DOZ MEDIA

19/03/2023

ئاهەنگی نەورۆز لە باکوری کوردستان دەستپێدەکات.

18/03/2023

ئێوە شانازی گەلێك
سڵاو لە شكۆ و خۆ ڕاگریتان.

مەلا کامەرانی سەرا

پیرۆزە ڕزگاربونتان لە زیندانی ستەم و نادادی نەك ئازاد بونتان!، ئازادی ووشەیەكە لە بەرامبەر كۆیلایەتیدا خۆ ئێوە بۆ یەك لەحزەش كۆیلە نەبوون!، ئێوە لە زیندایشدا هەر ئازاد بوون و پێشەنگی ئازادیخوازانیش بوون، كۆیلەكان نائازادن كە وەك گەنە لكاون بە بن كلكی دەسەلاتێكی ستەم كار و ناداد پەروەر و لە بن كلكیەوە خۆ تێڕوتەڕاح دەكەن!، كۆیلە ئەو حاكم و بەناو دادوەرانەن كە بۆ لەتە ئێسقانێك ئاغا چۆنی ئارەزوو كرد ئاوا بای دەدەن!،

پیرۆزە لە خانەوادە بەڕێز و شكۆدارەكانتان چاواتان ڕوون دڵتان ئارام بە گەڕانەوەتان بۆ نێو خانەوادەكانتان، الحمدلله والله اكبر.ئێوە شانازی گەلێك
سڵاو لە شكۆ و خۆ ڕاگریتان.

پیرۆزە ڕزگاربونتان لە زیندانی ستەم و نادادی نەك ئازاد بونتان!، ئازادی ووشەیەكە لە بەرامبەر كۆیلایەتیدا خۆ ئێوە بۆ یەك لەحزەش كۆیلە نەبوون!، ئێوە لە زیندایشدا هەر ئازاد بوون و پێشەنگی ئازادیخوازانیش بوون، كۆیلەكان نائازادن كە وەك گەنە لكاون بە بن كلكی دەسەلاتێكی ستەم كار و ناداد پەروەر و لە بن كلكیەوە خۆ تێڕوتەڕاح دەكەن!، كۆیلە ئەو حاكم و بەناو دادوەرانەن كە بۆ لەتە ئێسقانێك ئاغا چۆنی ئارەزوو كرد ئاوا بای دەدەن!،

پیرۆزە لە خانەوادە بەڕێز و شكۆدارەكانتان چاواتان ڕوون دڵتان ئارام بە گەڕانەوەتان بۆ نێو خانەوادەكانتان، الحمدلله والله اكبر.

18/03/2023

بافڵ جەلال تاڵەبانی، ‏‎سەرۆکی یەکێتیی:

شەهیدبوونی فەرماندە (شەڕڤان كۆبانێ) فەرماندەی هێزەكانی دژەتیرۆری رۆژئاوا و هەشت هەڤاڵی تری، لە دڵەوە نیگەرانی كردین.

‏‎شەهید شەڕڤان و یەكینەكانی دژەتیرۆر (YAT) رۆڵێكی كاریگەریان گێڕا لە رووبەڕووبوونەوەی چەكدارانی داعش لە رۆژئاوا و خاكی پیرۆزی كوردستانیان لە دەستی رەشی تیرۆر پاراست و مێژوویەكی پڕ لە سەروەرییان تۆماركرد.

‏‎یەكێتیی نیشتمانیی كوردستان شانازی بەو مێژووە درەوشاوەیەوە دەكات كە هێزەكانی دژەتیرۆر (CTG) هاوشانی یەكینەكانی دژەتیرۆری رۆژئاوا لەپێناو پاراستنی خاكی كوردستان و خەڵكە تێكۆشەرەكەیدا خەباتیان كردووە و داستانی قارەمانانەیان تۆماركردووە.

‏‎پرسە و هاوخەمی قووڵی خۆمان ئاڕاستەی هەڤاڵ مەزڵوم كۆبانێ، هێزەكانی سوریای دیموكرات (هەسەدە)، یەكینەكانی دژەتیرۆر و سەرجەم خەڵكی كوردستان بەتایبەت هاونیشتمانیانمان لە رۆژئاوای كوردستان دەكەم و هاوبەشی ئەم خەمە گەورەیەین.

‏‎رۆحی هەڤاڵان شادبێت و دروود بۆ گیانی شەهیدانی رێگای ئازادی

‏‎

17/03/2023

بەشداریكردنی ئومێد خۆشناو پارێزگاری هەولێر لە ماراسۆنەكەی ئەمڕۆی هەولێر.

16/03/2023

دزەکانی کارەساتی هەڵەبجە

کە یادی هەڵەبجە دەکرێتەوە، جگە لە فاشیەتی بەعس، لە ناخمدا، برینێکی تر دەکولێتەوە. ئەویش زامی ئەو تاوانبارانەیە کە لەکاتی مەرگەساتەکەدا، بەناو شارەکەدا گەڕاون و تەرم تەرم هەڵیانداونەتەوە و ملوانکەی ژنان و ئەنگوستی دەستیان و سەعاتەکانیان کۆکردۆتەوە. دەستی تاوانیان بردۆتە گیرفانی قوربانیەکان و پارەکانیان دزیووە.
لە خەڵکی باوەڕ پێکراوم بیستووە کە، تاوانباری وا هەیە (هەن ماوون و هەشن نەماوون) پەنجەی ئاوساوی دەستی ژنانیان بڕیوە، هەتا ئەڵقەو ئەنگوستیلەکانیان ببەن. ماڵانیان تاڵان کردووە و لە رۆژهەڵاتی کوردستاندا فرۆشتویانە. لەم تاوانبارانە هەیە کاربەدەست و پلەی سەربازی گەورەیان هەیە! من ئێستاش قسەیان لەگەڵ ناکەم!!

مەلا بەختیار

16/03/2023

دژەتیرۆری پارتی:

شەوی 15ی ئاداری 2023، کاتژمێر: 20:40، هێلیکۆپتەرێک لە نزیک گوندی بێرکیات لە ناحیەی چەمانکێ لە پارێزگای دهۆک کەوتە خوارەوە و تەواوی سەرنشینەکانی گیانیان لە دەست دا.

لایەنە پەیوەندیدارەکانی حکومەتی هەرێمی کوردستان پەیوەندییان بە حکومەتی عێراق و هاوپەیمانان و حکومەتی تورکیاوە کردووە لەبارەی کەوتنەخوارەوەی هێلیکۆپتەرەکەوە، بەڵام لە وەڵامدا ڕایانگەیاندووە کە هێلیکۆپتەرەکە هی ئەوان نییە.

