ABnews

01/02/2025

त्रिमूर्ती प्रतिष्ठान, उपळाई रोड बार्शी यांच्या वतीने श्री गणेश जयंती निमित्त भव्य रक्तदान शिबीर व महाप्रसाद कार्यक्रम

01/02/2025

सरकारने काही मागण्या मान्य केल्या मुळे
#आंतरवली व #बार्शीतील #अमरण #उपोषण #मागे

सरकारने ८ पैकी ४ मागण्यांवर सकारात्मकता दाखवल्यामुळे आज सहाव्या दिवशी आंतरवलीतील सामूहिक आमरण उपोषण स्थगित करण्यात आले.

मान्य झालेल्या मागण्या
१. न्या.शिंदे समितीला कुणबी नोंदी शोधण्यासाठी १ वर्षाची मुदतवाढ देऊन कुणबी नोंदी शोधणार
२. हैद्राबाद गॅझेटिअर तपासून न्या. शिंदे समितीकडून अहवाल घेऊन त्यावर उचित कार्यवाही केली जाईल
३. मराठा आंदोलकांवर दाखल झालेले गुन्हे (गंभीर वगळता) मागे घेतले जाणार
४. कुणबी प्रमाणपत्र देण्यासाठी जिल्हा व तालुका स्थरावर स्थापन केलेले कक्ष सुरु करून त्यांना गती दिली जाईल

प्रलंबित व पुरवणी मागण्या
१. न्या. शिंदे समितीचे मंत्रालयातील कार्यालय बंद करण्यात आले आहे. ते तात्काळ सुरु करावे.
२. कुणबी प्रमाणपत्र वाटपातील किचकट अटी वगळाव्यात व जातीवादी अधिकाऱ्यांनी कर्तव्यात कसूर केला तर त्यांना बडतर्फ करावे
३. वंशावळ जुळवणारी समिती बंद आहे ती सुरु करावी. तसेच मोडी लिपी अभ्यासकांचे वेतन बंद केले होते. ते देऊन, वाचन सुरु ठेवावे
४. मराठा आंदोलकांवर दाखल केलेले गुन्हे सरसकट माघे घेण्यात यावेत
५. बाँबे, सातारा आणि औंध गॅझेटिअर देखील लागू करावे
६. EWS प्रवर्गातून प्रवेश घेतलेल्या मराठा विद्यार्थ्यांचे प्रवेश रद्द करण्यात येऊ नयेत
७. मराठा आरक्षणासाठी बलिदान दिलेल्या बांधवांच्या कुटुंबियांना आर्थिक मदत देण्यात यावी
८. सगेसोयरे अधिसूचनेची अंमलबजावणी करण्यात यावी

आज आंतरवलीतील सामूहिक उपोषण आंदोलन स्थगित करण्यात आले. पण मागण्या मान्य झाल्या नाहीत तर कोटींच्या संख्येत नियोजनबद्ध मुंबई दौरा होणार! असं आनंद काशीद यांनी उपोषण सोडते वेळी आव्हान केल

28/01/2025

डिजिटल मीडिया संपादक पत्रकार संघटना सावंतवाडी महाअधिवेश ना. नितेश राणे यांनी स्वागताध्यक्ष तर डॉ. अच्युत भोसले यांनी सह स्वागत अध्यक्ष पद स्वीकारले

*सावंतवाडी येथे ६ एप्रिल रोजी होणार महा अधिवेशन*

*अध्यक्ष राजा माने यांची घोषणा,सावंतवाडी येथील भोसले नॉलेज सिटी च्या प्रांगणात होणार भव्य महाधिवेशन*

