09/04/2023
വായനാ വസന്തം നുകരാന്‍ ഡോ. എം. കെ മുനീര്‍ എത്തി
തന്റെ കുട്ടിക്കാലത്തെ വായനാ അനുഭവങ്ങള്‍ പങ്കുവെച്ചു ഡോ. എം. കെ മുനീര്‍ ബുക്ക് കോര്‍ണറില്‍ എത്തി. പുസ്തകങ്ങള്‍ തനിക്കു സമ്മാനിച്ച അനുഭവങ്ങളും അദ്ദേഹം പങ്കു വെച്ചു.നഷ്ടമായി കൊണ്ടു ഇരിക്കുന്ന വായനാ ശീലം തിരികെ കൊണ്ടു വരുവാന്‍ ബുക്ക് മാര്‍ക്ക് ഒരുക്കിയ ബുക്ക് കോര്‍ണറിലെ വായനക്കാരനായിയാണ് തിരക്കുകള്‍ക്ക് അവിധി നല്‍കി മുനീര്‍ എത്തിയത്.
ബുക്ക് മാര്‍ക് മെമ്പര്‍ സെക്രട്ടറി എബ്രഹാം മാത്യുവിന്റെ സുഹൃത്തു കൂടി ആണ് മുനീര്‍. ബുക്ക് കോര്‍ണറില്‍ എത്തിയ മുനീറിനെ ജീവനക്കാര്‍ സ്വീകരിച്ചു.തന്റെ നിയോജക മണ്ഡലത്തിലെ സ്‌കൂളുകളില്‍ ബുക്ക് മാര്‍ക്ക് വഴി പുസ്തകങ്ങള്‍ വിതരണം ചെയ്ത കാര്യം അദ്ദേഹം ഓര്‍മിച്ചു. പുസ്തകങ്ങള്‍ സമ്മാനിച്ചു ആണ് എം. കെ മുനീറിനെ ജീവനക്കാര്‍ യാത്ര ആക്കിയത്.
