو اخذها وياي بس كمال مايرضى
واني گلبي ماينطيني اعوفهم
نمت ول, 11 كعدت سويت
غده وكذلك لكيت الهوسة مال الاماعين
استغفرت وكملت شغلي وسويت الغده
اجه كمال وصبيت الاكل
جانت روحه طاكه من ولده لأن
رجليهم وصخه وياكلون ويطشرون
احمد ولا يكول رابع ابتدائي
خله وكام وشالهم وياه دخلهم للحمام غسللهم ويصيح ويسب بولاء وهي ترادد لحد ما اخير شي طلع بس بالشورت والوغف مال الشامبو بيده
وصاح صوت زلزل البيت:-لججججج
كاااااافي لخاااااطررررر محمد جززززعتينييي
كااافي ولدج حكتين وصخ بيهم مااااتعرفين
تغسلين رجليهم وايديهم حاااااايرة تسوووييييننن سحووووررررةة وتخررربين
بيوت العالللم الله ياخذج ولا يشوفني
وجهج بعد يا بت الكلب
ولاء/ايييي هيههههه كاتلتكككك ذيججج الكـ* دافعلهاااا روح **
صفك ايد بأيد وركضلها ضربها راشدي فر راسها فر اني من يمي حنجي انكسر
بدا الغلط والفشار بينهم وهي ماتسكت
لا ترادد وتغلط لحد ما مل ورجع دخل لجهال
سبحهم وطلع رادو يطلعون صلخ كل واحد بيهم راشدي
وصاح بيهم:-اليطلع وحق الحق
ابو ابو اسمطه فاهمين لو لا وانتي
هيووو اذا شفتج فوك اكسرهن لرجليج
اخذهم واخذ بنتة وصعد ينامون كمت شلت
الاماعين وهي ترادد وتسب بي رنده خذت بتها
وموبايلها وراحت للغرفه وهاي تمددت بالصاله
واني شلت الاماعين وغسلتهن وكملت
ورحت لامي نضفتها ونيمتها وغطيتها وجبت جهالي يمي ونمنة
كعدت المغرب سويت العشه واكلو وكملو كمال جان طالع ويا ولده كال شويه اطلعهم لليل يلا رجعو
ومن طب شاف عركة ولاء ورندة
صاح:-گـ** عمي اني عندي گـ*
ملفي بالبيت
عافهن وصعد فترة وسافرت رندة واستقرت
بالأمارات خلصنة منها وهي لا فايدة
ولا زايدة زوجها حتى بته مارادها
وضلت هي متلوع گلبها بيها
نگول ولاء جرت ؏ الدرب العدل نگول
بس مو كلش
بس لا طلعة ولا طبة ولا روحة ولا جية
ولا ملابس ولا تلفون كلشي ماكو
ضلت تتناگر ويا الحياطين
وبيوم
صعدت لغرفتهم سمعتها تحرمصلة:-والله
امشي ؏ الدرب العدل والله شتريد
اسويلك بس امسح صورها وغير اسم بنتي
كمال:-ماتتوبين والله
ولاء:-والنبي اتوب واحلفلك بالقران
كمال:-هي التسوي سحورة تعترف بالقُرآن بعد؟
ولاء:-لا والنبي شتريد اسويلك حتى
وردة ماخليها بعد تشتغل وتتعب والله
كمال:-شتردين
احسها حجاها بتعب وبروح طالعة
يريد يخلص من كلشي حرفياً
ولاء:-تنسى ملاك
كمال:-دللي
ولاء:-تفلش غرفتها وتسويها للجهال
كمال:-هذا هو
ولاء:-تمسح صورها؟
كمال:-اممم
ولاء:-وكل الفديوهات مال عرسك كلشي يخصها بالعرس تحذفه؟
كمال:- من عيوني
ولاء:- ومن تتقربلي تبقى كاعد ومتصيح بأسمها
كمال:-ماشي
ولاء:-ومن نزعل لتقارني بيها ولاتكلي هي احسن منج
كمال:-هذا هو
ولاء:-وتغير اسم بنتي
كمال:-دللي
ولاء:-واني اسميها
كمال:-شتسميها؟
ولاء:-در
كمال:-ماشي
سكت شوية وكال:-انجبي شنو در مو حلو
ولاء:-نسميها اماسي
كمال:-اي هذا حلو
ولاء:-وبس كمال والله اني هم تعبت
والله بعد ماسوي شي يأذيك وحتى هاي تشوفني
لا اطلع ولا اطب ماسوي سحر بعد والله
وادري حرام بس ردتك تصير بس الية
كمال:-والبنية ذيج شعليها وتسويلها سحر
ولاء:-اني اكرهه ملاك كمال اموووت منها تعرف
شنو يعني اموت منها
كمال:-هي ما مأذيج شكو تكرهيها
ولاء:-اخذتك مني
كمال:-انتي اخذتيني منها
سكتت ذب نفس بتعب وگال:-سوي الي كتلج من
طبخ وتنضيف واعتناء بالكل
جهالج تنضفيهم مو تخليهم بهالوصخ هذا والرايح
والجاي يحجي عليهم تعتنين ببنتج ترة الوحيدة
هاي واطيح حضج اذا لزمتي شعره منها
ولاء:-ماسوي شي بس غير اسمها اتنرفز منها
كمال:-انشالله كلشي يمشي ؏ درب الصح
ركضت نزلت لجوة من سمعتة يريد
يطلع بس مانزل عرفته وسكتت بلكي يصير
كلشي صح
وثاني يوم اجيت لبيت اهلي
واني انصدم بالتنضيف والجهال مرتبة
وكاعدين ؏ التلفيزون بس بتها كاعدة وحدها
وامي منضفة وهي مبدلة ولابسة
وممكيجة ومسوية الغدة
لو هيج من البداية؟
ماتعبت
وضليت كل ما اجيهم هيج
بس گلبي بعدة ما مرتاح ادري ماراح تضل
هيج للابد بس عسى ولعل
واني تعبت حياتي كلها مخربطة
امير يضوج صار حتى مني بس اني احاول
اكون قريبة منة ومن جهالي
وعلاوي ادرسة واخلي ينجح وكل سنة الأول
ومستمر التعب للابد...
