Our Pattikkad

12/01/2025

തദ്ദേശവാർഡ് വിഭജനം: ജനുവരി 31ന് തൃശൂർ ജില്ലയിൽ ഹീയറിംഗ്

തിരുവനന്തപുരം. സംസ്ഥാനത്തെ ഗ്രാമപഞ്ചായത്ത്, മുനിസിപ്പാലിറ്റി, കോർപ്പറേഷനുകളിലെ കരട് വാർഡ് വിഭജന നിർദ്ദേശങ്ങൾ സംബന്ധിച്ച പരാതികളിൽ ജില്ലാതല ഹിയറിംഗ് ജനുവരി 16 മുതൽ ഫെബ്രുവരി 22 വരെ നടത്തുമെന്ന് ഡീലിമിറ്റേഷൻ കമ്മീഷൻ ചെയർമാൻ കൂടിയായ സംസ്ഥാന തിരഞ്ഞെടുപ്പ് കമ്മീഷണർ എ ഷാജഹാൻ അറിയിച്ചു. ഹീയറിംഗ് ജനുവരി 16 ന് പത്തനംതിട്ടയിൽ ആരംഭിക്കും. ജനുവരി 31നാണ് തൃശൂർ ജില്ലയിലെ ഹീയറിംഗ്. ഹീയറിംഗിന് ശേഷം പരാതികൾ വിശദമായി പരിശോധിച്ച് കമ്മീഷൻ അന്തിമ വാർഡ് വിഭജന വിജ്ഞാപനം പുറപ്പെടുവിക്കും.

12/01/2025

*പീച്ചി പള്ളി അറിയിപ്പ്*
🔳🔳🔳🟩🔳🔳🔳

*KL8NEWS INFORMATION*
*JANUARY 12*
🔳🔳🔳🟩🔳🔳🔳

നാല് പെൺകുട്ടികൾ
ഡാമിൽ വീണ് അപകടം സംഭവിച്ച സാഹചര്യത്തിൽ പീച്ചി ലൂർദ്മാത പള്ളിയിലെ തിരുനാൾ പരിപാടികൾക്ക് മാറ്റം വരുത്തിയിരിക്കുന്നു. ഇന്നത്തെ തിരുനാൾ പ്രദിക്ഷണം ആറുമണിക്ക് പള്ളി ചുറ്റി മാത്രം നടത്തുന്നതാണ്. മ്യൂസിക്കൽ ബാൻഡ് പ്രോഗ്രാമും നാടകവും മാറ്റിവച്ചിരിക്കുന്നു.
🔳🔳🔳🟨🔳🔳🔳

12/01/2025

സെൻ്റ് അൽഫോൻസ പബ്ളിക് സ്കൂളിൽ വാർഷികം ആഘോഷിച്ചു

പട്ടിക്കാട്. സെൻ്റ് അൽഫോൻസ പബ്ളിക് സ്കൂളിലെ വാർഷികം, വിസ്റ്റോസ 2K24 ആഘോഷിച്ചു. സ്കൂൾ മാനേജർ അധ്യക്ഷത വഹിച്ച വാർഷിക യോഗം, തൃശൂർ ജില്ലാ പഞ്ചായത്ത് പ്രസിഡൻ്റ് വി.എസ് പ്രിൻസ് ഉദ്ഘാടനം ചെയ്തു. അതിരൂപത ചാൻസലർ റവ. ഡോ. ഡൊമനിക് തലക്കോടൻ മുഖ്യാതിഥിയായിരുന്നു.

പാണഞ്ചേരി പഞ്ചായത്ത് പ്രസിഡൻ്റ് പി.പി. രവീന്ദ്രൻ സ്കൂൾ ആൽബം പ്രകാശനം ചെയ്തു. ക്ലയർ ജ്യോതി സ്കൂൾ ഹെഡ്മിസ്ട്രസ് സി. നൈസി ചെറിയാൻ, അക്കാദമിക് ഇൻ-ചാർജ് റോസമ്മ ജോൺ, പി.ടി.എ. പ്രസിഡൻ്റ് ജോഷി എം തോമാസ്, സ്റ്റാഫ് സെക്രട്ടറി കവിത കെ., തുടങ്ങിയവർ ആശംസകളർപ്പിച്ച് സംസാരിച്ചു. വിവിധ കലാ കായിക മത്സരങ്ങളിൽ സമ്മാനം നേടിയ കുട്ടികളെ ചടങ്ങിൽ മെമൻ്റോ നൽകി ആദരിച്ചു.

