Nwenar Ahmed نوێنەر باران

26/09/2024

لەگەڵ ئەوەی کۆمسیۆن هیچ هاوکاریەکی نەکردین بۆ بابەتی بانگەشە بەڵام پێم گرنگ نیە نەکەوتینە ناو ئەو گەڕەلاوژەیەی وێنەی کاندید بە پارەی دزراوی میللەت بۆ پیسکردنی ژینگەو فەراهەم نەکردنی ژینگەی دیموکراسی دادپەروەرانە!

24/09/2024

خۆم بە خۆشحاڵ دەبینم لەبەردەم مێژوویەکی گرنگی ژیانم سەربەرزانە، خۆم داوەتە بەر رێژنەی بارانی خۆشەویستی میللەتەکەم، لەم نێوەندەدا وەک کاندیدی سەربەخۆ لە بازنەی سلێمانی،گەرمیان، ئیدارەی راپەڕین خۆم بەربژێر کردووە هەتا بتوانم لەم رێگایەدا خزمەتی میللەتەکەم بکەم، لەبەردەم میللەتەکەمدا بەڵێن دەدەم ئەو بەرنامەیەی دامڕشتووە کاری بۆ بکەم، دڵنیام لەم رێگایەدا سەردەکەوم بە پشتیوانی خوای گەورەو میللەتە سەربەرزەکەم، دەنگم پێ بدەن لە پێناو ئازادی و سەلماندنی ئەوەی ئەگەر میللەتەکەم لە پشت بێت، بە گژ هەموو نادادپەروەریەکدا دەچمەوەو بێ منەتم لە رۆحی خۆم لە سەر هەڵوێستو پشتیوانی وەک هاوڕێی هەژاران دژی چینایەتی کار بکەم، لە پێناو سەرخستنی کلتوری کوردەواریو ، فەرهەنگی جوانی پێکەوە ژیان و مانەوەی کۆمەڵگاکەم وەک کۆمەڵگایەکی زیندو، بەڵێن دەدەم کار بکەم بۆ مانەوەی کلتوری خێزان و گەشەسەندنی کۆمەڵایەتی و هەلی کارو بە دەست هێنانی خۆشگوزەرانی بۆ میللەتەکەم.
نوێنەر ئەحمەد مەجید عبدوڵا نەسروڵا حەسەن سان ناسراو بە
#نوێنەرباران #سلێمانی 😘ranya_😍soran_❤️kelar_🌸 #رانیە

نوێنەر باران کاندیدی سەربەخۆ بازنەی سلێمانی گەرمیان راپەڕین ژمارە ١١٠

23/09/2024

رۆژگارێکی سەختمان لە پێش بوو رژێمێک هەبوو هەموو شتێکی بۆ دابین دەکردین ئازادی نەبێت ئەمێستا رژێمێکمان دروست کردووە نە ئازادیەکی شەرفمەندانەو نە بژێویەکی سەربەرزانەمان بۆ دابین دەکات ئیرادەمان بەهێز بێت دەتوانین خۆشگوزەرانی بێنینە کایە

22/09/2024

11/09/2024

#نوێنەرباران #قەڵادزێ #سلێمانی #کوردستان #پێنجوێن

10/09/2024

ڤیدیۆ کلیپەکەی ئاراس کۆیی و هونەر بە گشتی

کاک ئاراس دەسخۆشیت لێ دەکەم کە بە خەمی هونەرەوە سەرقاڵی، بەم دواییانە هونەر بووەتە کەرەستەیەکی بێ ماناو گوێگری موزیکو گۆرانی بە تەواوی دابڕاون لەو جیهانەی پێی دەڵێن هونەر، هەڵبەتە وەک چۆن حیزبمان نیە ئەوانەشی لە ناو بە ناو حیزبدان زیاتر هونەریان بە ئاراستەی دنیا مافیایەکە برد، کە لە ئێستادا هونەرمەند دەبێت مافیا بێت، دەمانچەیان پێیەو یەکێ دژەیەو یەکێ کۆماندۆیەو یەکێ ڤاندامەو ئەوەی دەیبینین فەزایەکی وێرانەیە، کە مرۆڤ هەست بە شەرم دەکات بڵێ هونەرمەندم، لە ماوەی ئەم دە دوازدە ساڵەی ڕابردوو کارێکیان بە هونەر کرد هیچ ستەمکارو دوژمنێک نەیتوانیوە بە هونەرو هونەرمەندی کوردی بکات.

