News Thane

ठाणे रेल्वे स्थानकात चेंगराचेंगरी,जीवितहानी नाही न्युज ठाणे प्रतिनिधी : दीपक कुरकुंडे ठाणे दि:सकाळी मुंबईत झालेल्या मुसळधार पावसामुळे सायन स्थानकात पाणी साचल्याने मध्य रेल्वे विस्कळीत झाली त्यामुळे ठाणे स्थानकात रेल्वे गाड्या 1 तास उशिराने धावत असल्याने फलाट क्र ४ वर मोठी गर्दी झाली होती यावेळी आलेली रेल्वे पकडण्यासाठी महिला डब्यात शिरताना महिलांमध्ये धक्काबुक्की झाली आणि त्याचे रूपांतर चेंगराचेंगरी झाले सुदैवाने रेल्वे पोलीस व प्रवाशी यांच्या प्रसंगवधनाने कोणताही अनर्थ घडला नाही

मराठा आरक्षण जाहीर ठाण्यात मराठा समाजाचा जल्लोष ठाणे दि : न्यायालयाने मराठा समाजासाठी आरक्षण जाहीर केल्यानंतर ठाण्यातील मासुंदा तलाव( तलावपाळी) येथील छत्रपती शिवाजी महाराज पुतळ्याजवळ मराठा मोर्चा व सकल मराठा समाज यांच्या कार्यकर्त्यानी ढोल आणि ताशा वाजवून तसेच लाडू वाटप करून जल्लोष करण्यात आला यावेळी रमेश आंब्रे,अविनाश पवार, दत्ता चव्हाण आदी प्रमूख कार्यकर्त्यांसह मराठा समाजाचे कार्यकर्ते उपस्थित होते

मनसेच्या पुढाकाराने कर्करोग निदान शिबीर ठाणे दि:सावित्री प्रतिष्ठान आणि महाराष्ट्र नवनिर्माण सेना यांच्या पुढाकाराने आणि कॅन्सर पेशंट एड असोसिएशन आणि स्पंदन प्रतिष्ठान यांच्या संयुक्त विद्यमाने महाराष्ट्र नवनिर्माण विद्यार्थी सेनेचे ठाणे जिल्हा अध्यक्ष संदीप पाचंगे यांच्या पुढाकाराने पोखरण रोड नं. 2 येथील कृष्णाई हॉल येथे महिलांसाठी मोफत कर्करोग निदान शिबीर आयोजित करण्यात आले होते. या शिबिराचे उदघाटन अभिनेत्री वर्षा उसगांवकर यांच्या हस्ते झाले यावेळी सावित्री प्रतिष्ठानच्या सौ. रिटाताई गुप्ता,मनसेचे जेष्ठ नेते राजन गावंड,विनय भोईटे,महाराष्ट्र नवनिर्माण विद्यार्थी सेनेचे ठाणे जिल्हा अध्यक्ष संदीप पाचंगे,पुष्कर विचारे यावेळी उपस्थित होते या शिबिरात स्तन तपासणी, पॅप स्मिअर एच.पी.व्ही., ब्लड प्रेशर, कान, नाक, घसा आणि इतर तपासण्या करण्यात आल्या. (व्हिडीओ:दीपक कुरकुंडे )

मुल्ला बाग टीएमटी डेपोला छत्रपती शिवाजी महाराज नाव द्या मराठा क्रांती मोर्चाची निदर्शने न्युज ठाणे प्रतिनिधी : दीपक कुरकुंडे ठाणे दि: सकल मराठा समाज ठाणे व मराठा क्रांती मोर्चा ठाणे यांच्या वतीने ठाण्याच्या महापौर आणि आयुक्त यांना तिसऱ्यांदा मराठा क्रांती मोर्चाच्या वतीने स्मरण पत्र निवेदन देण्यात आले गेल्या 2 वर्षांपासून मराठा क्रांती मोर्चा समन्वयक रमेश आंब्रे यांच्या नेतृत्वाखाली ठाणे महानगरपालिकेच्या मुल्ला बाग टीएमटी डेपोला *छत्रपती शिवाजी महाराज* यांचे नाव देण्यात यावे, महानगरपालिकेतील राज्याभिषेक शिल्प सुव्यवस्थित करावे तसेच 3 हात नाका या जागेला *मराठा क्रांती चौक* हे नाव द्यावे यासाठी अनेक वेळा निवेदने देण्यात आली. परंतु ठाणे महानगरपालिके याकडे दुर्लक्ष करत असल्याने मराठा क्रांती मोर्चाच्या वतीने ठाणे महापालिकेसमोर आंदोलन करून निदर्शने करण्यात आले .येत्या काळात या मागण्या मान्य झाल्या नाहीत तर उग्र आंदोलन करण्यात येईल असा इशारा रमेश आंब्रे यांनी दिले