കലാഭവൻ സലീമിൻ്റെ ഹ്യൂമർ ഫിയസ്റ്റ എന്ന ഹാസ്യ പരിപാടിയും ഉണ്ടായിരുന്നു. പ്രിൻസിപ്പൽ ബാബു ജോസ് തട്ടിൽ സ്വാഗതവും, പ്രോഗ്രാം കൺവീനർ ജെസ്സി ജോമോൻ നന്ദിയും പറഞ്ഞു. കുട്ടികളുടെ വിവിധ കലാപരിപാടികളും ഉണ്ടായിരുന്നു.

12/01/2025

പീച്ചി ഡാമിൽ കുളിക്കാൻ ഇറങ്ങിയ നാല് പെൺകുട്ടികൾ വെള്ളത്തിൽ മുങ്ങി അപകടം.

പീച്ചി . ഡാമിൻ്റെ റിസർവോയറിൽ കുളിക്കാൻ ഇറങ്ങിയ നാലു പെൺകുട്ടികൾ വെള്ളത്തിൽ മുങ്ങി അപകടത്തിൽപ്പെട്ടു. റിസർവോയറിലെ ചെളിയിൽ മുങ്ങിയ ഇവരെ നാട്ടുകാർ ചേർന്ന് കരയ്ക്ക് എടുത്തുവെങ്കിലും മൂന്നുപേരുടെ നില ഗുരുതരമാണ് എന്നാണ് പ്രാഥമിക വിവരം. പട്ടിക്കാട് ചാണോത്ത് സ്വദേശിനികളാണ് മൂന്നുപേർ. ഇവരെ തൃശ്ശൂരിലെ സ്വകാര്യ ആശുപത്രിയിലേക്ക് കൊണ്ടുപോയി. ഇന്ന് ഉച്ചയ്ക്ക് മൂന്ന് മണിയോടെയാണ് സംഭവം. പീച്ചിയിലുള്ള സുഹൃത്തിൻ്റെ വീട്ടിലേക്ക് എത്തിയതായിരുന്നു കുട്ടികൾ എന്നാണ് വിവരം. തെക്കേകുളം അങ്കണവാടിയുടെ പരിസരത്താണ് ഇവർ റിസർവോയറിൽ ഇറങ്ങിയത്.

11/01/2025

😐😐

ഉദ്ഘാടനം കഴിഞ്ഞിട്ട് ഒരുവർഷം; പ്രവർത്തനം തുടങ്ങാതെ ആശുപത്രി കെട്ടിടം

പട്ടിക്കാട്. പുതിയ കെട്ടിടത്തിന്റെ ഉദ്ഘാടനം കഴിഞ്ഞ് ഒരു വർഷമായിട്ടും അതിൽ പ്രവർത്തനം തുടങ്ങാൻ കഴിയാത്ത ഗതികേടിലാണ് പട്ടിക്കാട് കുടുംബാരോഗ്യ കേന്ദ്രം. ദിവസംതോറും നൂറുകണക്കിന് രോഗികളെത്തുന്ന ഈ ആശുപത്രി ഇപ്പോൾ സൗകര്യക്കുറവു മൂലം ശ്വസം മുട്ടുകയാണ്. കെട്ടിടത്തിലെ വൈദ്യുതീകരണപ്രവർത്തനങ്ങൾ പൂർത്തിയാക്കാത്തതാണ് പ്രവർത്തനം തുടങ്ങാൻ തടസ്സമായതെന്നാണ് വിശദീകരണം.