"ملاك"
سمعت صوت غيث صاح:-يلاااا
ملاك:-اجيت بس لحظه اخذ قاط عبودي
غيث:-استعجلي راح احضر السيارة
شلت البدلة مالتي وقاط
عبودي وصحت:-عبودي اركض لبابا كام يصيح
عبدالله:-اني وياج
ملاك:-روووح
عافني وراح
لبست جبتي وذبيت شالي ليورا
وحطيت ثوبي وقاط عبد بالجنطه
وخليت احذيتنه وعطورنه هم ونزلت
امشي واطفي بالأضوية
والمراوح لحد ما ختمها غيث
وطفه الكهرباء كلها قفلت باب
البيت وصعدت بالسيارة وخليته بحضني
صفك بأيده وضحك:-اليوم عرس نركص
ضحكت وبست خدة:-اي اليوم عرس خالو جاسر
صفك بأيدة ويهوس ويضحك
درت راسي لغيث وكتله:-جبت قاطك؟
غيث:-بقة هناك يم قيس
ملاك:-ما جبته بطريقك احسن؟
غيث:-هو يجيبهن كلهن سوة
ملاك:-بكيفك بعد
غيث:-اتأخرنة
ملاك:-عود گتلهم اجي ونص عگبت هسة مو
غيث:-اي عگبت اخوج كام يصيح
ملاك:-تؤ شلون سالفة هاي
وصلني للصالون
قبل لا انزل گال:-اشم مو المح ولا اسمع
اشم شايفج رجال يا علي امحيج من الوجود
اسوي عزة اكشر مو عرس
ملاك:-شعندي طالعة يم الزلم يمة
واصلا احنه بالقاعه اكيد محد يدخل
ومن نطلع انتَ بسيارتك وكفها يم الباب
غيث:-بوشيه؟
ملاك:-اكيد البسها اصلا بدون متحجي انت
غيث:-حلو وعبود ديري بالج علي
ملاك:-انشالله
ردت انزل لزم ايدي و
ابتسملي:-مو تضوجين مني
عفست وجهي علي:-خلي ادلل عليك
غيث:-جا شعندي غيرج
ضحكنة و
نزلت مستعجلة واني شايلة عبودي
ومشيت سريع سمعت
صوتة صاح:-عيون أأمي
ضحكت ودرت
وجهي ورجعتلة والشمس بعيوني:-هممم
عبالي ناسي اللقب
غيث:-واذا ناسي شراح سوين؟
ملاك:-انسيك عمرك شتريد بسرعة
غيث:-نسيتي الثوب والقاط تردين
تطلعين مصلخة
ضربت گصتي:-باع الثول
درت للجهه الثانية واخذتهن
وعبودي مطنگر:-شتريد أمي؟
عبدالله:-شيليييننني
ملاك:-تعال حبيبي
شلتة وغيث يباوعلنة ويمشي
ايدة ؏ شواربة:-شنو هذا الغزل
ملاك:-لعد شتريد؟ هم عوزي اتغزل بيك
غيث:-ادبسز تعاي انطيني ايدج
حطيت ايدي بأيدة وگوة شايلة
عبودي نزعني الحلقة القديمة عگدت
حاجبي ولبسني حلقة ثانية جديدة
ضحكت:-همممم حلوة
غيث:-عجبتج؟
ملاك:-اي شُكراً
غيث:-انطيني خدج
ملاك:-تؤ عييب بنص الشارع
غيث:-بوسي عبود واني ابوس بوستج
ضحكت وبست خد عبودي المطنگر
وقربتة لغيث باسة قوي
مسح خدة وگال:-اييع
غيث:-يا س*** يعني امك من باستك
ماگلت ايع
ملاك:-هو انتَ مهتم لأبنك ؏ اساس حتى يحبك
غيث:-مادري ماعندي لهفة الة
باوعتلة بتك عين:-ليش تخليني احجي هسة واغرد
غيث:-روحي بوية روحي للصالون
طبيت وعبودي يگلي:-اليوم عرس خالوو؟؟؟
ملاك:-اي حبيبي اليوم نرگص
عبدالله:-اللله
ضحكت ودمغتة:-يلا الزم ايدي شو
لزم اصبعي وصعدنة درجات
دكيت الباب وفتت:-السلام عليكم
الكُل التفت ورد السلام سديت
الباب وطبيت ادور ؏ چنتنة
لگفتها كاعدة بالاخير
وتأشرلي تمشيت على كيفي
وعبود لازم ايدي رحت يمها سلمت على امها واختها تمارة
اني مشايفتها من زمان كلش
فـ ناسيه شكلها
شفتها ونصدمت انُ هي
سمنانه كلش متوقعتها هيج وانقهرت جسمها جان حلو
ابتسمت وكعدت يم اختها
