കുണ്ടറ

09/10/2024

18/07/2024

കുണ്ടറ: പള്ളിമുക്ക് വെള്ളിയാനോട്ട് ലെന ഭവനിൽ കെ എസ് ഇ ബി അസി. എഞ്ചിനീയർ പ്രിൻസ് ഫിലിപ്പ് (48) അന്തരിച്ചു.
സംസ്കാരം ഇന്ന് (18/07/24) 3 മണിക്ക് കുണ്ടറ ശാലേം മാർത്തോമാ പള്ളിയിൽ.

04/07/2024

കുണ്ടറ: ആറുമുറിക്കട പുലിപ്ര പ്ലാവിള താഴതിൽ പ്രദീപ് ഭവനിൽ ഏലിയാമ്മ ജോർജ് (അമ്മിണി -70) അന്തരിച്ചു.
സംസ്കാരം ശനിയാഴ്ച (06/07/24)മൂന്നിന് കുണ്ടറ ശാലേം മാർത്തോമ്മ പള്ളിയിൽ.

25/06/2024

കുണ്ടറ : മുളവന പുലിപ്ര ചരുവിളവീട്ടിൽ ജനാർദ്ദനൻ (72)നിര്യാതനായി.സംസ്കാരം ഇന്ന്(2024 ജൂൺ 25,ചൊവ്വാഴ്ച)വൈകിട്ട് 5മണിക്ക് വീട്ട്‌വളപ്പിൽ.

24/06/2024

കുണ്ടറ :മുളവന കന്നിമേൽ മുക്കിൽ മണലയ്യത്ത് സുനിൽ ബംഗ്ലാവിൽ ശ്രീ. ജോൺസൺ കോശി( 85 )നിര്യാതനായി.
സംസ്കാരം പിന്നീട്.

12/06/2024

കുണ്ടറ: പള്ളിമുക്ക് പടിപ്പുര വീട്ടിൽ യോഹന്നാൻ പണിക്കരുടെയും (മാമച്ചൻ) അന്നമ്മ യോഹന്നാൻ്റെയും മകൻ ഷൈൻ യോഹന്നാൻ പണിക്കർ ( 46) അയർലൻഡിൽ വച്ചു അന്തരിച്ചു.

06/06/2024

കുണ്ടറ : കുണ്ടറ സ്വദേശിയായ സി.ആർ.പി.എഫ് ജവാൻ മഹാരാഷ്ട്രയിൽ വാഹനാപകടത്തിൽ മരിച്ചു.
ഇളമ്പള്ളൂർ കോവിൽമുക്ക് ഗിരീഷ് ഭവനത്തിൽ നിത്യാനന്ദൻ പിള്ള ഗിരിജാ ദേവി ഭമ്പതികളുടെ മകൻ ഗിരീഷ് കുമാർ (40) ആണ് മരിച്ചത്. ഇന്ന് ഉച്ചയ്ക്ക് ശേഷം മഹാരാഷ്ട്രയിലെ ബിഡ് ജില്ലയിലായിരുന്നു അപകടം. ചത്തീസ്ഗഡിൽ നിന്നും തെരഞ്ഞെടുപ്പ് ജോലിക്കായി മഹാരാഷ്ട്രയിൽ എത്തി മടങ്ങുമ്പോഴായിരുന്നു അപകടം. യാത്രയ്ക്കിടയിൽ വിശ്രമത്തിനായി റോഡിൽ ഇറങ്ങി നിൽക്കുകയായിരുന്നു ഗിരീഷും സംഘവും. നിയന്ത്രണം വിട്ടെത്തിയ ട്രക്ക് ഒരു വാഹനത്തിൽ ഇടിക്കുകയും ഇടിയുടെ ആഘാതത്തിൽ മുന്നിലുണ്ടായിരുന്ന ഇവർ സഞ്ചരിച്ചിരുന്ന സ്കോർപിയോ മുന്നിലേക്ക് നീങ്ങുകയും സ്കോർപിയോയ്ക്ക് മുന്നിൽ നിന്ന ഗിരീഷ് അടങ്ങുന്ന സംഘം മുന്നിലെ വാഹനത്തിൻ്റെ ഇടയിൽ ഞെരിഞ്ഞ് അമരുകയുമായിരുന്നു. മൃതദ്ദേഹം പോസ്റ്റുമോർട്ടത്തിന് ശേഷം ഇന്ന് നാട്ടിലെത്തിക്കും. ഭാര്യ - സൗമ്യ മോൾ ' മക്കൾ - ഗോകുൽ, ഗിരിനന്ദ

30/05/2024

കുണ്ടറ: മുക്കട ന്യൂ സ്റ്റോർ ഉടമ അബ്ദുൽ നാസർ അന്തരിച്ചു.