2024 ജനുവരി 19ന് മന്ത്രി കെ. രാജന്റെ അധ്യക്ഷതയിൽ ആരോഗ്യ മന്ത്രി വീണ ജോർജാണ് പുതിയ കെട്ടിടത്തിന്റെ ഉദ്ഘാടനം നടത്തിയത്. ഉദ്ഘാടനം കഴിഞ്ഞിട്ട് ഒരു വർഷം തികയുകയാണ്. സംസ്ഥാന സർക്കാരിന്റെ ആർദ്രം മിഷന്റെ ഭാഗമായി പ്ലാൻ ഫണ്ടിൽ ഉൾപ്പെടുത്തി ഒരു കോടി രൂപയാണ് ഇതിനുവേണ്ടി ചെലവഴിച്ചത്. ദേശീയപാതയിൽ ആലത്തൂരിനും തൃശൂരിനുമിടയിൽ സർക്കാരിന്റെ ആദ്യത്തെ ട്രോമാകെയർ സെന്റർ സംവിധാനമുള്ള ആുപത്രിയായി പട്ടിക്കാട് കുടുംബാരോഗ്യകേന്ദ്രം മാറുമെന്നായിരുന്നു പ്രഖ്യാപനം.

അതേസമയം കെട്ടിടത്തിലെ വൈദ്യുതീകരണ ജോലികൾക്കായി 5 ലക്ഷം രൂപ അനുവദിച്ച് ടെണ്ടർ നടപടികളായിട്ടുണ്ടെന്നും താമസിയാതെ പണികൾ ആരംഭിക്കുമെന്നും അധികൃതർ പറയുന്നു. പട്ടിക്കാട് കുടുംബാരോഗ്യകേന്ദ്രത്തിന്റെ പുതിയ കെട്ടിടം ഉടൻ പ്രവർത്തനസജ്ജമാക്കണമെന്നും ഇവിടെ തുടങ്ങുമെന്ന് പ്രഖ്യാപിച്ച ട്രോമാ കെയർ സംവിധാനം വേഗം ഏർപ്പെടുത്തണമെന്നുമാണ് ജനങ്ങൾ ആവശ്യപ്പെടുന്നത്. സർക്കാരിന്റെ ഭാഗത്തുനിന്ന് ഇക്കാര്യത്തിൽ അടിയന്തര നടപടികളുണ്ടാകണം.

09/01/2025

*ജില്ലയിലെ സ്‌കൂളുകള്‍ക്ക് നാളെ (ജനുവരി 10) അവധി*

63-ാമത് സംസ്ഥാന സ്‌കൂള്‍ കലോത്സവത്തില്‍ തൃശ്ശൂര്‍ ജില്ല 26 വര്‍ഷത്തിനു ശേഷം ചാമ്പ്യന്‍മാരായി സ്വര്‍ണ്ണക്കപ്പ് നേടിയത് ജില്ലയ്ക്ക് അഭിമാനാര്‍ഹമായ വിജയമായതിനാല്‍ ആഹ്ലാദ സൂചകമായി തൃശ്ശൂര്‍ ജില്ലയിലെ സ്‌കൂളുകള്‍ക്ക് നാളെ (ജനുവരി 10) അവധി പ്രഖ്യാപിച്ചു. ജില്ലയിലെ സര്‍ക്കാര്‍, എയ്ഡഡ്, അണ്‍ എയ്ഡഡ്, സിബിഎസ്ഇ, ഐസിഎസ്ഇ ഉല്‍പ്പെടെയുള്ള എല്ലാ സ്‌കൂളുകള്‍ക്കും അവധി ബാധകമായിരിക്കും.