وحجيت:-شلونج فطومه
فاطمة:-الحمدلله وانتم شخباركم؟
ملاك:-الحمدلله كلنه بخير
سكتت ورجعت ابتسمتلها
وحجيت بطريقة هادئة حتى ما افشلها:-شعجب
سمنانة جسمج يجنن جان
سوت حركة يأس بحلكها
وكالت:-حضي غير سمنت ؏ مشهيات
ملاك:-ليش تاخذون المشهيات مو زينة
ضحكت اختها وكالت:-اني شايلة هم للبدله
ضحكت وضربت زرها وخزرتها بضحكة
وحجيت بصوت ناصي:-لا تزعل ولج اسكتي
تمارة:-يمه راح افطسسسسس اليوم ينطلق هاشتاك بأسم هايشة بغداد
ضحكت ودنكت راسي واكرص
بيها ماتسكت
وامها مخليه العبايه ؏ حلكها وتضحك
شفتها ضاجت
كتلها:-مالج دخل حبيبي تخبلين والله بس اختج مسودنه والله جسمج يجنن
تمارة:-هاي المن تقنعين الحايط اخخخخ كلبي
رجعت نزلت راسي وضحكت
اني مو قصدي اضحك عليها
ولا على جسمها بس ضحكت
على سوالف هاي دارت نفسها
وفحطت من البجي صارت تشاهك
سكتنه وكمتلها
حضنت متونها:-عزة فطومه
لج والله مجاي نضحك عليج لاتزعلين
شو باعيلي ترا هاي تغار منج لان اخذتي
واحد حلو والله
شو عيونج الحلوات لايخربن يروحي لج
والله تخبلين منين اكو احلى منج
بعدتني عنها وخذت تلفونها اتصلت على
اسم "حبيبي" عرفته جاسر راح ننطرد
درت وجهي ؏ تمارة وهزيتلها بأيدي
اني اعلمج وامها عضت اصبعها
وضربت جتفها وهي صامة حلگها گوة تريد
تضحك
فاطمة:-جاسر
جاسر:-ها يـ حَبيبي خلصتي؟
فاطمة:-جاسر أنت تحبني لو لا؟
جاسر:-النفس انتي
فاطمة:-تمارة تضحك على
جسمي تصيحلي هايشة بغداد
حجتها وكام تشهك وتمسح بدموعها
وهو سمعتة يكول:-مالج دخل بهاي الارنب اني
احبج بكل حالتج ضعيفه سمينه قصيرة
طويله ابقة احبج لاتبجين بابا خلي يولن
ومليكة تضحك وياها مو؟
رفعت عيونها وضحكتلي وكالت:-اي
جاسر:-امهات حلوك اجي اهجچن ترة امشن
تلحكن جمالها وحده جنها ارنب
و وحده عيونها جنهن بزون
ضحكت عرفت البزون يقصدني صحت
بصوت ناصي:-هااا بدينة هاي عود بعدك
حتى ما بادي العرس اني اعلمك
جاسر:-امشي لج التحجي ؏ مرتي اطيح حضها
سدت الكتم وراحت لغير مكان
تهمس بصوت ناصي
تمارة:-تخزينه راح ننكتل بالقاعة
ام فاطمة:-والله تستاهلين كون تنكتلين
ماتصيرلج جارة ليش تتحارشين بيها
بالسيارة كتلج لاتضحكين عليها وخليتيها
تضوج وهسه هم اخابر ابوج يجي ياخذج
لزمت ايدها بتوسل وكالت:-والله اشاقة وياها والله لاتخابرينة
خزرتها وهي استقرت كام تباوعلي
وضامه ضحكتها هزيت راسي بضحكه
وكعدت
اجت احد المساعدات
كالت:-وين عروستكم اجه دورها
ضمت جهازها وراحت وياها وصاحتلي
عبودي نام على حضني خليته على القنفه
وكمت وياهن وبقت امها واختها كاعدات
اختارتلها المكياج والتسريحه وانطت رأيها الماكيرا
وكالت:-انتي لأن وجهج مدبدب فميصير تاخذين تسريحه مفتوحه لازم تنلم لفوك
ملاك:-بس يعني لو نخليها مفتوحه اكول احسن تضم شوية من سمنها؟
الماكيرا: -لا راح تسمنها بالزايد وتبهذلها اكثر راح اطوخلها الميك اب والكنترول ازيدة هيج راح يتضعف وجهه خليها عليه
ابتسمتلها وهزيت راسي
غسلتلها وجهها وحطتلها انواع المقشرات