ئەوانەشمان کە رەخنەمان لە حوکمرانی و سیستم هەبوو ئەوا هەر باش بوو ماڵەکانیان بە سەردا نەروخاندین، بە کورتیەکەی ئێستا هێندە بێ هیوا بووم لەم وڵاتە، پەنام بردووەتە بەر ئەو بەرپرسیارێتیەی بتوانین بیخەینە سەر رێگایەکی راست، لە روی سیاسیەوە سیستمێکی شێوە مافیاییو میلیشیاییمان هەیە، هەر ئەوانە بڕیار ئەدەن هونەر چیەو هونەرمەند کێیە !؟ بۆیە هەرگیز ناگەرێمەوە ئەو بوارە هەتا حوکمڕانی کوردستان نەبێتە حوکمرانیەک ئنسان تێیدا هەست بە کەرامەتو هونەرو رۆشنبیری بکات، بە راستی پێش ئەوەی هونەر بگێڕینەوە سەر رێچەی ئەسڵی خۆی، دەبێت قوتی خەڵکو کەرامەتی خەڵکەکەمان لەم دەسەڵاتە مافیاو بێگانەیە بگێرینەوە شوێنێک کە هەست بە ئارامی بکەین، من ئێستا کە بە شوێنێکدا دەرۆم چۆڵ بێت لادەکەمەوە چونکە متمانەم بە هیچ شتێکی ئەم وڵاتە نەماوە ، ئێستاش بۆ ئازادی تێدەکۆشم بە دڵنیایی ئازادیو ماف بە بێ قوربانی بە دەست نایەت، ئێستا حوکمڕانی کوردی بووەتە حوکمڕانی زوحاکو مارەکانی سەر شانی ، دەبێت وەکو کاوەو بوێرەکان هەستینەوە دژی ستەمکاری دەسەڵاتی کوردی.

04/09/2024

ئەو کاتەی لەگەڵ نوێنەری ستیەکان و پرۆژە نیشتەجێبووەکان کۆبوینەوە لە سەر گرانکردنی نرخی کارەبا لە دەرەوەی یاسا، لە سەر گرانی نرخی خزمەتگوزاری و چاوچنۆکی وەبەرهێنەکان، لە نەبوونی ئاو، نرخی گرانی شوقەو دەیان کێشەی تر، ئەمێستا بە هۆی ئەو هەوڵانەوە یاسای باج رێکدەخرێتەوە وەک عێراق، دەبێت نرخی کارەباو هەموو باجەکانی تریش وەک عێراق بێت نەک ئەو باجە زۆرەی حوکمەتی هەرێم لە سەر ژیانی خەڵک دایناوە، بەڵێ بۆ کارەبای نیشتیمانی ٢٤ کاتژمێر بە نرخی پاڵپشتی کراو بۆ هەموو هاوڵاتیان، بە دڵنیایی ئەو کارەبایەی لە سەر ژینگەو ژیانی هاوڵاتیانی هەرێم بەرهەم دەهێندرێت و دەفرۆشرێت بە پارێزگاکانی تری عێراق، ئەو کەمیە بەسە بۆ ئەوەی کارەبای ٢٤ کاتژمێری بۆ هەرێمەکەمان دابین بکرێت، بە داخەوە لە رابردوودا پەرلەمانێکی بەکرێ گیراو کە لایەن حیزبەوە دەیان یاسای لە بەرژەوەندی کۆمپانیاو سەرمایەدار دەرکردووە، هەر بۆیە بڕیارەکانی هێند بێ کاریگەر بوون ئێستا درگای پەرلەمان داخراوەو حوکمەتێکی بنەماڵەیی حیزبی بە مەیلی خۆی بە بێ چاودێر سەرقاڵی تەخشانوپەخشانی سامان و موڵکی ئەم وڵاتەیە، دڵنیام کاتێک دێتە پێش میللەتەکەمان هۆشیار بێت لە سەر چۆنێتی بەرێوەبردن و ئیدارەدانی حوکمرانی.