राष्ट्रवादी नगरसेवकाच्या मदतकार्याने तीनवर्ष बेपत्ता झालेली मुलगी शोधून आणली न्युज ठाणे : प्रतिनिधी दीपक कुरकुंदर ठाण्याच्या मुंब्रा परिसरात राहणाऱ्या ६५ वर्षीय वृद्धेच्या बेपत्ता झालेल्या ३१ वर्षीय मुलीला शोधण्यासाठी स्वखर्चाने राष्ट्रवादी कार्यकर्त्यांना दिल्लीत पाठवून तीनवर्षानंतर मुलीला शोधून काढली. शुक्रवारी तीला घेऊन राष्ट्रवादी कार्यकर्ते ठाण्यात दाखल झाले. तीन वर्षांपासून बेपत्ता मुलीला शोधण्यासाठी राष्ट्रवादी नगरसेवक अशरफ उर्फ शानू पठाण यांनी मोलाची मदत केली. ६५ वर्षीय वृद्ध सुगरा बी यांनी पठाण यांची कृतज्ञता आणि आभार व्यक्त केले. हरविलेल्या मुलगी सापडल्याने वृद्धेच्या चेहऱ्यावरील आनंद आणि अश्रुनी डबडबलेल्या डोळ्यांमध्ये दिसला. बेपत्ता झालेल्या जहेरा बी उर्फ चंदा हिला पाच वर्षाची मुलगी आहे. आई परत आल्याने पचवर्षाची चिमुकली आपल्या आईला बिलगली. मुंब्रा परिसरात राहणारी वृद्धा सुगरा बी (६५) रा.शिवाजी नगर, कब्रस्थानच्या मागे, मुंब्रा आपल्या ३१ वर्षीय मुलगी जहेरा बी उर्फ चंदा यांच्यासह चंदाची पाच वर्षाची मुलीसह राहत होती. तर चंदा ही मानसिक रोगी होती. तीन वर्षांपूर्वी ती अचानक घरातून बेपत्ता झाली. जहेरा बी उर्फ चंदा हीचा शोध घेण्यात आला. स्थानिक पोलीस ठाण्यात बेपत्ता झाल्याची नोंदही करण्यात आली. अनेक महिने शोध घेतल्यानंतर हताश होऊन नशिबाला कोसत वृद्धा सुगरा बी हिने हिम्मत हरली. तब्बल तीनवर्षानंतर सुगरा बी या वृद्धेला माहीती मिळाली. त्यांची बेपत्ता झालेली मुलगी जहेरा बी उर्फ चंदा हि जुनी दिल्ली येथील गुरुद्वारामध्ये आढळल्याची माहिती मिळाली. अन शोध घेऊन थकलेल्या सुगरा बी यांच्या आशा पल्लवित झाल्या. मात्र परिस्थिती हलाखीची दिल्ली सारख्या शहरात शोध घेणे हे खर्चिक बाब असल्याने पुन्हा सुगरा बी यांचे हातपाय गळाले. पण म्हणतात ना, "कोशिश कि कभी हार नही होती" या म्हणीची प्रचीती सुगरा बी या वृद्धेला आली. रमजानचा पवित्र महिना सुरु होता. त्याच वेळी वृद्धा राष्ट्रवादी नगरसेवक अशरफ उर्फ शानू पठाण यांच्याकडे गेली. शानू पठाण राष्ट्रवादीचे धडाडीचे आणि सेवाभावी कार्य करणारे आणि दानशूर वृत्तीचे नगरसेवक आहेत. वयोवृद्धांचा सन्मान करणाऱ्या पठाण यांच्याकडे गेलेल्या सुगरा बी यांचे म्हणणे नगरसेवक पठाण यांनी ऐकून घेतले. मुलगी जुन्या दिल्लीच्या गुरुद्वारा येथे दिसल

रामचंद्र नगर येथे रस्ता खचला ठाण्यातील रामचंद्र नगर येथील मुख्य रस्त्याचा काही भाग रात्री उशिरा खचला यामध्ये 2 चारचाकी व एक रिक्षा रस्त्याबरोबर खाली गेल्या.या रस्त्याच्या बाजूला नवीन इमारत बनवण्याचे काम सुरू असल्याने खोदकाम केल्याने हा रस्ता खचला आहे.यावेळी अग्निशमन दलाने घटनास्थळी येऊन रस्ताचा अर्धं भाग बंद केला आहे.

