Lvin Magazine

03/02/2025

هەسەدە، رایگەیاند تەقینەوەكەی مەنبج چەتەكانی توركیا ئەنجامیان داوە و ئامادەیی خۆیان دەربری بۆ هاوكاری دیمەشق بۆ دۆزینەوەی تاوانبارانی تەقینەوەكانی مەنبج
شایانی باسە ئوتومبێلێك لە مەنبج تەقیەوە و زیاتر لە ١٥كەس بوونەتە قوربانی

03/02/2025

پشتگیری مانگرتوانی سلێمانی یاخی و دەستەمۆ نەکراو؛ ئەرکە و پێوویستە لە ڕیزی شەرەفمەندانەی جوامێرانی شار بوەستین

ڕەتکردنەوەی ئەم دەسەڵاتە ،ئەرکێکی ئاینی و ئەخلاقی و مرۆڤانەی زۆر باڵایە. جوڵەکانی شەقام و وەستانەوە لەگەڵ ئەو دەنگانەی نەخێر بۆ زۆرداریی و نادادپەروەریی دەکەن بە هەموو جۆرێک ڕاستی پەروەرییە. لە هەموو کۆمەڵگایەکدا دەستەبژێرێک دەنگیان زوڵاڵە و بەگیان و بیر، پەرەبەبیری ڕەتکردنەوە دەدەن و دەبنە بنەمای یاخیبوونێکی گەورەی جەماوەریی.
لە ساڵانی ڕابوردوودا هەموو ڕێگەیەک بۆ دەستبەرکردنی ماڤ و دادپەروەریی و یەکسانی لە هەرێم گیراوەتە بەر و کەم تا زۆر کاریگەریی لەسەر بەرفراوانکردنی بەرەی دژەگەندەڵی و نادادی هەبووە.
لەم ڕوانگەوە پشتگیری مانگرتوانی سلێمانی یاخی و دەستەمۆ نەکراو؛ ئەرکە و پێوویستە لە ڕیزی شەرەفمەندانەی جوامێرانی شار بوەستین و بەتوندی دژی دیدگای خراپ و دژە کوردانەی دەسەڵات بوەستینەوە.. ئەرکە بە کاربەدەستانی دەربار بڵێین ماف و داوای ڕەوا لە شەقامە و؛ دەنگ و سەدای ئێوە ناجۆر و زبر و نامرۆڤانەیە ..

ئەحمەد میرە

02/02/2025

"ئەم مانگرتنە ئەوەندە كاریگەری هەیە حوشتر دەهێنێتە قسە"

دڵشاد میرانی یەكێك لە مامۆستایانی مانگرتوو لە وەڵامی تۆمەتەكانی پێشەوا هەورامانی وتەبێژی حكومەتی هەرێم لە لێدوانێكیدا دەڵێت،"هیچ پەیامێكمان بۆ پێشەوا هەورامانی نییە، بەڵام ئەم مانگرتنە ئەوەندە كاریگەری هەیە حوشتر دەهێنێتە قسە".

02/02/2025

دوای شەش مانگ لە كوشتنی ئێستا حەسەن نەسروللە لە سەلاجەدایەو
بە خاك نەسپێردراوە

سكرتێری گشتی حزب الله نعيم قاسم:
دەڵێت لە ٢٣ی ٢ تەرمی حەسەن نەسراللە لە سەر ڕێگای هەر دوو فرۆكەخانەی كۆن و نوێ بە خاك دەسپێرین

02/02/2025

حكومەتی هەرێم، لە بری ئەوەی وەڵامی داواكاری مامۆستایان بداتەوە، بەرپەرچیان دەداتەوە
دەڵێت مانگرتن بۆ خۆنواندنە و دژی حكومەتە
بەشێك لە مامۆستایانی مانگرتوو باری تەندروستیان خراپ بووە

02/02/2025

وتەبێژی حكومەتی هەرێم
مامۆستایانی مانگرتوو لە سلێمانی بە پیاوی دوژمن ناو دەبات و دەڵێ ئەو مامۆستایانە نوێنەری مامۆستایان نین
و ئەوانەش كە سەردانیان دەكەن بۆ مەرامی سیاسییە!