*राज्याचे मुख्यमंत्री व दोन्ही उपमुख्यमंत्र्यांना अधिवेशनासाठी निमंत्रण*

सावंतवाडी /प्रतिनिधी

देशातील पहिल्या डिजिटल मीडिया संपादक पत्रकारांची संघटना असलेल्या डिजिटल मीडिया संपादक पत्रकार संघटनेचे तिसरे महा अधिवेशन सावंतवाडी (सिंधुदुर्ग) येथे भोसले नॉलेज सिटी च्या प्रांगणात ६ एप्रिल रोजी होणार असून राज्यातील विविध मान्यवरांच्या हस्ते या अधिवेशनाचे उद्घाटन होणार असून राज्याचे मुख्यमंत्री देवेंद्र फडणवीस ,उपमुख्यमंत्री एकनाथ शिंदे, उपमुख्यमंत्री अजितदादा पवार यांना या अधिवेशनासाठी निमंत्रित केले आहे. या अधिवेशनासाठी महाराष्ट्रातून ३ हजार हून अधिक संपादक पत्रकार उपस्थित राहणार असून या महा अधिवेशनाच्या स्वागताध्यक्षपदी सिंधुदुर्ग जिल्ह्याचे पालकमंत्री नितेश राणे तर सहस्वागत अध्यक्षपदी डॉ. अच्युत भोसले हे राहणार आहेत, या ऐतिहासिक तिसऱ्या महा अधिवेशनाच्या संयोजक पदाची जबाबदारी संघटनेचे कोकण विभाग अध्यक्ष सागर चव्हाण व सिंधुदुर्ग जिल्हाध्यक्ष भरत केसरकर यांच्यावर सोपवली असल्याची माहिती राजा माने यांनी सावंतवाडी येथे पत्रकार परिषदेत दिली.
या महाअधिवेशनासाठी राज्याचे उच्च व तंत्र शिक्षण मंत्री चंद्रकांत दादा पाटील, उद्योग भरत मंत्री उदय सामंत, रोजगार हमी योजना मंत्री भरतशेठ गोगावले ,आरोग्य मंत्री प्रकाश आबीटकर महाराष्ट्राचे माजी मुख्यमंत्री, माजी केंद्रीय मंत्री खासदार नारायण राणे,माजी मंत्री व सिंधुदुर्ग चे आमदार दीपक केसरकर यांना विशेष निमंत्रित करण्यात आले. यावेळी संघटनेचे अध्यक्ष राजा. माने साहेब, राज्य उपाध्यक्ष सतीश सावंत ,कोकण विभाग अध्यक्ष सागर चव्हाण , पश्चिम महाराष्ट्र अध्यक्ष विकास भोसले, राज्य कार्यकारणी सदस्य कुंदन हुलावळे, सिंधुदुर्ग जिल्हाध्यक्ष भरत केसरकर यांची उपस्थिती होती.
संघटनेचे यापूर्वी भिलार महाबळेश्वर व कनेरी मठ कोल्हापूर येथे महाअधिवेशन झाले होते सावंतवाडी येथे होणाऱ्या तिसऱ्या महाअधिवेशनाच्या निमित्ताने राज्यभरातील आठ विभागातील ज्येष्ठ पत्रकार संपादकांना जीवन गौरव पुरस्कार देऊन सन्मानित केले जाणार आहे. यासह मान्यवर व्यक्तींची प्रकट मुलाखत, डिजिटल मीडिया मधील मान्यवर व अनुभवी व्यक्तींचे मार्गदर्शन, परिसंवाद असे विविध कार्यक्रम होणार आहेत. राज्यभरातील डिजिटल मीडिया संपादक पत्रकार संघटनेच्या सभासदांनी या अधिवेशनासाठी ऑनलाइन पद्धतीने नोंदणी करावी असे आवाहन यावेळी अध्यक्ष राजा माने यांनी केले आहे.

23/01/2025

हिंदुहृदयसम्राट शिवसेनाप्रमुख बाळासाहेब ठाकरे यांच्या जयंतीचे औचित्य साधून युवासेना बार्शी शहर व तालुक्याच्या वतीने रक्तदान शिबिर आयोजित करण्यात आले होते...प्रारंभी शिवाजी कॉलेज परिसरात शिवसेनाप्रमुख बाळासाहेब ठाकरे यांच्या प्रतिमेचे पूजन आमदार दिलीपरावजी सोपल साहेब, पोलीस उपनिरीक्षक शेटे साहेब, उद्योजक नाना वाणी, ज्येष्ठ शिवसैनिक आबा पवार, मंगलताई पाटील, आबा गपाट, राजाभाऊ पाटील, सिनेट सदस्य उषा पवार,शिवसेना शहरप्रमुख दिनेश नाळे, युवतीसेना तालुकाप्रमुख रजनी पाटील, युवासेना उपजिल्हाप्रमुख हेमंत रामगुडे, जिल्हा चिटणीस दिपक तिवाडी, महिला आघाडीच्या कोकिळा जंगले, पिंटू नाईकवाडी, नवनाथ चोबे, अंबऋषी लोकरे, सुरेश मोरे, बापू जाधव,आनंद काशीद यांच्यासह अनेक मान्यवर उपस्थित होते ..
यावेळी बोलताना आमदार सोपल यांनी बाळासाहेब ठाकरे यांच्या विचारांवर तरुणांनी समाजकारण करावे असे सांगितले..शहरप्रमुख हर्षवर्धन पाटील यांनी तालुक्यातील तरुण, विद्यार्थी यांची अडचणी सोडवण्यासाठी युवासेना अग्रेसर राहील अशी ग्वाही दिली तर तालुका समन्वयक पांडुरंग घोलप यांनी बाळासाहेब ठाकरे यांना भारतरत्न देण्याची मागणी केली..
यावेळी ५१ रक्तदात्यानी रक्तदान करून बाळासाहेबांना अभिवादन केले..यावेळी परिसरातील
कार्यक्रम यशस्वी करण्यासाठी अजिंक्य बरांगुळे, किरण स्वामी, राहुल बुरसे, अर्जुन सोनावणे, दिपक कसबे, रणजित घुमरे, विजय घोंगडे, सुहास व्हळे, स्वराज क्षिरसागर यांचेसह शहर व तालुक्यातील युवासेना, युवतीसेना, शिवसेनेच्या पदाधिकारी यांनी परिश्रम घेतले..आभार तालुका प्रमुख अजय बादगुडे यांनी मानले

22/01/2025

उपमुख्यमंत्री एकनाथ शिंदे यांना*
सावंतवाडी महाअधिवेशनाचे निमंत्रण

डिजिटल मिडिया संपादक पत्रकार संघटनेचे तिसरे अधिवेशन.