هێزە ئەمنییەکان دەستیان بەدواداچوون لەو بارەوە کرد و لێکۆڵینەوە سەرەتاییەکان ئەوەیان ئاشکرا کرد، کە هێلیکۆپتەرەکە لە جۆری Eurocopter AS350 بووە و چەند سەرنشینێک لەوانەی گیانیان لە دەست داوە چەکدارانی پەکەکە بوون، بەدواداچوونیش لەو بارەوە بەردەوامیی دەبێت تا زانیاریی تەواو لەسەر هێلیکۆپتەرەکە کۆ بکەنەوە کە سەر بە چ لایەنێک بووە.

15/03/2023

بەرزان ئەیوب

کەسی هیچ پێ عەیب نەبوو ...
ساڵی ( 2004 ) لەڕادیۆی دەنگی ئیسلام کارمەند بووم ، ڕادیۆکە لەناو مەڵبەندی دووی بزوتنەوەی ئیسلامی بوو لە سلێمانی گەڕەکی ئاشتی ...
ڕۆژانە بەرنامەیەکم هەبوو بەناوی ( بەرامەی ئیزگە ) بەرنامەیەکی ئاینی پەروەردەیی کۆمەڵایەتی بوو ، زۆر جوان و کاریگەر بوو ، ڕۆژانە دەیان کەس لە هەردوو ڕەگەز سەردانیان ئەکردین ، دیاریان بۆ ئەهێناین و دەعوەتیان ئەکردین ...
جەماعەتی مەلبەند و ڕادیۆ وتیان کاکە تۆ گەنجیت و ماشاءالله قۆزیت ئەبێ بەزوترین کات ژن بێنیت ، ئەمە ناکرێ ئەم هەموو ئافرەتە دێن هەدیەو سەلام و کەلام لەگەڵ تۆ بکەن ...
وتم موچەکەم ( 67500 ) شەست و حەوهەزار و نیوە ، ژن چۆن بەو موچەیە دێت ؟
وتیان تۆ بیهێنە ئێمە هاوکاریت ئەکەین و موچەکەت زۆر بۆ زیاد ئەکەین ...
دەی برا سەرتان نەیەشێنم پەنیان پێدام و ژنم هێنا ،
تەنها دوو ڕۆژ دوای گواستنەوە چومەوە بۆ ڕادیۆ ،
ئەوکاتە یەک ڕۆژ پێش ڕەمەزان بوو ، ویستم بەرنامەیەکی تایبەت ئامادە بکەم بۆ یەکەم ڕۆژی ڕەمەزان ،
کە گەیشتمە ناو مەڵبەند و ڕادیۆ لەحەرەسی بەردرگاکەوە هەتا یەک بەیەکیان دەم و چاویان دابوو بەیەکا ئەتووت کافر و دوژمنیان بینیوه ، دوای سڵاو کردنم بەگەرمی و بەساردو سڕی وەڵام دانەوەم وتم برایان هیچ بوە ؟؟؟
خوا عەلیمە وامزانی مەسولێکی گەورەی بزوتنەوە مردوە ،
ئامانج محمد کارمەندی ڕادیۆو خزمی سەید موحسین لەوێ بوو وتی کاک بەرزان وەرە بابچینە ئەو مزگەوتە ئیشم پێتە .
وتم بەرنامەی سبەینێ ئامادە ئەکەم .
وتی بەرنامەی چی خوا عەفوت بکا ، تۆ وەرە بابڕۆین ئیشی زۆر گرنگم پێتە ...
دڵم خورپەیەکی کرد و لەگەڵیا ڕۆیشتم بەرەو مزگەوتی دارسەلام ، لەناو مزگەوتەکە دوای دوو ڕکات نوێژی سونەت ، ئامانج وتی کاک بەرزان زۆرم پێناخۆشە ئەم هەوڵەت پێ ڕائەگەیەنم .
وتم هەواڵی چی ؟
وتی لەڕادیۆ فەسڵ کراویت .
وتم بۆچی ؟
وتی برایانی مەڵبەند و ڕادیۆ ئەڵێن لەبەرئەوەی لەکاتی ژن گواستنەوەدا ئاهەنگتان گێڕاوە ..
کەمێک پێکەنیم وتم جا ئەوە کەی کێشەیە ؟
ئاهەنگێکی بچوک بوو ، خزم و کەس و کار کردیان ، نە پەخش کراوە نە بڵاو کراوەتەوە ، ئەسڵەن من و خێزانم بەهیچ شێوەیەک حەزمان لەئاهەنگ نیە ...
وتی بەخوا بڕیارێکەو دراوە ، هەر باش بوو هێشتیان بێیتە ناو مەڵبەند و ڕادیۆشەوە ، چونکە ئەو برایانە ئەمریان کردبوو هەر لەدرگای حەوشەوە دەرت بکەن ...

وتم ئاخر چۆن کاری وا لەگەڵ من ئەکەن ؟
تازە زاوام ، خانوم بەکرێ گرتوە ، ئیش و موچەی ترم نیە .
وتی بەخوا زۆرم پێناخۆشە بەڵام دەسەڵاتم نیە ، بڕیارێکەو دراوە ...

ئێوارەی ئەو ڕۆژە بەدڵێکی زۆر شکاوەوە ڕۆیشتمەوە بۆ لای تازە بووک ، وتی ئەوەچیە بۆ وا بێ تاقەتی ؟
وتم لەڕادیۆ فەسڵ کرام لەسەر ئاهەنگی ژن گواستنەوە .
خێزانم لەمن خراپتر شۆک بوو ...

ئیتر ئەوە ئەخلاقی بزوتنەوەی ئیسلامی بوو لەگەڵ ئێمە کە باشترین کار و خزمەتمان ئەکرد بەو موچە کەمە ،
ئێستا پێنج کورسی بەلاشی پەرلەمانی کوردستانیان دەستکەوتوە چۆن ملی خۆیانی بۆ ناشکێنن ...
سەدان بن دیواری حەرام خۆریان هەیە موچە لە حکومەت وەرەگرن و پیان عەیب نیەو بەحەڵاڵی ئەزانن ، ئاهەنگێکی بچوکی ژن گواستنەوەش بەحەرام ئەزانن و خەڵکی لەسەر نان بڕاو ئەکەن ...

هەر خۆتان بەخۆتان بن بچوکی دێزی نابوتانە ....