02/02/2025

بە درۆن هێرشكرایە سەر كێلگەی غازی كۆرمۆر ..

02/02/2025

لە هەولێر بوو
راستەوخۆ بەشداری لە شەهیدكردنی هەزاران كورد بە تایبەتی و شیوعی و شیعە بەگشتی كردووە
دوای دەستگیركردنیشی وتویەتی لە هیچ پەشیمان نیم
میوانەكەی پارتی و خانەخوێكەی پایتەخت ناوی سەعدون قەیسی یە، کە لەسەردەمی سەدام حسێندا بەرپرسێکی باڵا بوەو ئێستا دەستگیرکراوە،

01/02/2025

نوێژی هەینی كوردانی رۆژئاوای كوردستان لە سەر بەنداوی تشرین
جوانترین وەڵام بۆ
پیسترین دوژمن، تورك و جاشەكانی

01/02/2025

راگەیاندنەكانی پارتی بڵاویانكردەوە
بەیانی مووچەی مانگی ١ دێت و مووچەی مانگی ١٢ی ٢٠٢٤ تەواو بوو و نادرێت
کۆبوونەوەی شاندی هەرێمی کوردستان لەگەڵ وەزارەتی دارایی عێراق کۆتاییهات و تەیف سامی بڕیاری دا سبەی مووچەی مانگی یەکی مووچەخۆرانی هەرێمی کوردستان خەرج بکات.

01/02/2025

ئێستا
ئوتومبێلێك لە ناوەراستی مەنبج لە سوریا تەقییەوە، كوژراو بریندار هەیە
گومان دەكرێت توركیا بێت بۆ تێكدانی ئاسایشی ناوچەكەو تۆمەتباركردنی هەسەدە،
پێشتر سەدان كاری لەو شێوەی لە زاخۆ و دهۆك و كەركوك و عەفرین و حەسەكەو سەریكانێ ئەنجام داوە

01/02/2025

باڵی گردی زەرگەتەی گۆران
دوا بزماری لە ئاشبوونەوەی گۆران داو،
باڵی كوردسات بە( پەیوەندی ژێربەژێرو دەستێوەردان و کاری ناپەسند) تۆماتبار دەكات.

دەقی راگەیەندراوەكە بە ناوی ( جڤاتی نیشتمانی بزوتنەوەی گۆڕان):