وبدت تمكيجلها
مرت 3 ساعات خلصنه كلشي وعبودي
نايم مدري شبي
واني احس وجهي متشنج
من المكياج رغم خفيف بس ثكيل على وجهي
اتصلنه على جاسر اجانه بسرعه طاير
صعدن بالورا واني وعبودي نايم
بحضني بالكدام
صعد الجامات ودار وجهه لمرته
لان جانت مغطية وجهه
جاسر:-شو رفعي الشال خلي اشوفج
ملاك:-عيب ولك لاتشوفها العالم
جاسر:-السيارة مضلله محد يشوف ديلا اشوفج
رفعت الشال وهو فتح حلكه الادبسز
وكام يحجي مشفر:-عمي مو مرة طركاعه
شلون بية اليوم
خزرتة وهمست:-عيييب
جاسر:-اريد اشوفج شلون تستحين اني اعلمج
ضربت على ضهرة وهو حرك مشغل
اغنية "بيت الغالي" ويطك اصبع ويا
الأغنيه ويهز رگبة
واني اضحك عليّ
وصلنه للقاعه نزلو ثنينهم
ودخلتهم لغرفة
العرايس عدلت بدلتها ومكياجها
رجعت حطيتلها العطر
ووكفت كبال جاسر
مبتسمه وعيوني مدمعه
ملاك:-اجه اليوم الاشوفك بي عريس
جاسر:-يا بعد روحي
مسح عيوني وباس كصتي
وهمس:-جنت اتمنى امي التعدلي
رباطي جنت احلم تزفني بأيدها وادخل
وياها لقاعتي ونركص سوة جنت احلم
تكمل فرحتي وياها ما عبالي الوكت يركض والدنيا تغدر وتاخذ النحبه بدون منحس
ذب حسرة واني مسحت
على خدة:-امي تباوعلك من فوك واكيد فرحانتلك لتتوقع الميت ميحس
وانما هو يعرف كلشي وكانما كاعد بصفنه بس ادعيلها بالرحمه
هز راسة وباوع لفاطمة الي
صافنه تباوعلنه
ابتسمت وكتلهم:-راح اطلع جاسر
حباب لتخرب المكياج لتسوي شي تمام؟
ابتسم وهز راسه مبين بعده متأثر وضايج طلعت وقبل لا اطلع كتلهم:-استعجلو حتى المصورة تصوركم كم صورة حلوة قبل المعازيم
ابتسمولي وطلعت سديت الباب
شفت اخواتي وخوات العروسه وخالاتي
سلمت ؏ كل واني منتهية من التعب
بعدها انتبهت عبودي وين؟؟؟؟؟
جسمي كلة رجف وشفايفي رجفت
بخوف واني اتذكر غيث يوصيني عليّ قبل
شوية
ذبيت العبايه وكتلهن:-شـ شفتن عبد؟
كلهن كالن لا والقلق
بوجهن مبين دموعي
نزلت ولا هتميت لمكياج ولا شي
ركضت برا القاعه ماكو ولا بشر
فتحت غرفة العروسة واحس جسمي هدل
من شفته نايم على القنفه المعزوله
لزمت كلبي وجاسر جان حاضن
مرتة من خصرها ويحجون
شافني واجه يمي لزم ايدي:-شبيج ملاك
ملاك:-كلبي راد يوكف
جاسر:-شبيج غير افهم؟
اشرتله على عبود ضحك
وكال:-ولج هذا ابنج شني ما نايم
بالسيارة نام وهنا نام
ملاك:-ولك جاسر همزين ما متت يمة گلبي
جاسر:-دتعاي كعدي جيبيلها ماي فطم
جابتلي ماي وايدي ترجف
شربني هو وكال:-اني هم استغربت من
شفته بس كلت يمكن انتي مخليته هنا
ملاك:-عبالي نسيته بالصالون
ضحكوا ثنينهم عليه
رحت يمه وبسته بخدودة:-عبودي؟
ماماتي شو كوم يلا البسك راح يبدي العرس
كام وفاتح نص عين ويتمغط ويتثاوب
حضني من ركبتي ورجع نام
فاطمة:-مكياجج ولج الكحله راح تنزل
ملاك:-انعل ابو الكحله
جاسر:-هاي مرتي شاورت بيج تستاهلين ليش تضحكين عليها
ضحكت وضربته برجله:-هسه تشاور بيه
مو بعبود اموت ورا
خليت وكمت طلعت اخذت عبد للحمامات
لبسته قاطه الاسود وفيونكه
حمرة حطيته معطرات وكلبت
شعرة وخليتله سبري وبوسته بخده حطيتله