14/03/2023

سەردەمی کەمالی دووهەم یان ویلایەتێکی دیکە بۆ ئەردۆغان؟!

بڵێسە شاوەیس

کوردی باکوور لە زێڕینترین سەردەمی خۆیدا پێویستی بە چییە؟
مانگی ئایاری ئەمساڵ، هەڵبژاردنی سەرۆکایەتی کۆماری تورکیا بەڕێوەدەچێت. دوو کاندیدی سەرەکی هەن؛ یەکەمیان، رەجەب تەیب ئەردۆغان و دووهەمیان، کەمال کلچدار ئۆغڵوە.
بەم دۆخەی ئێستاوە کورد تەنها دوو بژاردەی هەیە؛
یەکەمیان ئەردۆغانە، کە ئەزموونێکی تاڵ و شیرینی20 ساڵی لەگەڵ کورد هەیە.
ئەردۆغان، دە ساڵی یەکەمی حوکمڕانییەکەی قۆناخێکی زێڕین بوو، بە ئاشتی و گۆرانییەکانی کایا و شیعرەکانی خانی و بەرگریکردن لە مافی خوێندن و قسەکردن بە زمانی دایک دەستیپێکرد، بەڵام دواتر ناچاربوو لەگەڵ دەوڵەتی قوڵ رێکبکەوێت.
لەو رۆژەوە، ئەردۆغانێکی دیکەمان بینی، پیاوێک لەهەموو بوارێکەوە دەستی بە پاشەکشەکرد و کەوتە شەڕی خەندەق و کۆتاییهێنان بە گفتوگۆکانی ئاشتی و تەنانەت لە ئاستی وڵاتەکەیشی لەگەڵ گرووپە جیاوازەکان کەوتە ململانێ کە دیارترینیان بزاڤەکەی گولەن بوو، کە رۆژانێک لە هەموان زیاتر پاڵپشتی ئەردۆغانیان کرد.
هەرچی کڵچدارئۆغڵوە، ئەو پیاوە بە رەگەز کوردە عەلەوییە، ئێستا سەرۆکی حزبێکە لە سیەکانی سەدەی رابردوو دەیان هەزار کەسی لە شارەکەی ئەو (دێرسم) کوشتووە تەنها لەبەر ئەوەی کوردبوون، بەڵام لەگەڵ ئەوەش، توانی جەهەپە، کە حزبی ئەتاتورکە لە کەمالیزم دووربخاتەوە و بیخاتە بەرەی ناوەڕاستی چەپەوە. کار گەیشتە ئەوەی زۆرجار لەلایەن هەندێک لە فیگەرە دیارەکانی جەهەپەوە کڵچدارئۆغڵو بە لادەر ناوببرێت.
ئەردۆغان هاوپەیمانی مەهەپە و وەتەن پارتی و رەفاهە. ئەو حزبانەی هێڵنجیان بەناوی کورد دێت و تەنها مەرجیان بۆ پاڵپشتی ئەردۆغاندوورخستنەوەیەتی لە کورد.
کڵچدارئۆغڵو، پێنج هاوپەیمانی هەیە، بەڵام دیارترینیان ئاکشەنەرە. ئەو ژنەی لەلای کوردی باکوور یەکێکە لە هێماکانی سەردەمێکی تاریک، کە بەسەردەمی (فاعلی مەجهول) و تۆرۆسە سپیەکان ناسراوە. ئاکشەنەر لەو سەردەمە وەزیری ناوخۆ بووە و زۆرترین پێشێلکاری بەرانبەر کورد و ئازادیەکان کرا و بەو هۆیەشەوە نازناوی "ئەسێنا"ی پێبەخشرا.
بەڵێ لەنێو هاوپەیمانەکانی کڵچدار ئۆغڵو، پیاوی لیبڕاڵی وەک عەلی باباجانیش هەیە کە پرۆژەی بۆ کورد هەیە، بەڵام هاوپەیمانێتیەکەی کڵچدارئۆغڵو، لەسەر پشتی ئاکشەنەر وەستاوە.
سەرباری هەموو رەخنە و تێبینییەکان، کورد لە تورکیا یەک حزبی هەیە، ئەویش هەدەپەیە.
هەدەپە ئێستا قەیرانی شوناسی هەیە، ئەو حزبە هێندەی لە جەهەپەی نوێ دەچێت لە هیچ حزبێک ناچێت، کەچی جەهەپە لە هاوپەیمانێتیە شەشقۆڵیەکەی خۆی وەریناگرێت و ئاک پارتیش خەون بە داخستنیەوە دەبینێت.
کەواتە هەدەپە دەبێت چی بکات؟!
بۆ وەڵامی ئەم پرسە، پێویستمانە لە راپرسیەکانی دەنگدان بۆ هەڵبژاردنی پەرلەمانی تورکیا تێبگەین.
بەگوێرەی دوایین راپرسیەکان، دەنگی کڵچدار ئۆغڵو ٤٤% و ئەردۆغان ٤١%ە.
کەواتە نزیکەی ١٠% بۆ ١٥% دەنگی هەدەپە و ئەوانی دیکەیە کە لانی کەم 11%ی ئەو رێژەیە ، بەگەڕانەوە بۆ دواین هەڵبژاردن لای هەدەپەیە.
دووبارە با بگەڕێینەوە سەر پرسیارەکە:
هەدەپە چی بکات؟
ئەم پرسیارە پەیوەستە بە دیدی ستراتیژی هەدەپە بۆ ئەو دەوڵەتەی ناوی تورکیایە. ئەگەر هەدەپە دەیەوێت دەوڵەتەکە بەردەوامبێت و بگەڕێتەوە ناوەندە جیهانییەکان، ئەوا دەبێت دەنگ بە کڵچدار ئۆغڵو بدات. لەم ئەگەرە هەدەپە و کورد بواری هەڵمژینی هەناسەیەکیان هەیە، بەڵام دوور مەودا سایکۆلۆژیای دەوڵەت هەمان سایکۆلۆژیایە و هیچ شتێک نەگۆڕدراوە، تەنانەت کڵچدار ئۆغڵو خۆیشی شەرم لە کوردبوونی خۆی دەکات و ئامادە نییە بچوکترین بەڵێن بدات.
کەواتە هەدەپە بۆچی ئەوە بکات؟!
بژاردەی دووەم، ئەوەیە کە هەدەپە دەنگ بداتە ئەردۆغان. بەمە تورکیا وەک دەوڵەت هێندەی دیکە وێران و روخاو دەبێت، هیچی نامێنێتەوە جێگەی باسبێت، بەڵام لە هەمان کاتدا کورد دەخاتە بەردەم بەرپرسیاریەتیەکی مێژوویەوە کە هەمان بەرپرسیارێتی بەیعەتە بە عەبدولحەمیدی دووەم. ئەنجامی ئەم کارەش ماندووبوونی کوردی باکوور و رەنگە باشووریش بێت.
دەی کەواتە هەدەپە چی بکات؟
باشترین کارێک هەدەپە بیکات، ئەوەیە کاندیدی خۆی بۆ سەرۆکایەتی هەبێت. بوونی ئەو کاندیدە ئەگەرچی سەرکەوتوونابێت، بەڵام زۆر شت دەگۆڕێت، چونکە دیاریکردنی سێزدەهەمین سەرۆک کۆمار دەخاتە خولی دووهەمی هەڵبژاردنەوە و کاندیدەکان ناچار بە دەنگی هەدەپە دەکات.
لێرەدا، هەردوو کاندید (ئەردۆغان و کڵچدار ئۆغڵو) ناچاردەبن لەدەرگای کورد بدەن، هێندەی دیکەش تورکیا دەکاتە وڵاتێکی لاواز.
هەدەپە گەر بەدوای بەرژەوەندی کورد دەگەڕێت، دەبێت کاندیدی هەبێت، دەبێت کاندیدەکانی دیکە ناچاربکات بێنە دیاربەکر و ماردین وبەتلیس و باسی پرسی کورد بکەن و سازشیان پێبکات.
ئەگەر کاری لەپێشینەی هەدەپە کوردە، دەبێت گۆمەکە بشڵەقێنێت نەک لە خەمی ئارامی ئەنکەرەدابێت.
کاتیەتی هەدەپە لەوە تێبگات، ئەردۆغان و کڵچدارئۆغڵو جیاوازنین، لەکۆتاییدا هەردوکیان نوێنەرایەتی یەک سایکۆلۆژیای دەوڵەت دەکەن.