मुंबई,दि;- डिजिटल मिडिया संपादक पत्रकार संघटना महाराष्ट्रच्या सिंधुदुर्ग जिल्ह्यातील सावंतवाडी येथील भोसले नॉलेज सिटी येथील नियोजित महाअधिवेशनाचे निमंत्रण उपमुख्यमंत्री एकनाथ शिंदे यांना काल रात्री निमंत्रण देण्यात आले.संस्थापक अध्यक्ष राजा माने यांच्या नेतृत्वाखाली ल संघटनेचे शिष्टमंडळ उपमुख्यमंत्री शिंदे यांना भेटले.शिष्टमंडळात राज्य उपाध्यक्ष सतीश सावंत, महेश चिवटे आदींचा समावेश होता.
शिष्टमंडळाने उपमुख्यमंत्री एकनाथ शिंदे यांना निमंत्रण पत्र दिले व संघटनेच्या वाटचालीची माहिती त्यांनां दिली.त्यांनी निमंत्रण स्वीकारले असून लवकरच तारीख निश्चित करण्याचा शब्द दिला.संघटनेच्यावतीने त्यांना श्रीविठ्ठल -रुक्मिणींची मूर्ती भेट देवून शुभेच्छा देण्यात आल्या.

21/01/2025

... अखेर #आरोग्य #मित्र #बेमुदत #संपावर जाणार

एकत्रित आयुष्यमान भारत आणि महात्मा ज्योतिराव फुले जनआरोग्य योजनेचे आरोग्य मित्र बेमुदत संपावर जाणार

AB news:- महाराष्ट्र आणि केंद्र शासनाच्या एकत्रित महात्मा फुले जन आरोग्य योजना व प्रधानमंत्री जन आरोग्य योजनेचे काम करणारे आरोग्य मित्रांच्या मागण्या पूर्ण न झाल्यामुळे महाराष्ट्रातील आरोग्य मित्र बेमुदास संपावर जाणार असल्याची माहिती डॉ. डी. एल. कराड यांनी दिली.

सी.आय.टी.यु. संलग्न असलेल्या आरोग्यमित्र कर्मचारी संघटनेने दिनांक 18 जानेवारी रोजी महाराष्ट्रभर बेमुदत काम बंद आंदोलनाचे पत्र प्रसारित केले. आरोग्य मित्र संघटनेचे अध्यक्ष डॉ.कराड यांच्या मार्गदर्शनाखाली महाराष्ट्र राज्याचे सेक्रेटरी किरण ढमढेरे यांनी एम. आर.टी.यू. आणि पी. यू. एल. पी. कायद्याचे कलम २४(१) मधील तरतुदीनुसार 12 फेब्रुवारीपासून राज्यातील सर्व जिल्ह्यातील आरोग्य मित्र बेमुदत संपावर जाणार असल्याची माहिती महाराष्ट्र राज्य आरोग्य मित्र कर्मचारी संघटनेचे अध्यक्ष डॉ. डी. एल. कराड यांनी दिली. राज्य आरोग्य हमी सोसायटीला आणि सहाय्य संस्थांना कायदेशीर २१ दिवसाची मुदत देण्यात आली आहे. या कालावधीत जर आरोग्य मित्रांच्या मागण्या मान्य न केल्यास आरोग्य मित्र महाराष्ट्रभर बे मदत काम बंद आंदोलन करणार आहेत.

या अगोदर २३ऑगस्ट २०२४ रोजी आरोग्यमित्र संघटनेने एक दिवसीय काम बंद आंदोलन केले होते. त्यावेळी महाराष्ट्रातील सर्व आरोग्य मित्र मुंबई एक दिवसीय आंदोलनासाठी गेले होते. त्यावेळी राज्य आरोग्य आम्ही सोसायटी आणि सहाय्य संस्था व आरोग्य मित्र कर्मचारी संघटनेमध्ये एक बैठक झाली. या बैठकीमध्ये आरोग्य मित्राची पगार वाढ आणि इतर समस्यांची चर्चा झाली. सर्व चर्चा सकारात्मक झाली. राज्य आरोग्य आम्ही सोसायटीने सांगितले की आचारसंहितेपूर्वी आरोग्य मित्रांच्या सर्व मागणी पूर्ण करू. तसेच बैठकीतील प्रमुख मुद्द्यांचे इतिवृत्त सुद्धा आरोग्य मित्र कर्मचारी संघटनेला देण्यात आले होते. आचारसंहिता संपून गेली नवीन सरकारचे देखील स्थापना झाली. तरी देखील राज्य आरोग्य हमी सोसायटीने आरोग्य मित्रांच्या मागण्याचा विचार केला नाही.