هاونیشتمانیانی سەربەرز..
لەپاش کۆچی دوایی رەوانشاد نەوشیروان مستەفا، بزوتنەوەی گۆڕان توشی نشوستێکی گەورە بو، کە بەداخەوە نەتوانراوە تا ئەمڕۆ ئەو بۆشاییە پڕبکرێتەوە، سەبارەت بە دوایین پێشهاتەکانی نێو بزوتنەوەکە، ئێمە لە جڤاتی نیشتمانی لامان وایە پرۆژەکانی رەوانشادو دەستورو رێنماییەکانی تەنیا رێگایە کە بتوانێت بزوتنەوەی گۆڕان بخاتەوە سەر رێچکە تەندروستەکەی خۆی، لێرەدا بە چەند خاڵێک رونی دەکەینەوە:
１- ناکۆکیەکانی ناو بزوتنەوەی گۆڕان، بە تایبەت هەڵوێست و بڕیاری ئێمە وەک بەرەی دەستور لەپێناو بەرگریکردن لە قانون و شەرعیەتی دیموکراسی و راستی و دەستور بووە.
２- ئێمە وەک زۆرینەی زۆری گۆڕانخوازان و ئەندامانی جڤاتی نیشتیمانی و هەڵسوڕاوان بەرگری لە بەرنامەی سیاسی گۆڕان، ئایدیاکانی نەوشیروان مستەفاو دەستور دەکەین. لایەنی بەرامبەر بڕوایان بە بەرنامەو دەستوری گۆڕان نیە.
３- لەسەر داوای زۆرینەی ئەندامانی دەستەی گشتی لە کۆمسیۆنی باڵای سەربەخۆی هەڵبژاردنەکانی عێراق تانەمان لە کارە ناقانونیەکان داوە. بڕیاری راگرتنی کۆنفرانسی نیشتیمانی لایەنی دەرەوەی گردی زەرگەتە، کەلەلایەن کۆمسیۆنی باڵای سەربەخۆی هەڵبژاردنەکانی عێراقەوە دەرچوە، وەک لە دەقی نووسراوەکەدا هاتووە لەسەر داواکاری زۆرینەی ئەندامانی دەستەی گشتی بزوتنەوەی گۆڕان بووە.
４- بە مەبەستی بەستنی کۆنفرانسی نیشتمانی بزوتنەوەی گۆڕان، رێکاری پێویستمان گرتوەتەبەر بۆ رێگری کردن لە هەموو کارو هەنگاوە ناقانونیەکان.
５- داوای قانونیمان لە نەزاهەی عێراق لەسەر هەموو ئەو کەسانە تۆمار کردووە کە بەشێکن یان رێخۆشکەرن بۆ کاری ناقانونی، چونکە بە وردی ئاگاداری هەموو پەیوەندی ژێربەژێرو دەستێوەردان و کارە ناپەسەندەکانین.
６- هەموو گۆڕانخوازانی دڵسۆز خوشک و برای ئێمەن و هەرگیز ناکۆکیەکان لای ئێمە شەخسی نەبوون و نابن.
７- هەموو دەنگدەران، گۆڕانخوازان، هەڵسوڕاوان، ئەندامانی جڤاتی نیشتیمانی، گشتی و رەوەندی کوردی خاوەنی گۆڕانن و لە پێناویدا ماندوو بوون و قوربانیانداوە. داوا دەکەین بە یەکدەست و یەک ئامانج بەرگری لێ بکەین.
８- بزوتنەوەی گۆڕان ئامانجی گۆڕینی سیستەم، چەسپاندنی دادپەروەری، شەفافیەت، ماف و ئازادی هاونیشتیمانیان بوو. ئێمە بەرگری لەو پرەنسیپانە ئەکەین. بە هیچ شێوەیەک ناکرێ گۆڕان کە داوای قانون و دەستور و سیستەمی ئەکرد بۆ هەموو کوردستان ئێستا پەنا براوەتە بەر پێشێلی دەستور و کاری ناقانونی و لە ناو بردنی سیستەمی کاری رێکخراوەیی.
９- گۆڕان هەمیشە کۆکەرەوەی بیروبۆچوونە جیاوازەکان بووە. ئەقڵیەتی دیکتاتۆری و بێڕێزی کردن و دەستگرتن بە پلە و پۆستەوە بەشێوەیەکی ناقانونی ئامانج لێی لە ناوبردنی گۆڕانە.
１０- پەیامی ئێمە وەک رەوانشاد نەوشیروان مستەفا پەیامی لێبوردەیی، یەکتر قبوڵکردن و کارکردنە بۆ خەڵک. دەست و دڵمان بۆ هەموو هاوڕێکانمان کراوەیە. بە کردەوە هەر هەنگاو و پرۆسەیەکی ئاشتەوایی هەبووبێت، ئێمە بە کۆی دەنگ بڕیاری پەسەندکردن و قبوڵکردنیمان داوە.
１１- ئامانجی ئێمە گەڕانەوەیە بۆ دیموکراسی بە گشتی و لەناوخۆی حیزب بە تایبەتی، کە لە ناو براوە بە کاری ناقانونی و مانەوە لە دەرەوەی دەستور.