06/05/2024

ഹണിട്രാപ്പ് - യുവതി ഉൾപ്പടെ 4 പ്രതികള്‍ പിടിയില്‍

യുവാവിനെ പ്രണയകെണിയില്‍ പെടുത്തി പണവും സ്വര്‍ണ്ണവും മൊബൈല്‍ ഫോണും കവര്‍ന്ന സംഭവത്തില്‍ യുവതി അടക്കം നാല് പ്രതികള്‍ പോലീസ് പിടിയിലായി. ചവറ പയ്യലക്കാവ് ത്രിവേണിയില്‍ കുര്യന്‍ മകള്‍ മാളു എന്ന് വിളിക്കുന്ന ജോസ്ഫിന്‍ (28), ചവറ ഇടത്തുരുത്ത് നഹാബ് മന്‍സിലില്‍ വഹാബ് മകന്‍ നഹാബ്(30), ചവറ മുകുന്ദപുരം അരുണ്‍ഭവനത്തില്‍ രാധാകൃഷ്ണന്‍ മകന്‍ അപ്പു എന്ന് വിളിക്കുന്ന അരുണ്‍(28), പാരിപ്പള്ളി മീനമ്പലത്ത് എസ്.എന്‍ നിവാസില്‍ രവി മകന്‍ അരുണ്‍(30) എന്നിവരാണ് കൊല്ലം ഈസ്റ്റ് പോലീസിന്റെ പിടിയിലായത്. ശക്തികുളങ്ങര സ്വദേശിയായ യുവാവുമായി ഫോണിലൂടെ ബന്ധം സ്ഥാപിച്ച ശേഷം യുവതി ഇയാളെ തന്റെ വീട്ടിലേക്ക് വരണമെന്ന് നിർബന്ധിച്ച് കൊല്ലം താലൂക്ക് ഓഫീസിന് സമീപത്തേക്ക് വിളിച്ചു വരുത്തി. ഇവിടെ എത്തിയ യുവാവിനെ പ്രതികള്‍ നാലുപേരും ചേര്‍ന്ന് മര്‍ദ്ദിക്കുകയും കൊല്ലുമെന്ന് ഭീഷണിപ്പെടുത്തി പണവും മൊബൈല്‍ഫോണും സ്വര്‍ണ്ണ മോതിരവും കവരുകയും ചെയ്തു. യുവാവിന്റെ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്ത ഈസ്റ്റ് പോലീസ് പ്രതികളെ കണ്ടെത്തി അറസ്റ്റ് ചെയ്യുകയായിരുന്നു. ഒന്നാം പ്രതിയായ യുവതിക്കെതിരെ മയക്കുമരുന്ന് കേസ് അടക്കം നിലവിലുണ്ട്. കൊല്ലം എസിപി അനുരൂപിന്റെ നിര്‍ദ്ദേശാനുസരണം ഈസ്റ്റ് എസ്.ഐ മാരായ ദില്‍ജിത്ത്, ഡിപിന്‍, ആശാ ചന്ദ്രന്‍ എ.എസ്.ഐ സതീഷ്‌കുമാര്‍ എസ്.സി.പി.ഒ അനീഷ്, സി.പി.ഒ അനു എനിവരടങ്ങിയ സംഘമാണ് പ്രതികളെ പിടികൂടിയത്.

25/04/2024

കുണ്ടറയിൽ നടന്ന തിരഞ്ഞെടുപ്പ് പ്രചാരണത്തിന് സമാപനം കുറിച്ചുകൊണ്ടുള്ള കലാശക്കൊട്ട്.

22/04/2024

*കുണ്ടറയിൽ 23.4.2024 ചൊവ്വാഴ്ച ഗതാഗത നിയന്ത്രണം*

കുണ്ടറ : പത്താമുദയ മഹോത്സവത്തിനോട് അനുബന്ധിച്ച് 23.4.2024 ചൊവ്വാഴ്ച കുണ്ടറയിൽ വൈകിട്ട് 3 മണി മുതൽ ഗതാഗത നിയന്ത്രണം ഉണ്ടായിരിക്കുന്നതാണ്.

കൊട്ടാരക്കര ഭാഗത്തു നിന്ന് കൊല്ലത്തേക്ക് പോകുന്ന വാഹനങ്ങൾ ആശുപത്രിമുക്ക് തിരിഞ്ഞ് പെരുമ്പുഴ വഴി കേരളപുരത്ത് എത്തി കൊല്ലത്ത് പോകാവുന്നതാണ്. കൊല്ലത്തു നിന്ന് വരുന്ന വാഹനങ്ങൾ കേരളപുരത്തു നിന്നും തിരിഞ്ഞ് പെരുമ്പുഴ - ആശുപത്രിമുക്ക് വഴി കൊട്ടാരക്കരയിലേക്കും കൊട്ടിയത്തേക്കും പോകാവുന്നതാണ്. ചിറ്റുമല ഭാഗത്തു നിന്നും അഞ്ചാലുമൂട് ഭാഗത്തേക്ക് പോകേണ്ടവർ കച്ചേരിമുക്ക് മൃഗാശുപത്രി വഴി നാന്തിരിക്കൽ എത്തി പോകാവുന്നതാണ്. അഞ്ചാലുമൂട്ടിൽ നിന്നും ചിറ്റുമല ഭാഗത്തേക്ക് പോകേണ്ടവർ നാന്തിരിക്കൽ തിരിഞ്ഞു കച്ചേരിമുക്കിൽ എത്തി പോകാവുന്നതാണ്.

20/04/2024

കുണ്ടറ: ഇന്നലെ പേരയം സൗന്ദര്യ ജംഗ്ഷന് സമീപം വരമ്പ് ഭാഗത്തുണ്ടായ വാഹനാപകടത്തിൽ പരിക്കേറ്റു ചികിത്സയിലായിരുന്ന കുമ്പളം പ്രമോദ് നിവാസിൽ പ്രണവ് എൽ ദാസ് മരണത്തിന് കീഴടങ്ങി.
ജേഷ്ഠ സഹോദരൻ പ്രമോദ് എൽ.ദാസ് (27) ഇന്നലെത്തന്നെ മരണപ്പെട്ടിരുന്നു.
കുണ്ടറ ഭാഗത്തു നിന്നും ചിറ്റുമല ഭാഗത്തേക്ക് പോയ കെ.എസ്.ആർ.റ്റി.സി ബസ് എതിരെ വന്ന ബൈക്കുമായി കൂട്ടിയിടിക്കുകയായിരുന്നു.
ഇരുവരുടെയും സംസ്കാരം നാളെ (21/04/24) വൈകിട്ട് 3.30 ന് കുമ്പളം സെൻ്റ് മൈക്കിൾസ് ചർച്ചിൽ.