२२ डिसेंबर २०२४ रोजी आरोग्य मित्र कर्मचारी संघटनेचे नाशिक येथील सिटी भावनात एक दिवसीय अधिवेशन पार पडले. या अधिवेशनात आरोग्य मित्रांच्या मागण्या पूर्ण न झाल्यास काम बंद आंदोलन करण्याचा निर्णय घेण्यात आला होता. तसेच या अधिवेशनामध्ये महाराष्ट्र राज्याचे नूतन आरोग्य मंत्री प्रकाश आबिटकर आणि राज्य आरोग्य हमी सोसायटीला पुन्हा पत्र व्यवहार करून आरोग्य मित्रांच्या मागण्यासाठी बैठकीची वेळेची मागणी केली. परंतु बैठकीसाठी कोणताही निरोप न आल्यामुळे आज दिनांक १८ जानेवारी २०२५ रोजी एम. आर. टी. यू आणि पी. यू. एल. पी. कायद्याच्या कलम २४(१) मधील तरतूदीनुसार 12 फेब्रुवारीपासून राज्यातील सर्व जिल्ह्यातील आरोग्य मित्र बेमुदत संपावर जाणार असल्याची माहिती महाराष्ट्र राज्य आरोग्य मित्र कर्मचारी संघटनेचे अध्यक्ष डॉ. डी. एल. कराड यांनी दिली.

आरोग्य मित्राच्या मागण्या खालील प्रमाणे
१) आरोग्य मित्रांना किमान वेतन कायद्यानुसार २६०००/- स्पेशल अलाउन्स तथा महागाई भत्ता मिळावा.

२) दरवर्षी वेतन दहा टक्के पगार वाढ व्हावी

३) आरोग्य मित्रांना पेट्रोल अलाउन्स देण्यात यावा.

४) आरोग्यमित्रांना कायदेशीर रजा देण्यात यावे.

५) आरोग्यमित्राचे बदलीचे धोरण रद्द करावे.

६) आरोग्य मित्र रमेश पंडित बसणे आणि गणेश अशोक शिंदे यांना पुन्हा कामावर रुजू करावे.
७) आरोग्य मित्रांना सहाय्य संस्थेने पाच वर्षापेक्षा जास्त नोकरी होऊ नये उपदान दिले नाही ते देण्यात यावे.

20/01/2025

नगरपालिका शिक्षण मंडळ बार्शी आयोजित आंतरशालेय क्रीडा स्पर्धा 2024 - 25 उद्घाटन सोहळा... Live

कार्यक्रमाचे अध्यक्ष :- अनिल बनसोडे, प्रशासन अधिकारी - नगरपालिका शिक्षण मंडळ, बार्शी.

प्रमुख पाहुणे :- प्रा. दिवाकर कांबळे
संजय पाटील, माजी पर्यवेक्षक
सुरेश शिंदे, पर्यवेक्षक
नागनाथ देवकते, मुख्याध्यापक - मॉडेल हायस्कुल, बार्शी
मुख्याध्यापक - श्री. शेरे

आयोजक - मॉडेल हायस्कुल, बार्शी

19/01/2025

डिजिटल मीडिया संपादक पत्रकार संघटनेची बार्शी तालुका कार्यकारिणी जाहीर : तालुकाध्यक्षपदी धिरज शेळके उपाध्यक्षपदी भैरवनाथ चौधरी व अभिजीत शिंदे तर सचिव पदी गणेश शिंदे यांची नियुक्ती

AB news : बार्शी
महाराष्ट्र, गोवा आणि कर्नाटक राज्यामध्ये डिजिटल पत्रकारिता क्षेत्रामधील संपादक व पत्रकारांना न्याय व हक्क मिळवून देण्यासाठी कार्य करणारी डिजिटल मीडिया संपादक पत्रकार संघटना महाराष्ट्र राज्य या संघटनेची बार्शी तालुका कार्यकारणी नुकतीच जाहीर झाली.

संघटनेचे संस्थापक अध्यक्ष, ज्येष्ठ संपादक राजा माने यांच्या आदेशानुसार बार्शी तालुका कार्यकारिणीची निवड करण्यात आली. बार्शी तालुका अध्यक्ष पदी धिरज शेळके, ग्रामीण तालुका उपाध्यक्ष पदी भैरवनाथ चौधरी, शहर उपाध्यक्ष पदी अभिजीत शिंदे, सचिव पदी गणेश शिंदे, खजिनदार पदी किरण माने, संघटक पदी गोविंद भिसे, संपर्कप्रमुख पदी संतोष राजगुरु तर महिला आघाडी तालुका उपाध्यक्ष पदी वैशाली ढगे यांची नियुक्ती करण्यात आली. तसेच अजय पाटील यांची राज्य कार्यकारिणी सदस्य पदी, विजय कोरे यांची पश्चिम महाराष्ट्र सहसचिव पदी तर दिनेश मिटकरी यांची सोलापूर जिल्हा उपाध्यक्ष पदी निवड नियुक्ती करण्यात आली.