شەممە - ١ی ٢ی ٢٠٢٥
مەکۆی سەرەکی بزوتنەوەی گۆڕان – گردی زەرگەتە

31/01/2025

بە پەلە....
ڕوانگەی سوریا: هاوپەیمانی نێودەوڵەتی هێزی سەربازی دەهێنێتە بنکەکانی لە باکوری ڕۆژهەڵاتی سوریا
31/ 1 / 2025

31/01/2025

سەرچاوەی هەواڵەكانی ناوچەكە و جیهانی رایانگەیاند كە
ئیسرائیل ئاگادارە توركیا یارمەتی حزب اللە دەدات و لە ڕێگای ئاسمانییەوە هاوكاری ئیرانیش بۆ لوبنان دەگوازێتەوە
داوای لە لیژنەی نێوەندگیری كردووە پێویستە توركیا بوەستێت
و پەیامی هەرەشەیان بۆ توركیا نارد

31/01/2025

ترەمپ:
من نەموتوە هێزەكانی ئەمریكا لە سوریا ئەكشێنمەوە،سەرچاوەی ئەو ڕاپۆرتانە نازانم

30/01/2025

وێنەكان خۆیان دەدوێن
پێویست بە قسە لە سەركردن ناكات
عیرفان عەلی عەبدولعەزیز، رابەری بزوتنەوەی ئیسلامی لەگەڵ نوح یەڵماز، یاریدەدەری وەزیری دەرەوەی تورکیا

30/01/2025

*ئارام، ئەستێرەی شۆڕش و فریادڕەسەکەی کۆمەڵە*

عیماد ئەحمەد
ساڵی ١٩٧٥ ساڵێکی شووم و کارەساتبار بوو، لەلایەک لە بەهاری ئەم ساڵەدا شۆڕشی ئەیلوول هەرەسی هێنا، لەلایەکی تریشەوە لە مانگی ئەیلوولی هەمان ساڵدا، سەرکردایەتیی کۆمەڵە و زۆربەی کادرە سەرەکییەکانی تووشی گرتن و راوەدوونان هاتن، لە کاتێکدا بزووتنەوەی کوردایەتی پێویستی بە فریادڕەسێکی وەک کۆمەڵە بوو، کە سەرکردایەتییەکەی خەریکی چالاکیی سیاسی و رێکخراوەیی بوو، بەڵام بەداخەوە زوو کەوتنە داوی رژێمی بەعسەوە.

لەو شەوە تاریک و لەو رۆژگارە دژوارەدا، *ئارام (شاسوار جەلال)، لەگەڵ ئازاد هەورامی و سالار عەزیز و مەلا بەختیار*، کادری گەنج و خوێنگەرم و ئازا، چوونە ژێر بارێکی ناهەموار و مەترسیداری ئەو سەردەمە و هەوڵیان دا بۆشاییەکە پڕ بکەنەوە. بێگومان کاک ئارام داینەمۆی ئەم کارە و پیاوی رۆژگارە سەختەکان و بڕوای بە خۆی و دۆزی میللەتەکەی هەبوو، پیاوێکی قسەخۆش و بەئیرادە بوو. کاک ئارام لەگەڵ هاوڕێکانی ئارام و هێمن بوو، بەڵام بەرامبەر دوژمن سەرسەخت و دڵ پۆڵایین بوو. لەبەرئەوە بە ماوەیەکی کەم توانی لە رێگای کومیتەی هەرێمەکانەوە، سەرلەنوێ کۆمەڵە هەڵبسێنێتەوە و بە هەماهەنگی لەگەڵ مام جەلال و هەڤاڵانی دیکە، شۆڕشی نوێ هەڵبگیرسێنێتەوە و بە مەبەستی هۆشیارکردنەوە و جاڕدانی شۆڕشی چەکداری، مەفرەزە سەرەتاییەکانی پێشمەرگە رەوانەی شاخ بکەن.