حمرة شوية على خدودة وحلكه وابتسمت
جنت لابسه ثوب على جسمي احمر قصير
وشعري برمته وعفته
طلعو جاسر وفاطمه
صورنه وياهم وخذتلهم المصورة
صور حلوة وبعدها هو طلع واجت
المعازيم كلها ومن بينهم اجن شلون
3 ينامن ؏ گلب نجلاء وبناتها
نصدمت منهن شكولهن متغيرة
ولا يگول اخواتنة مانعرف اي خبر عنهن
وحتى وحدة منهن مخطوبة واحنة ماندري
رحت سلمت عليهن
اجني ريم وملك:-هاي شنو ذني متغيراات
هزيت ايدي وسكتت
من القهر بقينة طول عمرنة متعذبين
الحمدلله والشكر
شوية واجن خالاتي طبن كلهن
ضايجات سلمت عليهن وحدة وحدة
ومن بينهم جانت ولاء؟؟؟؟
هاي شنو هالصلافة هاي
خزرتها وهمست:-لج انتي شنو من بشر؟
ماتفهميني انذلتي وانسحلتي
ومه ذلك تجين بكل عين وكحة شهالصلافة
ماتفهميني
سكتت وهي شايلة بتها
خزرت وردة وجريتها من ايدها:-هاااي شكو خيررر؟؟؟ شكو جبتيها وياج
وردة:-لج هو اني ادري بيها
بدلت وكملت وصعدنة بالسيارة اجت شايلة
بتها وجاية وعماتي كلهن يصيحن
عليها
ملاك:-ورجلها وين شهالاكلان تبن هذا
وردة:-كمال بالدوام
ملاك:-استغفر الله عود اني گلت ماريد
انغث اليوم بس هاي الشكولات
التطلع من جوة الگاع تغغثثث
وردة:-والنبي لو ادري بيها جا طيحت حضها
وماخليتها تروح بس مخلصة ومكملة واجت
ملاك:-وهاي بتها بعدها مسميها ملاك؟؟؟
وردة:-لا غيروا اماسي صارت هواي اشياء
بعدين اسولفلج مشت ؏ الدرب العدل
ملاك:-ضحكتيني والله يالله هالصلفة
هاي تتوب لا والله
عفتها وگمت
ملك وريم گبن اجن يركضن
يفترن وراي
حجيتلهن ردت ريم
بأستهزاء:-اووو صايرة تطورات وكذا
ملك:-اجاني الواهس اسحلها
ملاك:-ملك اسكتي مالنه خلك مصايب
ذبت بتها وكالت:-اني الي خلك مصايب
خلت وراحت كعدت
وراها وصارت تذبلها حجي
وهاي ساكتة بقيت اهز برجلي سريع
وريم كالت:-اكلج اني مصدومه حالياً مادري شريد احجي
ملاك:-كلها مصدومه بابا قابل بس احنه
شوية واجتي ملك تترنح
بمشيتها:-انسحلت
ملاك:-شكتيلها؟
ملك:-كتلها اني لو منج ؏ السحلة هاي
والكتلة وسني طافر اضل عشر
سنين محبوسة بالغرفة
بس هي اذا الـ*** تتوب الماي يروب
ضحكت وضلينة واكفين سرة واحد
وجهالنه ويانه
همستلي ريم:-جايبه موبايلج؟
ملاك:-لا والله نسيته بالسيارة
ملك جايبة موبايلج؟
شربت عصير وهي تباوع لكدام:-انكسر
ريم:-شلون 3 فاهيات ومابيهن حظ
ضحكنه تلاثتنة
اجت رغد كالت:-تعالن بنات يردوجن
رحنه يم نسوان كبار سلمنه
عليهن وحده منهن كالت:-منيه الجبيرة؟
ملاك:-اني
_والله مبينه الصغيرة
ضحكت وكعدنه يمهن نسولف طنشت
كلشي ورا ضهري وبقينه يمهم
بعدها بت ملك فضحتنه
فضيحه بالبجي نريد نسكتها
متسكت تالي عزلتها ملك ع جهه
انطتها راشديين مرتبات
وكالت:-دخلي انطيها علاجها من وكت حتى تنطمر نامت على امج سليمه انشالله
نطتها علاجها والمفروض
هذا قبل النوم بس نطتها من وكت
وخلتها نايمه بحضن بيبيتها
وضلينه نركص لحد ما نهدينه هد
وما هتميت ولا لأي بشر
وحتى خالاتي ماتقربتلهن بقيت ارگص
ويا اخواتي والعروس