13/03/2023

شەوی ڕابردوو لە ڕووداوێکی سەختی هاتوچۆدا لە زینی وەرتێ، ئۆتۆمبێلی خێزانێکی گوندی دێڵزەی قەزای چۆمان توشی ڕووداوی هاتوچۆ دەبێت و لە ئەنجام پێنج ئەندامی ئەو خێزانە گیان لە دەست دەدەن.

12/03/2023

پاسێک لەکاتی گەڕانەوە لە مەزاری بارزانی وەردەگەڕێ

پاسێک لە رێگەی باسرمە - شەقڵاوە وەردەگەڕێت و چەند کەسێک بریندار دەبن؛ ئەو کەسانە لەسەر مەزاری ( بارزانی ) گەڕاونەتەوە

12/03/2023

یوتوبەری عێراقی عەلی عادل لەگەل ئارین مەسرور بارزانی دەرکەوت لە چیای سەفین.

11/03/2023

بارانبارینی چەند ڕۆژی ڕابردوو لە قەرەداغ، ئاستی ئاوی بەنداوی ئەستێلی بەرزکردووەتەوە.

وەزارەتی کشتوکاڵ و سەرچاوەکانی ئاو دەڵێت، بەرزبوونەوەی ئاستی ئاوی بەنداوەکە، ناوچەکە دەبووژێنێتەوە.

10/03/2023

ئازاد تۆفیق، پارێزگاری هەڵەبجە:
هەڵەبجە مەڵبەندی مارکسی و چەپ و مەدەنیەتە.
خێزانە جوان و پێشکەوتوو و مەدەنی و ڕۆشنبیرەکانی هەڵەبجە، خێزانە شیوعییەکانن.
دواکەوتوویی و کۆنەپەرستی خەریکە دەمانخوات.
ئێستاش خۆم بە پیاوێکی مارکسی چەپ دەزانم.

10/03/2023

سەرۆکی هەڵهاتووی دەزگای زانیاری و ڕاوێژکارى ئێستای ئەنجومەنى ئاسایشى هەرێمى کوردستان:

ساڵێک لەمەوبەر تاقمێکى لەیاسا دەرچوو دوور لە هەموو بەها ئەخلاقییەکان و ڕێکارە یاساییەکان، دواى چەند ڕۆژێک لە هەوڵى شکستخواردوو و دانوستانى درۆینە، لەدواجاردا بەترس و لەرزەوە پەلامارى بارەگاى ئاژانسى پاراستن و زانیارى/زانیارییاندا. کە یەکێک لە هەستیارترین دامەزراوەکانی هەرێمی کوردستانە.
ئەو پەلامارە لەبەرئەنجامى گەلەکۆمەیەکى هەرێمییدا بوو بۆ پچڕاندنى پەیوەندییەکانى یەکێتیى نیشتمانیى و دەڤەرى سلێمانى لەگەڵ دونیاى دەرەوەو کۆمەڵگاى نێودەوڵەتى.
ئێمە لەو ڕۆژەدا لەپێناوى بەرژەوەندییە باڵاکانى گەلەکەمان نەمانویست ڕووبەڕوو بوونەوەى چەکدارى لەبەرامبەر ئەو تاقمە ڕووبدات، خوێنى پێشمەرگە و کادیرێک لەلاى ئێمە زۆر گرنگتربوو لە پۆست و پلەوپایە. بەڵام ئەو پەلامار و دەستدرێژییە بۆسەر دامودەزگایەکى ئەمنى هەستیارى ناوچەکە وەک دەبینن بووە سەرەتاى زنجیرەیەک دەستدرێژى بۆسەر دامودەزگا فەرمییەکانى دیکەى حکومەت و ئاسایش و ئارامی ناوچەکە و موڵک و ماڵی هاوڵاتیان.
هاوکات یەکەم قۆناغى زنجیرەیەک بوو لە تیرۆر و تۆقاندن و تاڵانى و دەستدرێژى و دەرکردنى بازرگان و پیشەوەران و خوێندەوار و دامودەزگا میدیاییەکان و ڕۆژنامەنووسان و ڕۆشنبیرانى دەڤەرەکە.
ئەو تاقمەى دەستدێژییەکەیان ئەنجامدا هیچ بەها و رەوشتێک لە مام فێرنەبوون و هەرگیزیش فێرنابن، هەمیشە کەسانى دڵسۆز و خەمخۆرى دەڤەرەکەى خۆیان ڕاوەدوو دەنێن و دەبنە گوێقوڵاخ و بەکرێگیراوى ئەوانی دیکە.
لەئێستاشدا چەند کەسێکى نەفس نزمیان بەرداوەتە گیانى کادیرە دڵسۆزەکانى دەزگاکە، کە هەموو کاریان بووەتە خزمەتکارى پیلان و تیرۆرو تۆقاندنەکان کە لەلایەن دارودەستەى دەباشانەوە نەخشەڕێگاى بۆدەکێشرێت، هەموو کارێک دەکەن دژ بە ئەزموونەکە و ئەنجومەنى ئاسایشى هەرێمى کوردستان. ئەم دۆخەش نیگەرانى قووڵى دروستکردووە لەلاى زۆرینەى زۆرى کادیرانى دەزگاى زانیارى.
دەزگاى زانیارى کە سەرەتا بە فەرمان و سەرپەرشتی ڕاستەوخۆی سەرۆک مام جەلال دامەزرا، و دڵسۆزترین کادیرانی یەکێتی خزمەتیان تێدا دەکرد، رۆڵی گەورەی لە پاراستنی سەقامگیری کوردستان و عێراق و ناوچەکە هەبوو. خەڵکی کادیرو سەربازە ونەکانی ئەو دەزگایەى هەر نەدەناسین، بەڵام شەو و ڕۆژ لەپێناوى ئامانجە باڵاکانى گەلەکەمان تێدەکۆشان. کەچی ئێستا وا بۆ ساڵێک دەچێت ئەو دەزگایە داردەستى چەند تاقم و مافیایەکە بۆ مافیاگەرى و قاچاغچێتی و تیرۆری هاوڕێ و هاوسەنگەرانی رێبازی راستەقینەی مام و لێدان لە بەرژەوەندییە باڵاکانی گەلی کوردستان و سەقامگیری و ئەزموونەکەی بەکاری دەهێنن و بەتایبەت دۆخى ئەمنى سلێمانى و ئاسایشی ناوخۆی ئەو دەڤەرە و هەر بەو هۆیەشەوە ناوخۆی یەکێتیش ڕۆژ بەڕۆژ خراپتر دەبێت.
ئەو تاقمەى لەو ناوچەیەیە تەنها بۆ گیانى هاووڵاتیان پاڵەوانن و لەبەرامەر دەستدرێژى و پەلامار و دەستێوەردانى دەرەکى بێدەنگ و هاوکارن و زۆربەى کات هەرخۆیان ڕێکخەرى ئەو دەستدرێژیانەن. بانکەکانى سلێمانى تاڵان و فەرهود دەکرێن و دۆلارەکانى ڕەوانەی ئەملا و ئەولا دەکرێن و ئەگەر کەسێکیش بێتەسەر شەقام و داواى مافى خۆى بکات، ئەوا مولازم موحسین ئاسا ئامادەن.
هەر بۆیە ئێمە هەموو لایەک بەرامبەر بەم دۆخە بەرپرسیار دەبینین و بەڵێن دەدەین دەزگاکە لە جاران بەهێزتر بکەینەوەو بیخەینەوەسەر ڕێگاى دروستى خۆى و بەردەام بین لە خزمەتکردنی ئاسایش و ئارامی و شکۆی خەڵک و حکومەتی هەرێمی کوردستان.
داواش دەکەین کۆمەڵانی خەڵکى کوردستان هاوکارو پشتیوانی هەموو دامەزراوە فەرمی و شەرعییەکانی ئەنجوومەنی ئاسایشی هەرێمی کوردستان بن و چاوەڕوانی گۆڕانکاریی گەورە و پوچەڵکردنەوەى هەموو پلانەکان بن و هەر لەم ئاڕاستەیەشدا بەڵێنی ئەوە بە خەڵکی خۆمان و کادیرە دڵسۆزەکانی ئاسایش و ئارامی نیشتمانەکەمان دەدەین کە چەندین ڕاستی نەبیستراو بەم زوانە ئاشکرا دەکەین و پیلانگێڕان ڕیسوا دەکەین. هەموو ئەندامانى ئەو تاقمە کە بەشداربوون لەو پەلامارەدا وێنە و ناوەکانیان لەلامان پارێزراوەو ڕوبەڕووى یاسا بەرکارەکانى هەرێمى کوردستان و ئەنجومەنى ئاسایشیان دەکەینەوە.
هەموو لایەکیش ئاگادار دەکەینەوە کە دەبێت لە ئاستی بەرپرسیارێتی و گۆڕانکارییەکاندابن و لە ڕاستای ئەو گۆڕانکاریانەدا دۆست و دوژمن و چەتە و قاچاخچی و تاوانباران و لەیاسا دەرچووان بناسن و ئەوە بزانن کە هیچ بەهانە و پاساوێک بۆ درێژەدان بەم دۆخە و مانەوەی نەماوە و ئاسایش و ئارامی و هەموو دەسکەوتە باڵاکانی ئەم ئەزموونەش کەوتوونەتە مەحەکی ئەو گۆڕانکاریانەوە کە پێویستە بکرێن، هیچ سازش و کەمتەرخەمییەکیان تێدا نەکرێت.

08/03/2023

ئاسایشی سلێمانی: ژمارەیەك تۆمەتبار دەستگیركران و دەستبەسەر لولەی بێدەنگی چەك و دەرمان و بەڵگەی نایاساییدا گیران

دوای دەستكەوتنی زانیاری و بەڵگەی پێویست لەسەر چەند جێگا و باخێكی جیاواز لە سنووری سلێمانی كەكاری نایاسایی تێدادەكرێت و چەندین كەسی لە یاساهەڵهاتووش خۆیان تێدا حەشارداوە.
‎پاش لێكۆڵینەوەی ورد، پاڵپشت با یاسا و دەسەڵاتی دادوەری، بڕیاردرا سەرجەم ئەو باخ، شوێن و جێگایانەی كە بۆ مەرامی كاری نایاسایی، خراپەكاری و كۆكردنەوەی هێز لەدەرەوەی دامەزراوە فەرمییەكان بەكارهێنراوە دەستی بەسەردا بگیرێت.

دوای رەزامەندی بەڕێز دادوەری تایبەتمەند هێزێكی هاوبەش لە هێزە ئەمنییەكان ئێوارەی رۆژی چوارشەممە٨/٣ / ٢٠٢٣ لە سنووری سلێمانی دەستیان بەسەر چەند باخێكدا گرت و دوای پشكنین و گرتنەبەری رێكاری یاسایی، دەست بەسەر چەندین لولەی بێدەنگی چەك (كاتم سەوت)، دەرمانی نایاسایی و بەڵگە دروستكردنی هێزی نایاسایی لەدەرەوەی یاسا بەركارەكانی هەرێمدا گیرا.

