24/12/2025
प्रेस विज्ञप्ति
23 दिसेम्बर 2025
छुजाचेन निर्वाचन क्षेत्रको बिरिङ केराबारी सुन्दर सांगद्वारा आयोजित ७औँ संस्करण टेनिस बल T20 क्रिकेट प्रतियोगिता 2025–2026 को भव्य उद्घाटन समारोह अत्यन्तै हर्षोल्लास, उत्साह र उमङ्गका साथ ऐतिहासिक रूपमा सम्पन्न भयो।
खेलप्रेमी दर्शकहरूको उल्लेखनीय उपस्थितिले केराबारी क्षेत्र आज पूर्ण रूपमा खेलमय वातावरणले भरिएको देखिन्थ्यो।
उक्त उद्घाटन कार्यक्रममा माननीय मन्त्रीज्यूका ओएसडी श्री डम्बर कुमार प्रधान प्रमुख अतिथिको रूपमा तथा सीएलसी अध्यक्ष श्री प्रेम छोडेन लेप्चा विशिष्ट अतिथिको रूपमा गरिमामय उपस्थिती जनाउँदै कार्यक्रमको शोभा बढाउनुभयो। आफ्नो सम्बोधनमा अतिथिहरूले खेलकुद केवल मनोरञ्जनको माध्यम मात्र नभई युवाहरूलाई अनुशासन, नेतृत्व क्षमता, समयपालन र सकारात्मक सोचतर्फ उन्मुख गराउने महत्वपूर्ण साधन भएको बताउँदै आयोजक समितिलाई यस्तो निरन्तर र प्रशंसनीय पहलका लागि बधाई तथा शुभकामना व्यक्त गर्नुभयो।
उद्घाटन खेलका रूपमा सम्पन्न रेसिथाङ बनाम छेत्री ब्रदर्स बीचको रोमाञ्चक भिडन्त अत्यन्तै प्रतिस्पर्धात्मक रह्यो।
जसमा छेत्री ब्रदर्सले जित हासिल गरेको छ।
खेलाडीहरूको उत्कृष्ट प्रदर्शन, अनुशासित खेल र दर्शकहरूको उत्साहपूर्ण समर्थनले खेललाई अझ रोमाञ्चक बनायो। पहिलो खेलबाटै प्रतियोगिताले उच्च स्तरको खेल देखाउने संकेत दिएको छ।
स्वर्गीय लाल माया थापाको पुण्य स्मृतिमा आयोजना गरिएको यस प्रतियोगिताले केराबारी मात्र नभई सम्पूर्ण पाक्योङ जिल्लाका युवा खेलाडीहरूलाई एउटै मञ्चमा ल्याउँदै आपसी सद्भाव, भाइचारा र खेल भावना अभिवृद्धि गर्ने विश्वास लिइएको छ। यस किसिमका खेलकुद कार्यक्रमहरूले युवालाई गलत बाटोबाट टाढा राखी स्वस्थ, अनुशासित र जिम्मेवार नागरिक निर्माणमा महत्वपूर्ण भूमिका खेल्ने अपेक्षा गरिएको छ।
अन्त्यमा, यस सफल र भव्य कार्यक्रमको आयोजना सम्भव बनाउनु हुने आयोजक समिति, उपस्थित अतिथि महानुभावहरू, सहभागी सम्पूर्ण खेलाडीहरू, खेलप्रेमी दर्शकहरू तथा प्रत्यक्ष–अप्रत्यक्ष रूपमा सहयोग, मार्गदर्शन र योगदान दिनुहुने सम्पूर्ण महानुभावहरूलाई हार्दिक धन्यवाद तथा कृतज्ञता व्यक्त गर्दछौं। प्रतियोगिता सफलतापूर्वक सम्पन्न होस् भन्ने कामनासहित सबै टिमहरूलाई शुभकामना।
यादप प्रसाईं
प्रचार-प्रसार मामीला
20- छुजाचेन क्षेत्र