ساعتين بالتمام هلكنة من الركص
والتصوير والهوسة واني افتر ورا عبودي
كل ساعة وجود ابن ريم وكح كلش
وهنا جانت الكارثة
قبل لا نطلع عبودي جان يلعب وياه
التفتتله ماشوفه اله ركض برة وذاك
يركض ورا جريت عبايتي وركضت وراهم ركض
طلع عبودي برة القاعه واني ركضت ورا
سحلته من قاطة وصحت:-ووووويييين راااايح
لحظات وشفت غيث كبالي وبيدة ابن ريم
وهو خازرني وعيونة نطت
كلبي كله اهتز بخوف:-والله علمود عبدالله
ركض برة
غيث:-جيبي غراضج وتعاي بسرعه
ملاك:-غيث بعدها النسوان موجودة
غيث:-لييييش تخللليييينننني اصييييح والم
القاااعة كلها فوك راسسسج بسررررعة
ماردت المشكلة تكبر ذبيت عبدالله
بعصبية بالگاع ورحت اخذت عبايتي وحجابي
وملك كلتلي وين كتلها
وهزت ايدها:- شكد غثه يالحسين
ملاك:-يلا باي ديرن بالجن
سلمت ؏ كل وطلعت
وتحججت بـ عبود تخربط
جان بعده واگف ويدخن نزلت
البوشية وهو لزمني من ايدي وركض
بيه للسيارة ودخلني بيها
سد الجامات واني رفعت
البوشيه عني:-صدك تحجي انت؟
غير اضل ويا اخوي
غيث:-انعل ابوج لا ابو حتى اخوج ولج من
گتتتتتللللج لاتطلعين ليش تعانديني انتي
ليشششش
ملاك:-يعني عبدالله ركض شلون
اعوفه وحده
غيث:-غير أمة محمد كلها برة وين يروح واني
واكف بالباب كلت يطلعن الصخاااام واخذهم
ملاك:-اني شمدريني انتم واكفين عبالي محد
غيث:-غير اخوج المطي دخل جوة ونعل براسة شلون نروح غير نزفة
ملاك:-لاتصيح كافي عاد هسه اني قابل انجلينا
جولي غيث قسماً بالله اذا صحت بيه بعد كدام
الطفل والله ثم والله الم غراضي وخلي ابنك
عندك واروح لجاسر اني مو زعطوطة حتى
تصيح بيه
غيث:-والله انكس من الزعطوطة
نترت:-غيث ترا متحملتك
؏ اعصابي كافي عاد
سكت واني سكتت ارجف
رفع راسه عليه عبود
ولزمني من حنجي
وحجه ببرائه:-ماما تعوفيني؟
ذبيت نفس:-لا حبيبي ما اعوفك
عبدالله:-ماريد بابا اريدج انتي
باوعت لغيث بتك عين
واني اتنفس بعصبية:-مابية شي حبيبي
وماعوفك اني يمك اعوف الدنيا كلها وماعوفك
عبدالله:-حتى بابا؟
ملاك:-اسكت حبيبي
عبدالله:-ليش angry؟(غاضبه)
كرصت خده ؏ كيف و كتله:-لا مابيةشي يروحي
عبد الله:-صيري happy (سعيدة)
ملاك:-منين اصير هابي من ابوك مثلاً؟
عبدلله:-ماما I love you
بسته بخده ودرت وجهي وباوعت
من المرايا بعدها السيارات يم القاعه احنه الوحيدين الطلعنه المفروض
اني اخر وحده اطلع كوني الاخت
الجبيرة واللي بيدها كلشي
ضليت دايرة وجهي للجامه وروحي
طفرت اصلا
وصلنه للبيت
نزلت عبودي ونزلت ويا
وطبكت الباب وراي حيل ودخلت لجوة
فتحلنه الكهرباء
شلت عبودي واني ادردم نزعت عبايتي
واخذت ملابسي وطبيت للحمام غسلت
وطلعت وعبودي هم غسلتلة
ونزلت بغرفتة
انفتح الباب وگال:-وين نايمة
ملاك:-معليك امشي اطلع برة
غيث:-احنة شلون بالعرامة گومي صعدي فوك
ملاك:-سد الباب يلا اريد انام
غيث:-اني اعلمج
طبك الباب حيل واني استغفرت
وذبيت نفس
ملاك:-يلا تعال ننام
عبدلله:-ماما بعد
خزرته تمدد بسرعه وتغطه واني
نمت بصفه ادك على ضهرة لحد