هەروەها چەندین تۆمەتباریش دەستگیركران كە بەشێكیان پێشتر لەلایەن دادگاوە داواكراوبوون.
بۆ هەموولایەكیشی رووندەكەینەوە ئەم كەیسە رێڕەوی یاسایی وەرگرتووە و لێكۆڵینەوەی زیاتر لەو بارەیەوە دەستیپێكردووە.

بەڕێوەبەرایەتی ئاسایشی سلێمانی

08/03/2023

هیچ ڕۆژنامەنووسێک پەی بەوە نەبرد ئەم خێزانە بکات بە چیرۆکێک!

پیاوێک بەڕێوەبەری پۆلیسی نەهێشتنی تاوانی سلێمانییە و لە شاردا به " مفەوەز کەمال" بەناوبانگە. لە یەکەم رۆژی ڕاپەڕینی سلێمانیدا مفەوەز کەمالیش وەکو زۆر بەرپرسی تری حکومیی و دەزگا ئەمنییەکان لەلایەن خەڵکەوە دەکوژرێت.

ئەڵبەت مفەوەز کەمال بە هەڵە دەکوژرێت و دەستی نییە لە تاوانی دژ بە خەڵک وەکو سەرانی تری بەعس. بەڵام لەو ڕۆژانەدا کەس بە کەس بوو بۆیە زۆر کەسی تر بەم دەردە ڕۆشتن.

ئەو مفەوەز کەمالە باوکی شەش کچ بوو، بێوەژنەکەی مفەوەز کەمال زۆر لێبڕاوانە ئەو کچانەی بەبێ باوک گەورەکرد کە ئەم شتە تەنانەت بۆ پیاوانیش زەحمەت بوو لەو گرانیی و قاتوقڕییەدا کە دوای ڕاپەڕین و کۆڕەو ئێخەی خەڵکی کوردستانی گرت.

ئێستا ئەو کچە بێباوکانە، هەموویان دکتۆرن!

ئافەرین بۆ ئەو کچانە کە بەبێ پشتیوانییەکانی باوکی لەدەستچوویان توانیان خوێندن بەو ئاستە بەرزە تەواو بکەن.

ئافەرین و سەد هەزار دەستخۆشیی بۆ ئەو دایکە کە توانی لە غیابی مێردەکەیدا ئەو هەموو دکتۆرە پێشکەش بە وڵاتەکەی بکات

من بۆ گاڵتە هەمیشە بە دکتۆر هەڤینی کچی مفەوەز کەمال دەڵێم.. بنەماڵەیەکی داگیرکەرن لە مەجالی دکتۆریی و تەندروستییدا.

ئەمڕۆ کە لە سلێمانی لە یادی ڕاپەڕینی سلێمانی و کوژرانی مفەوەز کەمالدا باخچەیەکی بەناوەوە کرایەوە، هیچ ڕۆژنامەنووسێک لەو لەشکرە بێژمارەی ڕۆژنامەنووساندا، دەرکیان بە چیرۆکی تراژیدیای کوشتن و سەرکەوتنی ئەو دایک و کچانە نەکرد تا ستۆرییەکیان لەسەر بکەن!

کاوە عەبدوڵا

06/03/2023

محەمەد حاجی مەحمود: یەکەم مەفرەزەی راپەڕین ئێمە بووین لە رانیە

05/03/2023

مەحمود سەنگاوى: کە شارەکانمان ئازادکرد یەک پێشمەرگەی پارتیمان لەگەڵ نەبوو

05/03/2023

دژەتیرۆری پارتی: ئەو کەسانەی لەبەردەم دادگا گردبونەوە دەستی لایەنێکیان لە پشتە و دەیانەوێت کەیسی هاوکار جاف بە لاڕێدا بەرن

05/03/2023

ئەژی ئەمین - بەرپرسی پێشووی دەزگای زانیاری

بەبۆنەی ڕاپەڕینە مەزنەکەی گەلی کوردستانەوە پیرۆزبایی لە هاووڵاتیانی هەرێمی کوردستان دەکەم.
لەکاتێکدا یادی ڕاپەڕین دەکەینەوە، حزبی شەهیدان بەشێوەیەک شێوێندراوە کە لەپێشوودا: هاوڕێ و هاوخەباتانی مام کاک نەوشیروان و قادری حاجی علی و کمال مەزهەر و کوردۆکان و جەبارەکان بوون، بەڵام ئێستا ڕەیان کلدانی و قەیس خەزعەلین.
پێشتر بە گۆرانی گەلەو گەلە هەر ڕۆژێک و پارچەیەک لەخاکی کوردستانمان ئازاد دەکرد، ئێستا بە «ئەنجەزە ئەنجەزە وەعدە» نەوت و غاز و ژێرخانی ئەو ناوچەیە ئەودیو دەکەن.
لەم ساتەوەختە مێژووییەدا بەڵێن دەدەین کە خوێنی شەهیدان و فرمێسکی کەسوکاریان بەفیڕۆنەچێت.
هەر مامەڵەیەکی ناتەندروست بەرامبەر هەڤاڵانمان هاوشێوەی خۆی یان توندتر وەڵام دەدەینەوە.
یەکێتی حیزبی راپەرین و دەوڵەتداری و پارێزگارییە لە دەستکەوتەکانی هەرێمی کوردستان لە ناوخۆو بەغدا نەک “شێتخانە”.
ئەو یەکێتییەی کە (٢٢)هەزار شەهیدی لە پێناو بە دیهێنانی مافی چارەی خۆنوسین و پاراستنی ئەم ئەزمونەی دا.

04/03/2023

سەرچاوە: درەو میدیا

لە بازگەی سلێمانی - دوكان رێگری لە ئاراس شێخ جەنگی دەكرێت، لاهور شێخ جەنگێ بە هێزێكەوە دەچێتە بازگەكە بۆ بەدواداچوونی رێگریەكە.
سەرچاوەیەكی ئاگادار راگەیاند ئێوارەی ئەمڕۆ لە بازگەی سلێمانی-دووكان رێگری لە ئاراس شێخ جەنگی كراوەو ئیستفزازكراوە و راگیراوە، كاتێك زانیارییەكان دەگاتە لاهور شێخ جەنگی، بە هێزێكی زۆرەوە دەچێتە بازگەكەو بەدواداچوون بۆ بڕیاری راگرتنی دەكات.
ئەو سەرچاوە ئاگادارە ئاماژەی بەوەكرد، مامەڵەی بازگەکە لەگەڵ ئاراس سێخ جەنگی دوای پۆستێکی دێت لە تۆڕی كۆمەڵایەتی فەیس بووك كە نوسیبووی: "یەکێتی ی شێتخانەکانی کوردستان" ئەو نوسینە دوای قسەیەکی بافڵ تاڵەبانی سەرۆکی یەکێتی هات کە لە کۆڕبەندی هەولێر وتی" من خەریکی حزبەیاتی و شێتخانەکەم".