08/01/2025

ചെമ്പൂത്ര മകരച്ചൊവ്വ ഉത്സവത്തിന് കൊടിയേറി

പട്ടിക്കാട്. ചരിത്ര പ്രസിദ്ധമായ ചെമ്പൂത്ര ശ്രീ കൊടുങ്ങല്ലൂർക്കാവ് ഭഗവതി ക്ഷേത്രത്തിലെ മകരച്ചൊവ്വ ഉത്സവത്തിന് ക്ഷേത്രം തന്ത്രി മുണ്ടാരപ്പിള്ളി മനയ്ക്കൽ ഡോ. മുരളീകൃഷ്ണൻ നമ്പൂതിരി കൊടിയേറ്റി. വൈകീട്ട് 6.30ന് റവന്യൂ മന്ത്രി കെ. രാജൻ ആഘോഷ പരിപാടികൾ ഉദ്ഘാടനം ചെയ്യും. പ്രശസ്ത നർത്തകി കലാമണ്ഡലം ക്ഷേമാവതി മുഖ്യാതിഥിയായി പങ്കെടുക്കും. ജനുവരി 12 ഞായറാഴ്ച രാവിലെ 7 മണിമുതൽ ക്ഷേത്രമൈതാനിയിൽ പൊങ്കാല നടത്തും. ഉത്സവദിനമായ ജനുവരി 14 ചൊവ്വാഴ്ച വൈകീട്ട് 4 മണിക്ക് വിവിധ ദേശങ്ങളിൽ നിന്നുള്ള പൂരങ്ങൾക്ക് വരവേൽപ്പ് നൽകും. 6 മണിക്കാണ് കൂട്ടിയെഴുന്നെള്ളിപ്പ്. പുലർച്ച 4 മുതൽ വീണ്ടും ദേശപൂരങ്ങൾക്ക് വരവേൽപ്പ് നൽകും 5.30നാണ് കൂട്ടിയെഴുന്നെള്ളിപ്പ്. കൂട്ടിയെഴുന്നെള്ളിപ്പുകൾക്ക് പാണ്ടി, പഞ്ചാരി മേളങ്ങൾ അകമ്പടിയേകും.

© പ്രൈം ന്യൂസ് മലയാളം

08/01/2025

സംസ്ഥാന സ്‌കൂൾ കലോത്സവത്തിൽ തൃശൂരിന് കിരീടം.

കലയുടെ കനകകിരീടം വീണ്ടും കലയുടെ തലസ്ഥാനമായ തൃശൂരിലേയ്ക്ക്.... അവസാന മത്സരം വരെ നീണ്ട പേരാട്ടത്തിൽ ഫോട്ടോഫിനിഷിലാണ് കിരീടനേട്ടം. ഒരൊറ്റ പോയൻ്റ് വ്യത്യാസത്തിലാണ് തൃശൂർ പാലക്കാടിനെ മറികടന്നത്. തൃശൂരിന് 1008 പോയൻ്റും പാലക്കാടിന് 1007 പോയന്റും. ഹൈസ്‌കൂൾ വിഭാഗത്തിൽ ഇരു ടീമുകളും 482 പോയന്റുമായി ഒപ്പത്തിനൊപ്പമാണ്. ഹയർ സെക്കൻഡറിക്കാരാണ് തൃശൂരിന്റെ രക്ഷയ്ക്കെത്തിയത്. ഹയർ സെക്കൻഡറിയിൽ തൃശൂരി 526 ഉം പാലക്കാടിന് 525 പോയന്റുമാണുള്ളത്.

07/01/2025

ജില്ലയിലെ അന്തിമവോട്ടര്‍പട്ടിക പ്രസിദ്ധീകരിച്ചു; ജില്ലയില്‍ ആകെ 26,74,625 വോട്ടര്‍മാര്‍

പ്രത്യേക സംക്ഷിപ്ത വോട്ടര്‍പട്ടിക പുതുക്കല്‍ 2025 ന്റെ ഭാഗമായി 2025 ജനുവരി 1 യോഗ്യതാ തീയതിയായ അന്തിമവോട്ടര്‍പട്ടിക പ്രസിദ്ധീകരിച്ചു. ജില്ലയില്‍ 13 നിയമസഭാമണ്ഡലങ്ങളിലെ 2338 പോളിംഗ് സ്റ്റേഷനുകളിലായി ആകെ 26,74,625 വോട്ടര്‍മാരാണ് ഉളളത്. ഇതില്‍ 12,77,491 പുരുഷ വോട്ടര്‍മാരും 13,97,098 സ്ത്രീ വോട്ടര്‍മാരും 36 ട്രാന്‍സ്‌ജെന്‍ഡര്‍ വോട്ടര്‍മാരും ഉള്‍പ്പെടുന്നു. 2024 വര്‍ഷത്തെ അന്തിമപട്ടികയിലെ വോട്ടര്‍മാരുടെ എണ്ണത്തെക്കാള്‍ 83,904 വോട്ടര്‍മാരുടെ വര്‍ദ്ധനവ് ഈ വര്‍ഷം ഉണ്ടായിട്ടുണ്ട്. സമ്മതിദായകരുടെ സ്ത്രീ/ പുരുഷ അനുപാതം 1094. പുതുതലമുറ വോട്ടര്‍മാര്‍ 33,985 (18-19 വയസ്സ്) 26,881 ഭിന്നശേഷി വോട്ടര്‍മാരും 4055 പ്രവാസി വോട്ടര്‍മാരും 1660 സര്‍വീസ് വോട്ടര്‍മാരും പട്ടികയില്‍ ഉള്‍പ്പെട്ടിട്ടുണ്ട്. കരട് വോട്ടര്‍പട്ടികയിന്മേലുളള അവകാശങ്ങളും ആക്ഷേപങ്ങളും എല്ലാം തീര്‍പ്പാക്കികൊണ്ടാണ് ജില്ലയിലെ 13 മണ്ഡലങ്ങളിലേയും അന്തിമവോട്ടര്‍പട്ടിക തയ്യാറാക്കിയിട്ടുളളത്.