ما نمنه ثنينه واني مقهورة ؏ اخوي ضل وحدة
وماشفت شي من العرس گلبي انعصر
عصر
كعدت الصبح ؏ صوت فوك راسي
فتحت عيوني
والگاه جاسر ابتسمت وكمت حضنته حيل وكتله:-الف مبروك يروحي
جاسر:-الله يبارك بيج
جا ليش رجعتي عبالي تضلين كالو
عبد مصخن
ملاك:-كلشي مابي بس صديقك الغثه
بعدني جاي احجي وطب:-منو غثه ولج؟
ملاك:-أنت
حجيتها ودرت وجهي
جاسر:-شبي؟ اكيد مصخم
حجاله غيث
وهو هز ايدة:-يعني بربك انتضر العرس
يخلص واخذها وعلي مال الزمك هسه
اسويك وصل وصل امشي حبيبتي
يلا لمي ملابسج اني اخذج
ابتسمت
وغيث باوعلي ورجع باوعله:-وين تاخذها؟
جاسر:-اخذها للبيت شني الناس مكلوبة هناك كلاب
غيث:-روح اني هسه اجيبهم وراك
جاسر:-ويامن ترحين ملوكة
حجيت واني اباوع لجاسر ما مهتمله عدلت ياخة دشداشته وكلت:-وياك
ضحك وكال:-يلا حضري ملابسج واني اخذ عبد ويلا انتَ انكلع
تجاهلته وصعدت فوك فتحت
كنتوري اخذت شي البسه لهناك اخذت
كيلوت وقميص فستقي واخذت ماشات
ومكياجي وياي طلعت جبتي لبستها
دا ادكم بيها
ودخل سمعته حجه:-اني اعلمج ؏ هاي جسارتج
ملاك:-الله كريم
غيث:-لبسي عباتج
سكتت واستمريت ادور ؏ الشال
رجع كرر الجمله ما جاوبته خلي يحترك
غيث:-ملااااك؟
ملاك:-خير يابه؟
غيث:-لو عبايتج لو جبتج العريضه مو هاي
ملاك:-عاجبتني والله اعتذر ما بدلها
شديت الشريط وضبيته ؏ خصري
وخليت شعري ورا الجبه ولبست الشال
والحذاء وهو واكف متخصر:-انتي وتالي وياج
يعني لسانج ما ينكص
ملاك:-لا مينكص لان مليت منك مو جاهله حتى
تتحكم بيه دخلت ال32 سنه واعرف
الصح والغلط يلا وخر تأخرت
خليت وطلعت نزلت جوة جاسر يفتر
وشايل عبد الله:-يلا حبيبي نمشي؟
جاسر:-يلا
ودار وجهه ؏ غيث :-يلا ثيمالا عيني
غيث:-انتَ هم اني اعلمك هاي ثاني مرة تاخذ مرتي من بيتي يصير خير
مبين من يحجي ما ناوي ؏ خير
فعلاً هم ماهتميت قابل شيريد يسوي؟
اخذني من ايدي جاسر وهو
يضحك يستهزئ بي رحنه لهناك وفعلا الدنيا مكلوبة
التهيت بالسلام والتبديل وبدلت لعبدي كذلك طلعنه نخبل
شافني ضايجة
اجن يمي خواتي
ريم:-ها ولج والله كلت راح تبجي
لان عيونج نافرة يبعد عيني بسرعه يشتغلن
ضربتها ملك
وكالت بأستهزاء:-؏ اساس هسه
انتي الكلش ، اي كليلنه شصار
ملاك:-اول مارجعت نمت يم عبود
وعفته فوك تعاركنه بالسيارة
ومساع تعاركنه جابني جاسر
ملك:-دخلي يروح مصخها وانتي الجلبة
كتلها اذا رحتي لبيتج اروح وياج تالي
ضليت وحدي دور كلها اجت هنانه
بالبيت ضلينه احنه الحايررين
ملاك:-ولج والنبي هو غير لعب بية لعب
سودة بوجهي تأخرتوا ورانة لو بسرعة طلعتوا
ريم:-لا وين ضلينه شكد تأخرت
سيارة الزفه وضل جاسر ذب لحم يمنه حتى ويا خواته جيلان وجنى
انقهرت بالزايد احس وجهي
طگع حب من القهر
ذبيت حسرة بضوجه
اجتي رغد سلمت عليه وضحكت:-ها نسحلتي
ملاك:-غير اخوج
رغد:-ترة حقه يغار عيني باعي جمالج اكيد يغار
ملك:-دروحي يغار عليمن بس هو غثيث
رغد:-لتحجين ؏ اخوي ادبسز
ملك:-طاحضج انتي واخوج ديلا ردي خلي اشوف