سەرچاوەیەكی ئاگادار لە بازگەی سلێمانی راگەیاند لاهور شێخ جەنگی هێزێكی زۆری لەگەڵ وبوەو هاتووەتە بازگەكە.

لاهور شێخ جەنگی پاش رووداوەکە پەیوەندی بەرپرسە ئەمنیەكانی سلێمانیەوە كردوەو رایگەیاندووە" بە سەرۆکەکەتان بڵێ کە ئەمە دواجارە و ئیتر لێتان قبوڵ ناکەم".

03/03/2023

بەدەل بەندی و دەزگای پاراستن سەرانە لە خەڵک وەردەگرن لە دهۆک، سەرانەیان لە پزیشکێکی پسپۆڕی چاندنی جگەر وەرگرتووە و هەڕەشەیان لێکردووە

03/03/2023

فەرماندەیەكی سەربازی هێرش دەكاتە سەر پزیشكێك و سەرانەی لێدەستێنێت

د. نەوزاد سلێڤانەیی پزیشكی پسۆڕ لە شاری دهۆك بە گریانەوە ڤیدیۆیەكی بڵاوكردووەتەوە و دەڵێت:
بەدەل بەندی فەرماندەی سەربازی و خاوەنی وتەی (خۆنەچەمێنن) و كوڕەكەیی پاسەوانەكانی هاتونەتە سەرم و لێیاندام و سەریانەیان لە خۆم و براكەم سەندووە.

02/03/2023

02/03/2023

باوکی یەکێک لە گیراوەکان: دژەتیرۆری پارتی لەژێر ئەشکەنجە دانپێدانانیان بە کوڕەکەم پڕکردووەتەوە

01/03/2023

تا چەند بروات بەم قسانە هەیە؟

01/03/2023

کانی کوردەیی و پارەی حەرام

فاروق عەلی، سەرکردەی دیاری کۆمەڵ :

ئەگەر خودای گەورە بەرچاوڕوونی لەکەسێک وەرگرتەوە ئیتر ڕێگاڕاستەکە ون دەکات،کانی کوردەیی لەوکاتەی بەپەیژەی کۆمەڵدا سەرکەوت و بویە پەرلەمانتار نەیتوانی وە پابەبەندی بڕیارو ڕێنمایی فراکسیۆن و کۆمەڵ بێت،بەردەوام چاوپۆشی لێکراوەوڕێزو تەقدیری تایبەتی بۆدانراوە،بۆئەوەی ماڵ و منداڵی توشی حەرام خۆری نەبن زۆر داوای لێکرا پابەندی ئەوشایستە داراییانەبێ وەک هەرپەرلەمانتارێکی تر کەدەکەوێتەسەری،بەڵام بەپاساوی بەشم ناکا ڕەدی دەکردەوە پابەندبێ بەگێڕانەوەی بەشێک لەموچەکەی بۆدارایی کۆمەڵ،
نازانم ئەی مامۆسای کانی کوردەیی ئەوەی پێ حەرام نەبوو پابەند نەبوە بەوبەڵێنانەی کەپێش پەرلەمانتاربوونی بەکۆمەڵی داوە؟،
ئەی پێی حەرام نەبو ئەندامی کۆمەڵ هەیە شەوۆژ لەکاردایەو موچەی تەنها(۱٠٠٠٠٠) سەدهەزارە،جەنابیشیان (٦٠٠٠٠٠٠)شەش ملیۆن دینار وەربگرن،
ئەگەر پێی وابوو حەرامە موچەوەربگرێ و دەوام نەکات ئەی باشترنەبوو مێژوی تۆمار بکردایە بۆخۆی لەبری بەشداربوونی کۆبونەوە با وازنامەی بنوسیایەو موچەی ڕەد بکردایەتەوە، نەک بەپاساوی حەرامبونی موچەی بێ دەوام بەشداری کۆبونەوەبکات.
ئەوچەپڵەیەی پەرلەمانتارانی دەسەڵات لەپای بەشداربونی لەکۆبونەوە بەس بوو بۆئەوەی تەریق بێتەوەو بزانێ بۆ بەتەنهایە،
مامۆستای کانی کوردەیی ساڵەهای ساڵە لەمینبەری مزگەوت و کەناڵە تەلەفزیۆنی و رادیۆکانەوە باسی پشت بەستن بەخوداو رزق لای خودایەبۆ هاوڵاتیان دەکات،دیارە خۆی لەبیری چوە نەکەوێتە داوی ژیان و ڕزق و ڕۆزیەوە،قسەی بۆخەلکی بوە بەڵام بۆخۆی جێبەجیی نەکرد،
پیاو لەکاتی نارەحەتی و تەنگانەدا دەناسرێت......

26/02/2023

کیلۆیەک گۆشت گەیشتە 20 هەزار دینار.