ئەو کات ئەرکی کومیتەی هەرێمەکان ئاسان نەبوو، لەلایەک سەرقاڵی رزگارکردنی کۆمەڵە لە سەرگەردانی و لەبەریەک هەڵوەشانەوە و لە لایەکی تریشەوە خەریکی زەمینەخۆش‌کردن بوو بۆ هەڵگیرساندنەوەی شۆڕش. بەندە لەو سەردەمەدا لە هەرێمی پێشڕەو کارم دەکرد، کە یەکێک بوو لە هەرێمە چالاکەکانی کۆمەڵە لە سنووری بەغدا و مەندەلی و خانەقین و گەرمیان.

یەکەم دیداری من لەگەڵ کاک ئارام، لە کۆتایی ساڵی ١٩٧٤دا بوو، ئەو کات ئەندامی لقی یەکێتیی لاوانی خانەقین بووم، بارەگامان لە دێی مەحمود قەجەری گەرمیان بوو، بۆ خولێکی تایبەت لە سکرتاریەتی یەکێتیی لاوانی کوردستان چووم بۆ چۆمانی باڵەکایەتی، لەوێ بۆ یەکەمجار کاک ئارامم بینی و هەر ئەوکاتە چووە دڵمەوە.

دیداری جاری دووەمم زۆر جیاواز بوو؛ وەرزی پاییزی ساڵی ١٩٧٦، کاتی خۆشاردنەوەی بوو لە شاری سلیمانی، لە ماڵی کاک ئاوات قارەمانی لە سەرشەقام؛ کاک ئازادی مەلا کارئاسانیی کرد تا بە دیداری شاد ببمەوە.
ئەو کات بەڕاستی جیاوازییەکی زۆرم بینی لە نێوان، ئارامی ئەوسای سکرتاریەتی یەکێتیی لاوانی کوردستان و ئارامی سکرتێری کۆمەڵە، وەک رابەر و سەنبول و فریادڕەسی کۆمەڵە دەهاتە بەرچاوم، لەو کاتەوە ئەو بوو بە شێخ و منیش بووم بە دەروێشی.

ئارام پیاوێکی ورد و بەسەلیقە بوو؛ دوای جێهێشتنی شار لە ناوچەی قەراغ دەستیکرد بە چالاکیی سیاسی و عەسکەری و رێکخراوەیی و هەوڵی پەرەپێدان و گەشەکردنی یەکێتی و شۆڕشی دەدا. بوونی ئارام لەو سەردەمەدا هیوابەخش بوو بۆ سەدان و هەزاران گەنجی خوێنگەرمی کوردایەتی.
کاک ئارام لەبەرئەوە قەراغی هەڵبژارد چونکە نزیک بوو لە شاری سلێمانی و بەئاسانی دەیتوانی سەرپەرشتیی رێکخستنەکان بکات و دەستی بە ئەرکەکان رابگات.

لەپاڵ کاری سیاسی و پێشمەرگایەتیدا خەریکی چاپ و بلاوکردنەوەی رۆژنامەی *ئاڵای شۆڕش*، بوو کە تەنها فریای دەرکردنی یەک ژمارەی کەوت، مەبەستی بوو شان‌بەشانی خەباتی پێشمەرگایەتی، برەو بە بواری رۆشنبیری و ئایدۆلۆژیش بدات.