यावेळी संघटनेचे राज्य उपाध्यक्ष सतीश सावंत, राज्य संघटक मुरलीधर चव्हाण, राज्य कोषाध्यक्ष अमित इंगोले, राज्य कार्यकारिणी सदस्य संतोष सूर्यवंशी यांच्या शुभहस्ते सर्व नवनियुक्त पदाधिकाऱ्यांना नियुक्तीपत्र देऊन त्यांचा सन्मान करण्यात आला. याप्रसंगी बार्शी कार्यकारिणी सदस्य अक्षय बारंगुळे, राहुल भालशंकर, दत्तात्रय गुरव, विश्वास वीर, प्रतिज्ञा वाळके आधी उपस्थित होते.

संघटनेचे संस्थापक अध्यक्ष राजा माने यांच्या मार्गदर्शनाखाली डिजिटल मीडिया संपादक पत्रकार संघटना राज्यातील सर्वच प्लॅटफॉर्मवरील संपादक व पत्रकारांना न्याय व हक्क मिळवून देण्यासाठी तसेच पत्रकारांच्या कुटुंबीयांना शिक्षण, आरोग्य व संरक्षण देण्याच्या बाबतीमध्ये कटिबद्ध असून, सध्या महाराष्ट्र गोवा आणि कर्नाटक राज्यामध्ये चालू असलेले संघटनेचे कार्य लवकरच देशव्यापी होणार असल्याचे राज्य उपाध्यक्ष सतीश सावंत यांनी आपल्या शुभेच्छा पर मनोगतात म्हटले. तसेच डिजिटल मीडिया संपादक पत्रकार संघटनेचे तिसरे महाधिवेशन सिंधुदुर्ग जिल्ह्यातील सावंतवाडी येथे अनेक दिग्गज मान्यवरांच्या उपस्थितीमध्ये लवकरच होणार असल्याची घोषणा यावेळी राज्य संघटक मुरलीधर चव्हाण यांनी केली. याप्रसंगी उपस्थित राज्य कोषाध्यक्ष अमित इंगोले व राज्य कार्यकारिणी सदस्य संतोष सूर्यवंशी यांनी देखील सर्व नवनियुक्त पदाधिकाऱ्यांना शुभेच्छा देऊन अभिनंदन केले.

19/01/2025

आमचे गुरू हिंदवी समाचारचे संपादक #धीरज_शेळके सर यांची डिजिटल मीडिया संघटनेच्या बार्शी #तालुका_अध्यक्षपदी निवड झाल्याबद्दल अभिनंदन

18/01/2025

#कर्मवीर डॉ. #मामासाहेब #जगदाळे यांच्या 122 व्या #जयंती निमित्त 122 मोफत #ऑजिओग्राफी व #ऑजिओप्लास्टी शिबीर

17/01/2025

16/01/2025

सोलापूर जिल्हा पॉवरलिफ्टिंग निवड चाचणीस्पर्धा संपन्न स्पर्धेमध्ये बी.पी. सुलाखे कॉमर्स कॉलेजमधील सौरभ सुधीर जाधव बी.कॉम. भाग 1 मधील खेळाडू द्वितीय

AB News : छत्रपती शिवाजी नाईट कॉलेज आणि सोलापूर जिल्हा पॉवरलिफ्टिंग असोसिएशन यांच्या संयुक्त विद्यमाने रविवारी (दि. १२) सकाळी छत्रपती शिवाजी नाईट कॉलेजमध्ये निवड चाचणी स्पर्धा संपन्न. सबज्युनिअर १२ ते १८ वर्षे वयोगट, ज्युनियर गट १९ ते २३ वयोगट, सीनियर गट १२ ते ४० वयोगट त्याचबरोबर वरिष्ठ नागरिक ४० ते ८० वयोगटांत या स्पर्धेमध्ये बालकापासून सीनियर सिटीझनपर्यंत सर्वजण या स्पर्धेत भाग घेतला होता. पॉवरलिफ्टिंग या खेळ प्रकारात स्कॉट, बेंच प्रेस आणि डेट लिफ्ट या तिन्ही प्रकारांमध्ये मिळून स्पर्धा होती. सर्व खेळाडूंना प्रमाणपत्र देऊन गौरवण्यात आले. प्रावीण्य प्राप्त पॉवरलिफ्टर यांना मेडल देऊन गौरविण्यात आले. पदक प्राप्त खेळाडूंची राज्यस्तरीय स्पर्धेसाठी निवड केली .
स्पर्धेमध्ये बी.पी. सुलाखे कॉमर्स कॉलेजमधील सौरभ सुधीर जाधव बी.कॉम. भाग 1 मधील खेळाडू द्वितीय क्रमांक 66 किलो वजन गटांमध्ये पटकावला यशाबद्दल महाविद्यालयाचे प्राचार्य डॉ. संजय करंडे श्री. शिवाजी शिक्षण प्रसारक मंडळ अध्यक्ष डॉ. बी. वाय. यादव ,मा.श्री उपाध्यक्ष नंदन जगदाळे ,जनरल सेक्रेटरी मा. श्री प्रकाश पाटील , सहसचिव श्री अरुण देवडवार व खजिनदार मा.बापूसाहेब शितोळे तसेच सर्व संस्था पदाधिकारी व सदस्य यांनी अभिनंदन केले तसेच पुढील होणाऱ्या आखिल भारतीय स्पर्धेसाठी शुभेच्छा दिल्या, महाविद्यालयाचे शारीरिक शिक्षण संचालक डॉ.दत्तप्रसाद प्रेमलता मनोहर सोनटक्के यांचे मार्गदर्शन लाभले.