رغد:-دباعي اختج الجمال وامس ما مقصرة كسرت القاعه كسر بت اللذين شعلته شعل ودور طلعت تركض متدرين بالزلم شلون تنتبهه
ريم:-ولج ماطلعت لبرة
رغد:-اي حتى لو هو مايرضى واحد يلمحها
ريم:-هسه انتي تمدحيها تتلوكيلها
ضحكت ؏ سوالفهن ورغد ماقصرت
بالمدح اخير شي كالت:-والله مرات اصفن
عليها اكول حقه اخوية حبها وجلب بيها
ذاك اليوم هي صافنه بالكاع وهو صافن
يباوعلها يكول ماشايف
ضحكت:-هو بالحب عاد ميقصر بس غيرته طيحت حضي ؏ كُلاً يلا امشن نشوف
شمحتاجين
مشينه سوة وهي تتغزل بيه
كدام النسوان تخليني ادمع من الخجل
اجواء العرس اللطيفه
والهوسه الي الله مايحرمنه منها
كلما اشوف لمه وهوسه ماضوج ولا اتضايق
بالعكس اكول ربي يحفضهم كلهم لبعض
وميحرم احد من شخص يحبه واللمه يديمها
لحد ما رجعت للبيت هلكانة
ماخليت شي ماسويته من ركص
من تنضيف من طبخ من تعزيل كومه
سوينه اشياء جان هذا احلى عرس بس
ناقصه امي ويكمل..
رجعت للبيت بليل متكسرين
بدلت ونضفت
وكملت ورجعت نمت بغرفة
عبودي نمنا تعبانين
بـ4 الفجر حسيت
بي نام بصفي وحضني
من ورا وخشمه بركبتي
بعدته عني وشبكت عبودي
اكثر همسلي:-ملاك كافي راح تموتيني
ملاك:-وخر غيث
مابتعد بالعكس زاد فتح الضوة
الي على ميز عبودي وبقه حاضني يشم بركبتي:-وخر لتلزمني
ما اهتم وربط اديه لورا
وصار فوكي واني ابعد بي عض رگبتي
همست:-آيي وخر راح يگعد عبدالله
كام عبودي من مكانه يفرك
بعيونه بسرعه ابتعد بس بقة بمكانه
اشر عبودي على
مكانه ضايج:-باعو اني مدحوس
ماعندي مكان
غيث:-كول لماما خلي تكوم تصعد
فوك حبيبي
عبدلله:-لاااا أنت كوم ماما لا
التفتت لغيث وكتله:-ديلا كوم حتى
ابنك طردك
هز ايدة وكام ضايج طلع
وسد الباب ورا تدنيت عن عبود
ونام يمي وشبكني من ركبتي:-ماما
ملاك:-ها امي؟
عبدلله:-انتي وبابا no love؟
ضحكت:-لا يروحي ما متزاعلين
عبدلله:-ليش يصيح؟
ملاك:-هو ضايج لان نمت هنا نام حبيبي
أمي انتَ
كور نفسه وضم روحه بصدري ونام
نمت للصبح ويا
رجع غيث كعدني حتى يروح
للدوام ردت ما سويله ريوك بس خطيه
سويتله ورجعت نمت وهو مخنزر عليه
شسويله اوي والله
كعدت بالعشرة اكلت
شي خفيف وانتضرت عبودي
يكعد اندك باب الشارع
جريت شالي وطلعت
منو غير رغد وريم يجي؟؟
فتحته شوية وكلت:-منو؟
احاني صوت رجال:-هذا بيت الدكتور
غيث مالك؟
ملاك:-اي نعم تفضل؟
الرجال:-موجود غيث لو لا؟
ملاك:-لا والله ما موجود
الرجال:-زين بيت اخته رغد اني احد اقاربهم
عكدت حاجبي
واستغربت منه:-البيت الي بصفنه الباب الاسود
تشكر مني وراح واني بقيت بالباب
حاطه ايدي على شفتي مادري
شسوي سمعته دك باب بيت رغد
رجعت دخلت لكيت عبودي كاعد
غسلتله وجاي اسويله ريوك طبت رغد
رغد:-صباح الخير
ردينه اني وعبودي اباوعلها
وجهه اصفر شربت مي
وكالت:-ملاك انتي دليتي هذا الرجال ؏ بيت!
بلعت ريكي وكتلها:-اي ليش شكو؟
رجفت شفايفها
وهمست بخوف:-ملاك هذا ابوي...
ـــــــــــــــــــــــــــــــــــــــــــ
يتبع...
رأيكم؟..
لاتنسوا التصويت⭐