അന്തിമവോട്ടര്‍പട്ടികയുടെ ജില്ലാതല പ്രസിദ്ധീകരണം ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാകളക്ടര്‍ അര്‍ജുന്‍ പാണ്ഡ്യന്‍ ഒല്ലൂര്‍ നിയോജകമണ്ഡലത്തിലെ 84-ാം നമ്പര്‍ ബൂത്ത് ലെവല്‍ ഓഫീസര്‍ സി.ജെ ബിനോയ്ക്ക് പട്ടിക കൈമാറിക്കൊണ്ട് നിര്‍വ്വഹിച്ചു. വോട്ടര്‍പട്ടിക ബന്ധപ്പെട്ട ഇലക്ടറല്‍ രജിസ്‌ട്രേഷന്‍ ഓഫീസര്‍മാരുടേയും അസിസ്റ്റന്റ് ഇലക്ടറല്‍ രജിസ്‌ട്രേഷന്‍ ഓഫീസര്‍മാരുടേയും വില്ലേജ് ഓഫീസര്‍മാരുടേയും കാര്യാലയത്തില്‍ പ്രസിദ്ധീകരിക്കും. പട്ടികയുടെ പ്രിന്റ് ചെയ്ത ഒരു കോപ്പിയും ഒരു ഡിജിറ്റല്‍ കോപ്പിയും അംഗീകൃത രാഷ്ട്രീയപാര്‍ട്ടികള്‍ക്ക് സൗജന്യമായി ലഭ്യമാക്കും. ceo.kerala.gov.in എന്ന വെബ്‌സൈറ്റിലും പട്ടികയുടെ ഡിജിറ്റല്‍ രൂപം ലഭ്യമാകും.

05/01/2025

മാർത്തോമ്മാ ശ്ലീഹാ പള്ളിയിൽ തിരുനാൾ ആഘോഷം🥳🥳

പട്ടിക്കാട്. മാർത്തോമ്മാ ശ്ലീഹാ പള്ളിയിൽ തിരുനാൾ ആഘോഷങ്ങൾക്ക് തുടക്കമായി. ദീപാലങ്കാര സ്വിച്ച് ഓൺ കർമ്മം ഇടവക വികാരി ഫാ.സിറിൽ ആന്റണി നിർവ്വഹിച്ചു. ജനുവരി 3,4,5,6 തീയതികളിലാണ് തിരുനാൾ. കൺവീനർ സൈമൺ കെ.ഡി, കൈകാരന്മാരായ കെ.എൽ ഷാജി, എ.വി ഷാജു, പാരിഷ് കൗൺസിൽ അംഗങ്ങൾ തുടങ്ങിയവർ തിരുനാൾ ആഘോഷങ്ങൾക്ക് നേതൃത്വം നൽകും

പിണ്ടിപ്പെരുന്നാളിനോടനുബന്ധിച്ച് 18-ാമത് വാർഷികം ആഘോഷിക്കുന്ന
പട്ടിക്കാട് Teamcelebration Club ന്റെ നേതൃത്വത്തിൽ പെരുന്നാൾ ആഘോഷ പരിപാടികൾ സംഘടിപ്പിക്കുന്നു. അന്നേദിവസം ഉച്ചതിരിഞ്ഞ് മൂന്നുമണിക്ക് കോലമേന്തിയ ഗജവീരന്റെയും വോയിസ് ഓഫ് പാലക്കാട് ബാൻ്റ് സെറ്റിന്റെയും അകമ്പടിയോടുകൂടി ആഘോഷ പരിപാടികൾ ആരംഭിക്കും

03/01/2025

2025 ചെമ്പൂത്ര മകരചൊവ്വ🥳 അണിനിരക്കുന്ന ഗജവീരന്മാർ 🐘🐘

03/01/2025

ചെമ്പൂത്ര മകരചൊവ്വ മഹോത്സവം 🥳
2025 ജനുവരി 8 മുതൽ 15 വരെ..