16/01/2025

Breaking News :- बार्शीमध्ये 6 बांगलादेशी नागरिक शहर पोलिसांच्या ताब्यात...

AB news : बार्शी,
भारतामध्ये राहण्यासाठी कोणत्याही प्रकारची रीतसर कायदेशीर परवानगी न घेता, बांगलादेशातील 6 नागरिक बार्शी शहरातील पंकज नगर भागामध्ये रहात असल्याचे बार्शी पोलिसांना कळताच, बार्शी शहर पोलीस स्टेशनचे पोलीस निरीक्षक बालाजी कुकडे यांच्या नेतृत्वाखाली बार्शी शहर पोलिसांनी त्यांना ताब्यात घेऊन त्यांच्यावर मोठी कारवाई केली आहे.

माननीय पोलीस अधीक्षक अतुल कुलकर्णी, अपर पोलीस अधीक्षक प्रीतम यावलकर व बार्शी उपविभागीय पोलीस अधिकारी जालिंदर नालकुल यांच्या मार्गदर्शन व सूचनानुसार दहशतवाद विरोधी पथक सोलापूर, दहशतवाद विरोधी शाखा सोलापूर ग्रामीण व बार्शी शहर पोलीस ठाणे येथील अधिकारी व अंमलदार यांनी संयुक्त रित्या कारवाई करून बार्शी शहरात बेकायदेशीर रित्या राहत असलेले सहा बांगलादेशी नागरिक (2 पुरुष व 4 महिला) तब्यात घेऊन बार्शी शहर पोलीस ठाण्यात गुन्हा नोंद केला आहे. पुढील तपास बार्शी शहर पोलीस ठाण्याचे पोलीस उपनिरीक्षक उमाकांत कुंजिर हे करत आहेत.

16/01/2025

'तो #वाघ' वनविभागाच्या #टप्प्यात?

गेल्या दिड महिन्यांपासून येडशी अभयारण्यात असलेल्या वाघाने काल रात्री घाटंग्री परिसरातील एका शेतकऱ्याची गाईची शिकार करून जंगलाच्या दिशेने ओढत घेऊन गेला. ही घटना सीसीटीव्ही कमेऱ्यात कैद झाली असून वाघाच्या शोधात धाराशिव जिल्ह्यातील वनविभागाची टीम त्यांच्या वरिष्ठांच्या मार्गदर्शनाखाली सतर्क असून काल संध्याकाळी त्यांनी लावलेल्या कमेऱ्याच्या कैदेत वाघ झाला आहे.

#वाघ #बार्शी

11/01/2025

धनाप्पा शेटे यांची बार्शी शहर पोलीस स्टेशन येथे पोलीस उपनिरीक्षक पदी पदोन्नती...

AB news : बार्शी,
गेल्या अनेक वर्षांपासून पोलीस सेवेमध्ये कार्यरत असलेले बार्शीतील धनाप्पा शेटे यांची बार्शी शहर पोलीस स्टेशन येथे पोलीस उपनिरीक्षक पदी पदोन्नती झाली आहे. गेल्या दोन वर्षांमध्ये धनाप्पा शेट्टी यांच्या माध्यमातून बार्शी शहरातील वाहतूक शाखा अतिशय शिस्त व नियोजनबद्ध कार्यरत होती. मोठी बाजारपेठ असलेल्या गर्दीच्या ठिकाणी वाहतूक व सुरक्षा व्यवस्था आबादी ठेवण्यासाठी धनाप्पा शेटे यांनी अतिशय कौतुकास्पद कार्य केले आहे.

त्यांच्या या पदोन्नती बद्दल सोलापूर ग्रामीण चे पोलीस अधीक्षक अतुल कुलकर्णी, बार्शी उपविभागीय पोलीस अधिकारी जालिंदर नालकुल, बार्शी शहर पोलीस स्टेशन चे पोलीस निरीक्षक बालाजी कुकडे तसेच बार्शी शहर व तालुक्यातील विविध क्षेत्रातील पदाधिकारी, मान्यवर व नागरिकांच्या वतीने, त्यांचे अभिनंदन करू पुढील वाटचालीस शुभेच्छा दिल्या जात आहेत.