ठाण्यात सिग्नल खांब रस्त्यावर कोसळला ठाण्यातील नितीन कंपनी जंक्शन येथे सिग्नल खांब रस्त्यावर पडला दुपारची वेळ असल्याने रहदारी कमी असल्याने कोणतीही जीवितहानी झाली नाही.गेले कित्येक महिन्यांपासून या चौकात सिग्नल यंत्रणा बसवण्यात आले असून सुरू करण्यात आलेली नाही.अजून ही यंत्रणा सुरू देखील झालेली नसताना खांब पडल्याने या कामाबाबत प्रश्न चिन्ह निर्माण होत आहे .(व्हिडीओ:दीपक कुरकुंडे )

ठाण्यात टॉवर हालत असल्याने खळबळ ठाण्यातील स्टेशन रोडवरील पॅराडाईज हाईट हा टॉवर हालत असल्याच्या अफवेने एकच खळबळ उडाली होती या अफवेमुळे इमारत खाली करण्यात आली घटनास्थळी अग्निशमन दल पोहचले. नंतर ही अफवा असल्याचे स्पष्ट झाले. (व्हिडीओ : दीपक कुरकुंडे)

ठाणे एसटी आगारात होर्डिंग कोसळले ठाणे रेल्वे स्थानकासमोर असलेल्या एसटी बस डोपोत असलेले भले मोठे होर्डिंग अचानक कोसळले याठिकाणी मोठ्या प्रमाणात एसटी बस पकडण्यासाठी प्रवाशांची गर्दी असते परंतु होर्डिंग पडले तेव्हा खाली कोणीही नसल्याने सुदैवाने कोणतीही जीवितहानी झाली नाही.परंतु या घटनेनंतर पुन्हा एकदा होर्डिंगचा मुद्दा ऐरणीवर आला आहे.(व्हिडीओ:दीपक कुरकुंडे)

ठाण्यात पुन्हा गॅस पाईपलाईन फुटली ठाण्यातील कोरम मॉल येथे गॅस पाईपलाईन फुटल्याच्या घटनेला 5 दिवस होत नाही तर पुन्हा एकदा गोकुलनगर येथे पुन्हा खोदकाम सुरू असताना पाईलाईन फुटल्याने परिसरात एकच खळबळ उडाली यावेळी अग्निशमन दल घटनास्थळी पोहचून परिसर मोकळा केला तसेच वाहतूक दुसरीकडून वळवली.

पीएम नरेंद्र मोदी चित्रपट अखेर प्रदर्शित, युवा मोर्चा कार्यकर्त्यानी केला जल्लोष पराभवाच्या भीतीमुळे विरोधी पक्षाच्या वतीने निवडणूक आयोगाला केलेल्या तक्रारीवरून 5 एप्रिल रोजी प्रदर्शित होणार पीएम नरेंद्र मोदी हा चित्रपट प्रसिद्ध झाला नाही परंतु कालच झालेल्या लोकसभा निवडणुकीत भाजपाने पंतप्रधान नरेंद्र मोदी यांच्या नेतृत्वाखाली उज्वल यश मिळवल्यानंतर शुक्रवारी हा चित्रपट प्रदर्शित झाला आणि कार्यकर्त्यांच्या आनंदात अजूनच भर पडली .युवा मोर्चाच्या कार्यकर्त्यानी ठाण्यातील आनंद टॉकीज येथे टोल ताशाचा गजरात नाचत या चित्रपटाचा स्वागत केले.यावेळी युवा मोर्चा शहराध्यक्ष निलेश पाटील,उपाध्यक्ष निलेश कोळी आणि कार्यकर्ते यामध्ये सहभागी झाले होते