02/01/2025

👇👇

29/12/2024

മുൻ പ്രധാനമന്ത്രി ഡോ മൻമോഹൻ സിംഗിന്റെ നിര്യാണത്തിൽ സർവ്വകക്ഷി അനുശോചന യോഗം ചേർന്നു

പട്ടിക്കാട്. മുൻ പ്രധാനമന്ത്രി ഡോ. മൻമോഹൻ സിംഗിന്റെ നിര്യാണത്തിൽ പാണഞ്ചേരി മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ സർവ്വകക്ഷി അനുശോചന യോഗം ചേർന്നു. റവന്യൂ വകുപ്പ് മന്ത്രി കെ രാജൻ അനുസ്മരണ പൊതുയോഗം ഉദ്ഘാടനം ചെയ്തു. ലോകം കണ്ട മികച്ച ഭരണാധികാരികളിൽ ഒരാളായിരുന്നു ഡോ. മൻമോഹൻ സിംഗ് എന്നും പ്രധാനമന്ത്രിയായിരുന്ന കാലയളവിൽ കേരളത്തിന് ഒരുപാട് പദ്ധതികൾ നൽകുകയും നടപ്പിലാക്കുകയും ചെയ്ത ഭരണകർത്താവായിരുന്നു അദ്ദേഹമെന്നും മന്ത്രി പറഞ്ഞു. ഡിസിസി എക്സിക്യൂട്ടീവ് മെമ്പർ കെ.സി അഭിലാഷ് അദ്ധ്യക്ഷത വഹിച്ചു. കോൺഗ്രസ് നേതാവും സാമ്പത്തിക വിദഗ്ദനുമായിരുന്ന ഡോ. മൻമോഹൻ സിംഗിന്റെ മരണം രാജ്യത്തിന് തീരാനഷ്ടമാണെന്ന് അദ്ദേഹം പറഞ്ഞു.

പാണഞ്ചേരി ഗ്രാമപഞ്ചായത്ത് പ്രസിഡണ്ട് പി.പി രവീന്ദ്രൻ, മുതിർന്ന മാധ്യമ പ്രവർത്തകൻ ജോർജ് പൊടിപാറ, വിവിധ രാഷ്ട്രീയപാർട്ടി കക്ഷി നേതാക്കളായ വി.സി സുജിത്, മനു പുതിയാമഠം, ജയൻ പൂശ്ശേരി, സനിൽ വാണിയമ്പാറ, രാജു പാറപ്പുറം, ബാബു തോമസ്, മിനി നിജോ, ഷിബു പോൾ, റെജി പാണംകുടിയിൽ, എം.എ മൊയ്‌ദീൻകുട്ടി, വി.ബി ചന്ദ്രൻ, അനിൽ നാരായണൻ, ബ്ലെസ്സൺ വർഗീസ്, അനീഷ് മേക്കര, സി.എസ് ശ്രീജു, എ.സി മത്തായി, കെ.എം പൗലോസ്, ബാബു പാണംകുടിയിൽ, തിമോതി സി പാർലികാടൻ, ജോസ് മൈനാട്ടിൽ, രാജു കാവിയത്, ഷിബു പീറ്റർ, കൊച്ചു മാത്തു, ഇബ്രാഹിം, ബീന, വർഗീസ് വട്ടംകാട്ടിൽ, ചെറിയാൻ തോമസ്, ബർക്കുമെൻസ്, റോയ് ചിറയ്ക്കതൊട്ടിയിൽ എന്നിവർ പങ്കെടുത്തു സംസാരിച്ചു.
© പ്രൈം ന്യൂസ് മലയാളം