10/01/2025

बार्शीतील वराह मृत्यूची दखल थेट दिल्लीतून...
'त्या' वराहांचा मृत्यू असाध्य रोगानेच!
बार्शी नगरपरिषदेच्या गांभीर्यपूर्वक कारवाईमुळे भारतात 'त्या' रोगाचे संक्रमण झाल्याचे निष्पन्न

AB news: बार्शी,
काही दिवसांपूर्वी शहरातील सुभाष नगर स्थित भिसे प्लॉट परिसरामध्ये काही अज्ञात कारणामुळे वराह (डुक्कर) प्रजातीचे अनेक प्राणी अचानकपणे मृत झाल्यामुळे बार्शी नगर परिषदेकडून तात्काळ परिसरातील सर्व वराह मृतदेहांची विल्हेवाट लावण्यात आली होती. तसेच या वराहांच्या अचानक मृत्यूचे कारण समजण्यासाठी सदर मृतदेहांचे नमुने भोपाळच्या 'राष्ट्रीय उच्च सुरक्षा पशुरोग संस्थान' (National Institute of High Security Animal Diseases (NIHSAD) Bhopal) या प्रयोगशाळेत पाठविण्यात आले होते.

सदर प्रयोगशाळेकडून मिळालेल्या अहवालानुसार त्या वराहांचा मृत्यू 'आफ्रिकन स्वाईन फीवर' या लस व उपचार उपलब्ध नसलेल्या असाध्य रोगामुळेच झाले असल्याचे निष्पन्न झाले आहे. तसेच या प्रयोगशाळेकडून राष्ट्रीय पशुसंवर्धन आणि दुग्ध व्यवसाय विभाग, महाराष्ट्र सरकार, नवी दिल्ली यांना पत्राद्वारे या असाध्य रोगाबाबत कळविण्यात आले आहे. त्यानुसार भारत सरकार द्वारा तयार केलेल्या 'आफ्रिकन स्वाइन फीवर' या वराह प्रजातीतील रोगाच्या प्रादुर्भावाबाबत राष्ट्रीय कृती आराखड्यानुसार मार्गदर्शक सूचना प्रसारित करण्यात आलेल्या आहेत.

#सोलापूर चे जिल्हाधिकारी कुमार आशीर्वाद यांनी देखील त्यांच्या विशेष अधिकाराचा उपयोग करीत बार्शीतील वराह मृत्यू बाबत आलेल्या मार्गदर्शक सूचनानुसार कार्यवाही करण्याचे विशेष आदेश काढले असून त्यानुसार बार्शी नगरपरिषदेकडून तात्काळ कार्यवाही करत बाधित वराहांच्या मालकांना विश्वासात घेऊन संबंधित वराहांची शास्त्रीय पद्धतीने विल्हेवाट देखील लावण्यात आली आहे.

'आफ्रिकन स्वाइन फीवर' हा रोग केवळ वराह प्रजातीतील प्राण्यांमध्ये संक्रमित होत असून याचा प्रादुर्भाव इतर कोणत्याही प्रजातीच्या प्राण्यांना किंवा मनुष्यास होत नाही. त्यामुळे नागरिकांनी याबाबत घाबरण्याचे कोणतेही कारण नसल्याचे बार्शी नगरपरिषद आरोग्य विभाग प्रमुख शब्बीर वस्ताद यांनी सांगितले.

या वराह मृत्यूंचे गांभीर्य लक्षात घेऊन तात्काळ कार्यवाही करत बार्शी नगरपरिषदेने कर्तव्यदक्षतेचे एक उदाहरण स्थापित केले आहे. बार्शी नगरपरिषदेच्या तात्काळ कार्यवाहीमुळेच 'आफ्रिकन स्वाइन फीवर'चे भारतात संक्रमण झाले असल्याचे निष्पन्न झाले आहे. तसेच या रोगाच्या प्रादुर्भावाबाबत कारवाई करण्याचे आदेश सर्व राज्यांना देण्यात आले आहेत. त्यामुळे बार्शी नगर परिषदेचे मुख्याधिकारी बाळासाहेब चव्हाण, आरोग्य विभाग प्रमुख शब्बीर वस्ताद व आरोग्य विभागाची संपूर्ण टीम यांचे सर्व स्तरातून कौतुक होत आहे.

07/01/2025

व्हॉईस ऑफ मीडिया बार्शीच्या वतीने आचार्य बाळशास्त्री जांभेकर जयंतीनिमित्त ज्येष्ठ पत्रकारांचा सन्मान

बार्शी : ६ जानेवारी मराठी वृत्तपत्रसृष्टीचे जनक आचार्य बाळशास्त्री जांभेकर यांच्या जयंतीनिमित्त व्हॉईस ऑफ मीडिया बार्शी शहर व तालुक्याच्या वतीने ज्येष्ठ पत्रकारांचा सन्मान सोहळा संपन्न झाला. कार्यक्रमात पत्रकारितेच्या क्षेत्रात उल्लेखनीय योगदान देणाऱ्या ज्येष्ठ पत्रकारांचा सत्कार करण्यात आला.