25/02/2023

پەیامێک لە گۆرانی ئینزیباتەوە

من پێش ئەوەی پەرلەمانتاربم لەڕێگەی هونەرەوە خزمەتم بە گەل و نیشتمان کردووە، دوای کاری پەرلەمانیش دەبمەوە بە خزمەتکاری خەڵک و نیشتمان لەرێگەی هونەرەوە، چەند رۆژێکە کەوتومەتە بەر تیرو توانج و رەخنەو ئازاردانێکی بێمانای بێویژدانانە لەلایەن چەندین کەس و گروپ و ماڵپەرو کەناڵی جیاجیاوە بەتەنها لەبەر ئەوەی لەوڵاتی بریتانیا خزمەتم بە کۆمەڵێک هاوڕێ و هەواداری هونەرەکەم کردووە، ئەرشیفی رابردووم ڕونە کە من لەهەموو قۆناغەکاندا خزمەتکاری خەڵک و لەڕێی هونەرەکەمەوە هاوڕێی چەکی یەک بەیەکی برا پێشمەرگەکانیش بووم، من لەم سەفەرەمدا بەشانازیەوە دەرفەتم دروستکرد تا دەیان هەوادارو هاوڕێ و دۆست و گەنجی خێر لەخۆ نەدیوی هەندەران دڵخۆش بکەم، من لێرەو لەم سەفەرەدا خزمەتی گەنج و خەڵکی وڵاتی خۆمم کردووە، ئێوە ئەگەر ئەوەندە دڵسۆزو خەمخۆری دۆزی ڕەوای کوردن بچن و بڕوانن و ببینن لاڤ میوزیکی شەوانی شارەکانی کوردستان لێوڕێژن لە پێشکەشکردنی وەها دیمەنێک بەناوی هونەرەوە کە شیرازەی خێزانی و کۆمەڵایەتی ئێمەی لەڕیشەوە دەرکردووە، واز لەئێمە بێن، ئێمە بەشەڕواڵ و مرادخانی کوردی و گۆرانی کوردیەوە دڵی دەیان کوردی دورە وڵاتمان ڕۆشن کردەوە.
ئەوەی بەمەرامی سیاسی هەوڵی نەزۆکی بێبنەما ئەدات بۆ شکاندنی ئێمە پێویستە بزانێت ئێمە لەهەرجێیەکی دنیابین، بەدەنگ و زمانی کوردی و بەبەرگی کوردیەوە لەناو کۆڕو مەجلیسی ئازیزان و هەوادارانی خۆمانداین.
بۆیە لێرەوە رایدەگەیەنم کە شانازی بەو کات و ساتانەوە ئەکەم کە دەنگو هونەرەکەم ماڵی تاریکی دڵی گەنجێکی دەربەدەرم رۆشن کردبێتەوە.

25/02/2023

د. هەڤاڵ ئەبوبەکر

پەیامێک بۆ یەکخستنی ئیرادەی نیشتمانیی

بۆ هەموو کوردو کوردستاننشینان، لە هەر کوێیەکی دنیا هەن..
هۆکاری سەرەکیی بێسەریی و بێئیرادەیی و بێدەوڵەتیی و تەواوی نەهامەتیی و کەوتن و شکست و پاشەکشەو لەتبونمان؛ ناکۆکییە ناڕەواکانمانن، قبوڵکردنی هەموو ئەوای ترە بە دوژمنەکانیشمانەوە؛ جگە لە خۆمان، لە دوای تۆفانەوە بۆ لە دەستدانی نێوان دەریای قەزوین و دەریای ڕەش، بۆ مادو بۆ چاڵدێران و بۆ ناوبەرداشی ململانێ ناوچەیی و نێودەوڵەتییەکان و شەڕی میرەکان و شەڕی براکان و بۆ ئەمڕۆ، بۆ شەڕی نێوان هەست و نەستمان، چ لە سەر ئاستی خود، چ لەسەر ئاستی تاک، چ لەسەر ئاستی کۆمەڵگاو دامەزراوە کۆمەڵایەتیی و سیاسیی و حیزبیی حکومیی و ئابوریی و ئارامیی و زانیاریی و دادوەریی و دبلۆماسییەکان؛ پەرت و کەرت و کەم و کورت و کووڕ بوین و؛ چاومان یەکتر نابینێت.
مێژومان ئەزموننەکردووەو هەزار گلان نەیکردوین بەسوار، نە سودمان لە شکستەکانمان بینیوە، نە توانیومانە سەرکەوتنەکان بپارێزین.بەردەوام هەندێکمان دەبینە کلکی تەورو ئەوی ترمان دەبڕینەوە، شایی لایەکمان شینی ئەویترمان و کۆستی لایەکمان شادیی ئەویترمانە، خۆمان بێئەرزش و دوژمنانمان سەردار کردووە.
((ئەوانەی لە مێژووی ڕابردووی خۆیان بێئاگا دەمێننەوە، مەحکومن بەوەی؛ کە دووپاتی بکەنەوە))؛ ئێستا ئیتر، کاتی ئەوە درەنگبووە کە دەبێت بەئاگابێینەوە، دەسەڵات و داهات و فەخفەخەو فەنتازیاو لەزەت و شیرینیی و چەوریی دەسەڵاتدارێتیی؛ لەمەزیاتر فریومان نەدەن.
مانەوەو چارەنوسی کوردو کوردستان بە تەمەن و مانەوەو ژیانی کەسمانەوە نەبەستراوەتەوە، بەڵام بەیەکەوە دەتوانین ئەمڕۆو ئایندەیەکی باشترو سەروەریی زیاتر بۆ خەڵک و خاک و نیشتمانەکەمان و خۆمان؛ زامنبکەین، تاوان و کارەسات و هەڵەو چەوت و چەوێڵییەکانی پێشوومان؛ ڕاستبکەینەوە، باری لاری سەرشانمان ڕێکبکەینەوە.
بە ناکۆکیشمان تەنها قەدەری ژیانێکی شایستەتر؛ دوردەخەینەوە.
بۆیە؛ ئەمڕۆ، بەر لە سبەی داوا لە هەموو تاک و دەستەو لایەنێکی ئەم کوردو کوردستانە، لە ناوەوەو دەرەوەی کوردستان، دەکەم: بەر لە نەورۆزی ئەمساڵ، بەگیانێکی لەخۆبوردووانەوە، بڕیاری قبوڵکردنی یەکتر بدەن، گرنگ نییە چی لە یەکتر قبوڵدەکەن، یاخود نایکەن، گرنگ ئەوەیە یەکتر قبوڵبکەن، یەکتر ئاشتبکەنەوەو ئیرادەی نیشتمانیمان بەهێزبکەنەوە، لە کەلەڕەقیی و سەرکەشیی و سەرەڕۆیی و پەرتەوازەیی و جەمسەرگیریی؛ دور بکەونەوە.
خۆتان دەستی ئاشتەوایی بۆ یەکتر درێژبکەن، بۆ ئاشتیی پرس بە کەس مەکەن، تێبگەن لەوەی کەستان ناتوانن ئەویترتان خاپور بکەن.
ئیرادە و شکۆو مێژوو ڕەسەنایەتیی و قوربانیی و دەسکەوتەکانی کوردو کوردستانیان؛ لەمە وردوخاشتر مەکەن.
ئازابن، بەرپرسیارو جوامێر و دەستپێشخەرو لێبوردەو بوێربن؛
پێش ئاگری نەورۆز، ئاگر لە ناکۆکییەکانتان بەردەن.
ئەگەرنا؛
ناکۆکییە ناڕەواکانتان؛ ئاگر لە هەموو ڕەوایەتییەک بەردەدات.