28/12/2024

പൂരം ഭംഗിയായി നടത്തലാണ് പോലീസിന്റെ പണി അല്ലാതെ പൂരം മുടക്കലല്ല
മന്ത്രി കെ. രാജൻ

ചെമ്പൂത്ര പൂരം അവലോകന യോഗത്തിലാണ്
പോലീസിന് മന്ത്രി കെ രാജൻ്റെ താക്കീത്. എരവിമംഗലം ഷഷ്ടി, പാലയൂർ എന്നിവിടങ്ങളിൽ നടന്ന പോലീസും പ്രദേശവാസികളും തമ്മിലുള്ള പ്രശ്നങ്ങൾ എടുത്തുപറഞ്ഞാണ് പോലീസിന് മന്ത്രി താക്കീത് നൽകിയത്. പ്രശ്നമുണ്ടാക്കുന്നവരെ പൂരപ്പറമ്പിൽ പ്രദർശന വസ്തു ആക്കണ്ട എന്നും ഉടനെ സ്റ്റേഷനിലേക്ക് കൊണ്ടുപോകണമെന്നും പ്രശ്നാന്തരീക്ഷം സൃഷ്ടിക്കരുതെന്നും മന്ത്രി പറഞ്ഞു. ഉത്സവം നടത്തിക്കലാണ് സർക്കാരിൻറെ അജണ്ട എന്നുo ഉത്സവങ്ങൾ മുടക്കുവാൻ ആരെയും സമ്മതിക്കില്ല എന്നും മന്ത്രി കെ രാജൻ കൂട്ടിച്ചേർത്തു.
© KL8 News

27/12/2024

അറുപത്തോളം കലാസമിതികൾ, എണ്ണൂറോളം കലാകാരന്മാർ, തെയ്യം തിറ ദേവനൃത്തം........... തുടങ്ങിയ കലാരൂപങ്ങളുടെ സാംസ്കാരിക ഘോഷയാത്ര ഡിസംബർ 30 ന് 4 മണി മുതൽ തൃശൂർ റൗണ്ടിൽ സംഘടിപ്പിക്കുന്നു..........

ഏവർക്കും സ്വാഗതം..🙏🏻

26/12/2024

പ്രണാമം 🙏

24/12/2024

ട്രാഫിക് ഫൈനുകൾ അടയ്ക്കുന്നതിനുള്ള മെഗാ അദാലത്തുമായി തൃശൂർ സിറ്റി പോലീസ്

കേരള പോലീസും മോട്ടോർ വാഹന വകുപ്പും ഇ ചെലാൻ മുഖേന നൽകിയിട്ടുള്ള ട്രാഫിക് ഫൈനുകളിൽ 2021 വർഷം മുതൽ യഥാസമയം പിഴ അടയ്ക്കാൻ സാധിക്കാത്തതും നിലവിൽ കോടതിയിൽ ഉള്ളതുമായ ചലാനുകളിൽ പ്രോസിക്യൂഷൻ നടപടികൾക്ക് ശുപാർശ ചെയ്തിട്ടുള്ളവ ഒഴികെയുള്ള എല്ലാ ചലാനുകളും പിഴയൊടുക്കി തുടർ നടപടികളിൽ നിന്നും ഒഴിവാക്കുവാൻ തൃശൂർ സിറ്റി ജില്ലാ പോലീസും മോട്ടോർ വാഹന വകുപ്പും ചേർന്ന് അദാലത്ത് സംഘടിപ്പിക്കുന്നു.

തശൂർ സിറ്റി ജില്ലാ പോലീസ് കൺട്രോൾ റൂമിൽവച്ച് 2024 ഡിസംബർ 27,28,29 എന്നീ തിയ്യതികളിൽ സംഘടിപ്പിക്കുന്ന അദാലത്തിൽ രാവിലെ 10 മണി മുതൽ വൈകീട്ട് 4.00 മണി വരെ തൃശൂർ ഹൈറോഡിലുള്ള പഴയ കണ്ട്രോൾ റൂമിൽ പൊതു ജനങ്ങൾക്ക് നേരിട്ട് എത്തി പിഴ ഒടുക്കാവുന്നതാണ്. പ്രസ്തുത അദാലത്തുമായി ബന്ധപ്പെട്ട വിവരങ്ങൾക്ക്
0487-2424193 (Police), 9188963108 (MVD) എന്നീ എന്നീ ഫോൺ നമ്പരുകളിൽ വിളിക്കാവുന്നതാണ്.