لەو ماوە کەمەدا کە لە قەراغ بوو، کاک ئارام توانی بە رەفتار و کردار و گوفتاری سەرنجی زۆربەی خەڵک بۆ لای خۆی رابکێشێت و ببێت بەجێی متمانەیان. هەر لەو ماوەیەدا ویستی نەریتێکی تازە لە کاری شۆڕش و خەبات بهێنێتە کایەوە لە هەماهەنگی و یارمەتیی خەڵک و جووتیاران، کە هێز و پشتیوانی سەرەکیی شۆڕش بوون. لەم چوارچێوەیەدا هەوڵی دا چەند پڕۆژەیەکی سادە و بچووک، بەڵام بۆ ئەو سەردەمە پڕ مەغزا و پڕ جوامێری ئەنجام بدات، وەک دروستکردنی پرد یان چاککردنی هەندێ رێگا و نزیک خستنەوەی کانیی ژنان لە ئاوایی و پاککردنەوە و فراوانکردنی کانیی ئاوی دێیەکان.
کاک ئارام هەرچەندە خەڵکی شار بوو، بەڵام سەرکەوتوو بوو لە پەیوەندیی لەگەڵ خەڵکی لادێ و عەشایەری ناوچەکە، زوو کلیلی تەلیسمی پەیوەندیی کۆمەڵایەتیی عەشایەری و گوندنشینیی دۆزیەوە و توانی بەئاسانی هەڵس‌وکەوتیان لەگەڵ بکات و حورمەتی داب و نەریتەکانیان بگرێت.
کاک ئارام جیا لە سەرکردەکانی تری یەکێتی، نەچووە ناوچە سنوورییەکانی ئێران و بەتەنیا هەر لە قەرەداغ مایەوە، تا ڕێکەوتی ٣١/ ١/ ١٩٧٨ٓ لە دێی تەنگیسەر بەدەستی جاشە خۆفرۆشەکانی رژێمی بەعسی فاشی شەهید کرا و هەر لەوێش بەبێ کەسی لەلایەن جووتیارانی دێیەکەوە بە خاک ئەسپێردرا، بەڵام کێلی گۆڕەکەی بوو بە نەزرگەی تێکۆشەران و رەش و رووتی ناوچەکە و سەرتاسەری کوردستان.
ئاشکرایە یەکێتی خۆی قوتابخانەی تێکۆشان و قوربانی‌دان بووە و هەزاران پێشمەرگە و سەدان کادر و ژمارەیەکی زۆری سەرکردەی وەک خاڵە شیهاب و جەعفەر و ئەنوەر و ئارام و عەلی عەسکەری و دکتۆر خالید و حسین بابەشێخ و ئازاد هەورامی و حەسەن کوێستانیی کردووە بە قوربانی رێی خەباتی کوردایەتی.
راستە ئارام بە جەستە رۆیشت، بەڵام سێبەرەکەی هەمیشە بەسەرمانەوە بووە، بیرەوەری و بیر و بۆچوونەکانی مەشقی کۆمەڵە و یەکێتی بوون.
لە وەفاداریی خەڵک بۆ شەهید ئارام و بۆ ئەوەی ناوی ئەو سەرکردە هەڵکەوتووە هەمیشە درەوشاوە بمێنێت و بەردەوام وێردی سەر زوبان بێت، هەزاران کوڕی کورد لە کوردستان ناونران ئارام، بێجگە لە هەزارانی تریش لە گەنج و پیاوانی هاوبیر لەگەڵ ئەم ڕێبەرە شەهیدە ناوی خۆیان گۆڕی بۆ ئارام.

هەزار سڵاوی وەفا و دروودی ئەمەکداریی نەبڕاوەش بۆ رۆحی پاکی شەهید ئارام. هیواخوازین رۆژی ٣١ی یەکەم مانگی ئەم ساڵ، ببێت بە رۆژی شەهید ئارامی سەرکردە و بشبێت بە رۆژی زاخاوی خەبات و تێکۆشانی ڕەنجدەرانی بیر و بازوو، لە پێناوی بەدی‌هێنانی مافی چارەی خۆنووسینی گەلی کوردستان و خزمەتی زیاتری گەل و وڵاتەکەمان، لەسەر بنچینەی یەکڕیزی و یەک‌هەڵوێستیی گەل و بەهێزترکردنی یەکێتیی نیشتمانیی کوردستان و پەرەپێدان بە ڕێبازەکەی مام جەلال و هەموو شەهیدانی رێگای رزگاریی کوردستان.

30/01/2025

ئەبو_عوبەیدە:
(محمد الضیف)

سەركردەی گشتی سوپای ئیسلام لە غەززە كوژرا