نوێنەر باران کاندیدی سەربەخۆ بازنەی سلێمانی گەرمیان راپەڕین ژمارە ١١٠

01/09/2024

سبەی دەرۆم بۆ ئەو شوێنەی جەلادەکان خوێنیان رشتی
هۆ بەکر گیان هۆ رۆح شیرینەکەی نیشتیمان
من ئەزانم ئێستاش لە باخی گشتی پیاسە ئەکەی
دێیتو ئەچی هاواری پەنگخواردوی ئەم نیشتیمانی
حەسرەتە لە ناختدا ئەسوتێ
تۆ هاواری پڕ ئازاری برسیەکانت لە ناخدایە
ئەمێستاکەش ئەو دەستەی خوێنی تۆی رشت
بەهێز بووە وەکو بەچکە زوحاک
سبەی لە باخی گشت سڵاوێکی گەرمت لێ دەکەم
دەڵێم سڵاو کاکە بەکر هەر رۆژێک دێت
پارکی زیندان بە ناو ئازادی
دەکەین بە پارکی بەکر علی
سڵاوێکی گەرمت لێ دەکەم
دەڵێم ئێستا لیستی موچە
ناوی جاشو خۆ فرۆش و بکوژەکانی لە خۆی پڕ کردووە
ئێستا مێژوو خوێناوییە جەلادەکان شۆرشگێڕن
بە گەورەیی لە رۆژنامەکاندا لە میدیاکاندا بە بەرگی کوردی و
بە زمانی کوردی ئەدوێن
دەبابە نەما سوپا نەما فێری ئەم نیشتیمانەی نەکەن
ئەمێستاکە لیستی موچە لیستی ئازاو قارەمانێتی
پڕ لە جاشو جەلادو خۆ فرۆشە
کەمێک نەبێت
کە ئێستاکەش موچەکانیان و ماڵەکانیان هەر وەک حامیەی کۆنە
جیاوازیەکەی ئەوەیە بەکر لێرە نیە بوێرانە
لە سەریان بێتە دەنگ
#نوێنەرباران

31/08/2024

سیوامان هاتووەتەوە لە باسکردنی خیانەتو نیشتیمان فرۆشیتان پێویستمان بە قۆناغی سەربەستی میللەتەکەمانە لە دەست حیزبی دەسەڵات و زۆر داری زوحاک ئاسا

28/08/2024

شەهیدیان کرد بە شەهیدی حیزب
ئێستا من بێ شەهیدم
پێشمەرگەیان کرد بە پ-م حیزب
ئێستا من بێ پێشمەرگەم!
نیشتمانیان دزی بۆ حیزب
ئێستا من بێ نیشتیمانم
لە وڵاتێکدا ناسنامەت پۆلێنی کۆیلایەتی بێت
ئەوە من هەرگیز کۆیلایەتی قبوڵ ناکەم!
ئەم نیشتیمانە ئەگەر یەک کەس خواستی ئازادی هەبێت
بە دڵنیایی ئەوە منم
هەرگیز دان نانێم بە خیانەتکارانی نیشتیماندا
هەرچەند بەهێز بن لای من بەهایان نیە !
من یەکێک دەبم لە پەیرەوانی
خەونی یازادیخوازی ئەم نیشتیمانە
لە ژێر ستەمی ئەم دەسەڵاتە بێ ناسنامەیە
چەن بە داخم ناسنامەی نیشتیمانی لەخۆی ناوە!