कार्यक्रमाची सुरुवात आचार्य बाळशास्त्री जांभेकर यांच्या प्रतिमेचे पूजन व पुष्पहार अर्पण करून करण्यात आली. यावेळी प्रमुख पाहुणे म्हणून बार्शी शहर चे पोलीस निरीक्षक बालाजी कुकडे, तालुकाचे सहाय्यक पोलीस निरीक्षक दिलीप ढेरे, व्हॉईस ऑफ मीडियाचे राज्य उपाध्यक्ष अजित कुंकूलोळ, डिजीटल विंगचे प्रदेशअध्यक्ष हर्षद लोहार, राज्यसचिव इर्शाद शेख, वैद्यकिय अधिकारी शितल बोपलकर, ज्येष्ठ पत्रकार एन.आर.कुलकर्णी, अरुण बळप, बा.न.पा.चे माजी मुख्याध्याकारी बप्पा पाटील, साप्ताहिक विंगचे सोलापूर जिल्हाध्यक्ष अमोल आजबे, शहर अध्यक्ष शाम थोरात, तालुका अध्यक्ष अस्लम काझी हे व्यासपीठावर उपस्थित होते.

ज्येष्ठ पत्रकार श्रीमती वैजयंती शंकर भिसे, रमेश रामराव गायकवाड, प्रशांत काळे, संजय बोकफोडे, आनंद डुरे यांना सन्मानचिन्ह,शाल,श्रीफळ देऊन सन्मान करण्यात आला.

सन्मानित पत्रकारांनी आपल्या भाषणातून पत्रकारितेच्या मूलभूत तत्त्वांचा व महत्त्वाचा आवर्जून उल्लेख केला. त्यांनी तरुण पत्रकारांना मार्गदर्शन करताना सत्य आणि निर्भीड पत्रकारितेचा आग्रह धरला.

सूत्रसंचालन साप्ताहिक विंगचे पश्चिम महाराष्ट्र संघटक संदीप आलाट यांनी केले तर आभार शहर सचिव निलेश झिंगाडे यांनी मानले.

कार्यक्रम यशस्वीतेसाठी व्हॉईस ऑफ मीडिया बार्शीचे विजय शिंगाडे, मयुर थोरात, ओंकार हिंगमिरे, समाधान चव्हान, प्रदिप माळी, मल्लिकार्जुन धारूरकर, प्रविण पावले, जमीर कुरेशी, उमेश काळे, कु.अपर्णा दळवी, गोविंद भिसे, विक्रांत पवार, भूषण देवकर, श्रीशैल्य माळी, सौ.संगीता पवार, सौ.सुवर्णा शिवपुरे, स्वप्निल पवार, निलेश उबाळे, सुशेन डमरे, राहुल भालशंकर, राहुल गुरव, मुजम्मिल कौठाळकर, सागर गरड, संजय बोकेफोडे, संतोष राजगुरू, आसिफ मुलानी, अजीम शेख, गणेश अडसूळ यांनी परिश्रम घेतले.

बार्शी शहरातील विविध क्षेत्रांतील मान्यवरांनी या सोहळ्याला उपस्थिती लावली.

पत्रकारितेचा हा सन्मान नव्या पिढीला प्रेरणा देईल, असा विश्वास आयोजकांनी व्यक्त केला.

07/01/2025

KDM डिजिटल सेवा केंद्राच्या वतीने बार्शी शहर व तालुक्यातील पत्रकारांसाठी अनोखा उपक्रम...

AB mews : बार्शी,
किरण माने यांच्या KDM डिजिटल सेवा केंद्राच्या वतीने बार्शी शहर व तालुक्यातील पत्रकार बांधव व त्यांच्या कुटुंबीयांसाठी नूतन मतदान ऑनलाइन नोंदणी व डिजिटल मतदान कार्ड काढण्यासाठी मोफत सेवा देण्याचे घोषित केले आहे.

KDM डिजिटल सेवा केंदाच्या माध्यमातून वेगवेगळी ऑनलाइन कामे कमी खर्चामध्ये व तात्काळ करून दिले जातात. तालुक्यातील पत्रकारांच्या सेवेसाठी राबविण्यात आलेला हा उपक्रम अनोखा असल्यामुळे, बार्शी शहर व तालुक्यातुन किरण माने यांचे अभिनंदन केले जात आहे.

तरी वरील सवलतीचा जास्तीत जास्त पत्रकार बांधवांनी लाभ घेण्याचे आवाहन KDM डिजिटल सेवा केंद्राचे संचालक किरण माने यांनी केले आहे.