نوێنەر باران کاندیدی سەربەخۆ بازنەی سلێمانی گەرمیان راپەڕین ژمارە ١١٠

26/08/2024

لە نێوان بانگەشەی حیزبی دەسەڵاتو کۆمپانیاو ئێمەدا

پرۆسەی هەڵبژاردن جوانترین دیدگای مرۆڤە، لە دوای هەزاران ساڵ گەشەسەندنی ئەقڵی توانیویەتی بگاتە ئەو خاڵەی، هەڵبژاردن ببێتە پێوەری بونیادنانی کۆمەڵگا، ئەمێستا لە دوای ٣٢ ساڵ حوکمرانی، گروپی بنەماڵەو خێڵ و هەمان دنیای فیوداڵ، گەیشتونەتە خاڵێک میللەتەکەمان بێ هیوا بووە بەرامبەر هەڵبژاردن٠

چونکە دەبینێت هەمان سندوقە تەماتەی گەنیوە دەست بەرێت بۆ هەرکامیان هەر ئەوانەی پێشووە، لە سندوقو بۆکسی جیاوازدا لە دوای چەند خولی پەرلەمانی پڕ لە کێشەو ململانێی ناتەندروست، هەتا ئەم ساتەش پەرلەمانێکمان نەبووە بە مانای پەرلەمانێکی دەستوری کاری خۆی بکات! هەموو پەرلەمان تارەکان حیزبو مەسول دەریچاندوون، فڵان کەسیان بانگ کردووە وەرە ئەتکەین بە پەرلەمان تار بەڵام وەک مۆزەفی خۆمان، چیمان پێ وتی کە وتمان دەست هەڵبڕە یان کەی وتمان دەست داگرە ئەوە دەکەیت، بۆیە دەیان یاسای خراپ دەرکران کە دژی کلتورو خاکو میللەتەکەما بوو، رەنگە بە ساڵانێک زۆر کارکردن بۆی ئینجا چارەسەر بکرێن، ئەویش ئەگەر دەرفەت بدرێت و میللەتەکەمان هۆشیار بێت.

بە داخەوە ئەم هەڵبژاردنەش وەک ئەوانی تر لە دۆخێکی نادادپەروەری و دژە دیموکراسی بەرێوە دەچێت، بۆ کاتی بانگەشە حیزبەکانی دەسەڵات و کۆمپانیا، دەیان ملیۆن دۆلاریان داناوە هەتا لە رێگایەوە بانگەشە بۆ ئەندامەکانیان بکەن، بەڵام منێک کە وەک سەربەخۆیەک بەشدارم هیچ بوجەیەکمان لە بەردەست نیە بۆ بانگەشە! لە کاتێکدا لە وڵاتانی دیموکراسە بواری بانگەشە لە لایەن کۆمسیۆنو دەوڵەتەوە بە یەکسانی دابین کراوە.

بێ مانایە لە بەرامبەر پارە ڕژانی ئەم حیزبوو کۆمپانیا حیزبیانەدا کە بۆ هەر ئەندامێکیان دەیان ملیۆ دینار ئامادە کراوە بۆ بانگەشە، ئەمە کویای دیموکراسیە ! وەک دەڵێن بەو هەموو داهاتوو کۆمپانیایەوە، هێشتا سەرۆک وەزیرانی عێراقیش بوجەی بۆ حیزبو حیزبی کۆمپانیا بە دیاری ناردووە، ئەمەش نا دیموکراسی و نا دادپەروەریە لە بەرامبەر ئێمەدا، بەڵام هەرچۆنێک بێت ئەوەی کە توانام بێت ئەنجامی دەدەم هەتا دەنگم بە خەڵک بگات، لە رێگای گەڕانی مەیدانی و بڵاو کردنەوەی کارتو ئەگەر کرا بروشەر چاپ بکەم، بەو پێیەی ئەم هەڵبژاردنە خەڵکێکی زۆر خۆی کاندید کردووە فەوزایەکی گەورەو بێتام دەبێت، لە شێوەی هەڵبژاردنی ساڵی ١٩٩٢ ئەتوانم ناوی بنێم ساڵی شەڕە پەرۆکە.

نوێنەر باران کاندیدی سەربەخۆ بازنەی سلێمانی گەرمیان راپەڕین ژمارە ١١٠